කොට කලසන් (ගෑල්ලමයින්ට පමණයි) - Shorts (For Girls Only)

කොට කලසන් (කලිසම) ගැන ලියන්න කියලා, අපේ හාමිනේගෙන් හරි බරේ බරේ. ඒයා බොග දාන්නේ නැති නිසා. මම දාන බොගේ තමයි එයා කැමති ඒවත් දාන්න ඕන. හැබයි හාමිනේගේ පොස්ට් තම්යි හොඳ හිට්ස්. බොහෝ ඒවා 4500 ත් පැනලා. එයාගේ අදහස් උනාට, ලුනු ඇඹුල් එහෙම දාලා ලියන්නේ මේ පිළිබඳ මහාචාර්ය පදවියකින් පුද ලද, නොබෙල් ත්‍යාගය සඳහා පවා නිර්දේශිත, මාතලන් තමයි. මමත් ගෙදරට අඳින්නේ කොට කලසම තමයි. ඒක මට සරමටත් වඩා පහසුයි. එකම එක සරමයි තියෙන්නේ කවුරු හරි ආවොත් දෙන්න.

ඉස්සර සුද්දියෝ විතරක් ඇන්ද කොට කලසන් දැන් අපේ කෙල්ලොත් අඳිනවා. කොළඹ පැත්තේ, නුවර පැත්තෙ නම් හෝ ගාලා. හැබැයි ඉතින් අනිත් හැම දේ වගේම, තමන්ගෙ ඇඟේ හැඩයට, වයසේ හැටියට, තැනේ හැටියට, අඳින්න දන්නේ නැති එක තමයි එකම වැරද්ද. මට පෙන්නන්න බැරි දෙයක් තමයි, මේ පිරිමි කොට කලසන් ඇඳන් පන්සල් යන එක. බලන්න.. කාළකන්නි, ට්‍රිප් යන ගමන්, බෞද්ධයන්ගේ මුදුන් මල්කඩ බදු, දලදා මාලීගාව වඳින්න එන්නෙත් කොට කලසන් ගහලා. එතන ඉන්න උනුත් පොල් බූරූවෝ. සුද්දා එහෙම ආවොත් ඌට සරමක් අන්දනවා. අපේ එකා, ආතල් එකේ යනවා. සුද්දා අපිව මරාගෙන කන්න හදනවා. උඹලට හොඳනම් අපිට නරකද කියලා.කල්පනා කරලා බලන්න වෙන එකම සිද්ධස්ථානයකටවත්, ඒ වගේ එනවද කියලා. මේකනම් වහාම නවත්වන්න ඕන දෙයක්. අපේ හාමුදුරුවරුන්ටත් සල්ලි හම්බ වෙනවනම් හෙළුවෙන් ආවත් කිසි අවුලක් නෑ.

කාලයක්, අපේ ගෑණු උදවියත්, නොදැනම කොට කලසන් වර්ගයක් ඇන්දා. නමුත්, ඒ කවුරුවත් දැනගෙන උන්නේ නෑ මේක කොට කලසන් වර්ගයක් කියලා. බොහෝම ජනප්‍රිය උනා, ඒ තමයි "කියුලට්", නමුත් ඒක නෙමෙයි නිවැරදි වචනය, නිවැරදි වචනය "කිලොට්ස්", ඒ වගේම තවත් ජනප්‍රිය එකක් තමයි "ලෙගින්ස්". ඒකත් වැරදියි "ලෙගින්ස්" කියන්නේ "ටයිට් ජීන්ස්" වගේ ඇඟටම හිරවුන මුළු කකුලම වැහෙන දිග කලසන් වර්ගයක්. (අද අපේ රටෙත් මේක ඉතා ජනප්‍රියයි) එතකොට, ඒ වගේ කොට ඒවා "ලෙගින්ස්" නෙමෙයි ඒවට කියන්නේ "සයිකල් ෂෝර්ට්ස්" කියලා. ඉතින් අපි හිතුවා අපේ දැනීමේ හැටියට කොට කලිසන්, එහෙම නැත්නම් ෂෝට්ස් ගැන, අපි දන්න දේ ඔයාලට කියලා දෙන්න.

බැගී ෂෝට්ස් - Baggie Shorts
සාමාන්‍යයෙන් බොහොම ඉඩ පහසුව තියෙන අයුරින් දනහිස දක්වා දිග ඇති වර්ගයක්, සාමාන්‍යයෙන් මහත, මැදි වයසේ අයට තමයි සුදුසු, තරුණ අයට උනත් මහත නම් කැත නෑ. බොහෝම සැප පහසුකම් කලිසමක් තමයි. ගෙදරට නම් කියලා වැඩක් නෑ.

බර්මියුඩාස් ෂෝට්ස් - Bermudas Shorts 
මේක බර්මියුඩා වැසියන්ගේ නිළ ඇඳුම වගේ ඇඳුමක් එයාලා උත්සව වලට යන්නෙත් මේ කලිසම් ඇඳලා, ටයි එහෙම දාලා, නමුත් ඒක අද විලාසිතාවක් වෙලා තියෙනවා. සාක්කු සහ බෙල්ට් එකක් දාන්න පුළුවන් විදියට ලූප්ස් එහෙම තියෙන මෙයත් ඇඟ පත ටිකක් මහත මැදි වයසේ අයට බොහෝම අපුරූයි.

බෝඩ් ෂෝට්ස් - Board Shorts (Jams)
"ජෑම්ස්" කියලත් කියනවා. සාමන්‍යයෙන් ඔය බීච් එකේ එහෙම නාන්න යනකොට අඳින්න අපේ රටේ අයට ඉතාමත්ම සුදුසුයි. මොකෝ අපේ අය "ස්විමින් කිට්" අඳින්නේ නෑනේ. සාමාන්‍ය කොට කලිසම් ප්‍රමාණයෙනුත් දනහිස දක්වා දිගිනුත් යුත් ඒවා තියෙනවා. ගෙදරට අඳින්නත් මරු.












කාගෝ ෂෝට්ස්- Cargo Shorts
අපේ රටේ කොල්ලොන්ගේ ඉට්ටයිල් එකක්. ඒත් කෙල්ලොන්ටත් මරු. හැබැයි කෝටු කකුල් නම් අඳින්න එපා. පෙනවනේ සමහර කොල්ලො නිකන් පෝලියෝ හැදිලා වගේ. කලිසම ලොකුයි. මේකත් මැච් වෙන්නේ කකුල් මහත අයට. කාගෝ කලිසම් වල විශේෂත්වය තමයි. පිටතින් ඇල්ලූ ළොකු පොකට් තියෙන එක සහ එවා වහන්න ලොකු කවරත් තියෙන එක. සාමාන්‍යයෙන් කාකි පාටවල් වලින් තමයි ලස්සන. මේ වර්ගයෙත් එක එක දිග ප්‍රමාණයන්ගෙන් තියෙනවා.

කිලොට්ස් ෂෝට්ස් - Culottes Shorts
මතක තියාගන්න "කියුලට්" නෙමෙයි ඕන්...සායක් ඇඳලා ඉන්නවා වගේ තමයි, කොට ඒවා කකුල් කෙට්ටු අයට හා තරුණ අයටත්, දිග ඒවා මහත කකුල් තියෙන මැදි වයසේ අයටත් ගැලපෙනවා. කොට සායවල් ඇඳගෙන ඉඳගන්න යන කොට ඇඹරෙන එක මෙයින් එකක් ඇන්දම වැලකෙනවා














කට් ඕෆ් ෂෝට්ස්/ ඩේසි ඩූක්ස් - Cut Off  Shorts / Daisy Dukes
සෝප් ඔපෙරාවක (කුණු ටෙලි නාට්ටී) උන්න චරිතෙකින් තමයි ඉස්සෙල්ලම මේ විලාසිතාව ඇවිත් තියෙන්නේ. මේකේ පෙනුම, දිගට තිබුන කලිසමක් කොටට කපලා දාලා, වාටිය මහන්නේ නැතුව නූල් එල්ලෙන විදියක් තම්යි පෙන්නුම් කරන්නේ. මේකත් විවිධ දිග ප්‍රමාණයන්ගෙන් තිබුනත්, ජනප්‍රිය ඩෙනිම් පාට ඒවා, බටහිර රටවල නම් බොහෝම ජනප්‍රියයි. ඒත් අපේ රටේ ඇඳන් යන එකනම් භයානකයි.














සයික්ලින් ෂෝට්ස් / බයික් ෂෝට්ස්- Cycling Shorts / Bike Shorts
මේක තමයි ලෙගින්ස් කියලා වැරදියට කියන්නේ ඇඟටම ඇළුනු සාක්කු මුකුත් නැති ක්‍රියාශීලී වැඩ වෙල යෙදෙන්න කියාපු කලිසම. නයිලෝන් ගතිය අඩු, කපු මිශ්‍රිත ඒවා වෙළඳ පොළේ තියෙනවා, නයිලෝන් ඒවා අපේ රටට ගැලපෙන්නේ නෑ. ඔය හින්දි සෝ වල දෙමළ සෝ වල එහෙම ගෑල්ලමයි යටට ඇඳලා ඉන්නෙත් මේවා. නැත්තන් නටන නැටිල්ලට, අම්පාරත් පෙනිලා තමා නවතින්නේ. මහත අයට දනහිස් දක්වාත් කෙට්ටු අයට කොටටත් ලස්සනයි.














ඩොල්පින් ෂෝට්ස් - Dolphin Shorts
අපේ කාලේ රනින් ෂෝට් කියලා ඇන්දේ මෙවා තමයි, තද වර්ණයෙන් තමයි ආවේ. ඉන වටා යන කෝඩ් එකෙන් ඉනට තද වෙන්න ඇඳින්න පුළුවන්, කකුල්වල දෙපැත්තේ හැඩය ඩොල්පින් ගේ වලිගය වගේ නිසා තමයි මේ නම දාලා තියෙන්නේ. නිකන් හම්බ උනත් කකුල් කෙට්ටු නම් අන්ඳින්න එපා. මෙන්න වැන්දා.ජිම් ෂෝට් කියන එකත් මේ වගේමයි. ඒක තමයි අද ඉට්ටයිල් එක. ඒකේ මේ දෙපැත්තෙන් කපලා තියෙන ප්‍රමාණය අඩුයි.

Gym Shorts

Gym Shorts

ප්ලේයිඩ් ෂෝට්ස් - Plaid Shorts
මේකත් කොල්ලෝ අතරේ ජනප්‍රිය විලාසිතාවක්, කොටු කොටු කලිසම් කිව්වොත් වඩාත් නැවැරදියි. තරමක් කොටට කෙල්ලන්ටත් ලස්සනයි. මැදි වයසේ අයටත් තරුණ වෙන්න ඕන නම් මේකක් ඇන්දට වරදක් නෑ.

ෂෝට් ෂෝට්ස් - Short Shorts
මේක නම් බොහෝම කොටයි, කට් ඕෆ් වලයි මේකෙයි වෙනස තමයි මේකේ වාටිය මහලා තියෙන්නේ. අනික කකලේ කැපුම කෙලින් තියෙන්නේ. ටීනේජ් අයටනම් මරු. ඉඟ ප්‍රදේශයත් බොහෝම පහලින් තියෙන්නේ.  "හොට් පෑන්ට්ස්" (Hot Pants) කියන්නෙත් මේවටම තමයි.

ස්කොර්ට්ස් ෂෝට්ස් - Skorts Shorts
මතක තියාගන්න ස්කර්ට්ස් නෙමෙයි. මේක කියුලට් එක වගේ මහලා ඒ උනාට සායක හැඩේ නෙමෙයි තියෙන්නේ කලිසමක හැඩය ඒ උනාට ටයිඩ් ස්කර්ට් එකක් වගේ. ඉදිරි පස ප්‍රදේශය රෙදි කෑල්ලකින් වැහෙනවා, රෙදි කෑල්ල හුළගේ ගියාට අවුලක් නෑ, යටට ඇඳලා නේ ඉන්නේ.

ස්ලැකට්ස් ෂෝට්ස් - Slackettes Shorts
මේ කියන්නේ ස්කර්ට් වගේ කොට කලිසමක් කියන කතන්දරේ අපේ රටේ ගෑල්ලමයින්ගේ ජනප්‍රියම විලාසිතාව, ඒ වගේම කකුල් කෙට්ටු අයට ඉතා හොඳින් ගැළපෙනවා, වාටිය නමලා මහලා තියෙන්නේ. ඒ වගේම ඔය පින්තූරේ තියෙනවා වගේ බෝ එකකුත් දැම්මනම් කොල්ලෝ කකුල දිහා බලන එකත් නවත්ත ගන්න පුළුවන්.

ඒ ඇරුනම විලාසිතා ප්‍රවීණයෝ කියන්නේ

• මේ කලිසම් කලවා වලින් අඩක් වැසෙන සේ ඇන්දම තමාට උස් පෙනුමකුත්,
• දනහිස දක්වා ඇන්දිමෙන් කොට බවකුත්,
• ගොඩක්ම කොටට හා ලිහිල්ව ඇඳිමෙන් සිහින් බවකුත්, කකුල් දිගු බවකුත්,
• කොටට හා ලිහිල්ව අඳිනවනම් ඒවාවල වාටිය නමා හෝ රෝල් කර ඇන්දොත් කොට බවකුත්,
• මහත අය දනහිස දක්වා බර්මියුඩා ඇඳිමෙන් අපූරු පෙනුමකුත්,
• ගොඩාක්ම කොටට හා තදට ඇඳිමෙන් කකුල් වලට මහත පෙනුමකුත් ලැබෙන බවයි....

දැන් අහයි තරුණ අයටයි, මැදි වයසේ අයටයි විතරද, කොට කලිසන් හොඳ කියලා. ඔයාලා කැමති එකක් ආච්චිටත් අන්දන් යන්න... මට පාන්ය... ආච්ච්ගෙ සෙද්ද....

අපේ රටෙත්, ආච්ච්යි, දුවයි, මිනිබිරියි, කොට කලසන් ගහගෙන යන කාළයක් එයි. ඒත්, ඒ මේ කාළෙනම් නෙමෙයි. මේ අපේ හෙළ සිරිතට ගරු කරන කාලයක් නේ. කොටට අඳින එක නවත්තන්නත් නීතී ගේන්න හදන කාළේ. (ප්‍රාදේශිය සභාපතිලත් අන්තඃපුර පවත්වගෙන යන කාළයක් නේ.) ඒ උනාට එහෙම නීතී ගෙන්න හදන උන්, හෙළුවෙන් ඉන්න එක තමයි මට තියෙන දුක....