එජාපයද අශූචී කන්දකි.... - UNP also in the same Boat..

මාතලන්ගේ අසල්වැසි බහුතරය කැපුවත් කොළ පාට උන්ය. උන් මේ දවස්වල කියන පට්ට ජෝක් එකක් තියෙනවාය. උන් කියන්නේ අලි පාටියේ උන් හොරුන් හොයන්නේ ගේම් දෙන්න නොව, මාට්ටු වෙන්නේ නැතිව හොරකම් කරන්නේ කොහොමද කියලා, හොරුන්ගෙන් ඉගෙන ගන්නය කියලාය. උන් කියනා ආකාරයට අල්විස් කොමිසමේ, රහස් පොලීසියේ, "අපරාධ මූලස්ථානේ" සාක්කි දෙන උන්ගෙන්, යූ ඇන් පි කාරයෝ හොරකම් කරනා හැටි ඉගෙන ගන්නවාය. ඒ අනාගතේ හොරකම් කරන්නටය.

අම්මපා කතාව සහතිකම ඇත්තය. ඒත් අරුන් වාගේ මුන්ට හොර වැඩක් වත් කරන්න බැරි බව අද ඔප්පු වෙලා හමාරය. ඒ කාළේ හොරකම් කළේ නොම්මර එකේ ඉන්ටර්නැෂනල් හොරෙක් එක්කය. අද හොරකම් කොරන්න වෙලා තියෙන්නේ, යහ පාළණයක් ගෙනියන එකෙක් එක්කය. ඒ හොරා දීපු ගේම් ඉන්ටර්පෝල් එකේ උන්ට තියා, ළෝක බැංකුවේ ළෝක හොරු අල්ලන උන්ටත් අල්ලන්න බැරිය. අවුරුදු නමයක් තිස්සේ මේ රට විනාශ කළ කම්බ හොරුන් ආන්ඩුවට කින්ඩිය දාන්නේ, "අනේ ඉතින් අල්ලලා කරන්න පුළුවන් දෙයක් කොරහන්කෝ..." කියලාය.

ආන්ඩුවේ වැඩ බැරි දාසලා දැන් කියන්නේ, එයාලා හොරු අල්ලනවා කියා පොරොන්දුවක් දුන්නේ නැතෙයිය, හොරුන්ට විරුද්ධව ක්‍රියා කොරනවා කියල නම් කිවැයි කියාය. සම හරක් විට ඒ උත්තමයෝ කොරන්නේ ඒක වෙන්න ඇතිය. කොහොමත් නැව් ගිල්ල හොරුන්ට, නැව් වල අවි ගබඩා තියාගෙන, ඒවා මුහුදු මංකොල්ලකාරයන්ට, ත්‍රස්ථවාදීන්ට, මෙන්ම එක එක රටවලටත් විකුණපු පට්ට හොරු සියල්ලන්ම, මේ රජයේ යටතේත් කිසි අවුලක් නැතිව අගේට ඉන්නවා පමණක් නොව, මේ ආන්ඩුව යටතේත් නීතී විරෝධි ගේම් එහෙමම කොන්ටිනීව්ත් කොරනවාය. ඒකේ අයිති කාරයා රනිල් වික්‍රමසිංහගේ අයියාගේ චැනල් එකේ ඉන්ගිලිස් "ජනහඬ" එකට ඇවිත්, පොර ටෝකුත් දෙනවාය.  රුවන් විජේවර්ධනලා, ලක්ෂ්මන් කිරිපල්ලලා, විජේදාස රාජපක්ෂලා එයාලාට කැරෙක්ටොර් සැටිපිකටුත් දෙනවාය.

කෙසේ හෝ මේ රට හදන්න ඔක්කෝටම කලින් කළ යුතු දෙය නම්. මේ හොරකම් වංචා හා දූෂණයන් නැවත්වීමය. මේ රටේ දරුණු ආදායම් විශමතාවයක් ඇති වී ඇත්තේ මේ හේතුව නිසාමය. ආර්ථිකයෙන් වැඩි කොටසක් කළු සල්ලි බව ආර්ථිකය ගැන අබ මල් රේණුවක දැණුමක් ඇති උන් සියල්ලෝම දන්නවාය. සෑම එකාම සල්ලි හම්බ කරන්නේ නීතියට අනුකූලව නොවේ. රාජ්‍ය සේවය සපූර්ණයෙන්ම හොර ගුහාවකි. අධිකරණයද එසේමය. ව්‍යවස්ථාදායකයේ අති බහුතරය නොම්මර එකේ කළු කඩ බිස්නස් කාරයෝය.

කළුතර පැත්තේ බඩු කාරයෙක් කියා තමාම හඳුන්වා ගන්නා නොම්මර එකේ හොරෙක් කිව්වේ, මහ ඡන්දයට ඌ කළ වියදම රුපියල් ලක්ෂ 800 ක් කියලාය. එතකොට මේ යකා අවුරුදු පහකට ඇමති කමක් ගත්තත් නීතියානුකූලව උගේ ආදායම වනුයේ ලක්ෂ 33 කි. එතකොට ලක්ෂ 767 ක පාඩුවක් දමාගෙන මූ එන්නේ ජනතාවට සේවය කොරන්නද? ඇත්තටම මූ ජනතාවට කර තිබෙන සේවය කුමක්ද? ඇත්ත කතාව එය නොවේ. මහ උන්ගේ ආශීර්වාදයද සහිතව, දේශපාළණ බලාය යොදාගෙන තම හත්මුතු පරම්පරාවටම හරි හම්බ කර ගැනීම එකම පරමාර්තයයි.

ඌ පැමිණිමෙන් එය නතර වන්නේද නැත. හොරකම දිගටම ගෙන යාමට හා තම පරම්පරාව ඉදිරියටත් රැක ගත් යුතු බැවින්, ඊළඟට තම පුතාද දේශපාළණ්ය තුලට කැඳවා ගෙන එයි. ඒ සඳහා නියම ඉල්ලමක්, ඉන්දියාව විසින් නිශ්පාදනය කොට, මේ රටේ කම්බ හොර දේශපාළුවන්ට තෑගී දී ඇත. ඒ, එළොවටත් මෙළෝවටත් නැති, මෙළෝ රහක් නැති. පට්ට සුදු අලියෙක් උන, පලා බබාලා හා බබීලාය. හොරකම ලීගලයිස් කරණුයේ එම අවස්ථාවෙ සිටය.

ඇත්තටම බැලුවහොත්, 1994 න් පසු දේශපාළණය පවුල් කිහිපයකට සීමාවී ඇත. නමුත් සිඳු විය යුත්තේ මෙය නොවේ. වසර පහෙන් පහට පාළණය සම්පූර්ණයෙන්ම වෙනස් වන, එසේ වෙනස් වූවද, ජාතික ප්‍රතිපත්තියක් යටතේ, රට සීඝ්‍රයෙන් දියුණුව කරා ගෙන යන නැවුම් මුහුණු හා දක්ෂයන් බිහි වීමයි. එහෙත් අවුරුදු විස්සක් තිස්සේ රට විනාශ කළ උන් කිසිම ලැජ්ජාවක් නැතිව කියනුයේ, යලිත් උන්ට බලය ලබා දෙන ලෙසයි. මෙය නම් නොම්මර එකේ විහිළුවක්මය. මේ රටේ ඉන්නේ මේ ගොන්නු පමණද?

ජනතාව යහ පාළණය තුලින් පැහැදිලි වෙනසක් බලාපොරොත්තු විය. එය සුළු පටු වෙනසක් නොවේ. ජාත්‍යන්තර දේශපාළණය ගැන දැණුමක් ඇති තරුණ පරපුර විශේෂයෙන්ද, ළෝක දේශපාළණය ගැන දැණීමක් ඇති මධ්‍යස්ථ පිරිසද ඉල්ලා සිටින්නේ, සුපීරිසිඳු දේශපාළණයක් මිස මුහුණු වල වෙනසක් නොවේ. එය දියුණු රටක සමාජ ක්‍රමයට හා ජීවන ක්‍රමයට සමාන ක්‍රමයකි.

නයි ටී එන් හා රූපවාහිනි නරඹන ළිං මැඩි හරකුන්, ජැක්සන්ලා, රවින්ද්‍රලා මාලනීලා විසින් ඇන්දුවා සේ,  සෝමරත්න දිසානායකලාට, උපුල් ශාන්ත සන්නස්ගලලාට, මොහාන් රාජ් මඩවලලාට, අළුත් පරපුර ගොනාට ඇන්දවිය නොහැක. ඒ ජනමාධ්‍ය නිදහසද නොසිතු විරූ ආකරයෙන්, ලැබීම හේතු කොට ගෙනය.  උන් වීරයන් යැයි කියා උන් සිතා සිටියද, අද උන් එම ජනතාව ඉදිරියේ ජෝකරයන් වී හමාරය.

මහින්ද රාජපක්ෂ මෙන් හොරකම් හා ගේම් දීමට කිරීමට එජාපයේ උන්ට බැරි බව අද ඔප්පුවී හමාරය. මහින්දගේ කාළේ නොම්මර එකේ ගේම් දුන්, අජිත් නෙවාඩ්ලා, පී බී ජයසුන්දරලා, ගාමිණි සෙනරත්ලා, නාමල් රාජපක්ෂලා, බැසිල් රාජපක්ෂලා, ධම්මික පෙරේරලා, සුමල් පෙරේරලා, රවී වෙත්තසිංහලා, දිලිත් ජයවීරලා, අශෝක පතිරගේලාගේ ශුකාණුවක හෝ නැට්ටක් මුන්ට අල්ලා ගන්න බැරිය. මේ මහා පරිමාන ළෝක හොරුන් හා සැසඳු කළ, රත්තරන්ලා, විමල්ලා, අළුත්ගම්ගේලා කෙහෙල් කන් හොරුය.

එජාපයට රට පාළණ්ය කිරීමට කිසිඳු වැඩ පිලිවලක් නොතිබූ බව ඉතා පැහැදිලිය. එසේ වූවා නම් මෙසේ නාගන්නේ නැතිය. හොරු ඇල්ලිම ගැනද එසේමය. ඇවන් ගාඩ් සිද්දියෙන්, එජාපය හත් පොලේ ගාගෙන අවසානය. මහ බැංකුවේ භාන්ඩාගාර බිල්පත් සිද්දිය නිසා, එජාප පාළණය ගූ කන්දක් වී අහවරය. ජනාධිපති පත් කළ කොමිසමට, නියෝජිතයින් පත් කරන්නේ හොරාගේ අම්මාගේ මහා එකා වන, රනිල් වික්‍රමසිංහයන්ය. තුන් දෙනාම නොම්මර එකේ එජාප පාක්ෂිකයන්ය.

මහ බැංකුවේ ගණුදෙණුවට සම්බන්ධ වූ පාර්ෂවය හෙවත් මහ බැංකුවේ මහ එකාගේ  සන් ඉන් ලෝට එරෙහිව ඒ කාළේ කෑ ගහපු, රවීලා, හර්ෂලා, එරාන්ලා, අද ගලේ පැහැරූ බළලුන් මෙන්, මේ මහා වංචාව පිළිබඳ ප්‍රශ්ණ කළ විට, ගොත ගසමින් වචන එකතු කරති. ඔවුන්ගේ වොයිස් කට් තුලින්ම, ඔවුන් ගූ නාගෙන සිටිනා බව ඉතා පැහැදිලිව පෙනේ.

රවී කරුණානායක කෙසේ වතුද, හර්ෂ ද සිල්වා හා එරාන් වික්‍රමරත්නයන්ලාගෙන් අප මෙවන් දෑ කිසිසේත් බලා පොරොත්තු වූයේ නම් නැත. රටේ වාසනාවකට්, චම්පික රණවකලාද, දූෂණ විරෝධි පෙරමුණේ ශිරාල් ලක්තිලකලාද, ජෙප්පන්ද මීට එරෙහිව හඬක් නැගීම, යහ පාළණ කෙරේ බලාපොරොත්තු තබා ගත් උන්ගේ වාසනාවක්මය.

රට තුල සිඳු වූයේ කිසිවකුත් අපේක්ෂා නොකල මට්ටමේ මහා විප්ලවයකි. අද එක එකා එහි අයිතිවාසිකම් සඳහා පෙනී සිටියද, ජනතා අපේක්ෂාවන් මුලින්ම වේදීකාවට ගෙන ආවේ මාදුළුවාවේ සෝභිත හිමියන්ය. උන් වහන්සේගේ හඬ මහා පිපිරුමක් විය. ගල් පිළිම ලෙස උන් කම්බ හොරුන්, බොල් පිළිම බවට පත් කළේ ඒ හඬය. එය කෙතරම් දරුණු වූයේද යත්, ආන්ඩුව තුල පොන්නයන් ලෙස යුග දිවි ගෙවූ ප්‍රානින්ගේ අප්‍රානික කොට තිබූ පුරුෂ නිමිති උත්තේජනය කිරීමට සමත් විය..

විය යුත්තේ කුමක්ද? ඉතිරිය තව දුරටත්...