පුරවර අතර - From Anuradhapura to Ratnapura

මුලින්ම අපේ පත්තරේගේ මාමන්ඩිට, උන්නැහේ ප්‍රාර්ථනා කොරාපු ළෝකෙක ඉන්න වාසනාවා ලැබේවා කියලා ප්‍රාර්ථනා කොරන අතරෙම, පත්තරේටයි, හාමිනාටයි, මගේ හදපිරි ශෝකය ප්‍රකාශ කොරලා ඉන්නවා.

සම හරක් හිතාගෙන ඉන්නේ මාතලන් රනිල්ගේ මීඩියා යුනිට් එකේ වැඩය කියලා. ඒ වගේම, ඒ යක්කුම කලින් කිව්වේ මාතලන් රෙදි නැතුවම මහින්ද මහත්තයට කඩේ යනවැයි කියලා. ඒත් ඉතින් මාතලන්ට වෙලා තියෙන දේ දන්නේ බොහොම ටික දෙනයි.

අම්මපා බොරුවක් මුසාවක් හෙම කියනවා නම්, අභයාරාමේ පැත්තේ යන එකෙකුට හෙන ගහන්න ඕන. අම්බානක බිසි ආයිබෝවන්ඩ. මාතලන් දැන් රත්නපුර පැත්තේ ටික කාළෙකට හිර උනා. මාස තුනකින් පස්සේ ඉන්නවද කියලා මට තීරණය කොරන්න බෑ. ඒකට වෙනම සැට් එකක් ඉන්නවා. මාතලන් කලින් මාස ගානක් හිර වෙලා හිටියේ අනුරාජපුරේ.

හරිම පුදුම දෛවෝපගත සිද්දි කියන්නේ, කාළෙකට කලින් මම දන්න ඇත්ත සිද්දියක් ගැන ලියාපු සින්දුවක, (ඒ වගේ මොකක්ද එකක්) ඔය පුරවරයන් දෙකම තිබුනා. ඒ කියන්නේ අනුරාධපුරෙයි, රත්නපුරෙයි. හැබයි සීන් එක නම්, ඔය පුරවරයන් දෙකටම අදාල නැති ගාළුපුරේ. අතීතයේ කතාවකුත් නෙමෙයි, මේ අපේ කාළයේම කතාවක්.

ඔය සින්දුව වගේ එක ලියලා, මම ඒ කාළේ ආසාවෙන් උන්නේ, දමිත් අසංක හරි, සුනිල් එදිරිසිංඤෝ හරි, චන්ද්‍රසේන හෙට්ටිආරච්චිට හරි කියලා ගායනා කොරවන්න. ඒත් ඉතින් උන්දැලගේ ගනන් මිනුම් ඇහුවම සින්දු ලිවිල්ලත් එපා වෙනවා. ඒක දැන ගත්තේ "තුං මුල්ලේ පෙම්බරී....."ට පෙම් බැන්ද සිහිනේ සැබෑ කොර ගන්න ගිහිල්ලා.

ඒත් ඉතින් ඒ සිහිණේ හිතුවටත් වඩා හොඳට ඉටු කරලා දුන්නේ අපේ මනා. මේ, මම මනාට යවපු දෙවනි සින්දුව. අනේ අපරාදේ කියන්න ඒ යකා සංස්කොරණ දහයක් පහළොවක් විතර කොරලා, එළකිරි එකට මේකත් සින්දුවක් කොලා.

මේ ඉතින් සරළ ගී වත්, පෙම් ගී වත්, සාස්තිරිය ගීතවත්, සම්බහිය ගීතවත් නෙමෙයි. මම මේවට කියන්නේ "සයිබර් ගී" කියලා. මොකෝ, මනයි මායි දෙන්නම සයිබර් අවකාසේ බොග දාන උන්. ඒ වගේම මේකේ පයිනල් ප්‍රොඩක්ට් එකට කලින්, පට්ට විචාරෙකුත් එක්ක පොඩි පොඩි වෙනස් කම් ටිකක් කොරාපු අපේ චෙෆාකි උන්නැහෙත් සයිබරේ බොග දාන පොරක්. හැබයි ඕන් උන්නැහේ නම් රත්නපුරේ. ඒත් ඉතින් ඒ හාදයා නම් මේ සින්දුවේ කියන ජාතියේ පොරක් නෙමෙයි, රත්නපුර සමන් දේවාලේ බෝ ගහ වගේ පොරක්.

එයැයි එහෙම උනාට නොම්මර එකේ මදාවියෙක් නම් මෙහේ ඉන්නවා. වෙලාවක යන්න ඕන පොර හම්බ වෙන්න. වෙනින් කවුරුවත් නෙමෙයි අර පට්ට වනචර කයි පද බඳින මදාවියා...

මාතාලන් හිතන විදියට මුල්ම සයිබර් ගීයේ හිමිකාරිත්වයත් යන්නේ අපේ කදන්දර ජීට වෙන්න ඕන. මනාගේ තුං මුල්ලේ පෙම්බරීට පස්සෙ, මනාම සුපිරි ගීත ට්කක් කොලා බස්සිටයි, ඔමායටයි, අටමටයි, ඉවානයටයි.. ඊට පස්සේ මේ මැතකදි පට්ට ක්ලැසික් සෝන්ග් එකක් කොලා අපේ සින්දු ඇනෝගේ හාමිනා. එයිටත් අමතරම මම දැක්කා කලක් බොග දාපු අපේ දයානන්ද රත්නායක ලෝයර් මහත්තයත් කරුණාරත්න දිවුල් ගහේ සරම බිම හිටපු ආන්ඩුකාර උන්නැහේ එක්කත් එකක් කොරලා තිබුනා. ඒ නිසා සයිබර් ගීත් දැන් නැගලම යනවා.

මනා ඔය එක එකාට හදාපු සින්දුයි, සන්ගීත් නිපුන් කලා භූසන මාතල්ට හදපු සින්දුයි ඔක්කෝම තියෙනවා මනාගේ යූ ටියුබ් එකේ. බොග දාන උන්ට කරන සහයෝගයක් හැටියට එතනට ගිහින් සබ්ස්ක්‍රයිබ් පාරක් දැම්මා නම් අපිත් පොරවල් වෙයි දවසක. << ඒකට මෙතන ක්ලික් කොරා නම් බඩුම තමයි >>

ගොඩක් වෙලාවට මනා අනාගතේ කොරන සී ඩී එකක මේ සින්දුව තියේවී කියලා මාතලන් බලාගෙන ඉන්නවා. එහෙම නොතිබුනොත් ඉතින් වෙන දේ ඕහේලට කියන්න ඕන නෑ නේ.. ඒ නිසා අඩු පාඩුවක් තියේනම් කිව්වොත් හෙම මනාට ඒ ටිකත් හදා ගන්න පුළුවන් වෙයි.. එහෙනම් අහලා බලන්නකෝ අහන්න පුළුවන් එකක්ද, එහෙම නැත්නම් මළ හත්තිලව්වක්ද කියලා..

හැබයි ඔරිජිනල් සින්දුවේ මම ආසම කෑල්ල මේ සින්දුවේ නෑ. ඒක ඕනම එකෙක් ඉන්නවා නම් << මෙතනින් ගිහින් >> බලාගන්න පුළුවන්.

එහෙනම් මෙන්න මාතලන් මනා සුසන්යෝගේ දෙක...

වට වන්දනාවේ...

වට වන්දනාවේ උඹ කැන්දන් යන්නම්

හැම පෝයෙම අනුරපුරේ....

රතු කැට නිල් කැට කරේ බදින්නම්

නොගොහින් රත්නපුරේ....

බඳිනව උඹගේ කරේ....

නොගොහින් රත්නපුරේ....

බඳිනව උඹගේ කරේ....

කිරි කප කප උඹ මක්ක කොරනවයි

වලව්ව හතර කොනේ 

සයිමට කිය කිය ඉන්නේ මක්කෙයි

දානෙත් දැන් ඉවරයි, 
තුන් මාසෙත් ඉවරයි

මැණිකෙගෙ දානෙත් දැන් ඉවරයි

වට වන්දනාවේ උඹ කැන්දන් යන්නම්.....

පොල් රොටියයි ලුණු මිරිසයි විතරක් 

උඹ මට හදල දියන්

අතට පයට කඹුරන උන් ටික මැද

උඹ මගෙ මැණිකේ වෙයන්

උඹ මගෙ මැණිකේ වෙයන් කෙල්ලේ...,

ලුණු මිරිස හදලා දියන්

වට වන්දනාවේ උඹ කැන්දන් යන්නම්.....

-x-

ඕඩියෝ එක << මෙතනින් අහන්න >>