විල්පත්තුව මෙන්ම, පක්ෂයද බේරා ගත යුතුය... - It is your duty to protect the country & the party

බොරුවට ආයුෂ අඩුය. සත්‍ය කවදා හෝ ජය ගන්නේමය. එමෙන්ම චන්ඩි කමෙන්, මදාවි කමෙන්, යුද්ධයෙන්, විසඳාගත නොහැකි ගැටළු, අර්බුධ හා ව්‍යසනයන්,  මෛත්‍රියෙන්, නිහතමානීකමෙන්, සාකච්ඡාවෙන්, අවබෝධයෙන් හා එකමුතු කමින් පහසුවෙන්ම විසඳ ගත හැකි අවස්ථාවන්ද අති අමානුෂික ත්‍රස්තවාදයන් හා සිවිල් යුද්ධයන් පවතින 21 වන සියවසේදීද පවතින බව, ළොවට පෙන්වා දුන්නේ, මෛත්‍රී පාලනයයි.

අද මුළු ළොවම මවිත වී තිබෙනුයේ, අති දරුණු එකාධිපති පාළණයක් හා රෙජිමයක්, එකදු ලේ බිදුවකුදු නොහෙලා බලයෙන් පහකිරීමට, සෝභිත හිමියන්ගෙන් ආරම්බ වී මෛත්‍රී පාලනයක් තුලින් සමත් වූ බැවිනි. පැවති රෙජිමයද අද එය තවත් ෆේස් බුක් විප්ලවයකැයි කීවද, (එදා කිව්වේ, ෆේස් බුක් තියෙන්නේ ෆන් ගන්නටෙයි කියලාය) ළෝකයා එය හඳුන්වනු ලබන්නේ "දේදුණු විප්ලවයක්" ලෙසිනි. සැබවින්ම එය දේදුණු විප්ලවයකි. එම විප්ලවය එය පුදගලයකු හෝ කන්ඩායමකගේ කැපකිරීමක් නොවේ, එකමුතුකමේ ජයග්‍රහණයක්මය. එහි දේදුන්නකටත් වඩා වර්ණ අන්තරගතව තිබුනේය.

විල්පත්තුව බේරා ගැනීම

විල්පත්තුව බේරා ගැනීමේ සටනද, එවන්ම වූ දේදුණු විප්ලවයක්ම විය. බුකියේ (Facebook) පුරවැසි මාධ්‍යවේදින් හා කණ්ඩායම් ගෙනගිය සාමකාමී ව්‍යාපාරයට, ප්‍රධාන ධාරවේ මාධ්‍යයන්ගෙන්ද ලැබුනේ විශාළ වූ පිටුබලයකි. එමෙන්ම, ජවිපේ හා සජිත් ප්‍රේමදාසයන්ද සටනට එක්විය. අවසානයේදි රජෙකුට පවා නවතා ගත් නොහැකිව තිබු විල්පත්තු වන සංහාරය අද දින සිට නවතා දමන බවට ජනාධිපති තුමා සහතික වී තිබේ.

කූරගල සටන මෙන්ම, විල්පත්තු සටනද ජයගත්තේ, චන්ඩි කමෙන්වත්, මදාවී කමෙන්වත් නොවේ. එකමුතුකමේ බලයෙනි. සෑම බලයකටම වඩා ජන බලය බලගතු බව පෙන්වමිනි. මේ සියල්ල ජනතාවගේ මෙන්ම නිහතමානි නායකයකුගේ ජයග්‍රහණයන්මය. ජාතිවාදය වපුරා, සිවුරු විසිකරමින්, බොදු බල සේනා නම් සුනඛ රැල ප්‍රමුඛ රාවණා බලය හා කාළකන්නි ජාතිවාදින්ට ලබා ගත නොහැකි වූ දේ, ඉතා සාමකාමි අයාචනා හා විරෝධතා මගින් ඉබේම ඉටු වී තිබේ.

පක්ෂය බේරා ගැනීම

එමෙන්ම, රුහුණේ කෞතුගාරයක් විවෘත කරමින් ජනාධිපති තුමා පැවැත්වූ කතාව, ශ්‍රී ලංකා නිදහස් පක්ෂයේ පරමාර්ථයන්ට පටහැනිව යමින්, මජර, මදාවී, පාතාල, අලුගුත්තේරු පාළණ ක්‍රමයක් නැවත ගෙන ඒමට ක්‍රියාකරන්නාවූ සියළුම කාලකන්නි දේශපාළුවන්ට දෙන ලද, තද බල කනේ පහරකි. එමෙන්ම සියල්ලන්ටම පෙර මහා බෞද්ධයෙකු බව ළොවට පෙන්වීම සඳහා, අභිනව අස්ගිරි මහා නාහිමියන් වැඳ නමස්කාර කිරීමට ගොස් හිටපු නායකයා උන්වහන්සේගෙන් ලබා ගත්තේද, තද බල කනේ පහරක්මය.

සජිත් ප්‍රේමදාස හා මහින්ද අමරවීර එකට අසුන්ගෙන සිටිනු දැකීම තම සිතට ප්‍රීතිය ගෙන දෙන්නක් බවත්, අනාගතයේද පිහිටවනු ලබන්නේ එවන්ම වූ ආන්ඩුවක් බවත්, තමන්ට අවශ්‍ය වන්නේ පක්ෂ හා පුද්ගල චරිත ගොඩනැගීම නොව රට ගොඩනැගීම බවත් ජනපති තුමා එහිදි පවසා සිටියේය. මෛත්‍රීපාල සිරිසේන මහතා පිලිබඳව එජාපය තුල මෙන්ම, එතුමා පත්කල බලවේග හා මහජනතාව අතර තිබු සැකය, කුකුස, මෙන්ම අන්විස්වාසබල් බව දුරු කිරීමට සමත් වූයේ, හිටපු ජනපති හා දියවන්නා ඔය මැද පැවති සාකච්ඡාවයි.. එම නිසා එම සාකච්ඡාව ඉල්ලා සිටි සියල්ලන්ටම අපගේ හදපිරි ප්‍රණාමය පුද කරණු ලබන්නේය.

දේශපාළණ වශයෙන් අනාථවූ පිරිසක් විසින්, රාජපක්ෂ මාෆියාවේ පූර්ණ අනුග්‍රහයෙන්, අභයාරාමය නම් අපායේ සිට මෙහෙයවනු ලබන, යුධ ජයග්‍රහණයෙන් පසු ආතක් පාතක් නැතිව මේ රටේ ධනය සූරා කෑ නීල කාස හොරුන් පිරිසක් රැක ගැනීම සඳහා පවත්වනු ලබන රැස්වීම් වලට සහභාගී වන පිරිස ගැන කළබල විය යුතු නැතත්, එම පිරිස අතර සිටිනා කිසිඳු චෝදනාවක් නොමැති පිරිස බේරා ගැනීම පක්ෂයේ සභාපති වශයෙන් මෛත්‍රිපාල මහතාගේ යුතුකමකි.

බහුතරය තම හොරකම් දිගටම කරගෙන යාමට නොහැකි හේතුවෙන් මේ රජය හා ජනපති විනාශ කිරීම (ඝාතනය තුලින් වුවද කම් නැත. අඟුණුකොලපැලැස්සේ වතුර බෝතලය මෙන්ම, ජී ඇල් පීරිස් ගෙනා සංශෝධනය ගැන බොහෝ සෙයින් සැක සංකා ඇති කර ගත යුතුමය.) මගින් හෝ නැවත බලය ලබා ගැනීමට මාන බලනා පිරිස බහුතරයක් වුවද, බලය නොමැති කමින් අන්ත අසරනව, නීල කාස මාෆියාව පසු පස වැටුනු අතලොස්සක් වූ නෝන්ජල් පිරිසක්ද වෙති. මොවුන් 55 ම ග්‍රී ලංකා නිදහස් පක්ෂය හැර ගොස් වෙනත් පක්ෂයක් තුලින් පාර්ලිමේන්තුවට පත් වෙන්නට තැත් කිරිම විහිළුවකි. එසේ ඉදිරිපත් වුවහොත් මේ පිරිසෙන් 50% කටම, කිසි සේත්ම තේරි පත්වෙන්නට සිඳු වෙන්නේ නැත.

එමෙන්ම, ඒමගින් ශ්‍රී ලංකා නිදහස් පක්ෂය මේ අවස්ථාවේදි යම්කිසි පසුබැඑමකට ලක් වූවද, එය පක්ෂයක් වශයෙන් ලබනා විශාල ජයග්‍රහණයකි. මන්ද එසේ කඩාගෙන යාම තුලින්, පක්ෂය කිසිඳු වියදමකින් තොරවම පිරිසිඳු කරගත හැකි වන අතර, පක්ෂය හැර යන්නන්ට ආතක් පාතක් නැතිව යන බැවිනි. එසේ කඩා ගෙන යන පිරිසෙන් කීප දෙනෙක් පාර්ලිමේන්තුවට පත් වූවද, ඔවුන් අනගතයේ දේශපළණ අනාතයන් වනු නියතය.

මහින්ද මහතා වෙනම පක්ෂයක් තුලින් පාර්ලිමේන්තුවට පත් වූයේ යැයි අපි මොකොතකට සිතමු. එහෙත් ඔහුට ආන්ඩුවක් පියුටුවීමේ බලයක් කිසි සේත්ම ලැබෙන්නේ නැත. එසේ බලයක් නොමැතිව සිටිනා පක්ෂයක්, බංකොලොත් හා බුන්වත් භාවයට පත් වනවා විනා, කිසිදින දේශපාළණය තුල ජයග්‍රහණයන් හිමි කර ගන්නේ නැත. එයට උදාහරණ ශ්‍රි ලංකා නිදහස් පක්ෂය තුලම අනන්තවත් ඇත. චන්ද්‍රිකා පවා අවසානයේ නැවතුනේ නැවතත් පක්ෂය තුලමය.

මෙම පිරිස ඉවත්වීම හෝ ඉවත්කිරීම මගින් පක්ෂයේ පරමාර්ථයන් හා අපේක්ෂාවන් පිළිබඳ නැවුම් හැගුම් ඇතිකර ගත හැකිවාක් මෙන්ම, අද ප්‍රාදේශීය දේශපාළණය තුල පවා ව්‍යසනයක්ව පවතින, දරුණු පාතල නායකයන්, මදාවියන්, නීල කාස හොරුන්, එතනෝල් කාරයන්, කුඩු කාරයන්, කසිප්පු කාරයන්, කප්පම්කරුවන්ගෙන් පිරි මාෆියාවක් බවට පත්ව ඇති ශ්‍රී ලංකා නිදහස් පක්ෂය, අනාගතයේ හෝ පිරිසිඳු පක්ෂයක් බවට පත් වනවා ඒකාන්තය.

එසේ කිරීමට සමත් වෙතොත්, දේශපාළණයෙන් විශ්‍රාම යන/යවන දිනෙක, මේ රට පමණක් නොව, පක්ෂයද දරුණු මදාවීයන් පිරිසකගෙන් බේරාගත් නයකයකු ලෙස ඉතිහාස ගත වීමට නම්, මැයි දිනයේ කීවාක් මෙන්, කිසිවකුගේ පදයකට නටනා නායකයකු නොවි, අත රැඳි විධායකයද උපයෝගි කර ගනිමින්, මේ රටේ සියළු ජනතාවට සාමය උදා කල ශ්‍රේෂ්ඨ නායකයකු ලෙස ප්‍රීතියෙන් විශ්‍රාම ලැබීමට වරම් ලැබෙනවා ඇත.