නඩු බැලවීම - Re Action

කළ හොඳ පස්සෙන එළවනවා කියන්නේ නිකමට නෙමේය. ඇමරිකාව ප්‍රමුඛ බටහිර ඉන්න කට්ටිය වාරයෙන් දෙකෙන් යන නිසා පිස්සු කෙලින්නට වෙලාවක් නැතිය. එක වාරයක් අවුරුදු හතරක් වගේ නිසා කාලයත් අඩුය. අනික මොකා ආවත් තීරණ ගන්නේ රහස් සංවිධානයකින්ය. ඒවාට විරුද්ධව යන්නට ලොක්කන්ටත් බැරිය. එහෙම වෙන්න ගිය අයට මූනිස්සම් රස බලන්නටද වුනේය. මේවා පාලකයන්ට පමණක් නොව නිළධාරීන්ටද අදාලය.

මෑත කාළයේ සදාම් මහත්තයට ඉස්සෙල්ලම කෙල උනේය. ඊට පස්සේ ටියුනිසියාවෙන් පටන් ගෙන ලිබියාවටම ආවේය. දැන් ලබ්බට තියපු අත සිරියාවටද තියන්නට යන්නේය. අපිට තියෙන්නේ බලන් ඉන්නය. මොලේ තියෙන උන් පැන ගියේය. සම හරක් යටත් උනේය. උන් නම් හරක්ය. පැනල ගියපු ඉඩි අමීන් තාමත් ආතල් එකේ ඉන්නවාය. ගඩාෆි ලොක්කටත් තිබුනේ පැනලා යන්නය. එහෙම ගියානම කැරලිකාරයෝම ආයෙත් ගඩාෆී ඉල්ලනවාය. අපේ ප්‍රේමදාස ඉල්ලනවා වගේය. මැරුනම ඩෝං පටෝං දමා පොලි කිරි දා බත් ද කෑවේය. දැන් මල් මාල දමා පිලිගන්නවාය. ඒ කාළේ නිධන් හාරනා කාගේදෝ පුතාය. දැන් දුප්පතාගේ හිතවතාය.

මෙව්වා මතක් උනේ හිටපු සී ජේ අඬනවා දැකලාය. කවුද මූසලයෝ 75 දෙනෙක් පොරට ගේමක් දෙන්න සෙට් වෙලාය. එව්වා කොහෙද මාත් එක්ක කියා අසනවාය. සුද්දගේ අධිකරණයටත් යන බව කියනවාය. අම්මපා යන්න වෙනවාය. මොකෝ උන්නැහේම මෙහේ අධිකරනය කෑවේය. තවත් කන්න දෙයක් නැත. කොහොමත් සරත්ලාට කාලයත් හොඳ නැතිය. කෝන්ගහටත් කෙලවෙලාම ගියේය. දැන් මොන ගහේද කියා දන්නේ නැතිය. මුන්නැහේ දැන් ටී වී එකෙන් ධර්මය දේශනා කොරනවාය. ඒ කාලේත් ධර්මයෙන්ම් දුන්නේය.

ලෝයර් කෙනෙක් නැතුව ඇවිත් නඩු කතා කොරන්න ගියපු එකෙක් ගේ අඬු කැඩුවේය. නිවන් යවන්නට පෙර ඌ රට පැන ගත්තේය. මෙයාගේ හෙන්චයියෝ නඩු බලවලා නිකන් හිටියේ නැතිය. ක්‍රේප් ද මොකක්ද එකක් කලේය. ඒකට කියන්නේ දූෂණය කියාය. නීතීයේ දෙව් දුවගේත් රෙදි ගැලෙව්වෙය.පාතාලේ උනුත් සාක්කුවේ සිටියේය. වැඩිදුර විස්තර ඕනෙම නම් රාවයේ වික්ටර් ගෙන් අසා ගත හැකිය. අයිවන් නම් මුන්නැහේට අඳුකොල වගේය. බුද්ධිමත් පොරක්ය. බලේ නිසා ලොව සමහරු මුලාවේ රෝගය ගැදුනේය. බුද්ධිය යට ගියේය. මමත්වය ඉහ වහා ගියේය. එපා කියන පොලිටික්ස්ද කෙරුවේය. ජනරාල් ආවේ නැත්නම් ජෙප්පෝ ගේන්න හිටියේ මුන්නැහෙය. අද තනි වෙලාය. ප්‍රෙස් එක නැති ප්‍රෙස් කොන්පරන්ස් තියනවාය. කළ හොඳ පස්සෙන් එනවා කියන්නේ ඕවාටය. ඒ වගත් මෙසේය....

චෞර රැජිනගේ කීකරු බලු කුක්කා              ය

දියවන්නාවේ ලව් කළ පෙම් කුමරා              ය

එල්මෝ පෙරේරා නොමරා මැරුවේ             ය

මහ රැජිනගේ වසරකටත් කෙලියේ               ය

උනා දමා නීතීයේ දෙවගනගේ රෙද්              ද

අධිකරණය බල්ලට දැමුවා නේ                    ද

බලයේ ඉන්න විට කරණා යම යුද්                ධ

අද තනියෙන් බන දෙසමින් විඳිනව               ද

හැත්ත පහ නෙමේ ඔක්කොම එකතු වෙ      ලා

නඩුවක් දමා දඟ ගේ ඇතුලට යව                 ලා

කල පවු විඳින්නට ඉඩ කඩ සලසා                ලා

සැනසෙන් මැති සඳේ නඩුවක් බලවා           ලා

.o0O0o.