නීතියට ඇඟිලි නොගසනු...!!! - Please obey the law !

ආන්ඩුව පත් කිරීමට ක්‍රියාකාරිව සහභාගී වූවන් මෙන්ම, එහෙන් මෙහෙන් සප් එකෙක් දී ටොයියන් බවට පත් වූ පිරිසද ආන්ඩුව විවේචනය කිරීම, වහල් බයියන්ගේ අමන්දානන්දයට හේතු වී ඇති බව පෙනෙන්නේය. මහින්ද මහත්තයාගේ අන්තේවාසිකයින් සිතන්නේ නැවත් ඡන්දයකට ගියහොත් අ(හ)වුල් ආන්ඩුව කෙරේ කලකිරි ඇති ටොයියන්ගේ බහුතරයක්ද නැවත් මහින්ද මහත්තයාට ඡන්දය දෙනු ඇත කියාය. එහෙත් සත්‍යය එය නොවේ. අවුල් ආන්ඩුවට ඡන්දය ප්‍රකාෂ කළ පිරිස ආන්ඩුවේ පිස්සු කෙලීම් හමුවේ කලකිරී ඇති මුත්, ඒ එකෙක්වත් නැවත මහින්ද මහත්තයාට බලය දී මේ රට ලේ විලක් කිරීමට කිසිසේත්ම තම ඡන්දය භාවිතා කරන්නේ නැති බව, මහින්ද මහත්තයා ඉල්ලගෙන කෑවා සේම ඉස්තිරය.

පෙර මෙන් නොව, ආන්ඩුව කෙරේ ඇති කලකිරීම ප්‍රසිද්දියේ කියා සිටිනවාක් මෙන්ම, මහින්ද නැවත බලයට පත් වුවහොත් මේ රටේ සිඳුවන මහා විනාශයද මිනිසුන් කතා කරමිනි සිටී. මහින්ද හා පිරිස සිතාගෙන උන්නේ, චන්ද්‍රිකා 1994 බලයට පත්වීමට පෙර ජනතාවට පොරොන්දු වූ හොරුන් ගෝල්ෆේස් ගෙනත් පට්ට ගැසීම අමතකව ගියාක් මෙන්, අවුල් ආන්ඩුවද තමන්ගේ කාලයේ සිඳු වූ ඉන්ටර්නැෂනල් ගේම් අමතක කර දමාවි යැයි කියාය. ඇත්තටම මේ ආන්ඩුව ක්‍රියා කිරීමට ගියේද එසේය. එහෙත් අවුල් ආන්ඩුවට තම සිතැඟියාවන් ඉටු කර ගැනීමට නොහැකි වූයේ, මේ ආන්ඩුව මෛත්‍රිගේවත් රනිල්ගේ එකක්වත් නොව, ජනතාවගේ ආන්ඩුවක් වීමය.

සමාන්‍යයෙන් ඕනෑම රටක ආන්ඩු පෙරලීමට මහඟු කාර්යයක් කොරන්නේ ජනමාධ්‍ය හා මාද්දියවේදීන්ය. ඒ බව හොඳින්ම දන්නා කවදත් මාද්දියවේදීන් හා ෂෙප් එකේ උන් මහින්ද මහත්තයා, තම පාලන කාලය තුල සිඳු කලේ ජනමාද්දියවේදීන් අරලිය ගහ මන්දිරයට කැඳවා, ඔවුන්ගේ කොඳු නාරටියන් ගලවා, ඒ වෙනුවට මැදමුලන පොල්වත්තේ පොල් පිති  හයි කිරීමය. එය කෙතරම් සාර්ථක ක්‍රියාන්විතයක්ද කියතොත්, ආන්ඩුව පෙරලීමට ඔවුන්ගේ කිසිඳු සහයෝගයක් නොලැබුනා පමණක් නොව, අදටත් ඔවුන් මහින්දගේ කක්කා බෙට්ටටත් ප්‍රශස්ති ගයමින් සිටින්නේය.

එහෙත් සාම්ප්‍රදායික මාද්දියවේදින්ගේ රැස්පට් අහවර බවත්, ඊට වඩා බලවත් මාද්දියවේදින් පිරිසක් අන්තර්ජාලයේ ඉන්නා බවත් සියල්ලටම අමතකව ගියේය. සියල්ල දත් රජ ගෙදර රිලවා ගිරිය පුප්පා සෑම තැනකම කියමින් ගියේ අරාබි වසන්ත මෙහේ ගෙන ඒමට බැරිය කියාය. එය එසේ වූ හෙයින්, මේ යහපාලනය කියා නම් කල ආන්ඩුව ගෙන ආවේ ඒ සාම්ප්‍රදායික ගොබ්බ මාද්ඩියවේදියෝ නොව සයිබරෙයේ පිස්සු කෙලිමින් සිටි බයියන් හා ටොයියන්මය. බයියන්ගේ ප්‍රචාරණයෙන් වූයේද ටොයියන්ගේ ප්‍රචාරයට පිටිවහලක් මිස එකෙට එක කිරීමක් නොවේය.

සෝභිත, නිර්මාල්, සරත් විජේසූරිය, දඹර අමිල ප්‍රමුඛ සිවිල් ක්‍රියාකාරීන්ගේ සටනට මනා පිටිවහලක් ගෙන ආවේ මේ කබ්බන්ය. ඉඳින් මේ පිරිසගෙන අවුල් ආන්ඩුවට අදටත් ගැලවුමක් නොමැත්තේය. සිවිල් ක්‍රියාකාරිකයින්ද, ෆේස්බුක් එකේ ෆන් පොරවල්ද, අපද කරමින් සිටින්නේ, අවුල් ආන්ඩුවට අමතක වන යහපාලනේ ඕක නෙමෙයි යකෝ කියා පෙන්වා පිස්සු කෙලින යහපාලනේ කනෙන් අල්ලා නියම ට්‍රැක් එකේ දැමීමය.

කිසිදා සැබෑවන හීනයක් නොවනා නමුදු, කරුමයකට හෝ මහින්ද මහත්තයා බලයට පැමිනියහොත් සිඳු වන දෑ ඔවුන් දැනටමත් ප්‍රකාෂ කොට හමාරය. පැත්තකට වී ජනතාවගේ ගෞරවයට පාත්‍ර වෙමින් හුන් මහින්ද මහත්තයා ආයෙත් ඉදිරියට දමාගත් කම්බා හොරුන් කලේ පරීක්ෂණ පවත්වන නිළධාරින් භීතියට පත් කිරීමය. ආන්ඩුවද කරන්නේ නිළධාරින්ට ඔවුන්ගේ කාර්යය නීතීයානූකූලව කරගෙන යාමට ඉඩ නොදි, එය දේශපාලන ක්‍රියාවලියක් බවට පත් කිරීමය. නිලධාරින් නිසි ලෙස ඉතා වේගයෙන් ක්‍රියාත්මක වූවද, ඒම ක්‍රියාවලිය නවතා දැමුයේ ජනාධිපතිවරයායි. ඉන් පසු අගමැතිවරයායි. මේවා යහපාලන ක්‍රියා නොවේ.

වියවස්තාව අනුව මහින්ද මහත්තයාට ගේම් ඇදීම නීතියෙන් ගැටළු තිබුනද, ශිරන්ති නෝනා ඇතුලට දාන්නේ නෑ කියන්න මෛත්‍රිපාල සිරිසේනට ඇති අයිතිය කුමක්ද? එය විධායක බලයද? සංචාරක අමාත්‍යංශයේ නිළධාරින් අත් අඩංගුවට ගෙන ප්‍රශ්ණ කිරීම නවතා දැමුයේ කුමන නීතියක් යටතේද? එසේ කලේ කව් ද? මෙයින් උද්දාමයට පත් වන්නේ කවුද? මෙවන් කාළකන්නි නිළධාරින් පිරිසක් යටතේ යහපාලනයක් ඇති කරන්නේ කෙසේද? ආන්ඩුවේ මෙම ළදරු, දියාරු, නෝන්ජල් ක්‍රියා හේතුවෙන් සිඳු වූයේ කුමක්ද? නීතීය නිසි ලෙස ක්‍රියා කරමින් සිටී නිළධාරින් ඒ ගැන දෙසරයක් සිතන්නට පෙලඹීමයි.

එපමණක්ද? එයින් උද්දාමයට පත් මහින්ද මහත්තයාගේ අයියලා කිව්වේ, ඔවුන් බලයට පත් වූ විගස FCID යේ නිළධාරින් සියල්ලම ගල් ගසා මරා දමන බවයි. මෙය බොරුවක් නොවේ. ඇත්තටම ඔවුන් බලයට පත් වුවහොත් සිඳුවන්නේ මෙයයි. මේ ඔවුන්ගේ පෞදගලික රැස්වීම් වලදි කතා බහා කරනා දේ මිස ප්‍රකාශය කරපු එකාගේ අදහසක්ම නොවේ. ඊළඟට මහින්ද මහත්තයාම හයිඩ් පාක් කෝනර් එකේදි FCID යේ උන්ට වෝනින් එකක් දුන් අතර, පාද යාත්‍රාවේද කීප දෙනෙකුම කීවේ, ඔවුන් බලයට පත් වූවාම වෙන දේ බලා ගන්නෙයි කියලාය.

එපමණක්ද, ඊයේ FCID යේ ප්‍රශ්ණ කිරීම වලට පැමිනි නාමල් කොලුවා ඇතුලට යන්න කලින් කීවේ කුමක්ද? ඔහු කෙලින්ම අභියෝග කළේ පොලිස්පතිටය. පොලිස්පතිගේ ක්‍රියා අප කිසීසේතම අනුමත නොකරනා නමුත්, සාමාන්‍ය එකෙක් පොලීසිය ඇතුලේ ඔය පාට් දැම්මා නම් අත් වන ඉරනම කුමක්ද? මේ තත්වයට පොලීසිය හා එම ආයතන පත් කළේ කව්ද? ජනපතිවරයාම නොවේද?

ඇත්තටම ජනපතිවරයා කරන කතා සමහර විට ඔහුට තරම් ඇති ඒවා නොවේ. ලැබි ඇති ප්‍රජාතන්ත්‍රවාදය යටතේ, අපට මෙන්ම ඔහුටත් තමන් කැමති දේ කීමට නිදහස ඇති මුත්, එවන් ප්‍රකාෂ කිරීමට පේර දෙවතාවක් සිතා බලන්නේ නම් ඉතා හොඳය. රක්ෂිත බන්ධනාගාරගත වන සිරකරුවන්ට මර්චන්ට් වෝඩ් හදනවා කියා ජනතාවට ආතල් දෙනවාට වඩා, ඔහු කල යුත්තේ, රක්ෂිත බන්ධනාගාරගත වූ විගසම, මර්චන්ට් වාට්ටුවට යන්නේ කෙසේද කියා සොයා බැලීමයි.

එහිදි හීන් නූලෙන් එක එකාගේ කන අත ගානවාට වඩා කළ යුත්තේ, පිස්සු කෙලිනා උන් කනෙන් අල්ලා එලවා දැමීමය. එහිදි ජනාධිපති තුමා අධිකරණ, බන්ධනාගාර පමණක් නොව, රාජිත සේන්නාරත්නගේ සවුක්ක අමාත්‍යන්ශයෙත් කන අත ගෑම කෙනෙකුට සතුට දනවන කාරනයක් විය හැකි නමුදු, සිඳු විය යුත්තේ එය නම් නොවේ.

අධිකරණය තිබෙන්නේ ඇවන්ගාඩ් සිද්ධියේදි ඩීල් කාරයකු බවට ප්‍රසිද්ධියේම ඔප්පු වූ ඇමතියකු යටතේය. නීතීපති දෙපාර්තමේන්තුවේ පමාවීම තිබෙන්නේ ඔහු හේතුවෙන් බවටද කට කතා තිබෙන්නේය. ඇත්ත වශයෙන්ම මහා ප්‍රාඥ්ඥයකු නම් කළ යුත්තේ තිලක් මාරපන මෙන් ඉල්ලා අස්වීම මිස, තව දුරටත් තනතුරේ සිටිමින් බණ කීම නොවේ. එමෙන්ම ජනපති මෙන්ම අගමැතිගේ යුතුකම විය යුත්තේ, ආන්ඩුවේ නිළධාරින් ප්‍රශ්න කරන්න එපා කියා නීතී විරෝධී ක්‍රියා වල නිරත වනවාට වඩා, තමන්ට කිරීමට බලය ඇති, ඇමතිවරයා තනතුරෙන් පහ කොට, ඒ වෙනුවට වෙනත් ඇමතියකු පත් කිරීමයි.

ආන්ඩුව දැන් දැන් ආර්ථික වශයෙන්ද නියම ට්‍රැක් එකට ඇති බවක් පෙනේ. ආවුල් ආන්ඩුවේ නොම්මර එකේ ගොන්කම වූ තරහා කර ගත් චීනා, නැවතත් මෙහි ආයෝජනවලට පැමිණිම ඉතා යහපත් දෙයකි. අනෙක් රටවල උන් මෙහි පැමිනෙන්නේද චීනය ආයෝජනය කරනවා නම් පමණි. එහෙත් ජනාධිපති තුමා කොතෙක් පැහැදිලි කලද, කාළකන්නි එකාබද්ධ මලබද්ධය රට අස්ථාවර කොට නැවත ගිනි තැබීමට, අතුරුදන් වූවන්ගේ කාර්යාලය ස්තාපිත කිරීම, ආශිර්වාදයක් කරගෙන ඇත. එය වහාම නවතා දැමීය යුතුය. ඒ ගැන මීළඟ පල් හෑල්ලෙන් බලාපොරොත්තු වන්න.