හොරු සමඟ සාකච්ඡා කුඩු විය - Broken Dreams

අවුරුදු 25 ක් ඉතර තිස්සේ, මේ රටේ ආන්ඩු, සාකච්ඡා තිබ්බේ, රස්තවදියෝ හෙවත් කොටිත් එක්කය. ගොඩක් ඒවා තිබුනේ, රන් වැටෙන් වට ඇටෙන් එහා දේස දේසාන්තරවලය. සම හරක් සෙට් උනේ, තිම්පු වලය. මැලේසියාවේ හා සිංගප්පූරුවෙත් තිබ්බා වගේ මතකය. අන්තිමට තිබ්බේ ජිනීවා වලද කොහෙදය. ඒවාට ආවේ බාලසිංහම්ය. සාමෙට කියා ආවට, සාකච්ඡාවෙන් පස්සේ පුක නැති වෙන්නම නෙළුවේය. 

ගිරුවා පත්තුවෙන් ආපු චොප්පෙ අයියා, ගානක් දීලා ෂේප් එකේ ඉන්න හැදුවත්, අන්තිමේදි මලයාටත් කෙලින්න ගිය නිසා, තොපිත් එක්ක නෝ සාකච්ඡා කියා කොටියාගේ පුක නැතිවෙන්නම ගහලා, සාකච්ඡාවෙන්, සන්මන්ත්‍රනයෙන්, සම්මුතියෙන්, සාමයෙන් ප්‍රශ්ණ විසඳිල්ල ඉවරම කොරලා දැම්මේය.

ඒ ඉස්සරය. දැන් ආන්ඩුව සාකච්ඡා කොරන්නේ, හොරුත් එක්කය. නිකං හොරු නෙමේය. නීල කාස හොරුය. ඊයේ වෙන කොට යහපාළන ටොයියෝ සර්වාංගෙම වෙව්ලන්න බය වෙලා උන්නත්, හොඳ වෙලාවට, සාකච්ඡාවලට යන්න කලින්, වෙස්සන්තර සජ්ජුරුවෝ, "මාතලන්" බලලා තියෙනවාය. මාතලන් කිව්වේ, සුසිල් ප්‍රේමජය්න්ත කියන්නේ, නොම්මර එකේ මහින්දවාදියෙක් කියලාය. ඒ නිසා මීටින් එකෙන් උන්නැහේගේ නම කපලා දැම්මේය. 

ඒ වගේම, මාතලන් කිව්වා වගේම, රාජිතයි, ගුණසේකර උන්නැහෙයි, මාතලන්ට අමතක වෙච්චි, දුමින්ද ලොක්කයි, තුන් දෙනාමත් අරගෙන ගිහින් තිබුනේය. මුන් ටික දැක්ක ගමන්, හිටපු ලොක්කාගේ මූණ පුක වගේ වෙනවා, ඊයේ නිව්ස් බලාපු උන් හරියට නිව්ස් බැලුවානම් දැක ගන්නටත් ඇතිය. 

සිරිසේන ලොක්කාට අගමැති කම් නොදීපු හාදයා, ඒ හාදයාගෙන්ම අගමැති කම් හිඟාකාගෙන එන සයිස් එකට පත් වීම, බයියන්ගේ පමණක් නොව ටොයියන්ගේද හිතට හරි නැතිය. පරාජය බාරගෙන පැත්තකට උනා නම්, මීට වඩා ගරු බුහුමන් උන්නැහේට ලැබෙනවාය. දැන් කරන්න යන්නේ, නීත්‍යානූකූලව පත් වූ ජනපතිට, හොඳින් බැරිනම් නරකින් හෝ ගේම් ඇදලා, ආයෙත් බලය අරගෙන හොරුන් රජ කරවන්නටය. 

මේ සාකච්චාවල මූලීකම පරමාර්ථය හොරුන් ටික බේරා ගැනීමය. මොකක් හෝ පවර්ෆුල් තැනකින්, මහින්ද මහත්තයාට නඩු පිට නඩු වැටෙනා එක දැනට නැවතිලා තියෙනවාය. ඒත් උන්නැහේගේ හොර ගෝලයෝ එකා දෙන්නාට කෙලවේගන එන කොට, උන්නැහේ වගේම රට කාපු අනික් කම්බා හොරුත් අම්බානක බය වෙලා තියෙනවාය. පටන් ගන්න කොට කිව්වේ, හොරු ඉන්නවා නම් අල්ලනය කියලාය. දැන් අල්ලන කොට කියන්නේ, එලව එලවා පලි ගන්නවා කියලාය.

හොරු අල්ලන්න බැරි නම්, මුන් කියන්නේ, හොරා කන්න දෙන්න කියලාද? නිලධාරි වැඩ කරන්න බය වෙනවා කියන්නේ, උන්ගේ රාජකාරියත් හොරකම් කරන එකෙයි කියලා හිතලාද? මේ සාකච්ඡා ගැන යහ පාලනේ උනුයි කම්බ හොරුයි කිව්වේ අමූලික බොරුය. ඇත්ත කිව්වේ වෙල්ගම ලොක්කා විතරය. ඡන්දේ දෙනවා නම් දෙන්න ඕනා, ඒ වගේ උන්ටය. මාතලන්, වෙල්ගමලාට, මර්වින් සිල්වලාට, කැමති ඒ නිසාය. උන් කවදාවත් බොරු කියන්නේ නැතිය, ගැහුවා නම් ගැහුවා කියලා බය නැතුව කියනවාය.

වෙල්ගම ලොක්කා කිව්වේ සාකච්ඡා, ෆේල් කියලාය. ඇත්ත කතාව ඒකය. වටෙන් පිටෙන් කිව්වාට වැදගත් කම අනුව ඉල්ලීම් උනේ මේවාය.

• හොරු අල්ලන නිසා FCID එක හෙවත් මූල්‍ය අක්‍රමිකතා පිළිබඳ විශේෂ පොලිස් ඒකකය විසුරුවා හැරීම
• මහින්ද රාජපක්ෂ අගමැති අපේක්ෂකයා කිරීම
• රජගෙදර රිලවාට හා රුපියල් 100 හිඟන්නාට නොමිනේසොන් ලබා දීම
• මැතිවරණවලදි සංධානය ලෙස තරඟ කිරීම
• පලාත් පාලන ඡන්දය මුලින් පවත්වා එවා අලියාට නොදීම

එකක්වත් හරි ගියේ නැති නිසා, අද බයියන්ගේ මාධ්‍යවල පල කොට තිබෙන්නේ, FCID එක විසුරුවන්න මෛත්‍රිපාල ලොක්කා එකඟ වූ බවය. එහෙත් එතුමා කියා තියෙන්නේ, හොරුන්ට විරුද්ධව දිගටම ක්‍රියා කොට, සිරි ලංකා නිදහස් පක්ෂය පිරිසිඳු කළ යුතු බවය.

මාධ්‍යට ඇත්ත කිව්වාට, වෙල්ගම ලොක්කාට අපේ ගෞරවය පිරිනමනවාය. ඒ උනාට වෙල්ගම ලොක්කා වගේම ටී බී උන්නැහෙත් ඊයේ රෑ මහින්ද ලොක්කාගෙන අම්මමෝ නැතිව අම්බානක අහගන්නටත් ඇතිය.

ඉස්සර කොටිත් එක්ක සාකච්චා ඉවර උනායින් පස්සෙ, කොටි අපිට පුක නැති වෙන්නම ගැහුවෝය. තෘප්තිමත්භාවයකින් තොරව අවසන් වුවත්, ඉදිරියටත් සාකච්ඡා තියෙනවාය කිව්වාට, ආයෙත් හත් පලේ ගාගන්න හිටපු ලොක්කා එයි කියා, මාතලන් හිතන්නේ නැතිය. ඒ නිසා, ප්‍රතිවිප්ලවේ ක්‍රියාකාරීත්වය අති දරුණු වීමට බොහෝ ඉඩ කඩ තියෙනවාය.

ඒ නිසා අපි ජනාධිපති තුමාට කියන්නේ, ආරක්ෂාවට ඉන්නා චර පුරුෂයෝ එලවා දමා, තමන්ගේ ආරක්ෂාව මීට වඩා තර කර ගන්නෙයි කියාලාය. මොකෝ බන්ඩාරනායකට ගේම දුන්නේ, විපක්ෂේ උන්වත්, රටේ උන්වත් නොව, ඔය පක්ෂෙම උන් නිසාය.

ඒ වගේම පිං ආන්ඩුවේ, බල්ලා වගේ, දීපු නියෝජ්ජ ඇමති කම් කරනා පිනාටත් කියන්න තියෙන්නේ. යූ ඇන් පීයට කෙලවීම කෙසේ වෙතත්, සිරි ලංකා එකට නම් අබ සරණයි කියලාය.