ජනාධිපති කොයි පැත්තෙද..? - Which party are you..?

කුලියාපිටියෙන් ගත්ත බ්‍රෑන්ඩ් නිව් පුස්සගන් පැසාට් එක,  චම්පික සහෝදරයා අළුතෙන් හදාපු සුපර් ලක්සිරි එපාට්මන්ට් එකේ පාකින් එකේ දාල, ගෙට ගොඩ උනේ මර බයෙන්... මොකෝ යහපාලනේට චන්දේ දුන්නා කියලා කනක් ඇහිලා ඉන්න නෑ හාමිනාගෙන්.. සිරිසේන මහත්තයට වගේම තමා මාතලන්ටත්..


කුණු ප්‍රශ්ණෙට කනු කුණු ගානවා.. ඩෙංගු මදුරුවා ආතල් එකේ කීන් කීන් ගාගෙන යනකොට, අපි අම්බානක බැනුම් අහනවා.. හරියට ඩෙංගු මදුරුවා යහපාලනෙන් හදලා වගේ.. ඔය ඩෙංගු මදුරුවෝ බෝ කරන්නේ, පාරේ කුණු දාන්නේ, මහින්ද මහත්තයා කියලා කිව්වට, අපේ හාමිනා නෙමෙයි  විස්වාසෙට ගන්නේ..

කොයින් කොහොම හරි රනිල් ළකුණ චුයින් ගන් එකක් හප හප බ්‍රේස්ලට් එක මැද මැද ඉන්න කොට ඕන් එකෙක් දිරට තඩි බානවා..

හාමිනේ ඕන් යාන්තන් කුණු කුණු ඇවිල්ලද කොහෙද...

කුණු කුණු කවද්ද ඕයි දොරට පතබෑවේ.., ඔය ඔයි ගින්නනෝ හරි ජේසූ ජීවමානයි හරි වෙන්ටෑ..

අම්මපා..., ඉන්නකෝ බලන්න.... කියාපු මාතලන් කොලේ දොරේ ඇස් හිලෙන් බලන එක..

අම්මට හුඩු ට්‍රැක් බොටන් එකක් ගහපු හාදයෙක්..., ටිකක් සිරිසේන උන්නැහේ වගේ... බ්ලොග් එකෙන් අනන් මනන් කියනවට බඩු බනිස් වගේ.. ඒත් ඉතින් යහපාලනේ තා වෙනකන් එහෙම සීන් නෑනේ කියලා තමන්ටම කියාගත් මාතලන්, ඕන මළහත්තිලව්වක් කියලා හිටන් ඇරියා දොර..

මාතලන් කුණු තියෙනවද....?

තියෙනවා ජනාධිපතු තුමා...?

බෙදලද තියෙන්නේ...?

ඔව් ඔව් පිඟන් වලට බෙදලා... මේ කන්න ලෑස්ති වෙලා උන්නේ.. බෙලෙක් පිඟනකට දාල ඔබ තුමාටත් ටිකක් දෙත හැකි මනාප නම්..

මාතලන් කුණු කනවද...?

කන්නේ නැතිව කුණු එක්ක හැමිනෙන්නද ජනාධිපති තුමා.. ඉස්සර කුණු ගෙනියන්න ආපු එකා එන්නේ නෑ... මේ ළඟදි පාරේ කුණු දාලා පොලිසියෙන් අල්ලන් ගිහින් හොඳ වෙලාවට හාමිනේ මහින්ද මහත්තයට කියලා එලියට ගත්තේ..

අර මක්කටෙයි මහින්දට කිව්වේ..? මට කීවා නම් අහකයි නේ හිටන්..

එහෙනම් ඉතින් උසාවියත් ගඳ ගස්සලා තමයි නවතින්න වෙන්නේ

අර මොකෝ මාතේ...?

ඇයි ඉතින් නඩු භාන්ඩ උසාවී දාන්නත් එපාය

හරි...., කන්න ඕන නෑ කුණු ටික දෙන්නකෝ.... කියාපු ජනාධිපති තුමා, ගේ ඇතුලට ඇවිත් ඉඳගත්තේ නැතෑ...

හාමිනා ගස්සගෙන ඇතුලට ගියා

අර මොකෝ මාතේ හාමිනා ගස්සගෙන ගියේ..?

මම හිතන්නේ බෙලෙක් කෝප්පෙකට තේ එකක් හදන්න වෙන්ටෑ

බලන්න ඉතින් ජනාධිපතු තුමාටම එන්න උනා නේ කුණු ටික අදින්නත්..., ඔබ තුමාගේ අර පිංගුත්තරයෝ මක්කෙයි කොරන්නේ..?

උන් ගැන කතා කොරලා වැඩක් නෑ මාතේ.. උනුත් දැන් ක්‍රිකට් මැච් එකක් පැරදුනත් මටයි බනින්නේ.. මිනිස්සුන්ට එපා වෙලා එලෙව්ව කාළකන්නි මම රෙද්ද අස්සේ දාගත්තා නේ මාතේ..

එහෙම කිව්වම අම්මපා මාතලන්ට දුක හිතුනා ආයිබන්ඩ

දැන් ඉතින් ඔබ තුමා රනිල්ගේ පැත්තෙද, ඕකුන්ගේ පැත්තෙද...?

රනිල් එක්ක ඉන්න කොට රනිල්ගේ පැත්තේ, අරුන් එක්ක ඉන්න කොට උන්ගේ පැත්තේ

එතකොට සයිටම් කේස් එකේ..., ඔබ තුමා කොයි පැත්තෙද...?

රාජිත එක්ක ඉන්න කොට උගෙ පැත්තේ, ගොම සංගමේ එක්ක ඉන්න කොට උන්ගේ පැත්තේ

එතකොට අර සවුක්ක අමාත්තියන්සෙට සාකඡ්චාවකට ආපු අහිංසක දරුවෝ...?

දරුවෝ එක්ක ඉන්න කොට මම එයාලගේ පැත්තේ, පොලීසියත් එක්ක ඉන්න කොට එයාලැයි පැත්තේ

එතකොට ඔබ තුමා මීතොටමුල්ල පැත්තෙද...? එහෙම නැත්නම් මුතුරාජවෙල දෑලතුර පැත්තෙද...?

මම පොලොන්නරුව පැත්තේ නේ මාතේ

අම්මපා නේන්නම්... ඉතින් ජනාධිපති තුමා අර පොලොන්නරුවේ වතුර පිරිච්ච වලට දන්න පුළුවන් නේ කුණු ටික..

පොලොන්නරුවේ කොහෙද මාතේ වතුර වලවල්...?

ඇයි අර පරාක්‍රම සමුද්දරේ කියලා තියෙන්නේ පත් වතුර වලක්.. ඕක පිරෙව්වා නම් අහකනෙ.. එතකොට ඉතිහාසෙත් නම් ලියවෙයි.. මේ ගොබ්බ රජවරු මදුරුවෝ බෝ කරන්න හදාපු වලවල්, අපේ ජනාධිපති තුමා වහලා දැම්මය කියලා හිටන්..

අම්මපා හොන්ද යෝජනාවක් මාතේ, මම පරිසරවේදියොත් එක්ක කතා කොරලා හිටන් බලන්න්ම්


එතකොට අර අළුත් විවස්තාව මක්කද බඩකඩුත්තුව...?

ඒකට පක්ෂ උන් එක්ක ඉන්න කොට උන්ගේ පැත්තේ..., විරුද්ධ උන් එක්ක ඉන්න කොට උන්ගේ පැත්තේ...

අර ආගමික අන්තවාදින්..?


රිෂාට් එක්ක ඉන්න කොට රිෂාඩ් නානගේ පැත්තේ, අති පූජ්ජ නානසාර, අති පූච්ච ඉත්තෑවා, අති පූජ්ජ බෙංගමුවේ ආලවක, අති පූජ්ජ ඇල්ලේ වට එක්කලා ඉන්න කොට, උන්ගේ පැත්තේ

උමා ඔය ගැන අහන්න ඕන නෑ නේ...? ඔබතුමා ඉන්නේ වින්දිතයන්ගේ පැත්තේ නේ...?

ඔව් ඔව් වින්දිතයෝ එක්ක ඉන්න කොට උන්ගේ පැත්තේ, කන්ට්‍රැක්ටර්ස්ලත් එක්ක ඉන්න කොට උන්ගේ පැත්තේ

අනේ ජනාධිපතු තුමා තරහා ගන්න එපා ඇහුවට...

අපෝ නෑ මාතේ.. මම මල පොලොන්නරුවේ තියලා හිටන් කොළඹ ආපු හාදයා නේ... 

මට කියන්න පුළුවන්ද ඔබ තුමා කතා කරන්නේ මොන පැත්තෙන්ද කියලා..