රේඩියෝවේ "කිරුළ" - Kirula Radio

56 යේ දරුවෝ කියලා කට්ටියක් ඉන්නවාය. එයින් 56 ම ඉපදිච්ච එකෙක් මිලේනියම් පැංචෙක් අතින් මේ ලඟදි වල්පොල හන්දියෙන් අවසන් ගමනේ යියේය. මිලේනියම් පැංචා රට ගියේය. මේ පරපුරට බැනලා වැඩක් නැතිය. මේවා බිහිකෙරු එකාගේ වලට අදත් හෙන ගහනවාය. මාතලන්ට පෙන්නන්නම බැරිය. බයියෝ පාර්ලිමෙන්තු ගෙනාවේ මුන්දෑය. උන්ගෙන්ම කෑවේය. කොරේ පිටට මරේය පප්පා මදාවියොත් ගෙනාවෙය. අද එහි උච්චම අවස්ථාවට පැමිණ ඇත්තේය.

56 මතක් වූයේ එහෙම එකක් තියෙන නිසාය. හොඳ පිචැර් ආවේ 70 දීයි කියන්නේය. සින්දුත් එසේමය. ඉන්ගිරිස් සින්දු වල හොඳම කාලේ 80 (එයිටීස්ය.) ය. ඉස්කෝලවලත් එහෙම කස්ටිය ඉන්නවාය. කොයි සේස්තරත් එහෙමය. පරණ කට්ටිය කියන්නේ දැන් සින්දු හරි නැතෙයි කියාය. මට නම් එහෙම ලෙඩක් නැත්තේය. ඒ අපෙ රසිකත්වය අමුතු එකක් නිසාය. අමරෙ මෙන්ම සුනිල් අය්යාත් අහනවාය, අමරසිරි මෙන්ම පුන්සිරිත් අහනවාය. වොලි බැස්ටියන් මෙන්ම නිහාල් නෙල්සනුත් අහනවාය. රුක්මනි දේවී මෙන්ම උමාරියාත් අහනවාය, ක්ලැරන්ස්, රූකා මෙන්ම චිංකිත් අහනවාය. ජෝති මෙන්ම බාති ත් අහනවාය. බෙග් මෙන්ම කල්හාරත් අහනවාය. නාමල් මෙන්ම ෂෙහානුත් අහනවාය. ශාස්ත්‍රීය මෙන්ම බයිලාද අහනවාය, විරහ මෙන්ම රැප් ද අහනවාය. දේශීය මෙන්ම විදේශීය ද අහනවාය. ඕන මලදානයක්, රස නම් විඳිනවාය. මා මෙන්ම, මගේ මිතුරන් දෙතුන් දෙනෙක්ද ඒ වගේය. ඒ උනාට මිතුරන් වැඩි පිරිසකට අලුත් ඒවා දිරවන්නේ නැතිය. සමහර විට අපි මරාගන්නවාය. ඒ උනාට තරහ වෙන්නේ නැතිය. ඒ අපේ හැටිය. අපි 80 ජැනරේසොන් එකය. ඒ කියන්නේ 80 ගනන් වල ඉස්කෝලේ ගිහින් ඉවර උන කස්ටියය. දැන්, උන්ට හරියන රේඩියෝවක් හදලාය. කියපු හැම එකාම දැන් අහන්නේ ඒකය.

අපේ සෙට් එක කලින් ඇහුවේ ලයිට් සහ ගෝල්ඩ් ඇෆ් ඇම්ය. ලොකු කමකට නෙමේය. හැදුන හැටිය. අනික කයිය අඩුය සින්දු වැඩිය. දැන් අහන්නේ අලුත් එකය. නම 'කිරුළ" ය. ෆ්‍රීකුවන්සිය "93.6" ය. හිස් නැති හිස් සඳහාය. සෑහෙන්න හොඳය. ගොඩක් යන්නේ 70-80 සින්දුය. ඉඳ හිට ඉන්ගිරිස් හා හින්දි ඒවාද යන්නේය ඒවාද අර කාළයේම ඒවාය. අපි ආදරය කළ, සුනිල් මාමා ලියපු, නන්දා නැන්දා ගයපු, (මගේ ප්‍රියතම හඬවල් වලින් එකක්ය. චන්ද්‍රලේඛා, ඉන්ද්‍රානී පෙරේරා ඊට පස්සේය.) එයාලා එහෙම දෙයක් කලා දැයි මතකවත් නැති සින්දුත් යනවාය. කතාව අඩුය. සින්දු වැඩිය. කිංස්ලිගේ වැඩක්ය. ඌ මට පොරක්ය. අපේ කාළයේ සිරසේ වීරයෙක්ය. රේඩියෝ කනපිට හරවපු පොරය. (පිටිපස්සේන් හිටියේ ලස්සපතිආරච්චිය.) අලුතෙන් ආපු උන් රේඩියෝවත් එපා කලේය. සම හරක්ට සිංහලත් බැරිය. ඉන්ගිරිස්ද බැරිය. අමු කුණුහබ්බ කියනවාය. දෙයියන්ගේ හාල් කැවිලාද කොහෙදය. අහන උන්ට දෙය්යන්ගේම  පිහිටය. බස් වල අනන්ත වලි දාගෙන චැනල් මාරූ කොරගෙන ඇතිය.

සිරසත් තවම හොඳය. උදේ 8-10 වෙනකම් හුරතල් කෙල්ලෙක් කැකිරි පලනවාය. නම නම් මතක නැතිය. අල්ලලා මිරිකන්න හිතෙනවාය. තවත් ඒවාත් හිතෙනවාය. ඒවා මේකේ ලියන්නට බැරිය. කොහොම හරි මම එයාගේ රසිකයෙක්ය. දවසම ආතල්ය. කිංස්ලි කලොත් ඉතින් අහන්න දෙයක් නැතිය. ඕනම දේකට ඕට්ටුය. මට නම් ලංකාවේ බිහිවූ හොඳම ගුවන් විදුලි නිවේදකයාය.(ආරියසිරි විතානගේ, ලලිත් එස් මෛත්‍රීපාල, ප්‍රේමකීර්ති, කේ ඩී කේ ඒ කාළේ වීරයෝය) මුකරි කටක්ය. වචන නයිල් ගඟ වගේ ගලනවාය. දැණුමත් එසේමය. ඕනම සබ්ජෙක්ට් එකක් ගැන දන්නවාය. නීතිග්නයෙක්දත් කොහෙදය. කොච්චර වැඩ කාරයා උනත් දවසක් රසිකයෙක්, පොරත් ඇන්දුවේය. ඒ කතාව කවුරුත් දන්නවාය. කලුනික කතාවය.

"කිරුළෙ" ත් පොර ඉන්නවාය. උදේ 8-10 වෙනකන්ය. සුරංගිත් ඉන්නවාය. සීන්දු දාන්න පෙර ඒ ගැන අමුතුම කතා කියනවාය. ඒවා නැගලාම යනවාය. බ්ලොග් වල ලියන්න නියමම ඒවාය. එකම එක කතාවක් කියා මගේ බයිලේ නවත්තනවාය.

සුරංගි මට හිතෙනවා මේ රේඩියෝ චැනල් වල පුරුෂ පක්ෂයට අසාධාරනයක් වෙනවා කියල
හ්ම්
නැ ඉතින් අපි කියවන කොට.. කාන්තා පක්සේ කරන්නේ හ්ම් හ්ම් කියන එකයි හිනා වෙන එකයිනේ
හ්ම්

ඒ උනාට එකම පඩිය එයාලටත් හම්බ වෙනවා

හ්ම්
දැන් ඔය සින්දුවලට කතෘ භාග ගෙවනවනේ
හ්ම්
ඒත් මේ ගීතයට කතෘ භාගේ ගෙවන එක සාධාරනද කියලා බලන්නකො
හ්ම්

මොකක්ද දන්නවද ගිය සින්දුව... ටී එම් සහ ලතා ගයන.. කේමදාස සංගීතවත් කල "මාල ගිරා" ගීතය..

බලාගෙන ගියාම ඇත්ත තමයි.. ලතා එක වචනයක්වත් කියන්නෙ නෑ.. "හ්ම්..හ්ම්".. කියනවා විතරයි...

සටහන - ඉරිදා උදේ 7 ට "රූපවාහිනි" ය බලන්න අපි පොඩි කාළේ රසවින්ද ටයි මාමා ගේ "දොස්තර හොඳ" හිත අපෙ පොඩි උන්ට පෙන්වන්න පුළුවන්