පාද යාත්‍රාව ඇස්. ඇල්. ඇෆ්. පී. යේ ගාත්‍රා තෙත් කලේය - Paada Yaatraa Analytics

පාද යාත්‍රාව දැක බිය වූවෝද, එයින් ආතල් ගත්ත වූවෝද, ඒ පිළිබඳ වොයිස් කට් දෙන්නෝද, විස්ලේසොන සපයන්නෝද, ඇඳි වතේ මළ මූත්‍රා පහ වූවෝද බොහෝය. මාතලන්ද බුකිය තුල පාද යාත්‍රාව පිළිබඳ සජීවී විකාශයක් ගෙන ආවේ, මේ වාගේ දේවල් වලට මාතලන්ගේ ඇති කැමත්ත නිසාමය. මාතලන් කලින් පෝස්ටුවකද කියා සිටියේ, මහින්ද ඉටුකරමින් තියෙන්නේ ජාතික යුතුකමෙකැයි කියලාය. ඒ ගැන වැඩි දුරටත් දැණුම්වත් වීමට අවස්ස නම් මෙතනින් බලා ගන්න පුළුවන්ය.

බුකියේ පලවු විස්ලේසොන වලින් මාතලන්ගේ සිත් ගත්තේ, යහපාලන නියමුවෙකු වන, නිර්මාල් රංජිත් දේවසිරියානන්ගේ විස්ලේසොනයටය. ඒක අමුවෙන්ම උපුටා දක්වනවානම් මෙහෙමය..

// පාද යාත්‍රාවට ලැබී ඇති ප්‍රතිචාරය පිළිබදව රාජපක්ෂවාදීන් අමන්දානන්දයට පත්වී ඇති බව පෙනේ. මෙය තරමක් උන්මන්තකභාවයකි. මම ඊයේ පාදයාත්‍රාව නැරඹුවෙමි. මහින්ද රාජපක්ෂ ආලෝකය දල්වන ලද මොටර් රථය තුළ වාඩිවී සිටින දර්ශනය මට සිහි කලේ, මහජන ප්‍රදර්ශනයට තබා ඇති ලෙනින්ගේ මෘත දේහයයි. කෙසේ වෙතත්, මැතිවරණ පරාජයෙන් පසු ඔහුගේ ජනප්‍රියත්වය වැඩිවී ඇති බව පෙනේ. ඔහුගේ ඉරණම සිංහල-බෞද්ධ ජනයා තම සාමූහික ඛේදවාචකය ලෙස සලකයි.

පාර දෙපස දන්සැල් දෙන ප්‍රචණ්ඩ චර්යාවක් සහිත පිරිස්, මා ගමන් කළ බස් රථයටද බලෙන් ගොඩවැදී, අපිට බලෙන් සිසිල් බීම පෙවීමට උත්සාහ කළහ. ජොන්ස්ටන් හා ඔහුගේ පිරිසද මගේ ආකර්ශනය දිනා ගත්තේය. කිරිබත්ගොඩ නගරයේ ජනයා පාදයාත්‍රාව එන තෙක් පොදි කමින් බලා සිටියේය. ඒ සියල්ල හරහා සිංහල-බෞද්ධ දේශපාලනයේ පරිසමාප්ති ව්‍යාපෘතිය අපට තව දුරටත් පොරොන්දුවන දේ හොදින් ග්‍රහණය කරගැනීමට හැකි විය. 

කෙසේ වෙතත් ජනාධිපතිවරණය නිමාවූ විගසම රාජපක්ෂ කදවුරට තමන් වෙත ස්ව්‍යං-මෙනෙහිකිරීමකින් යුතුව හැරීබැලීමට අවස්ථාවක් උදා වූවා නම්, දැන් එය අහෝසී වී ඇත. //

මෙය නම් බොහෝ දුරට සත්‍ය වූ විස්ලේසොනයකි. පාද යාත්‍රාවට මාතලන්ද කොටු වූවේය. වාහන වල සිරවී සිටි උන්ගෙන් අති බහුතරයද අමන්දානන්දයට පත් වී උන් අතර, එකෙක් දෙන්නෙක් නාමල්ගේ ආච්චි අම්මා මෙන්ම ශිරන්ති නෝනාද මතක් කලේය. ඒ පිරිස බොහෝ අඩු බවත් කිව යුතුමය. යාත්‍රාවේ ස්ලොගන් වලින් රාජපක්ෂ ආන්ඩුවක් ඉල්ලා සිටියද, බෝඩ් වලින් කියන්නේ වෙන කතාවක්ය. ඒ සියල්ලම හිතලු මිස සත්‍යයන් නොවේ.

මා කලින් පෝස්ටුවේ කී දෑ, ඊයේ මහින්ද මහතා සනාත කලේය. ඔහු කීවේ, ඔවුන් බලයට පත් වූ විට මේ ඩබලට අත් වන්නේ මේ ලෝකයේ උන් ඒකාධිපතිවරුන්ට අත් වූ ඉරනම බවය. එය ගලේ කෙටූ සත්‍යයකි. මහින්ද ඒ දේ කරන බව ඔප්පු කොට හමාරය. ඒ සරත් ෆොන්සේකාට දුන් පරිප්පුවෙනි. එහෙත් මින් පසු දෙන පරිප්පු ඊටත් වඩා අති දරුණු ඒවා වන බව නොකිව මනාය. එමෙන්ම ඔවුන් බලයට පත් වෙනවා කියන්නේ, මේ රටේ ප්‍රජාතන්ත්‍රවාදයේ අවසානයය. එමෙන්ම ගොන් බන්ඩා මේ රටට කළ විනාශය මල් ඵල ගැන්වීමය. මේ පාද යාත්‍රාවේ එක වැදගත් කෙනෙක් මාතලන් නම් දුටුවේ නැත. ගමන් ගත් සියළුම දෙනා ත්‍රාඩයින් හා පාදඩ පන්තියේ උන්ය.

මහින්දගෙන් පරිප්පුව කන අය අතර ඉදිරියෙන්ම සිටිනා තවත් එකෙකු වන්නේ, කොස්තාපල් කමකටවත් සුදුසු නැති, ෆේස්බුක් පොලිපති තුමාය. පොලීසිය බල්ලා මාක් වුවද, මෙතුවක් කලකට පොලිපති තනතුරේ ගෞරවය කෙලෙසුනේ නැත. එහෙත් වත්මන් පොලිස්පති යනු පිටකොටුවේ දෙනෝ දාහක් මැද කෙහෙවලුවලින් ඇඳගෙන ගුටි බැට කෙලගෙන ආතල් සපයන ගණිකාවන් බඳුය. සම හරක් පොඩි උන්ද මේ වගේ ආතල් දෙනවා, අපි අනන්තවත් දැකලා තියෙනවාය. මේවා ළෝකයා හිනස්සවනා වැඩය. මේවා ආන්ඩුවේ ප්‍රතිරූපයද විනාශ කොරනා වැඩය. ඒවා ගැන තීන්දු තීරණ ගැනීම ආන්ඩුවටම බාරය. පොලිස්පතිවරයා හා තෙල්බෙහෙත්කරුවා යනු තනතුරු දෙකක් බව මොකෙක් හෝ මෙ යකාට ඉක්මනින්ම අවබෝධ කර දෙන එක රටේ ගෞරවයට හොඳය.

නිර්මාල් කීවාක් මෙන්, නුවර සිට පෙරහරේ ගෙන එන්නේ මළකඳකි. එහෙත් බානී රේමන්ඩ්ලාට හා ජයරත්නලාට අමතරව, මළකඳන් වුවද මාකට් කල හැකි අවමංගල අධ්‍යක්ෂකවරුන් දෙදෙනෙක් අද එකාබද්ධ මලබද්දයේ ඇත. ඒ විමල් හා ගොම්මන්පිලයි. දේශපාලන වශයෙන් නන්නත්තාර වූ හෙට අනිද්දා පරළෝකාප්‍රාප්ත වීමට සිටින, ඩේට් එක්පයර් වූ, වමේ මැක්කෝ කීප දෙනෙක්ද අර ඩබලගේ ඇඟේ එල්ලී සිටි.

ඒ දිනේස් තිස්ස වාසු හා ඩීව්ය. මේ සියළු දෙනාම දේශපාලන පරපුටුවෝය. අනුන්ගේ පානෙන් එලිය බලනවා විනා තනියෙන් පැවත්මක් නැති හාල්පාරුවෝය. ආර්ථික වශයෙන්ද නන්නත්තාර බව උපතින්ම උරුම වමේ කාළකන්නින්, කොළඹ හතේ ධනපතියන් වූයේ මහින්ද මහතාට පින් සිද්ධ වෙන්නටය. එහෙත් අතීතයේ සිඳූ වූයේ මෙහි ප්‍රති විරුද්ධ පැත්තයි. ඇන් ඇම් ගේ ගෙදරට අද රැස් වන උන් දකින්නට, ඇන් ඇම් මෙන්ම ඔහුට ආදරය කළ වුන්ද අද නැති එක පෙර පිනක්මය. තිස්ස විතාරණ යනු වම ගූ ගොඩක් කළ ගූ කන්දකි.

මේ පාද යාත්‍රාව එකම අරමුන කුමක්ද යන්න, පාද යාත්‍රාව පටන් ගැනීමටත් පෙර දේශපාලන ඉවක් ඇති ඕනෑම එකෙකුට වැටහෙනවා නොඅනුමානය. දැන් අපි ස්ලෝගන් පැත්තක තබා උස්සාගෙන ගිය බෝඩ් වල තිබූ සටන් පාඨ ගැන බලමු. එකක් වැට් හා බදු ගැනය. තා එකක් ව්‍යවස්ථා මර උගුලක් ගැනය, තා එකක් බඩු මිළ ගැනය. තා එකක් පිනා කන සංඝයා තව දුරටත් ආන්ඩුවෙන් රකින්නෙයි හෙවත්, බුද්ධාගමට මුල් තැන දීම ගැනය. අනෙක නම් දේශපාලන දඩයම නවතව් කියනා එකය.

මෙහි අවසාන එක ඇර අනික් සියල්ලම අමූලික බොරු හා හිතලුය. එහෙත් අවසාන එක සහතික ඇත්තය. හොරු අල්ලනවා කියා ක්‍රියාත්මක වන්නේ අමුම අමු දේශපාලන දඩයමක් බව සම්පූර්ණ සත්‍යකි. එය සිඳුවන්නේ නීතීමය ක්‍රියාකාරීත්වයක් අනුව නොව, දෙසපාලන ඇජෙන්ඩා එකක් අනුවය. රනිල් අල්ලන උන් මෛත්‍රීගේ ඕඩර් එකෙන් ඇප ලබා එලිය එනවාය. එහෙම නැත්නම් කේස් එක යට යනවාය. මෛත්‍රි අල්ලන්න කියන උන් රනිල් රිලීස් කොරනවාය. දෙන්නම අල්ලන්නෙයි කියන උන්, විජේදාස රාජපස්ස එලියට දානවාය. නීතීය හා අධිකරණය විකාරයක්ය. ඒ බව මනාව තේරුම ගත් අධිකරණය, යහපාලන ආන්ඩුවට දිගට හරහට කනට ගහනවාය.

මෛත්‍රිපාල සිරිසේන මහතා තමන්ගේ බලය තහවුරු කර ගැනීම සඳහා ආන්ඩුවට එක් නොවූ සිරි ලංකා කාරයන් හා ගෙන යන ඩීල් එක, දැලි පිහියෙන් කිරි කෑමක් බව මාතලන් අනේක වාරයක් කියා ඇත. අනෙක, ප්‍රජාතන්ත්‍රවාදී නිදහස, මාධ්‍ය නිදහස හා සියළුම මානුෂික අයිතිවාසිකම් ලබා දිය යුත්තේ, මිනිසුන්ට මිස ගෝත්‍රික තිරිසනුන්ට නොවේ. මහින්ද මහත්තයා මෙතරම් බලවත් බව පෙන් වූ විට, ගාත්‍රා තෙත් වන්නේ චන්ද්‍රිකාගේ, මෛත්‍රිගේ හා මහින්ද අමරවීරලාගේ පමණක් නොවේ, බිස්වාල්ලාගේද ගාත්‍රා වලට අයත් වන්නේ ඒ සන්තෑසියමය.

ඇත්තටම මහින්ද මහත්තයාට අවශ්‍යම නම් බලය ඇල්ලීම සුළු දෙයකි. මන්ද රජයේ සියළුම ආයතනවල තාමත් සිටින්නේ මහින්දවාදීන්ය. එය කුමන්ත්‍රණයක් වීමට ඇති ඉඩකඩද බොහෝය. මෙහිදි මහින්ද මහත්තයාට චීනයෙන් ඇති බැකප් එක සුළුකොට තකන්නේ නම්, එය ගොන්කමක් මිස වෙන කිසවක්ම නොවේමය. අද වන තෙක්, "සාලාවේ" ඇත්තටම සිඳු වූයේ කුමක්දැයි කියන්න එකෙක් වත් දන්නේ නැතිය. පාද යාත්‍රාවේ ආන්ඩුව පරාදය. පොලීසිය බිල්ලට දමා පැනවිමට උත්සාහ කල තහනම් නියෝග මහින්දගේ විනිසුරුවන් විසින් කුණු කූඩයට විසි කලා පමණක් නොව, රතුපස්වල ජනතාවගේ විරෝධයද පයිසෙකට මායිම් කලේ නැත. ඩලස් ගොයියා ධර්මසිරි සේනානායක පිලිරුවට මල් වඩම් පැළඳුවේ, ආන්ඩුවේ වාහනයක සිටය. ඒක හරියට සිරිසේනගේ කරේ නැගලා මාල් මාල දැම්මා හා සමානය.

තව දුරටත් මොවුන් හා හැමිනෙන්නට යන්නේ නම්, ඒ මෛත්‍රිපාල මහතාගේ අවසානයය. එකාබද්ධයේ ඉන්න උන් එකෙක්වත් මහින්ද අත අරින්නේ නැත. ඒ එදා මෙන්ම අදද, අත පය දිග හැර වියදම් කිරීමට මහින්ද ළඟ මුදල් තිබෙනා නිසාය. එපමනක් නොව, හවුල් ආන්ඩුවේ සිටිනා සිරි ලංකා කාරයන්ද, ගතින් වෙන් වුවත්, සිතින් ජීවත් වෙන්නේ මහින්ද සමඟය. ඒ මහින්දගෙන් බඩ කට පුරා කෑවත්, හොරා කන්න ලැබෙනා නිසාය. මෛත්‍රිට ශක්තිමත් නායකයකු වීමට අවශ්‍ය නම්, මොවුන් හා එක්වීමේ බලාපොරොත්තුව ඇත් හැර ගත යුතුමය. එසේ නොමැති වුවහොත් සිඳුවන්නේ, තමන්ගේ වල තමන් විසින්ම කපා ගැනීමය.

ඒ බව යම් තාක් දුරකට අවබෝධ වී ඇති බවක්ද පෙනීම සතුටට කරුණකි. ඇත්තෙන්ම මේ පාද යාත්‍රාව ආශීර්වාදයක් වූයේ එජාපයට හා රනිල් වික්‍රමසිංහටය. හවුල් ආන්ඩුවේ ඉන්නා සිරි ලංකා කාරයන් පමණක් නොව, මහින්දගේ මුදල් වලට සිරි ලංකා ආන්ඩුවකට එක්වන්නට උන් එජාපයේ කාළකන්නින්ගේ සිහින සියල්ලම බිඳ වැටුනේ පාද යාත්‍රාව අතර තුරමය. එනම් වසර දෙකකට තිබූ ගිවිසුම, වසර පහක් දක්වාම දීර්ඝ කිරීමය. මෙය බොහෝ විට ජාත්‍යන්තර කුමන්ත්‍රණයක් වීමට ඇති ඉඩ කඩද බොහෝය.

මෙවන් පරිප්පුවක් මහින්ද පාර්ලිමේන්තු මැතිවරණයෙන්ද කෑවේය. ඒ අගමැති සිහිණයක් දී, මැතිවරණය මැද දී එය කුඩු කර දමා නිකන්ම නිකන් පාර්ලිමේන්තු මන්ත්‍රිවරයෙක් කිරීමෙන්ය. මේ යාත්‍රාවෙන් වූයේ එජාපයේ උන්ද බාගෙන ආන්ඩුවක් පිහිටවීමේ සිහිණය කුඩු පට්ටම් වී යාමය. එනයින් බැලු කල මේ මොහොතේ දීද මහින්ද නැවතත් පරාදය.

ලිප්ටන් සර්කස් (වටරවුමේ) එකේ කීවාක් මෙන්ම. මහින්දගේ මීළඟ සර්කස් එක මීට වඩා භයානක එකක් වීමට ඇති ඉඩ කඩද බොහෝය... ඒ නිසා විමල්ගේ වෝනින් එක ගැන ආන්ඩුව දෙවරක් හිතනා එක ආන්ඩුවේ ඇඟට හොඳය. ඒ දේශපාලන දඩයම වහාම නවතා දමන එකය. මොකෝ එතුමා කොළබ වට කොරන්නට ඉඩ තිබෙනා නිසාය. එමෙන්ම, සමහර විට ඊළඟ එකේ, අලි ඔළුවෙන් හිටවන එවා මෙන්ම, සැටලයිට් ගුවන් ගතවෙන ඒවාත්, ෆොනීලා ෆනී වීම් මෙන්ම, මෛත්‍රිපාලලා අයියෝ සිරිසේනලා වීමට ඇති සම්බාවිතාවද  බොහෝය.

සියළු දෙනාටම තෙරුවන්ගේම සරණයි....!!!