G7 - ඔබට සතුටුයිද දැන්...? - G7 - Are you happy now....?

දියුණු ශිෂ්ඨාචාරයන් අතරේ ගෝත්‍රිකයින් හඳුනා ගැනීම කෙතරම් පහසුද...?

අපේ නංගා, අම්මට සිරි ලංකාවට නිවාඩුවකට එන්නේ දානමය පිංකමකුත් සෙට් කරගෙනය. මාතලන් කොච්චර කිව්වත් ඒයාලා දානේ දෙන්නේ අපේ පන්සලටමය. (ඇත්තටම, ඒ පන්සලට දාන දෙන්න උවමනාවක් නැත.) ඉතින් කඳ බඩ මහත හාන්දුරු උන්නාන්සෙලා දානෙට වැඩ, හොඳට අඹරා, නංගා පිරිනමන තෑගී බෝගද (පිරිකර),  මුදල්ද, ඥාතීන් පිරිනමනා ඉතා වටිනා තෑගී භෝගද රැගෙන, අපිට මෙන්ම, අපේ නමින් මිය පරළොව ගිය සියළුම ඥාති මිත්‍රාන්දීන්ටත්, කිසි දින දැක නැති දෙවියන්ටත් පින් පමුනුවා, අවසානයේ ඒ උතුම් වූ නිවන් මග පුළුවන්නම් පල කියා පන්සලට වඩිනවාය. (වඩිනවා කිව්වාට ගිහින් ඩ්‍රොප් කරන්නට ඕනෑය.) ළොක්කා නම් එයාගේ බැන්ස් එකේ වඩිනවාය.))

ඊට පස්සෙ තියෙන්නේ අපේ උන්ගේ වැළඳිල්ලය. ඉස්සර වාගේ නොව, කේටරින් සේවිස් එකෙන් ගෙනෙනා නිසා, දැන් කෑම බීම වල අඩු පාඩු ගැන දොස් පරොස් එන්නේ නැතිය. ඒ වෙනුවට කස්ටිය කතා කරන්නේ කේටරින් සේවිස් ගැනය. එයිට පස්සේ මාතලන්ගේ බලවත් ඉල්ලීම මත, අපේ පැත්තේ ඉන්නා, පොඩි කාළේ පටන් අපේ නිවෙස් වල අත් උදව්වට පැමිණි පිරිසටත් සංග්‍රහ කොරනවාය.

ඒ වෙනකොට අම්මා හංගාගෙන ඉන්න ඒවා උන්ට ලැබෙන්නේ නැත. අම්මලාගේ දාන දීම තාමත් එහෙමමය. ඔය ඔක්කෝම ඉවර වෙලා, හිඟන්නන්ටත් බත් ඩිංගක් යහමින් දෙන්වාය. ඒ දුන්නට උන්ට ඩෙසර්ට් වලට හම්බ වෙන්නේ, අයිස් කිරින් විතරය. (ඉතිරි වෙන ඒවා පාර්සල් වෙලා යන්නේත්, ඇති හැකි අයගේ නිවෙස්වලටමය.) අනෙක් හොඳ ඒවා උන්ට ලැබෙන්නෙ නැත්තේ, ඒ වෙනකොට මාතලන් අපේ පවුලේ බාර් ඇසෝසේසොන් එකේ සමාජිකයින් සමඟ රැස්වීමට සහබාගී වෙන නිසාය. හිඟනන්ට කොහෙන්ද උණු බත් කියලා කිව්වේ ඉස්සර උනාට, දැන් ඉන්න හිඟන්නන්ට උණු බත් දුන්නේ නැත්නම් අහගන්න වෙන්නේ කුණුහබ්බය.

ඉස්සර අපේ කොම්පැනි වල ළොකු ළොකු ඩිරෙක්ටර්ලා වගේ අයගේ ප්‍රොමෝසොන් කොක්ටේල්, ඩිනර් පාටි, වෙඩින් වගේ ඒවාට අපටත් ඉන්විටේසොන් හම්බ වෙනවාය. එහෙම හම්බ උන සෙට් එක, ඒ කාළෙට ඉන්නේ, අර ඩිරෙක්ටර්ලටත් වඩා එහාට හිතාගෙනය. ඉතින් ඔය ෆන්සොන් වලට ගිහිල්ලා, තෝරූ මෝරූ අස්සේ හාල්මැස්සෝ ටික වාගේ, හාල්පාරුවෝ ටික වාගේ, අහුවෙන මේසෙකට වෙලා හින්දි පිචැර් බලනවා වාගේ, හයි ක්ලාස් සොසයිටි එකේ දහ අට සන්නි දිහා බලාගෙන මොහොතක ඒ ළෝකේ ජීවත් වෙනවාය.

ඔහොම ඉන්න අතරේ, අවුරුද්දකට එක සැරයක් දෙසැරයක් අතට අත දෙන්න ඉතරක් හම්බ වෙන ලොක්කෝ, අපේ මේසේ ළඟට ඇවිල්ලා, හලෝ හව් ඩූ ගුඩු ගුඩු කියලා අතට අත දුන්නාම අපිට ඉතින් එතනින් එහා දෙයක් නැතිය. ඔහොම දෙන අතරේ නමක් ගමක් මතක තීලා, හලෝ මාතලන් එහෙම කිව්වා නම් නිකන් පන පිටින් දිව්ව ළෝකේ ගියා වගේය.

ඊළඟට ඔෆීස් ආපු දවසට අපේ උන් එකසිය ගානට ස්වයං වින්දනයේය. උඹ කියන්නේ බලහංකෝ ඉතින් නමත් මතකයිනේ. මාත් එක්ක උඹලට වඩා කතා කලානේ. අත අත ඇරියෙම නෑ නේ කිව්වම, කෑල්ලක් කියන්නේ, ඇයි ඔයාට විතරද...? මගෙත් නම කියලා කතා කළේ... මගේ හස්බන්ඩ් ගැනත් ඇහුවේ... ඇයි අනේ ඔයාට මතක නැද්ද, අපේ පොඩි එකානේ අර ෆැස්ටිවල් එකේ චෙයාර්මන්ව ගාලන්ට් කලෙත්... ලොක්කට ඒකත් තාම මතකයි... අරකයි මේකයි.. කිව්වම මාතලන්ගේ ස්වයං වින්දනේ එතනින්ම අහෝසි වෙනවාය. හැබයි ඉතින් කෑල්ලවත් මාතලන්වත් ඉන් පස්සේ උන්ට මතක නැතිය.

ඔය කතන්දර දෙකම මතක් උනේ, අපේ ජනාධිපති තුමා G 7 සමුළුවට ගිහිල්ලා යහපාලනේ උන් ස්වයං වින්දනේ යෙදන හැටි දැකලාය. උන් ස්වයං වින්දනේ යෙදන අතරේ, වෙසමුනි දිවුරුම් දෙන ඒවා බලන්න යන ස්වාසිලන්තේ ලොක්කගේ යාලුවගේ ගෝත්‍රික හමුදාවට මලේ හොඳම එකය. උන් කොහොමත් සිවිලයිස් පොරවල් නොවනා නිසා, කවුරුන් හෝ සිවිලයිස් පොරක් එක්ක ඉන්නවා දැක්කාම උන්ගේ ඇඟේ මාළු නටනා එක සාමාන්‍ය දෙයක් වෙලාය. ඊළඟට උන්ගේ ගෝත්‍රික මාද්දියවේදියෝ සෙට් එකත් ගෙනල්ලා මයික් පනහක් විතර අටවාගෙන යටි ගිරියෙන් ඕයේ ඔජායේ කියනවාය. ගෝත්‍රික නැටුම් නටනවාය.

(අපේ උන් ගොන් ආතල් ගත්තාට,  G7 ට ආරාධනා කළේ අපේ හිඟන රටට ඉතරක් නෙමේය. වියට්නාමය, ඉන්දුනීසීයාව, බංගලාදේශය වැනි සීඝ්‍රයෙන් දියුණු වෙමින් පවතින රටවලට වාගේම ලාඕසය, පැපුවා නිව් ගීනියා හා චැඩ් කියනා අපි වාගෙම හිඟන රටවලටත් ආරාධනා කළේය. උන්ගේ රටවල උනුත් ගන්නේ මේ වාගේම අතල් එකක් බව උන්ගේ රටවල නිව්ස් සයිට් වලට ගිහින් බැලුවාම අගේට පේනවාය. )

ඔය හම්බ වෙච්චි ගොඩක් උන් දැන් අවුරුදු දෙකකට කිට්ටු කාලයක් තිස්සේ හම්බ වෙනවාය. අතට අත දෙනවාය. අපිට අච්චර දෙනවා මෙච්චර දෙනවා කියා කිව්වේය. ආර්ථිකේ උඩු යටිකුරු කරනවා කිව්වේය. ඉන්වෙස්ටර්ලා එක්ක සිවෙස්ටර් ඉස්ටැලෝන් ඉතරක් නොව වොක්ස්වැගන් කාරුත් එනවා කිව්වේය. හැබයි ඉතින් අද වෙනකන් ලැබුන ලබ්බක් නම් ඇත්තේ නැතිය. (මේ වන තෙක් එකඳු සංවර්ධන ව්‍යාපෘතියක් ආරම්බ කොට නැත.) ඇන්ජෙලා මර්කෙල් නෝනා අතට අත දීලා, ඊළඟට ඇබරිලා යන්න ගියේ, අපේ ළොක්කා, "කෝ මැඩම් ඔහේ දෙනවයි දෙනවයි කිව්වට මක්කත් දුන්නේ නෑ නේ හිටං... කිව්ව නිසාය කියලා සමුළුව පැත්තෙන් ආරංචියකුත් ආවේය.

ආන්ඩුව G7 ට ගිහින් ස්වයං වින්දනේ යෙදුනාට, යහපාලනේ නම් ජනතාවට ගූ7 ක් වෙලා බොහෝ කල්ය. ඔය ළොකු ළොක්කෝ අපේ සිරිසේන ළොක්කාට අතට අත දෙන්නේ යහපාලනයක් ගෙනාවයි කියලා හිතාගෙන නම්, අපිට ඒ ළොක්කන්ට කියන්න තියෙන්නේ, මහින්ද ඔහේලා ඇන්දුවා වාගේම, මෙයා ඊටත් වඩා හොඳින් ඔහේලා අන්දනවා කියලා විතරය. 

දැන් දැන් හොරු එක්ක අමු හෙළුවෙන් ඉන්න හවුල් ආන්ඩුව, බ්ලේම් එක එකාට දමමින් සිටි. අලි පාටියේ නියෝජනයක් වන මහ බැංකුවේ අධිපතියා, රටේ සංවර්ධනය කෙසේ වෙතත්, එයාගේ පවුලේ සංවර්ධනේ නම් රාජපක්ෂ පවුලේ සංවර්ධනයටත් වඩා හොඳින් සලසා ගන්නවාය. ඒ පෝස්ට් එක මෙන්ම, එහි ක්‍රියාවන්ද G7 මය ඒ කියන්නේ ගූ හතයිය. වජිර අබේවර්ධන ඉන්නේ ගූ නාගෙනය. ඇවන්ගාඩ් එකට සම්බන්ධ නෝනා කෙනෙක් අරගෙන ළේඛම් කම දුන්නේය. එයා වජිරට කොකා පෙන්නා අන්තරස්දාන උනේය. එතනත් වජිර හත් පොලේ ගාගත්තේය. ඊළඟට අනූෂ පැල්පිට දාගෙන කක්කා නෑවේය.

හොරුන් අත් අඩංගුවට ගැනීමට එරෙහිව ළොක්කා කෙලින්ම ඉදිරිපත් වෙමින් තිබේ. ඊයේ පෙරේදා මහින්දානන්ද ඇතුලේ දාන්න ගිය එක නවත්තලා තියෙන්නේ ආරංචි විදියට උන්නෑහේය. ඒ අරෙන්න ආරංචි විදියට සංචාරක මන්ඩලයේ මහ එකා සහ අධ්‍යක්ෂක මන්ඩලය ඇතුලේ දාන්න ගිය එක නවත්තලා තියෙන්නෙත් උන්නැහේය. කිසි ලැජ්ජාවක් නැතිව උසාවියේ නඩු අහපු අලි හොරා, ආගිය අතක් නැතිය. ඉන්නේ රනිල් ගාවද, සිරිසේන ගාවද, කියන්න එකෙක් වත් දන්නේ නැතිය. පොලීසිය බුදිය.

ශ්‍රීලනිපයේ ලේඛම් ගරු දුමින්ද දිසානායක කියන්නේ, එජාපේ උන් හොරු රකිනවා කියලාය සිරි ලංකා එක අති සුපිරිසිඳුය කියාය (වෙන රටක තියෙන සිරි ලංකා නිදහස් පක්ෂයක් වෙන්න ඕනාය). ඩිලාන් පෙරේරා කියන්නේ, එයාලාගේ ආන්ඩුවක් ළඟදීම පිහිටුනවා කියලාය. යූ ඇන් පී එකේ ටොයියන් කියන්නේ, සිරිසේන ළොක්කා හොරු රෙද්ද අස්සේ දාගෙන, ඉතිරි උන් ටික දාගන්න එකසිය ගානේ ගේමක් ගහනවා කියලාය. රන්ජන් රමණ යකා කියන්නේ නීතීපති බුදි කියලාය. මහා සද්ද දාපු අජිත් පී පෙරේරලා හොයා ගන්නටත් නැතිය.

කෙසේ හෝ කැෆේ එක උන් හා යහපාලනේ හදන්න දඟලපු සිවිල් පොරවල් නිසා අනූෂ පැල්පිටලා රෙද්ද අස්සේ දා ගැනීම නැවතුනත් මුන් හදන්නේ ඒ කම්බා හොරුන් වූ නිළධාරින් එක්කම ගේම ගහන්නය. මොකෝ අළුත් හොරුන් හදනවාට වඩා හොරකම දන්නා උන් එක්ක ගේම ගහන එක ලේසි නිසාය.අද හොරුන්ගෙන් රට බේරා ගන්න ඉන්නේ උන් ටික ඉතරය. උන්ට බැකප් එක දෙන එක අපේ යුතු කම්ක්ය.

ඉතින් ඔහේලා දන්නා යමක් තියෙනවා නම්, ඔය පහළ දාලා තියෙන වෙබ් අඩවි වලට ඒ ඉන්ෆෝමේසොන් දුන්නාම මහත්හොරුන්ගේ රෙදි ගලවලා දානා එක ලේසිය. (ජනතාවට දැන් ලැබෙන්නේ ඒ සතුට පමණක්මය) එය අපේ ජාතික යුතු කමක්ය, මොකෝ මුන් හදන්නේ හොරු රකින්නය. අද වෙනකන් අල්ලපු එක හොරෙක් නැති ඇතර. එයාර් ලංකා කාබාසිනියා කරපු උන් තාමත් එලියේය. රාජසන්තක කල එක දේපලක් හෝ බැන්කු ගිණුමක් නැතිය.

FCID එක විහිළුවක් වෙලාය. චන්නලා ඇවිත් කියන්නේ නටපු හැටි අහනවා කියලාය. නලින් පෙරේරාත් එනවාය. හෙට අනිද්දා මේරියන්ස්ලාත් එන්න පුළුවන්ය. අන්තීමට ජැකා, චන්න, නලීන්, භාතිය සනතුෂ්ලා, ඔක්කෝම ඇවිල්ලා, FCID එක ඇතුලේ "කරදිය මංගල්ලේ" ආයෙත් පෙන්නන්න පුළුවන්ය. හොරා කාපු ප්‍රියත් බන්දු වික්‍රමලා, ජැකාලා, කිසි අවුලක් නැතිව තාමත් එලියේය.


යහපාලනය කියලා මිනිස්සු බලාපොරොත්තු උනේ මේ කෙහෙල්මල් විගඩන් නොවේය. වැට් ගහපු නැති බඩුවලත් මිළ වැඩි වෙලාය. ජීවන වියදම අහස උසටය. සෑම දේකම මිළ ඉහළ යමින් තිබේ. මිළ පාළණයක් තියා මෙළෝ දෙයක් නැතිය. කොටින්ම ආන්ඩුව කියා එකක් තියෙනවාද කියා ගංවතුර ගලා දෙගොඩ තලා උතුරා ගොස් මුළු ළෝකයටම පෙන්නුවේය. අද වන තෙක් ආන්ඩුවෙන් කිසිම දෙයක් ඒ ජනතාවට ලැබී නැත. කළමනාකරණය අන්තීම දුර්වලය. උන් කරන්නේ එකිනෙකාට වරද පටවා, ජනතාව ගොනාට අන්දා, එකට හොරා කෑමය.

මේ හවුල් ආන්ඩුවට කෙලෙවලා යනවා නම්, ආන්ඩුවේ උන් G7 න් ගන්නා ගන්නා සතුටට වඩා සතුටක් අපිට තියෙනවාය. එක්කෝ සිරි ලංකා ආන්ඩුවක් හදපල්ලාය. නැත්නම් අලි ආන්ඩුවක් හදපල්ලාය. ඉස්සර ඉඳන් අපේ මුතුන් මිත්තෝ කියන්නේ හවුලේ කැඳත් නෑ කියලාය. ඒ කතාව නම් සහතික ඇත්තය. ඒ කාතාව කියපු එකා හොයාගෙන කටේ ගල් කාලක් වක්කොරන්න ඕනාය.

ඒ වගත් මෙසේය...

ඔබට සතුටුයිද දැන් - රුවන් හෙට්ටිආරච්චි