එක ගෙයි කෑම හා ඇදගෙන නෑම - "National Govt", Will it work..?

හිතවත් චානුක වත්තේගමයන් බොහෝ කළෙකට පසූ අපූරූ සටහන් ටිකක් බුකියේ කොටලා තිබුනාය. එකකින් අසා තිබුනේ, //සිහි මඳ ගතියකින් පෙළෙමින් අර්ථ ශූන්‍ය දේවල් කියවමින් සිටි මෙම පුද්ගලයා මැතිවරණ ප්‍රතිඵල නිකුත් වූ දින සිට ගිය තැනක් සොයා ගන්ට නොහැකි වී තිබේ. අවසාන වරට දකින විට බොර පාට ජාතික ඇඳුමක් හැඳ වර්ගපූර්ණිකාවේ ෆොටෝ කොපියක් කිහිල්ලේ ගසා ගෙන සිටියේය. ඔහු ගැන ආරංචියක් ලැබෙතොත් විදුසර කර්තෘ මණ්ඩලයට හෝ ළඟම ඇති නාථ දේවාලයට දැනුම් දෙන්න.// කියලාය. ඒ පිස්සු නාථ හෙවත්, අනාථ නාථ හෙවත්, මහා ආචාරිය නලීන් ද සිල්වා උන්නැහේ ගැනය. 

අනික් කතන්දරේ තිබුනේ අළුතෙන් හදන්න යන කැඳ හැළිය ගැනය. ඒ සටහන මාතලන්ගේ බොක්කටම වැදුනේය. කතන්දරය මෙසේය."

// "කේක් සහ සයිලන්සර් විකිණීමට තිබේ"

මේ කථාව කිව්වේ රංජිත් ධර්මකීර්තිය. ධර්මකීර්ති ඇතුළත් වූ නාට්‍ය කණ්ඩායමක් ඈත පළාතකට බසයකින් යද්දී මේ අපූරු දැන්වීම ඇති කඩයක් දැක තිබේ. නාට්‍ය කණ්ඩායමේ සිටි හෙන්රි ජයසේන වහාම බසය නවත්වන සේ ඉල්ලා මේ හරුපය මොකද්ද දැන ගන්ට ගොස් ඇත.

කතාව මේකය. පිය පුතු දෙදෙනෙකි. පියා දන්නා රැකියාව කේක් හැදීමය. පුතා කාලයක් ගෙදරින් පැණගොස් ඉගෙන ගත් රැකියාව සයිලන්සර් වැඩය. දෙදෙනාම තමන්ගේ රැකියා අත අරින්ටත් කැමැත්තක් නැත. තියෙන්නේ එක කඩ කෑල්ලකි. ඉතින් එහි පැත්තක සයිලන්සර් වැඩ කරන අතර අනෙක් පස කේක් විකුණයි.

"ජාතික ආණ්ඩුව" ගැන ඇසූ විට මේ කේක් හා සයිලන්සර් කතාව මතක් විය. කියලාය //

රනිල් විකුම්සිහ මැතිතුමා හතර වැනි වතාවටත් අගමැති වෙලාය කියලා මහා හා හෝවක්ය. කලින් තුන් වතාවේම කොරලා තියෙන්නේ බොහෝම කෙටි කාලයක්ය. උන්නැහේට සංසාරේදි ජනපති වෙන්න නම් බෑ කියලා මාතලන් කිව්වේ, බොහෝ කාළයකට පෙරය. හේතුව ජේ ආර් මුත්තාට තිබුන ජනතාව මුලා කිරිමේ ටැලන්ට් එක, මුන්නැහේට නැති එකය. 

සහතික ඇත්තය. රනිල් ලොක්කා අවංකය. පොඩ්ඩක් නොව අමූලික අවංකය. ඒ හන්දා රටේ වෙද්දු සහ ගල් ආඳන්ගේ ගේම් වලට ලොක්කා ඉබේම මාට්ටු වෙනවාය. ඔච්චර අවංක වෙලා මේ රටේ පාලකයා වෙන්න බැරිය. අනික බලය රදා ගන්නත් බැරිය. 

මේ සැරේවත් ඉකොනොමි එක හර්ෂට සහ එරාන්ට දුන්නේ නැත්නම්, මාස හයක් යන්න කලින් ඔක්කෝම අලි ටික ආයෙත් පින්නවල යන්න ලෑස්ති වෙලා ඉන්නා එක බොහෝම හොඳය. රවීට කොරන්න පුළුවන් ලබ්බක් නැතිය. එයා දන්නේ හොරා කන්න හා ජිල්මාට් ගේම් දාන්න ඉතරය. එයාට බෑ කියලා මේ සැරේ කොළබ ජනතාවත් අපූරුවට පෙන්නලා තියෙනවාය. ඉන්න තුරුම්පු ගහලා අහවර වෙලා කුඩු උනත් අවුලක් නැතිය.

කලින් කරපු තුන් වතාවේම ඇනගත්තේ ඒ නිසාය. පළවෙනි සැරේ අනා ගත්තේ ගාමිණී දිසානායකගේ ජිල්මාට් ගේම් එක කිරියාවේ යෙදුවේ නැති නිසාය. අස්‍රොෆ් ඇවිල්ලා අලින්ට ආයේ නැගිටින්න බැරි වෙන්නම ඇරලා ගියේය. ඊළඟ වතාවේ කෑවේ, පිරබාහරන් එක්ක මඟුලක් කොරන්න ගිහිල්ලාය. ඒ ගහපු ගේම කොටින් සුන් කිරීමේ ආරම්බක පියවර උනාට, ඊට එරෙහිව හඬ නගාපු ගොන් බයියන්ට උත්තර බඳින්න එක අලියෙකුටවත් බැරි උන නිසා, ජාතිවාදින්ගේ ජය ඝෝසා මැද දෙවනි සැරේ අකුලාගෙන යන්නට උනේය.

තුන් වෙනි සැරේ ජනප්ති වෙන්න තිබ්බ චෑන්ස් එක කා ගත්තේ, පොලිටික්ස් දන්නවා උනාට පොලිට්‍රික්ස් දන්නේ නෑති නිසාය. පොද්දෙක් හොය හොයා යන උන් එක්ක සෙට් වෙලා එයත් පොද්දා හොයන ගේමට සෙට් උනා මිස, මාව පොද්දා කරනවා ඕයි කියා කීමට තරම් ගටක් වත්, සැට් එකක්වත් අවුරුදු 20 ක් ගිහිල්ලත් උන්නැහේට හදා ගන්න බැරි උනේය. 

ඒකේ පින පෑදුනේ කොහේවත් උන්න පුලතිසි පුර සිරිසේන උන්නැහේටය. පොල් පිත්තක් උනත් ගේමට දාලා දිනා ගන්න තිබ්බ වෙලේ, රට කරවන වරම රනිල්ගේ අතට ගන්න බැරිවීම රනිල් ලොක්කාගේ පමණක් නොව අලි පාටියේ හැම එකාගේම ෆේලියර් එකක්ය. අද එයැයිලට රට කොරවන්න වෙලා තියෙන්නේ අලින්ට ඕනා විදියට නෙමේය. කොටින්ම අලි විතරක් ඉන්නා කැබිනට් එකක් වත් හදා ගන්නට බැරිය. යහපාලනේ කොරන්න වෙලා තියෙන්නේ කම්බා හොරුත් එක්කමය. ඉදින් රට හැදිල්ල කෙසේ වෙතත් හොරා කන එක නම් නියෙමටම කොරාවිය කියා අනාවැකියක් නම් කියන්නට පුළුවන්ය.

ඔය ජාතික ආන්ඩු කේස් එකෙන් වෙන්නේ එක ගෙයි කෑමේ මෙතඩ් එකය. දැන් තියෙන්නේ මුන් දෙගොල්ලත් එක්කම එකතු වෙලා, ලක් මෑණියන්ට ගේම දෙන එකය. රනිල් ලොක්කා මේ සැරෙත් නාන්නේ මහත්මා දේශපාලනේ කොරන්න ගිහිල්ලාය. රටේ ඉන්න ළොකුම හොරා දිවුරුම් දීමේ උත්සවේට වඩම්මාගෙන ඒමම ඉල්ලන් කෑමෙ පළමු පියවරය. 

මේ සැරේ ඡන්දේ පැරදුනයින් පස්සෙත්, රට ගිල ගන්න ඉන්න කොටියි කියාපු ටී ඇන් ඒ එකේ උන් එක්ක ආන්ඩුවක් පිහිටුවා ගන්න ගේම ගහපු එකා එක්ක හැමිනෙන යහපාලනේ මක්කද කියනා එක නම් ,මාතලන්ට තේරේන්නේ නැතිය. 

තොවිලය නටා අවසානය. ඉදින් එලිවෙන තෙක් නටනා තොයිලේ අවසානයේ යකා එලවා දමනවාය. එතකොට යන යකා කිරි ගහක අත්තකුත් කඩාගෙන, කොරහත් බිඳගෙන යනවාය. එහෙම පට්ට ගේමක් දීලා යකා එලවා දමන්නේ යක්කුත් එක්ක හැමිනෙන්න බැරි හන්දාය. ඒත් මේ යහපාලන පිස්සු හුටංලා කොරන්නේ තොයිලෙන් පස්සේ, පිදේනිත් පුදා එලවපු යකා තොයිලෙන් පස්සේ දෙන ටී පාටියටත් කැන්දාගෙන එන එකය. 

බලාගෙන ගියාම අපි එලිවෙනකන් නටාපු තොයිලෙන් සත පහක වැඩක් ඇත්තේ නැතිය. අන්තීමට වෙලා තියෙන්නේ, නටපු තොයිලෙකුත් නැතිව, බෙරේ පලුවක් නොව පලු දෙකම නැතිව, බෙරේ ඇතුලට බැහැලා පුක බේරාගෙන ඉන්න එකය. මොකෝ වැඩිකල් යන්න කලින් කම්බා හොර බයි සෙට් එක, එකගෙයි කෑම හරියන්නේ නැති නිසා රනිල් ලොක්කාට ගේම දෙන නිසාමය. 

අති විශේෂ (ගල් නොවේ)

ජනතාව ගෙදර එලවපු කාළකන්නි ජාතික ලැයිස්තුවෙන් පාර්ලිමේන්තුවට නොගත්තාට අලි පාටියට අපේ බොක්කෙන්ම දෙන මෙව්වා එක මේ වෙලාවේ පුද කර සිටිනවාය. එක එක වේසිගෙ පුතාලාට ඕන උන් දාගෙන රට කොරන්න යනවා නම්, කෝටි ගානක් අපේ සල්ලි වලින් ඉලැක්සොන් තියන්න යන්නේ නැතිව තොපිට ඕනා එකෙක් දමාගෙන මේ රට උලා කෑවාට අපේ හිතේ අබ මල් රේණුවක අහිතක් නැතිය. 

ඒ කෙසේ වෙතත්, කාළකන්නි ජී ඇල්, පිස්සු විතාරණ හා ඩීව් ගුණසෙකර කියනා අවස්ථාවාදී හාල්පාරුවන්ගේ දේසපාලන ගමන මෙයින් නතර කිරීම ගැන නම් කියන්නට වදන් නැත.