කාන්තාවන් හා යහන්ගත වීම - Woman in bed

නිදාගන්නවා කියන එක මනුෂ්‍ය ජීවීතේට අත්‍යාවශ්‍යම දෙයක්. අඩුම ගානේ පැය අටකවත් සැපදායක නින්දක් තියෙන්න ඕන කියන එක තමයි වෛද්‍ය මතය. ඒත් ඉතින් මේ ළෝකෙට අළුතෙන් දෙයක් එක් කල අය බොහොම අඩු නින්දක් ලබපු අය. ඒ අය නිදාගෙන තියෙන්නේ පැය දෙක තුනක් තමයි. අළුතෙන්ම හොයාගෙන තියෙන දෙයක් තමයි දවල් කෑමෙන් පස්සේ කුකුල් නින්දක් (නැප්) දාන එකෙන් නව ශක්තියක් ලැබෙනවයි කියන එක. ඒ නිසා දියුණු රට වල ඒ සඳහා පහසුකම් පවා සපයලා තියෙනවා. අපේ රටේ නම් රජයේ සේවයේ මේ සඳහා පහසුකම් සලසලා ගොඩක් කල්. ඒක අපේ රට මෙතරම් දියුණු රටක් බවට පත්වෙන්න බොහෝ සෙයින් ඉවහල් උනා. රට හදන්න ආපු ජනතා නියෝජිතයොත් පාර්ලිමේන්තුවේ කට ඇරගෙන නිදාගන්නේ ඒ හේතුවෙන්. මේ මෑතකදිම පොලිසීයේ ලොක්කෝ දෙන්නේකුත් එහෙම නිදාගෙන ඉඳලා පොලිස්පතිතුමාගේ ගෞරවයටත් පාත්‍ර උනා.

තනියෙන් නිදාගන්නවට වඩා තව කෙනෙක් එක්ක නිදා ගන්න තියෙනවනම් බොහොම අගෙයි කියලා හිතන කාළයකුත් තියෙනවා. පොඩි කාළේ ඉඳන් අම්මා ගාව නිදාගන්නවා. ඊළඟට සහෝදර සහෝදරියොත් එක්ක. ඊට පස්සේ කොට්ට එක්ක. ඔන්න එක කාළයක් එනවා තනියෙන් නිදා ගන්න ඕන. මොකෝ රාත්‍රියට එක එක අය තනියට එන නිසා. ගෑල්ලමයිනම් ටෙඩීලා තුරුලු කරන් නිදාගන්නවා. කොල්ලෝ කොට්ටයක් තුරුළු කර ගන්නවා. ඊට පස්සේ දෙන්න එකතුවෙලා එක්කෙනෙක් වගේ නිදාගන්නවා. දිගටම එහෙම නිදාගන්න හිතාගෙන උන්නට, අළුත් සාමාජිකයෝ ඇවිත් වැඩේ අවුල් කරනවා. ඊට පස්සේ ඉතින්, "පුංචි පුතේ උඹ ආ පසු අම්මි හුඟක් වෙනස් වෙලා" කිය කිය හූල්ල හූල්ල හොරගල් අහුලනවා පොඩියක් එකට නිදාගන්න.

ඔහොම නිදාගෙන පොඩි එකෙකුට එහෙම මාට්ටු උනොත් ප්‍රශ්ණ කෝටියයි. එහෙම බැලුවම එයාලා අපේ මානුෂික අයිතිවාසිකම් අමු අමුවේ උල්ලංගනය කරනවා. මේ නිසා අපේ කලින් සංස්කෘතියත් වෙනස් උන තැන් බොහොම තියෙනවා. ඒත් මම නම් අපේ චයිල්ඩ් සෝල්ජර්ට දිණුම දීලා තියෙන්නේ. (එයාගේ විදුහල්පති කර්නල්) නිකන් මාෂල් ලෝ වෙන්න ඕන නැහැනේ. ඉස්සර දැන් වගේ වනචර විදියට අහන්නේ නැතුව. "මට ඔයත් එක්ක නිදා ගන්න ආසයි" කියලා තමයි කිව්වේ. ඉතින් එහෙම ඇහුවහම "නිදාගන්න විතරයි ඔන්න. වෙන ඒවානම් බෑ.." කියපු අයත් ඕන තරම් ඉන්නවා. එහෙම කිව්වට. "කෝ... ඔයා නිදාගත්තා විතරයිනේ.." කියන අයත් නැතුවම නෙමෙයි. එතකොට නිදාගන්නවා කියන්නේ නැගිටල ඉන්න එකද. එහෙම නැත්නම් වෙන මොකක් හරි දෙයක්ද කියලත් හිතෙන වෙලාවල් නැතුවම නොවෙයි.

නින්ද ගැන ඉතින් පොතක් උනත් ලියන්න පුළුවන්. විශේෂයෙන් මේ පෝස්ට් එක ලිව්වේ ගෑල්ලමයි එක්ක නිදාගන්න එක ගැන කියන්න. ඔය ගෙදර ළමයත් එක්ක නිදාගන්න වෙලාවට, සමහර ගෙදර ළමයි සීලීමේ රෙපයාර් ගැන කතා කොරන හින්දා වෙන්න ඕන අපේ අය අතීතයේ ඉඳන් ලාම්පුව නිවලා නිදාගන්න යන්නේ. ඒ උනාට මගේ යාලුවෙක් නම් කිව්වේ උගේ කැත පේන නිසා එහෙම කරනවා කියලා. තව එකෙක් කිව්වේ නෝනා කැත නිසා එහෙම කොරනවා කියලා. කොහොම හරි ඉටිපන්දම් එලියක් හරි තියෙනවනම් මනුෂ්‍ය ශරීරය කොතරම් ආශ්චර්ය දෙයක්ද කියලා ඒ වෙලාවට පේනවා. ඒකෙත් පුදුම කලාත්මක හැඟීම් සමග අමුතුම රසයක් ලැබෙන දෙයක්. එහෙම තමන්ගේ ගෑනිගේ ඇඟවත් දැක්කේ නැතු උන් වෙන්න ඕන ඔය රූබී එකේ රියෝ එකේ පෝලිම්වල වේලෙන මැද වයසේ උන්.. එහෙම අකමැතිමනම් ඉතින් මට කොරන්න දෙයක් නෑ.

මෙහෙම නින්ද ගැන කතා කරද්දි මට පරණ ඊ මෙල් එකක් මතක් උනා ඒක තමයි මේ පහළ තියෙන්නේ.. මෙතන තියෙන්නේ ගෑල්ලමයි එක්ක නිදාගන්න එහෙම නැතිනම් යහන්ගත වන එක ගැන සමීක්ෂනයකින් ගත් තොරතුරු..

අවුරුදු   8 - ඔබ ඇයව ඇඳට ගෙන ගොස් ඇයට කතාවක් කියයි
අවුරුදු 18 - ඔබ ඇයට කතාවක් කියා ඇයව ඇඳට ගෙන යයි
අවුරුදු 28 - ඇයව ඇඳට ගෙන යාමට කතා කීම අවශ්‍ය නොවේ
අවුරුදු 38 - ඇය ඔබට කතාවක් කියා ඔබව ඇඳට රැගෙන යයි
අවුරුදු 48 - ඇඳට යාම මග හැරීමට ඔබ ඇයට කතාවක් කියයි
අවුරුදු 58 - ඇයගේ කතා මග හැරීමට ඔබ ඇඳට යයි
අවුරුදු 68 - ඔබ ඇය ඇඳට ගෙන ගියහොත් කතාවක අවසානය එය විය හැක..!!!

කොහොමත් අවදි උනත් නිදාගත්තා වගේ ඉන්න නිසා වෙන්න ඕන.. අර සිංදුවක් තියෙන්නේ..

අවදිවන්න... අවදිවන්න.. දීප්තීමත් දිනකි උදාවෙලා තියෙන්නේ..
සිතනවාට වඩා සොඳුරු විනෝද බර ළෝකෙක අපි ජීවත් වන්නේ..