මඩු වල්ගෙන් තැලිය යුත්තේ කාටද...? - Who should be whipped with toxic stingray tails

ජනාධිපති තුමා අපේ ආච්චි අම්මාට වඩා ඉදිරියෙන්ය. මොකෝ..., උන්දෑ කිව්වා නම් කියන්නේ, "ඕකුන්ට ගහන්න ඕනා, මඩු වල්ගයෙන්...." කියා නෙමේය. උන්දෑ කිව්වා නම් කියන්නේ, "ඕකුන්ට ගහන්න ඕනා..., ගූ ගාපු ඉලපතෙන්.." කියාය. අපේ පවුලේ නොසන්ඩාල වැඩ කරන උන්, මා(තලන්)ද ඇතුලුව බොහෝ පිරිසක් උන්නේය. වැඩියෙන්ම පැමිණිලි ලැබුනේ, "බලන්නකෝ..., ඔහේලයි කොල්ලා අපේ කෙල්ලත් එක්ක පැටලිලා නේ..." කියනා පැමිනිල්ලය. එතකොට ආච්චි අම්මා උන්නේ අපේ පැත්තේය. උන්දෑ පැමිනිලිකරුට කිව්වේ, "ඔහේලයි කෙල්ලෝ හරි විදියට හදාගන්නෙයි...." කියලාය.

ආච්චිගේ මිනිබිරියන් හා පැටලුන කොල්ලන් ගැන පැමිනිලි ආවම, උන් ගෙනා පැමිනිල්ලද ඒකේ ඉස්තිරිලිංග පැත්තෙන්ය. උන් කිව්වේ තමුසෙලයි නල්ල මලේ බඩ්ඩ අපේ එකාගේ කරේ එල්ලෙන්න දඟලන්නේ. උන්ව හරියට හදාගන්නෙයි... කියලාය. අපරාදේ කියන්නේ එතකොටත් අපේ ආච්චි අම්මා උන්නේ අපේ අක්කලාගේ නංගිලාගේ පැත්තේය. උන්දෑ කිව්වේ උඹලාගේ වේස කොල්ලෝ නිසා අපේ අහිංසක කෙල්ලෙකුට පාරේ බැහැලාවත් යන්න බැරිය. මින් පස්සේ ගේ ඉස්සරයින් ගියොත් හෙම ගූ ගාපු ඉලපතෙන් බෙදනවා කියලාය.

හැබයි ඉතින් ඔය මොන කේස් එක ආවත් උන්දෑ කවදාවත් ගූ ගාපු ඉලපතක් වැනුවය කියලා මතකයක් නම් ඇත්තේ නැතිය. ඒ වාගේම අපේ අම්මා තාත්තලා, මාමා නැන්දලා, පුංචිලා බාප්පලා ෆැමිලි කේස් දාගෙන ගෙවල් වලින් ගියයින් පස්සේ ගමේ හංදියේ චන්ඩි ජෝන්ලා එක්ක උන්දෑගේ කළුවර ළියෙන් වැඩ දාපු තිරික්කලේ යැව්වෙත් නැතිය.

මේක මතක් උනේ. අපේ ජනාධිපති තුමා කෝට්ටේ නගර සභාවේද මක්කද මළදානෙක කතාවේදි බොහෝම රොමෑන්ටික විදියට තනේ වනා, ඊට පහුවෙන්දාම බැසියරේට පොරි හැලෙන්නම දෙනවා දැක්ක වේලේය. මාතලන් බොරුවක් මුසාවක් හෙම කියනවා නම්, අපේ ජනාධිපති තුමා තනේ වනනාකාරය (වර්ණනා කොරනා ආකාරය) මේ වීඩියෝවෙන් බලා ගන්න පුළුවන්ය. බලන්න හොඳින් උන්දැගේ මූණ දිහා ඔය මූණට අපේ ගමේ උන් කියන්නේ පැණි මූන කියලාය.

දැන් එතකොට කේස් එක මොකක්ද..? අපේ තනේ වනන්න පුළුවන් අපිට විතරයි ඩෝ... අපේ තනේ තියා බැසියරේවත් තොපිට අල්ලන බෑ කියනා, ගමේ වැල ගමේ කාක්කන්ට ඉතරයි කියනා තියරි එකය. ජනාධිපති තුමාට පරසිද්දියේ තනේ වනන්න පුළුවන් උනාට. පුර අඟනන්ට ජනාධිපති තුමා වනපු තනේම පර සුද්දෙකුට පෙන්නන්න බැරියෙයි කියනා එකය. ඔය තනේ දැක්කේ නැති උනත්, මෙහේට ආපු නැති සුද්දෝ හිටන් අපේ තන් දකින්නේ අන්තර්ජාලයෙන්ය.

හොඳ වෙලාවට එන්‍රිකේ සීගිරි ගියේ නැතිය. එහෙම ගියානම්, සම හරක් විට ඌගේ කොලෙක්සොන් එකෙන් කීපයක් ලළනාවන්ට තෑගී දෙන්නත් පුළුවන්ය. එහෙම නැත් නම් සීගිරි සුකුමාලියේ තන් දෙක එලියේ ගීය කියා සැනසෙන්නත් පුළුවන්ය.

මාතලන්ට අනුව නම්, මේ ක්‍රියාව සිඳුකළේ ගෑල්ලමෙක් නම්, ඇය අපේ රටේ සිංහ ලේ ඇති විහාර මහා දේවිය වැනි වීරවරියකි. සුද්දාගේ කොඩිය බිම දමා පෑගූ වාරියපොල සාධු වැනි ජාතික වීරයෙකි. ඇය සිඳු කොට ඇත්තේ ජනාධිපති තුමා කියනවාක් මෙන්, තොපි අපිට බලෙන් අන්දපු වික්ටෝරියා සජාචාරේ, වික්ටෝරියා සීක්‍රෙට් තොපිම තියා ගනිව් කියා අරූගේ මූණටම දමා ගැසීමකි. 

මින් පසු චාර්ලිස් කුමාරයා ආවත්, ගෑල්ලමයි පාර දෙපැත්තේ තබා බැසියරේ ගලවා ඕකුන්ගේ මූණටම දමා ගැසිය යුතුය. අගේට වන වනා උන් තනේ වහලා දැම්මාට විරෝධය පල කළ යුත්තේ එසේය.

ලොක්කාට මල පැනලා තිබුනේ කොල්ලෝ කෙල්ලෝ මේ පැයක සෝ එකකට 5,000 හේ පටන් 50,000 හ වෙනකන් වියදම් කොරලා තිබුන එකටය. ජනාධිපත් කෙනෙක් හැටියට හරි නම් උන්නැහේ බොහෝම සතුටු වෙන්න ඕනාය. මොකෝ මේ වගේ ගනනක් වියදම් කොරන්න පුළුවන් උන් ඉන්නා රටක් කියලාය. අනික් කාරනේ නම්, විස්කි බ්‍රැන්ඩි හා තවත් කියන්න බැරි ඒවා බීලා තිබුන එකය.

මේ සෝ එක තිබ්බේ ගමේ සංගීතේ වගේ හන්දියේ හෝ ගමේ පිට්ටනියේ නෙමේය. ඒක තිබුනේ පෞද්ගලික ඉස්තානයකය. මේවා බලන්න යන්නේ ඒ සඟිස්කුරුතියට කැමති උන්ය. එහෙම ගිහින් උන්ට කැමති විදියට හැසිරීමේ නිදහස තිබිය යුතුය. හොඳ වෙලාවට ඉස්ටාර් ක්ලාස් හොටෙල් වල තියෙන කැබරේ, ඩිස්කෝ, බීච් පාටි ඉතරක් නොව, හන්දියක් හන්දියක් ගානේ තියෙනා කරෝකේ බාර් වල වෙන්නෙ මක්කාද කියා එලියට එන්නේ නැතිය. (මේවායේ බෙසියර් ඉගිලෙන්නේ තනපට අහසට උඩරට මැණිකෙට පට කුඩ දෙක දෙක කියලාය.)

කරෝකේ ආවේ අද ඊයේ වූවද, කැබරේ තියෙන්නේ අපි පොඩි කාලයේ ඉඳලාය. ඔය හැත්තෑ ගනන්වල හින්ගල සෝ වල, පට්ට ඩාන්ස් දාන්නේ එහෙම කැබරේ දාපු කෑලිය. උන් බැසියරේ උසික්ක කොරන්නේ ලේසි පාසු පොරවල් වලට නෙමේය. හොඳ ගානක් කඩා ගන්න පුළුවන් බර කාරයන්ට. මේවා අපේ ඇස් දෙකෙන්ම දැකලා තියෙන ඒවාය.

වියදම ගැන කතා කරනවා නම්, මේවා උන්ගේ පෞද්ගලික මුදල්ය. ආන්ඩුවේ ඒවා නෙමේය. ජනාධිපති තුමා ප්‍රමුඛ පාලක පන්තිය, විස්කි, බ්‍රැන්ඩි, ෂැම්පේන්, වයින් බොන්නේ, අපේ සල්ලි වලින් වුවද, මේවා උන්ගේ අම්මා අප්පගේ සල්ලිය. ඉතින් ඒවා ගැන රුදාවක් තියෙන්නේ ඒ අම්මා අප්පලාටය. හැබයි ඉතින් ඔහේලා කන බොන ඒවා ගැන නම් අපටත් රුදාවක් තියෙන්නේය.

පැමිණිමේ දීමනාව 500 ඉඳලා 20,000 වෙන්න වැඩි කර ගන්න යනවා කියන කොට අපිට නම් තේරෙන්නේ අපිව අඹරන්නම යනවා කියලාය. ඔබතුමා හිතන්නේ ඔබ තුමා අඹරන්න අපි සෙට් වෙනවා කියලාය. එතකොට ඇඹරෙන්නේ අපේ සඟිස්කුරුතිය කියා හිටං..  ඔබතුමා කියලා තිබුනේය. හැබයි ඉතින් මෙව්වා කොරන කොට ඇබරෙන්නේ සඟිස්කුරුතිය සබ්බත්වය අරක මේක නොව අපේ මලේ හොඳම එකය. එතකොට අපේ කටෙනුත් සඟිස්කුරුතිය ගලනවා කියා නොකියා සිටිය නොහැකිය.

මධ්‍යස්ථ මතධාරියා වෙත බොක්කෙන්ම..

බැසියරේ නිසා ජනාධිපති තුමාට මල පැන්නා වාගේම, අපේ බොග් සංගමයේ යාව ජීව සමාජිකයකු වෙන, මද්දස්ත මතදාරියාටත් මලේ හොඳම එකෙන් පැන බොග දැමිල්ල නවත්වා දමනවා කියා පෝස්ට් එකක් දාලා තියෙනවාය. ඒකේ කොමෙන්ට් දාන්නටත් බැරිය. මාරම මද්දස්තයක්ය. ඒවාට කියන්නේ මද්දස්ත නොව මොනෝපොලි කියලාය. ඔය ලෙඩේ හැදුනාම මෙළෝ මඟුලක් කොර ගන්නට බැරිය.

උඹ පෝස්ට් එකේ කියනවා වාගේ කේසුත් ඇත්තේ නැතයි කියා බොරු කියන්නට බැරිය. එහෙත් ගේම කියන්නේ ඕන එකෙකුට ඕන ලබ්බක් කියන්නයි කියා, තම මතය වෙනුවෙන් දිගටම පෙනි ඉන්නා එකය. එහෙම උන්නාම සිඳුවන ලාබ පාඩු පැත්තකින් තියා, එහෙම උන්නාම හිතට දැනෙනා පිරීතිය එකෙකුටවත් ගහලා ගන්නවත් බැරිය.

ඕන හරකෙකුට ඕන මගුලක් කොර ගන්න කියා. තම මතය තව දුරටත් උඹේ බොගේ ලියනවාට මාතලන් නම් මනාපය. එහෙම ලියන්නෙයි කියා බොක්කෙන්ම ආරාධනා කොරනාවය.