ඉස්ථාවර, අස්ථාවර හා බඩගෝස්තර - Stable, Unstable & Greedy Politicians

මේ රටේ ජනතාව ජනපතිවරණයක් ඉල්ලුවේ නැතිය. ඉල්ලුවේ ජීවන බර අඩු කරලා දෙන්න කියලාය. කාටුන් කාරයන්ගේ බඩ පිටේ ඇලුනේය. සරම්, කඩමාලු උනේය. මල්ල හිස් උනේය. ඒ කියන්නේ සමාන්‍ය ජනතාව අම්බ හිඟන්නෝ උනේය. 2016 වනතෙක්, රට පාළණයට යුද්ධය දිණූ වීරයාට වැඩි ඡන්දයෙන් වරමක් දීලා තියෙනවාය. එසේ තිබියදී, ඡන්දයකට යන්නේ ජොතිෂ්‍යකාරයෝ නිසාය. ජෝතිෂකාරයෝ මෙන්ම අන්ඩුවේ පොලිටික්කෝද, හොල්මන්ද බේරේ උනේ, ඌවේ හරින්ගේ, "දැන් ඔක්කොම හරි" සෙල්ලම නිසාය. තව අවුරුදු දෙකක් උන්නොත්, නන්න පෝල් කියලා තේරුන ජනාධිපති තුමා, වේලපත්කඩේ පිහිට පතන්නේ මේ නිසාය.

පෙට්ටි කැඩීම - Breaking The Box

 

සම්මාන ගැන මාතලන්ට තියෙන්නේ වෙනම මතයක්. බ්ලොග් වලටත් නොයෙක් නොයෙක් සම්මාන ලැබිලා තියෙනවා. සමහර සම්මාන නම්, බ්ලොග් ලියන උන්ගේ හාස්‍යයටත් ලක් වෙනවා. ඒත් "ටැබූ සම්මාන" ගැන නම් කවුරුත් වරදක් කියනවා අහලා නෑ. ඒ වගේම මාතලන් බ්ලොග් ලියන්න ආපු දවස්වල සින්ඩි වලිනුත් බ්ලොග් සම්මාන දුන්නා. මාතලන්ටත් සින්ඩියක් තියෙන නිසා, මාතලන්ටත් කීප විටක්ම හිතුනා එහෙම අගය කිරීමක් කරනවා නම් හොඳයි නේද කියලා. ඒත් ඒ අදහස පස්සෙ අමතක වෙලා ගියා.

සල්මාන්, සමනලී හා බලු පූට්ටු... - Salman, Samanalee & Dog Mating

ලියන්නට දෙයක් නැත. ගොසිප් සයිට්, පොලිටිකල් වෙබ් සයිට් වේලෙනවාය. මේ කලටි පොල් කඩන කාලයක් නිසා, වෙන මළදාන ලියලා ඇති වැඩකුත් නැතිය. අඩු ගානේ ලෝකල් ගොබෙල්ස්ගේ, "සී නිව්ස්" එකේ වත් මෙළෝ දෙයක් නැතිය. දෙපැත්තම, රටට වින කල ගං වතුරේ ගසාගෙන ගියාදෝ කියා හිතෙනවාය. මාතලන් මේ දිනවල ඉන්නා හද්ද පිටිසර ගම්මානයේවත්.. බද්දේගමවත් සිරිසේන උන්නැහේගේ කැම්පේන් එකක්වත්, පෝස්ටර් එකක්වත් කටවුට් එකක්වත් පේන්නවත් නැතිය.

අධිෂ්ඨානය - එල්. ටී. ටී. ඊ. පරාජය නාවික හමුදාවේ භූමිකාව - Adhishtanaya - Role of the Navy in LTTE's defeat

ග්‍රන්ථ විචාරය: 'අධිෂ්ඨානය - එල්. ටී. ටී. ඊ. පරාජය නාවික හමුදාවේ භූමිකාව'

කර්තෘ: අදිමිරාල් වසන්ත කරන්නාගොඩ

ප්‍රකාශක: එච්. කේ. මහින්දලාල්, කොළඹ 5

පිටු 418, මිළ රුපියල් 950

- චානුක වත්තේගම -

විශ්‍රාම ගිය ජ්‍යෙෂ්ඨ රාජ්‍ය නිලධරයකුගේ චරිතාපදානයක් කියැවීම තරම් නිදි දුරැත්තෙකුට මහඟු ඔසුවක් නැතැයි ඛුෂ්වන්ත් සිං වරෙක ලීවේය. මේ ඇත්තෙක් නම් අද්මිරාල් වසන්ත කරන්නාගොඩගේ 'අධිෂ්ඨානය' මේ තියරිය බොරු කරන පොතක් සේ මම දකිමි. පිටු හාරසිය ගණනෙකින් හා මනා නිමාවෙකින් යුතු මේ කෘතිය පොත් ගුල්ලකු නොවන්නකු පවා රැයක් අවදියෙන් තබා ගන්ට සමත් එකකි.

මෛත්‍රී හා රනිල් අත් අඩංගුවට ගණු...!!! - Who let the dogs out...?

 

මේ සීතල දුරුතු සමයයි. මේ දවස්වල පිස්සන්ට පිස්සු තදවෙයි.. රිලවුන්ට හීට් එක නගියි.. ජනාධිපති ගේම නැගලාම යයි.. සාධාරණ මැතිවරණයක් බැලූ බැලූ සැමතැනය.. ආන්ඩුවේ විනය දෝරේ ගලයි.. පොලිස්පති හා පොලීසිය නීතීය අකුරටම ක්‍රියාත්මක කරයි.. ඕනෑම එකෙකුට ආන්ඩුවට විරුද්ධව උද්ඝෝෂණ, රැලි, පෙලපාලී යාමට හැකිය.. ඒවාට, පොලෝසිය දිවි හිමියෙන් ආරක්ෂාව සපයයි..

සොහොන් ළකුණු - End of the Road

 
පිස්සො හදපු පච ගිවිසු               ම්
දැක්කේ වත් නැති ගිවිසු             ම්
පිස්සෙක් ගෙන පාති රැඟු            ම්
හොරු සමඟින් රිලා නැටු           ම්

ලෙඩට බෙහෙත් නැති, බෙහෙත් වට්ටෝරූ - Prescriptions without proper medicine

මෛත්‍රිපාල මහත්තයාගේ මැනිෆැස්ටෝ එක එලි දක්වලාය. ඕක, කී දෙනෙක් කියවයිද කියා කියන්න දන්නේ නැතිය. මාතලන්ගේ ජීවිත කාලය තුරා, මේ වාගේ ලස්සන පොත් කන්දරාවක් දැකලා තියෙනවාය. සමහර ඒවා කියවලා තියෙනවාය, සමහර ඒවා විසිකරලා තියෙනවාය. මාතලන් ඒ කාළේ පටන් මේවාට කියන්නේ බබල් ගම් කියලාය. 

වයි පයි බයිලා - Free Wi Fi

 
නොමිළේ... වයි පයි..
මල්ලි, සිරා මාමා දෙයි..
බුකියෙ චැට් දැන් වැඩි වෙයි...
නංගි දොයියා බෑ කියයි...

මේවා... වයි පයි බයිලා..
මල්ලි ඇහිඳ ගනිල්ලා...
අපෙ සිරා... ඇවිල්ලා..
දෙනවලු නොමිළේ බෙදලා..

එකා අධිපති භීතීකාව... - Fear of a Dictator

..

බියව ඇත,

දැහැමින් සෙමෙන්,

පාළණය,

ගෙන යන,

රජකු,

මැති ඇමතිවරු,

වන්දිභට, 

සට්ටැඹි,

නැකත්කරු...

ඇතුවත් බැරි නැතුවත් බැරි ජෙප්පෝ සහ බාලගිරි - Why JVP & Mr. Baalagiri

 

තරුණයෝ කියන්නේ කුමණ වයස් කාන්ඩයටද යන්න සාපේස්ස පුරස්නයක්ය. ගතින් තරුණ කම මැනීමටද නොහැකිය. කෙසේ වුවත් එජාපයේ තරුණ නියෝජනය යැයි කියා ගන්න හතර දෙනෙක් සිරසේ වැඩ සටහනකට සහභාගි වී සිටිනවා දුටු විට, මාතලන්ට හිතුනේ තරුණයෝ කියන්නේ මුන්ට නම්, තරුණ පරපුරම මහා සාපයක් ලද්ද වුන් බවය. ඔවුන්ගේ කතා තුල, අදහස් තුල, කිසිම තාරුණ්‍යයක්, විප්ලවීය බවක්, පපුවට වැදීමේ කතාවක්, මාතලන් නම් දුටුවේ නැත. එම නිසා මුළු වැඩ සටහනම නැරඹුවේත් නැත. පස්සෙ එයාලාගේ තරුණ කම් ඉස්මතු වූවද කියා කීමට නොහැකි හෙයින්, මේ කතාව අසාධාරණයක්ද විය හැකිය.

විනය තකා තුන ඇල්ලීම - Self Discipline First

- මාතලන් -

සාදන්නට විනය අම්මට සිරි ලංකා ර                 ටේ
තුන් වෙනි පාරටත් ගේමකි හැටට හැ                ටේ
මේවා දකින මයි බොඩි ෆිෂ් ඉබේ නැ                 ටේ
ඒ විතරක් නෙවෙයි කහනවා දකුණු ඇ               ටේ

මහතීර් මොහොමඩ්, මහින්ද චින්තනය හා සිරානොමික්ස් - Dr. Mahthir Mohomed, Mahinda Philosophy & Siraanomics

 

- මාතලන් -

අබේනොමික්ස් කියන්නේ, ජපානයේ ෂින්සෝ අබේ මහත්තයාගේ රට ගොඩ නගන ආර්ථික ක්‍රමය හඳුන්වන නාමයයි. එය මුළු ළොවෙහිම ඉතා ජනප්‍රිය යෙදුමකි. ඇත්තටම ජපානය දියුණුවේ හිනිපෙත්තටම ගමන් කොට ඇති රාජ්‍යයක් බැවින්, ඔවුනට අද ඇති ප්‍රශ්ණය නම්, රට දියුණු කිරීම නොව, එම තත්වයෙන් පහතට නොවැටි දිගටම පවත්වාගෙන යාම, එහෙම නැතිනම්, මේන්ටේන් කොර ගෙන යාමය. ජපානය විතරක් නොව, යුරෝපයේ දියුණු රාජ්‍යයන්ද අද මුහුණ දෙන විශාලම ගැටළුව මෙයයි. ඒක හරියට නිවන් ලබා ගත්තායින් පස්සේ, කොරන්නේ මොකක්ද යකෝ වගේ මහා උභතෝකෝටික ප්‍රශ්ණයකි.

ජනපති සිහිණය බිඳ වැටීම... - Shattered Dreams

 

මාතලන් 2010 දී අනාවැකියක් කිව්වේය. ඒ බොග දාන්න පටන් ගත් මුල කාළයේය. ඒත් මෑතකදි බය වෙලා උන්නේ, ඒ කියපු අනාවැකියට කෙලවේදෝ කියලාය. ඒ රනිල් විකුම්සිහ උතුමානෝ ජනාධිපතිවරණයට එන සයිස් එකක් තිබුන නිසාය. එහෙම ඇවිල්ලා පැරදුනා නම් අවුලක් නැතිය. එහෙත් දින්නා නම් වෙන්නේ, මාතලන්ගේ අනාවැකියට කෙලවෙන එකය.

නිර්මාල් ඔබ නිවැරදියි - Nirmal, you are not wrong...

මර්වින් සිල්වා, මෛත්‍රීපාලණයක් සඳහා එන බවට කට කතාවක් පැතිර යයි. ඒ පිළිබඳව නිර්මාල් රංජිත් දේවසිරි තම ෆේස්බුක් අඩවියේ සටහන කළ ප්‍රකාෂයක්, මේ වන විට සයිබර් අවකාශයේ ප්‍රධාන මාතෘකාවක් බවට පත්ව ඇත. එය යහපත් ලක්ෂණයකි. මේ පිළිබඳව මතුවන විවාදයන් තුල, සමාජය මේ පිළිබඳව දක්වන අදහස යම් පමණකින් හෝ නියෝජනය වීමක්, එයට පක්ෂව හා විපක්ෂව ගොඩ නගන තර්කයන් තුල අපට දැක ගැනීමට පුළුවන.

තිස්ස, මුවාට විද්දේය - Honorable Secretary

ජනාධිපති තුමාට ඊයේ රෑ නින්ද නොයන්න, හේතු දෙකක් තිබුනේය. ඒකත් හරියට අර, ගුඩ් නිව්ස් බෑඩ් නිව්ස් ගේම් එක වගේය. ගුඩ් නිව්ස් එක, තුන් වෙනි පාරටත් රාජ්ජේ පාලනේ කොරන්න නොමිනේසින් දෙන්න යන එකය. එලියට ගිහින් සෙනග අස්සේ රිංගනවා තරම් ආතල් එකක් හොහේද බන් තියෙන්නේ කියලා හිතපු ජනාධිපති තුමා කල්පනා කළේ අදත් මුන් පොඩි උන් උස්සන්න ලෑස්ති කරලා තිබ්බොත් නම් පොඩ්ඩක් අවුල් වේවී නේද කියලාය. මොකෝ වඩා ගන්න උන්ට ඡන්දේ දාන්න මැකෝ ඉඩ නොදෙන නිසාය. අම්මපා එහෙම දුන්නා නම් මම ගොඩේ ගොඩනේ යකෝ කියලා හිතපු ජනාධිපති තුමාට ආයෙත් තනි ආතල් එකක් ගියේය.

අපායේ ක්‍රිස්මස් - Christmas in Hell

කවදා හරි යන්න වෙන තැන හින්දා, අපාය පැත්තේ විසිට් එකක් දාලා එන එක මාතලන්ගේ පුරුද්දක්, ටික කලකින් ඒ පැත්තේ ගොහින් ආවේ නැති නිසාත්, නිතරම ඇවිල්ලා පලයන් මාතේ කියලා, අතිගරු යම රජුගෙන් නිතර නිතර කෝල් එන නිසාත්, පෝය දවසේ ඒ පැත්තේ ගිහින් එන්න කියලා, උදේම පිටත් උනා. කොහොමත් නිවාඩු දවසක, එතුමා අල්ල ගන්න එක ලේසියි.

කටවුට් - Cut Out

බලයෙන්

මත් වී

උනාම

Blackout

මෛත්‍රී පැරදුනොත්....? - Plan B

සමහර විට, ඔහේලට මතක ඇති අපේ පොදු අපේක්ෂක සිරිසේන මැතිතුමා, සවුක්ක ඇමති කාළේ විරිඳු කිව්වා කියලා හිටං. එහෙම විරිඳු කියපු කාළේ, ඩෙංගු මරන්න තොවිල් බෙරයක් උස්සගෙන නටපු කාළේ, අපේ පුකට විඳින, ඩෙංගු මදුරුවා තුරන් කොරන්න දුම් ගහපු කාලේ, එතුමට ආතතියක් තියෙනවය කියලා අපිට නම් පෙනුනේ නෑ. අගමැතිකම් දෙන්න කිසිම දෙයක් නොකරපු එක නම් සුදුසුකම, උන්නැහේ අගමැති කම් බලාපොරොත්තු වෙන එකේ වරදකුත් නෑ.

වාද පිටියෙන් පැනයාම - Walking Out Debate

පසුබැසීම හා පලායාම යනු දෙකකි. එකම සිද්ධි දාමය වුව, වෙනස් වූ අර්ථයන් ඇත. පසුබැසීම උපක්‍රමශීලීව ඉවත්වීමකි. පලායාම යනු පරාජය හමුවේ පැන යාමකි. පසුබැසීම යුධ උපක්‍රමයක් බව කොහේ හෝ මාතලන් කියවා ඇත. එය සංග්‍රාම උපක්‍රමයකි. එහෙත් පලායාම අවමානයකි. එහෙත් පරාජයට වඩා ඇඟ බේරා ගැනීමකි.

ඇහින්දාස්, පාල අයියා, ගෙම්බෝ හා ඉලෙක්සොන් මැච් - Paala Aiyaa, Frogs, Election Games & The And Co.

හොඳ හොඳ සෙල්ලම් තියෙන්නේ එළිවෙන ජාමෙට හිටං කියා, සිරිසේන ලොක්ක කීවේය. ලොක්කා කිව්වේ, මහින්ද ලොක්කත් එක්ක ගේමෙට ආපු කෙනා නිසාය. කස්ටිය හිතගෙන උන්නේ, මහින්දත් එක්ක හැප්පෙන්න එකෙක්වත් නැතෙයි කියලයා. ගේමට එන්නේ රනිල් උන්නැහේ කියලාය. ඒ නිසා, රනිල්ට ප්‍රචාරය පිණිස ආන්ඩුව ගානේ, පෝස්ටර් පත්‍රිකා පමණක් නොව, ටෙලි නාට්ටි දෙකකුත් හැදුවේය. ආන්ඩුව වියදම් කොරනා වියදම් කිරිල්ල බලුවාම, ඕවා මහා වියදමුත් නෙමේය.

නළාකරුවන්ගේ ඔපෙරාව - Opera of Bards

 

රජ ගෙදර රිලවුන්,

රටම කෑ සුනඛයින්,

කටු ලෙවන බැල්ලියන්,

මෙන් ගිරිය පුප්පා....

"මර හඬ" නඟා අසති,

රැඟුම් දැක, වැයුම් දැක,

ගැයුම් උන් සවන වැක,

වශීවු ජනයගෙන්,

කොඩිවිනේ තනතුරද, සිස්ටම් එකද..? - Disaster is in Executive Power or it's the System

මහින්ද මහත්තයා හිතාගෙන උන්නේ, සැළුන් දොර තියෙන්නේ කොල්ලුපිටියේය කියලාය. ඒ උනාට හැම තැනම සැළුන් දොරවල් තියෙනවා කියලා තේ රෙන්නේ දැන්ය. ලංකාවේ ජනප්‍රියම පානය තේ උනාට. ජනප්‍රියම අහාරය තේ නොවන්නේය. එහෙම උනා නම්, බොහෝ දෙන්කුට තේ රෙන්න අමාරුවක් වෙන්නේ නැතිය.

චම්පික, විමල් හා වම(නේ) - Champika, Wimal & Left right left

බිප් බීප්..
නිව්ස් එකක්..!
මොකක්..?
ඔව් බං නිව්ස් එකක්..!
බොදු බලේ සහය මහින්දටලු.
එතකොට මහින්දගේ සහය..?

ජනාධිපති තුමා කැමතිම ගීතය.. - President's most favourite song

ඊයේ රෑ මලක් ගහලා, හඳට යන්න ලෑස්ති වෙන කොටම, මගේ සන්සුන් ඇස් ෆයිව් එක, බීප් බීප් ගාන්න පටන් ගත්තා. ඒ වෙලාවට පෙන්නේ වෙන වෙන ඒවා නිසා, ඇස් දෙකත් පොඩ්ඩක් පොඩි කරලා, ඔළුවෙ තිබුන ඉස්පෙක්ස් දෙක, ඇහට බස්සලා, පෝන් එකට ඉබිලා බැලුවාම, දන්නේ නැති නොම්බරයක්. මළදානේ ඔහේ වැදියන්, මට පාන්ද යකෝ, මගේ ආතල් මටම ආතල් කියලා, ඇස් දෙක පියා ගත්තා විතරයි, ඇස් පහ ආයේ බීප් බීප් ගෑවා. ඒ පාර තව නොම්බරයක්. ඕන මලදානයක් කියලා ආන්සර් කලා.

පොදු අපේක්ෂක, අල් ජසීරා, ඩොලර් හා රුපියල් - Common Candidate, Al Jaseera, $ and Rs.

මහින්ද රාජපක්ෂ මහත්තයා හදිසි ජනාධිපතිවරණයක් කැඳවලා තියෙන්නේ, අපිට ආදරේට නෙමේය. මෛත්‍රිපාල මහත්තයා රජ සැප හැරදා පැමිණ සිටින්නේත්, අපට ආදරේට නෙමේය. මහින්ද මහත්තයාට ඕනා, බලේ තවත් වැඩි කර ගන්නය. මහින්ද මහත්තයා මේ සැරෙත් දින්නොත්, ඒකේ ඉන්න උන්ට වෙන්නේ, දැන් ඉන්නවාටත් වඩා බලු කුක්කන් වෙන්නය. දැන් වෙලා තියෙන්නේ දෙන දේ කා වෙන දේ බලාගෙන ඉන්නය. හැබයි ඡන්දෙන් පස්සේ වෙන්නේ කන්නත් නැතිව බකං නිලාගෙන ඉන්නටය. එයා හිතන්නේ රාජ පක්ෂයට ඕනම දෙයක් කොර ගන්න පුළුවන් කියලාය. දින්නොත් වෙන්නේ ඒ මතය තහවුරු වීමය.

රටම කෑ... කම්බ හොරු

රුහුණින් රජරටින්,
රටම කෑ... කම්බ හොරු,
 රට පුරා ගෙවල් බිඳ...
සොයා යයි...
පුරවැසි මනාපය...

රජතුමාගේ බෝල දෙක - King's Balls

ගොඩක් වෙලාවට පොදු අපේක්ෂකයා වෙන්නේ, අපේ මෛත්‍රිපාල සිරිසේන ඇමතිතුමාලු. හැබයි ඉතින් මහින්ද රාජපක්ෂ මහත්තයට වගේම, මෙයාටත් සහෝදර පරම්පරාවක් ඉන්නවා. කොන්ෆර්ම් කරයින් පස්සෙ දාමුකෝ කොම්පැරිසොන් එකක්. ඔය හැම එකාම හිතාගෙන උන්නට, මහින්ද මහත්තයා තමයි රට පාළණේ කොරන්නේ කියලා, ඒවා පට්ට පල් බොරු. රට පාළණය කොරන දෙන්නෙක් ඉන්නවා.

Three Idiots & Runaway Brides

කාළෙකට කලින් මාතලන් පට්ට ඉන්ගිරිසි සෝ එකක් බැලුවා මතකය. සෝ එකේ නම "රනවේ බ්‍රයිඩ්ය" (Runaway Bride). මේකේ කෙල්ලයි කොල්ලයි දෙන්නම, මාතලන්ගේ පට්ට ෆේවරිට් නළු නිලියෝය. කොල්ලාට ඉන්නේ රිචඩ් ගියර්ය (Richard Gere). මාතලන්ට රිචඩ් ගියර් සෙට් උනේ An Officer and The Gentleman හම්බ වෙන්න ගිය වෙලාවේය.

රොහාන් සමරජීවගේ, රාවයේ ළිපියට පිළිතුරක් - Response to Rohan Samarajeewa

රොහාන් සමරජීව යන නම, ශ්‍රී ලංකිය පුවත් පත් කලාවේ නොමැකෙන නාමයකි. එමෙන්ම මාතලන්ගේ ප්‍රියතම ලේඛකයෙකි. ඔහුගේ නම සඳහන් වූ කිසිම ළිපියක්, මා මග හරින්නේ නැත. අප රටේ සංවර්ධනය ගැන ඔහු දක්වන අදහස් උදහස්, පාළකයන්ගේ නෙත් නොගැටීම හා නොසලකා හැරීම, රටේ අවාසනාවකි. මා කොහේ හෝ කියවා ඇති පරිදි, ඔහු සිංහලෙන් ලියන්නේ නැත. රාවයේ ඔහුගේ නමින් පලවන ළිපි ලියනුයේ වෙනත් කවුරුන් හෝ බව සඳහන් කර තිබුනේ, මට මතක ආකාරයට රාවය පුවත් පත තුලමය.

ධවල ශෝධනය හෙවත් බඩ යන්න කෑම... (23+) - Humilating Defeat (White Wash)

ඉන්ගිරිසියෙන් මේකට කියන්නේ, වයිට් වොෂ් කියලාය. හින්ගලෙන් කියන්නේ, බඩ යන්න වදිනවා කියලාය. අළුත් ජැනරේසොන් එකේ උන් කියන්නේ, ඇට්ටි හැලෙන්න කනවා කියලාය. කොහොමත් අපි ඉන්දියාවේදි කනවාය. අද වෙනකන් එකම සීරීස් එකක් වත් දිනලා නැතිය. ඒත් මේ විදියට නම්, සංසාරේදි තියා අම්පාරේදීවත් පැරදුනාද කියා, මට නම් ම්තක නැතිය. කන එක ජීවීත කාලේදි මතක හිටින්න කෑවේය. අනික කෑවේත් කජු කිරි කොල්ලන්ගෙන්ය. කෝලී, රයිනා, රොහිට් ෂර්මා, ජඩේජා වගේ කීප දෙනෙක් ඇර අනික් උන් ඔක්කෝම වගේ පොඩි කොල්ලෝය, ඒ ක්‍රිකට් වලින් බැලුවොත්ය, වයසෙන් බැලුවොත් උන් තුන් හතර දෙනාත් පොඩි කොල්ලෝය.

පොදු අපේක්ෂක, ලාල්කාන්ත..? - Lal Kaantha, The Common Candidate

නන්දන ගුණතිලක බස් එකෙන් බැහලාය. චම්පිකයි රතනෙයි ඉන්නෙත්, පුට් බෝඩ් එකේය. ඇතුලට නගියිද, බැහැලා යයිද, පුට් බෝඩ් එකෙන් පැනලා, කොන්ද කඩාගනීද කියලා කියන්න, අපිට බැරිය. දවස් පහෙන් රිසාල්ට් එක දෙනවා කිව්වාට. තව දවස් තුනක් ආයෙත් ඉල්ලලා ඇත. මෛත්‍රිපාලත් හිනාවෙන්නේ බොක්කෙන් නෙමේය. ඒක මවාගත්තු හිනාවක් කියා ඕන එකෙකුට තේරෙනවාය. ඒ අස්සේ අව කැපෙන් කතාත් කියනවාය. මංගල යන එකත් ටැම්පරරි නැවතිලාය. ඒ කියන්නේ ඒ ගේමෙන් චන්දිකා දිණුම්ය. ආන්ඩුව පරාදය.

හූ කියන රිලවා - Foxy Monkey

 මරලා ඉකොනොමි එක කන ඝාතකයා
ගැහුවා බඩ පිණුම් ගිය ගිය හතර අතේ
දීලා යෝජනා දොළහක් මහ රජුට
යනවා යන්න කිව්වට නෑ යන්න ගියේ

පොදු අපේක්ෂකයා චන්ද්‍රිකාද...? - Chandrika, Common Candidate...?

 මේ ළඟදි මගේ ඇඟ පත හීතල වෙලා ගියා... මොකෑ අපේ චන්ද්‍රිකා නෝනා ආන්ඩුවේ ඉන්න සිරි ලංකා කාරයෝ 40 ක් එක්ක, ආයේ එන්න යනවය කියන කතාව අහලා. හැබයි ඉතින් මක්කා නැතත්, අළුතෙන් ආපු හන්දි වලටත්, බාර් එකක් නම් ලැබෙනවා බුදු ෂුවර්. අපරාදේ කියන්නේ කන බොන නෝනා නේ.

“සෙනසුරු මාරුව” 2014 නොවැම්බර් 2 දා ද, 2015 ජනවාරි මාසයේදීද? - "When is the Saturn crossing- November 2014 or January 2015?"

- චානුක වත්තේගම -

මේ අවස්ථාවේ රටේ හා බ්ලොග් අවකාශයේ පවා එක්තරා මට්ටමකට සාකච්ඡාවට ගැණෙන ප්‍රශ්නයකි, මේ. සමහරවිට ජනාධිපතිවරණ දිනය නීර්ණය වැනි වැදගත් කාර්යයන්ට පවා මේ ප්‍රශ්නයෙහි  මූලය හේතු වන්ට ඇත.

මෙහි පිළිතුර සරලය. එසේම මෙහි එක දිනයක් තාරකා විද්‍යාව (Astronomy) අනුව හා අනෙක ජ්‍යොතිෂය (Astrology) අනුව කීම වැරදිය. මීට තාරකා විද්‍යාවෙහි සම්බන්ධයක් නැත. තාරකා විද්‍යාව "ග්‍රහයින්" , "රාශි" වලට ගමන් කිරීමක් ගැන කතා නොකරයි. තාරකා විද්‍යාවේද 'මේෂ', 'වෘෂභ'  වැනි වදන් කලාතුරෙකින් භාවිතා වුවද ඒ තාරකා පද්ධතීන් (Constellation) වශයෙන් විනා “රාශි” ලෙස නොවේ. මෙය තනිකරම ජ්‍යොතිෂයේ අභ්‍යන්තර ප්‍රශ්නයකි. කෙටියෙන් මේ ගැටළුව පහදා දෙන්ට උත්සාහ කරමි.

මහින්දට බැරිද..? - Yes, He Can

ඉස්සර පාර පුරා පෝස්ටර් ගැහුවේ සිංහල සෝ වලය. එයිට පස්සේ, මේ මනාප අමනාප ක්‍රමේ ආපු නිසා, දිස්ත්‍රික්කෙන් ඉල්ලන හැම එකාගේම මූනත්තහඩුව, අහුවෙන අහුවෙන හැම තැනම පාප්ප උලා කෙලලා ඇරියේය. ගෙදරටත් වඩා තාප්පෙට වියදම් කරපු උන් "දැන්වීම් ඇලවීම් තහනම්" කියා තාප්පේ ගහන්න ගත්තේ ඊට පස්සේය. ඒ කාලේ එක රැයින් මුළු රට පුරාම ගහලා රැකෝඩ් එකක් තිබ්බ පෝස්ටරේ උනේ, "මේ කව්ද? මොකක්ද කරන්නේ ?" කියනා පෝස්ටරේයය.

මංගල සමරවීර නම් ඩීල් කරු... - Managala Samaraweera. The Dealer

 
ලාංකීය දේශපාළණය බොහෝ දුරට රඳා පවතිනුයේ, ප්‍රතිපත්තීන් මත නොවේ. එහි රැඳී සිටීමට නම්, නූල් සූත්තර හා ඉවසීම මනා ලෙස ප්‍රගුණ කළ යුතු වන්නේය. මේ දෙකම ජයගෙන, රටේ නායකත්වය දක්වා පැමිණි දෙදෙනකු අප ජීවීත කාළය තුලදී අප දැක ඇත. ඒ රණසිංහ ප්‍රේමදාස හා මහින්ද රාජපක්ෂයි. මේ දෙදෙනාටම පක්ෂය තුල විවිධ අවස්ථාවන්වලදි තිබූ, කැපිලි කෙටිලි, නොපනත්කම් හා නොසලකා හැරීම්, ලාංකීය දේශපාළණයේ ඉතිහාසය පිළිබඳ අල්පමාත්‍ර දැණීමක් ඇති අය පවා, දන්නාවූ කරුණකි.

මාලක සිල්වා කථා වස්තුව.. - Breaking News (Nose)

ලියන්න මෙළෝ දෙයක් නැතිව, වේලී වේලී ඉන්න වෙලාවේ, ටැලිවිසොන් වලයි, පත්තර වලයි, මෝනින් ටෝක් සෝ වලයි, කාටුන් වලයි, එකසිය ගානේ බ්‍රේකින් නිව්ස් එකක් යනවා, බ්‍රේකින් නෝස් එකක් ගැන. මුලින්ම අපේ සඟිස්කුරුතියේ හැටියට, මම මාලක සිල්වා මැතිතුමාට, මගේ හද පිරි ඉස්තූතිය පිරි නමා සිටියා මෙහෙම නිව්ස් එකක් ලබා දීම පිළිබඳව. මේ සැරේ නම් බඩු බනිස් වගේ පේන්නේ. නහයත් කුඩුලු. ඒ මදිවට බඩු ඇතුලෙ. ඇතුලේ කිව්වට ඇතුලෙමත් නෙමෙයි. ඒ උනාට, නමට හරි අත් අඩංගුවේ.

නන්දසිරි මහත්තයගේ කමලාසිනි - Kamalasini by P V Nandasiri

මේ ළඟදි රෑ බෝ වෙලා ගෙදර ආපු වෙලාවක, ටැලිවිසොන් එකේ චැනල් කරකවගෙන යන අතරේ, කැලැසිකල් මියුසික් පාරක් යනවා "අයි" චැනල් එකේ. වැඩ සටහන දෙමළ. පට්ට රාගධාරී සංගීතයක්. මාතලන් බොහෝම ආසයි ඔය රාගධාරි සංගීතයට. දැන් ඉතින් සම හරක් කළබල වෙන්න ඕන නෑ, මේ මොළේ අවුල් පොරට මොන රාගධාරීද කියලා. මියුසික් වල මාතලන්ට බේදයක් නෑ. එකම දේකට ඇලිලත් නෑ. හැම එකේම කැමති ඒවත් තියෙනවා, අප්‍රිය ඒවත් තියෙනවා.

‘හලාල් බැංකු’ - ඇත්ත හා නැත්ත - Islamic Banking and Champika Ranawaka

- චානුක වත්තේගම -

ලංකාවේ බැංකු කටයුතු පාලනය වන්නේ 1988 අංක 30 දරණ බැංකු කටයුතු පිළිබඳ පනතිනි. මේ පනත ඉස්ලාමීය බැංකුකරණයට ඉඩ සලසමින් සංශෝධනය වන්නේ 2005 දෙසැම්බර් මාසයේ දහ වැනිදාය. ජනාධිපති මහින්ද රාජපක්ෂ පළමුවරට පත්ව සති කිහිපයකිනි. මහ බැංකුවේ වත්මන් අධිපති අජිත් නිවාඩ් කබ්රාල් පත්වන්ට මාස හයකට කලිනි. එවක මහ බැංකු අධිපති වසර දෙකක පමණ සාපේක්ෂව කෙටි කාලයක් එම පදවිය හෙබවූ සුනිල් මෙන්ඩිස්ය.

ජාතික ශෝක දිනයක්...! - Day of mourning...!

 

හපුතලේ, හල්දුම්මුල්ල,මිරියබැද්ද ප්‍රදේශයේ, නාය යාමකින් අතුරුදන් වූ හා මියගිය සියළුම සහෝදර ජනතාව වෙනුවෙන් අපගේ හද පිරි ශෝකය..!

පුද්ගලයින් 400 පමණ අතුරුදන්ව ඇති අතර, මේ වන විට මළ සිරුරු 16 ක් පමණ සොයාගෙන ඇත.

මේ අපේම සහෝදර ජනතාවයි. ඔවුන් වෙනුවෙන් දිනක හෝ ශෝකි කාළයක් ප්‍රකාෂ කරණු ඇතයි අප උදෙක්ම බලා පොරොත්තු වෙමු.

කතන්දර නැවතත් "රසිකලොජි" සමඟ - Welcome back Kathandara...!!!

"කකා", "කශූ", "කතා", "කතන්දර", ඔය මොන නමින් හැඳින් වූවත්, බ්ලොග් ලියන කියනව ඕන එකෙක් කතා ගැන දන්නවාය. බ්ලොග් ලියන කියවන ඕන එකෙක් "කතන්දර " දන්නේ නැතෙයි කියනවා නම්, එය අර නාථ නලීන් ද සිල්වා කියනවා වාගේ, "පට්ට පල් අමූලික බොරුවක්" වෙන්නම ඕනාය. බ්ලොග් හා කතන්දර යන නාමයන් එක සමානව යෙදෙන පද දෙකකි.ඒ කියන්නේ, බ්ලොග් වලට සමාන පදයක් ලියන්න කිව්වොත්, කතන්දර කියා ලියූ විට, ලකුණු පහක් ලැබේ..

භික්ෂූන් රජ කර බලාපොරොත්තු වන්නේ මෙවන් සමාජයක්ද...? - If, Sri Lanka Govern by Buddhist Monk...

මේ සමාජය ගැන තද බල කළකිරීමක් නැවතත් ඇති වී ඇත. මනුෂ්‍යත්වය හා මිනිස්කම් වලට කිසිම තැනක් නැත. ප්‍රචන්ඩත්වය පිලිකුල් කරනා මිනිසුන්ම, ප්‍රචන්ඩත්වය උත්කෘෂ්ඨත්වයට නගයි. ප්‍රචන්ඩත්වය සාධාරණීකරනයට ලක් කරයි. ප්‍රචන්ඩත්වය ප්‍රචන්ඩ මිස, එය සුමට, මට සිලිටු, සාධරණීකරණය කළ හැකි දෙයක් නොවේ. එසේ නම්, එවන් වචන හා ක්‍රියාවන් දෙකක් තිබිය නොහැක. මේ ළොව පිලිගත් මානුෂික අයිතිවාසිකම් කියා දෙයක් ඇත. දරුණු ත්‍රස්තවාදියෙක් වූවද, යටත් වූ පසු හෝ තුවාල ලබා අත් අඩංගුවට පත් වූ පසු, මරා දැමීමේ සිරිතක් නැත. එය ඇමරිකාව සිඳු කළද, අප විසින් සිඳු කළද, ත්‍රස්තවාදීන් විසින් සිඳු කළද අසම්මත, අවිනීත හා විනය විරෝධි ක්‍රියාවකි. එය විවේච්නයට බඳුන් වීම නොවැලක්විය හැක.

අය නැති වැය 2015 - Bud Jet 2015

මාතලන් ඕනම දෙයක් ලයිව් බලන්න මනාපය. එහෙම බැලුවේ නැත්නම්, කිසි ගතියක් ඇත්තේ නැතිය. මාතලන් නිව්ස් බලන්නේත් එහෙමය. මේ ළඟදි, මාතලන්ට රෑ අටේ දෙරණ නිව්ස් එක මිස් උනේ පොඩි අඩියක් ගහන්න එළියට ගිය නිසාය. එහෙම ඇවිල්ලා බෝයිස් ටු ෆ්ලවර්ස් එකේ අන්තිම හරියත් බලලා, පියෝ ටී වී එකේ දෙරණ නිව්ස් බලන්න ගියම, එරර් මැසේජ් එකක් ආවේය. ඒ පාර 1212 ඇමතුවාම කිව්වේ දෙරණ පේන්නේ නැත්නම් රූපවාහිනි බලන්න කියලාය. එහෙම කිව්වාම බකාස් ගා හිනා ගියේය. එහ පැත්තේන් ඇහුවේ ඇයි කියලාය.

ඉත්තෑවා ගූ වීම.. - Porcupine Dancing

 

අයවැය විස්ලේසොනේ එනකන්, සින්ඩියේ දාපු මේ කයිය, පොඩි සන්සෝදනයක් එක්ක රස විඳින්න..

ඉත්තෑවා ,
රිංගලා ,
කබල්ලෑවාගේ ,
ගෙදරට...

හෙළ උරුමයේ අවසන් දින පහ - Last five days of JHU

- මාතලන් - 

පිවිතුරු හෙටක් උස්සාගෙන වැඩ්ඩ වැඩිල්ල අන්තීමට නතර වූයේ අරලිය ගහ පූජා බූමියේය. දැන් උන්නාන්සේ සහ උන්නාන්සේගේ උපාසක රැල ඉස්නානය කර හා නාගෙන අවසානය. මහ රජතුමා තම ශ්‍රී මුඛයෙන් වදාරා තිබුනේ, මේක ඉස්සෙල්ලාම ගේන්න තිබුනේ නියමාකාරයෙන් නම් තමන් ළඟටය කියාය. ඒත් යන්න අවශ්‍යම තැනට ආවේ අන්තීමටය. ඒ අස්සේ ආන්ඩුවට වෝනින් දීලා, හෙන චන්ඩි පාට් දෙක තුනකුත් දැම්මේය. ආන්ඩුවේ ඇමතිවරු පහක් එක්ක එලියට වඩිනවා කියා එක වෝනින් එකකි.  අනික පිවිතුරු හෙටකට කැමති නැත්නම්, අනිවාර්යයෙන් ආන්ඩුව ගෙදර ගෙදර යවනවා නම් තද බල ගර්ජනාවකි.

ෆේස්බුක් වල විද්‍යාවට ගරහන මහදැනමුත්තෝ හා ඉඳිකටු පැංචෝ - Somebodies and nobodies in Facebook

• චානුක වත්තේගම

වත්පොතේ (ෆේස්බුක්) තරම් සිරා ගෝත්‍රවාදීන් පිරිසක් ලංකාවේ වෙන කොහේවත් නැතිය හෝ සමාන ප්‍රකාශයක් මෑතක උපුල් ශාන්ත සන්නස්ගල විසින් කර  තිබෙණු දිටිමි. මේ ඇත්තය. සමාජ ජාලයන්හි හොඳ හා නරක ගැන වසරකට වරක් පශ්චාත් උපාධි විද්‍යාර්ථීන්ට දේශන දෙකක් පවත්වන මා වැන්නකුට වුව, තරමක ලජ්ජාවකින් හෝ, පිළිගන්ට වන තිත්ත ඇත්තය. ලජ්ජාව වත්පොතේ භූගෝලීය, දේශපාලනික, ජාතික සීමාවන් බිඳින්ට වන හැකියාව ගැන මා කාලයක ලොරි ටෝක් දී ඇති නිසාය. දැන් ලංකාවේ තරුණ පරම්පරාව වත්පොතේ සැබෑ වත අපට දක්වමින් සිටියි. තථ්‍ය ලෝකයේ ගෝත්‍රවාදය බොහෝ විට ජාතිවාදය, ආගම්වාදය හා කුලවාදය යන කිහිපයකට සීමාවෙයි. වත්පොතේ නිරුවත් ගෝත්‍රවාදය මින් බොහෝ එපිට යන්නේය. පළාත්වාදය, නගරවාදය, ගම්වාදය, පාසල්වාදය ආදී විවිධාකාර වර්ගවාදයන් මේ අතථ්‍ය අවකාශය තුළ කලෙකින් එළි පෙහෙළි නොකළ ඉඩමක වල් පැළ මතු වන්නාක් සේ බලා සිටිද්දීම මතු වෙමින් තිබෙන්නේය.

ආර්ථික ප්‍රථිපත්තියක් අවශ්‍ය රනිල්ටද? මහින්දටද? - Who needs an economic policy ?

 
- මාතලන් -

(චානුක වත්තේගමයන්ගේ ළිපිය පිලිබඳ, මාතලන්ගේ අදහස්...)

හදිසි ජනපතිවරණයක් එන බවට ඇති කට කතාවන් බොහෝමැයි. කටකතා කෙසේ වූවත්, "ඌවේ හූව" ආන්ඩුවට කන පුපුරන්න වැදී තිබෙනා බව, ඔවුන්ගේ හැසිරිම් වලින් පහසුවෙන් වටහා ගත හැකිය. දැන් බලන්නේ, හොඳින් හෝ නරකින් ආන්ඩු කිරීමට බව, කුකුළන් කෙටවීමේ සජීවී වැඩසටහන් තුල, පිස්සු බල්ලන් මෙන් හැසිරෙන, මැති ඇමතිවරුන් (ඇමතිවරියද ඇතුලත්ව) මෙන්ම, වෙන්න ඇමති පෙරුම් පුරනා, නඟරං කාරයෝ දුටුවාම, මොළේ කළඳක් ඇති ඕනෑම ජහමනයෙකුට වැටහී යනවා ඇත. (රන්ජන් රමන යකාට ගේමක් දීමට, හිරු නාලිකාව වටලන්නේ, විවාදයේදි මතු වූ දේ සත්‍ය නිසාද? අසත්‍යයක් නම් අපහාස නඩු වලට යා හැකියි නේද? මොකෝ බඩුයි, නඩුයි, ජජුයි, ඔක්කෝම එයාලගෙ නිසා...)