ධර්‍මද්වීපය දූෂිත රාජ්‍යයක් ලෙස නම් කිරීම හෙලා දකිමූ - Fuck U America

ලොව උතුම්ම ආගමික නිකාය වන, "නිර්මල ශ්‍රී ලාංකීය තේරවාදී බුදු දහමින්" තෙත්වූත්, උතුම් වූ දළදා හාන්දුරුවන්ගේ පිහිටෙන් හා රැකවරනයෙන් බැබලෙන්නා වූත් , අවුරුදු 2500 ක අති ප්‍රෞඩ කිසිවකිට දෙවන නොවන ශ්‍රේෂ්ඨ ඉතිහාසයක් උරුම වූත්, අම්මට සිරි ලංකාව මේ ඊයේ පෙරේදා බිහිවූ ඇමරිකාව වැනි, තුප්පහි කැරපොතු හිගන සුද්දන් වෙසෙනා දෙකයි පනහේ රටක් විසින්, ලොව දූෂිත රාජ්‍යයන් හතරෙන් එකක් ලෙස නම් කිරීම අප විසින් හෙලා දැකිය යුතු අතර,

එයින් නොනැවති ඔවුන් හා පස මිතුරු සියළු බලවේගයන් හා එක්ව, ඒ කියන්නේ උතුරු කොරියාව වැනි නිර්භීත රාජ්‍යයක් හා එක්ව සම්බාධක පැනවිය යුතු කාළය එළඹ ඇත. එයින් නොනැවති ඔවුන්ට යුධ ප්‍රකාෂ කොට, එකසත් ජාතින්ගේ තීන්දු තීරණ වලට කන් නොදී යුධ පෙකාෂ කොට විනාශ කර දැමීමද වහාම කළ යුතුය.

මේවා මේ කාළයක් තිස්සේ සිඳු වූ ජාත්තියන්තර කුමන්ත්‍රණ වල උග්‍රම ඵලය ලැබූ අවස්ථාවයි. බලන්න ඔවුන් කෙතරම් සැලසුම් සහගතද කියා. මෙතෙක් මේ රටට එන බටහිර කුමන්ත්‍රණ වලට එදිරිව ලෙමන් පෆ් පවා කමින්, උපවාස කරමින්, තැඹිලි වීදුරුවක පිහිටෙන් නැවතත් ජීවත් වීමට වාසනවා ලත්, ජාතියේ එකම ගැලවුම් කරුවා වූ, වීරෝධාර විමල් වීරවංශ මැතිදාන්නගේ පක්ෂයේ සියළුම නායකයින්ට ඩොලර් බෙදා, එතුමානෝ පොන්නයෙක් ලෙස නම් කර එතුමාගේ අධෝ මුඛය සමාවෙන්න සිරි මුඛය විවර වීම නවතා, ජාතියේ දෑස් කඳුලෙන් තෙත් කොට ගත වූයේ එකම දිනක් පමණි.

එහෙත්, යුක්තිය හා නීතිය අකුරටම ඉටුකරනා ගරු අධිකරණය ඊයේම ඇමරිකාවට එල්ල කළ කනේ පහර අප ජාතියක් වශයෙන් අගය කළ යුතුය. ගරු අධිකරණය ඊයේ දිනයේදි ගරු සජින් වාස් ගුණවර්ධන නම් අහිංසම මනුස්සයකු වත්කම් හා බැරකම් ප්‍රකාෂ එලි නොකිරීමේ හේතුව මත රුපිය 1000 ක්ම දඩ ගසා පෙන්නුවේ මේ රට දූෂිත රාජ්ජයන් නොවනා බව නොවේද? 

කෙනෙකු තර්ක කළ හැක්කේ, ගරි අධිකරණයට රුපියල් 1000 ක් වැනි විශාල මුදලක් ගෙවීමට ඇති මළ පෙරේත කමට වත්කම් හා බැරකම් ප්‍රකාෂ ඉදිරිපත් කරනා බවක් නොවේද?

එහෙත් ඇත්ත කතාව එය නොවනා බව අප කවුරුත් දන්නවාය. ප්‍රාදේශීය සබා නගර සබා මට්ටමේ සිට ජනාධිපති කම දක්වා, අපේ රටේ සිටින්නේ දූෂණය වංචාව හෙලා දකිනා නායකයින් පිරිසක් නොවේද?

අපේ ජනාධිපති තුමා බලන්න. ඔහු දිල්රුක්ෂි ඩයස් වික්‍රමසිංහ අල්ලස් හා දූෂණ කොමිසමෙන් එලවා දැමුයේ ඇයි. සිරි ලංකා නිදහස් පක්ෂයේ සුපිරිසිඳු දේශපාලකයින්ට දූෂණ චෝදනා එල්ලකොට, ඒවා යට ගැසීමට නම්, කප්පම් ලබා දෙන ලෙස ඉල්ලා සිටී නිසා නොවේද? එවන් පිරිසිඳු සරළ සරම අඳිනා ජනපති කෙනෙක් ඉන්නා රටක්, ලොව අංක එකේ දූෂීත රාජ්‍යක් ලෙස නම් කිරීම සහගහනා අපරාදයක් නොවේද?

එක එක බැංකු කාරයෝ තමන් කැමති මිළ ගනන් ඉදිරිපත් කොට බොන්ඩ් මිළදී ගැනීමේ අන්ත දූෂිත කූඨ ව්‍යාපරය නවතා දමා, සේවක අර්ථසාධක අරමුදල හා මහ බැකුව අතර ගනුදෙණු සඳහා පර්පචුවෙල් ට්‍රෙසරීස් නම් පුන්‍යායතනයක් පත් කළ අගමැතිවරයෙක් ඉන්නා රටක් ලොව නොම්මර එකේ දූෂිත රාජ්‍යක් ලෙස නම් කළ උන්ට, ට්‍රොනෙඩෝ, හරිකේන් නොව, සුනාමී ආවත් අපට දුකක් දැනේද..?

අති උතිම් සිරි දළදා වහන්සේ හා අග්‍රාශ්‍රාවක ඇත් දළ වහන්සේලා වායූ දූෂණයට ලක් වනා බැවින්, ඒ අසල ඇති මාර්ගයන් වසා දමා, ලොව උතුම්ම වූ පූජනීය වස්තුව රකිමින් වායුව හෝ දූෂණය වීමට ඉඩ නොතබනා බුද්ධ ප්‍රත්‍රයන් වහන්සේ වහන්සේලා වැඩ වාසය කරණා ධර්‍මද්වීපයක්, අන්ත දූෂීත රාජ්ජයක් ලෙස නම් කිරීම අපාගත වන පව්කාර කම් නොවේද?

තම බිරින්දෑවරුන් ජාතියේ තිරජීවනය සඳහා රටවිරුවන් ලෙස විදේස්ගත කොට, තමන්ගේම ලෙයින් උපන් දියණිවරුන් දූෂණයයට ලක් වීමට කිසිඳු ලෙසකින් වත් ඉඩ නොතබා, පණ මෙන් රකිනා පියවරුන් හා සීයාවරුන් ජීවත් වනා රටක්, දූෂිත රාජ්ජයක් ලෙස නම් කිරීම කෙතරම් පහත් ක්‍රියාවක්ද

දිනපතා පැවෙතෙන භාවනා වැඩ සටහන් සඳහා සහභාගී නොවනා සුළු සේවකයා පවා, ආදරයෙන් කන කිතිකවා, විහිළුවක් කොට, එම පන්ති සදහා යුමු කරනා පොලිස්පතිවරයෙක් හා සත පහක මුදලක් ජරාව ලෙස නොගන්නා අභීත පොලිස් නිළදරුවන් හා කොස්සාවරුන් වෙසෙනා පොලිස් සේවයක් හිමි රාජ්ජයක්, දූෂිත රටක් ලෙස නම් කිරීම කෙතරම් සාධාරණද?

අන්ත දූෂීත ක්‍රියාවන්හී නොයෙදි ඉතා අමාරුවෙන් ජීවිත ගැට ගසා ගන්නා දේශපාලකයින්ගේ අඹු දරුවන් සුරැකිම සඳහා පින්ඩපාතය වැඩම කොට, ඒ පවුල් රක්නා, දළ පූට්ටුවාගේ දළ දෙක අහිමි වීම නිසා සිත කළකිරි රහත් බව ලබනා, පන්සල් වල දමා යන බල්ලන් බළලුන් හා අලි පැටවුන් තම දරුවන් මෙන් රක්නා, තම අන්‍ය ආගමිකයින් හා සුළු ජාතික පිරිස්ද තම දරුවන් මෙන් පීතෲ කරුණාවෙන් රක්නා, නානසාරලා, ඉත්තෑවලා, බෙංගමුවේ ආලවකලා, ඇල්ලට වට දෙක ගුණවංශලා වැනි උතුම් බුද්ධ පුත්‍රයින් වැඩ වසනා, නිවුනු සමාජයක් හෙබි රටක් අන්ත දූෂිත රාජ්ජයක් ලෙස නම් කිරීම කෙසේ නම් ඉවසා සිටින්නදා?

පාසලට ඇතුල් කිරීම සඳහා ඇති සම්මුඛ පර්යේෂන සඳහා, උතුම් වූත් පරම වූත් සත්‍යම පවසනා ලෙස නිවසේදී පුරුදු කරවා, නිවැරදි ලිපි ලේඛන පමණක්ම ඉදිරිපත් කොට, කිසිඳු දේශපාලන අත පෙවීමකින් තොරව, කුඩා කළ පටන් දූෂන හොරකම වංචාව යනු අපාගතවන පාප ක්‍රියා බව ආදරෙය්න් කියා දෙන මව්වරුන් පියවරුන් පිරි උතුම් වූ දේශයක්, අන්ත දූෂිත රාජ්ජයක් ලෙස නම් කිරීම කෙතරම් යුක්ති සහගතද?

තම සිසු දරුවන්, බාහිර පන්ති, හවස පන්ති, පෞද්ගලික උපකාර පන්ති, ඉන්ඩිවිජුවල් ටියුෂන් වලට යෑමෙන් වලකා, ඔවුන්ගෙන් කිසිඳු පඬුරු පාක්කුඩමක් නොගෙන, තම්න්ගේ දරුවන් මෙන් නිසි අජ්ජාපනය ලබාදී, ඔවුන්ගේ නෙත් පාදමින් ජාතියට බුද්ධිමත් දූ පුතුන් බිහි කරනා උතුම් වූ ගුරු පරපුරක් සිටිනා දිවයිනක්, අන්ත දූෂිත රාජ්ජයක් ලෙස නම් කිරීම ලැජ්ජාවටම කරුණක් නොවේද..?

ඉදින් මෙවන් වූ සත් පුරුෂ ජනතාවක් වෙසෙනා රාජ්ජයක්, ලොව අංක එකේ දූෂිත රාජ්ජ හතරෙන් එකක් ලෙස නම් කරළ ඇමරිකාවේ හතර හන්දි කඩා දැමීමට වහා පියවර ගත යුතු නොවේද...?

ෆක් යූ ඇමෙරිකා

Fuck U America

Hate U America 

We are the Greatest civilize country of the whole universe....!!!

Proud to be a සිරි ලාන්කියන්......!!!!