ඔපරේෂන් සුදු කැස්බෑවා - Missing Turtle

සුදු කැස්බෑවා කෙළබෑවා කියා පත්තර වල, ටී වී වල හැම එකාම කප්පරක් ඒවා ඇද බෑවාය. අමල් පෙරේරා කිව්වේ කැස්බෑවාට ගානක් කිව්වාට, ඌව මකබෑවා වැඩේට එයාගේ සම්බන්දයක් නැතෙයි කියාය. සම හරක් පඩත්තල වේස කොල්ලෝ කිව්වේ, මුජිත විනි, කැස්බෑවාට ගෙම දුන්නා කියාය. අන්තීමේදි, කැස්බෑවා, අයිතිකාරයාගේ දුවගේ ගෙදර ඉඳලා හම්බ උනා කියා, කවදත් සත්‍යම පමණක් කියනා පොලිස් ප්‍රකාසොක මහතා දෙසාබෑවාය.

ඒ උනාට සම හරක් කියන්නේ, මේ ඒ කැස්බෑවා නෙමේ කියාය. මේකත් හරියට.. අර මිහිඳු හාමුදුරුවෝ ඇවිත් අහපු ප්‍රශ්ණ සැට් එක වගේ වෙලා තියෙනවාය. එතකොට, මේ කැස්බෑවාත් ඒ කැස්බෑවාත් ඇර තවත් සුදු කැස්බෑවෝ ඉන්නවාද..? කියා පොලිස් ප්‍රකාසකගෙන් අහන්න එකෙක් වත් නැතිය. මේ සෙල්ලම් හරියන්නේ නැති නිසා, මාතලන් තීරනයකට පැමිණියේය.

මාතලන්, කෙලින්ම කැස්බෑවා සමඟ බ්ලොග්පත් සාඛච්ඡාවක් පැවත් වූවේය. දැන් මේක අමු කෙප්පයක් කියා සම හරක් කියන්න පුළුවන්ය. මා සතුන් එක්ක කතා කරන්න ඉගෙන ගත්තේ ඩොක්ටර් "ඩූ ලිට්ල්" ගෙන්ය. ගැටළුවක් ඇතොත්, ඒ සහතිකය ඕනෑම වෙලාවක ඉදිරිපත් කොල හැකිය. මේවා සෝබෝන් වගේ බොරු ඒවා නෙමෙය. පහත් පළවන්නේ කැස්බෑවා හා මාතලන් කළ සංවාදයය.

හොහෙද මචෝ උඹ ගියේ....?
ගියා මචං... කීප තැනකටම ගියා... ඒත් වැඩක් උනේ නෑ. අන්තීමට මෙහාට ආවා....
දැන් සම හරක් කියනවනේ, නැති උන එකා උඹ නෙමෙයි කියලා...
සම හරක් නම් එහෙම කියනවා තමයි, ඒත් ඉතින් මම දන්නවනේ ඒ මමම තමයි කියලා....
දැන් ඔය උඹ උස්සපු කතාව ඇත්තද...?
පට්ට බොරුවක්නේ මාතේ. මාව උස්සන්න මම බබාද..?
එහෙනම් මොකක්ද උනේ...? මොකක්ද ඇත්ත කතාව....?
උඹ මෙහේ ආපු එක හොඳයි.. නැත්නම් මේ එක එකා නිකන් අමාරුවේ වැටෙනවා, මේක දැක්කහමවත් කස්ටිය තේරුම ගනියි මක්කද උනේ කියලා..
ඉතින් බයිලා නැතුව කියහන්කෝ කතාව...
උඹ දන්නවනේ මගේ වටිනාකම කීයද කියලා.?
ඔව් දන්නවා..
ඒත් ඉතින් දන්නේ දැන් නේ.....?
ඒක ඇත්ත..
උඹ කලින් දැනගෙන උන්න නම්..., එහෙනම් උඹ උනත්, මට ගේමක් දෙන්න ඉඩ තියෙනවා....
ඒක ඇත්ත....,කවුද බන් දන්නේ ඈලි පොරවල් මෙච්චර වටිනවා කියලා...., අපේ ගෙවල් ගාවත් ඈලි පොරක් ඉන්නවා....., ඌත් දැන් හෙන ගනන් උස්සලා ඉන්නේ.. බොඩි ගාඩ් කෙනෙකුත් දාගෙන එහෙ මෙහෙ යන්නේ..
මේක අස්සටම වෙලා ඉන්නවට වඩා මටත් හිතුනා පොඩි ආතල් එකක් ගන්න ඕන කියලා. අර කොල්ලුපිටියේ නයි නංගිගේ නයා වගේ..
ඉතින්..
ඉතින් මම ඉස්සෙල්ලම ගියේ කවුරුත් යන කොල්ලුපිටියේ මහ රජා හම්බ වෙන්න..මහ රෑම මම ගිහින් ලොක්කා හම්බ උනා.. එයා පොඩ්ඩක් බය උනා..
අර මොකෝ....?
පස්සෙ කියන්නම්කෝ..., අහගෙන ඉදහන්කෝ කළබල වෙන්නේ නැතිව.. ..
ඉතින්..
එයා කිව්වා.. උඹ නිකන් මට දෙයියෝ එව්වා වගේ, මට පොඩි උදව්වක් කරහන් කියලා..
ඉතින්..
එහෙම කියලා.. එයා මට රහසක් කිව්වා....
ඒ මොකක්ද ඒ...?
රහස් කියන ඒවා එහෙම කියනවද බන්..
ඉතින් ඉතින්..
ඉතින් මම කලේ ඊට පස්සේ අමල් පෙරේරගෙ ගෙදර ගියා...
අම්මට හුඩු එහෙනම් කතාව ඇත්ත..
මොන කතාවද..?
අමල් තමයි උඹට ගේම දුන්නේ කියලා..
මොන පිස්සුද බන්.. පොර මාව බලන්න කීප සැරයක් ආපු නිසා, මට හිතුනා පොර බලන්න යන්න ඕන කියලා..
ඉතින් ඊට පස්සේ..?
"ඉතින් ඊට පස්සේ..." කියන්නේ, චිත්‍ර කතාවක් නේද....?
ඔව්.. ඔව්... උඹ කතාව කියහන්කෝ..
අමල් කිව්වා... "විගහට පලයන්, මම මාර අමාරුවක වැටිලා ඉන්නේ.., උඹ මෙහේ උන්නොත් හෙම, මට වැලිකඩ තමයි සින්දු කියන්න වෙන්නේ...." කියලා..
අම්මට හුඩු, පව් ඔයි ඌ..
කව්ද..?
අමල්..
ඊට පස්සේ මම ගියා මගේ මොල්ඩිව්ස් යාළුවෙක් ගාවට..ඌ කිව්වා, "පැත්ත පලාතේ එන්න එපා...., මට මෙහේ ක්ලබ් ගානේ ගිහින් ආතල් ගන්නවත් බැරි වෙනවා.... උඹ හදන්නේ මගේ වීසා එකට කෙලින්නද....?" කියලා..
හරි හරි..
පොලිස් කාරයන්ගේ ගෙවල් වලත් ගියා.. උන් කිව්වෙත් ඔය කතාවමයි.. "ඇමරිකාව හොයන ත්‍රස්තවාදියෙක් තියාගෙන උන්නත්.., උඹව නම් තියා ගන්න බෑ.... ආපු අතක් බලාගෙන පලයන් යකෝ....", කියලා..
ඉති.......................න්...?
පස්සේ මම මහන්සි කියලා බලන්නේ නැතුව ගියා මොණරාගල..
අප්පට හුඩු මොණරු බලන්න වෙන්න ඇති.. මොණරු බලන්න එහේ යන්න ඕන නෑ.... දැන් මොණරු බලන්න හුඟක් අය යන්නේ මත්තල.. මොකෝ, සුද්දොන්ට යාල කැලේ දූවිලි නාගෙන යන්න ඕන නෑ කියලා, උන් එනවා ප්ලේන් එක ගාවටම..
අප්ප්ට සිරි ඒකත් එහෙමද..?
ඔව් බන්.. එහෙම ඇවිත් පොඩි අනතුරක් උනාම.. මේ පඩත්තල කොල්ලෝ, වලත්ත කතා කියලා, ෆෙස් බුක් එකයි, ගොසිප් සයිටුයි පුරවනවා..
මම ගියේ නම් මොණරු බලන්න නෙමෙයි.
එහෙනම්....?
මුජිත විනි හම්බ වෙන්න.. එයා වන ජීවීන්ට, දුර්ලබ සත්තුන්ට මාර ආදරේලු නේ....?
ඒක ඇත්ත.. මමත් අහලා තියෙනවා.. නැති වෙච්ච අලි පොත හොයා ගත්තෙත් පොරනේ....
එයත් කිව්වේ අමල්ගේ සින්දුවම තමයි.. "අපොයි ගොයියෝ.... මාවා ඝාතනය කොලත්, පොඩි කාලේ ඉඳන් අමාරුවෙන්... මහ ඇමති කමත් පූජා කරලා හදා ගත්තු, මගේ කීර්ති නාමෙද මක්කද එකක් නැති කරන්නේ නැතිව ආපු තැනකට වහන් වෙයන්....." කියලා..
හිතා ගන්නත් බෑ....... ඔච්චර වටින පොරක්, ඇමති කෙනෙක් එහෙම ලේසියෙන් අත අරියි කියලා..
සමහර වෙලාවට මට වඩා වටින් උන් එයාට ඇති..
සමහර වෙලාවට එහෙම වෙන්න ඇති..
දැන් ඉතින් මට හොඳටම මහන්සියි.. බඩත් ගිනියි.. ඒ පාර මම කලේ මාව හදාගත්ත එකා ගාවටම ආපු එක..
අප්ප්ට බොල....
ඌ කියාපි, "යකෝ තෝ නැති උනානේ... දැන් ඉතින් මෙහේ ඉන්න බෑ.... මම පොලිසියේ විතරක් නෙමෙයි, ඉන්ටපෝල් එකෙත් ඇන්ට්‍රි දාලා තියෙන්නේ... උඹ ගිහින් දූලගේ ගෙදර නැවතියන්...." කියලා..
මාර රවුමක්නේ..?
ඉතින් අන්තීමට මම දුවගේ ගෙදර ගියා....එහේ ඉඳන් පොලීසියට කෝල් එකක් දුන්නා මගේ වැඩේ ඉවරයි.. මම දැන් මෙහේ ඉන්නේ කියලා..
වැඩේ කිව්වේ...?
ලොක්කා කිව්ව වැඩේ..
ලොක්කා මොනවද උබට කිව්වේ..?
"බන්දුලලා, ඇස් බීලා, විමලෙලා, මර්වියලා ගහන බයිලා දැන් නැගලා යන්නේ නෑ.. අර මහ බැංකුවේ කබර රාල, කෙප්ප ගනන් හිලව් දීලා, එක තැනකින් වත් ණයක් දෙන්නේත් නෑ.. බඩු මිල ජොනියට තියා, වයිමටවත් කොන්ට්‍රොල් කර ගන්න බෑ.. ඒ නිසා, පලාත් සභාවක් විසුරවනකන් පොඩි ආතල් එකක් දියන්.. ටික කලකට දන්න තැනකට ගිහින්, වහන් වෙලා හිටහන්, එතකොට අපේ ගොන් හරක්ට වගේ වගක්  මතක නැතුව.. ඔක්කෝම උන් උඹ ගැන කතා කොරයි... මට මේ උදව්ව කරහන්.. මම උඹට ඕන දෙයක් කොරලා දෙන්නම්..." කියලා
ඉතින්...?
ඉතින්... මමත් අමල් වගේම බුලත් කොලේට මනාප නිසා, කොහොමෙයි බන් ලොක්කගෙ කීමක් අහක දාන්නේ..????? 

-x-