ලාංකීය හිඟන වෘත්තිකයෝ
➖➖➖➖➖➖➖➖➖🔴▪️
මෑතක් වන තෙක් ලංකාවේ වෘත්තිකයින් (විශේෂයෙන් රාජ්‍ය සේවයේ හිඟන්නෝ) උන්නේ ප්‍රභූ පිරිසක් ලෙසය. (ප්‍රභූ බුරුසුවා පන්තිය). ඒ උන්ට තිබූ විශේෂ වරප්‍රසාදයක් වූ ටැක්ස් ෆ්‍රී බෙනිෆිට් එක නිසාය.
එයාලාත් ගෝල්පේස් ඇවිත් ඉල්ලුවේ ගොබ්බසේන රාජපක්ෂ එලවා දමා සිස්ටම් චේන්ජ් කරන්නෙයි කියලාය. ඉතින් ඊට පස්සේ එයාලා පත් කර ගත්ත එකා කරන්න උත්සාහ කරමින් සිටින්නේ එයය.
දැන් උන්ට ඩියුටි ෆ්‍රී ෆැසිලිටීස් ඇත්තේ නැතිය. උනුත් අනිත් උන් මෙන් බදු ගෙවන්න ඕනෑය. වෙනස්වීම් දරාගත නොහැකි ජාතියකට මෙවන් වෙනසක් දරාගැන්ම කොහොමත් අමාරුය. හැබයි රට ගොඩ ගන්න නම් සියල්ලන්ටම කට්ටක් කන්නම වෙනවාය. මෙයාලා කියන්නේ, සියල්ල නොමිළේ ලබාගත් අපට, ඉදිරියටත් සහනාධාර, ආධාර, උපකාර, උපහාර, දීපියව් කියලාය.
ඊයේ හෝ පෙරේදා ශ්‍රී ලංකා වානිජ මණ්ඩලයේ සභාපති දුමින්ද හුලංගමුව කියා සිටියේ... කිසිම දේශපාලකයෙක් මේ මොහොතේ ජනප්‍රිය දේශපාලනයට යමින් මේ සිඳුවන දේවල් කඩාකප්පල් නොකල යුතු අතර, ලාබෙට ඉන්ධන, නොමිළේ පෝර, සැමට සමෘධි, පඩි වැඩිකිරීම් වැනි දෙකයි පනහේ බොරු පොරොන්දු ජනතාවට ලබා දී බලය ලබාගෙන පච වෙනවාට වඩා... මේ අමිහිරි සත්‍යයයෙන් ගොඩ ඒමට හැකි දේ කරන්නෙයි කියලාය.
ඊයේ මහින්දානන්ද අළුත්ගමගේ කිව්වේ... බදු එකතු කරන තැන්වල ඉන්නා හොරුන් නිසා, මේ වසරේ ඇස්තමේන්තු කළ බඳු ආදායමෙන් මේ වන තෙක් අය කරගෙන ඇත්තේ 38% පමණක් කියලාය. මෙහිදි අමතක නොකළ යුතු කාරනේ නම්, මේ ආදායම් එකතු කරන්නට ඉන්නේත්, ඉහළ වෘත්තිකයින්මය කියාය. උන් බදු එකතු නොකලාට උන්ගේ කුට්ටිය කඩාගෙන ඉවරය.
බදු එකතු කරනා ප්‍රධානම ආයතන වන, කස්ටම්මෙක, ඇක්සයිස් ඩිපාර්ට්මන්ට් එක හා ඉන්කම් ටැක්ස් ඩිපාර්ට්මන්ට් එක කියන්නේ සුපිරි හොර ගුහාවන්ය. එකතු කරන එකටත් ෂොට් එක දෙන්නේ මුන්මය. ඒ නිසා අපරාදේ කියන්නේ... ටැක්ස් ගහපු එක, උන්ට පඩේකටවත් ගානක් නැතිය.
මේවා වෙනස් කරන්න මේ ආන්ඩුවද මේ වන තෙක් කරපු ලබ්බකුත් නැතිය. සද්දෙට පඩ ඇරියාට කිසි ගඳක් එන්නේම නැතිය. ආන්ඩුවේ පාඩු ලබන ආයතන මිලදී ගැනීමට තබා... නිකන් දුන්නත් ගන්න එකෙක් එන්නේ නැතිය. ඒ, මේවායේ සිටිනා පින්බතාලා, හූනියන් හා කම්කරු නීතී රීතී නිසාමය. එව්වා එක්ක ඒ ආයතන ගොඩ ගැනීම බොරු බව ආයෝජකයෝ නොව ට්‍රැෆික් හිඟන්නෝත් දන්නවාය.
ආර්ථිකය ගැන දැනීමක් දැක්මක් ඇති උන් කියනාකාරයට, මේ ආකාරයට රට ගොඩ ගන්න නම් තා අවුරුදු පහකටවත් බැරිය.
75% කින් පමණ ඉහල ගිය ජීවන වියදම තාමත් එසේමය. එය තනි ඉලල්ලමකට ආවා යැයි කීවාට, ජහ මනයාගේ ආදායම වැඩි වුනේ නැතිය. ආදායම වැඩි නොවන්නේ නම්, උද්ධමනය මයිනස් (-) අගයක් වෙන්න ඕනාය.
ඒ නිසා සියල්ලන්ටම සිඳු වී තිබෙන්නේ බිල් ටික ගෙවා දමා දත් මිටි කන්නටය.
රාජ්‍ය සේවයට සේවකයින් බඳවා ගන්නේ නැතෙයි කීවාට, පාඩුවට උඩ යන ශ්‍රී ලන්කට් එකට ගුවන් සේවිකාවෝ ගන්නවාය. මෙව්වාට කියන්නේ වඳුරු කුණුහබ්බ කියලාය.
මේ දේවල් හාල්පාරු ලේමන්ලා වෙන අපටත් තේරෙනවා නම්, වෘත්තිකයිනන්ට තේරෙන්නේ නැත්තේ ඇයි කියා මාතලන්ට නම් තේරෙන්නේ නැතිය. වෘත්තිකයෝ කතා කළ යුත්තේ විරුද්ධ විය යුත්තේ මේවාටය.
එක්කෝ මුන් මේවා දැනගෙන පරණ ටැක්ස් ෆ්‍රී ෆැසිලිටි එන්ජෝයි කරමින් ප්‍රභූ බුරුසුවා පන්තියේ සැප පහසුකම් විඳින්න ඉල්ලනවාය. නැතිනම් මුන් විශයානුබද්ද දැණීමක් පමණක් ඇති අමු ළිං මැඩි ගෝත්‍රික ගං කබරයෝය.
මාතලන්ට නම් උන්ට කීමට ඇත්තේ, සියල්ලට විරුද්ධව කැෑ ගසනා මහපොල හිඟන්නෝ මෙන් නොවී, අස්වැසුම හා සමෘධි සහනාධාර ඉල්ලා පාරේ කෑ ගසනා අසරණ හිඟන්නෝ මෙන් නොවී, සැමදා සියල්ල නොමිළේ ඉල්ලනා හිඟන වී ගොවියෝ මෙන් නොවී, ටයි එකේ හා අත් දිග කමීසයේ ගෞරවයවත් ඉතිරි කර, මේ රටින් චුත වෙයල්ලා කියලාය. මොකෝ ඔය කටුත් කාගෙන රට වෙනුවෙන් සේවය කරන්නට කැමති 45% ක් පමණ ඉන්නා නිසාය.
නැත්නම් පීචං වෙන්නේ තොපි විතරක් නොව අර මිනිසුන්ද කැපවීමෙන් කරනා මහ ළොකු රැකියාවන් හෙවත් වෘත්තීන්මය.
එ වගත් මෙසේය...
.