ගෑණුන්ට බය පිරිමි (නිලියන්ගේ ආගමනය) - Gynophobia

*** පොඩි උන් කියවන්න එපා....

මේ පාරත් සුපුරුදු පරිදිම, නෑදෑ හැත්ත බුරුත්තම මනාපේ ඉල්ලන්න එනවාය. ඒ අව් අස්සේ නළු නිළියෝද ගේමට බැහැලාය. හිරුනිකාත් ගේමට ඇවිල්ලාය. අපේ උන්ට නළුවෝ හා ගායකයෝ ආවාට අවුලක් ඇත්තේ නැතිය. ඒත් හිරුනිකාලා, නිළියෝ හා ගායිකාවෝ එන එකට, පොලු කෙලින් කරාගත් නෂ්ඨ කාම කාරයෝ ෆේස්බුක් පුරවනවාය. කාටුන් කාරයෝ කාටුන් අඳිනවාය. පුවක් පත් කත්තුරුලා කත්තුරු වාක්කි ලියනවාය. වයර්ලස් එකෙයි, මෝඩ පෙට්ටියෙයි, එනවුන්සර්ලා කින්ඩිය දානවාය. මේ ඔක්කෝම පිරිමිය. තවම එක කාන්තාවක්වත් මේවාට විරුද්ධ වෙලා නැතිය. එහෙම විරුද්ධ වෙන උන් ඉන්නවා නම් උන් කාන්තවන් නොව පට්ටි එළදෙනුන්ය.

දැන් කොහොමත් තියෙන්නේ නසරානී දේශපාළණයක්ය. ජරාජීර්ණ වූ දේශපාළණයක්ය, දේශපාළණය නොව මුළු සමාජයම එසේමය. හැම එකාම බලන්නේ, තමන්ගේ පවර් එක පෙන්නන්ය. සම හරක් එහෙම කියනවා කියා, යාපා අබේවර්ධනලාගේ මනාප ඉල්ලන පුතෙකුට මල පැනලා, අම්බ ටෝක් එකක් දෙනවා ටැලිවිසොන් එකේ දැක්කේය. 

ඌ කියන්නේ පාක්ෂිකයන්ට රස්සාවල් දෙනවා නම්, පලාතේ පාර හදා දෙනවානම්, මාරුවීම්, උසස්වීම හා පත් කිරීම ලබා දෙනවා නම්, මේක ජරා දෙශපාළණයක් වන්නේ කොහොමෙයි කියාය. ඒ ගොන් නාම්බාට අපට කියන්නට තියෙන්නේ, දේශපාළණය ගූ ගොඩක් කියන්නේ ඔය හේතූන් නිසා තමයි කියලාය. හැම එකාම දේශය පාළණේ කිරීම හැර අනික් හැම දේම කරනවාය.

මේ රටේ පාලකයෝ, නායකයෝ හා ඇමතිවරු කප්පරක් බිහිවෙලා උන්නත් රටට වැඩක් කරලා තියෙන්නේ කීප දෙනාය. 77 කලින් වැඩි දෙනෙක් උන්ටවත් මක්කාත් නොකරගෙන මිය පරළොව ගියේය. ඒත් 77 පස්සේ, "පාර්ලිමන්ට් කොම්පැනි ඇන්ඩ් ප්‍රයිවට් ලිමිටඩ්" හී සේවයට පැමිණි හැම එකාම, රටට මක්කා නොකලත්, හත් මුතු පරම්පාරාවම ගොඩ දා ගත්තේය. වාහන එපා කියා ආපු ජෙප්පෝත්, අද වාහන ගැන හාම් හූම් සද්දයක් නැතිය. ඇමතිකම් කරපු කාළයේ, පක්ෂයේ සාමාජිකයෝත්, අමාත්‍යශවල වාහන, ගෙවල් වල පවා අරගෙන ගියෝය.

විශේෂයෙන් 94 පස්සේ ආපු සැටලයිට් නෝනාත්, එයාගේ අමාත්‍ය මණ්ඩලයත්, විස්කි බිබි, කාමසුඛල්ලිඛානූ යෝගයේ යෙදුනා මිස, රටට කරපු කෙන් ගෙඩියක් නැත. ඩී ඇස්, ජේ ආර්, ප්‍රේමදාස ගෙන් පසු රටට වැඩක් කලේ රාජපක්ෂලා විතරමය. මහින්ද මහත්තයාත්, 94 පටන් මෙළෝ දෙයක් නොකල ගොන් බූරූ ඇ මැට්ටලා ටිකම තියාගෙන ඉන්නේ මොළේ නරක් වෙලා වෙන්න ඇතිය. මේ කාළකන්නි ටික එලවලා, අළුත් උන්ට තැනක් දුන්නා නම්, අඩුගානේ මක්කා හරිම වෙනවාය.

ඒවා පැත්තක තියෙද්දි මේ කතා කොරන්න යන්නේ, හිරුනිකා, අනර්කලි, ගීතා, නදීෂා, ගයේෂා, රුවන්ති මංගලා හා ජින්ජර් මනාපේ ඉල්ලන සීන් එක ගැනය. අපේ සත් ගුණවත් වීර සිංහල සිංහයන්ට, මේ ඔක්කෝම පට්ට වේසියෝය. හිරුණිකා තාත්තා මරාපු පක්ෂෙන්ම ඉල්ලන නිසා එයත් වේසිය. එයා ෆොන්සේකාගේ පක්ෂෙන් ඉල්ලුවානම් විහාර මහා දේවියය. එතකොට මනාප ඉල්ලීමේ කිසිම ප්‍රශ්නයක් ඇති වන්නේ නැතිය.

කාන්තාවෝ දේශපාළණයට ආවේ අද ඊයේ සිට නෙමේය. මෙළෝ දෙයක් නොකර කුස්සිය අස්සේ ගොස හැංගුන සිරිමාවෝ, ළොකයේ ප්‍රථම අගමැතිනිය උනේ මේ සිරි ලංකාවේමය. එයා දේශ පාළන්යට එන්නා කලින් මෙළෝ මළදානයක් කරලා තිබුනේ නැතිය. ඒ උනාට මේ එන නිලියෝ, ඔක්කෝම දැනගෙන එන්න ඕනාය. පැෆරල් එකද මොකක්ද මළදානෙත් කියන්නේ ඒ කතාවමය.

උන් කියා තිබුනේ දේශපළණයට එන්නා ඕනා, දැන උගත් විනයක් හා අත්දැකීම් ඇති පිරිසක්ය කියලාය. එතකොට දැන් ඉන්න උන්ට තිබෙනා දේශපාළණ දැනිම, පාරලිමේන්තුවේ ගහන බයිලා වලින් පෙනෙනවාය. විනය කෙසේ වෙතත්, තනයක් දැක්කොත් නම්, විකාගෙන විකාගෙන යනවාය. එක්ස්පීරීයන්ස් කෙසේ වෙතත්. නගර සභාවේ, පලාත් සභාවේ, පාර්ලීමෙන්තුවේ සැසිවාරයකටවත් සහභාගි වෙන්නේ නැතිය.

මේවාට පවතින ජනාධිපති ක්‍රමයත් සම්පූර්ණයෙන්ම වග කිව යුත්තේය. කිසිම කෙනෙකුට කිසිම දෙයක් කිරීමට නොහැක. ඇත්තේ වැඩවසම් ක්‍රමයටත් වඩා අන්ත ක්‍රමයක්ය. එහෙම ක්‍රමයක් යටතේ, නිලියෝ විතරක් නොව පොන්නයෝද ඉල්ලුවාට, මට නම් අවුලක් නැත්තේය. ආන්ඩු පක්ෂේ ඉන්නේත් වැඩි පිරිසක් එහෙම අයය. රටේ ගොබ්බ සේනලා මල අතට අරගෙන තියෙන්නේ තමන්ගේ පුරුෂාධිපත්‍යයට කෙලවෙන නිසා මිස වෙන මගුලක් හින්දා නෙමේය.

උන්ට කුඩු ගේන අගමැති කෙනෙක් හිටියාට කිසි අවුලක් නැතිය. බඩු ගහනවා කියා පාර්ලීමේන්තුවේ හැන්සාඩ් එකෙත් ලියනා උන් ගැන, කිසි අවුලක් නැතිය. රටේ සංස්කෘතික ඇමතියා බඩු ඉස්පොට් එකේ සිට මාට්ටු වූවට, කිසි අවුලක් නැතිය. ඒකටත් වැරදි ජීනා මැඩම්ය. තව එකෙක් බැල්කනි මාරු වෙන්න ගිහිල්ලා, කකුල් කඩා ගත්තාට කිසි අවුලක් නැතිය. තව එකෙක්ගේ හොර ගෑණී, ඌගේ ගෙදර ඉස්සරහට ඇවිත් වහ බීලා මිය ගියාට, කිසි අවුලක් නැතිය. තව එකෙක් කෝටි ගනන් හම්බ කලාට වගේ වගක් නැතිය. හැම එකාම බඩු ගැහුවාට, හොරකම් කළාට, රේප් කේස් කලාට කිසිම අවුලක් නැතිය. වැරදි කාරයෝ, රේප් වෙනා උන්ය. 

සින්දු කියාපු එකෙක් ආන්ඩුකාරයෙක් වෙලා ඉන්නවාය. ඒ උනාට සින්දු කියන එකියක් මනාප ඉල්ලන්න එන එක රටේම පාප කර්මයක්ය. පක්ෂේ මහ ලේකම්, දොස්තරලා ඉස්සරහා විරිඳු කියනවාය, ඒවට කිසිම කතාවක් නැත්තේය. කස්ටියටම එයා හීරෝ වෙනවාය. ඒ උනාට, පබා, දිල්කා එක්ක, බයිලා ගැහුවාම ඔක්කෝටම මල පනිනවාය. අගමැති වෙන්න පෙරුම් පුරන උන්, අමාත්‍යාංශයේ සැටියේ බඩු ගහලා, නෝනාගේ අතටම අහුවෙනවාය. ඒ උනාට, නිලියෙක් වෙන එකෙක් එක්ක ගිහිල්ලා උන්නොත්, ඒක පට්ට වේසිම වෙනවාය. අරූ අනාගත අගමැති කමට උනත් සුදුසුකමක් සපුරා අවසානය.

මේ සිඳුවන්නේ කිසිවක් නොවේ. පුරුෂාධිපත්‍ය අහිමි වීමේ අඳෝනාවයි. මේ කෑ ගහන හැම එකාම මේ නිලියන්ගේ රුව දැකීමෙන්ම පමනක් කම් සුව විඳිනා රෝගීහුය. උන්ට මොවුන් හා නිදි වැදීමට මුදල් නැත. එක්කෝ ගෑණිට බය නිසා හොරෙන් වත් මුන් දිහා බැලිය නොහැක. මුන් තියා ගමේ ඉන්න කෙල්ලෙක් එක්කවත් නිදා ගැනීමේ පිනක් ඇත්තේ නැති උන්ය. එහෙම පිනක් ලැබුනත් කට්ට කළුවරේ ඇඳුම් පිටින් සෙක්ස් කරනා උනය.

ජීවිතයේ කම් සැප ලබන එකා, අනුන්ගේ කම් සැපතට ඊරිසියා කොරන්නේ නැතිය. තම මහන්සියෙන් දියුණුවෙන එකා, අනුන්ගේ දියුණුවට ඊරිසියා කොරන්නේ නැතිය. නිකන් දෙනකන් කන්න බලාගෙන ඉන්නා කාළකන්නින්ට වඩා, මේ කෙල්ලෝ කුමන ක්‍රමයෙන් හෝ තම ජීවිත ජය ගන්නා ළද මිනිසුන්ය. උන්ගේ පෞදගලික ජීවිත අපට අදාල වන්නේ නැතිය. උන්ගේ පෞද්ගලික ජීවීත ගැන හොයනවානම්. දේශපාළණයේ එකම පිරිමියකුටවත් ඉන්නටත් බැරිය. ගැණුන්ගේ පතිවත සොයනා කාළකන්නින්ට, මේවා දරාගැනිම බොහෝ සෙයින් අමාරු වෙනවා නොඅනුමානය.

මට තිබෙනා ප්‍රශ්නය අගමැති තනතුරට ගීතා කුමාරසිංහ පත් උනොත් ඇති වැරද්ද කුමක්ද කියාය. මොකෝ ඇග්මැතිතුමාත්, ගීතාත් ගහන්නේ එකම වරගයේ බයිලාවන්ය. සෞඛ්‍ය ඇමති කරන්නේ බෙර ගහන එකයි, විරිඳු කියන එකයි නම්, ඒ වෙනුවට ජින්ජර් පත් උනාම මොකෑ කියාය. 2500 පවුලක්ටම කන්න පුළුවන් කියන හරකාට වඩා, හාල් කිලෝ එකේ ගාන නොදන්නා, ජීවන්ගේ දුව ආවත් මට නම් වෙනසක් නැත්තේමය. අජ්ජාපනේ කන හල්පාරුවෝ සැට් එකට වඩා, මේළෝ අජ්ජාපනයක් නැතේ කියන නිලියක් දැම්මොත්, අඩුගානේ ඒ ලෙවල් කොරන උන්වත් පොඩි ආතල් එකක් ගන්නවා ඇත. බඩු කාරයන් වෙනුවට, ගොන්නුන් යැයි කියා පරිබව කරනා පිරිසක් පත්වීමේ වැරැද්ද මොකක්ද කියා මට නම් තේරෙන්නේ නැතිය.

අවසාන වශයෙන් ජනාධිපති තුමාට කියන්න තියෙන්නේ. මේ ඡන්දයට මනාප තුනක් මදි කියලාය. ඉවාන් පවුලූෂා කියනවා වාගේ, ඉන්න කෑලී ගානට හරියන්න, මනාප ගාන ඇජස් කර දෙන මෙන් කරුණාවෙන් ඉල්ලා සිටිනවාය. මේ ඉල්ලීම කරන්න ඔනේ මගෙන් නොව, අර රාජගිරියේ ඉන්නා කොතවරණ මැමසාරිසාගෙන්ය කියා, ඔබතුමා මට කියන්න ඉඩ තියෙනවය. මට කියන්න තියෙන්නේ අනික් උන්ට විහිළු කලාට, මට විහිළු කරන්න එපා කියලාය. ඒ මොකෝ, සුමනදාසය දෙන දින වකවානු අනුව, විසුරුවන දිනෙයි, නාම යෝජනා දෙන දිනෙයි, මැතිවරන තියන දිනෙයි, තීරණය කරන්නේත් ඔබ තුමා කියා මා හොඳිනම දන්නා නිසාය.

සිරි ලාංකිය සුචරිතවාදියාගේ නිරුවත..