Wi-Fi යනු කෛරාටික ඡන්ද පොරොන්දුවකි - Wi-Fi - A Broken Promise

 

- චානුක වත්තේගමයන්ගේ ලිපියකි -  

Free Wi-Fi යනු කෛරාටික ඡන්ද පොරොන්දුවකි. එය පොරොන්දු වූ ආකාරයෙන්ම කරන්ට නොහැකි බව මුල් අවස්ථාවේම හැමදෙනාම දැන සිටියහ. එසේම කවදාවත් ඒ වෙනුවෙන් සතයක්වත් වෙන් නොකෙරිණි. ආණ්ඩුවට අවශ්‍ය වූයේ බජට් එකක් නැතිව ප්‍රොජෙක්ට් එකක් කරන්ටය.

හැම ආණ්ඩුවක්ම මෝඩය. යහපාලන ආණ්ඩුව සුවිශේෂයෙන් මෝඩය.

ඇත්තටම ලංකාවට නිදහස ලැබුණේ කවදාද? - When we achieved independence?

- චානුක වත්තේගමයන්ගේ ළිපියකි - 

සියයට 99 ක් අපේ රටේ 'පොඩි මිනිහාට' නම් තරමකට හෝ සිය හිස කෙළින් කොට ගෙන දෙපයින් නැඟී සිටීමේ නිදහස මුල් වරට ලැබෙන්නේ 1833 දීය.

එතෙක් ඔහු කළේ තමන්ට කියා බිම් අඟලක් වත් නැතිව පාලකයින්ට දිවි ඇති තුරා නිවට නියාලුව කඹුරන එකය. රදළයා රැගත් අසු කුර හඬ ඇසුණු සැණෙකින් කස පහරට බියෙන් සාළුව කරින් ගෙන ලැහැබට රිංගන එකය. නිවසේ හුණු පිරියම් කර ගැන්ම පිණිස "පස්වාන් දහසකට බුදුවන්ඩ දෙයි හාන්දුරුවනේ..." කියා රදළයාගේ දෙපාමුළ ඇද වැටී අවසර ලබා ගන්නා එකය. දෙවුර වසන්ට අවසර නැති ගැමිලිය රුවැති දියණියන් රදළයාට බන්දේසියක තබා පිදීම තම ඉරණම සේ තකන්ට පුරුදු වූ ගැහැණියකි.

අධිෂ්ඨානය - එල්. ටී. ටී. ඊ. පරාජය නාවික හමුදාවේ භූමිකාව - Adhishtanaya - Role of the Navy in LTTE's defeat

ග්‍රන්ථ විචාරය: 'අධිෂ්ඨානය - එල්. ටී. ටී. ඊ. පරාජය නාවික හමුදාවේ භූමිකාව'

කර්තෘ: අදිමිරාල් වසන්ත කරන්නාගොඩ

ප්‍රකාශක: එච්. කේ. මහින්දලාල්, කොළඹ 5

පිටු 418, මිළ රුපියල් 950

- චානුක වත්තේගම -

විශ්‍රාම ගිය ජ්‍යෙෂ්ඨ රාජ්‍ය නිලධරයකුගේ චරිතාපදානයක් කියැවීම තරම් නිදි දුරැත්තෙකුට මහඟු ඔසුවක් නැතැයි ඛුෂ්වන්ත් සිං වරෙක ලීවේය. මේ ඇත්තෙක් නම් අද්මිරාල් වසන්ත කරන්නාගොඩගේ 'අධිෂ්ඨානය' මේ තියරිය බොරු කරන පොතක් සේ මම දකිමි. පිටු හාරසිය ගණනෙකින් හා මනා නිමාවෙකින් යුතු මේ කෘතිය පොත් ගුල්ලකු නොවන්නකු පවා රැයක් අවදියෙන් තබා ගන්ට සමත් එකකි.

රොහාන් සමරජීවගේ, රාවයේ ළිපියට පිළිතුරක් - Response to Rohan Samarajeewa

රොහාන් සමරජීව යන නම, ශ්‍රී ලංකිය පුවත් පත් කලාවේ නොමැකෙන නාමයකි. එමෙන්ම මාතලන්ගේ ප්‍රියතම ලේඛකයෙකි. ඔහුගේ නම සඳහන් වූ කිසිම ළිපියක්, මා මග හරින්නේ නැත. අප රටේ සංවර්ධනය ගැන ඔහු දක්වන අදහස් උදහස්, පාළකයන්ගේ නෙත් නොගැටීම හා නොසලකා හැරීම, රටේ අවාසනාවකි. මා කොහේ හෝ කියවා ඇති පරිදි, ඔහු සිංහලෙන් ලියන්නේ නැත. රාවයේ ඔහුගේ නමින් පලවන ළිපි ලියනුයේ වෙනත් කවුරුන් හෝ බව සඳහන් කර තිබුනේ, මට මතක ආකාරයට රාවය පුවත් පත තුලමය.

“සෙනසුරු මාරුව” 2014 නොවැම්බර් 2 දා ද, 2015 ජනවාරි මාසයේදීද? - "When is the Saturn crossing- November 2014 or January 2015?"

- චානුක වත්තේගම -

මේ අවස්ථාවේ රටේ හා බ්ලොග් අවකාශයේ පවා එක්තරා මට්ටමකට සාකච්ඡාවට ගැණෙන ප්‍රශ්නයකි, මේ. සමහරවිට ජනාධිපතිවරණ දිනය නීර්ණය වැනි වැදගත් කාර්යයන්ට පවා මේ ප්‍රශ්නයෙහි  මූලය හේතු වන්ට ඇත.

මෙහි පිළිතුර සරලය. එසේම මෙහි එක දිනයක් තාරකා විද්‍යාව (Astronomy) අනුව හා අනෙක ජ්‍යොතිෂය (Astrology) අනුව කීම වැරදිය. මීට තාරකා විද්‍යාවෙහි සම්බන්ධයක් නැත. තාරකා විද්‍යාව "ග්‍රහයින්" , "රාශි" වලට ගමන් කිරීමක් ගැන කතා නොකරයි. තාරකා විද්‍යාවේද 'මේෂ', 'වෘෂභ'  වැනි වදන් කලාතුරෙකින් භාවිතා වුවද ඒ තාරකා පද්ධතීන් (Constellation) වශයෙන් විනා “රාශි” ලෙස නොවේ. මෙය තනිකරම ජ්‍යොතිෂයේ අභ්‍යන්තර ප්‍රශ්නයකි. කෙටියෙන් මේ ගැටළුව පහදා දෙන්ට උත්සාහ කරමි.

‘හලාල් බැංකු’ - ඇත්ත හා නැත්ත - Islamic Banking and Champika Ranawaka

- චානුක වත්තේගම -

ලංකාවේ බැංකු කටයුතු පාලනය වන්නේ 1988 අංක 30 දරණ බැංකු කටයුතු පිළිබඳ පනතිනි. මේ පනත ඉස්ලාමීය බැංකුකරණයට ඉඩ සලසමින් සංශෝධනය වන්නේ 2005 දෙසැම්බර් මාසයේ දහ වැනිදාය. ජනාධිපති මහින්ද රාජපක්ෂ පළමුවරට පත්ව සති කිහිපයකිනි. මහ බැංකුවේ වත්මන් අධිපති අජිත් නිවාඩ් කබ්රාල් පත්වන්ට මාස හයකට කලිනි. එවක මහ බැංකු අධිපති වසර දෙකක පමණ සාපේක්ෂව කෙටි කාලයක් එම පදවිය හෙබවූ සුනිල් මෙන්ඩිස්ය.

ෆේස්බුක් වල විද්‍යාවට ගරහන මහදැනමුත්තෝ හා ඉඳිකටු පැංචෝ - Somebodies and nobodies in Facebook

• චානුක වත්තේගම

වත්පොතේ (ෆේස්බුක්) තරම් සිරා ගෝත්‍රවාදීන් පිරිසක් ලංකාවේ වෙන කොහේවත් නැතිය හෝ සමාන ප්‍රකාශයක් මෑතක උපුල් ශාන්ත සන්නස්ගල විසින් කර  තිබෙණු දිටිමි. මේ ඇත්තය. සමාජ ජාලයන්හි හොඳ හා නරක ගැන වසරකට වරක් පශ්චාත් උපාධි විද්‍යාර්ථීන්ට දේශන දෙකක් පවත්වන මා වැන්නකුට වුව, තරමක ලජ්ජාවකින් හෝ, පිළිගන්ට වන තිත්ත ඇත්තය. ලජ්ජාව වත්පොතේ භූගෝලීය, දේශපාලනික, ජාතික සීමාවන් බිඳින්ට වන හැකියාව ගැන මා කාලයක ලොරි ටෝක් දී ඇති නිසාය. දැන් ලංකාවේ තරුණ පරම්පරාව වත්පොතේ සැබෑ වත අපට දක්වමින් සිටියි. තථ්‍ය ලෝකයේ ගෝත්‍රවාදය බොහෝ විට ජාතිවාදය, ආගම්වාදය හා කුලවාදය යන කිහිපයකට සීමාවෙයි. වත්පොතේ නිරුවත් ගෝත්‍රවාදය මින් බොහෝ එපිට යන්නේය. පළාත්වාදය, නගරවාදය, ගම්වාදය, පාසල්වාදය ආදී විවිධාකාර වර්ගවාදයන් මේ අතථ්‍ය අවකාශය තුළ කලෙකින් එළි පෙහෙළි නොකළ ඉඩමක වල් පැළ මතු වන්නාක් සේ බලා සිටිද්දීම මතු වෙමින් තිබෙන්නේය.

එක්සත් ජාතික පක්ෂයට ආර්ථික ප්‍රතිපත්තියක් වහාම ඕනෑකර තිබේ. - Does UNP have an economic policy?

- චානුක වත්තේගම -

තව මාස කිහිපයකින් පවත්වන්ට නියමිතය කියන ජනාධිපතිවරණයේදී නායකත්වයේ වෙනසක් සිදු වනු ඇතැයි නොසිතමි. වැඩි සම්භාවිතාවක් ඇත්තේ වත්මන් ජනාධිපතිවරයාම පට්ට වැඩි ඡන්ද ප්‍රමාණයකින් ජය ගැන්මෙහිය. ඒ මේ ලියන මොහොතහි (ඔක්තෝබර් මුල) පවත්නා සමාජ-ආර්ථික-දේශපාලන වාතාවරණයට අනුව මගේ කියැවීමයි. තදහර එක්සත් ජාතික පාක්ෂිකයින්ට මීට වඩා වෙනස් කියැවීම් තියෙන්ට පිළිවන. මම ඔවුන් හා වාදයට නොයමි. දේශපාලන පොර බිමෙහි ඉන්නා තෙසක්-රිය පක්ෂ නායකයින්ගෙන් ප්‍රශ්න කළද තමන් කවදා හෝ රටේ නායකත්වයට පත්වනු නිසැකය කියනු ඇත්තේය. මහගමසේකරගේ 'නොමියෙමි' කාව්‍ය සංග්‍රහයේ එන චරිතයක් වන අළුත උපන් චන්දන පස්ගම්මන ළදරුවාගේ  දෙමාපියන්ද සිතන්නේ ඔහු කවදා හෝ ලංකාවේ අගැමැති වන බවය. (අගැමැති වන්ට සිටි චන්දන පස්ගම්මන දින කිහිපයකින් මියයයි.)  මේ සිහිනයන්හි ස්වභාවයයි. ඒ සිහින වලට සාපේක්ෂව, ලංකාවේ දෙවන විශාලතම මොනොලිතික පක්ෂයේ නායකයා වූද, අගැමැතිකම දෙවරක් දරා ඇත්තා වූද රනිල් වික්‍රමසිංහ මහතාගේ ජනාධිපති සිහිනය අනිවා-ඩෙෆා වඩා අර්ථාන්විතය. මගේ පෞද්ගලික කියැවීම් ඒ සිහිනයට බාධාවක් කර ගත යුතු නැතැයි හඟිමි. මට වැරදිය හැකිය. කාලානුරූපව සමහර දේ වෙනස් විය හැකිය.

එදා විද්‍යා සන්නිවේදනය අද නැත්තේ ඇයි? - Science Communication: Are we going backwards?

 - චානුක වත්තේගම -

මගේ ළමා කාලය වැඩි හරියක්ම ගෙවී යන්නේ හැත්තෑව දශකයේයි. මේ අදට වඩා කෙතෙක් පසුගාමී සමයක්දැයි අද වැඩිහිටියන්ට සිහි කර ගත හැකිය සිතමි. ෆේස්බුක් නැත. ඉන්ටර්නෙට් නැත. ඩිජිටල් වීඩියෝ තැටි, සංගත තැටි නැත. ජංගම දුරකථන නැත. 3 ශ්‍රී මොරිස් මයිනර් කාර් එකක් හෝ අංක කරකවන දුරකථනයක් ඇති නම් ඒ පට්ට පොහොසත් ගෙදරකැයි සැලකෙයි. ළමයින් පාසලට යන්නේ පයින් හෝ බස් එකෙනි. දවල්ට කන්ට ගෙනයන්නේ පොල් සම්බෝල මැදට දැමූ පාන්ය. විසි එක් වන සියවසේ දෙවන දශකයේ දරුවන් ඒ පශ්චාත් නූතන ගල් යුගය සේ හඳුනා ගන්නේ නම් මම පුදුම නොවෙමි. ආපසු හැරී බලන විට ඒ යුගය එතරම්ම ප්‍රාථමිකය.

සන්නස්ගලගේ අම්මා සහ ලංකාවේ දුප්පත්කම - Sannasgala's 'Mother' and Poverty in Sri Lanka

• චානුක වත්තේගම

මේ සටහන උපුල් ශාන්ත සන්නස්ගල ගේ කතුවරයා විසින්ම "ප්‍රබන්ධයකැයි සිතාගෙන කියවන්න" කියන 'අම්මා' නම් කෘතිය ගැන විචාරයකැයි ඔබ සිතන්නේ නම් ඔබ වැරදිය. ඒ විචාරය කිරීම වත්පොත (ෆේස්බුක්) පිරෙන තරමට ඉන්නා සන්නස්ගලගේ ගෝලයින්ට, මිතුරන්ට හා පසමිතුරන්ට පවරමි. මම ඔහුගේ ගෝලයෙක්, මිතුරෙක් හෝ පසමිතුරෙක් නොවෙමි.

හැබැයි සන්නස්ගල ගේ 'අම්මා' මටද වැදගත්ය. ඒ ඉඳුරා වෙනස් ආකාරයකටය. 'අම්මා' තරම් නිදහසින් පසු ඉතිහාසයේ ලංකාවේ දුප්පත්කම "මේං බලාපල්ලා" ය සනිදර්ශනය කරන වෙනත් කෘතියක් නොමැත්තේය. මම එය මගේ සිසුන්ද ඇතුළුව, දකුණු ආසියාවේ සංවර්ධනය හා දිළිඳුකම පිළිබඳව ගැඹුරින් හදාරණ සියළු අර්ථ ශාස්ත්‍ර විද්‍යාර්ථින්ට අනිවාර්යයෙන්ම කියැවිය යුතු ආශ්‍රිත ග්‍රන්ථයක් සේ නිර්දේශ කරමි.

සාමූහික කැබිනට් වගකීම හා චම්පික රණවකගේ දෙබිඩි දේශපාලනය - Collective Cabinet Responsibility and Champika Ranawaka's politics

-

- චානුක වත්තේගම -

1970 දී එඩ්වඩ් හීත්ගේ කන්ස’වේටිව් කැබිනට්ටුවේ අධ්‍යාපනය හා විද්‍යාව පිළිබඳ රාජ්‍ය ලේකම් ධුරය හිමි වන්නේ එවකට හතළිස් පස් වැනි වියෙහි හුන් මාග්‍රට් තැචර්ටයි.  ඇමැතිවරියක සේ තම ධුර කාලයේ පළමු මාස කිහිපය තුළම ඇය දැඩි අප්‍රසාදයට ලක් වන්නේ අධ්‍යාපන ක්ෂේත්‍රයේ වියදම් කැපීම් නිසාය. ඉන් එක් වියදම් කැපීමක ප්‍රතිඵලය වන්නේ වයස අවුරුදු හතේ සිට එකොළහ දක්වා වූ දරුවන්ට එතෙක් පාසලෙන් නොමිළයේ ලබා දුන් කිරි වීදුරුව අහිමි වීමයි. මේ ජනප්‍රිය නොවන තීරණය විරුද්ධ පක්ෂය ඉක්මණින් හා සාර්ථකව ප්‍රයෝජනයට ගනියි. "මාග්‍රට් තැචර් - මිල්ක් ස්නැචර්" කුප්‍රකට සටන් පාඨය බිහි වන්නේ එහි ප්‍රතිඵලයක් හැටියටයි. ජන ජීවිතයට ඍජුව බලපාන මේ තීරණයට එරෙහිව රට පුරා ඇතිවන උද්ඝෝෂණයන්හි තාපය කෙතෙක්ද යත් තමන් එක් අවස්ථාවක දේශපාලනයට සමු දෙන්ට පවා අදහස් කළ බව තැචර් පසුව සිය ස්වයංචරිතාපදානයෙහි සඳහන් කරන්නීය. එහෙත් ඇය නොකඩවා ඒ තීරණය වෙනුවෙන් පෙනී සිටියි. කිරි වීදුරුව නොමිළයේ ලබා නොදීම නිසා විරුද්ධ පක්ෂය අදහස් කරන පරිදි දැවැන්ත පෝෂණ ගැටළුවක් පැණ නොනඟින බව පාර්ලිමේන්තුවේදීත් ඉන් පිටතදීත් ප්‍රකාශ කරයි.

සුන්දර ජයසුන්දර සිහිනයේ යථාර්ථය - Is PBJ a dreamer?

- චානුක වත්තේගම -

අපේ රට ආයතනයක් වී නම් එහි 'චීෆ් ඉකොනොමිස්ට්' හෙවත් මුඛ්‍යාර්ථික විශේෂඥයා සේ සැලකිය හැක්කේ මුදල් හා සැලසුම්කරණ අමාත්‍යාංශ ලේකම් ආචාර්ය පී. බී. ජයසුන්දරයි. රාජ්‍ය නායකයාගෙන් පරිබාහිර මුදල් අමාත්‍යවරයකු නැති රටක ඔහුගේ වගකීම් එක්තරා මට්ටමකට එක්සත් රාජධානියේ මුදල් අමාත්‍ය 'චාන්සලර් ඔෆ් ද එක්ස්චෙකර්' ගේ වගකීමට සමානය. එසේම රාජ්‍ය බල පිරමීඩයේ ඉහළින්ම සිටින ආර්ථික විද්‍යාඥයා ඔහුයි. (මහ බැංකු අධිපති අජිත් නිවාඩ් කබ්රාල් වෘත්තීය ගිණුම්කරුවෙකි.) මේ නිසා ආචාර්ය ජයසුන්දර ලංකාවේ ආර්ථිකය ගැන කරන ප්‍රකාශ කිසිසේත් සුළු කොට තැකිය නොහැකිමැයි.

සිංහලයා සුළුතරයක් විය හැකිය කීම කැත බොරුවකි. - Is Sinhalese becoming a minority?

- චානුක වත්තේගම

හුදෙක් දේශපාලන වාසි පිණිසම වර්තමානයෙහි වැපිරෙන මිථ්‍යාවෝ නැතකි. ඉන් මුල් තැන ගන්නක් නම් සිංහලයා (හෝ සිංහල බෞද්ධයා) වඳවෙමින් පවතින ජනවර්ගයක්ය; අනාගතයේ සිංහලයා මේ රටේ සුළුතරයක් වන්නේය යන කැත බොරුවයි. ස්වාභිවෘද්ධිය පිණිස දත්ත හා සංඛ්‍යාන විකෘති කරන්ට තමුන්ට ලයිසමයක් ඇත්තාක් සේ හැසිරෙන එක්තරා වර්ගවාදී දේශපාලන නායකයකුට අනුව මේ සිංහලයා අපේ රටේ බහුතරයක් වන අවසාන සියවසලු!

ලංකාවේ දුප්පත්කමේ කප් එක ඌව පළාතටද? - Uva Province: The poorest of all?

- චානුක වත්තේගම

ඌව පළාත් සභා මැතිවරණය නියමිතව ඇත්තේ ලබන මාසයටය. ඒ නිසා ඌව පළාතේ දුප්පත්කම ගැන කතා කෙරෙන වීඩියෝ ක්ලිප් දෙක තුනක් මේ දවස් වල ඉන්ටර්නෙට්හි වෛරල් වීම කොහොමටවත් පුදුමයට කාරණාවක් නෙවෙයි. මේ හැම එකකම වාගේ 'සුපර් ස්ටාර්' ඌව පළාත් සභාවේ ජනතා විමුක්ති පෙරමුණේ කණ්ඩායම් නායකයා සමන්ත විද්‍යාරත්නය. ඇත්තටම මගේ අවධානය මේ වාදවිෂයයට යොමු කිරීම ගැන විද්‍යාරත්නට මුලින්ම ස්තූතිවන්ත විය යුතුයි.

ලංකාවේ අධ්‍යාපන අපාතයිඩය - How Sri Lanka practices Apartheid

- චානුක වත්තේගමයන්ගේ ළිපියකි....
 
'අපාතයිඩ්' යන අෆ්‍රිකාන් යෙදුම බොහෝ විට සිංහලයට පරිවර්තනය වන්නේ 'වර්ණ භේද වාදය' ලෙසිනි. මෙය වැරදිය. 'අපාතයිඩ්' හි වාච්‍යාර්ථය 'වෙන්ව විසීම' යන්නයි. එය වර්ණ භේදයක් ඇති හෝ නැති අවස්ථාවලට එකසේ භාවිතා කළ හැකිය. දකුණු අප්‍රිකාවේ එය භාවිතා වූයේ  පාලක සුද්දන් සුළුතරය හා බහුතර කල්ලන් වෙන්ව විසිය යුතුය යන, 1948 සිට 1994 දක්වා පවත්වා ගන්නා ලද රාජ්‍ය ප්‍රතිපත්තිය පිණිසය. 

මාතලන් ආර්ථිකය. (සරදියෙල් ආර්ථිකය වෙනුවට) - Economy in Maathalan Style

මුලින්ම කීමට ඇත්තේ, නැවතත් ලැපට කෙලවී ඇති බවකි. පොඩි මෑන්ගේ බාරයේ පැවති එයට මේ ළෝකේ තිබෙන, නා නා ප්‍රකාර දේ ඇද බාගෙන, දැන් එය වයිරස්, බැක්ටීරියා, දිලීර පමණක් නොව, ජපන් ජබර වලින්ද පිරී ඇත. කිසිම දෙයක් කොටා ගැනීමට බැරිය. කොටා බානා විට, අර කලින් සඳහන් කළ වස් දොස් සිය්යල්ලෝම ඉස්කිරිම පුරා අරක් ගන්නවායා. එවිට, ඒවා නිපදවු පින්වතුන්ගේ අම්මාවරුන් මතක් කොට, ලැප නිවා දමනවාය. මක් නිසාද යත්, ලැප පොලොවේ ගැසුවොත් ඒ පාඩුවත් මටම නිසාය.

'ලැම්බෝගිනි ආර්ථිකය' සැබෑ ආර්ථිකයක් නොවන්නේ නම් ඒ ඇයි? - Is Lambogini economy not real?

"චානුක වත්තේගම", සයිබර් අවකාශයට, අළුතෙන් හඳුන්වා දෙන්න අවශ්‍ය නෑ. නාලක ගුණවර්ධණ වගේම, සයිබර් අවකාශය ගැන දැණුවත්, එයට ආදරය කරන, ඒ වෙනුවෙන් යමක් කරන, විද්වතෙක්. මෑතකදි පැවති විද්වත් රැස්වීමක මුලසුන හොබවනු ලබන්නේ, පාඨළි චම්පික රණවක ඇමති තුමා. එම රැස්වීම පිළිබඳවම, අපේ "ඇල්කේමියාත්" පෝස්ට් එකක් ලියලා තිබුනා. පහත පළවෙන්නේ, "චානුකයන්" විසින්, ඒ පිළිබඳව ලියන ලද සම්පූර්ණ ළිපියයි. එය කිසුඳු සංස්කරණයකින් තොරව, ඒ ආකාරයෙන්ම  මෙහි පළකර ඇත.

සංවාදාත්මක කරුණු සඳහා, වත්තේගමයන් පිළිතුරු ලබා දෙනු ඇතයි අපු උදක්ම බලාපොරොත්තු වෙමු.