රණ තිසරු - Big Breasts

"තනුජා ලුම්බිනි", බුකියේ ඉන්න, පට්ට ටැලන්ඩට් ගෑල්ලමයෙක්. කයි පද පඳිනවා හිටු කියලා. නව පරපුරේ අපූරූ පද පෙල ගැසීම්, කාලීන මතවාද, සංවාද ගැනත් මේ ගෑල්ලමයා බොහෝම සංවේදීයි. මේ අපූරූ නිර්මාණය මම කලින් රස විඳලා තිබුනා. මේකට එයැයිට සම්මානෙකුත් හම්බෙලා. 2011 යූත් ඇවෝඩ් එක හම්බෙලා තියෙන්නේ මේකට. ඉතින් මේක බොගේ දාන්නද ඇහුවාම කිසිම ලෝබ කමක් නැතිව, අනේ දාන්න මෙයා කිව්වා.

ඒ ඉතරක් නෙවෙයි. මෑතකදි එයැයිට "කවි යුත් ෆැස්ටිවල්" එකේදි හොඳම කයි කාරියට හිමි සම්මානෙත් ලැබුනා. ගෑල්ලමයත් බොහෝම ප්‍රියමනාපයි. <<මෙතනින් ගියොත්>> ඔහේලටත් එයාගේ රසිකාවියක් වෙන්න පුළුවන්. තනූජාට තවත් රස බර නිර්මාණ බිහි කොරන්න, පෑන්, පැන්සල්, කරදාසී, ලැප්ටොප්, පෝන්, ටැබ්, ගොන්පීටර් වගේම, රස බර මාත්තුරුකාත් ලැබේවා කියා මාතලන් කිඩ්නියෙන්ම ප්‍රාර්ථනා කොරනවා.

රණ තිසරු

අවසරයක් නැතුවම ඉස්මුදුනට වැටෙන ලම්බාකාර හිරු රැස් රතු රුධිරානු රත් කර කර සියොළඟම ගලාගෙන යනව වගේ හැඟීමක් තිසරට දැනුණා.එකපාරටම අහස දිහා බැලුවොත් ඇස් ගිණිකන වැටෙන හිංදම තිසර අතේ තියන් හිටිය GO සඟරාව ගත්තෙ හිස මුවා කරගන්න හිතාගෙන.

ඇත්දළ පාටට සරාගී යුවතියක් විතක් තරම් මල් ශොර්ට් එකක් ඇඳගෙන සුළැඟිල්ලත් කටේ ගහගෙන සඟරාවේ පිටකවරේ බලන් ඉන්නවා.එච්චර වෙලා අව් රස්නෙට පිච්චුන තිසරගෙ හිතටයි ගතටයි දෙකටම සීතලම සීතල සදුන් කැට වැස්සක් වැටුන වගේ.

" ෂහ්! මේකිගේ ෆිගරෙක පාට යකෝ මේවගේ කෙල්ලෙක් එක දවසකට සෙට් වෙනවනම්."

තිසරගෙ ඇස් හයිලෙවල් පාරෙ එහෙට මෙහෙට දිව්වෙ සඟරාවේ වගේ ඇඟ හැඩ කෙල්ලෙක්ව හොයාගන්න වගේ.තිසරගෙ යාලුවො ඔක්කොටම කෙල්ලො හිටියා.තිසරටත් හිටියා.තිසර ඒ වෙද්දි ඉහේ කෙස් ගානට කෙල්ලො ආශ්‍ර්‍ය කරල තිබුණා.ඒත් ඒ එක සම්බන්ධයක්වත් විවාහය වෙනකන් තිසර අරං ගියේ නෑ.

මම බදින්නෙ බ්‍රේස්ට් එක ලොකු බැක් එක ලොකු පට්ට ෆිගර් එකක් තියෙන කෙල්ලෙක්ව." තිසර හැම තිස්සේම කිව්වෙ එහෙම

" එහෙන්ම් මිස් ශ්‍රී ලංකා කෙල්ලෙක් හොයාගනිං. බූරුවා, ඔය කියන මඟුල් ඔක්කොම එක කෙල්ලෙක්ටවත් නෑ බං. අනික ළමේක් හම්බුනාම මොන ගෑණිත් තප්පදෝරු වෙනව"

තිසරගේ යාලුවො ඔක්කොම කිව්වෙ එකම දේ . ඒත් ලොකු බ්‍රේස්ට් එකක් තියෙන පට්ට ෆිගර් එකක් තියෙන කෙල්ලෙක් තිසරගේ යටි හිතේ හිටියා.

බ්‍ රාස්!!!! තිසරගේ සිතුවිලි නැවතුනා.

හෝමාගම පාදුක්ක අවිස්සාවේල්ල රත්නපුරා..... නගින්න නගීන්න"

රත්නපුර බස් එක නුගේගොඩ ගුවන් පාලම පාස් කරල නැවැත්තුවා. කඩිමුඩියේ බස් එකට නගින සෙනග අස්සෙ තෙරපි තෙරපි, තිසරත් බස් එකට නැග්ග. හැමදාම වගේ ලස්සන කෙල්ලෙක්ට හේත්තුවක් දාගෙන යන තිසර, බස් එකේ සෙනඟ මැද්දටම ගිහින් නැවතුනා.ආයෙ ඉතිං අතක් උස්සනව බොරු.

ඇහැට කණට පේන එක කෙල්ලෙක් නෑ

ශික් රත්නපුරේට යද්දි සෝවාන් වෙයි මාව.

යන්තං උඩ පොල්ල අල්ලගෙන තිසර හිටගත්තා. නිදිමත අලස මූණු විස්සක් විතර තිසරගේ ඇස්වල හැප්පුණා.

ම්හු, අද නම් මහ මූසල දවසක්. තිසර ඇස් පියාගන්න හැදුවා. එකපාරටම ගහපු තිරිංග පාරට තිසරව වම් පැත්තට තල්ලු උනා.

මාර බ්‍රේක් ගැහිල්ල නේද?

අප්පට සිරි! කෙල්ලෙක්!

තිසර ළගම ඉදගෙන කෙල්ලෙක්! මද හිනාවක් පා කරපු තිසරට, ලෝබකමක් නැතුව කෙල්ල හිනා උනා. ඒ එක හිනාවක් තිසරට ඇති.තිසර ඉදගෙන හිටිය යුවතියගේ සිරුරට වාරු උනා.

තව හයියෙන් බ්‍රේක් ගහපං දෙයියා!

තිසර ඩ්‍රයිවර්ට හිතෙන් කියනවා. ආශ්චරය!

ඇරපු කව්ලුවලින් එන හුළං අහුරු හිස්කේ විතරක් අවුල් කරල නැවතුනේ නෑ යුවතිය ඇදගෙන හිටිය දම්පාට ටීශර්ටයේ උඩු කොටස විවර කරපු හුළං සැර,ය හුළං අහුරක් කෙලින්ම ඇගේ ළැම ඇතුළටම අරං ගියා. තිසරගේ ඇසුත් හුළග එක්කම ඇගේ ළය මඩළ සිපගත්තා. හිරු නැගෙන උදා අහසේ පැහැ ගත්ත තිසරපටකින් වැහුන ඇගේ පීන පයෝදර, තිසරට පෙනුණේ පිපෙන්න ඔන්න මෙන්න තියෙන නෙලුම් පොහොට්ටු වගේ.

පට්ට පට පට! කොහෙන්ද දන් නෑ බහින්නෙ

ළගන්නා සුලු ඈගේ පියොවුරු නැවත නැවත තිසරගේ දෑස් වෙළන්න ගත්තා. ඈගෙ ගෙල බැදි රංමාලේ අග අල්ලපු මාල පෙත්ත ඇගේ ළැම මත එහා මෙහා පනිනවා.

ඈ ළය මත ගැටී මුත්හර වන්නට ඇත්නම් මට...

අතීතයේ දවසක පොතක කියවූ කවක් තිසරට මතක් උනා.

අම්මපා මට මේ මාල පෙත්ත වෙන්න පුළුවන් නම්!

රිද්මෙකට වගේ උස් පහත් වෙන යුවතියගේ ළැම අල්ලල තද කරන්න වගේ කව්ලුවෙන් හමන සුළං පොර බදනව

මම මේ හුළග උනා න්ම්!

තිසරට ඊළඟ මොහොතේ හිතුනා. ඊළඟ නැවතුමේදි තිසරට යුවතියගේ ළගම අසුනේ ඉඩ ලැබුනෙ හරියට හිත කියෙව්ව වගේ.

"දෙයියනේ හෝමාගමට එහා කෙල්ල පලයං"

බස් එක විජේරාමේට සේන්දු වෙමින් තිබුණා.

හරිබරි ගැහිල වාඩිඋනු තිසර හිමීට අත් දෙක ඉදිරි අසුනෙන් තියාගත්ත. දැං තිසරගේ වම් අතේ වැලමිට යුවතියගේ ළැමේ ගෑවි නොගෑවි. වංගුවක් ගන්න ඇසිල්ල විතරයි. වැලමිට හිමීට ළැමේ හැප්පෙන්නෙ ආඩම්බර හස්ති රාජයෙක් පාද තියනව වගේ. බ්‍රේක් ගහන්න ගහන්න තිසරගේ අත යුවතියගේ ළැමේ හැප්පුණා.තාලෙට! හිමීට!

අනේ නෝනා මහත්තයා, මම හිඟා කන්නෙ බොරුවට නෙමේ. මාත් හොඳ ලස්සනට ජීවත් වෙච්චි ගෑනියෙක් අවුරුදු ගානකට කලිං.

බස් එක මහරගම නැවතිලා!

මහරමින් බස් එකට නැගපු ගෑනියෙක්!. උදුගොව්වො කෑව වගේ කොන්ඩෙ බාගෙකටත් වඩා අඩුවෙලා. සුදුමැලි නහර බේරිච්ච සිරුරේ මස් කළදක්ව්ත් නෑ. ගිලිච්ච බොර පාට ඇස් දිගේ පහළට බලාගෙන එද්දියි තිසර දැක්කේ, පිටපලු ලෑල්ලක් වගේ ඇගේ පපුව.

පිළිකාවක් හැදිල මගේ පියයුරු දෙකම අයින් කලා නෝන මහත්තයා!

ඩිං ඩිං ඩිං!!!

තිසරගේ කණ ළගම අකුණක් පිපුරුව වගේ. ආයෙමත් ළග හුන් යුවතියගේ ළැමේ වැදුණු වැලමිට තිසර ඇදල ගත්තෙ විදුලි සැරයක් වැදුණා වගේ හැඟීමකින් . ඒ වෙනකන් තිසරගේ සිතුවිලි මත් කළ පුන්කලස් ළැම තවත් තිසරට පෙනුණේ නෑ.

ඉවරයි..!