රාජපක්ෂලා තුරන් කිරීමේ කුමන්ත්‍රණයේ දේශීය නියෝජිතයින් වූ.... විමල්, දිලිත්, උදය, වාසූ, ජී ඇල් හා ඩලස්ලාගේ කතා වස්තුව

 රාජපක්ෂලා තුරන් කිරීමේ කුමන්ත්‍රණයේ

දේශීය නියෝජිතයින් වූ....

විමල්, දිලිත්, උදය, වාසූ, ජී ඇල් හා ඩලස්ලාගේ කතා වස්තුව

➖➖➖➖➖➖➖➖➖🔴

අසත්පුරුෂයින්ට හෙවත් අපතයින්ට උදව් කරන්න ගියාම අමාරුවේ වැටෙන්නේ උදව් කරන්න ගිය එකාමය. ඒ බව අපේ පැරණි කවියෝ කියා ඇත්තේ මෙසේය.

කොතරම් ගුණ කළත්, දුදනෝ නොවෙති යහපත්....

කිරි දියෙන් දෙවියත්, අඟුරු සුදුවෙන කලෙක් නම් නැත්.....

රාජපක්ෂලාට 2015 කෙලවෙන්නේ, 2012 දී ආර්ථික ඝාතකයෙක් ගැන කියා විමල්ලා කේස් ඇද්ද දවසේ ඉඳලාය. රාජපක්ෂලා හොරු කියා කිව්වේ මහින්ද විසින් තමන්ගේ උන් එලවා රෙද්ද අස්සේ දාගත් මෙහෙව් එවුන්මය. එය දැන් කිසි ලෙසකින් හෝ බිඳිය නොහැකි ප්‍රොපගැන්ඩාවකි.

එහෙත් 2015 දී රාජපක්ෂ පවුලට හා රටේ සියළුම පවුල්වලට අම්මටම හැමිනීමෙන් අනතුරුව, මහින්දගේ සමීපතමයින් විසින් ඕගනයිස් කළ මහින්ද සුළඟ තමන් වෙත පවරා ගත් විමල්, උදය හා වාසු යන අපතයින් නැවතත් රෙද්ද අස්සේ දාගත්තේ මහින්දමය.

ඉන් අනතුරුව මහින්ද හිතවාදීන් විසින් බැසිල් ඇමරිකාවේ සිට නැවත මෙරටට ගෙන්වා ගෙන, පොහොට්ටුව පිහිටුවීම හේතුවෙන් රාජපක්ෂලා විකුණාගෙන කෑම තාවකාලිකව එතනින් අවසන් වුවත්, මේ අපතයින් ගේම අත් හැරියේ නැත. 

කිසි දිනෙක තමන්ට තනිව බලය ලබාගත නොහැකි බව හොඳින්ම දන්නා මේ අපතයින් කළේ, සභාගයක් ගසා නැවත මහින්ද රාජපක්ෂ රැස් වලල්ල යටට පැමිණීමය. රාජපක්ෂලාගේ දේශපාලන දැණීමේ තරම නැවතත් පෙන්වමින්, ඝෝඨාගේ වියත්මගද පැත්තකට විසිකර දමමින්, ජොනී, රත්තරන්, මහින්දානන්ද වැනී දක්ෂ කතිකයින් රාශියක් සිටියදි, නැවතත් ඝෝඨාගේ චන්ද කැම්පේන් එක තුල මේන් කතිකයා වූයේ විමල්මය.

එහෙත් එයාට ඕන ඕන සෙල්ලම් බැසිල්ලා හා පී බී ලා එක්ක දාන්න බැරි බව තේරුම් ගත් විමල් කුමන්ත්‍රණය පටන් ගන්නේ, ආන්ඩුව පත් වූ විගසමය. මෙහි න්‍යායාචාර්‍යවරයා වන්නේ දිලිත්‍ ජයවීරය. දිලිත් හා විමල්ලාගේ මුල්ම ප්ලෑන් එක වනුයේ ඝෝඨා හා එක්ව අනෙක් රාජපක්ෂවරුන් සියල්ල හලා දමා, 2025 ඝෝඨා ජනපති හා විමලේ අගමැති කිරීමය. මේ සඳහා පොහොට්ටුවේ සමාජ මාධ්‍ය ක්‍රියාකාරින් කිහිප දෙනෙක්ද බා ගැනීමට කුමන්ත්‍රණ කරුවන් සමත් වන්නේය. 

එතැන් පටන් පොහොට්ටුවේ ගුණමකුවන් එක එකා බා ගැනීම ආරම්බ වූ අතර, කෙලෙහි ගුණ නොදත් අපතයෝ ඒ පිලට සෙට් වුනේය. අවසානයේ ඩලස්ද එලියට ගන්නා මේ අපතයින්ගේ ප්ලෑන් එක වනුයේ, මහින්ද එලවා දමා ඩලස් අගමැති කිරීමය. 

මේ සියල්ල සිඳුවනුයේ විමල් කියනා රාජපක්ෂවරුන් සමූලඝාතනය කිරීමේ, සරත් - ශවේන්ද්‍ර ප්‍රමුඛ ඇමරිකානූ කුමන්ත්‍රණය හා ගෝල්පේස් කානිවල් එක යන අතරේමය. 

ඒ අනුව, විමල් දැන් බබා වෙන්නට ගියත්, එයාලාත් කරේ ඒ කුමන්ත්‍රණයේම ප්‍රභල කොටස් කරුවන් වීමය. එවන් සමූලඝාතන කුමන්ත්‍රණයක් පැහැදිලිවම තිබූ බවත්, එහෙත් කුමක් හෝ පෙර පිනකට රාජපක්ෂ පවුලේ කිසිවකු හෝ තම ගොඳුරු කර ගැන්මට ඔවුන්ට නොහැකි වූ බවත්, මැයි 9 වනදා සිද්දියෙන් පසු මයිනා යනකන් බලා සිටින්නට වීමෙන් ඉතා පැහැදිලිය. 

කුමන්ත්‍රණය ජයගත්තේ නම්, රාජපක්ෂලාට අත්වන්නේ අමරකීර්ති අතුකෝරාලට අත් වූ ඉරණමම බවත්, ශිරන්තිලාට, ලිමිණිලාට ටට්‍යායානාලට අත්වන ඉරණම සිතාගත නොහැකි තරම් බවත්, මානවවාදීන් විසින් එදා මෙන්ම පසු දින කීපයේම බුකිය පුරාම පෙන්වූවේය.

ඊට දින කිහිපයකට පෙර, විපක්ෂයේ සිටිනා, නම සඳහන් කලකොත් බුකියේ බ්ලොක් වන ජාතියට අයත්, මන්ත්‍රීවරුන් පිරිසක් ආන්ඩුවට ගෙනවිත් ආන්ඩු පක්ෂය ශක්තිමත් කිරීමට ක්‍රියාකල ක්‍රියාකල මහින්ද හිතවාදී ප්‍රභල ඇමතිවරුන්ගේ තනතුරු අහිමි වී යන්නේ දිලිත් හා ඝෝඨා වයින් බීමේ දිනයෙන් අනතුරුවය. දිනය ටක්කෙටම අවශ්‍ය නම් ශාන්ත බන්ඩාර ආන්ඩුවට එක් වූ දිනට පසු දිනයේය.

ඉන් පසු ඒ මහින්දවාදීන්ගේ සැලසුම් සියල්ල ව්‍යර්තවනාතර, මහින්ද හැර රාජපක්ෂ හිතවාදීන් සියල්ලෝම ඝෝඨා ආන්ඩුවෙන් එලියට විසි වන්නේය. අරලියගහ මන්දිරේ පිස්සුවට පෙර සිටම මහින්ද රාජපක්ෂට අග්‍රාමාත්‍යධූරයෙන් ඉවත් වන්නට කියන්නේ වෙනින් කවුරුවත් නොව ඩලස් අලහප්පෙරුමය.

රනිල්ගේ ගේ ගිනි තැබීමෙන් අනතුරුව, රනිල්ටද අග්‍රාමාත්‍යධූරයෙන් ඉවත් වෙන්නට යැයි කියන්නේ, පාර්ලිමේන්තුවේ කමිටු අංක 2 කේ රැස්වන විමල් වීරවංශගේ හා දිලිත්ගේ ගෝලයන් වන,  ජී ඇල්ලා, ඩලස්ලා වනාතර, ශවේන්ද්‍ර සිල්වාත් ඒ රැස්වීමට ආවේ කෙසේදැයි කියා විමල්ගේ පොතේ ලියා තිබුනා නම්, කොතරම් වටිනවාදැයි කියා දිලිත් ජයවීරට උනත් හිතෙන්නට ඇතිය.

කෙසේ හෝ මේ දෙගොල්ලන්ගේම ප්ලෑන් හෙවත් සැලසුම් සියල්ල රාජපක්ෂලාට හා රනිල්ලාට ලැබුනේ කෙසේදැයි කියා එයාලා නොදන්නවා වුනාට, අප නම් දන්නා බවත් මේ මොහොතේ ලියා තැබිය යුතුමය.

මෙවන් ඩබල් ඒජන්ට්ලා ගැන ඊයේ හොඳම කතාව ඊයේ කිව්වේ අපේ ටිල්වින් සිල්වා සහෝදරයාය. ටිල්වින් කිව්වේ වෙන කවුරුන් හෝ ලියපු පොතකට විමල් නම දාගත්ත බවත්, මින් පෙර ටිල්වින්ගේ ලිපි ඇතුලත් පොතක් ගසා උසාවීයෙන් ඒ පොත තහනම් කළ බවත්‍ය.

ඇත්තටම මේ පොත විමල්වත් කියවා නැති බවත්, එහෙම කියෙව්වා නම්, විමල් මේ පොත කිසිදා එලිදකවන්නේ නැති බවත් හෙලිකොප්පරේ උඩ යනවා වාගේ බුදු ෂුවර්මය.

.