ජනාධිපති තාත්තා - My President Father

බෝලයක් බස්සා වාහනෙට දාගත්තු අරුන්දිකයාට මඩු වල්ගෙන් නෙලන්න පටන් ගත්ත ගමන්, අරුන්දිකයා ඇහුවේ, මේකද ඔබ තුමාගේ ප්‍රජාත්තන්තරවාදේ කියලාය. මේ යකෝ මගේ ප්‍රජාතන්තර වාදයක් නෙමෙයි මේ තමයි චන්ද්‍රිකා මැඩම්ගේ ප්‍රජාතන්තරවාදේ කියා කියපු ජනාධිපති තුමා කිව්වේ, කෝටී 25 ක්ම නැතිව ගාන ගැන කතා කරගන්න තිබ්බ වෙලාවේ, තමුසේ මැඩම් එක්ක හැප්පෙන්න ගියානේ දැන් ඉතින් මගේ ප්‍රජාතන්තරවාදෙන වැඩක් නෑ, තමුසේ වෙන මොකක් හෝ කර ගන්නවා හිටන් කියාය. කෝටි 25 ක් දුන්නා නම් මේ කිසි අවුලක් වෙන්නේ නෑ නේ සෑර් කියාපු අරුන්දිකයාට ජනාධිපති තුමා කිව්වේ, තමුසෙ මේ මඟුලක් කතා කරනවා, පේනවනේ ගණු දෙණු කරන්න ගිහිල්ලා රනිල්ලා නාන නෑම, ඕවා කරන්න ගිහින් අන්තීමට, අගමැති කොමිසමක් දාලා තමයි වැඩේ නවතින්නේ කියලාය.

ගෙදර ඇවිත්, ඉතාම සරළ විදියට ජොකත් ගලවලා දාපු ජනාධිපති තුමා, හාන්සි පුටුවේ දිග ඇදුනේ, දවසේ පත්තර ටික බලන්න ඕනෑ නිසාය. පත්තරේ බැලුවේ නැත්නම් රට රන් වෙන්නේ නැති නිසා, මේ වැඩේ නොවරදාවම කරන ජනාධිපති තුමා, පුටුවෙන් උඩ ගිහින් බිම ඇද වැටුනේ පත්තරේ තිබ්බ නිව්ස් එකක් දැකලාය. ඒකේ තිබුනේ චතුරිකා දුව ලියාපූ "ජනාධිපති තාත්තා" කියලා ලියාපු පොතක් 15 වෙනිද පොත් ප්‍රදර්ශණේදි එලි දක්වනවා කියලාය.


සද්දේ නිසා එතනට දුව ආපු ජයන්ති නෝනා දැක්කේ නන්න පෝල් වෙලා පුක බිම ඇනගෙන පත්තරයක් දිහා බලාගෙන ඉන්නා ජනාධිපති තුමාය. සරළ වෙනවා කියා ඔහොම්මම සරළ වෙන්න ඕන නෑ අපේ මහත්තයා, හදිස්සියේ අර ඇමරිකන් ඇම්බැසිඩොර් අතුල් කේසාප් මහත්තයා හරි, රනිල් වික්‍රමසිංහ මහත්තයා හරි ආව නම් වස ලැජ්ජාව නේ මහත්තයෝ..., පුටුවට වෙලා පත්තරේ කියවන්න පුළුවන්නේ හිටන් කියා කිව්වාම, ජනාධිපති තුමා කිව්වේ, ඔහේ මේ මඟුලක් කතා කරනවා, ඊට වඩා ලැජ්ජා වෙන වැඩක් නේ දෝනියැන්දා කරලා තියෙන්නේ කියලාය.


අනේ යන්න මහත්තයා යන්න, ලැජ්ජා වෙන වැඩ කරන්නේ ඔහේගේ මල්ලිලා නේ, මම මේ දරුවෝ හදලා තියෙන්නේ රට්ටුන්ගෙන් කතන්දර අහන්න නෙමෙයි කියා ජයන්ති නෝනා මල පැනලා කිව්වාම, කොයි වෙලාවෙත් ඩිෆෙන්සිව් මූඩ් එකේ ඉන්න ජනාධිපති තුමා කිව්වේ, ඒක නෙමෙයි නෝනේ මේ බලන්නකෝ දෝනී කොරලා තියෙන වැඩේ කියලාය. පත්තරේට එබිලා නිව්ස් එක දැක්ක ජයන්ති නෝනා කිව්වේ. අපෝ ඕක ලැජ්ජා වෙන්න ඕන දෙයක්ය. ඕක අපේ පවුලටම ආඩම්බරයක් නේ කියාය. පොතක් ලියන එක කරන්න ඕන හරි නම් පුතෙක්. ඒත් ඉතින් එහෙම එකක් දුවෙක් කලාම තාත්තා කෙනෙක් ආඩම්බර වෙනවා මිසක් ලැජ්ජා වෙන්නේ හවල් එකටය හිටන් කියලාය.


ඔහේට තේරෙන්නේ නෑ නෝනේ මේවයේ තියෙන බැරෑරුන්කන් කිවාම, තවත් මල පැන්න ජයන්ති නෝනා ඇහුවේ, මොකක්ද මහත්තයෝ බැරෑරුම් කම කියාය. මේක මේ "ජනාධිපති තාත්තා" කියලම දාන්න ඕනය කියා ජනාධිපති තුමා කට ගන්නටත් කලින් මල පැනලා උන්න ජයන්ති නෝනා කිව්වේ, එහෙම නම් "ග්‍රාමසේවක තාත්තා" හරි "සමූපේ තාත්තා" කියලා දාන්නද කියන්නේ කියලාය. ඔය කතන්දරේ සද්ද නැතුව අහගෙන ඉඳලා එතනට කඩා පාත් උන චතුරිකාත් ඇහුවේ, නැන්තනම් ඉතින් "ලේඛම් තාත්තා", "ඇමති තාත්තා" හරි "ආප්ප කාපූ තාත්තා" කියලා දානද කියලාය.


මට පේන්නේ අම්මලා දූලා සෙට් වෙලා දීපු ගේමක්ද කොහෙදෝ කියා තමාටම කියා ගත් ජනාධිපති තුමා ඇහුවේ, දැන් ඉතින් ඕකේ මොනවය තියෙන්නේ හිටන් කියලාය. මොනවද ඉතින් මේකේ තියෙනවා, තාත්තා බෙලෙක් පිඟානේ කාපු හැටි. බෙලෙක් කෝප්පෙ වතුර බිව්ව හැටි. ජංගි නැතුව ජුන්ඩා එලියේ දාගෙන ඇලේ පැන්න හැටි, ඒවට නම් පොඩ්ඩක් ලැජ්ජා වෙන්න වෙයි කියා චතුරිකා කිව්වාම, මං පොඩි කාලේ කොහෙද පුතේ ඔහේ උන්නේ, ඔහේ තියා ඔහේගේ අම්මවත් මාව ඒ කාලේ දන්නේ නෑ..., කියා ජනාධිපති තුමා කිව්වාම, ජනාධිපති තාත්තාගේ දුව කිව්වේ, එහෙනම් තාත්තා අර "සන්නා" එක්ක ", "නයි ටී එන්" එකේ කිව්වේ බොරුද කියලාය. ආ.... මේ... අපේ සන්නා.... ඒ කිව්වේ, ඒ යකා අර වස්සාන සිහිණේ වගේ, ඒ යාකම ලියලා දීපු, ඒ යකාගේ පොඩි කාළේ කේස් ටිකක් නේ, ඒක නම් නැගලම ගියා නේද පුතේ, එහෙනම් ඒවා ඔහේ තිබෙද්දෙන් කියලාය.


තා ඉතින් මොනවද ඕකේ තියෙන්නේ හිටන් කියා ජනාධිපතු තුමා ඇහුවාම, ජනාධිපති තාත්තාගේ දුව කිව්වේ, අපි පොඩි කාළේ කිරි කොස් කාපු හැටි, දෙල් මැල්ලුම් කාපු හැටි, බට්ටා පැනපු හැටිත් ලිව්වා කියලයා. එව්වා නම් ලිව්වට අවුලක් නෑ, ඒත් අර බාප්පලා කොටු පනින්න ගිහින් පොරෝ පාරවල් කාපු ඒවා එහෙම ලිව්වේ නෑ නේද මයෙ පුතේ කියා ඇහුවාම, ජනාධිපති තාත්තාගේ දුව කිව්වේ අපෝ නෑ තාත්තා..., උන් ගැන ලිව්වොත් හෙම තාත්තගෙ සායම නෙමේ, අපේ මේකප් එකත් යනවා කියලාය.


හරි හරි දැන් ඔය පොත කාටද පිලිගන්නන්නේ හිටන් කියා අහපු ජනාධිපතිතුමාට, ජනාධිපති තාත්තාගේ දුව කිව්වේ, ජනාධිපති තාත්තට නැතිව මේක ඉතින් ජනාධිපති අප්පච්චිට දෙන්නත තාත්තා කියන්නේ කියා ඇස් දෙකේ කඳුළු පුරව ගත්ත චතුරිකා දැක්ක බටර් වගේ හදවතක් තියෙන ජනාධිපති තුමා, හරි හරි ඒකට මම එන්නම්කෝ කියා ගේ ඇතුලට ගියේ, මේ යෝදී කරන වැඩ නිසා සිද්ද වෙන්නේ, ජයන්ති නෝනටයි, අර අහිංසක අපේ අම්මටයි එක එකාගෙන් කතා අහන්න වෙන එක ඉතරයි කියාගෙනය.