පොලිස් කෝළම, රජ ගහේ නාඩගම හා බුකිය - Facebook, Ebpilipitiya & Pumkins

 

  

මාතලන් මේ දවස් ටිකේ අයුතු ජනරාශී කීපයකටම සහභාගී උනේය. ඒවා හිතවතුන්ගේ සහ ඇතුවත් බැරි නැතිවත් බැරි නෑදෑයන්ගේ ඒවාය. සමහරක් බෝත් ඩේ පාටිය, සමහරක් ෆියුන්‍රල් පාටිය, සමහරක් නිකන්ම නිකන් ගැට්ටු ගෙදර්ය. පොලොස් මාද්දිය ප්‍රොකාශ යකා කොච්චර කිව්වත්, මුන් එකෙක්වත් ඒවාට පොලෝසියෙන් අවසර අරගෙන තිබුනේ නැතිය. හැම එකාටම වාගේ තට්ටු ගෙවල් තිබුනත්, ඔක්කෝම වාගේ ඕගනයිස් කොරලා තිබුනේ ගාඩන් එකේය. මොකෝ පොලෝසියෙන් ආවම ඔතන ඉන්න උන් ආතල් එකට එහෙන් මෙහෙන් පනින්න පුළුවන් නිසාය.

සමරිසි සේවනයේ යෙදුනාය කියා අයිසිස් කොලු පැටියෙක් දෙනෝදාහක් බලාගෙන ඉන්දැද්දි උස බිල්ඩිමකින් පහළට දානවා, බුකියේ දාලා තිබුනේ ඊයේ පෙරේදාය. අපේ සිංහ ලේ තියෙනා උදවිය මේක ඉතා අමානුශික කිරියාවක්ය, මෙහෙම කොරන්න කොහොමද, අරකද මේකද කියා හීනියට මුස්ලිම් උන්ටත් කින්ඩියක් දමා තිබුනේය. දවස් දෙකක් යන්න කලින් ඇඹිලිපිටිය පොලෝසියේ බාබෙද්දෝ සෙට් එකත්, අපිත් තොපිට වඩා පොරවල් ඩෝ කියා පෙන්නන්නද කොහෙදෝ, ඒ පැත්තේ කොටහළු ගෙදරක තුන් වෙනි තට්ටුවෙන් කොල්ලෙක් පහළට දැම්මේය.

දැන් කියන්නේ ඌ පැන්නාය කියලාය. කොලු පැටියාගේ බඩින් ඉන්න හාමිනා සිද්දිය උන දවසේම කිව්වේ එපා එපා කියද්දි ඇදගෙන ගිහින් පහළට විසි කලා කියලාය. පොලීසිය එදාම උන්ගේ කතාව හදා ගත්තේය. මල පෙරේතයෝ බෝතල් දෙකකට ජීවිතයක් නැති කළේය. දැන් වැල් බයිලා ගහනවාය. පොලීසියට මිනී මරන්න ලයිසන් දුන්නේ කවදාද කියා, ඔය පොලිස් මාද්දිය ප්‍රොකාශක යකාද මොකාද එකාම අපිට කියනවා නම් අපි බොහෝම කැමතිය.

දැන් ඒ පිස්සු යකා කියනා විදියට අපිට බාර් එකක බොන්න යන්නවත් බයය. හත් අට දෙනෙක් එක්ක නාන්න යන්නවත් බයය. ගමේ නඩෙත් එක්ක සිරිපාදේ කරුණා කොරන්න යන්නත් බයය. කොටින්ම ගෑණිත් එක්ක හැමිනෙන්නත් බයය. මොකෝ හැමිනෙන්නත් පොලෝසියෙන් අවසර ගන්න ඕනා කියා, ඌ කියනා දන්ඩ නීතී සන්ගරහයේද උගෙ අම්මගෙ සන්ගරහයේද තියෙනවා කියන්න දන්නේ නැතිය. මේ වගේ හරක් වොයිස් කට් දෙනකොට නාන්න වෙන්නේ ආන්ඩුවටය. දැන් සාගල ඇමති තුමා පාර්ලිමේන්තුවේ නාන්නේ මේ වගේ හරක් නිසාය.

අනෙක් පිස්සුව රජ ගහේ නාඩගමය. මගේ හිතවතෙක්, බුකියේ දොස්තර (Dr.) කෙනෙක්ගේ ලින්ක් එකක් එවලා තිබ්බේය. මේ ටිකේ අයුතු ජන රාශී ගොඩකට මැදිවෙලා බිසි එකෙත් උන්න නිසා සහ විශේෂ යමක් දැක්කේ නැති නිසා මොකක්ද මේ මළහත්තිලව්ව කියලා ඇහුවාම, උන්දෑ කිව්වේ අර රජ වීඩීයෝව හදපු ගොන් වස්සාගේ වැඩ ඒකේ තියෙනවා කියලාය. මේ ගොන් වස්සා ගැන සම්පූර්ණ විස්තරයක් පැරා ලියලා තියෙන නිසා මාතලන් මෙතන ලියන්න යන්නේ නැතිය. කැමති එකෙකුට ඒ ගැන <<මෙතනින් බලා ගන්න පුළුවන්ය.>>

සිරිසේන මහත්තයාගේ වන්නිය සෙලබෙරේසොන් එකේ, බී ඇම් අයි සී ඇච් (BMICH)එකේ තිබ්බ උත්සවේ සජීවීව බැලුවත්, ඊළඟට නිදහස් මන්දිරේ ගාව තිබ්බ පිස්සු විකාරේ නම් බලන්න බැරි උනේය.  MBICH එකේ කේස් එක ලස්සනට ගියත්, අන්තීමට ගූ හතේ නාගත්තේ, යහපාලන චිත්තරේකුයි, බෝම්බ තියපු එකෙක් ගෙනල්ලා නටපු පිස්සු විකාරෙන්ය. අනෙක් හරකුන් කෙසේ වෙතත්, මට දුක හිතුනේ සමන් අතාවුදහෙට්ටියා ගැනය. අඩු ගානේ ඒ යකාටවත් ඒවා එතනට නොගැලපෙන ගොන් ආතල් කියා මොහොතකටවත් හිතුනේ නැති එක ගැන ඇත්තටම කනගාටුය. අපට සමන්ට කියන්න තියෙන්නේ තවත් ඇක්සන් ජැක්සන් කෙනෙක් වෙලා ඔය නම කැත කර ගන්න නම් එපා කියාලාය. මොකෑ කියනවා නම් වන්දි භඨ්ඨයෝ දැකලාම එපා වෙලා නිසාය.

අර වීඩියෝව සෑදූ මී ගවයා ගැන පැරා මතු කරනා වැදගත් ප්‍රශ්ණයකයට මෙතන උත්තර දෙන එක හොඳයි කියා සිතුනේය. පැරා මතු කරනා ප්‍රශ්ණය නම්, ලංකාවේ බිහිවන ව්‍යාපාරකයින් මෙවන් ගොන් පාට් කොරන්නේ කෙසේද යන්නයි. අනෙක් කරුණ වන්නේ ,මේ ගවයාට පිටරටක ආචාර්ය උපාධියක්ද හිමිව තිබීමයි. මාතලන්ට නම් මෙය කිසිඳු ගැටළුවක් නොවන්නේ. අපේ රටේ ඉන්න තරමක් ඉන්නේ මෙවන් හරකුන් බව හැමදාමත් කියනා නිසාය. ඔය ගොන් වස්සා පමණක් නොව, ගොම්මන්පිලයාද ඔස්ට්‍රේලියාවේ මක්කදෝ එකක් ගත්ත එකෙක්ය. උන් කරන්නේ විකුණන්න පුළුවන් හැම ගූ බෙට්ටම විකීනිම මිස. රටට දැයට වැඩක් ඇති දෙයක් කිරීම නොවේ.

එහෙම දෙයක් කලේ ජේ ආර්ගේ විවුර්ත ආර්තිකේට කලින් උන් ව්‍යාපාරික ප්‍රජාව පමණි. අද ඉන්නේ දැන් ඉන්නා දේශපාලකයෝ වගේම අද ඉන්වෙස්ට් කරලා හෙට ප්‍රොෆිට් හොයනා කාලකන්නි ව්‍යාපාරික ප්‍රජාවකි. ලාබය එකම පරමාර්තයයි. එහිදි හොරකම වංචාව, දූෂණය, නාස්තිය, ඥාතී සංග්‍රහ ගැන කිසිඳු සැලකීමක් නැත. අවශ්‍ය වන්නේ අතට ලැබෙන ගතමනාව පමණි. මුන්ගේ ව්‍යාපර වලින් කරන්නේ ලාබ ඉපයිමම පමණක් මිස රටට වැඩක් ඇති කිසිවක්ම සිඳු නොවේ. එකෙකුටවත් කාර්මික හෝ කෘෂීකාර්මික ක්සේස්තරේ ඉන්වෙස්ට් කිරීමේ කිසිම උවමනාවක් නැත්තේ, ඒවායේ ඉන්ස්ටන්ට් ප්‍රොෆිට් නැති නිසා මෙන්ම රිස්ක් එකත් එකසිය ගානට තියෙනා බැවින්ය.

කෙසේ වෙතත් හිරුනිකා මොහොටකට හෝ අත් අඩංගුවට ගන්නටත්. ඇඹිලිපිටියේ කේස් යට ගහන්නටවත්, රජවරුන් ගොනාට අන්දන්නටවත් ඉඩ ලැබෙන්නේ නැත්තේ අද තිබෙනා සමාජ ජාල වලට පින් සිද්ද වන්නටය. (විශේෂයෙන් බුකියේ (Facebook)) ප්‍රධාන පෙලේ ජනමාද්දිය එකක් හෝ මේවාට විරුද්ධව හඬක් නගන්නේ නැතිය. උන් කරන්නට උත්සාහ කරන්නේ මෙතක් කල් හුරු පුරුදුව සිටි වන්දිභඨ්ඨ කෙරුවාවමය. සමන් අතාවුදහෙට්ටිත් ගොන් පාට් දාන්නේ ඒ නිසාමය. ගොන් පාට් අකුලා ගන්නට සිඳුවී ඇත්තේත්, රජාට අඳින්නට ඇති අකමැත්තක් නිසා නොව ඊට එදිරිව එන හඬ ඊට වඩා වැඩි නිසාමය.
 

එම නිසා සියල්ලන් දැන් පෙල ගැසිය යුත්තේ සමාජ ජාලා ආරක්ෂා කර ගැනීමටය. මේ ගෙන එනවාය කියනා මෙළෝ රහක් නැති වියවස්තා අස්සේ හෝ හංගා මේවාට කෙලින්නට ඉඩක් නම් දිය යුතු නැත්තේමය. මේවාට කෙලිනා කාලයද වැඩි ඈතක නැති අතර, ඒ ගැන අවදියෙන් සිටීම අප සෑම දෙනාගෙම යුතුකමය.