විස්සයි විස්ස ආතල් - T 20 Extacy

අද හවස 7.00 ට ෆයිනල් එක පටන් ගන්නවාය. ෆයිනල් එකේ ටිකට් ගන්න ගිහින් කස්ටිය මරා ගන්නවාය. එව්වා ලබාගන්න පුළුවන් සුපිරි පන්තියට විතරය. ඉස්සර සුපිරි පන්තිය ක්‍රිකට් බලන්න ආවේ රෝයල් තෝමියන් එක විතරය. ටෙස්ට් ගහනවා බලන්න ආවේ අන්නාසි කාරයොයි, කඩල කාරයොයි අපි වගෙ හාල්පාරුවොයි විතරය. ඒ උනාට 96 වර්ල්ඩ් කප් එක ගෙනාවයින් පස්සේ, ක්‍රිකටුත් බුද්ධාගම වගේ අපේ කර ගත්තේය. පොඩි උන් විනාසය. බැට් පෑඩ් කරේ එල්ලගෙන කොල්ලෝ ප්‍රැක්ටිස් යනවාය. ඉස්සෙල්ලම ටාගට් එක ස්කූල් ටීම් එකට ගහන එකය, ඊ ළඟට බිග් මැච්ය.

මෙළෝ සිහියක් නැතිය. කොල්ලෝ ග්‍රවුන්ඩ් එකේ ප්‍රැක්ටිස්ය. කෝච්ලා, අම්මලත් එක්ක ප්‍රැක්ටිස්ය. තාත්තලා බයිට් එකක් කකා ඩ්‍රින්ක් එකත් එක්ක ප්‍රැක්ටිස්ය. පස්චාත් ප්‍රදේශය ඉරාගෙන ගේමක් දෙනවාය. ඒ උනාට, එහෙම ගේම් දෙන එකාට වැඩ බැරිය. දුප්පත් කොල්ලෝ, නැෂනල් ටීම් එකට ගහනවාය. අර්ජුනලාට, මහේලලාට, ඒකට තෑන්ක්ස් කරන්න ඕනාය. දැන් නම් ටැලන්ට් වැහි වැහලාය. අපේ ටීම් එක ෆුල් ටැලන්ට්ය. ඒ උනාට මේකටත්, හැම එකටම අත දාන ආන්ඩුව අත දැම්මේය. අන්තිමේ පඩිත් නැතුව අවුරුද්දක් විතර කොල්ලෝ ක්‍රිකට් ගැහුවේය. ඒ කාළේ ටීම් එක නැට්ටටම වැටුනේය.

ඩිලා කොච්චර වැඩ කරු උනත්, කැප්ටන් සීන් එකේදී නා ගත්තේය. සංගා කැපුවේ සංගා කැපි පෙනෙන නිසාය. අනික් හේතුව උනේ, ලන්ඩන් වලදි පාලකයින්ගේ කනටම ගසා දේශනයක් කළ නිසාය. සංගා කිව්වේ ඇත්තය. දන්දෙනියයි, ඩී ඇසුයි, සල්ලි ටික ඔක්කෝම එයාලාගේ එකවුන්ට් වල දාගත්තේය, කිසි හෙනයක් නැතිය. කුඹුරේ ඉන්න බන්ඩට හෙන ගැහුවට, මුන්ට හෙම්බිරිස්සාවක් වත් හැදෙන්නේ නැතිය. හැම එකටම චින්තනේ හරියන්නේ නැති නිසාත්, තවත් කන්න දෙයක් නැති නිසාත්, දැන් අත පොවනවා අඩුය. ඒ නිසා කොල්ලෝ ආයෙත් ෆෝම් වෙලාය. දැන් ටීම් එකට, ඉන්න උන් ටිකත් දාගන්න බැරිය.

අද ෆයිනල් එකෙන් මොකා දින්නත් මට නම් අවුලක් නැතිය. මොකෝ.. ටීම් දෙකේම මම ආදරය කරණ උන් ගොඩක් ඉන්නවාය. බැටින් ගත්තොත්, මේ ටූනමන්ට් එකේ, ක්‍රිස් ගේල් සහ මහේල වැඩි ළකුණු අතර ඉන්නවාය. බෝලින් ගත්තොත් සුනිල් නාරයන් වගේම අජන්ත මෙන්ඩිසුත් ඉන්නවාය. ඩිලාට වැඩුනොත්, ගේල්ට වැදුනා වගේමය, තිසර ටිකක් උඩින් එව්වා නම් හොඳය. මොකෝ ඌගේ බෝලින් යට ගිහින් බැට්ස්මන් වෙලාය. ජීවන් මෙන්ඩිසුත් පස්ටය. ඒ උනාට අන්තිම මැච් එකේනම් නෑවේය. මාලිංග බෝල් කරන්නේ නැති වෙලාවට, අත්වල ගම් ටිකක් ගෑවා නම් හොඳය. ඒකේ වැරද්ද තනිකර මහේලගේය. ඒ වෙලාවේ එතනට දාන්න ඕන වෙඩි වගේ බඩුය. මාලිංග හංගන්න ඕනෑය.

ගේල් අවුට් කර ගත්තාට මදිය, පොලාර්ඩ්, මාලන් සැමුවල්ස් වගේම ඩ්වේන් බ්‍රවෝලාත් බෝල නැති වෙන්නම ගහනවාය. තිසර ඇර අපේ උන් හයේ ඒවා ගහන්න නොගියාට අවුලක් නැතිය. ඒක අපේ කෝච්ලාගේ වැරැද්දක්ය. ළකුණු 6 ලැබෙන්නේ ලණුවෙන් එහාට ගැහුවාම කියලා තවම අපේ උන්ට කියල දීලා නැතිය. ඒ නිසා අපේ උන් තවම ගහන්නේ ලනුවෙන් මෙහා පැත්තේ 6 ඒවාය. එතකොට කවුරු හරි අල්ල ගත්තොත් ඊළඟ මැච් එක වෙනකන් බැට් කොරන්න හම්බ වෙන්නේ නැතිය.

කලින් කිව්වා වගේම මට මොකා දින්නත් එච්චරම අවුලක් නැත්තේය. මොකෝ මම ආදරේ කරන්නේ ක්‍රිකට් වලට නිසාය. අනික මම ක්‍රිකට් වලට වඩා බලන්නේ අර කෑලී ටික දිහාය. මේකනම් අපේ වීරවංශලාගේ, සිහල උරුමයේ, ගුණදාස අමරසෙකරගේ, නලින් ද සිල්වාගේ වැඩක් වෙන්න ඕනය. මේ උත්තමයින් කර තිබෙන්නේ අපේ උරුමය ළොවට පෙන්නීමය. ඒ කියන්නේ අපි පැවතෙන්නේ යක්ෂයින්ගෙන් කියාය. රාවණා සීතාව උස්සගෙන ආවේ ඇයි කියලා තේරෙන්නේ දැනුයි කියා ඉන්දියන් කාරයෝ කොමෙන්ට් දාන්නේ ඉරිසියාවටමය.

මේ නියම ශ්‍රී ලාංකික කෑලිය. අම්බලන්ගොඩ වෙස් මූණූ දාගෙන යක් නැටුම් නටන්න ඕනෑ නැතිය. මුන්ට කිට් එක විතරක් ඇන්දෙව්වාම ඇතිය. මට හිතෙන්නේ පෝලියෝ වලින් ඔබේ දරුවා බේරාගන්න ඇඩ් එකත් මෙතන යනවා කියාය. ඩ්‍රෙස් ඩිසයිනර් නම් ආන්ඩුවේ සල්ලි වලින් පැරිස් යැව්වත් කිසි අවුලක් නැත්තේය. ඒ තරමටම මැචින් කලර්ස්ය. හැම හන්දියක් ගානේම ඉන්න බියුටි කචල්ලා කරන්නේ අහවල් එකද කියා ඇහුවේ අපේ තාත්තාය. නෝනා නම් කියන්නේ කට වහගෙන මැච් එක බලන්න කියලාය. මම නම් මගේ ආතල් එක ගන්නවාය. මේ ටිකේ නෝටි ඇමරිකා බැලුවේත් නැතිය. ඒ මොකෝ ඒකෙ ඉන්න උන් දැක්කම මගේ ඇහෙන් ඉස්ම එනවාය.  ඒ එන්නේ දුකටය.


පර කොල්ලෝ... ලොක්කට මැච් එක බලන්න එන්න එපා කියලා බුකියේ දාලාය. එහෙම දැම්මාට ඔය මොකා හිටියත් ලොක්කා ආවාම ග්‍රවුන්ඩ් එක පිරෙනවාය. චන්ඩි වගේ ඉන්න පොලොස් කෂ්ටිය ගැරඩි වගේ ඇඹරෙන නිසා මම නම් ලොක්කා එනවාට කැමතිය. එතන එකම මැච් එකක්ය. ඇටෙන්සොන් වෙනවාය. සැලුට් ගහනවාය. ලොක්කාට පේන්න ඉන්නවාය. වඳිනවාය, පොරකනවාය. මටනම් වර්ල්ඩ් කප් වලට වඩා ආතල් ඒවාය. දැන්මම කස්ටිය රතිඤ්ඤා එහෙම රගෙන ලෑස්ති වෙලාය. දින්නත් පැරදුනත් පත්තු කරන්න වෙනවාය. එහෙම පත්තු කරන්න හිතෙන්නේම නැත්නම්. ඕන මැච් එකක් හැමදාම දිනන ටීම් එකක් ඉන්නවාය. අන්න ඒ ටීම් එකේ මැච් එකක් දවසට පත්තු කරන්න තියා ගත්තානම් ඉවරය මේ ඉන්නේ ඒ ටීම් එකය...

තව ටික දවසකින් ෂොට් තුන හතරක් අරගෙන මර්ජ් කොරන්න වෙනවාමය..( පින්තූරේ පෝස්ට් එකෙන් එලියට පැන්නාට මට බනින්න එපාය..)

ඔබ සැමට සුබ අනාගතයක්ය...!!!