දෙසැමබර් 31 ට පෙර කෙලෙවෙන්නේ මහින්දටද, රනිල්ටද නැත්නම් දෙදෙනාටමද...?

රනිල්ගේ හා මෛත්‍රිගේ හවුල් ව්‍යාපාරය හද්දා බංකොලොත් ව්‍යාපාරයක් බව ලොවටම කියන්නේ එකේම ඉන්නා උන් මිස අප නොවේය. පනීන්නට පෙර සිතා බලන්නට, ඇමතිකම් වලට තව කෑලී එකතු කළ ජෝන් සෙනෙවිරත්න ගොයියා නොකියා කියන්නේ ඒ කතාවය. උන් මේ බංකොලොත් සමාගමෙන් ඉවත්ව නව අධ්‍යක්ෂක දූරයක් බලාපොරොත්තු වන්නේ රනිල්ගේ සමාගමේ නොවේය. එක්කෝ මහින්දගේ සමාගමේය. එසේ නොමැතිනම් මෛත්‍රිගේ සමාගමේය. රනිල්ගේ සමාගමේ උන් මොන බයිලා ගැසුවත්, වැඩි ඩිරැක්ටොර්ලා පිරිසක් උන්නත්, සමාගමේ විධායක සභාපති කම තිබෙන්නේ සිරිසෙන් මහ රජානෝ අතය. 

මේ බුන්වත් සමාගමේ සිටීමෙන් ඇති ඵලයක් නැතයි කියමින් මහින්දගේ සමාගම හා එක්වීමට යන 18 දෙනාට සිරිසෙන් උතුමෝ කියා ඇත්තේ, දෙසැම්බර 31 වනදා තෙක් ඉවසා සිටින්නය යැයි කියාය. 2020 නැවතත් රජ වීමට නම් සිරිසේන් උතුමානන්ට විකල්ප තුනක් ඇත. 

1. 2015 පත්වූ ආකාරයට එජාපය හා සිවිල් සංවිධාන මෙන්ම ඉතිරිවන සිරි ලංකා කාරයන් සමඟ ගේමට බැසීම. 

2. මහින්ද හා එක්වීම.

3. රනිල් හා මහින්ද යන දෙදෙනාම කපා දමා, උන් හා කළ කිරුනු පිරිස් හා එක්ව නව බලවේගයක් ගොඩ නගා ගැනීම. 

මෙහි සඳහන් අංක 1 හා අංක 3 එතරම් හානිකර විකල්පයන් නොවනාතර, අංක දෙක යනු අති භයානක මෙන්ම අතිශය හානිකර විකල්පයක් වන්නේ මැදමුලනේ බඩු එතරම් ෂුවර් නැති නිසාය.

2015 කෙසේ වූවද, අදටත් රටේ බලවත්ම පුදගලයා ලෙස ජනතාව පිලිගන්නේ මහින්ද මහත්තයාය. දන්නා යකා මේ ගරා යක්කුන්ට වඩා හොඳ බව කියන්නේ, යකා දුම්මල ගසා පන්නා දැමූ පිරිසමය. ඒ මේ රටට කෙලවෙලා ඇති ප්‍රමාණය ඔනෑම එකෙකුට ප්‍රත්‍යක්ෂයෙන්ම පෙනෙනා නිසාය. ආන්ඩුව සෑම ක්ෂේශ්තෙයකම අන්ත අනාතය, අසරණය, නන්න පෝල්ය.  

රනිල් හා මෛත්‍රී බලාපොරොත්තු වූ ආකරයට, බටහිර රටවල උන් මෙහේ ආයෝජනයට එන්නේ නැතිය. අද උන් ජීවත් වන්නේත් චිනාට පින් සිඳු වන්නටය. එනවා නම් එන්නේ, චීනය පමණමය. එහෙත් චීනා මේ පැත්ත පලාතේ එන බවක් පෙනෙන්නට නැතිය. මහින්දගේ කාළයේ තම හිතුමතය පරිදි ආයෝජන කර ගෙන ගියද, දෙපැත්තකටම දොල පිදේනී දීමට ඇති අකමැත්ත මත, උන්ද සිටින්නේ මහින්ද නැවතත් බලයට පැමිනෙනා තෙක්ය. 

ආන්ඩු පක්ෂයේ ඉන්නා මහින්දට වඩා විපක්ෂයේ සිටිනා මහින්ද ඉතා බලවත් බව පෙන්නුවේ 1994 චන්ද්‍රිකා බලයට ගෙන ඒමෙන්ය. ඒ කාළයේ එජාප ආන්ඩුවට එරෙහිව ක්‍රියාත්මක වූ විරෝධතාවන් සියල්ලේම නායකත්වය ගත්තේ වෙන කිසිවකුත් නොව මහින්ද රාජපක්ෂමය. අදද මහින්ද රාජපක්ෂ ආන්ඩුවට වඩා ඉතා බලවත් බව ඔප්පු කොට හමාරය. ආන්ඩුව අඩියක් පස්සට ගෙන, නෙවිල් ප්‍රනාන්දු රෝහල රජයට පවරා ගැනීම පසුපස සිටිනා බලවේගයද වෙන කිසිවකුත් නොව, මහින්ද රාජපක්ෂමය. 

ඉදින් එවන් පුදගලයකු හා පයුරු පාසානම් පැවැත්වීමට යාම දැලි පිහියෙන් කිරි පැණි කනවා වගේ ගේමක් බව කාටත් වඩා හොඳින්ම දන්නේ, පොල්වත්තක් මැද හැංගිලා පවුල් පිටින් රටෙන් චුත වෙන්න බලා හුන් සිරිසේන උන්නැහේමය. එම නිසා මහින්ද අඩපන කිරීම ඔහුගේ ඉදිරි පැවැත්මට අතිශයින්ම අත්‍යාවශ්‍යම කරුණක්ව ඇත්තේය. 

රනිල් හා පිරිස නම් හත් පොලේ ගාගෙන නාගෙන අවසානය. ආරම්බයේදීම බැඳුමකර මගඩියෙන් නා ගන්නා රනිල්, දැන් නාන්නේ හාමුදුරුවරුන්ට කෙලින්න ගිහිල්ලාය. ජේ ආර් පප්පාද හාන්දුරුවරු පයිසෙකට මායිම් නොකෙරුවද, එදා විධායක බලය තිබුනේද ඔහු අතේය. එහෙත් අද විධායක පවතිනුයේ ලිබරල් නායකයකු අත නොව, ගල් යුගයේ වැදි නායකයකු අතය. ඔහුට ජාතිය හා සාසනයෙන් තොර පැවැත්මක් ඇත්තේ නැතිය. දෙමලාට එක බයිලාවක් ගසා හාන්දුරුවරුන්ට තව බයිලාවක් ගසන්නේ ඒ නිසාය. එහෙත් සුපැහැදිලි කරුන නම්, අවසානයේ ඔහු සිට ගන්නේ හාන්දුරුවරුන් හා සමඟය යන්නය. 

හැම එකාම කියනා පරිදි රනිල්ට මහින්ද හා ඩීල් එකක් ඇත්තේය. ජනවාරි 9 වනදා උදෑසන මහින්ද සිහසුනෙන් බැස මැදමුලන බලා යන්නේ රනිල් දුන් පොරොන්දුවක් මතය. එනම් රාජපක්ෂවරුන් ආරක්ෂා කරන බවට දුන් පොරොන්දුවක් මතය. එමෙන්ම මෛත්‍රීද කිසි දිනෙක රාජපක්ෂවරුන්ට අත නොතබන බවට අපට වහෙන් ඔරෝ කියා දෙන්නේ මහින්ද අමරවීර නම් නව නායකයාය. මේ කාරනයේදි තුන් කට්ටුවම නටන්නේ එකම නාඩගමක්මය. මගේ උන් හොරා කෑවාට කමක් නැතයි කියන්නේ වෙන කවුරුවත් නොව හොරු අල්ලන්න ආ සිරිසේන උන්නැහේමය. එයාට අමාරුව ඇත්තේ අලි පාටියේ උන් හොරා කන එක ගැනය. රනිල්ට හා මහින්දට මොකා හොරා කැවත් ඇති අමාරුවක් නැතිය. හොරකම් සීන් එකේදී සියල්ලෝම කරන්නේ ජනතාවට පොඩි ත්‍රිල් එකක් දීමක්ම පමණය. එහෙත් බලය හමුවේ සියල්ලන්ම සතුරන්ය.

මාතලන්ට පෙනෙනාකාරයට නම් සිරිසේන සැරසෙන්නේ දෙදෙනාටම කෙලින්නටය. එසේ කිරීමට ශක්තියක් ඇත්නම්, එය සිරිසේනගේ විජයග්‍රහනයක් වනවා මෙන්ම, ජනතාව තුලද නැවුම් බලාපොරොත්තුවක් ඇති කරනවා ඇත. එමෙන්ම තමා කටින් බතල හිටවන්නෙකු නොව, බතල වවා, ලුණු මිරිසද සමඟ කෙහෙල් කොලේ දා අඹරන නියම පොරක් නේ ඩෝ කියා අපටද සිතෙනවා ඇතිය. 

ඒ වගත් මෙසේය.