යහ පාළණයද..? යම පාළණයද..? - Good Governance and Bad Governance

 

අප්පච්චි මලා කිව්වාට අප්පච්චි මැරිලා නැතිය. ආසියාවේ ආස්චැර්ය වැහි වැහැලා දොරේ ගලා ගිය මේ රටේ, මළ උන් අවදීවම පුදුම උපදවන කාරණයක් නොවිය යුත්තේය. සමහර විට, මහා මුනි, විජිතමුනි කිව්වා වාගේ, ඇත්තටම මැරෙන්නත් ඇතිය. ඒත් මේ රටේ උන් මළවුන්ගෙන වැඩ ගන්නා හැටිද හොඳින් දනි. මළ ගිය ප්‍රානින් ගෙන්වා දෙන තැන්ද, මළගිය ප්‍රානින්ගෙන් අනවින කොඩිවින කරනා තැන් මෙන්ම, මළ ගිය ප්‍රානියා ගෙනවා කතා බහේ යෙදෙන තැන්ද, මළවුන් බැඳගෙන වැඩ ගන්නා උන්ගෙන්ද, අම්මට සිරි ලංකාවේ කිසිම අඩුවක් නැතිය.

මේ රට පාළණය කරලා තියෙන්නේ රජෙක් නෙමේය. යමයෙක්ය. තිබිලා තියෙන්නේ යම පාළණයක්ය. යමයා හා හැපෙන්න ගිය ප්‍රභාටත් කෙලවෙලාම යන්නේ, යමයා ප්‍රභාටත් වඩා බලවත් නිසාය. රට පාළණය කළේ යමයා බව අවභෝධ කරගෙන උන්නේ ඉතා සුළු පිරිසකි. එහෙත් කන්න තියෙන බත් පතට පවා යමයා හා යමපල්ලෝ කෙලිනා බව වැටහී ගිය කළ, දෙවියෙක් සේ වෙස්වලාගෙන බබා හුකුං පාට දාන්නේ, දෙවියකු නොව යමයකු බව වැටහී ගියේය.

මේ රටේ තිබුනේ කොතරම් අමානුෂික, මිනීමරු, කොල්ලකාරි, පජාත පාළණයක්ද කියා, ඊයේ වසන්ත සමරසිංහ විසින් හෙලිකරනා ළද හෙලිදරව්වෙන් ඉතා පැහැදිලිව පෙනෙන්නේය. පසු ගිය රජය පැවති සමයේ රුසියන් තානාපතිවරයා හැසිරුන ආකාරය ආන්ඩුවට පොඩි හෝ සම්බන්ධතාවයක් ඇති සියල්ලෝම දන්නා කාරනයකි. අළුතෙන් ඉඳිවන රුසියානු තානාපති කාර්යාලය ඉඳිවන භූමිය අත්පත් කර ගත් ආකාරය ඇඟ කිලිපොලා යන සුළුය. 

එම ඉඩම ආන්ඩුව විසින් බලහත්කාරයෙන් අත්පත් කරගෙන ඇත. උසාවියෙන් අයිතිකරුට සාධාරණය ඉටු වී ඇති අතර, එහි කිසිඳි ඉඳිකිරීමක් නොකරන ලෙස උසාවි නියෝගයක් ලැබී ඇත. එහෙත් පැවතියේ නඩුත් හාන්දුරුවනේ, බඩුත් හාන්දුරුවනේ නේද අපේ හාන්දුරුවනේ ආන්ඩුවක්ය. උන්ට උසාවි නියෝග වලින් කම් නැත. සියල්ල මහ රජුට අයිතිය. සන්නස් පිරි නමා තිබෙනුයේ ඒ මානසිකත්වයෙනි. 

කෙසේ හෝ ඉඳිකිරීම් වලට ගේම ඇද්ද ඉඩම් හිමි කරුට, යම් කිසි ස්ථානයකට පැමිණෙන ලෙස දුරකථන ඇමතුමක් ලැබේ. එම ස්ථානයට ගමන් කළ ඉඩම් හිමි කරුට වාහනය තුල සිටියදීම එල්ල වන්නේ, T 56 අවිවලින් එල්ල කරන ළද වෙඩි වරුසාවකි. වෙලේ සුදාට එරෙහිවූ පොලීසියේ උසස් නිළධාරියා නැගෙනහිර පළාතට මාරු කිරීමෙන් නොනැවති, මඩකළපුවේ පොලිස් බැරැක්කයක් තුලදීම මරා දමන්නේත් මේ ආකාරයටමය. එමෙන්ම කොළොන්නාවේ රාජ්‍ය අනුග්‍රහයෙන් පවත්වාගෙන ගිය කුඩු මාෆියාවට එරෙහිව ක්‍රියා කල නිර්භීත පොලිස් නිළදරුවා, කුඩු බිස්නස් කළා යැයි කියමින් සිරගත කරන්නේත් එම යම පාළණයෙන්මය.

අද මේ ඉඩම් මංකොල්ලයට විරුද්ධව ඉදිරියට එන්නේ එම ඉඩමේ හිමිකරුගේ දරුවන්ය. අද ඔවුනට ඉඩම මෙන්ම තම පියාද නැත. මෙහිදි අප සලකා බැලිය යුතු වැදගත් කරුණක් ඇත. එනම් ඔවුන් තම අසාධාරණය ඉදිරිපත් කරන්නේ නව රජයට නොවේ. ඔවුන් එය ඉතිරිපත් කරන්නේ ජෙප්පන්ටය. ඒ ඇයි..? ඉතාම වැදගත් කරුණ මෙයයි. ඒනම් ඔවුනට මේ ආන්ඩුව කෙරේද කිසිම විශ්වාසයක් නොමැති බව නොවේද?

බහුතරයක් නොමැති මේ ආන්ඩුව රැකගැනීමට ඕනෑම පජාත වැඩක් කිරීමට වත්මන් රජයට කිසිඳු විලි ලැජ්ජාවක් නැත්තේය. වෙලේ සුදා සමඟ සම්බන්ඳත පැවත්වූ බවට CCTV සාක්ෂි පවා තිබියදි, කුඩු දුමියා එලියේ සිටින්නේ ඒ හේතුවෙනි. ආන්ඩුවට විරුද්ධව මරි මෝඩ සිංහල ජනතාවගේ ලේ කුපිත කරවන රජගෙදර රිලවාට එරෙහිව ක්‍රියාත්මක නොවන්නේද, චෝදනා එල්ලකිරීමෙන් ඔහු නිහඬ කර ගත හැකියයි කියා සිතනා නිසාය. රිලවා රිලා නැටුම් පෙන්වන්නට එන්නේ නැති බව ඇත්තය. එහෙත් ඌගේ පක්ෂයේ මූසල් මෝල් මාද්දිය ප්‍රකාසොකයා, ජනමාද්දිය නිදහස එකසිය ගනනින් බුක්ති විඳිමින්, පැය 24 තුලම කරන්නේ සිහළ බෞද්ධ ජාතිවාදය වැපිරීමයි.

ඒ මදිවාට අද දින "අද" පත්තරයේ හෙඩිම දකිනා විට, මේ ආන්ඩුව කෙරේ ඇතිවන්නේ පිලිකුලකි. එනම්, යම පාළණය තුල උන් මැති ඇමතිවරුන්ටද තවමත් වාහන දෙක බැගින්, ජනාධිපතිගේ ලේඛමා විසින් නිකුත් කළ චක්‍රලේඛයක් මගින් මුදා හැර ඇති බවයි. මෙහෙම ආන්ඩු කිරිල්ල කප්පම් ගෙවමින් බිස්නස් එකක් ගෙනියනවා වාගේ වැඩකි. අල්විස් කොමිසමට දිනපතා එන දූෂණ චෝදනා හා හොරකම් ගැන අද වන තෙක් ගත් එකඳු ක්‍රියා මාර්ගයක් නැත. වාහන දෙකක් දෙන උන් කවදාවත් මෙවාට එරෙහිව නීතිය ක්‍රියාත්මක නොකරනු ඇත.

මේ ගොන් අලින්ට මේවායේ රඟ තේරෙනුයේ අලි පුක බිම ඇනුන දාටය. මන්ද මේ වාහන චෝදනාවට පිළිතුරු දුන් වත්මන් ආන්ඩුවේ රෙදි අපුල්ලන්නා වන, රාජිත සෙනාරත්න කිසි හිරිකිතයක් නැතිව මේ සියල්ල සාධාරනැයි කියමින් කතා කරනා නිසාය.

අලියනි ඔබට "අබ සරණ" උදාවූයේ නැත. යමයන්, මල පෙරේතයන් හා කුම්බාන්ඩයන් නැවතත් මේ රට පාළණය කිරීම නවත්වා ගැනීමට තවමත් ඔබට ඉඩ ප්‍රස්ථාව ඇත.. කොඩිවිනය වලලන්නට ඉඩ නොදෙනු.. බබ හුකුං වලට නොරැවටෙනු.. රෑ වැටුනු වලෙ දවල්ද නොවැටෙනු..

අල්ලස් හා දූෂණ කොමිසමේ දූෂණය මුලින්ම නැති කර දමනු..

ලියන්නට උන්නේ වෙන මළදානයක්ය. ලිය උනේ වෙන මළහත්තිලව්වක්ය.. කළින් ළිපියේ ඉතිරි කොටස පසුවට..