නපුංසක රටක් - Country without law and order

  

අපි බොහෝ දෙනෙක් කියන්න ඕනා දේ, නානසාර මහ රහතන් වහන්සේ හෝමාගම උසාවියේදී දේශනා කොරලාය. එහෙම දේශනා කොරලා තියෙන්නේ විත්තිය වෙනුවෙන් අති විසේස දේශනාවක් කොරලාය. උන් වහන්සෙ නඩු කාරයාගේ මූණටම දෙසා වදාරා ඇත්තේ, මේ රටේ තියෙන්නේ නපුංසක ආන්ඩුවක්ය. ඒකේ ඉන්නේ නපුංසක නිළධාරින්ය කියලාය. එහෙම දෙසලා එක්නැලිගොඩ නෝනාටත් පාට් එකක් දමා, උන් වහන්සේ ආරාමයට වැඩියෝය. කේස් එක යන්නේ ඉන් පස්සේය.

 

පැමිණිල්ලේ කරුණු දැක්වීමකින් පස්සේ උන් වහන්සේ අත් අඩංගුවට ගන්නෙයි කියලා නියෝගයක් නිකුත් කරලාය. පොර වහන්සේ එතනින් නවතින්නේත් නැතිය, උන් වහන්සේ අද තග දාන්නේ ඒයා අත් අඩංගුවට ගත්තොත් හෙම සිවිල් නීතී උල්ලංගනය කරමින් උන්වහන්සෙගේ අනුගාමිකයන්ගෙන් සිර ගෙවල් පුරවනවා කියලාය. උන් වහන්සේ කියපුවාටමතරව තව මේ ටිකත් කියලාම ගියා නම්, උන් වහන්සේගේ සිරි මුඛයේ, උන් වහන්සේ කැමති දෙයක් වක්කොරන්න මාතලනුත් එනවාය. එනම් මේ රටේ තියෙන්නේ නපුංසක නීතියක් හා නපුංසක පොලීසියක් කියලාය.

ළෝකයේ කතා බහට ලක්වු සිද්දීන් කීපයක් පිළිබඳව නීතිය කිරියාවේ යොදවන්න යන එකට, මොකා මොනවා කිව්වත් දිවි හිමියෙන් ඒවාට යුක්තිය ඉටු කිරීමට තමන් බැඳිලා ඉන්නවාය කියා, ලොක්කා කිව්වේ ඊයේය. ඒක අහලාද නැතුවද කියන්න දන්නේ නැති උනත්. ත්‍රස්තවාදියන්ට නිදහස දෙමේන් රණවිරුවෝ හිරේ දානවාය, ඒ වෙනුවට එයාලාව හිරේ දාන්නෙයි කියා, රඹ ටෝක් දෙන්නේත් ඊයෙමය. එතකොට මේ රටේ ජනාධිපති මෛත්‍රිපාලද නානසාරද කියා ළොකු ගැටළුවක් අපට එනවාය.

 

මාතලන් කියවන්නේ නැති වෙලාවට කන්නාඩි කුට්ටම දාන්නේ ඔලුවටය. දවසක් ඕක දමාගෙන උසාවියට යන්න ගියාම යන්න දුන්නේ නැතිය. ඒක ගලවලා සාක්කුවේ දාගන්නෙයි කිව්වේය. උන්ගේ නීතී රීති ඔක්කෝම තියෙන්නේ අහිංසක උන්ටය. මිනිමරුවෝ ඇවිල්ලා විත්තිකාරයෝ උසාවිය ඇතුලේම මරලා යනවාය. මේ වගේ තගාලා ඇවිත් දේශණාත් පවත්ත්වලා යනවාය. නඩුකාරයයි පොලීසියයි පොන්නයෝ වාගේ ඉන්නවාය. මොකෝ නපුංසකයෝ කියන්නේ පොන්නයන්ට නිසාය.
 

මෙතනෙ නඩු කාරයා හැසිරිලා තියෙන්නේ අපේ ගමේ ජිනයා වගේය. ඌ හිතාගෙන ඉන්නේ ඌ චන්ඩියෙක් කියලාය. ඒ උනාට පොඩි පොඩි කේස් වලට හිටන් සමහර් වෙලාවට එහා ගමේ උන්ගෙන් මෙන්ම, අපේ ගමේ කොල්ලෝ කුරුට්ටොන්ගෙනුත් පොර අම්බානක කනවාය. එහෙම නෙලලා ගියායින් පස්සේ ජිනේ කඩුවකුත් අරගෙන පාරට එනවාය. කෝ යකෝ කව්ද ඉන්නේ... එන්න කියපන් ඕන එකෙකුට... අපි බය නෑ ඩෝ... කියා කඩුව වනවාය. ඒ උනාට ආපු උන් කරන්න ඕනා ඔක්කොම කරලා ඉවරය. ඊට පස්සේ ගමේ උන් එක්කහු වෙල අරූ ඇක්සිඩන්ට් වෝඩ් දානවාය. ජිනයාගේ ඔය චන්ඩි පාට් ඉවර උනේ, අම්බානක ගහලා පුකත් කපලා ගියායින් පස්සෙය. මෙහේ නීතියත් ඒ වගේය.

 

නඩු කාරයා පොරක් නම් කරන්න තිබුනේ ඒ මොහොතෙම අල්ලලා රිමාන්ඩ් කරනා එකය. මේ මෑතකදි අහිංසකයෙක් හිරේ දැම්මේ ෆෝන් එක රින්ග් උනාද මොකක්ද අතපසුවීමකටය. එහෙව් උසාවිය, නීතිය සැමට එක සමාන ලෙස ක්‍රියාත්මක කොරන්නේ මෙහෙමය.
 

අද අපේ රටේ නායකයා මෛත්‍රිපාල සිරිසේන උන්නැහේ නෙමෙය. මහින්දත් නායකයෙක්ය. සැටලයිටුත් නායකයෙක්ය. රනිලුත් නායකයෙක්ය. එක එකා කරන්නේ එක එකාට ඕනා දේය. මහින්ද මහත්තයා එලවපු ලොක්කා දැන් ට්‍රයි එක දෙන්නේ රනිල් එලවා ගන්නටය. රට අයාලේය. හොරු ඇල්ලිලක් නැතිය. ඒ හොරා පොලිස් සෙල්ලම අහවරය. දැන් හොරා පොලීසිය අල්ලනවාය. ඒක ඉවර වෙල දැන් බලන්නේ ආන්ඩුවත් අල්ලන්නය. මෙයාලා නානවාය. නානේ රඟනවාය.

මහා පාග්නයාද මොකාද එකා කිව්වොත් කියන්නේ පිස්සු කතාමය. කෙරුවොත් කරන්නේ පිස්සු විකාරය. මේවා සෙට් ගේම්ද, එහෙම නැත්නම්, පොලිටිකඅල් ඇජෙන්ඩාද කියන්න එකෙක් වත් දන්නේ නැතිය. මෑතක කියලා තිබුනේ, මහින්ද රාජපක්ෂ නිර්දෝෂී පොරක් කියලාය. ඒක එයා විසේසයෙන් කියන්න ඕනා නැතිය. නීතිය ගැන අබ මල් රේණුවක් දන්න එකා ඒක දන්නවාය. ඒයා තාමත් එලියේ ඉඳන් පොර ටෝක් දෙන්නේ එයාට ආන්ඩුවෙන් කිසි ගේමක් එන්නේ නැති නිසාය.

 

ජනාධිපති තුමාත් මල පැනලා තද ටෝක් එකක් ඊයෙත් දුන්නේය. හැබයි ඉතින් ඔහොම ටෝක් දීලා වැඩක් නැතිය, සද්දේ වගේම ගඳත් තියෙන්නට ඕනාය. නැත්නම් පඩයක වටිනාකමක් නැතිය. යහපාලනේ හත් පොලේ බල්ලෝ රීලාය. අමු ජාතිවාදයක් දකුණේ යනවාය. උන්ට ආන්ඩුව ගූ බයය. සිංහ ලේ තියෙන උන් සිංහ කොඩියකුත් උස්සාගෙන දළදා මාලිගාව ළ්ඟ ඩිස්කෝ නටනවාය. නානෙලා  පන්සලේ නඩු බලවලා අහක්ක වෙලා, හෝමාගම උසාවියෙත් නඩු බලවන්න එනවාය. එහෙම ඇවිල්ලා උසාවියේ දේශණාත් කොරනවාය. පැමිණිලිකරුට තර්ජනත් දානවාය. ඒ මදිවාට සිවිල් නීතී කඩනවා යකෝ කියා දගත් දානවාය. ටික දවසක් ගුහා අස්සෙ උන්නු ඉත්තෑවාත් ඊයේ උසාවියට රිංගනවා මේස්දෙකෙන්ම දැක්කේය. හැබයි නානයා ළඟ ඉත්තෑවා බලු කුක්කාය. නැත්නම් පොර ඔතන වීරයා වෙනවාය.
 

අපි කියන්නේ නානසාරලාට ඉත්තෑවලාට විතරක් නීතිය ක්‍රියාත්මක කොරන්න එපා කියලාය. මොකෝ එහෙම කලොත් අපෙත් මල පනිනවාය. අපි කියන්නේ නානෙලාගේ පටන්, ජාතිවාදේ, ආගම්වාදේ පතුරන හැම එකාටම නීතිය ක්‍රියාත්මක කොරන්නෙයි කියලාය. එතකොට රිෂාඩ්ලාත් අහු වෙනවාය. උතුරේ මහ අමතියා විගාත් අහු වෙනවාය. හරක් මස් ටෝක් දෙන අසාද් සාලියාත් අහු වෙන්වාය.

ඒ ඉතරක් නොව පන්සල් ගානේ ජාතිවාදේ පතුරන මහා ජාතිවාදියා වාගෙම, එයාගේ රිලවාත් අහුවෙනවාය. වාහම මුන්ට නීතිය ක්‍රියාත්මක කොලේ නැත්නම් පරිප්පුව කන්න වෙන්නේ තොපිට නොව සාමකාමි ලෙස සහජීවනයෙන් ඉන්න කැමති අපටය. ඕවා ආයේ පටන් ගත්තොත් හෙම සංවර්ධනේ කෙසේ වෙතත් සුද්දෝ මේ පැත්ත බලා අධෝ වාතයක්වත් අරින එකක් නැතිය.

 

මේවාට එරෙහිව ක්‍රියාමාර්‍ග ගන්න බැරි ආන්ඩුව, නානසාර මහ රහතන් වහන්සේ දෙසනාවක් මෙන්ම, පොන්න ආන්ඩුවක්මය කියා අපටත් කියන්නම වෙනවාය.

 

ආන්ඩුවටත්, රටටත් ,අපටත්, අබ සරණයි....!