ජූලී චන්ග් සුදු නෝනා වෙත,

ජූලී චන්ග් සුදු නෝනා වෙත,

➖➖➖➖➖➖➖➖➖⭕➖

සෙත් වේවා..!

මා ආදරණීය සුදු නංගී වෙත ලියමි,

ඔබේ සැප දුක් කෙසේද කියා අසන්නේ... ඒ අපේ 2500 ක සඟිස්කෘතිය නිසා මිස, ඔයා දුකෙන් ඉන්නේ නැති බව දන්නා නිසාය. ඒ උනාට ඔයා ගිහින් වෙන ජූලියෙක් එනවැයි නිව්ස්සෙකක් ඇවිත්... මට බෙල්ලේ වැල දාගන්න හිතුන බව කිව්වාම... අපේ හාමිනේ ඇහුවේ කොහේවත් ඉන්න ගෑණූ නිසා මැරෙන්න යන්නේ තමුසෙට මොළේ බරවාද වාහේ කියලාය.

මම එයාට කිව්වේ... සුදු නංගි ආපු දවසේ ඉඳලා මම ඉන්නේ ඔයාට පිස්සු වැටිලාය කියලාය. ඇත්තටම ඔයා ඇවිත් ටික දවසකින් මම හිතුවේ ඔයා ජැකී චෑන්ගේ නෑයෙක් කියලාය. ඔයා කෙරේ බැඳි මගේ ප්‍රේමය මෝරා දළු දාන්න එයත් හේතුවක් වුනේය.

මෙහේ ඉන්න ගොබ්බ හැත්ත දමිතලාට, හිරුණිකාලාට, දුලීකලාට, විහාර මහා දේවී කිව්වාට, කැළණියේ ඉඳන් රුහුණට ආ විහාර මහා දේවිය වාගේ... අපේ රට බේරාගන්නට ඇමරිකාවේ සිට ආ ඔයා මගේ විහාර මහා දේවියය.

ඊයේ ඔයා මැතිවරණ කොමිසමේ උන් හම්බ වෙන්න ගිය එකට ගොඩක් උන් පඩත්තල කතා කිව්වාට... ඔයා එතෙනට ගියේ ප්‍රජාතන්තරවාදේ රකින්නෙයි කියා මම අපේ හාමිනේට කිව්වාම... මහින්දවාදියෙක් වෙන එයැයි කිව්වේ... එහෙම යන්න ඔහේට අයිතියක් නැතෙයිය, මහින්ද හරි, මහ ප්‍රේමේ හරි උන්නා නම්, ඕකී එලවන්නේ පුපට පයින් ගහලාය කියලාය.

එයැයි තා දුරටත් කිව්වේ... අපේ මහින්ද මහත්තයා... ඩේවිඩ් මිලිබෑන්ඩ් කාරයයි බර්නාඩ් කුච්නර් කාරයයි ඇඹිලිපිටියට ගෙනත් කිචිම කරලා... ආප්ප එක්ක ලුණු මිරිස් කවලා එලවලා දාපු එකයි... ප්‍රේමදාස මහත්තයා ඩේවිඩ් ග්ලැඩ්සන් එංගලන්තේ ඩැට්සන් එලවන්න යැව්ව එකයි... තමුසෙට මතක නැද්දෝයි කියලාය.

ඒ උනාට මම එයැයිට කිව්වේ... උන්ට මහත්තුරු කිව්වාට... උන් කරන තරමක් කළේ ඩිප්ලොමැටික් වැඩ නෙමේය... ප්‍රජාතන්ත්‍ර විරෝධී වැඩය... ආන් ඊයේ... අගවිනිසුරුයි නීතීපතියි ඔක්කොම කොමිසමේ උන්ගේ කලිසම ගලවලා තියෙන්නේ පලාත් පාලන චන්දේ තිබ්බේ නැතෙයි කියලා.. සමහර විට සුදු නංගී අරුන්ට කලිසම් අරගෙන යන්න ඇතෙයි කියලාය.

ඇත්තටම සුදූ.... අපේ රටට සැබෑ ප්‍රජාතන්ත්‍රවාදේ ආවේ ඔයා මෙහේට ආවට පස්සෙය කියනෙක දැන් හැම පඩත්තල ඩේසිගෙ පුතාලටම අමතක වෙලාය.... දළදා මල්වතු අස්ගිරි නොව ගංඟාරාමෙත් නමදින තෙරුවන් සරණ ගිය ඔයා ඕවායෙන් සැලෙන්නේ නැතෙයි කියා මම දන්නවාය.

එක එකාට ඕන ඕන විදියට නටන්නට රට බංකොලොත් කරපු ප්‍රජාතන්ත්‍ර විරෝධී ගෝටා නම් ගෝතකරුමේ... බව්වෙක් වගේ එලවලා දැම්මේ ඔයාය කියලා දැන් උන්ට අමතක වෙලාය... බුවා අරගලේට ආමි එක දම්මලා ගේමක් දෙන්න යද්දී.... සවේන්ද්‍රට කියලා උන්ව ආයේ බැරැක්ක වලට යැව්වා දැන් මුන්ට මතක නැතිය.. දැන් තෝත් පල කිව්වාම... ප්‍රජාතන්ත්‍ර විරෝධි අගමැති රනිල්.. එහෙම යන්න බැරියෙයි කිව්වාම... උගේ ගේ ගිනි තිබ්බ ඒවා දැන් උන්ට මතක නැතිය.

රනිල් එලවලා... කතානායක ජනාධිපති කරලා... සුමන්තිරන් අගමැති කරලා... මේක ඒකිය රාජ්‍යයක් කොරන්නට ගිය ඒවා උන්ට දැන් මතක නැතිය.. ඒවාට තැන්කිව් කියන්න ඔය පැලවත්තට ගිය එව්වා දැන් මුන්ට මතක නැතිය.

ඇත්තටම සුදු මට දුක... අපිට ඉන්න තානපතිලාට ඔයාගේ රෝල් එක කරන්නට බැරි හාල්පාරුවෝ වීමය... ඔයගේ රටේ ඉන්න මහින්ද සමරසිංහයාට මම ලියා යැව්වේ... අඩු ගානේ අර රොබට් ඩි නීරෝ වගේ... ට්‍රම්ප්ගේ මානුෂික අයිතිවාසිකම් කඩවීම් වෙනුවෙන්... වයිට් හව්ස්‍ එකට ගිහින් බයිඩන් කාරයා හම්බවෙලා... දෙකක් කතා කරලා එනවා ඕයි... එහෙම බැරිනන් ඕක ඇනරිකාවේ පොඩි එකෙක්ට දීලා... මෙන්න මෙහේ එනවා ඕයි කියලාය.

මම නම් කියන්නේ සුදූ... ඔයා අපිව දාලා යන්න එපාමය කියලාය. තා ටික දවසක් උන්නොත් රනිල් කාරයා ජනාධිපතිවරණය තිබ්බාම... ඔයත් ඒකට ඉල්ලන්නෙයි කියලාය. 

මගේ හිතේ පොඩි සැකයක් තියෙන්නේ ඔයා එහෙම දෙයක් සොයා බලන්නවත් කොමිසම් කාක්කෝ හම්බ වෙන්න ගියාදෝ කියලාය.

එහෙම චෑන්සෙකක් තියේ නම්.... ඇමරිකානු පුරවැසිබාවේ බව්වට දමා ජනාධිපතිවරණයට ඉදිරිපත් වෙන්නෙයි කියා මම ඔයාගෙන් ඉතා ආදරයෙන් ඉල්ලා සිටිනවාය. 

සමහර විට සිරිසේන කාරයා විජේදාස කාරයාට සිරි ලංකා නිදහස් පක්ෂේ ලියලාම දුන්නා වගේ... අනික් ඕනම පක්ෂයක්.. ඩයනා ගමගේ වගේ ඔයාට නොමිළේම  ලියලා දෙන බවත් ඉර හඳ වගේ විශ්වාසය ... අනික ඉතින්... ඉතාලියේ සෝනියාට ඉන්දියාවේ එහෙම වෙන්න හැකි වුනා නම්... ඔයාට එහෙම වෙන්න බැරි ඇයි කියා පොඩ්ඩක් හිතලා බලන්නය.

ඔයාට ත්‍රිවිධ රත්නයේ සරණයි

ත්‍රිවිධ හමුදාවේ ආරක්ෂාවයි සුදූ...

මීට,

ඔයාගේ සදා අදරණීය

මාතලන්

.

 

පාලිත රංගේ බණ්ඩාර, මුට්ටිය දමා ඇදගෙන නෑම.

 පාලිත රංගේ බණ්ඩාර,

මුට්ටිය දමා ඇදගෙන නෑම.
➖➖➖➖➖➖➖➖➖⭕➖

රංගෙ බණ්ඩාර කියන්නේ පොඩි බඩුවක් නොවේය. ඇපත් නැතිව ගෙදර ගිය බුවාලා වුවද, දැන් උන්නැහේ, වත්මන් විධායක ජනාධිපති තුමාගේ පක්ෂයේ ලේකමාය. හොයාගන්නවත් නැතිව කැලෑ වැඳුන අලි... ආයේ එලියට ආවේ රාජපක්ෂලාට පින්සිඳු වෙන්නටය.

පාර්ලිමේන්තුවේ උන් තනි අලියා විධායක ජනාධිපති වුයේ... රාජපක්ෂලාගේ 69 ලක්ෂයේ චන්ද කුට්ටියෙන්‍ය. ඒ නිසා අරගල හාල්පාරුවෝ මක්කා කිව්වත්... එයාට මැන්ඩේට් එකක් නැති වුනාට පෝට්ටු බයියන්ගේ මැන්ඩේට් එක ආයේ චන්දයක් තියන්කන් ව්‍යවස්ථානුකූලය. උන්නැහේ ජනාධිපති කොරලා බැසිලස්ලා බලාපොරොත්තු වුනේ... රනිල් පෝට්ටු බයියන් කියන විදියට ඉඳීය කියලාය.

බැසිල් ගාමිනි දිසානායක ළඟ උන්නාට... රනිල් ළඟ උන්නේ නැතිය. රනිල් කියන්නේ... ජේ ආර් උන්නැහේගේ බෑනාය. ජේ ආර් කිව්වේ... විධායක ජනාධිපති ධූරයෙන් කරන්නට බැරි ගෑණියෙක් පිරිමියෙක් කරනෙකත්... පිරිමියෙක් ගෑණියෙක් කරන එකත්‍ය කියලාය.

ඒ කිව්වාට මහින්ද මහත්තයා උන්නැහේගේ දෙවනි ඉනිමේදී... පිරිමි ගෑණු කිරීම කෙසේ වෙතත්... පිරිමි ඔක්කොම නපුංසකයෝ කරන ආකාරයත් රනිල් ලොක්කා දුටුවේය.

ඒ දෙවන ඉනිමේදී මහින්ද මහත්තයා ඇක්සෙකටිව් ප්‍රසිඩන්ට් ප්ලස් දුටුගැමුණුත් වෙච්චි නිසාය. හැබයි ඉතින් ධාතු කරඬුව වගේ නෙවිල් ලවා හැම තැනම උස්සාගෙන ගියාට දැන් උන්නැහේ පැන්ෂන් ගිය පොලිස් කාරයාගේ සයිස් එකේය.

දැන් උන්දෑගේ සැළුන් දොරෙන් එලියට යන උන් මිසක්... ඇතුලට එන උන් නැත්තේය. ඉන්න උන් ටිකත් බැසිලස් හා නාමල් කුමාරයා පුපට පයින් ගසමින් එලවනවාය. එයාලාගේ මැයි දිනේ මෙන්ම අනුරාධපුර රැස්සීමත් පට්ට ෆේල්‍ ය.

මේ සියල්ලත් රනිල් උන්නැහේ නරඹම්න්, විඳිමින්, ඉස්ටඩී කරමින් සිටිනා දේවල්‍ය. ඒ අස්සේ සජබෙත් මණ්ඩලේ කචල්‍ය. හමුදාවේ හාල්පාරුවේ රෙද්ද අස්සේ දාගන්න නිසා ෆොනී යන්න ගියේය. ජී ඇල්ලා ගොඩහෑවලා දාගත් නිසා හර්ෂලා කබීර්ලා එරාන්ලා අවුල්‍ය. ඒ අස්සේ පුතානෝ මැතිතුමා කරන්නේ ජලනි ආර්‍යා තොමෝ කියන දෑ කියා... මනෝ හා හකිම් යන්න බඩු පැක් කරනවාය.

මෙහෙම අවුල් අස්සේ ජනාධිපතිවරණයක් මක්කටෙයි කියා අලින්ට නොව අපිටත් හිතෙනෙක සාධාරණය.

ඇත්තටම ආර්ථිකය ගැන යම් අවබෝධයක් තියෙන හැම එකාම කියන්නෙ රනිල්ට තව කාළයක් ඉන්න දෙන්න ඕනෑ කියලාය. මහ බැංකුවේ ලොක්කාත් කෙලින් නොකියා කියන්නේ ඒකමය.

වැඩේ තියෙන්නේ එහෙම ඉන්නට ව්‍යවස්ථාවෙන් බලයක් නැති එකය. කයියනායක තුමා හා විප්ලවවාදී සහෝදර නඩය, එයාලා බලයට ආපූ ගමන් ව්‍යවස්තාව විසි කරනවා කියන්නේ මේ නිසාය. එහෙම නොකර එයාලාට චීනයේ, කියුබාවේ හා උතුරු කොරියාවේ සිස්ටම් එක ගෙනියන්නට බැරිය.

කරුමය කියන්නෙ... ආර්ථිකේ දන්න උන් රනිල්ම ඕනෑ කිව්වාට... රටේ අති බහුතරය තියා බලේට එන්න වලිකන ජනාධිපති අපේක්ෂක සැට්ටෙකටත් ආර්ථිකය ගැන මළපොතේ අකුරක් නොදන්නා එකය.

ඒ කරුණු සළකා බලන කළ රංගේ බංඩාර කියන්නේ මේ මොහොතේ කළ යුතු වඩාත් සුදුසුම ක්‍රියාමාර්ගය හා නිවැරදිම තීන්දුව ගැනය.

ඒ හේතුවෙන්... මාතලන් වන මා විසින් රංගේ බන්ඩාරගේ යෝජනාව අත් දෙකම ඔසවා අනුමත කරන ලද බවත්, එය ව්‍යවස්ථාවට අනුකූල බවත්, සියළු ලක් වාසීන් වෙත මෙයින් දන්වා සිටිමි.


ස්වස්ති සිද්ධම්....!!!

නිරුවත කියන්නේ කලාවක් - තරිඳි ප්‍රනාන්දු - (මයි රෙඩ් කොම්‍රෙඩ් සිනමා විකාරය)

නිරුවත කියන්නේ කලාවක්

- තරිඳි ප්‍රනාන්දු -

(මයි රෙඩ් කොම්‍රෙඩ් සිනමා විකාරය)

➖➖➖➖➖➖➖➖➖➖➖➖⭕➖

ඇත්ත තරිඳි... අපි ඕක දැනගෙන උන්නට ලංකාවේ වෙනම සත්ව කොට්ඨාසයක් වෙච්චි... ප්‍රබුද්ධ නිර්මාණශීලී සම්මාණනීය කෘතහස්ත සිනමාකාරයන්ට හා අප්‍රභංශ ලැකානියානූ විකාරකයින්ට තේරුනේ නෑ...

හැබයි අන්තර්ජාලයත් එක්ක සියල්ල සිල්ලර වුනායින් පස්සේ... දැන් සුනිල්සෝම පීරීස් කළෙත්... අවුරුදු 15 කට පස්සේ ෂෝ එකක් හදන සුදත් මහදිවුලානයනුත් කරන්නේ එකම දේ කියලා අපි වගේ හාල්පාරුවන්ටත් තේරෙනවා....

එහෙම කොපි කරන එකේ කිසි වරදක් නැතෙයි කියලා කෘතහස්ත නාට්ටිකාරයෙක් වෙච්චි සුගතපාලද සිල්වානෝ මාරාසාද් පෙරවදනෙත් ලියලා තිබුනලු.... 

බලන්න ඉතින් ඒකෙත් හැටි.. 

දැන් අපි ඒකත් දැනගත්තා...

ෂෝ හදන්න තියෙන්නේ "ප්ලොට් 60" කියලා සුද්දොත් කියන එකේ... මෙහේ ප්‍රබුද්ධ කෘතහස්ත සිනමා විකාරකයින්ට ඕක මීට කලින් තේරුනේ නෑ...

මේ ළඟදි මොකෙක්ද පිස්සෙක් ලියලා තිබුනා සිනමා විචාර කරන්න පුලුවන් ඒ ගැන දැනුමක් තියෙන උන්ට විතරය.... ෆේස්බුක් එකේ පල් හෑලී ලියන උන් කොනකට වෙලා ඉන්නය කියලා.. ඒ නිසා.. දැන් මම ඉන්නේ එහෙම ඇකඩමියකට යන්න..

වැඩේ කියන්නේ තරින්දී ඔයාගේ නිරුවත කලාවක් උනාට... පත්තරේක ඉස්සරහා පිටුවේ ෂර්ට් එකක් විතරක් ඇඳගෙන උන්න සමන්තා ඈපාසිංහලා .. ඇගේ වෛරයේ උන්න සුමනා ගෝමස්ලා නිකන්ම නිකං පීචං කෑලී වෙලා... ස්වර්ණා මල්ලවාරච්චිලා වගේ අය විතරයි සම්මාණනීය නිලියො වුනේ..

හැබයි.. ප්‍රබුද්ධ ෂෝ එකක් වෙච්චි විසිදැල ෂෝ එකේ රඟපාපූ අනුෂා සොනාලිට එහෙම වෙන්න බැරි වුනා.. ඒත් ඉතින්.. අර සම්මාණනීය නිලියන්ගේ පැවත්මයි අනූෂාව නිර්දය ලෙස විවේචනය කරපු පැවැත්ම අතරෙත් කිසි වෙනසක් නෑ... 

කොහේ හරි අවුලක් වෙන්නැති... පව්...

අපිට නම් ඔය කෝකත් කලාවක්... අපි ඔය කොයි එකත් බලනවා... ඔය ෆිල්ම් බලන්න එන්නෙත් නිරුවත නිසා... නිරුවත කිසි සේත්ම අවශ්‍ය නැති තැන්වලත් නිරුවත ඔබන්නේ ඒ නිසා.... අපි sex හොයලා වර්ල්ඩ් රැකෝඩ් තියලා තියෙන්නෙත් ඒ නිසා...

මේ ෆිල්ම් එකේ බලන්න තියෙන්නෙත් එච්චරයි... (පාන්කඩ වාමාංශිකයෙක්ගේ මොන ලබ්බක් බලන්නෙයි... මේ යකා මේ හැංගිලා ඉන්නේ 1987 නොවැම්බර් 27 වෙනිදා අනුරාධපුරයේ පොළ භූමියේදී ජෙප්පන්ම ෂොට් එක දීලා... විමුක්තිය උදාකර දුන් නන්දන මාරසිංහට වගේ බුවාටත් ගේම දෙයි කියලා ප්‍රාණ බයේ. මොකෝ උන්ගේ හැටි එහම නේ.)

ඒත් ඉතින් අපිට ඕක කලාවක් වුනාට... ෆිල්ම් හදන උන්ට ඕක බිස්නස් එකක්.... අනික සමහර ප්‍රඩියුසර්ලයි ඩිරෙක්ටර්ලයි ඉතරක් නෙමේ නලුවොත්... නිලියෝ ෆිල්ම් වලට ගන්නේ රඟපාන්න විතරක්ම නෙමේ කියලත් කියනවා... අනේ මන්දා ඕවා ඉතින් අපි ඇහෙන් දැකලා තියෙයි ඇත්තෙයි කියන්න.. සමහරක් විට එහෙම නැතිවත් ඇති.

ඒ නිසා ඔය දර්ශණවලට හිඟන ගනන් වලට විකිණෙන්න එපා...  ඕවට වෙන රටවල විශාල මිළක් ලැබෙනවා... නැත්නම් අනාගතේ ඔයාලට වෙන්නෙත්... අනූෂා සොනාලිට අනෝමා ජනාදරීට වෙච්චි දේ....

අනික ඔයා එහෙම වෙන්න ඕන නිලියකුත් නෙමේ... තරිඳි කියන්නේ දැන් ඉන්න හොඳම නිලිය කියලා කිව්වොත්.. ඒක බොරුවක් නෙමේ... 

මේ ෆිල්ම් එකෙන් වෙච්චි එකම දේ තමා... මින් පස්සේ ලංකාවේ ෆිල්ම් කල්ට් හදාගෙන පොරවල් වෙලා හිටපු උනුත් කරන්නේ ලුවී වැන්ඩස්ට්‍රාටන් කරපු දේම තමයි කියනෙක...

අපි නම් ඒක කලින් ඉඳලම දැනගෙන උන්න නිසා අවුලක් නෑ.. 

උන්ගේ ෆ්ල්ම් වෙනස් වෙන එකම දේ "වමාංශික"ප්ලොට් එක විතරමයි. ඒක එයාලගෙ සුරතාන්තෙ වුනාට... අපිට නම් වම කියන්නේ...

වමනේ.....

.

 

කොසොල් රජතුමා දුටු දහ හත් වන සිහනය...

කොසොල් රජතුමා දුටු 

දහ හත් වන සිහනය...

➖➖➖➖➖➖➖➖⭕

කොසොල් රජතුමා : 

"ස්වාමීනී භාග්‍යවතුන් වහන්ස.... මේ සිහිනය අමුතුම ආකාරයේ එකකි. සුවඳ හමන සඳුන් කොටයක්.... කුණු ගඳ ගහන මොරු කළයකට හුවමාරු කරනවා මම දුටිමි. ස්වමීනී භාග්‍යවතුන් වහන්ස කිමද මෙවන් සිහිනයක් මා දුටුවේ..?

බුදුරජාණන්වහන්සේ : 

මේ සිහිනය ඔබට මින් පෙරද පෙනී මා එයට පිලිවදන් දුන්නේ නොවේද මහරජ...

කොසොල් රජතුම :

එසේය... එසේය භාග්‍යවතුන් වහන්ස ... එසේ නම් මෙය රිපීට් ටෙලිකාස්ට් එකක් විය හැකි නොවේද ස්වාමීනී..?

බුදුරජාණන්වහන්සේ

නැත නැත මහරජ අනාගතයේදී දේශය පාලනය බලෙන් ඩැහැ ගැන්මට කීප වරක් උත්සාහ කොට නොහැකිවන පිරිසක්

සිද්ධාර්ථට වඩා යසෝධරා උතුම් යැයිද... බුදුන් රස්තියාදුවේ යැවිය යුතු යැයිද... රාහුලගේ පියා ගැන පර්‍යේෂන කල යුතු යැයිද .. මාගේ පියානන් ගැනද ආඩපාලි කියන්නා වූද පිරිසක්.... ජවිපේ නමින් බිහි වනේනේය....

ඔවුන්ගේ අනුගාමිකයින්...  අධ්‍යාත්මික නායකයාගේ උපදෙස් පරිදි... ලැට් වලවල් කඩාගෙන කෑමට... අශූචී හා ගූ අනුභවයට මෙන්ම.... මුසාවාදයට හා පරුෂා වාචා බිනීමට ප්‍රිය වන්නේය... ජාතකයෙහි ගැටලු ඇති බැවින් අන්‍යයන්ගේ ජාතකය පිළිබඳ පරිබව කරන්නේය... දේශය පාලනයට වඩා නරා වලේ බැස කෙලීමට ප්‍රිය වන්නේය.... යන්න මේ සිහිනයේ අර්ථය වන්නේය....

සාධූ.... සාධූ.... සාධූ....!!!!

.

 

අපේ බුද්ධි අංශ හා නීතිපති දෙපාර්තමේන්තුව ලැජ්ජා විය යුතුය

අපේ බුද්ධි අංශ හා

නීතිපති දෙපාර්තමේන්තුව 

ලැජ්ජා විය යුතුය

➖➖➖➖➖💀➖💀➖💀➖

🔴 ගුජරාටයේ බෝම්බ පිපිරවීමකට හෝ වෙඩි තැබීමකට හෝ විශේෂයෙන් ක්‍රිස්තියානී බැතිමතුන් ඝාතනයකට... අත් අඩංගුවට පත් වූ ත්‍රස්තවාදීන් හතර දෙනාම... කොළඹ නඟරයේ හා මීගමුවේ පදිංචි කරුවන් බවත්,

🔴 ඔවුන් ISKP (Islamic State Khoras lana Province) නම් ඉස්ලාම් ත්‍රස්තවාදී සංවිධානයේ ප්‍රභල සාමාජිකයින් බවත්,

🔴 ඔවුන්ගේ පදිංචි ලිපිනයන්, රැකියාවන් හා ඔවුන්ගේ විදෙස් ගමන් මෙන්ම, ඔවුන් හතර දෙනාම කටුනායක සිට චෙන්නායි හරහා ගුජරාටයට පැමිණෙන දිනය, වේලාව හා  ගුවන් යානා පිළිබඳ සියළු තොරතුරුත්,

🔴 ගුජරාටයේදී ඔවුන්ට ලබා දීමට තිබූ අවි ආයුධ, එම ස්ථානය හා ඒ පිළිබඳ ඔවුනතරේ හුවමාරු වූ අන්තර්ජාල ලියකියවිලි පිළිබඳ සියළු තොරතුරුද, ගුජරාට ප්‍රාන්තයේ බුද්ධි අංශ දැනගෙන සිටී මුත්...

🔴 ලංකාවේ බුද්ධි අංශ, පොලිස් බුද්ධි අංශ, ත්‍රස්තවාදය මැඩලීමේ අංශ තබා ප්‍රජා පොලිස් සේවයේ උන්වත් දැන නොසිටියා පමණක් නොව....

🔴 ගුජරාට ප්‍රාන්තයේ බුද්ධි අංශ විසින් ඒ කිසිඳු තොරතුරක්... අපේ උන්ට ලබා දී නැත්තේ... පාස්කු ප්‍රහාරය පිළිබඳ චෙන්නායි බුද්ධි අංශ විසින් 19 වතාවක් සියළු තොරතුරු ලබා දී තිබුනද 

🔴 ශානී අබේසේකර, රවී සෙනෙවිරත්න වැනි, පොලීසියේ වගකිව යුතු නිළධාරීන්... දේශපාලුවන්ගේ බලපෑම් මත... අත් අඩංගුවට ගත් ත්‍රස්තවාදීන් පවා නිදොස් කොට නිදහස් කිරීම හා පාස්කු ප්‍රහාරය සිඳුවීමට ඉඩ තැබූ නිසාය.

🔴 ISKP ත්‍රස්තවාදී සංවිධානය ඇෆගනිස්ථානයේ සිට ක්‍රියාත්මක වන අතර... දැනටමත් ඇෆ්ගනිස්තානය, පකිස්තානය, තුර්කිය, ඉරානය හා රුසියාවේ මොස්කව්හි දරුණු ඝණයේ ත්‍රස්තවාදී ප්‍රහාරයන් සිඳුකොට අවසානය.

🔴 පාස්කු ප්‍රහාරයෙන් පසු විදෙස් සංවිධාන මූලිකත්වයෙන් ලංකාවේ ආරම්බ කර තිබූ ඉස්ලම් මූලධර්මවාදී සංවිධාන 11 ක් පමණ සම්පූර්ණයෙන්ම තහනම් කළ නමුදු, කාදිනල්, ක්‍රිස්තියානී පල්ලිය හා නීතීඥ සංගමයේ දැඩි බලපෑම් මත සංවිධාන 5 ක් එම තහනමෙන් ඉවත් කරන ලදි.

🔴 එපමණක් නොව... දැනට අධිකරණයේ විභාග වන නඩුවලට අදාල සැකකරුවන්ද ඔවුන්ගේ බලපෑම් මත ඇප ලබා දී එලියට දැම්මේය.

🔴 ගෝටාභයද මොවුන්ට එදිරිව නීතිය ක්‍රියාත්මක කිරීමට බිය වූ අතර, අවසානයේ ඔහු එලවා දැම්මේද මේ බලවේගයන් විසිනි. (සැලසුම් කොට තිබුනේ රාජපක්ෂලා සියල්ලන්ම ඝාතනය කිරීමය.. ඊට සහාය පලකළ සිංහළ බෞද්ධයින් ලැජ්ජාවට පත්විය යුතු අතර... දැන් එම වගකීම තමුන් වෙත පවරාගෙන... එය ඔසවාගෙන යන්නේ මොරි මාඩ ජෙප්පන්ය)

🔴 එපමණක් නොව, මිරිහානේදී ඝෝඨා මරා දැමීමට රැස් වූයේද මේ පිරිස බවත්... මැයි 9 වනදා කොළඹට පැමිණි පෝට්ටුවේ මැරයන්ට ප්‍රතිප්‍රහාර එල්ල කළේත් මොවුන්ගේ මෙහෙයවීමෙන් බවත්... බුද්ධි අංශ මේ වන විට තහවුරු කරගෙන අවසානය. (මේ නායකයින් සියල්ලෝම.. දැන් සිටින්නේ සජිත් ජලනි බලවේගය සමඟය...)

🔴 තත්වය මෙසේ තිබියදී.... බයියන් පිට පොට පටලවා ගත් මව්වරුන් වඳ කිරීමේ දොස්තර සාෆී සිද්දියට ප්‍රසිද්ධියක් ලබා දෙමින්... දොස්තර සාෆිට එදිරිව ආ මූලික චෝදනා අමතක කරමින්... දේශන පවත්වන වළං ශානිලා හා පැරීසියේ සිට පාස්කු ප්‍රහාරය ගැන නැවුම් ප්‍රොපගැන්ඩාවක් ගෙන ඒමට දත කන කාදිනල්ලා මෙන්ම

🔴 උන්ට උඩගෙඩි දෙමින් මේවා සංවිධානය කරනා උන් නටන්නට සැරසෙන විගඩම පසු පස සිටින්නේ මක්කුන්ද යන්න සොයා බැලීම...

🔴 රට කරවන උන් හා රාජ්‍ය බුද්ධි අංශ මෙන්ම... සාමයට හා සහජීවනයට ලැදි සාමකාමී ඉස්ලාම් බැතිමතුන්ද මේ ත්‍රස්තවාදීන් හා ත්‍රස්තවාදය පිළිබඳව මීට වඩා බොහෝ සෙයින් අවධානය යොමු කළ යුතුවාක් මෙන්ම.... ප්‍රජා පොලිස් සේවය හා සිවිල් බුද්ධි අංශ මීට වඩා ශක්තිමත් කළ යුතුමය. 

.

 

හිරයක් ගැනීම

 

හිරයක් ගැනීම

➖➖➖➖➖🔴

මහ රෑ හදිසියේ අවදි වූ බිරිඳට... තම ස්වාමිපුරුෂයා ඇඳේ නැති බව දැනිනි...

ඇඳෙන් නැගිට විදුලි ලාම්පුව දැල්වීමෙන් පසු එය තහවුරු කර ගත් බිරිඳ... ඔහු නාන කාමරයේදැයි සොයා බැලීය...

එහිත් නොමැති බව අවබෝධ වීමෙන් ඉනික්බිති... ඇය පහත මාලය වෙත යන අතරතුරේ... ඔහු උණුසුම් කෝපී කෝප්පයක් ඉදිරියේ තබාගෙන ගැඹුරු කල්පනාවක සිටින බව පෙනිනි....

ඔහු දෑසින් කඳුළු පිසදමා කෝපි උගුරක් බොන අයුරු ඇය බලා සිටියාය...

"මොකද ප්‍රශ්නේ රත්තරනේ?",
ඇය ඉතා ආදරබර මෘදු ස්වරයකින් විමසීය....

"ඔයාට මතකද මීට අවුරුදු 20 කට කලින් අපේ එෆයාර් එක පටන් ගත්ත දවස... ඔයාට මතකද...?"

ඔහු මෙතරම් බැරෑරුම් ලෙස, සංවේදී වෙමින් කඳුළු සලමින් සිටිනු කිසි දිනෙක නොදුටු ඇය...
"ඔව් මට මතකයි රත්තරන්..."

ඉතා අමාරුවෙන් වචන ගලපමින් ඉකිබිඳුම් මැද...
"ඔයාට මතකද ඔයාගේ තාත්තා අපි පාක් එකේ වාහනේට වෙලා ඉද්දි අල්ලගත්ත වෙලාව?

'ඔව්, මට මතකයි,"

"ඔයාට මතකද ඔයාගේ තාත්තා එයාගේ පිස්තෝලේ මගේ ඔලුවට තියලා... "එක්කෝ... තෝ මගේ දුව අදම බඳිනවද, නැත්නම් මම  තෝව අවුරුදු 20කට හිරේ යවන්නද?"

"මටත් ඒක මතකයි,"
ඇය මෘදු ලෙස පිළිතුරු දෙයි.

ඔහු දෙකොපුල් තෙමා යන තවත් කඳුලක් පිසදමා මෙසේ කියයි...
“මම හරි තීරණයක් ගත්තා නම්...
අද මට නිදහස ලැබෙන්න තිබුණා!

▪️හුදී ජන පාන් සංවේගය උදෙසා සුද්දන්ගේ එකක් මගේ එකක් වාගේ අනුවර්තනය කොට ලියා පලකලේ මහාචාර්‍ය මාතලන් වන මා විසිනි...
.

ජනපතිවරණයේ ජයග්‍රාහකයා කව්ද?

 

ජනපතිවරණයේ
ජයග්‍රාහකයා කව්ද?
➖➖➖➖➖➖➖⭕


මාතලන් තවමත් සිටින්නේ ජනාධිපතිවරණයක් නොපවැත්වේය යන මතයේය. රැල්ලේ පිහිණු සාමාන්‍ය ජනයා පවා දැන් කියන්නේ... රනිල් ලොක්කාට තව වසර 5 ක් බලය ලබා දිය යුතු බවය.

ඉදිරි ජනාධිපතිවරණයේදී.... නියත ජයග්‍රහණයක් ලබන බව සජිත් ජලනි බලවේගයේ මතයය. ඒ අනුව ඔවුන් ඉදිරියෙන්ම සිටින්නේය.

කෙසේ හෝ ජනපතිවරණය පැවැත්වුවහොත්... රනිල් ලොක්කා පරදින්න නම් ඉදිරිපත් වන්නේ නැතිය. ඔහු 2005 මහින්දට පරදින්නේ ඉතා සුළු ඡන්ද ප්‍රමාණයකින්‍ය.

ඒ කියන්නේ සජිත් ජනාධිපතිවරණයට ඉදිරිපත් වන්නේ නම්... රනිල් එන්නේ නැතිය. එහිදි ඔහුගේ ආශීර්වාදය අනුර කුමාරට හිමි වනු ඇති මුත්, ජලනි මැතිනිය ජනාධිපති ආර්‍යාව වනු ඇති අතර. නැවතත් හේමා ප්‍රේමදාස හා ශිරන්ති රාජපක්ෂ පන්නයේ විගඩම් රැසක්.... ජනතාවට දැකගැනීමේ වාසනාව හිමිවනු ඇත්තේය.

එමෙන්ම සජිත්ගේ සහාය රනිල්ට ලැබුනහොත් අන් පක්ෂ සියල්ලේම සහාය රනිල්ට හිමි වනු ඇති අතර.... පොහොට්ටුවෙන් මොකෙක් හෝ ඉදිරිපත් කරණු ඇත්තේය. එහිදි පෝට්ටුවේ බුලට් සියල්ල රනිල් හා එකතු වනු ඇති අතර... එය පොහොට්ටුවේ අවසානය වනු ඇත්තේය, එජාපයට අත් වූ ඉරණමම එයටද උරුම වනු ඇත.

සජබ හැර පොහොට්ටුවේ හා අනෙකුත් පක්ෂ සියල්ලේම සහාය ඇතිව.... රනිල් සජිත් හා අනුර චන්දයට ඉදිරිපත් වුවහොත් සුළු ජාතිකයින්ගේ පක්ෂ වල සහාය ලබා ගන්නා සජිත් හෝ රනිල් ජයගනු ඇත්තේය.

කෙසේ හෝ කිසිඳු පක්ෂයකට තනිව තරඟ කොට ජයගැනීමේ ශක්තියක් නැති අතර.... වැඩිම පක්ෂ ප්‍රමාණයක සහාය ලබා ගන්නා අපේක්ෂකයා අනිවාර්‍යයෙන් ජය ගනු ඇත්තේය.

ඒ අනුව ජාතික ජන බලවේගය නමින් ජනතාව අනාට ගොන්දාගෙන බයිලා ගසමින් රට වනසන වැඩ වර්ජන කරමින් සංවර්ධනයට අකුල් හෙලමින් ගෝත්‍රික දේශපාලනයක යන ජනතා විමුක්ති පෙරමුණට.... කිසිඳු අයුරකින් ජනාධිපතිවරණය ජයග්‍රහණය කිරිමේ කිසිඳු අවස්ථාවක් ඇත්තේ නැති අතර... එය ලබා ගන්න උපරිම ප්‍රතිශතය 18% වනු ඇත්තේය.

ඒ වගත් මෙසේය....

ඩයනා ගමගේ පාර්ලිමේන්තුවේ සිටිය යුතුම මන්ත්‍රිවරියකි...... (මේ රටට ආයේ එන්න කිව්වට , දහස් වරක් හිතලා වරෙල්ලා....)

ඩයනා ගමගේ

පාර්ලිමේන්තුවේ සිටිය යුතුම

මන්ත්‍රිවරියකි......

(මේ රටට ආයේ එන්න කිව්වට ,

දහස් වරක් හිතලා වරෙල්ලා....)

➖➖➖➖➖➖➖➖➖➖➖⭕

ඩයනා ගමගේ පාර්ලිමේන්තුවේ සිටිය නොයුතු මන්ත්‍රිවරියක් බව උසාවියෙන් තීරණය කළා...  ඒ පවතින නීතිය අනුව..

ඒ ගැන විවාදයක් නෑ... මොකෝ මේ තීන්දුව ගීතා කුමාරසිංහටත් ලැබුනා. ඉතින් ඩයනටත් තියෙන්නේ...  ගීතා කළ දේ කරන්න විතරයි.

අපි බලන්න ඕන ඩයනට ඇයි මෙහෙම වුනේ කියලා.. ඩයනා අදත් සජිත්ට කඩේ ගියා නම්... එයාලත් එක්කම උන්නා නම්... අදත් එයා පාර්ලිමේන්තුවේ... හැබයි එයා ඉන්න ඕන විපක්ෂයේ නෙමෙයි ආන්ඩු පක්ෂයේ කියලා... එයා මේ කෙටි කාළයේ භාවිතයෙන්ම පෙන්නුවා.

හැබයි... එයා පාර්ලිමේන්තුවේ ඉන්න එක... පාර්ලිමේන්තුවේ ඉන්න බිජු හීනතාවයෙන් යුත් පිරිමින්ට ළොකු අවුලක් බව තීන්දුවට පසුදා කසිප්පුවා මෙන්ම කතානායකත් පෙන්නුවා. 

ඌ කිව්වේ... ඒක පාර්ලිමේන්තුවට මෙන්ම කතානායකටත් විශේෂ සහනයක් කියලා. කතානායකත් හිනා වෙලා ඒක අනුමත කලා. ඔව් බිජු හීනතාවයෙන් යුත් තොපි වගේ උන්ට ඒක විශාල සහනයක් වුනාට, සිස්ටම් චේන්ජ් ඉල්ලන මිනිස්සුන්ට ඒක විශාල පාඩුවක්.

පාර්ලිමේන්තුවේ එක පිරිමියෙක් කතා කළේ නෑ ඩයනා වෙනුවෙන්. උන්ගේ තියරිය අනුව පාර්ලිමේන්තුවේ ඉන්න ඕනත් උන්ගේ ගෑණූ වගේ... සාම්ප්‍රදායික ගෑණු. පාර්ලිමේන්තුවේ ලොබියෙදි උන් කියන හැම කුණුහබ්බෙටම  ඔළුව නමාගෙන ගිහින්... පස්සේ කතානායක ළඟ අඬන ගෑණූ. හැබයි ඉතින් කතානායකත් ඉන්නේ උන්ගේ බෝට්ටුවේ. නිතිය හදන තැන ඉන්න උන්ගේ තත්වේ ඒක නම්... ඉතින්.... උන් හදන නීතී ගැනත් හිතා ගත්ත හැකි නේ.

වම්බොට්ටා...  කවිරත්නට අපහාස කළ වෙලේ නහින්න හදපු නලීන් බන්ඩාර... අනිත් පැත්තට... ඩයනට පාර්ලිමේන්තුවේ ලොබියෙදි ගහපු එක සදාරනීකරණය කරන්නේ ඒ නිසා... 

මහ ළොකුවට කාන්තාවෝ පාර්ලිමේන්තු එන්න ඕන කිව්වට කතානායකගෙ ඉඳලා බිජු හීනතාවයෙන් යුත් හැම එකාටම ඕන සාම්ප්‍රදායික ගෑණූ.

එතනින් එහාට... ලංකාව ලෝකෙට ගෙනියන්න... කංසා වවලා ආර්ථිකය ගොඩ ගන්න පුලුවන් කියන... සංචාරකයින්ට නයිට් ලයිෆ් දාන්න ඕන කියන..., ගල් බෝතලේ අඩු කලාම මිනිස්සු කසිප්පු බොන්නේ නෑ කියන... විප්ලවීය මොඩර්න් ගෑණු... උන්ට අනුව පාර්ලිමේන්තුවේ සිටිය නොයුතු... කරදරකාර... වනචර... නොහොබිනා... නොහැදිච්ච ගෑණූ.

දැන් ඩයනා අදින ගේමත් මරු... 

හොරකම වංචාව අල්ලස ප්‍රතික්ෂේප කරන සජිත් ප්‍රේමදාසලා පාර්ලිමේන්තුවට ඇවිත් ඉන්නේ පුරවැසිභාවයවත් නැති කෙනෙක්ගේ පක්ෂය සල්ලි වලට අරගෙන. එතනම වැරදි දෙකක්.. එතකොට ඩයනාට ජාතික ලැයිස්තු මන්ත්‍රිධුරයක් දීම පට්ට අල්ලසක්. 

මේවට අධිකරණය දෙන තීන්දු මොනවද කියලා බලාන ඉන්න එකත්... පට්ට ආතල් එකක්.

ඒක කෙසේ වෙතත් ඩයනා හිරේ දාන්න තමා මේ බිජු හීනතාවයෙන් යුත් පුරුෂාධිපත්‍ය රජකරන ආයතන වල ඉන්න හැම එකාම දැන් වලි කන්නේ. 

ඒ අස්සේ මාතලන්ට තියෙන විශාල ප්‍රශ්ණයක් තමා... 

▪️විදේශ වල ඉන්න වෘත්තිකයින්ගේ සේවය රටට ලබා දෙන්න නැවත එන්න...

▪️ඔවුන්ගේ මුදල් රටේ ආයෝජනය කරන්න එන්න.

▪️ව්‍යාපර ලංකාවේ ආරම්බ කරන්න එන්න.

▪️හම්බ කරන එකෙන් වැඩිපුර ඩොලර් 500 ක් එවන්න.. 

කියලා ආරාධනා කරලා. ඒ කතා අහලා ලංකාවට එන උන්ට නීතියෙන් අත්වෙන ඉරණම මේක නම්...

එහෙම එන උන්ට අන්තීමට ඒ රටයි... උපන් රටයි... හරි හම්බ කර ගත්ත දේයි... ඔක්කෝම නැති කර ගන්න එක නම් වෙන්නේ.

එහෙම එන්න හිතාගෙන ඉන්න එකෙක් ඉන්නෝ නම්... මෙහේ එන්න කලින්.... දෙපාරක් නෙමේ දහස් වාරයක් හිතලා බලලා වරෙල්ලා..

මොකෝ.... මේක වැඩක් පුලුවන් එකාට, යමක් කාමක් පුලුවන් එකාට... ෆුක නැතිවෙන්නම අරින පිස්සෝ රැලක් හා ආයතන තියෙන පට්ට ගෝත්‍රික රටක් නිසා...

උන් එකෙක්ටවත් තේරෙන්නේ නෑ... උන් ඔක්කෝම ජීවත් වෙන්නේ උඹලා ෆුක ඉරාගෙන නොකා නොබී ඉතිරි කරගෙන එවන දෙයින් කියලා. මේ රටේ ප්‍රධාන ආදායම විදෙස් ඩයස්පෝරාව හා විදෙස් ශ්‍රමිකයින්‍ය කියලා.

මේ රට විස්තර මෙව්වා

අහගෙන හිතට ගනිල්ලා

දෙවරක් හිතලා බලලා

එන්නලා හිතලා ඔහෙලා...//

.

 

ලාල්ගේ කතාව පට්ට සීරියස් ගත යුතුය.

 

ලාල්ගේ කතාව

පට්ට සීරියස් ගත යුතුය.

➖➖➖➖➖➖➖➖⭕

ජාතික ජන බලවේගය යන බැටළු හමට මුවා වී දේශපාලනයේ යෙදෙන.... ජනතා විමුක්ති පෙරමුණ නම් තනි දේශපාලන බලවේගයට රටේ බලය ගියහොත්... එය ප්‍රජාතන්ත්‍රවාදයේ මළගම බව මාතලන් ලියන්නේ බොහෝ කලකට පෙර සිටය. ඔවුන්ද දේශපාලනය කළ යුතුය. එහෙත් ප්‍රජාතන්ත්‍රවාදී දේශපාලනය ඔවුන්ට තවම හුරු නැතිය.

ඔවුන්, ඔවුන්ට වඩාත් හොඳින් ගැලපෙන 56 බයියන් සමඟ කීප විටක්ම එක්ව මැතිවරණ වලට ඉදිරිපත් වූයේ... එම පක්ෂයේ බලය තමන් වෙත ලබාගැන්මට මිස... වෙන කිසිවකට නොවේය. විමල්ගේ නැත්ත වෙනුවට ඇත්ත පොත මීට සාක්ෂි දරන්නේය.

මේ බව තේරුම් ගත් මහින්ද රාජපක්ෂ, විමල් වීරවංශ හරහා ජවිපේ දෙකඩ කළේ ඔහුට මේ ගැන හොඳ වැටහීමක් තිබුන නිසාය. කෙසේ හෝ... චන්ද්‍රිකා ජවිපේ හා දීග කෑ සමයේ, මහින්ද හා ජවිපේ අතර කිසිම ඇයි හොදයියක් නොතිබූ බව කවුරුත් දන්නා රහසකිය. මහින්දට ජනාධිපති අපේක්ෂකත්වය ලැබුන පසු... ජවිපේ හා සංධානගතවීම සිඳුකළේ මංගල සමරවීර හා මෛත්‍රීපාල සිරිසේන උන්නැහේලාය.

එහෙත් මහින්ද බලයට පැමිණි පසු එය රාජපක්ෂ පවුලේ බූදලයක් වූ අතර, ජවිපේ මෙන්ම බන්ඩාරනායකවරුන්ද, මංගල සමරවීරලාද, සිරිසේනලාද, සිරිපාලලාද නිකන්ම නිකන් හාල් කෑලී බවට පත් වුනේය.

ලාල් කාන්ත කියන්නේ අර ගමේ ලස්සනම ලේලී අපෙ අම්මගෙ ලේලී කියන්නා වගේ.... ජවිපේ ඉන්නා අවංකම ජේවීපී කාරයා බව ඕනැම එකෙක් පිලිගන්නා කරුණකිය. ලාල් කන බොන වගේම අනෙක් වැඩවලටත් ලෝස් බෝස් නැති හිත හොඳ කොල්ලාය. ලාල් දෙබිඩ්ඩෙක් නොවේය. ලාල් කියන්නේ ඇත්තය. 88/89 ඒවා... එයාලා කළ බව සියල්ලන්ටම කලින් පිලිගත්තේ උන්නැහේය. ඒ ඔහු ළඟ බොරුව නැති නිසාය.

ලාල් සඕදරයා ජවිපේ දේශපාලන බල මණ්ඩලයේද ප්‍රභල සාමාජිකයෙකිය. එතකොට ලාල් සඕදරයාගේ මෙන්ම දේශපාලන බල මණ්ඩලයේ ඉන්න අනෙක් සාමාජිකයින්ගේ ප්‍රකාෂයන් අප සුළුකොට තැකිය යුතු නැති අතර, ඒවා අප බාර ගත යුත්තේ බරපතල ප්‍රකාෂ ලෙසය.

මැයි පළමු වෙනිදා ලාල් සඕදරයාගේ ප්‍රකාෂයන් පට්ට සීරියස් ප්‍රකාෂණයන් වෙන්නේ මෙනිසාමය.

එයා කියන්නේ මේ රටේ පරමාධිපත්‍ය බලය ඇත්තේ ජනතාවටෙයි කියා කීවාට... ඒක නිසි ලෙස ක්‍රියාත්මක නොවනා බවය. එනම් ජනතාවගේ පරමාධිපත්‍ය නියෝජනය කරන ආයතනයන් වන විධායකය, ව්‍යවස්ථාදායකය මෙන්ම අධිකරණය එය අපයෝජනය කරනා බවය.

ටිරාන් අලස්ගේ ප්‍රකාෂ වලට ලියුම් පිට ලියුම් ලියා ජිනීවා යනවා යැයි කියනා නීතීඥ සංගමයට මේවා පේන්නේ ඇහෙන්නේ නැත්තේ... උන්නැහේලාත් මේකේ කොටස් කාරයෝ හේතුවෙන්දැයි කියා අප දන්නේ නැතිය.

ඔහුට මෙන්ම... එසේ සිතනා සෑම එකෙකුටම එසේ සිතෙන්නේ... අප කැමති තීන්දූ තීරණ මෙන්ම... අප කැමති නීතී රීතී හා දඩුවම් එම ආයතන වලින් නොලැබෙන නිසාය. එහෙත් ලාල්ට මෙන්ම මේ මතයේ ඉන්නා හැම එකාම නොදන්නා දේ නම්, මේ ආයතන ලෝක සම්මත නීතී රීතී අනුවද ක්‍රියාත්මක විය යුතු බවය.

එහෙත් ලාල් කාන්ත කියන්නේ මේ සිස්ටම් එක හරියන්නේ නෑ කියලාය. ඒ අනුව 

▪️වරදකරුවන් මොකාද යන්න තීරණය කිරීම

▪️නඩු ඇසීම

▪️තීන්දූ හා දඬුවම් දීම

යන ලෝක සම්මත නීතී ක්‍රියාත්මක කරනායතන වන පොලීසීය... පාර්ලිමේන්තුව... උසාවීය... අධිකරණ.. හා බන්ධනාගාර තව දුරටත් අත්‍යාවශ්‍ය නොවනාතර.....

රටේ නීතිය වන්නේ 88/89 කළාක් මෙන්... නඩු ඇසීමකින් තොරව.. ගමේ ජනතාව විසින් ගන්නා තීන්දු තීරණ ප්‍රකාරව... වරදකරුවන්ගේ නිවෙස් වලට පැන ඔවුන් කුදලාගෙන ගොස්... බෙල්ල කපා වැටේ ගසා මිනීය දනිහෙන් පහළ ගෙන ගොස් වල දැමීම.... රටේ නීතිය වන බවය.

අපටත් මෙම උසාවිවල රැකියාවක් ලබාගෙන ජීවත් වීමේ අවස්ථාවක් නැති බව අප අවබෝධ කරගෙන ඇත්තේ, අපටද අත්වන්නේ ඒ ඉරණමම බව.... දැනටමත් ලාල් අයියාගේ හා චතුරංග අබේසිංහගේ අනුගාමිකයින් විසින් තීන්දු කර... කොමෙන්ට්ස් ලෙසින් අප වෙත දැනටමත් ප්‍රකාෂ කර ඇති බැවිනි. 

ඊට හේතුව වන්නේ අප ඔවුන්ගේ පක්ෂයේ මතයන්ට එරෙහි දේශපාලනයක නිරත වීමය. ඒ අනුව ලාල් සඕදරයා කියන්නැහේ.... බහුපක්ෂ ප්‍රජාතන්ත්‍රවාදයක් තිබෙන්නට බැරිය. කොහොමත් එයාලා ආවාම පාර්ලිමේන්තුව විසුරුවා හැර ඔවුන්ගේ පාලනයක් ගෙනයන බව කියනවා මිසක. නැවත පාර්ලිමේන්තු මැතිවරණයක් ගැන සඳගනක් ඇත්තේම නැතිය.

කොහිමත් ඒ සර්වජන චන්ද බලයේ මෙන්ම ප්‍රජාතන්ත්‍රවාදයේද අවසානයය. ඔවුන් පට්ට සමාජවාදීන් බවත් ඔවුන් විසින් ගෙනයන්නේ සමාජවාදී පාලනයක් බවත් ටිල්වින් සිල්වා සඕදරයා සපත කොට අවසානය.

එබැවින් අනුර කුමාරයා බලයට පැමිණි විගස පාර්ලිමේන්තුව විසිරුවා හැර.... මුන්නැහේලා නටන්නට යන්නේ... 1977 ජේ ආර් බලයට පැමිණ පොලීසියට සතියක් නිවාඩූ දී සහ... 1983 කළ ජාතිවාදී සංහාරයන් වලින් ඉදිරියට ගොස්,

පොලීසියට පමණක් නොව... උසාවි හා අධිකරණ සම්පූර්ණයෙන්ම වසා දමා.... 1988/89 ජවිපේ අධිකරණ ක්‍රියාදාමය රජකරනා... පොල්පොට් පාලනයක් බව... ඒකාන්තයෙන්ම විශ්වාසය.

එවන් පාලනයකට ජනතාව හා අනෙකුත් දේශපාලන පක්ෂවල හාල්පාරුවෝද කැමති නම්, අපට කරන්නට දෙයක් ඇත්තේත් නැතිය.

ඒ වගත් මෙසේය.....

.

නලීන් ද සිල්වා නම් මහා ප්‍රාඥයා උතුම් වූ බෝධියකින් නිවන් යෑම

 

නලීන් ද සිල්වා නම් මහා ප්‍රාඥයා
උතුම් වූ බෝධියකින් නිවන් යෑම
➖➖➖➖➖➖➖➖➖➖➖⭕

නලීන් ද සිල්වගෙ මතවාදයක් හෝ දර්ශණවාදයක් කියලා සුවිශේෂී එකක් තිබුනේ නෑ.. එයා ප්‍රාමාණික උගතෙක් නිසා... එයාට විරුද්ධ ඇකඩිමික් පොරවල් පවා.... එයා එහෙම කෙනෙක් කියලා පෙන්වන්න උත්සාහ කළා. හේතුව ඔහු විස්ස විජ්ජාල ආචාර්‍යවරයෙක් වීම.
ඒ කියන්නේ ලංකාවේ විශ්ව විජ්ජාලවලින් බුද්ධිමතුන් බිහි නොවනා නිසා මුන්නැහේට හෝ ඒ තත්වය ආරුඩ කර දී සතුටු වෙන්න.

උන්නැහේ ඇවිල්ලා දේශීය නිදහස් අධ්‍යාපනයෙන් හා රෑ 10 වෙනකන් ඉර පායලා තියෙන රටෙන් ලබාගත් විශයානුබද්ද දැණීම් පද්දතිය පැත්තකින් තියලා.. නැෂනල් අඳින 56 බයියොන්‍ට එකතු වුනා. ඒ බයි සෙට්ටෙක ලීඩ් කලේ ගුණදාස අමරසේකරලා, හරිස්චන්ද්‍ර විජේතුංගලා,  සූරිය ගුණසේකරලා.. ඒත් ඔවුන් උපාධිකාරයෝ වුනත් කැම්පස් ගුරාලා නෙමෙයි. ඊට පස්සේ ගණුදෙණු කළේ ගෝඩ් නාථ සමඟ.

පසුකාළිනව මේ සියල්ලෝම. බයියන්ගේ රජ දහන වන ශ්‍රී ලංකා නිදහස් පක්ෂය හා එහි මුදුන් මල්කඩ වන සාටකේ එල්ලුනා.

හැබයි මහින්ද ඔය එකෙක්වත් ගනන් ගත්තේ නෑ. මේ සෙට්ටෙක නෙමේ, මල්වතු  අස්ගිරිත් මහින්දට එහෙයි හාමුදරුවනේ කිව්වා... මහින්ද ඔය හැම එකාගෙන්ම ගන්න ඕන දේ ගත්තා මිසක්... එයාලට ඕන දේවල් කරන්න ගියේ නෑ. එයා කළේ ශිරන්තිටයි දරුවන්‍ටයි ඕන දේවල් විතරයි. දළඳා වැන්දෙත් ලැම්බෝගිනි වට වන්දනා කරලා. රශියන් කෑලී නටවලා.

ඔය නලීන් ද සිල්වා කලාය කියන චින්තන විප්ලවයට වඩා විශාල දායකත්වයක් ඒ මතවාදය හා චින්තනය වෙනුවෙන් විජේවීර, විමල් වීරවංශ, පාඨලී, සෝම හාමුදුරුවෝ වගේම නානසාර සාධුලා කලා.

දැන් මහින්ද මහත්තයා තල්ලු ඉස්ටාට් එකෙන් යන අස්සේ... නලීන් ද සිල්වා නිවන් පුර වැඩියාම... සිහළ බෞද්ධ බලවේගය අවසන් කියලා ආතල් ගන්න බෞතීස්මවාදීන්ට මට නම් කියන්න තියෙන්නේ...

ඔයාලා මහා බලවේග කියලා උඩදාපූ අය නැති වුනා කියලා... ඒ බලවේගය එහෙම නැති කරන්න නම් ලේසී වෙන්නේ නෑ කියනෙක විතරයි. ඒක තියෙන්නේ ඇකඩමික් සුලුතරයේ අතරේ නෙමෙයි.. කැළණි නයා වඳින සාමාන්‍ය ජනතාව අතරේ. ඒ අස්සේ ඇකඩමික් ඒවුනුත් ඉන්නෙක වෙනම කතාවක්.

ඔය නලීන් ද සිල්වත්, රොහාන් පෙරේරා වගේම සමාජ මාධ්‍ය ඇතුලේ ඉතා කුඩා කල්ට් මේන්ටේන් කළ සිප්පි කෑලී විතරයි..  එයාලා මහා සමාජයට කරපු ලබ්බක් ඇත්තේ නෑ. ඒක... ප්‍රධාන මාධ්‍ය දිහා බැලුවාම ඉතා පැහැදිලියි.

අනික් ලස්සනම දේ තමා .... අනුන්ගේ දරුවෝ දේශීයකරණය කරන්න හදපු රෙද්ද අස්සේ මහත්තයා.... බටහිර රටක ජීවත්වෙන තම දරුවන් ළඟ නිවන් දැකීම. ඉදින් මොවුන්ගේ දෙබිඩි ජීවිතේ අවසානයේ හෝ හෙලිවෙනවා...

කරුමේ කියන්නේ නිවන් දකින්න තරම් උතුම් බෝධියක් ඇමරිකාවේ තියෙනවද කියනෙක.

අනික ඉතින් ශ්‍රී මහ බෝධිය ළඟ වුනත් නිවන් දකින්න බයයි නේ. මොකෝ ඔතන ඩ්‍රින්ක් එකක් දාන ඩබ්ලිව් ජයසිරි ලොක්කා  නිවන් යන්න ඔන්න මෙන්න තියෙද්දි... නලියා මචං මේ ෂොට් එකත් දාලා පලයන් කිව්වොත් නිවන් ගිහින් හමාරයි නේ .

ඇත්තටම මේවා පට්ටම ආතල් කේස් ඕයි...

මම මේ රටට... මගේ පණටත් වඩා ආදරේ මේ නිසාමයි.

නොවේ මෙවන් ආතල් රටක් ලොවේ...

නිවන් පැතු ඔබට..

නිවන් සුවයම ලැබේවා...!!!!

➖➖➖➖➖➖➖➖➖➖➖➖➖➖➖➖➖➖➖➖➖
.

නලීන් ද සිල්වා
➖➖➖➖⭕

රූපවාහිනී විවාදයන් තුල දත් මිටි කකා තම ප්‍රතිවාදියාට දරුණු ලෙස ප්‍රහාරය එල්ල කරන දෙදෙනෙක් උන්නා...

එක්කෙනෙක් නලීන් ද සිල්වා... අනිකා පාඨලී චම්පික රණවක... දෙන්නම පට්ට ජාතිවාදීන්... හැබයි ඔවුන්ගේ කතා බහ නීරස වුනේ නෑ... ඊටාමතරව නලීන් ඩි සිල්වා දේව මණ්ඩලය එක්කත් සබඳතා තිබුන කෙනෙක්....

හැබයි එයා බටහිර විද්‍යාවට පහර ගැහුවෙත්... ඒවාත් දේව සංකල්පම... විජ්ජාත්මක මත ලෙස ඉදිරිපත් කිරීම් කියලා....

උන්නැහේ ගැන ඒ කාළේ ජෝර්ජ් කාලීන්ට වගේ තිබුන යම් කිසි ගෛරවයක් තිබ්බා නම්.... මේ නාථ දේව මණ්ඩල වැඩෙන් අවුට් ගියා. උන්නැහේ ජෝක් එකක් වුනා..

ඒ බටහිර විජ්ජාව ඉස්මුදුනින් පිලිගන්න අය අතරේ... හැබයි ඔහුගේ ගණිතය පිළිබඳ තිබුන දැණීමට අභියෝග කරන්න කිසිවෙක් ඉදිරිපත් වුනෙත් නෑ..... කිසිවෙක් මේ වනතෙක් බිහිවෙලාත් නෑ.

එයාට කින්ඩි දාපූ අය... නාථ දෙයියන්ටත් කින්ඩිය දැම්මට... බිග් බැන්ග් තියරි, බ්ලැක් හොල් තියරි, ගැලක්සීස වගේම පරිනාමවාදයත් කිසි අවුලක් නැතිව හිස් මුදුනින් පිලිගන්නේ.....

දැන් ඔය ඇමරිකාවේ ලස් වේගාස් වල ඒරියා 51 වල පිටසක්වල ජිවීන් එක්ක ගණුදෙනු සිඳු වෙනවය... ටෙක්නොලජි ගොඩක් එන්නේ ඒ හරහාය කියලත් ඒ අයම කියනවා නේ...

ඉතින් ඒ වගේ... අනාගතේ දවසක... නාථ එක්ක කොමියුනිකේට් කරන්න පුලුවන් වුනොත්... ආයේ නලීන් ද සිල්වා ගැන... චන්න ජයසුමනලා වගේ අය ගැන නැවත කතාවෙයි.. එයාලත් විශ්වය එක්ක ගණුදෙණු තිබුන අය බව හෙලිවෙයි.

කෙසේ හෝ උන්නැහේ යන බවට ඉඟියකුත් ඊයේ දීලා තිබුනා... දැන් එයාගේ ගෝලයන්ට තියෙන්නේ
... හැකි ඉක්මනින් මේ දේව මණ්ඩලය සමඟ පවතින සබඳතා තුලින් ඔහු දරූ මතයන් නිවැරදි බවට සනාත කිරීම..

සුබ ගමන්
නලීන් ඩි සිල්වා....

.