චොගම්, නාඩගම්, වන්නම් හා ඉල්ලන් කෑම්.. - CHOGM or CROGM

ලියන්න ඕනා අයවැය ගැනය. ඒත් ඉතින් ඒ ගැන ලියන්න දෙයක් ලොක්කා අපිට දීලා නැතිය. ආන්ඩුවේ උන් හැමදාම ලොක්කාගේ දෑත ශක්තිමත් කොරන නිසා, උන්ගේ දෑත පිරෙන්නම සුපියල් 1200.00 ක්ම දීලා තියෙනවාය.. දවසකට සුපියල්වලින්ම හතලියක්ය. පිච්චු හැදිලා.. බම්ප් වෙලා... ආයෙත් පිච්චුම හැදෙනවාය.. මම හිතන්නේ මේක දීලා තියෙන්නේ, වැඩි කරපු බස් ගාස්තුව පියවා ගන්න වෙන්න ඇතිය.

එහෙම බැලුවාම රට ගැන හිතන මහින්ද මහත්තයා, මේ රට දියුණු කරන්න විශාල කැපවිමක් කොරන රජයේ සේවකයා, දිනපතා නිසි වේලාවට රාජකාරියට පැමිණ ඉටුකරනා මහගු සේවයට කළ උපහාරයක් ලෙස, මේ පඩි වැඩී කිරීම සැලකිය යුතුය. නැතුව ඉතින් උන්ට ජීවත් වෙන්න අමාරුවක් තියෙනවානම්, තියන තියන ඡන්දෙන් පෙරමුණම දිනවන්නේ, උන්ගේ ඇති අරශෂ් අමාරුවක් නිසා නොවේය. අනික බැසිල් මහත්තයා කියන්නැහේ, ඉල්ලනෙත් නැතිව මෙහෙම දීලා තියෙන එකත් ලොකු දෙයක්ය. සමහර විට අපේ පඩි වැඩිකරපියව් කියා ඉල්ලන්නේ නැත්තේ. ඒවා කරන්න ගියොත් ඉල්ලාගෙන කන්න වෙන නිසා වෙන්න ඇතිය.

මේ චොගම් එක මෙහේ තියන්නෙයි කියලා කිව්වේ, ඉන්දියාවේ උන්ය. එහෙම ඉල්ලුවාට මෙහේ තියෙන චොගම් ගියොත් හෙම, තොපිව ඡන්දෙටත් කලින් ගෙදර යවනවා කියා, ලොකු අයියාගේ, "ආයියාර්ලා" ටික හා ජෙය ලලිතා අක්කා ගෙම ඇද්දේය. එහෙම බැලුවාම, ඕන නැති නාඩගමක් නටන්න ගිහිල්ලා මන මෝහන සිංලා ඉල්ලාගෙන කෑවේය.

චොගම් එකට ගිනි විජ්ජුම්බරේට සැරසුනාට, ලොක්කාගේ හොඳම යාලුවා ස්වාසිලන්තේ රජ්ජුරුවෝවත් මේ මගුලට ආවේ නැතිය, වැඩි හරියක් ආවේ රෙප්ලාය. රෙප්ලා කියන්නේ, තංගල්ලේ සභාපති වගේ, සුද්දියෝ රේප් කරනා අයට නෙමේය. රෙප්‍රසන්ටේටිව්ලාටය, ඒ කියන්නේ, එන්න ඕන එකා නියෝජනය කරනා උන්ය.

එහෙම බැලුවාම මේක චොගම් (CHOGM) එක නොව ක්‍රොගම් එකය. ((CROGM) කොමන්වෙල්ත් රෙප්‍රසේසන්ටේටිව් ඔෆ් ගවර්මන්ට් මීටින්). ජී ඇල් පප්පා වගේ හාල්පාරු විදේශ ඇමතියෙක් ඉන්නා එකේ, ඔහොමවත් ආපු එක ළොකු දෙයක්ය. එහෙම බැලුවාම. මහ ළොකුවට තිබ්බාට මේකත් නිකන් ඉල්ලගෙන කාපු සමුළුවක්ය.

ඊළඟට ඉල්ලාගෙන කෑවේ "කැමරන්ය". ඌ හිතාගෙන හිටියේ මේක තවමත් උන්ගේ කිරීටයේ වහල්ලු ඉන්නා දූපතක් කියලාය. මානුසික අයිතිවාසිකම් කතාකරන, මහත්තුරුන් ලෙස පෙනි ඉන්නා කැමරන්ලාට, ගුවන් තොටුපලේ පිලිගැනීමටවත් ඉන්න බැරි තරම් පුකේ අමාරුවක් තිබුනාය. උන්ගේ ආරක්ෂකයෝ, ඌව පිලිගන්න උන්, අපේ නැටුම් කන්ඩායමේ කෙල්ලන්වත් තල්ලු කරගෙන, කෙලින්ම ජීප් එකටම ගියේය. ඌ ඒ ගොන් පාට් දැම්මාට, ඌගේ රජ්ජුරුවෝ නියම මහත්මයෙක් ලෙස පෙනි උන් නිසා, උන්ගේ රටේ ගෞරවය රැක ගත්තේය.

චැනල් ෆෝ එකේ උනුත් අරගෙන ඇවිත් මෙහේ ඩෙඟා නටන්න ගියාට. අපේ මානුෂික අයිතිවාසිකම් ගැන කතා කරන්න ගියාට, අපේ ලොක්කාගෙන ප්‍රශ්ණ කරන්න යනවා කිව්වාට. ප්‍රෙරස් කොන්පරන්ස් එකේදී, අපේ ජඩ මාද්දිය වේදීන්ට, කුස්සෙන් කොරන්නවත් ඉඩ නොදි, පැනලා මාරුවෙලා ගියේය. මෙහේ මුරලිගෙන් කාලා ගියා මදිවාට, එහේ ගිහින් මිලිබෑන්ගෙනුත් කෑවේය. එහෙම බැලුවාම කැමරන් චොගම් ඇවිල්ලා ඉල්ලාගෙනම කෑවේය.

ඒ අස්සේ, එජාපය කන, මොන්ගලයාගේ දිරච්ච ලණු කා, අලි පාටියේ උන් තාමත් ඉල්ලගෙන කනවාය. මානුෂික අයිතිවාසිකම් ගැන මාතලනුත් කතා කරනවාය. යුද්ධයේ අවසාන භාගයේ උන් කේස් ගැන, මාතලන්ටත් ගැටලු තියෙනවාය. ඒ උනාට, මේ ඒවා කතා කරන්න ඕනා වේලාව නෙවේය. (හොඳම උදාහරණය ඊශ්‍රායල් ජාතිය හා ඇමරිකාණු ජාතියයි.)

ඒවා නවත්තන්න වෙනත් ක්‍රම තිබුනාට, කහන ගමගේලා දාලා, ආන්ඩුවත් ඉල්ලාගෙනම කෑවේය. ජාත්ත්‍යන්තරේ උන් කියන්නේ ඇත්ත තමා කියා, ඔප්පු කරලාම පෙන්නුවේය. අනික් එක, එන්නෙයි කියා වීසා දීලා.. අනුරාජපුරේදී, බැලයෝ දමා, ගමන වලක්වපු එකය. කරන්න තිබුනේ ඒක නෙමේය. ඕන අහක ගිහින් වරෝ කියා, යවන එකය. මොකෝ මුරලි විතරක් නොව, විග්නේස්වරන් වගේ "කොළඹ දෙමළා", අපිව බේරාගන්නට ඉන්න නිසාය.

ඒ අස්සේ රට ගැන මාර කැක්කුමක් තියෙන, කැසිනෝ ගැන වචනයක් නොකියන, බොදු බලු සේනාවද, එජාපේ උන්ගෙන් ඉල්ලාගෙනම කෑවේය.. සමාවෙන්න... ඉල්ලගෙන වැළඳුවේය.. තව පොඩ්ඩක් එහෙ මෙහේ උනා නම්.. නාන සාර වහන්සේට, එවේලේ රහත් බවත් ලබා ගන්න තිබුනේය. ඒ ආකාරයට බී බී ඇස් ලාට බුදු දහමේ පාඩමක් කියා දෙන්න, එකෙක් හෝ ඉන්නා එකත් ළොකු දෙයක්ය.

එදා නම්, "ෆැසන් බග්" එකේ තම්බිලාට ගහපු එකත්, ඒ වෙලාවේ උන්වහන්සේලාගේ තට්ට ගෙඩි වලට ආවර්ජනය වෙන්නට ඇතිය. දැන් ඇවිල්ලා හූ කියලා බයිලා දෙසලා ගියාට එදා නම් උන් වහන්සේ උන්නේ බිරන් තට්ටු වෙලාය.

වියදම කීය උනත්, කොහොම හරි මේ වැඩෙන්, ලොක්කා නම් ගොඩ ගියේය. යට ගිහිල්ලා තිබු ජාති ආලේ, පිටරටින් ආපු උන් මෙහේ වපුරලා ගියේය. දැන් ඉතින් "හැලපයා" කියන්නැහේ, ලොක්කා මීටින් වලට ඇවිත් පපුවට "දෙයි දෙයි කියා" ගහගෙන, "මාව කරන්ට් පුටුවේ ඉන්දන්න යනෝ..... මාව බේරගනියෝ......" කියා කෑ ගහපු ගමන්,

අපේ උන්, රැවුලටයි සරමටයි ආදරේ නිසා, උදේ පාන්දර, සුදු ඇඳගෙන ගිහින්, බුලත් කොලේ වැරදියි කියා, කතිරයක් ගසා, තව දුරටත් ඉල්ලාගෙනම කනවාය.

ප: ලි:
"BBS" ගැන ලිව්වා වගේම, "B&S" ලාගේ, "චොගම් නාඩගම" ගැනත්, නොලියා උන්නොත් අඩුවක්ම කියලා හිතුනේය. පිර රටින් ආපු චාලීලා, කැමිලලා ඉතරක් නොව කැමරන්ලාද කොර වෙන්න, ඒ නටාපු නාඩගම නම් කියලා වැඩක් නැතිය.

මේ තාක් කලකට, ලංකාවේදී මා දුටු සුන්දරම ඉදිරිපත් කිරීම එය බව නම් නොකියාම බැරිය. ජැකාට මේක දුන්නා නම්, ඉස්ටේජ් එකේ ඉන්නේ ජැකා විතරය (පාහියන්ට ඇඳගෙන නටපු නාඩගම මතක ඇතිය.) ඒත් අපේ අමරදේව මාස්ටර්ගේ සිට, දෙරණේ පොඩි එකා දක්වාද, දේශීය මෙන්ම විදේශීය රංගනයන්ද, ඇඳුම් නිර්මාණද, ආළෝකයද, සංගීතයද, ගායනාද, ඉදිරිපත් කිරීමද, ජත්‍යන්තර තලයටත් එහා තිබුන බව නොකියාම බැරිය..

අපේ රට එතරම් ඉහලට ඔසවා තැබුවාට, අපගේ ප්‍රණාමය...!!!!