අවුරුද්දට ලාබෙට බත් වෙනුවට පාන් පුඩින් කාපල්ලා

බන්ධුල ගුණවර්ධන හා මහින්දානන්ද අළුත්ගමගේ කියන්නේ ඇමතිකම් ගත්තාට මෙලෝ දෙයක් නොකරපු කයිවාරූ කාරයෝ දෙන්නෙක්ය. දෙන්නාටම මේ වතාවේ දුන්නේ ඇදගෙන නානා ඇමතික්ම් දෙකක්ය. බන්ධුල නම් කොහොමත් විහිළු කාරයෙක් වී අවසානය. දැන් අපිට තවත් ජෝකර් කෙනෙක් ලැබී ඇත. ඒ මහින්දානන්ද අළුත්ගමගේ මහත්තයාය

මහින්දානන්ද නියම පරිප්පුවක් කන බව මාතලන් කිව්වේ ඔය පත්වීම ලැබුන දා ඉදලාය. ලංකාවේ තියෙන්නේ හාල් මාෆියාවක් බවත් මහින්දානන්දට තබා ගෝඨාභයටවත් ඒ මාෆියාවට එහා යාමට නොහැකි බවත්, එසේ ගියහොත් එය මහා විප්ලවයක් බවත් මාතලන් ලියූවේය. 

කෘෂිකර්ම දෙපාර්තමේන්තුව යනු පට්ට සුදු අලියෙකි. උන්ට භවභෝග ගැන හෝ අස්වැන්න ගැන හෝ පසු අස්වැන්න ගැන හෝ වගා සීසන් ගැන හෝ අතිරෙක භෝග ගැන හෝ යටි වගාවන් ගැන හෝ මිශ්‍ර භෝග ගැන හෝ පශු සම්පත් ගැන හෝ මෙලෝ දෙයක් ගැන  කිසිඳු අවබෝධයක් නැති..., නවීන වගාක්‍රම පිලිබඳ පර්යේෂණ පිළිබඳ කිසිඳු දැනීමක් නැති.., කිසිඳු දත්තයන් නැති..., අමු කාළකන්නි නිළධාරීන් පිරිසක් හා සේවකයින් පිරිසක් ඉන්නා කාළකන්නිම ආයතනය බව මනාව ඔප්පු වෙන්නේ.., පෞද්ගලික කෘෂි ආයතන සියල්ල අධික ලාබ ලබන ඔවුන්ගේ ගොවීන් සුපිරි ජීවිත ගතකරන පිරිසක් බවට පත්කර අවසන් වීමෙන්මය. 

ඕකුන් සමඟ කරන්න පුළුවන් මෙලෝ දෙයක් නොමැති බව මාතලන් කීප වරක්ම ලියලා තියෙනවාය. කිව්වා වාගෙම උන් ටික එකතු වී මේ වතාවේත් මහින්දානන්ද නාවමින් සිටින්නේය. එයත් ඇදගෙනම  නාමින් සිටී. 

හාල් මාෆියාවට රැකවරණය ඇත්තේ දේශපාලනය තුලමය. මාෆියාවේ නායකයින් දෙදෙනාම වත්මන් ආන්ඩුවට සම්බන්ධය. ඒ ඩඩ්ලි සිරිසේන හා සිරිපාල ගම්ලත්ය. සිරිපාල ගම්ලත් වත්මන් ආන්ඩුවේ ඇමතිවරයෙකි. ඩඩ්ලි සිරිසේන මෛත්‍රීපාල සිරිසේන උන්නැහේගේ එක කුස උපන් සහෝදරයාය. ඒ මාෆියාවේ නායකයාය. 

වී අලෙවි මණ්ඩලය, දිස්ත්‍රික් ලේකම්වරුන්. කෘෂි උපදේශකවරුන්, අධ්‍යක්ෂකවරුන් සියල්ලම ඉන්නේ උන්නැහේගේ සාක්කුවේය. මහින්දානන්දත් ඉන්නේ එයාගේ සාක්කුවේද කියා කියන්න අපි දන්නේ නැතිය. කෙසේ හෝ ඝෝඨාභය මහත්තයා විසින් කෘෂිකර්ම අමාත්‍යශයේ ලේකම් ලෙස පත් කරන ලද විශ්‍රාමික හමුදා නිළධාරි මහතා නම් ඉල්ලා අස්වෙලා තිබෙනවාය. උන්නැහේට තනතුරට වඩා උන්නැහේගේ ආත්ම ගෞරවය ඊට වඩා වටිනවා විය හැකිය.   

ජනාධිපතිතුමාට සහල් මිළ අඩු කිරීමේ අවංක චේතනාවක් තිබුන බව අප පැහැදිලිවම දුටුවේය. මැනිං වෙළඳ පොලේ අහිංසක වෙළෙන්දෙක්ගේ කන පලන්න ගිය මේජර් උන්නැහේ ඩඩ්ලි වෙත යැව්වේ ඒ නිසාය. එහෙත් මැනිං මාර්කට් එකේ මේජර් කෝඩ් ප්ලේ කල මේජර් උන්නැහේ, ඩඩ්ලි ගාවදි ප්ලේ කලේ මයිනර් කෝඩ් එකෙන්ය. "අනේ පුළුවන් නම් මක්කා හරි කරන්නෙයි...." කියා නැට්ට පුකේ ගසාගෙන උන්නැහේ කොළොන් තොටට ගොඩ බැස්සේය. දැන්නම් උන්නද මළාද කියා හොයා ගන්නත් නැතිය. 

ඝෝඨා එක්ක සෙල්ලම් බැරි බව දුටු මාෆියාව අල්ලා ගත්තේ.., හිත හොඳ මහින්ද මහත්තයා හා බිස්නස් කාරයන්ට ආදරේ කරනා බැසිල් රාජපක්ෂ උන්නැහේය. අන්තිමේ පාලන මිල බල්ලාට ගියේය. හාල් මිළ අභ්‍යාවකාෂයට ගියේය. පාරිභෝගිකයාට තරු පෙනුනේය.

එයාලාට 69 ලක්ෂයට වඩා එයාලා බලයට එන්න මුදල් විසිකල මාෆියා කාරයෝ ලොකුවිය. දහසක් පොරොන්දු දී චන්දය වෙනුවෙන් කඩේ යැවූ කුඩා හාල් මෝල් හිමියෝද අමතක කරන ලදි. සහල් මාෆියාවට හා පොලොන්නරු උකුස්සාට එරෙහිව පෝට්ටුවේ රොෂාන් රණසිංහට ශක්තියක් උනේ මේ පිරිසය. අද රොෂාන් රණසිංහ මාළු බාන්නේ උකුස්සෝ එක්කය. කන්නෙ බොන්නේ ඩඩ්ලි එක්කය. කුඩා සහල් මෝල් හිමියන්ට මෝල් කලන්තේය. උන්ට කන්න වෙන්නේ දෙයියන්ගේ හාල්ය.  

ගිය කන්නයේ වී අස්වැන්න එන කොටම මහින්දානන්ද හා බන්ධුල පොර ටෝක් දුන්නේය. ඒ සැරේ බන්ධුල පොලොන්නරුවේ ගොස් අයියා  පාට්දමා ආවේය. වැඩි මිළට හාල් විකුණන උන්ට බඩු බනිස් යැයි කිව්වේය. බන්ධුලට නැට්ට පුකේ ගහගනින් කියා ඩඩ්ලි කරේ තවත් හාල් මිළ වැඩි කරනා එකය. හාල් මිළ වැඩි නම් විකුණන එකා අල්ලා හිරේ දාලා හරියන්නේ නැතිය. හිරේ දාන්න ඕනා මිළ වැඩියෙන් තොග නිකුත් කරනා එකාය. හැබයි ඔක්කොම අයියලා ඉන්නේ පොරගේ හිර කූඩුවේය. 

මේ සැරේ අස්වන්න එන කොටම මාෆියාව හා එක්වූ කෘෂිකර්ම දෙපාර්තමේන්තුවේ උන් එක ගුලියක් නොව ගුලි දෙකක්ම මහින්දානන්දට දුන්නේය. පැලවෙනි එක මිළ වැඩි කරනා එකය. දෙවනි එක ආන්ඩුවට කිලෝ 1000 විකුණන්නේ නැත්නම් තොපිට පෝර දෙන්නේ නැතෙයිය කියලාය. දැන් සිරිසේනලා සිරිපාල ගම්ලත්ලා ගිනා වෙන්නේ පුකෙන්ය. ගොයියෝ කිව්වේ තොගේ පෝර මල්ල රෝල් කරලා තොගේ පුකේ ගහහනින් කියලාය. කඩේට පෝර දාපන් අපි සල්ලි දීලා කඩෙන් ගන්නම් කියලාය. ඒකෙන් පෝර සහන මිළට දෙන එක හෝ නොමිළේ දෙන එකටත් ලබුනේ මරු පහරකි. 

ආන්ඩුවට කිලෝ දාහක් ආන්ඩුවේ මිළට දෙන්න පුකේ අමාරුවක් ගොයියාට ඇත්තේ නැතිය. කෝල් එකක් දුන්න ගමන් මාෆියාව කමතටම ගෝනිත් අරගෙන ඇවිත් කිලෝ එකට ආන්ඩුවෙන් ගෙවන ගානට වඩා රුපියල් 5 - 10 ක් වැඩිපුර සල්ලිවලින් අතටම දී අරගෙන යනවාය. වාහන කුලියට ගෙන වී අලෙවි මණ්ඩලේ උන්ගේ ගෝ ප්‍රාදේශීය ලේකමාගේ පාට් බලන්න යන්න ඕනා නැතිය. 

මේ සැරේ හැම එකාම වවලා තියෙන්නේ නාඩුය. ඒකත් කෘෂිකර්ම දෙපාර්තමේන්තුවෙ උන්ගේ මරිමෝඩ තීන්දු නිසා අත්වූ ඉරණමකි. ඕනෑම වර්ගයේ වී කිලෝ එකක් මිළදී ගන්නේ එකම මිළකටය. නාඩු වැව්වත් සම්මා වැව්වත් කීරී සම්බා වැව්වත් ලැබෙනා මිළ එකමය. එහෙත් ඕවායෙන් අස්වැන්න වැඩියෙන් ලැබෙන්නේ නාඩු වලින්ය. ඉතින් නාඩු වවනා එක ගොයියන්ට ලාබය. කෘෂිකර්ම දෙපාර්තමේන්තුවේ ඉන්නා උන්ගේ මොළ අප ආරක්ෂා කළ යුත්තේ මේ නිසාය. 

දැන් මාෆියාව නාඩු මිළදී ගන්නා වැඩේ පටන් ගෙන අවසානය. කොහොමත් මේ සැරේ වෙළඳ පොලට නාඩු එන්නේ කොට කිළෝව රුපිට්යල් 125 - 130 ක් වූවත් අප කලබල වෙන්න ඕනා නැතිය. බන්ධුල වැඩි මිළට හාල් විකුණන උන් ඇල්ලුවොත් උන් හාල් විකුණන එක නවත්තලා දානවාය. දැනටත් වෙළඳපොලේ සම්බා ඇත්තේ නැතිය. ඇනික් හාල් වර්ග වලත් හිඟයක් තියෙනවාය. 

ඒ හන්දා අළුත් අවුරුද්දට මහින්දානන්දගේ අඩු ඉළට හාල් වලින් කිරිබත් කන්න උන්ට අපට කියන්නට වෙන්නේ පොල් කිරි හොද්දක් හදාගෙන පාන් කාපන් කියලාය. 

කොහොමත් අපි එදා ඉඳන් කියන්නේ වී වගාව ලංකාවට ගැලපෙන්නේම නැති වගාවක් කියලාය. ජනතාවගේ ප්‍රධානම ආහාරය නිසා ඩඩ්ලිලාත් සත පහකට බයක් ඇත්තේත් නැතිය. උන් ආන්ඩුව පිටරටින් හාල් ගෙනෙනා එකත් නවත්තලාය. පිටරටින් හෝ ගෙනත් අඩුවට දෙන්නට ආන්ඩුවේ ප්‍රතිපත්තිය අනුවත් බැරිය. වී වගාව නතර කරන්නත් ආන්ඩුව බයය. 

ඔය වගාවට විනාශ කරනා මහා ජළ කඳ අති විශාලය. ජළය අඩුවෙන් හෝ නොමැතිව වගා කළ හැකි වී වර්ගයක් හොයාගන්න අවුරුදු 73 ක් ගිහිල්ලත් බතලේගොඩ වී පර්යේෂණාගාරයේ ඉන්නා හරකුන්ට බැරිය. ඒ නිසා කුඹුරුවල තනකොළ වවා කිරි වලින් රට ස්වයංපෝශිත කිරීමේ වැඩ කටයුත්ත කලොත් මහින්දානන්දගේ ඒ සිහිණය හෝ සැබෑ වනවා ඇතිය. 

එමෙන්ම අතිරික්ත තණකොල අස්වැන්නක් ලැබොනොත්, කෘෂිකර්ම දෙපාර්තමේන්තුවේ ඉන්නා උන්ටත් දෙන්නට පුළුවන්ය. එහෙම නැත්නම් මෙඩිකල් කැනබීස් වගා කොට පිරට පටවා ගොවියාත් රටත් ආන්ඩුවත් ඔක්කෝම ගොඩ ගන්නට පුලුවන්ය. එහෙත් එවන් තීරණ වලට යන්න ආන්ඩුව බයය. 

අභ්‍යන්තර කැරළිත් එක්ක ආන්ඩුව ඉන්නේ ජනතාවගේ අප්‍රසාදයට පත් වෙලාය. ආන්ඩුව විමල්ටත් බයය. ඩඩ්ලිටත් බයය. හැබයි ඔය ඔක්කෝටම වඩා බලවත් මහජනතාවට නම් රාජපක්ෂලා බය නැතිය. එයාලාගේ රිටර්න් එක ඔය ඩඩ්ලිලාගේ පාරවල් වලට වඩා සැරය. 

අපිට ආන්ඩුව ගැන මාරම දුකය...

විශාල බලාපොරොත්තු තබා ගෙනා.. ඝෝඨාභය ගැනත් දුකය..

චන්ඩි කියා හිතාගෙන උන් රාජපක්ෂලා ගැනත් මාරම දුකය..

කයිවාරූ කාරයෝ වන බන්ධුලලා මහින්දානන්දලා ගැනත් දුකය

ඒ වගත් මෙසේය...