රත්තරන්ට නීතී උපදෙස් හා ටිම්රාන් කීරිති - Timraan Keerthi & Raththaran

කොළොන්නාව ප්‍රදේශයේ සිඳු වූ කුප්‍රකට දේශපාලන ඝාතනයක් පිළිබඳව අමතක වීමේ රෝගයකින් පෙලෙන කඩවසම් තරුණයෙකුට උපදෙස් ලබා දෙන නීතීඥ්ඥයකු කළුතර දිස්ත්‍රික් පාර්ලිමේන්තු මන්ත්‍රි රත්තරන් මහතාගේ හදිසි අනතුර පිටුපස සිටින බවට වාර්තා වේ.

නීතීඥ්ඥයාගේ උපදෙස් අනුව, ඔහුව සුළු තුවාලවීමක් සඳහා යකඩ බැරියරය උඩට තල්ලු කරන මෙන් උපදෙස් ලැබී ඇති අතර, අනපේක්ෂිත ලෙස තවත් බැරියරයක් ඔහුගේ හිස මත පතිත වීමෙන් තත්වය සැලසුම් කළ ආකාරයටත් වඩා හොඳින් සිද්ද වීම නීතිඥ්ඥ මහතාගේ බලවත් ප්‍රීතියට හේතු වී ඇතයිද වාර්තා වේ.

රෝහලේ වෛද්‍යවරුන්ගේ උපදෙස් මත, මොළයට යම් කිසි හානියක් සිඳු වී ඇතිදැයි සැක හැර දැන ගැනීම සඳහා, සී ටී ස්කෑන් පරීක්ෂණයක් සඳහා රෝගියා සූදානම් කර තිබුනද, විශේෂඥ වෛද්‍යවරයා එය නිෂ්ප්‍රභා කර ඇත්තේ රෝගියා බැලීමට පැමිණ සිටි කළු ඇඳගත් පිරිස දැකීමෙන් අනතුරුවය. 

ඒ අනුව ඉදිරියේදි රත්තරන් මහතාටද "මට මතක නෑ" රෝගය වැළඳීමේ දැඩි ප්‍රවනතාවයක් පවතින බව නවලෝක රෝහල් ප්‍රකාශකයෙක් සඳහන් කර සිටියේය. 

විශේෂඥ වෛද්‍ය මහින්ද  රාජපක්ෂ මහතාද රෝගියා පරීක්ෂා කිරීමෙන් අනතුරව මාධ්‍යයට පවසා සිටියේ, දැන් ඔහුගේ සෞඛ්‍ය තත්වය හොඳ අතට හැරෙමින් තිබෙනා බවයි.

මේ අතර කළුතර ප්‍රදේශයේ පැතිර යන කට කතාවකින් කියවෙන්නේ සීනීගම පොල් ගෙඩිය වැරදි පැත්තට ගලේ ගැසූ හේතුවෙන් මෙම අනතුර සිඳු වූ බවෙකි.

<< මෙතන තියෙන්නේ >> මේ ගැන, මාතලන් බුකියේ ලියපු පල් හෑල්ල

-x-

ටිම්රාන් කීර්ති කියන්නේ රාජ්‍ය සම්මානයෙන් පිඳුම් ලද නව පරපුරේ කවියෙක්. ඔහුගේ යන්නම් චන්දරේ කවි පොතට තමයි ඒ සම්මානය ලැබුනේ. ඔහු රැකියා අයදුම් පතක් ඉදිරිපත් කර ඇත්තේ රජයේ ස්ථිර කම්කරු පත්වීමක් සඳහායි. එහෙත් එය නිශ්ප්‍රභා කොට ඇත්තේ පක්ෂයට වැඩ කර ඇති බවට ලියුමක් රැගෙන එන ලෙස දන්වමිනි. බොහො දෙනෙක් අගමැති තුමාට ජනපති තුමට මේ පිළිබඳ දැනගැනීමට සටහන් තබා ඇති මුත් මා නම් ඉල්ලා සිටින්නේ කලාවට ලැදි ජනමාධ්‍ය නියෝජ්‍ය ඇමති කරුණාරත්න පරණවිතානයන්ට මේ සඳහා මැදිහත්වීමක් කරනා ලෙසයි. මේ මා ටිම්රාන්ට ලියු, බුකියේ පල වූ හබරල කවියකි.

ටිම්රාන්ට
*******

කන්න ටෙයි අම්මපා,
සම් මාන,
සා හිත්තේ..

වසා පන් ඉගි ලී ගිහින් උඹ,
දැන් තියෙන
ළොකු අත්තේ..

ලියා පං බැති ගීත...,
නැහී යන්
උන් මත්තේ

පතා පන් ඉප දෙන්න
මෙහෙ නෙමෙයි
පෝ ලන්තේ

ඉපදුනොත් අනා තයි
ආයෙමත්
මේ #ත්තෙ..

- x -