කොඩිවින සමඟ වැලලෙනවාද? කොඩිවින කපා ආ වැඩේ කරනවාද?

.

රාජපක්ෂ පවුල තරම් බලවත් පවුලක් මේ රටේ කිසිඳු දේශපාලන  පවුලකින් මතුවූයේ නැත. රාජපක්ෂ පවුල බලයට පත්වන්නේ 2005 දීය.

2010 දී දෙවන වරට බලය ලබාගන්නේ යුධ ජයත් සමඟ රාජාභිෂේක කරනා ලද රජෙකි.

එවන් රාජපක්ෂලාට මැදමුලන ජනේලේ එල්ලෙන්න සිඳූ වූයේ ඇයි?

බොහෝ අය කියන්නේ කුමාරවරුන් හා බිසවගේ පිස්සු කෙලීම් හේතුවෙන්‍ය කියලාය. එහෙත් 2015 න් පසු, හේතුව එය නොවනා බව සියල්ලෝ තේරුම් ගන්නේ, හැම දේසපාලුවාගේම පරම පැතුම රාජපක්ෂලා වීම බව අවබෝධ වීම තුලින්‍ය.

රාජපක්ෂලා රජයේ දේපල තම හත්මුතු පරම්පරාවේ භුක්තියට සවිකර ගත්තේ නැති වුවද, පැරදුන පසු පොලොන්නරුවේ යනවා යැයි කියූ පොලොවෙන් මතු වූ සරළ පොර ගියේ පැජට් පාරේ එක ගෙයක් නොව ගෙවල් දෙකක්ම ලියාගෙනය.

එයාගේ දූලා පුතාලා මෙන්ම රනිල්ගේ ගෝලයන්ගේ දූ දරුවෝද අගබිසෝවරුද රඟපෑවේ රාජපක්ෂ පවුලේ භූමිකාවන්මය. රමණයට නොව ටොයිලට් යන්නත් හෙලිකොප්ටරක් නැතුව බැරිවිය. 

මා නම් එදා සිටම කිව්වේ, රාජපක්ෂලාට කෙලියේ වෙන කවුරුවත්ම නොව විමල් නම් වූ රජගෙදර රිලවාමය කියලාය. ඒ මැදමුලන වලව්වේ එයාලාම වලලාගත් කොඩිවිනයය.

2010 - 2015 ආන්ඩුව ඇතුලේ සිට විමල් ඇද්ද ගේමට බැක් එක දුන්නේ පාඨලී හා රතනය. පාඨලී හා රතන රාජපක්ෂලා අතහැර ගියද විමල් ගියේ නැතිය.

එයට හේතුවක් තියෙන්නේය. එය විමල්ගේ චින්තනයේ තිබෙන්නේ විමල් ජවිපේ තුල සිටිනා කාළයේ සිටමය. චන්ද්‍රිකාගේ කාළයේ ජෙප්පෝ 40 ක් පාර්ලිමේන්තු එන්නේ මේ මෙතඩ් එක අනුවය. 

විමල්ගේ ප්ලෑන් එක වන්නේ, ශ්‍රී ලංකා නිදහස් පක්ෂයෙ බලය ඩැහැගැන්මයි. එජාපයේ චන්දවල චින්තනය විමල්ට ගැලපෙන්නේ නැති බව ඔහු දන්නේය, ටොයියන් හෙවත් ලිබරල් ක්‍රමයට යම් කැමැත්තක් ඇති පිරිස සිටින්නේ එතනය. ඒ හේතුවෙන් උන්ට විමල් යනු වමේ තවත් එක් ජෝක් එකක් පමණය. 

දේශපාලකයෝ සිතුවේ මෙය ජවිපේ ප්ලෑන් එකක් කියලාය. එහෙත් එදා මේවාට විරුද්ධ වූ මහින්දත් 2005 දී මේ ගුලියට මාට්ටු වූවා පමණක් නොව, අවසානයේ වැඩේ කෙලවර වන්නේ මේ මාස්ටර් මයින්ඩඩ් පොර තමන්ගේ දකුණු අත කරගෙනය.

විමල්ගේ මේ සෙල්ලම්, කුඩා පක්ෂයක් වන ජවිපේ තුලවත් දැමීමට නොහැකි වූයේ එතන ඉන්නා උන් විමල් එන්නේ මොකාටද කියා හොඳින් දැනගෙන උන් නිසාමය.

එහෙත් අමු බයියන් ගහන ශ්‍රිලනිපයේ උන්ට විමල් වීරයෙක් වූවා පමණක් නොව, මහ බයියා වන මහින්දගේත් අග්‍රපුරෝහිත වන්නේය. එය විමල්ගේ ටැලන්ට් එකය. ඒ අනුව දේශපාලන අන්ඩයා මහින්ද නොව විමල්‍මය.

එදා ශ්‍රිලනිපයේ උන් බයියෝ දැන් ඉන්නේ පොහොට්ටුවේය. මහ බයියා සිතනවා ඇත්තේ නාමල් කුමාරයා අනාගතයේ රජවන විට විමල් ඔහුගේ අග්‍රපුරෝහිත වී ෆුල් බැක් එක දෙයි කියාය.

අපිට නම් මහින්ද මහත්තයාට කියන්න තියෙන්නේ, ඔයා හරි පව් මෙයා කියලාය. පෝට්ටු බයියෝ අද ඉන්නේ රාජපක්ෂලා සමඟ නොව විමල්ලා එක්කය.

විමල් එලවීමට මහින්ද එදා නොව අදත් බයය. එදා 2012 දී මේ කොඩිවිනය කපා දැම්මා නම්, අද මේ නටන තොවිල් නටන්න වෙන්නේ නැතිය. 

එසේ නම් විමල් වාසු මෙන් දේශපාලනයේ සුළු චරිතයක් වන්නේය. මහින්දලා 2015 දී කොහොමත් පරදින්නේය.

මොකෝ කොඩිවින වැලලූ ගෙවල් වලට වගතුවක් නැති නිසාය.

මහින්ද මේ කොඩිවිනය දැන් ඝෝඨාගේ කරේ එල්ලා අවසානය. මේ විකාරවලින් සිඳුවන්නේ 2025 දී රාජපක්ෂලාගේ පවුල් දේශපාලනයේ අවසානය සටහන් වී. බයියන්ගේ නායකයා විමල් වීරවංශ බවට පත්වීමය. එය මේ වන විටත් සිඳු වී අවසානය.

ඒ කියන්නේ විමල් කොඩිවිනය තබා ගතහොත් අනිවාර්‍යෙන් රාජපක්ෂලා පරදිනවාමය. විමල් ජයග්‍රහණය කරනවාය.

එසේ නම් දැන් තිබෙනා හොඳම ක්‍රමය කොඩිවිනය ඉවත් කොට ගේමක් දෙන්න ට්‍රයි කරනා එකය. 

ඝෝඨාගේ හා බැසිල්ගේ ලිබරල් ආර්ථිකය, ටැබ් දුන්නොත් දරුවන් වඳ වෙනවා යැයි කියූ ගල් වැද්දන් හා කීයටවත් ඉදිරියට ගෙන යා නොහැකිය. 

මෙවැනි ගොබ්බයෙක් ඇමතිකමේ තබාගෙන බලශක්ති ක්ෂේත්‍රයේ විප්ලව කරන්නට යාම සිහිණයාක්ම පමණය.

රටේ සංවර්ධනට විපක්ෂය නොව ආන්ඩුවේම උන් විරුද්ධ නම්, ආපූ ගෞතම් අදානිලත්, මුන් මොන පිස්සෝ රැලක්ද කියා ආයේ මේ පැත්ත පලාතේ එන්නේ නැතිය.

විපක්ෂය ඉන්නේ ආන්ඩුව ඇතුලේ කියා උන්ම කියනවාය. එහෙව් උන් ඇමතිකම් වල තියාගෙන ආන්ඩු කරන්නේ කෙසේදැයි කියා මා නම් දන්නේ නැතිය.

🎈රට හදන මෙතඩ් විමල්ලා ළඟ ඇත්තේ නැතිය. 

🎈උන් දන්නේ රට වනසන මෙතඩ්‍ ය, 

🎈ගල් කටස් අරන් ගෙවල් වලට පැන අයිඩෙන්ටිය මංකොල්ල කන මෙතඩ්‍ ය. 

🎈ට්‍රාන්ස්ෆෝමර් බ්ලාස්ට් කර රට අඳුරේ තබනා මෙතඩ් ය

🎈බස් ගිනි තියනා මෙතඩ් ය

🎈කර්මාන්ත ගිනිතබා සුන්නද්දූලී කර දමනා මෙතඩ්‍ ය.

🎈තුන්ඩු කෑල්ලෙන් බිස්නස් වසනා මෙතඩ්‍ ය

🎈ඔලුවට පිස්තෝල තබා කප්පන් ගන්නා මෙතඩ් ය

🎈මිනී මරා දේශප්‍රේමි ජනතා ව්‍යාපාරයේ බෝඩ් එක කරේ එල්ලා දේශයේ ප්‍රේමය මිනී සමඟ රටට ප්‍රදර්ශනය කරනා මෙතඩ් ය.

🎈මිනිසුන් පාරට ඇද දමා බෝඩ් අතට දී සියල්ලට විරුද්ධ වන් මෙතඩ් ය

🎈කොටින්ම රට අකර්මන්‍ය කොට කාබාසීනීයා කර දමනා මෙතඩ් ය

🎈විකල්ප පත්තර වල වමේ බයිලා ලියූ උන්ට ඇමතිකම් දෙන උන්ට පිස්සුය.

🎈මුන්ට දෙන්න ඕනා කර්මාන්ත ගිනි තියනා ඇමතිකම්‍ ය.

🎈තෙල් ගබඩා ගිනි තියනා ඇමතිකම්‍ ය.

🎈පානිය ජලයට වස එකතු කරනා ඇමතිකම්‍ ය.

ඒ නිසා කොඩිවිනය තබාගෙනම මිය යනවාද, කොඩිවිනය ඉවත් කර තවදුරටත් ජීවත් වීමට උත්සාහ කරනවාද යන්න රාජපක්ෂලාට බාරය.

වලක වැටුන පසු වලෙන් ගොඩ ඒමට උත්සාහ කරනවා වෙනුවට, වලේ ඉන්න ළිං මැඩි හා බයිලා තරඟ පවත්වන්නේ පිස්සෝය.

ඒ වගත් මෙසේය.....

.

ජවිපේ ගමෙන් පටන් ගැන්ම..

කළක් ජවිපෙට චන්දය දීපූ...

උන් වෙනුවෙන් ලියපු එකෙක් විදියට... 

මේක ඉතා හොඳ වැඩක්.

ජනාධිපතිවරණය හැර... 

අනෙක් සෑම චන්දයකදීම ලිව්වේ කරේ 

චන්දේ දුන්නේ 

ජෙප්පන්ට.

ඒක එපා කරේ බුකියේ ඉන්න ජෙප්පෝ..

උන්ගේ, අශූචි හා සම්බන්ද කොමෙන්ට්ස්... කුණුහර්ප, ප්‍රස්තුතතයට අදාල නොවන පෞද්ගලික මඩ ගැසීම්, කුණුහබ්බ, ඉන්බොක්ස් මරණ තර්ජන, රිපෝට් කිරීම්, බ්ලොක් කිරීම් නිසා....

ජේවීපියට චන්දය දුන්න මැදිහත් මිනිස්සු විශාල ප්‍රමාණයක් උන් නැති කර ගත්තා..

ඇත්තටම මිනිස්සු තුල බියක් තියෙනවා මෙයාලා බලයට පැමිනියොත් ආයෙත් විරුද්ධ අදහස් තියෙන මිනිස්සු මරලා දායිද කියලා...

ජෙප්පොත් මේ රටේ දේශපාලනයේ ඉන්න ඕන.. අනිවාර්‍යයෙන්.. නැත්නම් විපක්ෂයක් ඇත්තේ නැති තරම්...

මේ තීරණය හොඳ තීරණයක්...

ඔය ප්‍රෙස් බ්‍රීෆින් දේශපාලනයෙන්වත්, 

වොයිස් කට් දේශපාලනයෙන්වත් 

කවදාවත් චන්ද ලැබෙන්නේ නෑ.  

අනික උපාධි හා බුද්ධිමත් මාන්නය. 

ඕක සාමාන්‍ය මිනිස්සුන්ට දිරවන්නෙම නැති දෙයක්...

හදුන්නෙත්ති මාතරෙයි කියලා අපි දන්නේ එහෙන් චන්දේ ඉල්ලන කොට.

ඔය ටිල්වින්වත්, අන්‍රයියා තියා, ගමේම ඉන්න ජේවීපි චරිත වෙන, සමන්ත විද්‍යාරත්න, නලීන් හේවගේ, නාමල් කරුණාරත්න වගේ අයත් මම හිතන්නේ ආසන සංවිධා යකෙක්ගේ නමක් ගමක් ඉන්න තැනක් දන්නේ නෑ. 

ශේප් වෙන්නේ සහෝදරයා සහෝදරී කල්ට් එකෙන්.. ඒකට ඇන්දෙන එකා ඇන්දෙනවා..

අනික ඔය බලමණ්ඩලේ සෙට් එක විතරක් හිටගෙන බත් පැකට් කන බොරු ෂෝ නැතුව ගමේ එකා එක්ක එකට කන්න බොන්න වෙනවා. උන්ට ජනාධිපති රෝල් එක පෙන්නලා වැඩක් නෑ...

බල මණ්ඩලේ උන් හොරෙන් බීලා නෝන්ඩි වෙනවට වඩා... 

ගමේ උන් එක්ක ගල් බෝතලේට සෙට් වෙලා.. සුනිල් අයියගෙ සින්දුවක් කියලා.. 

අරුන්ට කිස් එකක් දීලා ආවා නම් 

චන්ද එන්නේ බුරුතු පිටින්..

ලංකාවේ දේශපාලන කල්ට් එක... ඒක..

මහින්ද මහත්තයා නෙමේ, චන්ද්‍රිකා උනත් පාර හදාගත්තේ එහෙමයි.. බීම අපේ කල්ට් එකක්.. ඒවට විරුද්ධ වීම විකාරයක් ..

එයාලගෙ ගෝල්ෆේස් තොයිලෙදි, ස්ටේජ් එකේ වැඩෙත් එකම විකාරයක්.. එතනට ගේන්න තිබ්බේ ගමේ සඟ වෙද ගුරු ගොවි කම්කරු පිරිස.. කොටින්ම බල මණ්ඩලේ උන් ටිකත් බිම..

ඒ කියන්නේ එයාලා ටාගට් කරන්න ඕන නිර්ධන පන්තියයි, පහළ මධ්‍යම පන්තියයි..

ඇත්තටම මේක හොඳ වැඩක්..

විජිත හේරත්ගේ පෝස්ට් එක ලාල් කාන්තට දෙන්න ඕන.. සමන්ත විද්‍යාරත්නට තැනක් දෙන්න ඕන.. මිනිස්සුන්ගේ හදවතට කතා කරන්න පොර දන්නවා..

ඒ වගේම ගෝල්ෆේස් ඉස්ටේජ් නෝනා මහත්තුරු ටිකත් ගමට ගෙනියන්න ඕන...

ජෙප්පන්ගේ මේ වෙනසට..

හදවතින්ම සුභ පතනවා..

ඔය ඔක්කොම කරත් වැඩක් නෑ..

බුකි බලකාය ශිෂ්ඨ සම්පන්න පිරිසක් නොකරන තාක්...

උන්ට මම කියනවා ලාල් කාන්ත ආදර්ෂයට ගන්න කියලා...

අලුත් ගමනට අපේ සුභ පැතුම්...!!!

.

(පුලුවන්නම් මේකත් රිපෝට් කරලා, කුණුහබ්බ කියලා, අශූචී කොමෙන්ට් දාලා බ්ලොක් කරපල්ලා)

.

හම්බන්තොටට ෆෝමියුලා වන් ධාවන පථයක්....

 

By - ඉවාන් පවුලූශා 

.

(ඉවාන් කියන්නේ පට්ට රාජපක්ෂ විරෝධියෙක්

හැබයි කිරි ටොයියෙක්...

ඌයී මායි කිසි දිනෙක ගැටෙන්නේ නැත්තේ ඒකයි...

මම ලියන්න ඕන එකක් ඌ ලියලා..)

🔺 කෘෂිකාර්මික මිත්‍යාව

ලංකාව ගැන ඉස්සර ඉඳන්ම කියන්නේ කෘෂිකාර්මික රටක් කියලනේ, ඒත් ඔරකල් කාබනික ගොවිතැන කන්සෙප්ට් එකත් එක්ක තිබ්බ ගොවිතන්ටත් කෙලවෙලා ඇමිණිලා ඉන්න වෙලාවක් මේ. අපේ රටේ ගොවීන්ට අඩුවෙන්ම ලැබෙන්නේ කෘෂිකාර්මික තාක්ෂනය ඒ  වගේම තාක්ෂණික කෘෂිකර්මයකට යන්න ගොවියත්, රජයත් දෙකම අසමත්, අකැමතියි.  

ඊශ්‍රායලය වගේ රටවල් වලින් ඒ තාක්ෂණය ගෙන්වන්න තරම් උවමනාවක් තියෙන බවක් පේන්නත් නෑ. විද්වතුන් කියන දේ  පිළිගන්න,නව පර්යේෂකයන්ට ඉඩ දෙන්න රජය විතරක්ම නෙවී ඔය කෘෂිකාර්මික පර්යේෂණ වගේම රටේ වගකිවයුතු තැන්වල ඉන්න නිලධාරින් පවා ඉඩක් දෙන්නේ නෑ.

🔺 සංචාරක ව්‍යාපාරය.

ලංකාවට ගොඩයන්න තියෙන පුළුල්තම මාර්ගය හැටියට හඳුන්වගන්නපුළුවන් වෙන්නේ සංචාරක කර්මාන්තය හා ඒ ආශ්‍රිත රැකියාවන් බිහිකිරීම තමා. දැන් කියන්න එපා කොරෝනා වගේ ලෙඩක් හැදුනම සංචාරයෙන් විතරක් ඉන්න හිටියනං අපිට කෙලවෙලා නේද , හෝටල් ක්ෂේත්‍රයේ  රැකියා අහිමි වුන පිරිස වගේ තව පිරිසක් බිහිකරන්නද හදන්නේ වගේ ටෝක්. 

සංචාරක කර්මාන්තය හරියට කරපු සිංගප්පුරුව, ඩුබායි, මැලේසියාව, ඉන්දුනීසියාව වගේ රටවල් වලට මොනවත් නොකර තව අවුරුදු 2ක් වුනත් වහගෙන ඉන්න අතේ සල්ලි තිබ්බා. අවශ්‍ය දේවල් පිටින් ගෙන්නලා හරි කන්න දෙන්න අතේ ඩොලර් තිබ්බා.

ෆෝමියුලා වන ධාවන පථය හම්බන්තොටට

ඒක කරන්න පුළුවන් නම් හොඳයයි. දැන් මෙතන ප්‍රශ්නේ තියෙන්නේ මේක හම්බන්තොටට යන එක. හම්බන්තොටට විතරක් නෙවේ අපි කියන්නේ රටේ කලාප තුනටම ඊ කියන්නේ උතුරු, නැගෙනහිර සහ දකුණ කියන ප්‍රදේශ ඉලක්ක කරලා මහා පරිමාන සංචාරක මධ්‍යස්ථාන පිහිටුවන්න  පුලුවන් නම් ඒක ලොකු දෙයක්. 

කොහොමත් එන්ටර්ටෙන්ට්මන්ට් කොටස බස්නාහිරින් ඉවතට ගෙනියලා ඈතට යවන තරමට හොඳයි. බස්නාහිර දියුණු වෙන්න ඕන වාණිජ නගරයක් හැටියට.

හම්බන්තොට කියන්නේ ජනාධිපතිවරු අගමැතිවරු ඇමතිවරු එලෝ කෝටියක් බිහි කරපු තැනක් වුනාට හැමෝම දන්නවා ඒ පළාතේ ජන ජීවිතය තියෙන්නේ අන්තිම පහල අඩියක කියලා. ඉතින් ඒ මිනිස්සුන්ට ෆෝමියුලා ධහවන් අපත කන්නද ? 

ඊළඟ කාලලත් කියවන්න

🔺 සංචාරක කලාප.

අපේ රටේ කන්න නැතිවුනාම සමෘදිය දුන්නට , රටට කන්න නැතිවුනාම සමෘදිය දෙන්නේ නෑ. ලෝක බැංකුවෙන් වත්, ජාත්‍යන්තර මුල්‍ය අරමුදලේන්වත්, එලෝන් මස්ක්වත්, මුකේෂ් අම්බානිවත් , එයාලට ඒ තරම් පශ්චාත් භාග අමාරුවක් නෑ. අපි අයෝජකයෝ හොයන්න ඕන ඒ වගේ සංචාරක කලාප 3ක්වත් රටේ ඇතිකරන්න පුළුවන් මට්ටමේ. 

අනේ එයාලා මෙහෙ ඇවිල්ල ඒවා කරන්න එයාලට පිස්සු නෑ වගේ අමන කතා නොකියා ඒ සඳහා උනන්දුවක් ඇති යෝජනා ප්‍රවර්ධන ඇමතිකෙනෙක්, විදේශ ඇමතිකෙනෙක් සහ නිලධාරින් ඉන්න ඕන. ඒවා තෝරාගන්න තරම් මොළයක්වත් ජනාධිපති පුටුවේ වාඩිවෙන ඕන පඹයෙකුට තියෙන්න ඕන,

🔺 ප්‍රවාහනය .

සංචාරක කලාප කොළඹින් බැහැරව ඉදි කලාම කොහොමද ට්‍රාන්ස්පෝර්ට් එක කරන්නේ , මෙහෙ ට්‍රැෆික් එකේ ඉන්න ගියොත් එන එවුන් ආපහු යයි. ඔන්න වැඩක් නොකරන එවුන්ගේ අනික් ප්‍රශ්නේ.  මේකට යෝදාගන්න් පුළුවන් අපේ ඩොමේස්ටික් එයාර් ලයින්ස්, ප්‍රවාහන වාර ගැන වැඩිවෙනකොට එක දරාගන්න පුළුවන් මිලකට කරන්න හැකියාවක් එනවා, නැත්තම් , උතුරු නැගෙනහිර සහ දකුණ කියල පළාත් තුනටම වැඩි ආපහසුවක් නැතිව මුහුදෙන් ප්‍රවාහනය කරන්න පුළුවන්. මේ සඳහා යටිතල පහසුකම් ඉදිකරන්න ණයදෙන්න ආයතන ඉන්නවා අපේ මාස්ටර් ප්ලෑන් එක හරියට ක්රියෙට් කරගන්න පුළුවන් නම්.

🔺 ලංකාව  සහ ලෝකය

ලංකාවේ මේ වගේ කලාප ඉදික්රන්න පුළුවන් නම් , හරියට සිංගප්පුරුවේ සෙන්තෝසා අයිලන්ඩ්, මැලේසියාවේ සන්වේ ලැගූන්,  හොංකොං ඩිස්නි ලෑන්ඩ් වගේ. ලංකාව ඒ රටවල් එක්ක තරඟකාරී රටක් කරන්න පුළුවන්. සංචාරකයෝ බලන්නේ තමන්ට උපරිම වින්දනයක් අඩුම මුදලකට ලබන්න පුළුවන් ගමනාන්ත. 

හැමදාම නටබුන් බලන්නයි, 2500 ශ්‍රී විභූතිය බලන්නයි විතරක් සංචාරකයෝ එන්නේ නෑ.  මේවා එක්ක ගණිකා ව්‍යාපාරය මත්පැන් පටලවාගන්න එපා, සංකෘතිය ගැන බෙරිහන් දෙන්නත් එපා. ඒවා වෙනම කතා කරමු.  

ලෝකේ එක්ක බැලුවම ලංකාව කියන්නේ ඉතාම හොඳින් අඩුමිලට වැඩි සංචාරක ආකර්ෂණයක් දෙන්න පුළුවන් ගමනාන්තයක්.

🔺 ඉතිං ෆෝමියුලා වන්  ට්‍රැක් මේ වෙලාවේ 

      ඕනෙද?

මේ වෙලාවේ තමා ඕනේ. 

මේකෙදි බලන්න ඕන, විමසන්න ඕන  ප්‍රශ්නය වෙන්නේ මේ ඉදිකිරීම කරන්නේ රටේ සල්ලි වලින්ද ආයෝජයක් හැටියටද කියලා, ආයෝජනයක් හැටියටනම් මේක තමා හොඳම අවස්තාව මේක කරන්න. තව මේවගේ ලොකු ඍජු ආයෝජන කීපයක් ගේන්න ගන්න පුළුවන් නම් මේ වෙලාවේ රට ඇතුලට ඩොලර් ගෙන්නගන්න හොඳම විදිහක්. 

අපි රටවැසියන්ට බඩගින්නේ ඉන්න්නකොට මාළු දුන්නට වෙනරටවල් වල දෙන්නේ බිලීපිත්තක්. අපිත් යැපුම් මානසිකත්වයෙන් මිදෙන්න ඕන දැන්වත්. නිකං ඉඳලා කන්න නෙවී, මහන්සිවෙලා වඩා හොඳ ජීවන තත්වයක් උදා කරගැනීම තමා රටවැසියන්ට පුරුදු කරනන ඕන.

🔺 කවුද කොහොමද කරන්නේ.

මේක කරන්න නම් මේ සඳහා උණක් තියෙන විදේශ ඇමතියෙක්, සංචාරක ප්‍රවර්ධන සහ ආයෝජන ප්‍රවර්ධන ඇමතිකෙනෙක්, හරිහමන් නිලධාරින් පිරිසක් ඕන. ඒ සඳහා පිරිස තෝරාගන්න ජනාධිපතිවරයාට ඉව තියෙන්න ඕන.  ඇමතිලාට ඉව තියෙන්න ඕන.

🎈කියන  තරම් කිසිදෙයක් සුන්දර නෑ.  

🎈අපි වරෙන් කිව්වට ආයෝජකයෝ එන්නේ 

     නෑ. 

🎈හතරවරන් පච කෙලලා වැඩක් නෑ.

🎈ආයෝජකයන් එන විදිහට පරණ නීති       

     සංශෝදනය වෙන්න ඕන. 

🎈කොටින්ම රටක් හැටියට මාස්ටර් ප්ලෑන් 

     එකට අනුගත වෙන විදිහට සෙකන්ඩරි 

     ප්ලෑන්ස් ක්‍රියාත්මක වෙන්න ඕන.  

එහෙම නැත්තං නිකම්ම කටට වැටෙනකන් බලන් ඉන්නවනම් ජොනි සීන්ස් ව ගෙන්නලා ඉස්සරහ දණගහගන්න.

.

හාල් පරිප්පු කතාව හා යුතුකමේ මනාපය

 

ස' ට දැන් හෝ ඕක තේරිච්ච එක ළොකු දෙයක්‍ය. 

ඇත්තටම ස" අපි ගෙනාවේ බඩු මිළ පාලනය කිරීමට නොවේ, වෙළඳ ඇමති කෙනෙක් ඉන්නේ ඒකටය.

නිදහස් වෙළඳ පොල ආර්ථිකයක් තිබුන රටක ඒක ඔහේ ගලාගෙන යන්න දෙනවා විනා, වෙළඳ ඇමතියාවත්, ජනාධිපති ලේඛම්වත් ඒවා පාලනය කරන්න යෑම බව්වාගේ වැඩේ ඩොන්කියා කරන්න යෑමක් ය.

අපි ඝෝඨා ගෙනාවේ ඕවා කරන්නට නොව ආයෝජකයෝ ගෙනත් මේ රට දියුණු කරන්නටය.

ඒ... මේ රට ගොඩ දැමීමට වෙන මගක් ඇත්තේ නැති නිසාමය.

ආයෝජකයෝ එන්න නම්...

කෙලින් තීරණ ගත හැකි නිර්භීත නායකයෙක් ඕනාය  

පොලිටිකලි ස්ටේබල් නැති රටකට ආයෝජකයෝ එන්නේ නැතිය.

දැනට විපක්ෂය දිණුම්‍ ය. සජිත් හා ජෙප්පෝ  රට පුරා උද්ඝෝෂණ කරනවාය. රට පාලනය කරන්නේ උන් ය.

හැමතැනම වැඩ වර්ජනය.

යහපාලනයටත් උනේ මේකමය.

එදා ඒවා සංධානය කළේ ඔබලාය.

මේවට විසඳුම් දීම හෝ නවතා දමන තෙක්, මෙවන් වාතාවරණයන් යටතේ ආයෝජකයෝ එතැයි සිතන්නේ නම් එය දවල් සිහිණයක් පමනක්මය.

මුලින්ම ආන්ඩුව ඇතුලේ ඉන්නා කොඩිවින කැපීමෙන් තොවිලේ පටන් ගත යුතුය.

නැත්නම් වෙන්නේ යහපාලනයට උනා වාගේ ගහපු බෙරේකුත් නැති, බෙරේ පලුවකුත් නැති, ලබ්බේ තොවිලයක් පමණමය.

අර.....

 ඕන නම් රඟන්න පුලුවන් කියූ පරණ ඝෝඨාභය චරිතය නැවත කටලියට ගෙන ඒමට මේ හොඳම කාළයය.

කඩේ යන අප පමණක් නොව පක්ෂ විපක්ෂ හැම එකාම ඉල්ලන්නේ මේ ඝෝඨා නොව ඒ ඝෝඨාය.

ඉදින්, පක්ෂ විපක්ෂ හැම එකාගේම බලාපොරොත්තුව ඉටුකිරීම ඔබ සතු පරම යුතුකමය.

අප අපේ යුතුකම ඉටුකලෙමු...

ඔබ ඔබේ යුතුකම ඉටුකරනු ඇතැයි බලාපොරොත්තු වෙමු...

පමා වී පසුතැවිලි නොවන්න...

පමාදෝ මච්ඡුනෝ පදං....

ඉස්ධූතී නන්ඩ්‍රෙයි ටෑන්ක්ස් හොඳේ ...!!!

.

මාතලන්ගේ යූ බටේ

 

ටෙක්නොලජි කියන දේ මෙළෝ මළදානයක් නොදන්න මාතලන් You Tube එකේ පොඩි මොන්ටිසෝරි වැඩක් පටන් ගත්තා...

එතන කියවන පල්හෑලී බ්ලොග් එකේවත් පේස්බුක් එකේවත්  දාන්නේ නෑ...

ඒවා වෙනම ලියනවා...

එහෙනම් කස්ටිය එක්ක එතනට ගිහින් සබ්ස්ක්‍රයිබ් පාරක් දාලා සප් එකක් දෙන්න...

මේ අකුරු උඩ කෙටුවම එතනට යන්න පුලුවන්.null

ඉස්ධූතී... නන්ඩ්‍රෙයි... ටෑන්ක්ස්... හොඳේ !!!!!

මාර පරාජය හා කර්මය (කරුමය) (පෝදා සිතුවිලි)

 

🎈වාහන නෑ

🎈වාහන අමතර කොටස් නෑ

🎈ටයර් නෑ

🎈කහ නෑ

🎈හාල් නෑ

🎈සීනී නෑ

🎈කිරිපිටි නෑ

🎈ගෑස් නෑ

🎈පැස්ටෝල් නෑ

🎈ඩීසල් නෑ

🎈බොරතෙල් නෑ

🎈තේ නෑ

🎈පොල් නෑ

🎈රසායනික පෝර නෑ

🎈කෘමිනාශක නෑ

🎈කාබනිකත් නෑ

🎈සැල්පෝන් නෑ

🎈ටැබ් නෑ

🎈ටැලිවිසොන් නෑ

🎈කැමරා නෑ

🎈හයි පයි සැට් නෑ

🎈සබ්බූසර් නෑ

🎈ඉයර්පෝන් නෑ

🎈වොසින් මැසින් නෑ

🎈ප්‍රිජ් නෑ

🎈ඉතිරි කරපු ඩොලරෙකුත් නෑ

🎈විදෙස් සංචිතත් නෑ

🎈විදෙස් ආයෝජකයොත් නෑ

🎈මහින්දානන්දත් නෑ

🎈බන් ගොන්ධුලත් නෑ

🎈අලගිය මුලගිය තැනුත් නෑ

🎈කන පලන උනුත් නෑ

🎈කඩා පැන්න උනුත් නෑ

🎈මොළ හතත් නෑ

🎈ස' ත් නෑ

🎈මහින්දත් නෑ

😜 හෙට අනිද්දා සිට Gower මසුත් නෑ

🎈වියත් මගත් නෑ

🎈සව් භාගෙත් නෑ

🎈විස්සයෙන් එහා ලෝකෙත් නෑ

(ආන්ඩුව තිස්සකුට්ටිආරච්චි මහත්තයට දුන්නා නම් හරි..)

🔺 සමාර විට ආන්ඩුව මේ සියල්ලම කරේ ඩොලර් නැතිවූ පසු සියල්ලම නැති වන බව පසක් කර දීමට විය හැක.

🙏අප සිහළ බෞද්ධයින් ලේස ඩොලර් යනු තන් හා ආසා ලෙස සැලකිය යුතුය.

🙏 තන් හා ආසා නැති වු කල උතුම් වූ නිර්වානය අවබෝධ වූයේ වෙයි.

🙏අප චතුරාර්‍ය සත්‍යය අවබෝධ කර ගත්තේ වේ.

🙏 බුදුන් වහන්සේ සත්‍යය අවබෝධ කොට ගෙන නිවන් දැකීමට සාරාසන්ක කල්ප ලස්සයක් පෙරුම් පුරා දිවිය ලෝකයේ ඉපද අවසන මිනිස් ආත්මයක් ලබා ඒ ආත්මයේද පට්ට කට්ටක් කා බුදු වූ පසුද තන් හා රති රඟා නම් මර දූවරුන්ද පරදා නොයෙක් නින්දා අපාස විඳිමින් ඒ උතුම් වූ නිවනේ සැනසුනේ වූවද....

🙏 අප  පෙර කළ කුසළ  කර්මයන් හේතුවෙන් අම්මට සිරි ලංකාව නම් දිවිය ලෝකවලටත් එහා ලෝකයේ ඉපද, යහපාලනය නම් කාළයේ පුලතිසි නම් පුරවරයෙන් පොලොව පලාගෙන පැමිනි ගුරුන් හා දෙව් බඹුන් මිනිස් ලෝකයන්හි විසාලම මොළ සහිත වූ රනිල් විකුම්සිහ නම් ගුරුන් යටතේ පස් වසරකින්ද.....

🙏 වියතුන් පිරිවරා පැමිණි සව් බාගේ නම් යුගයේ සැන්ට්‍රල් රූට්ස් හෙවත් මැද්මුලන නම් පුරවරයෙන් පැමිනි ස' නම් ගුරුන් හා රාජපස්ස නම් ගුරු පරපුරම යටතේ වසර දෙකක් වූ සුළු කළකින්ද...

🙏 චතුරාර්‍ය සත්‍යය අවබෝධ කොට ගෙන සියළු තන් හා ආසා රති රඟා දුරු කොට ගෙන නිවනේ සැනසීමට වාසනාවන්තයෝ වූහ..

🙏 හයියෙන් සාධූ කියන්න පින්වත්නි..

👍 සියළු දෙනාට දෙව් පිහිටයි...!!!!

ප්‍රේමේ මෙන් ජනතාවාදී වනවාද? සිරිසේන මෙන් කවටයකු වනවාද?

 

ඝෝඨා බලයට පැමිණීමත් සමඟ මේ රටේ තරුණ ජනතාව පක්ෂ බේදයෙන් තොරව මහත් බලාපොරොත්තු තබා ස්වේච්ඡාවෙන්ම රට පිරිසිඳු කළේ, චිත්‍ර ඇන්දේ, කුඹුරු අස්වැද්දුවේ විශාල වෙනසක් සංවර්ධනයක් වෙතැයි කියාය.

එය කිසිවකුත් බලාපොරොත්තු නොවූ විශ්මය ගෙන දෙන දෙයක් වූ අතර සියල්ලෝම කට උත්තර නැතිව තුශ්නිම්භූතව බලා සිටියා මිස, කිසිවකුත් විරුද්ධව වචනයක් හෝ කීවේ නැතිය.

එහෙත් කොරෝනාවත් සමඟ හැම එකාගේම පදයට නටන්න ගිය ඝෝඨා අද පොහොට්ටිවේ උන්ගේ පවා අප්‍රසාදයට පත් වී ඇතැයි කීම බොරුවක් නොවේය.

ඔහු ඉල්ලු සියළු බලය ඔහුට ලබා දුනි. එහෙත් එවන් බලයක් සහිත ජනාධිපතිවරයා අද සිටින්නේ  ජනතාවගේ පැත්තේ නොව, යූනියන් කාරයන්ගේ පැත්තේය. 

එහෙත් රණසිංහ ප්‍රේමදාස යනු එක එකාට ආන්ඩු කරන්නට දුන් ජනාධිපතිවරයෙක් නොවේය. ඔහු බලයට පැමිනි පසු සිටියේත් ජනතාව සමඟය.

උතුරේ හා දකුණේ ත්‍රස්තවාදීන් හා යුද්ධ දෙකක් තිබුනද එකක් මර්ධනය කොට අනෙකුන් හා සමාදානයකට පිවිසියේය.

එසේ තිබියදීත් බඩු මිළ මෙතරම් ජනතාවට ඉසිලිය නොහැකි මට්ටමේ නොවීය.

දරුවන්ට පාසල් නිළ ඇඳුම් හා කිරි ලබා දුන්නේය.

ඇඟළුම් ව්‍යාපාරය දෙස් හා විදෙස් ආයෝජකයන්ගේ මැදිහත්වීමෙන් දීපව්‍යාප්ත කළ අතර, ඉතා කෙටි කලකින් එය රටේ ප්‍රධාන ආදායම කළේය.

ග්‍රාමිය කාන්තාවන් පවා රැකියාවක් කිරීමට බිය නොවන්නේ ඒ නිසාය.

ගම් උදා නිවාස ව්‍යාපෘතිය හා නාගරික මහල් නිවාස ව්‍යාපෘති දිගටම ක්‍රියාත්මක විය.

අද සමෘධි නමින් ඇති ව්‍යාපාරය ජනසවිය නමින් ආරම්බ කලා පමණක් නොව ඒ මගින් ග්‍රාමිය ජනතාව ස්වයං රැකියා සඳහාද යොමු කළේය.

එපමනක් නොව ග්‍රාමිය දිලිඳු දරුවන් වෙනුවෙන් ස්වේච්ඡාවෙන් ඉදිරිපත් වූ දානපතියන් හරහා කැපකරු මාපිය නමින් ව්‍යාපෘතියක්ද ක්‍රියාත්මක කළේය.

යූනියන් කාරයෝ හොර සංඝයෝ පේන්නවත් උන්නේ නැතිය. 

ඒ හේතුවෙන් දෝෂාභියෝගය අවස්ථාවේත් ජනතාව උන්නේ ප්‍රෙමෙගේ පැත්තේය.

උද්ඝෝෂණ වර්ජන දිනපතා තිබෙනා රටකට ආයෝජකයෝ එන්නේ නැතිය.

යුනියන් කාරයෝ පාලනය කරනා රටකට ආයෝජකයෝ පැත්ත පලාතේ එන්නේ නැතිය.

සිරිසේන නම් පඹයාට කෙලවුනේ දිනපතා පැවති උද්ඝෝෂණ හා වැඩ වර්ජන නිසාමය.

එහෙත්, එවන් සේවයක් කළ මිනිසාත් මැරුණු පසු රතිඤ්ඤා දමා කිරිබත් කෑ කාළකන්නි විරුද්ධ පාක්ෂිකයෝ මේ රටේ සිටියහ.

ඒ ඔහු ජනතාවාදී නායකයකු වූ නිසා නොව දරුණු පාලකයකු වූ නිසාය. සාමාන්‍ය ජනතාව හඬා වැටුනේය.

අදටත් සජිත් වට සියල්ලන් රොක් වන්නේ ඒ කීර්තිනාමයට මිස සජිත් කළ ලබ්බක් නිසා නොවේ.

අනික රණසිංහ ප්‍රේමදාස යනු විකටයෙක් නොව තෙම්පරාදු වු කෘතහස්ත, ලෝකයේ ගෞරවාදරයට පවා ලක් වූ දේශපාලඥයෙකි.

මේ රට වසර 30 ක කුරිරු යුද්ධයෙන් මුදවා ගත් මහින්ද රාජපක්ෂටද මයිනා කියනා සිංහල අමනයන්ම සිටිනා රටේ,

(එසේ කියන්නේ 2010 න් පසු මහින්ද හා පවුල ජනතාදී නොවී පිස්සුම කෙලිය නිසාය)

විරුද්ධවාදින්ගේ අම්මට හැමනියව් කියා ජනතාවාදි නායකයකු ලෙස කටයුතු කිරීමෙන් ඉතිහාසයේ වීරයකු වනවාද?

නැතිනම්, රනිල්, ඩී බී, චන්ද්‍රිකා හා සිරිසේන වැනි කවටයින්ගේ ගොඩට එකතු වනවාද යන්න, 

ජනාධිපතිවරයා ඉක්මනින් තීන්දු කළ යුතුය.

ගුරු සටනේ අවසානය සනිටුහන් වනාකාරය අනුව ඔහු කොයි පිලේද යන්න ජනතාවට තේරුම් යනු ඇත.

මේ ඉතිහාස කතා වැඩිපුර ලියන්නේ බුකියේ ඉන්නා හුජ්ජා කොල්ලෝ පමණක් නොව , අමන දේශපාලුවන්ද මේවා නොදන්නා නිසාමය....

අපේ බයිලා චැම්ප්ලා හා පකිස්තාන් උස්තාද්ලා

 

🎈අපේ උන්... රට වහගෙන ආර්ථිකේ වැටුනා කියලා බයිලා ගහනවා...

🎈අපේ උන්.... ආන්ඩුව ඇතුලේ පිල් බෙදිලා මරාගන්නවා...

🎈අපේ උන්.... කරන්න බැරි කාබනික රෙද්දක් උස්සගෙන හත්පොලේ ගාගෙන නානවා

🎈අපේ උන්.... එන ආයෝජකයෝ ටිකත් ජරාව ඉල්ලලා නැති කර ගන්නවා

🎈අපේ උන්... වැඩ වර්ජන කර කර උද්ඝෝෂණ කර කර ඒවට සර්වපාක්ෂික සමුළු තියනවා

🎈අපේ උන්... පොල් මිළ තීරණේ කරන්න පොල් වලල්ලක් හදනවා

🎈අපේ උන්... තිබ්බ නිදහස් වෙළඳපොල ආර්ථිකේටත් තහංචි දාලා කඩාපැනීමේ හමුදා දාලා පෝලිම් ක්‍රමය ආයේ ගේනවා

🎈අපේ උන්ගේ ආර්ථික සංවර්ධනේ බාලගිරි දෝසේ වගේ... අද නොවේ හෙට.. ලබන මාසේ ගේනවා... ඊළඟ අවුරුද්දේ ගේනවා...

🎈අපේ උන්... 13 ක්‍රියාත්මක කරලා ඡන්දේ තියන්න කියනවා.. ඒවා තමයි ජාතික ප්‍රශ්ණ

🎈අපේ උන්... සියල්ලට විසඳුම් ලෙස ඒ පාර අලුත් ව්‍යවස්ථාවකුයි චන්ද ක්‍රමේකුයි ගේනවා

🎈එතකොට සව්භාගේ උතුරන්න ලැබෙනවා

🎈මේ පකිස්ථානේ සිස්ටම් චේන්ජ් එකකට ආපු පොර... ඒ රටේ උන්ටත් හිතාගන්න බැරි ඒවා කරනවා..

🎈අපේ උන්... කටින් බතල හිටවනවා...

🎈මේවා බලලාවත් ලැජ්ජා වෙලා හැදියල්ලා

😭 විලි ලැජ්ජාවේ තන්තෝසේ බෑ...

😭 2025 වෙන්නෙත් පෝට් සිටිය කියන කාන්තාරෙට වෙලා කහත් ගනන් නිසා පුච කහ කහ ඉන්න තමා..

😭 දෙවියනි ඔබ මැව් ලොව පුදුමයි

      අඳුර ළඟයි... ආලෝකේ දුරයි..

      අඳුර ළඟයි... ආලෝකේ දුරයි..

.

ගැසට් වලින් ව්‍යවස්ථාවලින් බඩ පිරෙන්නේ නැත.

ඝෝඨා අතින් වැරදි වූ බව පිලිගැනීම, වැඩ බැරි උනත් පැරණිම දේසපාලුවා වන රනිල් විකුම්සිහ පවා අගය කළේය.

ඒ කියන්නේ මෙතෙක් ගෙන ආ ප්‍රතිපත්තීන් වෙනස් වීමට බොහෝ ඉඩ ඇති බවය.

ආර්ථිකයට කෙල වීමට මූලික කරුණු තුනක් බලපෑවේය. ඒවා බලපෑ ආකාරය මින් පෙරෙද කරුණු සාධක සහිතව පෙන්වා ඇති හෙයින් කරුණු තුන පමණක් දක්වන්නේය.

🎈1. වැට් බද්ද ඉවත් කිරීම

🎈2. වාහන ආනයනය නවතා දැමීම

🎈3. කොරෝනා වෙනුවෙන් 2020 දී රට 

         සම්පූර්ණයෙන්ම වසා දැමීම.

ඉන් පසු ගත් අමන තීන්දූ දෙකක් අද රට සෑම ආකාරයකින්ම ආගාදයකට ඇද දමා අවසානය.

  🔺1. නිදහස් වෙළඳපොලට එරෙහිව    

            හමුදාවෙන් යුධ ප්‍රකාෂ කිරීම.

  🔺 2. කාබනික පොහොර විකාරය.

මේ කරුණු දෙකද අත්කර දෙනුයේ විනාශයක්ම බව, අප විසින්  සෝපාහාසයෙන් යුතුව කරුණු ගෙනහැර පෑ අතර, ආන්ඩුවේ මැති ඇමතිවරුන් පවා උන්නේ විරුද්ධව බව මාතලන් හොඳින්ම දන්නවාය.

එහෙත් හැම එකාම කට පුච වසාගෙන උන්නේ, එය හෝ සාර්ථකව ඉටු කරණු ඇතයි බලාපොරොත්තුවෙන් ය.

එහෙත් මහපොලොවේ හා මිනිසාගේ චින්තනයේ හා මොළයේ තැන්පත්ව ඇති දත්ත මකා දැමීම, ඖෂධ අධිකාරියේ හා ලක් සතොසේ දත්ත මකා දැමීම හෝ උසාවියේ, කච්චේරියේ ෆයිල් ගිනි තබනවාක් මෙන් ලේසී නැතිය.

මේ සියල්ලම පී බී ජයසුන්දරගේ ඒකාධිපති අධිකාරීවාදී තීරණ බව අද වන විට ඔප්පු වී අවසානය.

පී බී කළේ.... මේ සෑම ගොබ්බ තීරණයකටම ගැසට් එකක් ගසා, එය ක්‍රියාත්මක කිරීම හමුදා නිළධාරීන්ට පැවරීමය.

පී බී කළේ.... ඝෝඨා සතු හමුදාමය බලය ඔහුගේ බල අධිකාරිය වෙනුවෙන් කඩේ යැවීමය.

ඝෝඨාද සිතුවේ ශවේන්ද්‍ර හා හමුදාව සමඟ සියල්ල කළ හැකි යැයි කියාය. ඝෝඨාගේ ප්‍රකාශයන් තුලද මේ මතය බොහෝ විට අඩංගුවද තිබුනේය.

කොරෝනා නිරෝධායනයේදී හා එන්නත්කරණයේදී හැර අනෙක් සෑම අවස්ථාවකදීම හමුදාව ෆේල් වූ බව දැන් ලෝකයටම පෙන්වා අවසානය.

 දේශපාලුවන් කපා දමා ගැසට් වලින් හා හමුදාවෙන් රට පාලනය කළ හැකි බව ඝෝඨාගේ ඔලුවට කැවූයේ පී බී බව ඉතා පැහැදිලිය.

අද පොහොට්ටුවේ උන් ඝෝඨා හා සාකච්ඡා ඉල්ලන්නේත්, සුළු පක්ෂවල උන් ඝෝඨාට ක්‍රියාකාරී දේශපාලනයට එන්න යැයි කියන්නේත් ඒ නිසාමය.

මුන් පී බී ගේ නම සඳහන් කිරීමට බිය වූවාට, දිලිත් මුන් සියල්ලෝම වෙනුවෙන් එය කෙලින්ම කීවේය.

ඝෝඨාට... ඔෆීස් එකේ සිට, ගැසට් ගසා රට පාලනය කිරීමට නොහැකි බවත්, මේ ගමන දේශපාලකයින් හා යායුතු බවත්, මුලින්ම ලිව්වේ මාතලන්‍ ය.

ඒ ලිව්වේ මාතලන් පෞද්ගලික අංශයේ කළමනාකරණයෙන් ලබා ඇති පන්නරයෙන්‍මය.

ලංකාවේ නොව පිටරටවල පවා උපාධි ලබා ආ උන්ගේ මැනේජ්මන්ට් මාකටින් තියරි පැත්තක තියරි ඇප්ලයි කරන්නට ගියත්,

කොම්පැනි දුවන්නේ සීත කාමරවල සිට උදේ හවා මීයන් ටින් වලට දම දමා මෙමෝ ගහනා එයාලාගෙන් නොව, ෆීල්ඩ් එකට බැස ගේම ගහනා උන්ගෙන් බව ඒවායේ ඉන්නා උන් පවා දන්න පරම සත්‍යයය.

එහෙත් කරුමය නම්, දැන් ඝෝඨා තවත් ගුලියක් ගිල තිබීමය. ඒ ව්‍යවස්ථා හා චන්ද ක්‍රමයේ ගුලියයි.

🔺 රට හදන්න බැරි ව්‍යවස්ථා නිසා නොවේ..

🔺 ආන්ඩුවට බිස්නස් කරන්නට බැරි බිස්නස් 

      තියරි වල වරදකින් නොවේ..

🔺 චන්ද තියන්නට බැරි චන්ද ක්‍රමයේ ඇති 

      වරදකින් නොවේ..

මුල් දෙක ක්‍රියාත්මක කිරීමට නොහැකිව ඇත්තේ අවංක දේශපාලුවන් හා නිළධාරීන් නොමැති හේතුවෙනි.

තෙවැන්නට නම් කිව යුතුව ඇත්තේ...

77 සිට වෙනස් කරනවා යැයි කියනා බොරුවක් තව දුරටත් කරතබාගෙන යාම දැන්වත් නවතා දැමිය යුතු බවය.

ඇත්තටම සුළු පක්ෂ නොව මහ පක්ෂවල උන් පවා මේ ජේ ආර්ගේ චන්ද ක්‍රමයට කැමතිය. 

මන්ද ...  ජනතාව ඇප නැතිවෙන්නම කතිරය ගසා එලවා දැම්මත්, ආයෙත් පාර්ලිමේන්තුවේ කැන්ටිමේ රසමසවුලු කෑමේ පිනත්, ඩිස්ජවරියේ නැගී, ගාඩ් දමාගෙන, හෝන් ගසාගෙන, ඩබල් ඉරත් කපාගෙන,  දවල්ටත් හෙඩ් ලැයිට් දමාගෙන, පාරේ දකුණු පැත්තෙන් යාමේ පින තිබෙන්නේ... මේ ක්‍රමයේ තියෙන නිසාමය.

හොඳම උදාහරණය රනිල් වික්‍රමසිංහය.

ඒ නිසා මේ කොලකෑලී විගඩම් නවත්වා.. මිනිසුන්ගේ ඇඟට දැනෙන.... ඇසට පෙනෙන... යමක් කිරීම දැන් හෝ ආරම්බ කල යුතුය.

එවන් දේ කරලාත් වැඩක් නැතිය. මිනිසුන්ගේ බඩ ගැන විශේෂයෙන්ම සොයා බැලිය යුතුය.

මහින්ද රාජපක්ෂ උන්නැහේ විශාල සංවර්ධන යෝජනා ඉඳිකරමින්, ගම් උදාව වාගේ මහජන ප්‍රදර්ශනය කරමින්, මිනිසුන්ට නොමිලේම ආතල් දුන්නත්....

අන්තීමේදි මැද මුලන පොල්ලේ එල්ලෙන්න උනේ ඒ නිසාය.

දැනට නම් ආන්ඩුව හා රාජපක්ෂලා ජනතා විමුක්ති පෙරමුණටත් පරාද බව කනගාටුවෙන් වුවත් ලියා තබමින්..

මේ පල්හෑල්ලත් මෙතකින් නිමා කරනවාය..

ඉස්ධූතී නන්ඩ්‍රෙයි ටෑන්ක්ස් හොඳේ ....

මැණිකේ හා බෆලෝ කූඩැල්ලා

 

මැණිකේ හා බෆලෝ කූඩැල්ලා

➖➖➖➖➖➖➖➖➖➖➖

(මගේ බ්ලොග් එකේ නමත් එක්ක "මැණිකේ" කියලා ටයිප් කරලා සර්ච් පාරක් දැම්මම අහු උනා මම ලියපු පරණ එකක්, කොටස් දෙකකට ලියපු කතාව, බුකියේ බ්ලොක් වෙන වචන මොඩිෆයි කරලා ආයේ ගෙඩිය පිටින් එකකට හැදුවා)

කැළණිය අපේ ගේ ගාවට කොළඹ ඉඳලා හරියටම 8 Km. ඒත් අපි පොඩි කාළේ මේක තනිකරම ගමක්. 77 ට පස්සේ සීඝ්‍ර දියුණුවකට ලක්වෙනවා. අද ඉන්න අයට මේ දේ වල් නැති උනත්. අපි ගමක ළමයෙක් විඳින සුන්දර ළමා කාළයක් මේ ගමේ ගෙව්වා.  

ගේ පිටිපස්සෙ කුඹුරක් තිබුනා. නමුත් කැළණි ගඟ ගලන කාලේට මේක යටවෙනවා. කුඹුර උනාට අපි ඕකට කියන්නේ වෙල කියලා. මේක යටවෙනවා කිව්වට අද වගේ නෙමෙයි. කුඹුරු කරන ප්‍රදේශයේ අඩි තුනක් විතර. ඒ උනාට ඒ කාළේ අපිට ඒක ළොකු වතුරක් ඇයි අපිට වයස දහයක් විතර ඇති මේ කතාව කියන කාළේ.

කතාවේ පාත්‍ර වර්ගයා තමයි මම, අපේ මල්ලි, කනිෂ්ක - එහා ගෙදර මගේම වයසේ මැන්ගෝ ෆ්‍රෙන්ඩ්, ගීතංජලි - මැන්ගෝ ෆ්‍රෙන්ඩ් ගේ නංගි, උන් අපේ ළඟම නෑයෝ. 

මැණිකා - එතකොට වයස 18 ක් විතර ඇති මාර ලස්සන, අපේ නංගි බලාගන්න ඉන්න අක්කා - ගමේ නාඩගං නටනවා කියලා,  අපි ගමේ ගියපු වෙලාවක මැණිකලගෙ ගෙදරින් බලෙන්ම දීලා.. එයාගේ කැමත්තෙන් අපේ ගෙදර ආවේ. ප්‍රේමසිරි - කනිෂ්කලයි කඩේ වැඩ කරන කෙනෙක්ගේ පුතා, වයස 16 විතර, ඉස්කෝලෙත් යනවා, නසරානියා. අපි වගේම තමයි.

වෙලේ වතුර පිරුණ ගමන් අපි කෙහෙල් කොටන් පාරු හදනවා. ඒ කතා කියන්න ගියොත් මේක ඔයාලට එපා වෙනවා. ඕක ටික වෙලාවක් පැදලා, වෙලට පනිනවා. අපේ බෙල්ල ගාවට තමයි වතුර. ටික වෙලාවක් පීනනවා කියලා වතුරේ ඇවිදලා, කස්ටියම එනවා, සිමෙන්තියෙන් වට කරලා ලස්සනට බැඳලා තියෙන ළිඳට. 

ඔන්න ඉතින් කූඩැල්ලෝ ඇදලා දාලා අපි කස්ටියම එකට නානවා. මැණිකා මේ හැම දේම බලන් ඉන්නවා. අම්මලාට අපි ගැන බලන්න වෙලාවක් නැති නිසා වෙන්න ඇති. කවුරු හිටියත් උයන්නේ අම්මනේ. 

කස්ටියම ඉන්නේ ජංගි ගහල. ජංගි කියන්නේ අම්මලගේ ගවුම් මහලා ඉවරවෙන, බූමිතෙල් ගඳ ගහන චීත්තවලින් මහලා, ඉනට ඉලාස්ටික් එකක් අල්ලලා තියෙන කොට කලිසම්.  බාල්දි දෙකෙන්ම ඇදගෙන නාපු අපි කට්ටියම එකට සබන් ගානවා.

බේබී හොඳට සබන් ගා ගන්න මූනේ... මැණිකා කියනවා.

එයානම් කියයි... ඇස් දෙක දන්න ගත්තම එයා මොනවා කරන්නද....? උදේට ඉස්කෝලේ යනකොට, අම්මා මූණේ සබන් ගාන කොටත් මම ඇස් දෙක තද කරගෙන ඉන්නේ.

හරි හෝදලා ඉවරයි... ඒ අම්මා.

ඇස් අරින්නද....?

හා අරින්න හෝදලා ඉවරයි.

හොඳටම හේදුවද අම්මේ....?

ඔව් දරුවෝ ඔව්,

ඔන්න එහෙනම් අරිනවා......?

අරින්න පුතෙ අරින්න...

ඒත්... තද කරන් ඉන්න එක පොඩ්ඩක් අඩු කරලා, දෙකට නැමිලා, බේසමෙන් වතුර ටිකක් අරගෙන ආයිත් ඇස් දෙකේ ගාගන්නවා. අම්ම අවිස්වාස නිසා නෙමෙයි, එයාටත් අහු උනේ නැති, අර ඇස්වලට අගුණ පෙන ජාතියෙන් පොඩි බින්දුවක් හරි අම්මට පේන්නේ නැතිව හැංගිලා හිටියොත්. ඇහේ වතුර ගාගත්තත් අරින්නේ නෑ. මූන පිහදාලා ඉවර උනයින් පස්සේ, ආයිත් ඇස් තද කරලා බලනවා. තුවායෙන් ආයිත් හොඳට පිහිනවා.

ඔන්න එක පාරක් ඇරලා ටක් ගහලා වහනවා. තොටළඟ තොරනේ වගේ මොනවද වගයක් එක පාරටම පේනවා. ආයිත් ඇරලා බලනවා.

ඒ පාර නම් අම්මව දැක්කා. ඔය ඉන්නේ සීදේවී වගේ හිනා වෙවි. ඒ උනාට ආයිත් වහනවා.

හ්ම් දැවිල්ලක් නෑ. බඩු ෂුවර්.. දැන් නම් හොඳටම ෂුවර්.. අර මූසල පෙන බෝල එකක්වත් නෑ කියලා.

ඒ උනාට, මැණිකගෙ හිත නරක් කරන එකත් හොඳ නෑනේ. බොරුවට සබන් ටිකක් මූනේ අතුල්ල ගන්නවා.

ඔය මොකක්ද කරන්නේ... කෝ දෙන්න සබන් කෑල්ල.

අයියෝ..!!! ඉවරයි ඉතින් ආයෙත් අර කෝස් එක තමයි. අම්ම වගේම තමයි මෙයත්...

මූන හොදන්න කිව්වම ඉතින් ඒක කරනවනේ.. ඇස් වල ගාන්නම ඕනද...? ඔය සබන් හදන අයට බැරිද ඇස් දන්නෙ නැති.. නිකන් වතුර වගේ දෙයක් හදන්න. වතුරෙන් හේදුවට කිසි අවුලක් නෑනේ.. අනේ මන්දා කවුරු මේවා මොනවට හදනවද කියලා....? එක්කෝ කියන්න ඕන පොඩි ලමයින්ට නොවේ කියලා. අර අම්මයි තත්තයි විතරක් බලන්න යන ෆිල්ම් වගේ. ..

ඔන්න කරුම වැඩේ ඉවරයි... අනික් උන්ට නම් හිනා මමයි මගේ ඇස් දෙකයි විතරයිනේ දන්නෙ ඒකේ දුක.

ඔය ජංගිය අස්සෙත් ගාගන්න.

ඇයි මැණිකම ගාන්න.

අනේ මට බෑ.... ඕවයෙ ගාන්න..

එහෙනම් නංගිගේ ගාන්නේ...?

ඒ... නංගි පොඩියි නේ...

ඉතින් අපිත් පොඩියිනේ...

ප්‍රේමසිරියට හරි හිනා... අපිත් පොඩියි කියන්නේ එච්චර හිනා යන කතාවක්ද...? මමත් හරියට ප්‍රෙඩී සිල්වා වගේනේ.. මරු වැඩේ... ආයිත් කියන්න ඕන...

ඉතින්.. අපිත් පොඩියිනේ මැණිකම ගාන්නකෝ..

ප්‍රේමසිරියට හරි හිනා.. අපිත් ඉතින් හයියෙන් හිනාවෙනවා.. මේන් මැණිකට කේන්ති ගිහින්.. මොකටද කේන්ති ගන්නේ....?

ඉස්සෙල්ලා මගේ මූනේ සබන් ගාන වෙලාවේ කට්ටියම හිනා උනාම මැනිකත් හිනාඋනේ.. ඒ වෙලාවේ මට කේන්ති ගියාය....? ඇස් දෙක වහගෙන මමත් හිනා උනේ...

මම කියන එවටයි කරන ඒවටයි හිනාවෙන එක කොච්චර ෂෝක්ද...? මමත් එතකොට අර ෆිල්ම් වල ඉන්න ජෝකර්ලා වගේ නේ...එයාගේ ලස්සන මූන. අලිකලසමයගේ  මූන වගේ වෙලා. මට නම් ඔය අලිකලසමයගේ මූන පෙන්න බෑ..

හිනා උනා වගේ නෙමෙයි... මැණිකා තරහ උනොත්...!...? මම එක පාරටම ලයිට් එක ඕෆ් කලා වගේ හිනාව නවත්ත ගන්නවා....

ඒත් මැණිකගෙ මූන ලස්සන නෑ... මම පූජිත මෙන්ඩිස් වගේ අනික් උන් ඔක්කෝටම ඔරවනවා. ඔන්න හිනාව නවතිනවා. දැන් නම් මැණිකගෙ මූන හොඳයි. ඒත් තරහ වෙන්න කලින් හිටිය වගේ ලස්සන නෑ.

උඹ තමයි ඔක්කෝම කරන්නෙ.. මැණිකා ප්‍රේමසිරිට කියනවා..

ප්‍රේමසිරි නෙමේ කටක් හොලවන්නේ. ප්‍රේමසිරි මැණිකට බයයි. ප්‍රේමසිරි පොළොවේ දිහා බලාගෙන ඉන්න ඇස් දෙකේ, අර මැද තියෙන බෝල දෙක මැණිකා පැත්තට යනවා. මගේ පැත්තට එනවා. මල්ලිගෙ පැත්තට යනවා. කවුරුත් සද්දයක් නෑ.

හා හා..... ළොකු බේබි ඔය සබන් ගා ගන්න ඉක්මනට. ගාලා හොඳට අතුල්ලලා හෝදන්න. නැත්නම් කට්ටියම මැටි බබ්බු වගේ ඉඳියි. ඔය වෙල් ගඳ යන්න හොඳට හෝදගන්න.

අම්මේ....!!!..... ඇති යාන්තම් මැණිකා කතා කරනවා. ආයෙත් කට්ටිය හෝ ගාල වැඩ. මමත් පස්ස පැත්තෙ සබන් ගාන්න ජංගිය පහත් කරනවා. මැන්ගොත් එහෙමයි. ඒ උනාට මල්ලියි, මැංගොගේ නංගියි, ප්‍රේමසිරියි එහෙම ජංගිය පාත් කරන්නෙ නෑ.

"බුදු අම්මෝ..........................!!!" මැණිකා මහා සද්දෙන් කෑ ගහනවා...

අම්මෝ මගේ කන් දෙක.....!!!. තව පොඩ්ඩෙන් පැලෙනවා..

කැළණි පන්සලේ පෙරහරට ගෙනත් ගස්වල බැඳලා ඉන්න අලියෙක්ට පිස්සු හැදිලා එක දවසක් හොඬේ උස්සලා කෑ ගැහුවා. එදා තමයි තාත්තා කියලා දුන්නේ කනේ බෙරයක් තියෙනවයි, ළොකු සද්දවලට, පුපුරණවයි කියලා. 

ඉතින් තාත්තේ ඒ බෙරේ මොන වගේද කිව්වට උත්තර හම්බ උනේ නෑ. මම හිතන්නේ තාත්තා දන්නෙ නැතිව ඇති. 

උත්තර දන්නෙ නැති ප්‍රශ්ණ ඇහුවම එයා සද්ද නැතුව හිනාවෙනවා. සමහර ඒවා නම් වෙන කාගෙන්වත් අහන්න එපා. ළොකු උනාම අහන්න, කියලා දෙන්නම් කියනවා. ඉතින් මම තාම පොඩියිනේ.

මම හිතන්නේ තොරණ හංදියටත් ඇහෙන්න ඇති. ෆිල්ම් හෝල් එකේනම් ඔයිටත් වඩා සද්දෙට ගෑණු අය බෙරිහන් දෙන ඒවා දැකලා තියෙනවා. සමහර වෙලාවට හෝල් එක ඇතුලෙ වගේ, කළුවර නැති නිසා වෙන්න ඇති... එච්චර සද්දයක් එන්නෙ නැත්තේ. හෝල් එකේ ලයිට් නිවන්නේ,,, නැත්නම්, මිනිස්සු ෆිල්ම් එක බලන්නෙ නැතුව, එක එක්කෙනාගේ, ඇද කුද හොයන නිසා කියලා මට කියලා දුන්නෙත් තාත්තා.

ඒ මම එක දවසක් හෝල් එකේදීම අහපු වෙලාවක. අම්මයි, වට පිටේ අයයි හිනා උනාට, ඒකනම් ඇත්තම වෙන්න ඕන. ඔය ඉන්ටවල් එකට තිරේ වහලා ලයිට් දාලා තිබුනට, කැන්ටිමේ විකුණන ඒවල ගාන තිර රෙද්දේ වැටෙන්නේ....ඒ කියන්නෙ ලයිට් දැම්මත් ෆිල්ම් එක පේනවා..... 

මේ කර්ට්න් එක තියෙන නිසානේ. නැතනම් ලස්සනට පෙනෙයි.  ඒත් මම විතරද කොහෙද ඒවා බලන්නෙ. අනිත් අය එක එක්කෙනා මොනවද කන්නෙ කියලා තමා බලන්නේ.. එතකොට ඉතින් මාත් ඔක්කෝම දිහා බලලනේ... ඒක නම් මාර වැඩක්නේ. අපේ තාත්තා ඇත්තම තමයි කියලා තියෙන්නේ.

ඒ සද්දෙට... මගේ අතේ තියෙන සබන් කෑල්ල ළිඳට පනිනවා.. මාර ලස්සනයි ඒක ගෙම්බා පනිනවා වගේ...

ඔන්න බේබී ලොකු කූඩැල්ලෙක්.. කියන කොටම.... ගෙවල් වල ඉන්න ඔක්කෝම අය ළිඳ ළඟට ඇවිල්ලා ඉවරයි. මාර වැඩේ. අපේ අම්මයි තාත්තයි, ආච්චි නංගිත් වඩාගෙන. මැන්ගොගේ තාත්තා ජුබ්‍රි අංකල් එයත් ඇවිල්ලා.

මොකද මැණිකා බෙරිහන් දෙන්නේ. කවුරු හරි ළිඳට වැටුනද...? තාත්තා ළිඳට එබෙනවා.

සබන් කෑල්ල නම් වැටුනා මම කියනවා..

මොකද මැණිකා කෑ ගහන්නෙ.. විකාරද උඹට.. නැත්නම් බේබිලා උඹට මොනවා හරි කරාද...?

නෑ නෝනා... මැනිකගේ සුදු පාට මූණ. මුදලාලිලගේ වත්තෙ තියෙන ජම්බු ගෙඩි වල පාට වෙලා. එයා ඩාන්ස් කරනවා. 

ඩාන්ස් එකකුත් නෙමෙයි. එච්චර ලස්සන නෑ. අත් දෙක වැලමිට ළඟින් උඩට උස්සගෙන ඇඟිලි තියෙන කෑලී දෙක දෙපැත්තට වනනවා, නවත්තනවා, ඇඟිල්ලක් කටේ දාගන්නවා ආයිත් එහෙම කරනවා, අනේ නෝනා...... කියනවා... ඩාන්ස් එක ලස්සනම නෑ. ඊට වඩා ලස්සනට ෆරීනා ලායි අක්කි ඩාන්ස් කරනවා. මේක ගමේ නැටුමක් වෙන්න ඇති.

මැනිකගේ තාත්තත් හොඳ නැටුම් කාරයෙක්නේ. එයා ගාව පෙරහැරවලට අඳින ඇඳුම් හිටන් තියෙනවා. එයාගේ අම්මත් හොඳ නැට්ටුක් කාරී කියන එක. අම්මයි තාත්තයි අපි නිදා ගත්තට පස්සේ කතා කරන කොට මට ඇහිලා තියෙනවා. 

ඒවා මම අහන්න යන්නෙ නෑ. මොකද අනිත් දවසෙ එයාලා දැන ගන්නවා නේ මම නිදි නෑ කියල. මට මුකුත් නොදන්න දෙයක් දැන ගන්න වෙන්නේ නෑ.

එයාලා මරු මරු ඒවා කතාකරනවා.. ඒ මම නිදිද කියලා බලලා. ඔන්න එක දවසක් අම්මා කිව්වා හොඳට නින්ද ගිහින් නම් කකුල වැනෙන්න ඕන කියලා ඉතින් මම ඇහැ අරලා හිටියේ. හොඳට කකුල් දෙක වැනුවා... 

හානේ එයා හොඳටම නිදි කියලා අම්මා කිව්වා. මට හරි ජොලි. අම්මා මගේ බොරුවට අහු උනානේ. ඒත් පස්සෙ දවසේ, අහු උනේ අම්මා නෙමෙයි, මමයි කියලා, කියා දුන්නෙ මැනිකා. ඊට පස්සෙ මම නෙමෙයි නිකමට වත් කකුල වනන්නේ.

සමයම. මේකිට පිස්සුද කොහෙද..? ආච්චි කියනවා...

මොකද මැණිකා උනේ. මොකෝ දරුවෝ කෑ ගැහැව්වේ....? ඒ අම්මා..

ඉස්සෙල්ල නම් අම්මත් මැනිකගෙන ඇහුවේ සැරෙන්.. ඒ පාර දුක හිතෙන්න ඇති.. අපේ අම්ම සෑර නෑ පොඩ්ඩක්වත්. ඒකට සෙලින් ඇන්ටි. මැන්ගොයි ,නංගියි විතරක් නෙමෙයි ප්‍රේමසිරිත් ගුටි කනවා සෑහෙන්න.

ඊ..........................ක්කා....... නෝනා ලොකු බේබිගේ කලිසම ඇතුලේ කූඩැල්ලෙක්..

ඒක ඉතින් අහන්න දෙයක්යෑ.. කලිසම් අස්සෙ කූඩැල්ලෙක් ඉන්නවා තමයි..හහ් හහ් හා...ඒ ජුබ්‍රි අංකල්.. එයාගේ හැටි එහෙම තමයි... කතාවකට කිසිසේත්ම නොගැලපෙන කතාමයි කියන්නෙ.

නෑ නෑ..... මහත්තයා ලොකූ කුඩැල්ලෙක් මෙච්චර විතර ඇති.. මැණිකා එයාගේ මුළු අල්ලම පෙන්නනවා..

අම්මට සිරි ගජ.... මගේ පුපේ කූඩැල්ලෙක් හිටියා කියලා මැණිකා කිව්වා නේද..? දැනුයි ඒක මටත් මතක් උනේ.

මොකද මොකද මිස්ටර් සැම්සන් කළබලේ.. ? මේ ළිඳ ගාව සෙනග වටවෙලා කවුද වැටුනේ...? ඉක්මනට ඉණිමග ගෙන්න ...

ආ.... දයියලයි තාත්තත් ඇවිල්ලා. එයා ඇවිල්ල තියෙන්නෙ ඉනිමග ඉල්ලන් යන්නද කොහෙද. ඇන්ටිත් ඇවිත් ඉන්නේ. දෙන්නා දෙපත්තෙන් අල්ලගෙන අරන් යයි. ඒ කියන්නේ අද එහේ තැඹිලි කඩන එක ෂුවර්. අද වෑවර කන්න පුළුවන් හකුරුත් එක්ක දාලා. සොරෝප් ගාලා සද්දෙට දිග කෑලී කන්න පුළුවන්. මම අයිස්ක්‍රිම් වලටත් ආසයි. ඒත මට හතිය නේ. ඒ නිසා තැඹිලි බොන්න නම් කවදාවත් හම්බ වෙන්නේ නෑ.කෝප්පෙට දාලා දුන්නට මම ආස තැඹිලි බෑයෙම තියාගෙන කන්න. කෝ ආච්චි කැමති නෑනේ ඒකට. කහට ගෑවෙනවා කියලා. කහටත් සබන් වගේම ජාතියක්. මේවා නැති උනානම් කොච්චර හොඳද. මගේ ඉස්කෝලේ කමිසෙ සාක්කුවේ රාජා දුන්න කජු පුහුලමක් දාගෙන ඇවිත් අම්මට අළුතෙන් කමිසෙකුත් මහන්න උනා එක පාරක්.

අංකල් දයානන්ද අයියා ගෙදරද....?

ආ.... ඔවු පුතා... එයාලා නිදි..

ඔය කෙලලා ඇරියේ මහ බොරුවක්. මෙයානම් කෙලින්ම අපායේ තමයි. දයියලට එළියට යන්න දෙන්නෙ නෑ. හරි පවු. අපි නම් එහේ ගිහින් සෙල්ලම් කරලා එනවා. දයියා නම් කොච්චර දේවල් දන්නවද....? 

එයාලගෙ ගෙදර ලයිබ්‍රරි එකක් වගේ. ඔක්කෝම පුටුවල වාඩි වෙලා පොත් කියවනවා. ලීලවති ඇර. ලීලවතී තාප්පෙ එල්ලිලා අනිත් ගෙදර ඇන්ටිත් එක්ක කතාකරනවා නිතරම. ඒ උනාට ඒ අංකල්ලා වැඩට ගිය වෙලාවට.

මොකද මොකද කළබලේ... අද මොනවද කරගෙන තියෙන්නේ....? 

සෙලින් ඇන්ටි ඇවිත් තියෙන්නෙ දැන්. හානේ එයා ගවුමක් ඇඳලා. නැත්නම් ඉතින් වෙනදට දවල්ට ඇඳලා ඉන්නෙත් අපේ අම්මා රෑට අඳින ඒවා නේ. ඒක වෙන්න ඇති එන්න පරක්කු උනේ. එයා ගුරුකුලේ උගන්නන ටීචර් කෙනෙක් උනත් ඕන දේකට එන්නේ පරක්කු වෙලා.

නෑ නෑ සෙලින් නෝනා අපේ ලොකු බේබිගේ පස්ස පැත්තේ කූඩැල්ලෙක්..

මෙහෙට එනවා.. මෙයත් යනවා කොල්ලොත් එක්ක ඔට්ටු වෙන්න .. වැලේ තියෙන් තුවායත් අරන් එනවා ඔළුව පිහිදාන්න.. සෙලින් ඇන්ටි මැන්ගොගෙ නංගිට කතා කර ගන්නවා... 

ඔය කූඩැල්ලෙක් නරක තැනක ගියොත් එහෙම..., මම අහලා තියෙනවා කූඩෑල්ලෙක් බඩට රිංගලා, බඩේ පැටව් ගහලා, ගෑණු කෙනෙක් මැරුනත් කියලා. කෝ මේ ළමයි කිව්වට අහන්නෙ නෑ නේ. කෝ මේ ප්‍රේමසිරියා මේ යකා තමයි ඔක්කෝම නරක් කරන්නේ.

ප්‍රේමසිරි පේන්න නෑ. මල්ලියි කනිෂ්කයි නම් ඉන්නවා.

සෙලින් ඇන්ටි කිව්ව දේ වෙන්න පුළුවන්ද..? මාර වැඩේ කූඩැල්ලා බඩ ඇතුලට ගියොත් එහෙම. ඒත් බය වෙන්න දෙයක් නෑ.. මෙයා විතරයිනේ. ඩොක්ටර් අංකල් බඩ කපලා හරි මූව එළියට ගනියි නේ. අනික පැටව් දාන්න තව එකෙක් ඉන්න එපාය. 

අපේ බ්‍රවුනිත් පැටව් දැම්මේ කොහෙන්ද තව බව්වෙක් ගෙනාවට පස්සෙ නේ. අපි ඇවිල්ලත් තියෙන්නේ. අම්මයි තාත්තායි කසාද බැඳපු නිසාලු නේ. 

හොඳ වෙලාවට ළොකු වෙලා,,,, කසාද බැන්දට පස්සෙ බබාලා හම්බ වෙන්නේ. නැත්තන් අපිටත් අර චූටී මාළුවෝ වගේ පොඩි කාළෙම බබාලා බලාගන්න වෙන්නේ. හප්පේ එහෙම කරදරයක්. 

කොයි වෙලාවෙත් කුක්කු ඉල්ලලා අඬනවා. කක්කි දානවා, චූ දානවා, කක්කි ඇඟ පුරාම ගා ගන්නවා. අප්පේ ඒ ගැන නම් හිතන්නවත් ඕන නෑ. මම තාම පොඩියිනේ.

කූඩැල්ලා තාම මගේ පුපේ...

මේන් මහතුනුත් ඇවිල්ලා. හප්පේ සෙනග හෝ ගාලා.... සමහර අය මම දැකලත් නෑ.

මොකෝ සුදු මහත්තයා මොකෝ මේ කෑ ගැහුවේ.....? කවුද ලිඳට වැටුනේ.....?

කවුරුත් වැටුනේ නෑ මහතුන්... සබන් කෑල්ල නම් ළිදට වැටුනා

එහෙනම් මේ කෑ ගහන්නේ....?

මගේ පස්ස පැත්තේ කූඩැල්ලෙක්.....

අයියෝ ඕක මොකක්ද සුදු මහත්තයා මගේ පුපෙත් ඕන තරම් කූඩැල්ලෝ එල්ලෙන්නේ...

මාර වැඩේ.........!!! 

මේන් මහතුන් පුප කියලා කෑ ගහලා කියනවා. පුප කියන්නේ කැත වචනයක්නේ. ෂුවර් එකට අපේ අම්මගෙන බැනුම් අහනවමයි. ඔන්න බලන්න දැන් අපේ අම්මා මහතුන්ට බනිනවා.

එකයි, දෙකයි, තුනයි, හතරයි..

කෝ නෑනේ.. ..?

මම ගනන් කරනවා.... ස්පීඩ් වැඩිද දන්නෙ නෑ.. කෝ....? බනින පාටක් නෑනේ....? ඒ කියන්නේ අම්මා කිව්වට ඒක එහෙම වච්නයක් නෙවෙයි වෙන්න ඇති

මොකද මහත්තයා මොකද..? අප්පට බොල හෝ ගාලා සෙනග. පෙතියාගොඩ පෙරහැර බලන්න වගේ සෙනග හෝ ගාලා....

දැන් අපේ ළිඳ වටේම සෙනඟ. මාරක ළිදේ මෝටර් සයිකල් යනවා බලනවා වගේ ළිඳේ තාප්පවල ඔක්කෝම එල්ලිලා. ඒ අයගේ කරවල් අස්සෙන් අනිත් අය ඔළුව දානවා. හානේ.. ගෑණු අයත් ගොඩයි. මමයි, තාත්තයි, මැනිකයි, මැන්ගොයි, මල්ලියි, ළිඳ ඇතුලේ නාන කෑල්ලේ. 

මට හිතෙනවා බයිසිකලේ අරන් ඇවිත් පදින්න. ඒත් කොහොමද පදින්නේ....? ළිඳ රවුම් නෑනේ..? ෂා.... එහෙම තිබුනනම් මෙයාලා ගියායින් පස්සෙ ට්‍රයි කරලා බලන්න තිබුනා... ඔක්කෝම බලාගෙන ඉන්නෙ මගේ දිහා.... මටනම් හරි ජොලි.. මෙයාලවත් කොහොම හරි හිනස්සන්න ඕන...

කූඩැල්ලා තාම මගේ පුපේ..

නෑ නෑ මුකුත් නෑ... මෙ දරුවගේ ළොකු කූඩැල්ලෙක්.. මම මේ ඇදලා දාන්න බැලුවේ..

හා හා මහත්තයා ලොකු උන් ගලවන්න එපා... වන වෙනවා.. මේන් අලිකලිසමයත් ඇවිල්ලා.. මටත් බලාගන්න එපැයි කූඩැල්ලා.. මම වම් පැත්තෙ උරහිස උඩින් බඩ ඉස්සරහට දාලා මගේ පුප බලනවා.. කෝ පේන්නෙ නෑනේ...

තාත්තෙ මට පෙන්නේ නෑ නේ.

කට්ටිය එක්කෙනා දෙන්නා එහෙට මෙහෙට වෙනවා. දැන් අලිකලිසමයා තමයි හීරෝ.

කූඩැල්ලා තාම මගේ පුපේ.... මම හෙමීට අත දාලා බලනවා..

ආ... මේ ඉන්නෙ යාළුවා.. කෝ බලන්න හ්ම් ළොකු තමයි. මම කලිසම ගලවන්න යනවා.

ඕක ගලවන්න ඕන නෑ. තාත්තා කියනවා..

කලිසම ගලවන්න එපා බේබි මේ මිනිස්සුත් ඉන්නවනේ මැණිකා කියනවා.

ඉතින් එයාල හිටියම මට මොකෝ....?  මහතුන් පාරු පදින්නෙම හෙලිවැල්ලෙන් නේ..පුප ඔක්කෝම එළියේ දාගෙන.. .මෙයාටත් ඕන නැති දෙයක් නෑ... .

ඔන්න කට්ටියම හිනා වෙනවා.. මට ඉතින් හරි ජොලි.. කූඩැල්ලටත් ජොලි ඇති... දැන් ඌ ඉන්නෙත් මගේ පුපේ නේ.

ඒයි..... ළොකු පුතා මොනවද ඔය කියන්නේ...?

අම්මට කේන්ති ගිහින්.. එයා හරි නරකයි.. අපිට තමයි පුප කියන්න බැරි.. මහතුන්ට කියන්න පුළුවන්.. මගේ කතාවට ඔක්කෝම හිනා උනත් එක්ක.. 

ඒ උනාට අම්මා නරකයි කියලා හිතන්න හොඳ නෑ.. මම අපායේ යයි.. අනික මහතුන් කිව්වට.. මම ඒක කියන්න ඕන නෑ.. එයාලගෙ අම්මා එයාට කියලා දීලා නැතුව ඇති. 

අනික අපායට ගියත් ළෝදිය නම් බොන්න බෑ...... කට පිච්චේවී. මට උනු කිරි එකක්වත් බොන්න බෑනේ. ළෝ දිය නිවල දෙන්නෙත් නෑ කියලා ආච්චි කිව්වේ...

වෙලේ බෆලෝ නැතුව කොහොමද තාත්තේ බෆලෝ කූඩැල්ලෝ එන්නේ....?

උත්තර නෑ...

ආයෙත් හෙමිහිට අත දාලා බලනවා..

ඔය ඉන්නෙ බඩු... රබර් එක වගේ... මූ මාර දිගයි නේ. කෝ අං දෙකක් නම් නෑ... මම හරිම ආස සතෙක්... ඌ අපේ කකුලෙ එල්ලුනාට, අල්ලට ගත්තම එයාට එල්ලෙන්න බෑ. හරියට රබර් බෑන්ඩ් එකක් වගේ. කළුම කළුයි. බඩ පැත්ත හරිම ලස්සන පාටක් තියෙන්නේ. ඒ පාට මම තාම දන්නෙ නෑ. එයා යන විදිය තමා මරු. 

වල්ගෙ පැත්ත උස්සලා ඔලුව ගාවට ගන්නවා හරියට අපි බඩ පිණුම් ගහන්න ලෑස්ති වෙනවා වගේ. එහෙම අරගෙන යූ එක වගේ නැමිලා පොඩ්ඩක් වෙව්ලනවා. හරියට අපේ නංගි බඩ පිණුම් ගහනවා වගේ. ඒ උනාට කූඩැල්ල නම් එයා වගේ වැටෙන්නේ නෑ.. ලස්සනට යනවා.මම නම් දැන් ඒවා ගහන්නේ නෑ. මම ගහන්නෙ බල්ටි. ඒකනම් පුරුදු උනේ පෙරහැරවල්ම බලලා. අපේ වත්තේ කාටවත් බෑ ඒ පිණුම ගහන්න.

කෝ සබන් කෑල්ල.....?

ඒක ළිඳට වැටුනා.. ඇයි මම ඉස්සෙල්ලා කිව්වේ..

කෝ පුතා ඔයාලගේ සබන් කෑල්ල.....?

මැන්ගෝ නෝ කතා..හරි මම දන්නවා... ඒකත් මැනිකගේ සද්දෙට ළිදේ.... එක්කෝ ප්‍රේමසිරි ඒකත් අරගෙනම දුවන්න ඇති.... හොඳ වෙලාවට එයා ගියේ. නැත්නම් ඔක්කෝම එයාට බනීවී.

මොකටද සබන් හොයන්නේ............? ආයිත් මගේ මූනේ ගාන්නද...දන්නෙ නෑ...?

ආයේ ගාන එකක් නෑ..... නෑ නෑ හරි හරි.... මම දන්නවා හොරේ.. සබන් ගෙනත් කූඩැල්ලගෙ මූනේ ගානවා. එතකොට. එයාගේ ඇස් දෙක දන්න පටන් ගන්නවා.. ඔන්න එතකොට එයා දඟලනවා, මෙයාට කකුලුත් නෑනේ... ඔන්න එතකොට මේයා එක අතෙන් නේ එල්ලිලා ඉන්නෙත්... එතකොට එයා වැටෙනවා.... ඒත්.....

ඒත් කූඩැල්ලට මූනක් නෑනේ.. ඇසුත් දැකලම නෑ කවදාවත්...

තාත්තේ කූඩැල්ලට ඇස් තියෙනවද...?

මම දන්නෙ නෑ පුතේ.. අනේ රාළහාමී මේකව ඉක්මනට අයින් කරන්නකෝ.. ලේ බීලා ඇති සෑහෙන... ගිය සුමානෙත් ඉස්පිරිතාලේ හිටියේ හතිය හැදිලා.. ඉක්මනට ඔලුව පිහදාන්න මැනිකෝ...

මාර වැඩේ... තත්තා අදමයි කිව්වේ එයා දන්නෙ නෑ කියලා... ඒ කියන්නෙ මම හිතුවා හරි... එයා දන්නෙ නැති ඒවා ඕන තරම් ඇති... හික්ස්...

කූඩැල්ල නම් තාමත් මගෙ පුපේ....

නෝනා ලුනු කැට ටිකක් හරි, ලුනු පොල්කට්ට හරි අරගෙන එන්නකෝ.....

ඒ පාර අලිකලසමයා මොකක්ද කරන්න යන්නේ......?

තාමත් සෙනග ටිකක් ඉන්නවා...

කූඩැල්ල නම් තාමත් මගෙ පුපේ...

- නිමී -

බඩු මිළ ඉහළ යාම හා නැති බැරි අය ඇති හැකි අය කිරීමට ගොස් ඇති හැකි එකාත් නැති බැරි කිරීම..

 බඩු මිළ ඉහළ යාම හා

නැති බැරි අය ඇති හැකි අය කිරීමට ගොස්

ඇති හැකි එකාත් නැති බැරි කිරීම

➖➖➖➖➖➖➖➖➖➖➖➖

.

.

ආන්ඩුව තීරණය කළ යුත්තේ තමන් බිස්නස් කරනවාද, නැත්නම් බිස්නස් කිරීම, බ්ස්නස් කාරයන්ට දී තමන් ආන්ඩුකරනවාද යන්නය.

කොටින්ම මෙතෙක් පැවති නිදහස් වෙළඳපොල  ආර්ථිකයහෙවත් ඕපන් ඉකොනොමිය තව දුරටත් පවත්වාගෙන යනවාද, නැත්නම් 70-77 වාගේ පෝලිම් යුගයකට යනවාද යන්නය.

වෙළඳපොල ඒකාධිකාරියකට ඉඩ නොතබා ඕනෑම දෙයක් ඕනෑම එකෙකුට නිශ්පාදනයට හෝ ආනයනයට අවසර දිය යුතුය.

එවිට වෙළඳපොල තුල භාන්ඩ සුලබ වී මිළ අඩු වනු ඇත. 

අද ආන්ඩුව ඉල්ලාගෙන කන්නේ, මෙතෙක් පැවති නිදහස් වෙළදපොල ආර්ථිකයට බාදා පමුණුවමින් දැමූ තහංචි නිසාය.

මේ පරිප්පුව අනිවාර්‍යයෙන් කන්න වෙන බව අප එදාම කීවේය. තෙල් මිළ සූත්‍රයෙන් ඉවත් වීමද එවන්ම ගොබ්බ ක්‍රියාවකි. 

කොටින්ම පාලන මිළවල් විවෘත ආර්ථිකයක තිබිය නොහැකි අතර, මිළ තීරණය කරනුයේ වෙළඳපොල මගිනි.

උදාහරණයක් ලෙස සමහර කාලවලදි අමුමිරිස් ග්‍රෑම් 500 රුපියල් 1000/= කට යන අතර අද එය රුපියල් 100/= වෙනවා වාගේය. 

නිශ්පාදනය හා අස්වැන්න වැඩි වූ විට වෙළඳ පොලේ මිළ පහත බසී.

ඇති එකාට La Coste, ෂැන්ග්‍රිලා එකෙන් අරන් ඇඳිය හැකි අතර, නැති එකාට පමුණුවේ 🐊 ඇඳගෙන යා හැකිය.

ඇති එකාට විමළධර්මගෙන් Rado අරන් අතේ බැඳගෙන යා හැකි අතර, නැති එකාට පේමන්ට් එකේ 350/= එකක් දාගෙන යා හැකිය.

ඇති එකාට මිනිස්ට්‍රි ඔෆ් ක්‍රෑබ්ස් කෑ හැකි අතර, නැති එකාට ක්‍රෝටන් කොළ හෝ මුරුංගා කොල කා කුස පුරවා ගත හැකිය.

පාඩු පිට බිස්නස් කරන්න බිස්නස්කාරයන්ට ආන්ඩුවට වගේ පිස්සුවක් නැත.

ආන්ඩුවේ බිස්නස් වල පාඩුව කවර් කරගන්නෙත් හෙන ගහන බදු ගසා අපටම හමන්නවලාය.

මේ වැඩිවූ භාන්ඩවලත් ඒ බදු ඕසෙට තියෙනවාය.

තමන්ගේ ලාබයෙන් බදු ගෙවන්න බිස්නස් කාරයන්ට පිස්සු නැතිය.

උන් භාන්ඩ විකුණන්නේ ඒකත් එකතු කරලාය.

ආන්ඩුවට බිස්නස් කරන්න බැරි බව ඔප්පු කර අවසානය.

හාල් තවම එනවාය.

ආන්ඩුවේ ව්‍යාපාර සියල්ලම කුල්ල කුජීත හොර ගුහාවන් ය.

සුදු ළූණූ හොරකම මෑතම නිදර්ශනයය.

දැන් කළ යුත්තේ ඒවා සියල්ල පෞද්ගලීකරණය කොට රාජ්‍ය සේවයේ බිස්නස් සියල්ල මුලුමනින්ම අහෝසි කිරීමය.

කොටින්ම කෘෂිකර්ම දෙපාර්තමේන්තුව හා ධීවර සංස්ථාව පවා ප්‍රයිවටයිස් කළ යුතුය.

නොමිළේ දෙන සියළු දේ නවතා දැමිය යුතුය.

හිඟණ මානසිකත්වයෙන් මිනිසා බැහැර කළ යුතුය.

හිඟන ජාතියක් වෙනුවට දිරිය දියුණු ජාතියක් බිහි වන්නේ ඉන් අනතුරුවය.

මේ රටට කෙල වී ඇත්තේ දේශපාලනයේ වැරද්දකින් නොවේ.

නොමිළේ අධ්‍යාපනය , 

නොමිළේ සෞඛ්‍ය සේවය,

නොමිළේ පාසල් පොත්,

නොමිළේ පාසල් ඇඳුම්,

නොමිළේ උසස් අධ්‍යාපනය,

මහපොල

රජයේ රැකියා

විශ්‍රාම වැටුප්

ජනසවිය/සමෘධිය 

නොමිළේ ඉඩම්

නොමිළේ නිවාස

නොමිළේ කුඹුර

නොමිළේ ජලය

නොමිළේ පෝර

නොමිළේ කෘෂි රසායන

රජය අස්වැන්න මිළදී ගැනීම

ගොවි ණය කපාහැරීම්

වසර පහෙන් පැන්ෂන්

වාහන පර්මිට්

රජ්‍ය සේවයේ බදු නොගෙවීම්

යනාදි වශයෙන් සියල්ලම නොමිළේ දීම් හා සහනාධාර ආර්ථික ප්‍රතිපත්තිය නිසාය. 

දැන් උන් ඒවාත් මදි කියා උද්ඝෝෂණද කරති.

කොටින්ම සංසර්ගයේදී වෙහෙසක් නොගෙන ආන්ඩුව ඇඳ හොලවනවා නම්. 

උන්ගේ සතුට එයය.

භාන්ඩ මිළ ඉහළ ගියාම ආන්ඩුවට බනින්නේ ඒ නිසාය.

කොයි ආන්ඩුව ආවත් ලෝක වෙළද පොලේ මිළ තීරණය කරන්න..

මේ හිඟන රටේ නායකයන්ට කරන්න පුලුවන් ලබ්බක් නැතයි කියා මුන් දන්නේ නැතිය.  

ලෝක වෙළඳ පොලේ සියල්ලේ මිළ ඉහළ ගිය බව මේ කුක්කු බබාලා දන්නේ නැතිය.

මේ හිඟන මානසිකත්වය මේන්ටේන් කිරීමෙන් රජය ඉවත්වෙන තාක්... 

කිසිම රජයකින් මේ රට ගොඩගැනිලි...

නිකං බොරු සෝබන පූචං කතාය...

මාතලන් මැතිවරණ ප්‍රකාෂණ...

පුක පිහින්නවත් නොගන්නේ ඒ නිසාය...

ඒ වගත් මෙසේය...

.

පින්තූරය - Lacoste සහ Crocodile යනු බ්‍රෑන්ඩ්ස් දෙකකි... දෙකේම කිඹුලා උන්නත්, ඉන්නේ දෙපැත්තකටය.. Lacoste බ්‍රෑන්ඩඩ් වනාතර Crocodile යනු ඩුප්ලිකේට් බ්‍රෑන්ඩ් එකය. එහෙත් අද දෙකම බ්‍රෑන්ඩඩ්‍ ය.

.

ස'', රිවර්ස් එකේ ගියා ඇති.. දැන්වත් ෆස්ට් එකට දාගමු..

ස'', රිවර්ස් එකේ ගියා ඇති..

දැන්වත් ෆස්ට් එකට දාගමු..

➖➖➖➖➖➖➖➖➖➖

.

මේ මාතෘකාවට අදාලව ලිවීමට මාතලන් විසින් ලංකාවේ ප්‍රසිද්ධ පුද්ගලයින් දෙදෙනෙකුගේ අදහස් එක් කර ගැනීමට කැමැත්තෙමි....

ඒ දෙදෙනා නම් දිලිත් ජයවීර හා නිර්මාල් රංජිත් දේවසිරි‍ය. 

දිලිත් ආන්ඩුවට හිතවත් ප්‍රධාන පෙලේ ව්‍යවසායකයකු වනාතර, නිර්මාල් වාමවාදී දේශපාලනයේ ගමන් කලත්, අන්මත ඉවසන, අනාගතය දකින, ඇකඩමික් පසුබිමක් සහිත ක්‍රියාකාරී දේශපාලන විශ්ලේෂකයෙක් ලෙස සැලකිය හැකිය.

දිලිත් කෙලින්ම කීවේ... පී බී ඔයා හිටියා හොදටම ඇති... බොහෝම ස්තූතියි... දැන් යන්න කියලාය...

නිර්මාල් කියන්නේ රාජපක්ෂ පවුලෙන් වියුක්ත වූ දේශපාලන ගමනක් ඉදිරියේදිත් නැති බවය. 

නිර්මාල්ගේ සම්පූර්ණ ලිපිය මේ පල් හෑල්ල අවසානයේ එල්ලන්නේය. .

මාතලන් බොහෝ කල් සිට කියන්නෙත් මෙයයි.. රටේ ලෝකේ නැති අමු කෙප්ප කෙලලා රාජපක්ෂලා ජනෙල් පොල්ලේ එල්ලු අද ඉන්නා විපක්ෂයේ සියල්ලො එකතුව කෙලපු පිස්සුව, රටේ අමනයන්ට අමතක වූවාට, මොළේ අබ මල් රේණුවක් තියෙනා එකෙකුට කිසිදා අමතක වන්නේ නැතිය.

එය 70-77 සත් වසරක සාපයටත් එහා ගිය රට සෑම අශයකින්ම විනාශ කර දැමූ කාළකන්නි යුගයකි. සිරිසේන, පාඨලී හා අනුර කුමාරගේ අභිලාෂය වී තිබුනේ රාජපක්ෂලාගෙන් පලිගැනීමය. උන් ඒ සඳහා මහ මොළකරු ලෙස යොදා ගත්තේ ශානී අබේසේකරය.

ශානිගේ පිටපත් අනුව රාජපක්ෂ හිතවාදීන් හිරේ දමා ඔවුන් ලවා රාජපක්ෂලා තමයි මේවා කරේ කියා ඔප්පු කිරීමට දත කෑවද, ඔවුන් සියල්ලෝම කීවේ බොරු කීමට නොහැකි බවයි. ඇත්ත හෝ බොරු හෝ වේවා. ඒ මහින්ද රාජපක්ෂ ගොඩනගාගත් හිතවත් කම හා විශ්වාසයයි.

නැවතත් රාජපක්ෂ කෙනෙක්ම වන ඝෝඨා බලයට එන්නේ එවන් කාළකන්නි යුගයකින් අනතුරුවය. ඔහුට ලැබෙනුයේ සෑම අතින්ම පිරිහුන රටකි. එය ඉතා ඉක්මනින්ම වෙනස් කර ගොඩගනු ඇතයි විශ්වාස කලේ 69 ලක්ෂයක් පමණක් නොවේය.

රාජපක්ෂ විරෝධීන්ගේ බලාපොරොත්තුවද එයම වූ බව පැහැදිලිව පෙනෙනුයේ, ඉච්ඡාභංගත්වයේ වදනක් වන "ස ෆේල්" යන වේදනාත්මක ප්‍රකාෂයෙන්මය.

අවුරුදු පහක් ඇතුලත සෑම අංශයක්ම ජරා ජීර්ණ වී කුණු ඕජස් ගලන හිඟන මානසිකත්වයෙන් යුතු ජීවීන් පිරි රටක්.., ආර්ථිකමය වශයෙන් හෝ සමාජීය වශයෙන් ඉදිරියට ඒයැයි කියා මාතලන් නම් කිසි දිනෙක විශ්වාස කරන්නේ නැතිය.

ලෝකයම වෙලාගත් වසංගතයක් පවතින වෙලවක රටේ අනාගත ජීවනාලියේ අධ්‍යාපන අයිතිය උකසට තබා වැඩි පඩි ඉල්ලන ගුරුවරුන් හා රෝගීන් උකසට තබා දීමනා ඉල්ලන සෞඛ්‍ය සේවකයන් ලොව කිසිඳු රටක මාතලන් නම් දැක්කේම නැතිය.

එවන් කාලකන්නින්ට ප්‍රජාතන්ත්‍රවාදය දීසියක තබා ප්‍රදානය කිරීමත්, අග්‍රපුරෝහිත ලෙස මේ රටේ කොඩිවිනය වූ රාජ්‍ය සේවයේ සිටි ගල් යුගයේ චින්තනයක් සහිත ගල් වැද්දෙක් පත්කර ගැනීමත් යන කරුණු ගැන පාපෝච්චාරණයක්..., වසර දෙකක් ගත වී හෝ මතුවීම, රාජපක්ෂලාගේ ඉදිරි පැවැත්මට ඉතා විශාල ලෙස බලපාන බව නැවතත් ලියා තැබිය යුතුමය.

ඝෝඨා කිවේ මහින්ද තරම් තමන්ට අත්දැකීම් නොමැති නිසා තමන්ගෙන් යම් යම් අඩුපාඩූ සිඳුවෙන්නට ඇති බවකි. 

තමන් සියල්ල දත් යැයි සිතමින්, තමන්ගේ තනි මතයට ඉදිරි වසර කීපයත් ධූරයේ සිටිමින්, ඒකාධිපතියකු ලෙස උද්දච්ඡ ආකාරයෙක් ක්‍රියා කරනවාට වඩා... සියල්ලන් හා සකච්ඡා කොට, වඩාත් නිවැරදි තීන්දුවලට එලඹීමට තිරණය කිරීම... අමනයන්ගේ අමානන්දයට හේතූ වී ඇතත්, මාතලන් නම් දකින්නේ එය ඉතා ඉදිරිගාමි ප්‍රජාතන්ත්‍රවාදී නිහතමානී ප්‍රකාෂයක් ලෙසය. 

ඇත්ත වශයෙන්ම ඝෝඨා මුලින්ම තමාගේ දකුණු අත කර ගතව තිබුනේ පී බී ජයසුන්දර නම් ගල් වැද්දා නොව වෙනම දේශපාලන ෆිලෝසොපියක් වූ මහින්ද රාජපක්ෂය. 

රාජපක්ෂ පවුලේ පමණක් නොව පොහොට්ටුවේද ලුම්පන් වෙළඳ ප්‍රජාවේද, බහුතර සිංහළ බෞද්ධ ජන ප්‍රජාවගේද, අනෙකුත් දිළිඳු ජන ප්‍රජාවගේද රැකවරණය ඇත්තේ ඔහුගේ විස්ඩම් එක තුලය.

කොටින්ම ඝෝඨාගේ දේශපාලන පාර්ෂවය විය යුතුව තිබුනේ පට්ට ෆේල් වියත් මග නොව මහින්ද රාජපක්ෂ හා රාජපක්ෂවාදී දේශපාලන ප්‍රජාවයි.

මන්ද, ඔය වියතුන් අති බහුතරය දේශපාලනිකව හෝ වෙනත් කුමන අශයකින්වත් මේ රටට කල ලබ්බක් නොමැති නිසාමය. එසේ යමක් කළ එකම එක වියතා, ලලිත් ඇතුලත්මුදලි පමණක්ම බව ඔහුට ගෞරවයක් ලෙස ලියා තැබිය යුතුමය.

වම් අත ලෙස පත්කර ගත යුතුව තිබුනේ, පොහොට්ටුව ගොඩනැගූ, පොහොට්ටුවේ නිර්මාතෘ, මහින්දගේ ආර්තිකය හැසිරවූ මොළ හතක් තිබේ යැයි ගෝලයන් කියනා බැසිල් රාජපක්ෂය.

පී බී නැතුවම බැරි නම් එයා දාන්න තිබුනේ බැසිල් යටතේ මිස..., බැසිල්ලා හා දේශපාලකයින් ඔහු යටතේ නොවය.

ඝෝඨා දේශපාලුවකු නොවනා බව ඇත්තය. එහෙත් දැන් ඔහු ඉන්නේ දේශපාලකයින්  විසින් ලබා දුන් නිළධාරී පත්වීමක නොවේය. රටේ බහුතර ජනතාවගේ චන්දයෙන් පත්, සියළුම ජනතාවගේ දේශපාලන නායකයා ලෙස ලද රටේ ඉහළම පුටුවේය. 

ඔහු දැන් රපෝර්තු කළ යුත්තේ මහින්ද රාජපක්ෂට නොව ජනතාවටය. සියළුම ජනතාව හා එලෙස කටයුතු කළ නොහැකි බැවින් ඔහු කටයුතු කළ යුත්තේ හමුදාවේ නිළධාරීන්වත් රාජ්‍ය නිළධාරීන් හෝ සමඟ නොවේය. පක්ෂ විපක්ෂ දේශපාලුවන් සමඟය.

තමා යම් දෙයක් කිරීමට බලාපොරොත්තුවන්නේ නම්, එය මුලින්ම කැබිනට් මණ්ඩලයේත්, ඉන් පසු පක්ෂයේ සියළුම පාර්ලිමේන්තු නියෝජිතයින් සමඟද, ඉන් පසු වඩාත් ප්‍රජාතන්ත්‍රවාදී ලෙස විපක්ෂයටද අදහස් දැක්වීමට පාර්ලිමේන්තුවටද ඉදිරිපත් කරමින් කටයුතු කළේ නම්...

වාහන හා අත්‍යාවශ්‍ය භාන්ඩ ආනයන තහනම්, කහ තහනම්, ඩඩ්ලිලාට කෙලින්නට යාම්, ආන්ඩුව බිස්නස් කරන්න යාම්,පොහොර තහනම්, ලැප්ටොප් හා ෆෝන් තහනම් වැනි නිදහස් වෙළද පොළ ආර්ථිකයට පී බී විසින් එල්ල කරනා ලද මරු පහරවල් කිසිවක්ම සිඳු නොවීමට ඉඩ තිබුනේය.

අප චන්දය දුන්නේ ඝෝඨාභය රාජපක්ෂටය. ඒ මහින්ද රාජපක්ෂ ගැන විශ්වාසය තබා ඔහුගේ වැඩ පිලිවල ඉදිරියට ගෙනයාවි යයි විශ්වාසයෙන් මිස...

පී බී ජයසුන්දර වැනි ගල් වැද්දකු හා එක්ව, 70-77 සිරිමා හා වමේ කාළකන්නින් රටට උදාකල සත් වසක සාපයට රට ගෙනයාමට නොවනා බව ආන්ඩුවේ සියල්ලෝම දැනගන්නා එක...

සියල්ලන්ගේම යහපතට මෙන්ම අනාගතයටත් ඉතා හොඳය....

නිර්මාල්ගේ ලිපියද මෙයට අමුනනා බැවින් සිඳුවිය යුත්තේ කුමක්ද යන්න.. තවත් ලිපියකින් ඉදිරියේදී ගෙන එමි.

--------------------------------------------------------------------

රාජපක්ෂ පවුල හා

ලංකාවේ දේශපාලන අනාගතය!!!

➖➖➖➖➖➖➖➖➖➖➖➖

By - මහාචාර්ය නිර්මාල් රංජිත් දේවසිරි

දැනට ලංකාවේ දේශපාලන ව්‍යුහය සකස් වී තිබෙන ආකාරය දෙස බැලූ විට ඉදිරි කාලය තුළ ලංකාවේ දේශපාලන සමතුළිතභාවය හා ස්ථාවරත්වය පවත්වාගෙන යාමට රාජපක්ෂ පවුලේ සමාජිකයින් ඉතා වැදගත් කාර්යභාරයක් ඉටු කරනු බව පෙනේ. 

තවමත් ලංකාවේ ආණ්ඩු බලය ලබාගෙන එය සැලකිය යුතු කාලයක් පවත්වාගෙන යාමට හැකියාව පෙන්වන්නේ රාජපක්ෂ පවුල විසින් නායකත්වය සපයනු ලබන දේශපාලන කදවුර පමණි. ඒ කදවුර දෙස බැලූ විටද එහි ඉහළ නායකත්ව තනතුරු දැරීමට හැකියාව ඇත්තේ රාජපක්ෂ පවුලට බව පෙනේ. 

කිසියම් හෙයකින් එහි ඉහළ තනතුරු රාජපක්ෂ පවුලෙන් පිටතට පැමිණිය හොත් ඒ සදහා විවිධ කුළල් කා ගැනීම් ඇතිවනු නොඅනුමානය. එවැනි ඉහළ තනතුරු සදහා රාජපක්ෂ පවුලේ සාමාජිකයින් පත් වූ විට සෙසු අය ඒ පත්වීම් විවේචනය නොකර පහළ තනතුරු වලින් සෑහීමට පත්වී සිටිනු ඇත. 

ඒ අනුව බල පිරමීඩය ආරක්ෂා වනු ඇත. 

වාසනාවට රාජපක්ෂ පවුල විශාල විස්තෘත පවුලක් බැවින් බල පිරමීඩයේ ඉහළ තනතුරු සදහා ප්‍රමාණවත් පිරිසක් ඒ විස්තෘත පවුල තුළින් සොයා ගැනීම දුෂ්කර නොවේ. 

ආණ්ඩු බලය ලබාගෙන දිගු කාලයක් පවත්වාගෙන යා හැකි දේශපාලන නායකත්වයක් හා දේශපාලන බල කදවුරක් නිර්මාණය වනතුරු රාජපක්ෂ පවුලේ සාමාජිකයින් දේශපාලන බල පිරමීඩයේ ඉහළ තනතුරු හෙබවීම යහපත්ය. 

මන් ද දැනට තියෙන තත්වය තුළ ඓන්ද්‍රීය දේශපාලන අර්බුදයක් නිර්මාණය වීම එතරම් යහපත් දෙයක් නොවන බැවිණි.

.

තිරු නඩේසන්ගේ කළු සල්ලි, කෝවිල්, පන්සල් හා කැසිනෝ

 

ඔහේලට මතකද ඔය පැන්ඩෝරා පේපර්ස් වගේ කීපයක්ම ලංකාවෙත් සිඳු උනා කියලා.

සිද්ධීන් ලෙස කියනවා නම්...

🔺 බඩී වෙත්තසිංහ (සමාගමේ නම මතක නැත)

🔺 ප්‍රමුඛ බැංකුව - රොහාන් පෙරේරා

🔺 ගෝල්ඩන් කී - කාවන් පෙරේරා

🔺 ෆිනෑන්ස් ඇන්ඩ් ගැරන්ටි - මර්වින් පෙරේරා

🔺 සක්විති ඉන්වෙස්ට්මන්ට් - සක්විති රණසිංහ

🔺 දඬුවම් මුදලාලී

🔺 EAP ඉන්වෙස්ට්මන්ට්ස් - එදිරිසිංහ පවුල

මේ කීපයක් පමණයි.. තා පොඩි පොඩි ඒවා රාශියක් තිබුනා..

කාළයක් මූල්‍ය සමාගමකත් වැඩ කරලා තියෙන එකෙක් වෙන නිසා මට කියන්න ඕන උනේ..

මේවයේ සල්ලි දැම්මේ ඔය පාර පුරා අඬන තමන්ගේ අර්ථ සාධකේ දාපූ, මුලු සේසතම දාපූ අහිංසක තැන්පත් කරුවන් විතරක් නෙමේය කියනෙකයි..

ඕවයේ වැඩිපුරම තිබුනේ කළු සල්ලී. උන් හැබයි අඬන්න වැලපෙන්න එන්නේ නෑ. මොකෝ රෙදි ගැලවෙනවා නේ.

අන්තීමට ඕකුන් ගාව තිබුන සල්ලි ඔක්කොටම කෙලිය කැසිනෝ කාරයා අද ලංකාවේ ලොකුම සල්ලි කාරයා..

😜😜😜😜😜

විශේෂයෙන් ගෝල්ඩන් කී පේපර්ස් වල තිබුන නම් ගම් ටික එලියට ආවා නම්, තිරු නඩේසන් මොන කබ්බෙක්ද කියලා හැමෝටම හිතෙයි. 

අපේ උන් තවත් බර ගානකගේ නම් පැන්ඩෝරා පේපර්ස් වල තිබුනට, තිරු නඩේසන් ඉස්මතු කරන්නෙත් නැතිව, නිරූපමාගේ නම ඇදලා දැම්මේ රාජපක්ෂලාට කෙලින්න.

ගෝල්ඩන් කී පේපර්ස්වල තිබුනු නම් ගම් අතරේ, දේශපාලුවන්, රජයේ උසස් නිළධාරීන්, ක්‍රීකට් ක්‍රීඩකයින්, හමුදාවේ ලොක්කන්, පොලීසියේ ලොක්කන්ගේ නම් විතරක් නෙමේ..

ඔතන තිබුනා ලංකාවේ සුප්‍රසිද්ධ බෞද්ධ ක්‍රිස්තියානි හින්දු පූජකයින්ගේ නම් ලැයිස්තුවක්. මම හිතන්නේ සන්නත් ලලිත් කොතලාවලටම ගැහුවා මිසක් මේ එක නමක්වත් එලියට දැම්මේ නෑ. 

මිත්‍යාව කියන්නෙ ලෝකේ හොඳම බිස්නස් එක. පට්ටම ආතල් එක කියන්නේ.... ඒවා ටැක්ස් ෆ්‍රී.. ජලය විදුලියටත් සහන... ඒ මදිවට අපේ උනුත් පුප උඩ දාගෙන පුලුවන් ලොකුම ගාන පූජා කරනවා ඉතරක් නෙමේ... ඒවා ලවුස්කීපරේ දාලා රටටම කියනවා..

තොරණට ආධාරයක් දීලා පීකරෙන් නම අහපු උන් , දැන් එක එක චැනල් වලින් නම කියවගන්න දාස් ගනන් ලක්ෂ ගනන් පූජා කරනවා.

තිරු නඩේසන්ට මෙච්චර සල්ලියක් කොහෙන්ද කියලා හොයන්න අද පොර අල්ලස් හා දූෂණ එකටත් කැඳවලා.

ඒත් මොන රටද, මොන ආන්ඩුවද, මොන අධිකරණයද පූජ්‍ය ස්ථානවලින් ලැබුන සල්ලි වලට කළු සල්ලි කියන්නේ  ...

ඒවා මේ හෙන ගත වදින, සහ ගහන අපරාධ... ඉතින් මොකාද කැමති වෙන්නේ ඒවට ලෙඩේ අදින්න...

මොකෝ දන්නවද?....

තිරු නඩේසන්ට කොළඹ ප්‍රධාන කෝවිල් ගානක් අයිතියිලු... 

ඉතින් කෝවිල් යන්නේ හින්දු අය විතරෙයි...

බෞද්ධයෝ ඕසෙට යන්නේ...

ගොඩක් අය නොදන්න දෙයක් තමා ලක්ෂ ගනන් පඬුරු වැටෙන කළුතර බෝධියත් එක පවුලකට අයත් දේපලක් කියලා..

අසපු ගැන නම් කියන්න ඕනම නෑ නේ..

කස්ටිය අනේපිඬු සිටානෝ වගේ ඉඳන් බණ කියන්නේ..

මටත් හිතෙනවා මේ කෙලවෙලා ඉන්න වෙලාවේ... ඇසටු ගසක් යට පොඩියට කුටියක් අටවගෙන චීවරයක් දාගෙන වැඩ වාසය කරන්න...

මොකෝ සතෙන් සතේ

සුපියලෙන් සුපියල හෙමීට එකතු කරලා තමා

මහා අසපු හැදෙන්නේ...

මිත්‍යාව විජ්ජාව වෙලා...

විජ්ජාව මිත්‍යාව වෙන්නේ....

මෙතන තියෙන එකම වෙනස නඩේසන් මෙහේ උන්ට මාට්ටු නොවී ඒවා ඕෆ්ෂෝ බිස්නස්වල ඉන්වෙස්ට් කළ එක විතරයි...

ඒ වගත් මෙසේය...

.

ඖෂධ මාෆියාවේ දත්ත මැකීමෙන් රටට පෙන්වන නීතිඥ සංගමයේ නිරුවත.

 

(මාතලන්ගේ හිතවත්, මේ රටේ යුක්තිය සාධාරණය ඉල්ලනා අවංක අබ්බගාත් "මහත්වරුන්" මේ වෙනුවෙන් මා හා උරණ විය යුතු නැත)

මේ රට පක්ෂ විපක්ෂ බේදයකින් තොරව හොරුන්ගේ මිනීමරුවන්ගේ හා මාෆියාකාරයන්ගේ පාරාදීසයක් වීමට වග කිව යුත්තේ දේශපාලුවන් පමණක්ම නොවේය.

ඒ හා සමානවම හෝ ඊටත් වැඩියෙන් අපේ රටේ නීතිය හා අධිකරණයද, ජඩමාධ්‍යද, ‍රාජ්‍ය නිළධාරී මාෆියාවද හරි හරියට වගකිව යුතු බව ලියන්නේ, මාතලන්, වික්ටර් අයිවන් හා අජිත් පැරකුම් ජයසිංහ  පමණක් වීම ඉතා කනගාටුදායකය.

පාතාලයේ මහ උන් මෙන්ම මිනීමරුවෝද, ත්‍රස්තවාදීන්ද, එලියේ ඉන්නේ හොරෙන් නොව, අම්මට සිරි ලංකාවේ නීතියේ හා අධිකරණයේ ආශීර්වාදය අනුව ඇප මත නිදහස්ව නීත්‍යානුකූලවය.

පාස්කු ප්‍රහාරය වෙනුවෙන් ඇතුලේ ඉන්නා අබ්බගාත් ටෙරා එලියට දාන්න යැයි කියනා නීතීඥ්ඥ සංගමයද හෑම එකෙක්මද මට අනුව නම් ටෙරාලාමය.

ලෝකයේ දියුණු යැයි සම්මත රටවල මෙවන් අපරාධයකරුවන් සඳහා නීතීඥ්ඥයින් ඉදිරිපත්වන්නේ නැති අතර, බොහෝ විට ඉදිරිපත් වන්නේ කොරිඩෝ ලෝයර්ලා හෝ රජයේ නීතීඥ්ඥයෙක්‍ය.

එහෙත් අප වැනි මාෆියාවලින් රන් වෙන රටවල අති විශාල අයකිරීම් යටතේ කුප්‍රකට අබ්බගාත්ලා ඉදිරිපත්වීම දැන් සාමාන්‍ය තත්වයක් වී තිබීම ඉතාම කනගාටුදායකය.

වඩාත්ම ලොල් සහගත කාරනය නම්..., මෙහේ සිඳුවන හැම මළහත්තිලව්වකටම...., "දියුණු රටවල් වල නම් එහෙම නෑ අනේ...පනේ... තනේ... වැනේ..." කියනා ලිබරල් හිකනල්ලුන්ද නීතියේ ඇති ශික්ෂා පද උලුප්පා පෙන්වමින් මේවා සාධාරණීකරණය කරනා එකය.

දත්ත මැකූ මාෆියා කාරයන් වෙනුවෙන් කලින් සඳහන් කල කුප්‍රකට අබ්බගාත් කෙනෙක් ඉදිරිපත් වූවා නම්, අනේ සංසාරේ කියා අපටද හිත සනසාගත හැකි වුවත්, නීතීඥ්ඥ සංගමයේ මහ එකාම මාෆියා චෝදනා එකෙක් වෙනුවෙන් පෙනී සිටීම රටේ නීතියේ ඇති විකාර තත්වය මොනවට කියා පාන්නේය.

නීතීඥ්ඥ සංගමයේ මහ එකාත්, ඊයේ අල්ලස් හා දූෂණ කොමිසමට පැමිනිලි දාන්න ගිය උන්ගේත් කොන්ෆිල්ක්ට් ඔෆ් පොලිටිකල් ඉන්ටරෙස්ට් කොහොමද කියලා ඕන එකෙක් දන්නවාය.

ලැජ්ජාවට කරුණ නම් මාෆියා කාරයන් වෙනුවෙන් ඉදිරිපත් වීම හෝ එය වැරදීමකින් සිඳු වූවක් යැයි කීම නොවේය. මේ 21 වන සියවසේ "රජය සතු දත්ත" මකා දැමීම රාජ්‍ය දේපලවලට හානී කිරීමක් නොවනා බවට ගෙන එන තර්කයය.

එක්කෝ මුන් අඩු ගානේ සයිබර් ක්‍රයිම් ගැන අහලාවත් නැති උන් වෙන්න ඕනෑය.

මෙතෙක් රජයේ පාර්ෂවයටද දත්ත මකා දැමීම ගැන චෝදනා එල්ල වූවත්. දැන් වැඩේ කරේ මොකාද කියනා එක ඉතා පැහැදිලිය. 

එහෙත් රජය වෙනුවෙන් කරුණු දැක්වූ නියෝජ්‍ය සොලිසිටර් ජෙනරාල් දිලීප පීරීස් කියා සිටියේ....

ඖෂධ වල නියම ප්‍රමිතිය පිළිබඳ කරුණු අඩංගු ලේඛන 1,100,000 (දත්ත එකොළොස් ලක්ෂයක් )  කට අධික ප්‍රමාණයකට ගේම දීම අත්වැරදීමකින් සිඳු නොවූවක් බවත්, එය ඉතා සැලසුම් සහගතව කරනා ලද උසාවියේ නඩු ෆයිල් වලට ගිනි තැබීමක් හා සමාන වන බවය.

සාමාන්‍යයෙන් මෙවන් මාෆියා කාරයන් හා නඩුහබ කීමේදී..., බොහෝවිට රාජ්‍යා අංශය පරාජයට පත්වීම සිරිතක් ලෙස පැවතියද, 

එය උඩු යටිකුරු කරමින් අධිකරණයට හා නීතීපති දෙපාර්තමේන්තුවට ගෞරවයක් අත්කර දුන් දප්පුල ද ලිවේරා මෙන් කටයුතු කිරීමට දිලීප පීරිස්ටත් ධෛර්යය ශක්තිය ලැබේවා යන්න මේ රටේ යුක්තිය හා සාධාරණය පතනා හැම එකාගේම බලාපොරොත්තුව විය යුත්තේය.

කරපු එකා මොකාද කියා ජනතාවට හෙලිකිරීම, උත්තරීතර යැයි කියනා අධිකරණයේ වගකීමය ..

ඒ වගත් මෙසේය....

.

පැන්ඩෝරා කැලෑ පත්තරේ

පැන්ඩෝරා පේපර්ස් වල නිරූපමාගේ නම තිබුනා කියලා, දැන් ආයේ වටයකින් රාජපක්ෂලා හොරු කියන බයිලේ ගහන්න පටන් අරගෙන. හැබයි රාජපක්ෂලාගේ නමක් මේකේ නෑ.

මීට කලින් කරපු එකම චෝදනාවක්වත් ඔප්පු කර ගන්න බැරි වෙච්චි උන් දැන් මේක උස්සගෙන නටනවා.

මාධ්‍යවේදියෝ කියන්නෙත් මාෆියාවක්. ඒක නොරටද මෙරටද කියලා නෑ. උන් කරන්නේ මේ වගේ සීන් ඇඳලා මිනිස්සු බ්ලැක් මේල් කරන එක.

මුන් ප්‍රශ්ණ සෙට් එකක් එවන්නේ උන් එක්ක සෙට් වෙයි කියලා හිතලා.  අනේ මේවා දාන්න එපා.. එන්න අපි ඩීල් එකකට එමු.. මොනවද වෙන්න ඕන කියලා.. අන්තීමට ස්ත්‍රීමාංශත් අරගෙන තමා වැඩේ ඉවර කරන්නෙ. අපි නොදන්න ගවේශණශීලී මාධ්‍යවේදය. 😜😜😜😜😜

ඒ අතින් මුන්ට උත්තර නොබැඳපු හැම එකාම ග්‍රේට් මිනිස්සු.

මෙතන මුන් මේ හෙලිකරලා තියෙන හැමෝගෙන්ම අහපු ප්‍රධානම ප්‍රශ්ණය තමයි, ඇයි Offshore Investment ගියේ ලීගල් බිස්නස්වල ඉන්වෙස්ට් කරන්නේ නැතුව කියලා. මොකද මතයක් තියෙනවා මේවයේ ආයෝජනය කරන්නේ කළු සල්ලිය කියලා.

කළු සල්ලි ගැන තියෙන්නෙත් පුහු මතයක්. හැම එකාම හිතන්නේ කළු සල්ලි කියන්නේ, කුඩු විකුණලා, පාතාල ගේම් දීලා, මාෆියා ගේම් දීලා හොයන සල්ලි කියලා.

එහෙම එකක් නෑ. ඔය ඔඩිට් ෆර්ම්වල වැඩ කරන උන්, ව්‍යාපාරිකයින්ගේ ටැක්ස් වැඩ කරන උන් දන්නවා, රෙපියුටඩ් කම්පැනි, බෑන්ක්ස්, බින්නස් කාරයෝ ගෙඩිය පිටින් ප්‍රොෆිට් පෙන්නන්නේ නෑ.. ඇනිමල් රිපෝට් වල, ඉන්කම් ටැස් රිපෝට් වල දාන්නේ බොරු ෆිගර්ස් කියලා.

මමත් කාළයක් කොම්පැනිවල වැඩ කරපු බදු ගෙවපු එකෙක් විදියට, මාත් කැමති නෑ ආන්ඩුවට ටැක්ස් ටැක්ස් ගෙවන්න. 

ඒක නිකන් ආන්ඩුව අපෙන් කප්පම් ගන්නවා වගේ වැඩක්. ඉතින් හැම එකාම බලන්නේ ටැක්ස් කන්ෂෙසන්ස් ගන්න. ඒ කියන්නේ බදු විරාම.

ව්‍යාපාරිකයෝ බදු ගෙවන්නේ නෑ හොරා කාලාය, ඇයි බදු නොගෙවා වෙන තැන්වල දැම්මේ, ඒක හොරකමක් නෙමේද කියලා අහන හැම එකාම....

 කිසිදාක බිස්නස් නොකරපු, කොම්පැනිවල වැඩ කරත්, පඩියට විතරක් වැඩ කරන, ගොඩාක් වෙලාවට සේල්ස් ෆීල්ඩ් එකේ, මාකටින්ග් ෆීල්ඩ් එකේ නොවන, පඩිය එන්නේ කොහොමද් කියලා නොදන්න, ආන්ඩුවේ පින් පඩි ගන්න, හිඟන මානසිකත්වයක් තියෙන උන්.

මතක තියාගන්න... 

ඔය ඉන්කම් ටැක්ස් එකේ සෙට් එකක්, ටැක්ස් කන්ෂෙෂන් වල පිහිටෙන්, ලංකාවේ ඒ වෙනකොට තිබුන විශාලම මුදල් මංකොල්ලය කරලා ඔස්ට්‍රේලියාවට දිරාමාර් උනු බවත්.

මේ දිහා හොඳින් බැලුවාම පේන දෙයක් තමයි ඇමරිකන් කාරයෝ බෙරලා, ඇමරිකන් විරෝධී නායකයින්ටයි, නැගී එන ව්‍යාපාරිකයින්ටයි ගහන්න කරපු සෙට් ගේමක් කියලා. 

මොකෝ ලෝකයේ වැඩිම ඕෆ්ෂෝ බිස්නස් තියෙන්නෙත්, බිස්නස්කාරයෝ ඉන්නේත් ඇමරිකාවේ.  

ස්විස්ටර්ලන්තය, ඇමරිකාව, හොං කොං, සිංගප්පූරුව මේ බ්ලැක් මනී ඕෆ්ෂෝර් බිස්නස් වලට කප් ගගපු රටවල්. මේ අය ගැන මේකේ නෝ කතා.

ඒ ඇරෙන්න, පැනමා, ඩුබායි, වියට්නාම්, සී ෂෙල්ස් දැන් මේවට ඉඩදීලා. අපෙත් මෑතක මේකට ඉඩ දුන්නයින් පස්සෙ තමයි ආයෝජකයොත් වැල නොකැඩි එන්න පටන් අරගෙන තියෙන්නේ. 

ඕන එකෙක් කැමති නේ එකක් ගත්තාම තව එකක් නොමිලේ ගන්න.

ඒත් මේ මීඩියා කාරයෝ ඔය ස්විස්, ඇමරිකා, හොංකොං, සිංගා ඕෆ්ෂෝ කාරයෝ එකෙක් ගැන අබ මල් රේණුවක දෙයක් ලියලා නෑ නේද? 

ඒ මොකෝ දන්නවද? මේ මීඩියා කාරයෝ එයාලගෙ හුරතල්ලු, අපේ ගංජාකාරයෝ වගේම තමයි, ලන්ඩන් සේනාධීර වගේම තමයි. උන්ගේ ගවේශණශීලී මාධ්‍යවේදයට ලොකුම ඒවා පේන්නේ නෑ. 

මේ නම් අතරේ එක මීඩියා ජයන්ට් කෙනෙක්ගේ නමක් නෑ නේද? ඒ අර හේතුව නිසා.

හොදින් මතක තියාගන්න ඔය ළොකු රටවල් නෙමේ, මහා ලොකු සංවිධාන වල ඉන්න උනුත් කරන්නේ බ්ලැක් මනී බිස්නස් තමා. ඒ එයාලගෙ මූණේ දැලි ගෑවෙන නිසා.

 එක්සත් ජාතීන්ගේ සංවිධානයේ ලොක්කා වෙච්චි කොෆී අනන්, පුතාගේ නමින් සංවිධානයේ සල්ලි වලින්, බිස්නස් කරලා මාට්ටු උනාට, අදත් යහතින් ඉන්නේ, ඔය ඔක්කෝම ෂෝ ඕෆ් වගේම ඕෆ්ෂෝ කාරයෝ නිසා..

දැන් මුන් නිරූපමාගෙන් අහන්නේ.... ඇයි ඔයාගේ නමින් මේ සල්ලි දාලා තියෙන්නේ කියලා. 

යකෝ ගෑණිගේ නමින් ඩිපොසිට් දාන්න ඉන්වෙස්ට් කරන්න තහනම් කියලා කොහේද තියෙන්නේ. ඔය ත්‍රී වීල් වලත්, අයිති එකාට වඩා තියෙන්නේ,  දුව පුතාගේ නම්, අම්මා තාත්තා නම්.

 මම එකම එකක් දැක්කා, "රට ඉඳන් මැරිලා මැරිලා නෝනා එවපු සල්ලි" කියලා. ඌට පිස්සුද කොහෙද? එහෙම ගහන්න ඌ මේ මාධ්‍ය සංගමෙන් අවසර ගත්තද දන්නේ නෑ.

මේකට මෙහේ ඉන්න රාජපක්ෂ විරෝධී සෙට්ටෙකත් හොඳ සප් එකක් දීලා තියෙනවා.

එහෙම නැත්නම් ලංකාවේ එකෙක්ටවත් මතක නැති, කැපී පෙනෙන පොලිටිකල් කැරක්ටර් එකක් නොවුන නිරූපමාගේ මේන් මේ  ප්‍රකාෂය උඩ මේ ප්‍රශ්ණය එන්නේ නෑ. 

// In a 2014 interview, you said “As women, we have better qualities than men and are more honest and are less vulnerable to bribes and corruption.” Can you elaborate on that please? //

මේ ගැන ඉස්සෙලම ලියන්නේ ලසන්තගෙ පිහිටෙන් ලන්ඩන් පැනපු බන්ඩා කෙනෙක්. එයාගේ වෙබ් එකේ. එයා නොම්මර එකේ රාජපක්ෂ විරෝධියෙක්. එයාට එහෙම නොවී බෑ. එයා නඩත්තු වෙන්නේ රාජපක්ෂ විරෝධී සල්ලිවලින්. ලන්ඩන් ඉන්න උන්, ඒකට සාක්කි.

අනික මේ චෝදනා කරන්නේ 2010 ට පෙර කේස් වගේක. ඒ කාළේ තිරු නඩේසන් සිරිස මාධ්‍ය ජාලයත් අයිති මහාරාජා සංවිධානයේ සමූහ අධ්‍යක්ෂවරයෙක්. ගෲප් ඩිරෙක්ටර්. ඒ හැර නඩේසන්ගේ සමාගම් ලෝකය පුරාම තියෙනවා. මුන් ඒවත් දන්නවා. 

මේ උන් දන්න සමහරක්

Rosetti Ltd, 

Sri Nithi Trust, 

Pacific Trust, 

Pacific commodities, 

Pallene, 

Chalan Oil,

Red Ruth Investments.

මීට අමතරව තව සමාගම් රාශියක ඔහු අධ්‍යක්ෂවරයෙක්, උපදේශකවරයෙක්.

ඉතින් එහෙම මනුස්සයෙක් ගාව තියෙන..

ඩොලර් මිලියන 51 ක ආර්ට් කලෙක්ෂන් එකකුයි. ඩොලර් මිලියන 4 කට ගත්ත පේන්ටින්ග්ස් වගේකුයි, ඩොලර් මිලියන 4 කට ලන්ඩන් වලින් ගත්ත ගෙයක් ගැනයි අහනවා.

යකෝ ඇමරිකාවේ සුපිරි ධනවතුන් ඉන්න මැන්ෂන් එකක් ඩොලර් මිලියන 100 ක් විතර වෙනවා.

මේවා ලියපු සුද්දොත් මෙහෙම කැළණි හිඟන්නෝ නම්,

ලෝක ආර්ථිකය, මහා පරිමාණ ගණුදෙනු, ලෝකේ ළොකුම සල්ලි කාරයෝ, බිස්නස්කාරයෝ තියා අපේ ආර්ථිකය, ගණුදෙනු තියා, නඩේසන්වත් නොදන්න හැඳළ හිගන්නෝ එක්ක මොන කතාද?

එකෙක් කියලා තිබුනා... මේ නඩේසන් අර මැරිච්ච ප්‍රභාගේ පොලීසියේ නඩේසන් කියලා...

මුන් එක්ක මේවා කතා කරන අපි, අපිටම ගහගන්න ඕන මෙයා...

ඒ වගත් මෙසේය......

ට්‍රින්කෝ තෙල් ටැංකි හා දෙවනි ගමන

 

සබීතා පෙරේරා ජනප්‍රිය කාළේ, අපේ මෝල් කලන්තේ පටන් ගත්ත කාළේ, සෝ එකක් එනවා "දෙවනි ගමන" කියලා.

ඇත්තටම මේකේ තේමාව ඇවිල්ලා සුදු රෙද්දේ කතාව හෙවත් පෙට්ටිය කැඩිච්ච කෑල්ලක් උස්සගෙන එන කේස් එකක්.

ඒත් ඉතින් අදටත් ඕක හොයන කැළල් නොවූ පතිවෘත්තාව රකින රැඩිකල් බෝයිස්ලා ඕන තරම්. මක්කා නැතත් ඒක ආරක්ෂා වෙලා තියෙන්න ඕනා.

ඔය සෝ එකේ මට බොක්කටම වැදුන චරිතේ තමයි දෙනවක හාමිනේගේ කැරක්ටර් එක. උන්දැත් ඉන්න සෝ එකේ පොටෝ එකක් එල්ලුවේ ඒකයි. එයාව එපා වෙන්නම පාට්ටෙක නියමෙටම දුන්නා.

එයැයි මතක් උනේ... මොකෝ, ඒ වගේ මැරෙණකම් කසාදයක්කත් නොබැඳ, පෙට්ටිය ආරක්ෂා කර ගත්ත හාමු කෙනෙක් ඉස්සර කැළණියෙත් උන්නා.

නම කියන්න හොඳ නෑ නේ. ටිකක් ප්‍රසිද්ධ පවුලක්...

ඒ කාළේ නම් එයා පට්ට කෑල්ල, පට්ට ලස්සනයි. හැබයි මාන්නේ.. එයාගේ උගත් කමට.. ලස්සනට... වංශයට.. කුලයට... පවුල් පසුබිමට ගැලපෙන කෙනෙක් නැතෙයිය කියලා එන මංඟල යෝජනා ඔක්කෝම පයිසෙකට මායිම් කළේ නෑ. මොකෝ මෙයත් පේරා උපාධිය ගත්ත කෙනෙක්. ආන්ඩුවේ ලොකු ජොබ්බෙකක් කලේ....

ඒත් පස්සේ කාළෙක මහ ජෝඩුව මැරිලා, පවුලේ අනික් උන් ඔක්කොම පවුල් පන්සල් වෙලා වලව්වෙන් පිට උනාට පස්සේ, පැන්සන් ගියපු හාමුයි, එයැයිගේ ලාන්සර් බොක්ස් එකයි, වලව්වේ නාකි මුරකාරයයි, මෙහෙකාරියයි දිර දිරා ගියා.

නාකී උනත් කෑල්ල ලස්සන නිසා අහල පහල උන්න ඒස කොල්ලෝ වලව්වේ වැට පැන්නා කියලා කඩේ පිලේ කතා ගියාට .... එකෙක්කත් ඒවා දැකලා තිබුනෙත් නෑ. විස්සාස කරෙත් නෑ.

මෑතක ආරංචි උනා එයත් දිවිය ලෝකේ ගියාය කියලා. 

එහේ ගියත් වැඩක් තියෙයිය. තත්තෙට වංශෙට ගැලපෙන දෙයියෙක්ම සෙට් වෙන්න එපාය..

හැබයි ආරංචි එන විදියට නම් දිවිය ලෝකේ උපදිනවා ඇතෙතේ පෙට්ටිය නැතුවම වෙන්න ඇති. මොකෝ එහේ ඔක්කෝම අවුට් ඔප් ද බොක්ස් හිතන, ප්ලේපුල්, ලයිප් එකක් එන්ජෝයි කරනවා කියලානේ කියන්නේ.

අනේ ඉතින් අපේ හාමුගේ කොංගෝ වනයෙන් වසාගෙන තිබුන අති උතුම් කන්‍යාභාවය වගේ ට්‍රින්කෝවලත් තියෙනවා කැලෑවෙන් වැහිච්ච තෙල් ටැංකි 99 ක්.

මේක ඔහේ දිර දිරා ගියත්..., එකෙක්ට අත තියන්න නොදී ආරක්ෂා කරන ගොබ්බයෝ පිරිසක් හැමදාම ලංකාවේ උන්නා. උනුත් අර හාමුගේ මානසිකත්වයේ ඉන්න උන්.

බව්බෝ පිඳුරු කන්නෙත් නෑ කන චක්කෙකුට කන්න දෙන්නෙත් නෑ කියන්නේ මේවට. මේ වගේ ගොබ්බයෝ ඉන්න රටක් මේ තරමින් හරි  තියෙන එක ළොකු දෙයක්.

ඔය දෙවනි ගමන සෝ එකේ හරි අපූරු දෙබසක් තියෙනවා.. සනත් හා තව එකෙක් අතරේ ඉස්ටාප් රූම් එකේ. ඒකේ සනත් රඟපාන්නේ කාළකන්නියෙක් විදියට. ඒ කියන්නේ ගුරුවරයෙක් විදියට.

ඉට්ටප් එකේ කාළකන්නියා - 'ප්‍රශ්නයක්ලු නේද?'

(දැන් ඉට්ටාප් එකේ අනික් උනුත් කින්ඩියට හිනාවෙනවා බලනවා)

සනත් හයියෙන් කේන්තියෙන් මෙහෙම කියනවා - 

'ඔව්. මම කසාද බැඳපු සුජාතගෙ කන්‍යභාවය නැති වෙලාලු. එයාටත් හොයාගන්න බැහැලු ඒක නැති වුණේ කොහොමද කියලා. පුළුවන් නම් ඕගොල්ලො කට්ටිය හොයල දෙනවද ඒක නැති වුණේ කොහොමද කියලා'

ඉතින් තෙල් ටැංකි ටික දුන්නා කියලා පුප පොලොවේ ගහන් හොටු පෙරාගෙන පල් හෑලි ලියන බයියන්ට හා බයියාවියන්ටත්..

මට කියන්න තියෙන්නේ ඔච්චරයි..

ඉස්ධූතී...නන්ඩ්‍රෙයි... ටෑන්ක්ස්.. හොඳේ !!!!

.

රාජ්‍ය සේවය බොන්සායි කළ යුතුය

රට විශාල ආර්ථික අර්බුදයකට යෑමට ප්‍රධානම හේතුව අකාර්‍යක්ෂම රාජ්‍ය සේවය බව රාජ්‍ය සේවකයාත් දන්නවාය.

එයින් ගොඩ ඒමට , ලෝක බැංකුව, ජාත්‍යන්තර මූල්‍ය අරමුදල පමණක් නොව පෞද්ගලික ණය ලබා දෙන ආයතන පවා ලංකාවට ආධාර දීම ප්‍රතික්ෂේප කිරීමට ප්‍රධානතම හේතුව වී ඇත්තේ...

කිසිම රජයක් රාජ්‍ය සේවය කප්පාදු කිරිමට බිය නිසාය...

ජාතික ආදායමෙන් 86% පමණ අති විශාල ප්‍රතිශතයක් රාජ්‍ය සේවකයින්ගේ වැටුප් ලබා දීමට වැය කරන්නේ නම්, 

එවන් රටක් මොන තරම් ආදායමක් ඉපදුවත්, අනාගතයේ හෝ දියුණු රටක් බවට පත් වේයැයි සිතීමත් විහිළුවක්ම පමණමය....

ලක්ෂ හතක් පමණ වූ රාජ්‍ය සේවය ලක්ෂ 14 කළ මහින්ද රාජපක්ෂ බලාපොරොත්තු උනේ..., ඒ සියල්ලෝම එක්ව, මහින්ද සදා මහ රජානෝ කරාවි යැයි කියලයා...

ඔවුන්ට රැකියා පමණක් නොව, නිවාස ණය, වාහන ලීසිං පහසුකම් මෙන්ම, ඉතා අඩු මිලට මෝටර් සයිකල්ද ලබා දුන්නේය...

එහෙත්, අවසානයේ සිඳු වූයේ කුමක්ද?

මැදමුලන ජනෙල් පොල්ලේ එල්ලෙන්න නේද?

කෝමද.. එදා ෂැපද..?

එසේ රාජපක්ෂ පවුලටම  කෙලිය රාජ්‍ය සේවකයින්ට රනිල් වික්‍රමසිංහ ප්‍රමුඛ යහපාලනිස්ට්ලා කෘතුගුණ සැලකුවේ...

ආපු ගමන්ම රුපියල් 10,000/= ක සැලරි ඉන්ක්‍රිමන්ට් එකක් බේස්ක් එකටම ඇඩ් කරලාය...

එහෙත්, අවසානයේ සිඳුවූයේ කුමක්ද?

ඒ බෙසික් පුතාලා රනිල්ව ඇපත් නැතිව ගෙදර යවපු එක නේද?

කෝමද ඇරිය පාර.. සනීපයි නේද?

මෙයත් අර සුළු පක්ෂ නැතිනම් මහ පක්ෂවලට පැවැත්මක් නැතියි සිතනා, මහා අමනෝඥ මිත්‍යාව වාගේම තවත් එකක් ය....

ජන්ද 10 ක් වත් නැති, මෙලෝ රහක් නැති, මෙලෝ වැඩක් බැරි සුළු පක්ෂ නායකයින් හා සුළු ජාතික පක්ෂ නායකයින් තම පාක්ෂිකයාගේ චන්දයෙන් ගොඩ දමා,

පක්ෂය වෙනුවෙන් දිවි පරදුවට දුන් උන් පැත්තක තබා.. අර කාළකන්නින්ට හොඳම ඇමතිකම් දී, උන් උන්ගේ හෙන්චයියන්ගෙන්  අමාත්‍යාංශ පුරවද්දී,  

පක්ෂය වෙනුවෙන් දහඩිය කඳුළු වගුරුවමින්, ගුටිකමින්, නින්දා අපහාස විදිමින්, දිවා රෑ නොබලා වැඩ කර උන්ට වෙන්නේ..., තම පක්ෂයේ නායකයින්ගේ අම්මලාට පින් දෙමින් හූල්ල හූල්ලා ඉන්නටය. 

ඉතිරි රැකියා ටික පුරවන්නේ..., 

මෙළෝම රහක් නැති, රැකියා විරහිත කලා උපාධිධාරීන්ගෙනි. අන්තිමේ කොතෙක් පිරෙව්වාද යත්, මුන්ට පුටු මෙස නැති නිසා රට ගොඩ නගන්නට සිඳු උනේ අමාත්‍යාංශයේ ගස් යටට වී සිටය.

ඒත් මුන් රට ගොඩනගනවාද? 

එහෙම ගොඩ නැගුවානම් මෙහෙම කෙලවිලා යයිද? 

හොඳම උදාහරණය කෘෂිකර්ම දෙපාර්තමේන්තුවය...

උන් ඒ ලද රැකියාවෙන් සෑහිමකට පත් වන්නේ නැතිය, ඊළඟට වැඩිපඩි ඉල්ලා වැඩ වර්ජන කරමින් මහපාරට බසිති.

මේ කොරෝනා වසංගත සමයේත් වැඩි පඩි හා දීමනා වැඩ වර්ජන කළ කාළකන්නි ගුරුවරුන් හා සෞඛ්‍ය සේවකයන් ලෝකයේ වෙන කිසිම රටක උන්නා කියා මාතලන් නම් දන්නේ නැතිය.

මුන් කරන්නේ රට ගොඩගැනීම නොව, රට බංකොලොත් කොට කාබාසීනියා කර දැමීමටය.

මුන් එතනින් නවතින්නේද නැතිය. ‍රටේ ආර්ථිකය නැංවීමට ගන්නා සියලු තීන්දු තීරණ වලට කෙළවලාම දානා අතරේ මහා පරිමාණ බිස්නසුත් උන්ටම ඕනෑ කියා රට ගිනි තියනවාය.

එසේ මුලු රටම ගිනි තියා ගන්නා ලද නැගෙනහිර ජැටිය දැන් නැව් නැතිව වෙලේනවාය.. හූනියන් කාරයෝ හා හැමිනෙන්න්ට ආන්ඩුවට පශ්චාත් භාගයේ කැසිල්ලක් තිබුනාට, කාගෝ බිස්නස් කාරයන්ට එහෙම අමාරුවක් ඇත්තේ නැතිය..

ආන්ඩුවේ බිස්නස් සියල්ල බංකොලොත්භාවය ලබා අවසානය. අමාත්‍යවරු පට්ට ෆේල්‍ ය.

ඔය දේශපාලන පත්වීම් ගත් එකෙක්කත් කෙලෙහිගුණ ඇති උන් නොවේ. මුන් එසේ පිරිසක් නම් මංගලගේ මරණයට සෙණඟ පිරෙන්නේ ජෝතිපාලගේ රැකෝඩ් එකටද කෙලලාය..

මංගල මාතර උන්ට, ටෙලිකොම් එකේ, වරායේ හා බැංකුවල ජොබ් දුන්න හැටි දන්නේ දකුණේ උන්මය. අන්තීමේදී සූත්තර පුංචාටත් පරඳින බව දැන්ගත් උන්නැහේ දේසපාලනෙන්ද සමුගත්තේ මේ ඒස කොල්ලන් ගැන හොදින්ම දැනගත් නිසාමය.

මහ පක්ෂවල දේශපාලකයින් සිතට ගත යුතු දේ නම්, (සජිත් හා රාජපක්ෂලා) කෙලවුනදාට මුන් එකෙක්වත් තමන්ට නැති බවය.

ඔය පර්මනන්ට් ජොබ් ගත්ත උන් එදාට එන්නේ නැතිය. මොකෝ උන් සදාකාලික ගොඩ නිසාය. පැරදුන දාට මුන් රකින්නේත්, නැවත පාලනයට ගේන්නේත්, ව්‍යාපාරික ප්‍රජාව හා අර හැමදාම කඩේ ගිය පාක්ෂකයින් පිරිස පමණි.

ඒ නිසා මේ මිත්‍යාවලින් මිදිය යුතු කාළය දැන් පැමිණ ඇත.

රාජ්‍ය සේවයේ හැකි සෑම ආයතනයක්ම පෞද්ගලීකරණය කළ යුතුය. අර යුනියන් කාරයන්ට නැගෙනහිර ජැටිය දුන්නා සේ අධ්‍යාපනට ජෝසප්පුවාට දිය යුතුය. සෞඛ්‍ය මේල් නර්ස්ට දිය යුතුය.

වෙහිකල් පර්මිට්, දිරි දීමනා, දීමනා, බටා හුටා, ඕ ටී පමණක් නොව ටී හා ප්ලේන්ටියත් නවතා දැමිය යුතුය.

දේශපාලකයින් රැක ගත යුත්තේ රාජ්‍ය සේවය නොව ව්‍යාපාරික ප්‍රජාවයි. එවිට තමන්ගේ හෙංචයියන් ආන්ඩුවේ රැකියාවලට ඔබන්නට ඕනා වෙන්නේ නැතිය. උන්ගේ වගකීම ව්‍යාපාරකයින් බාර ගනු ඇත.

අපරාදේ කියන්නේ මේ මෙතඩ් එක ක්‍රියාත්මක කළ රණසිංහ ප්‍රේමදාසට රටේ අවාසනාවකට කලින් නිවන් යන්නට උනේය.

ඔහු මාතලන් කියූ මේ සියලු කාරනා මේ මහපොලොවේ ක්‍රියාත්මක කරමින්, උතුරේ හා දකුණේ ත්‍රස්තවාදී කන්ඩායම් දෙකක්ම ක්‍රියාත්මක වෙද්දී රටේ සීඝ්‍ර ආර්ථික ව්ප්ලවයක්ද ඇති කළේය.

යන එකෙක්ට ඕන වෙලාවක යන්න පුලුවන් කියා මහින්ද රාජපක්ෂම ප්‍රකාෂ කිරීම සුභවාදි ලකුණක්මය.

සඟිස්කෘතික මිත්‍යා පසු පස්සේ යෑමෙන් නොනැවති, මෙවන් මිත්‍යාවන්ද වන්දනා කරනා කිසිඳු දේශපාලන නායකයකු සමඟ රට ඉදිරියට යාවි යැයි කියා සිතීම සිහිණයාක් පමණමය...

රාජ්‍ය සේවයද, පලාත් සභා මෙන්ම සුදු අලියෙක්ම පමණමය.. එය මේ නිරෝධායන  ඇඳිරි නීතිය සමයේ ඔප්පු කර පෙන්වා අවසානය...

ඒ වගත් මෙසේය....