මේ "හාදයන්ට පුලුවන්යෑ රට ගොඩගන්න

 

මේ "හාදයන්ට  පුලුවන්යෑ

රට ගොඩගන්න

➖➖➖➖➖➖⭕➖

🔴 මුලින්ම කිව්වා බලේට ආපු ගමන් IMF ගිවිසුම ඉරලා විසිකරලනවා කියලා... උන්ගේ මහ එකා දෙරණේ කලිඳුට කියනවා රනිල් යන මඟ හැර වෙන මගක් නෑලූ....

🔴 ඊළඟට කිව්වා සවරින්ග් බොන්ඩ්ස් හෙවත් ස්වෛරී බැඳුම්කර ගත්ත උන්ට මචං කියලා කතා කරලා වැඩේ ෂේප් කර ගන්නවා කියලා..

🔴 සේපාල් එක්ක කිව්වා ත්‍රිකුණාමලය දිස්ත්‍රික්කයෙන් විතරක්ම රටේ ආර්ථිකය ගොඩ දානවා කියලා... ඒ උක් වවලා... දන්න රෙද්ද මුළු දිස්ත්‍රික්කයේම වැව්වත් රටේ පරිභෝජනයට 10% ක් වත් එන්නේ නෑ. 

🔴 මූදෙන් ඉල්මනයිට් ගොඩ දාලා රට ගොඩදානවා කිව්වා.. මූදේ නෙමෙයි මූ ගොඩ ඉඳන් නෑවා...

🔴 නැවේ කපිතාන් බැහැලා ගියාම නැවට නැගලා නැව අයිති කර ගන්නවා කිව්වා... ග්‍රික් නැව් අයිති කාරයෝ මුගෙ පුපේ නැව් අරින්නේ පාරත් හිටින්න..

🔴 සංචාරකයින්ටත් සීගිරිය ලෝකල් ගානට පෙන්නනවා කිව්වා.. සංචාරක ව්‍යාපාරයට රටින් එන සුද්දොම ඕන නැතිය.... සිගිරි යන්න මෙහේ පෙන්ෂන් ගිය උන්ට ආන්ඩුවෙන් පැකේජ් එකක් දෙනවා කිව්වා.. පැන්ෂන් ගිය උන් ගල උඩට ගෙනියන්නේ මූ වෙන්නැති... මූ රන්ජන් එක්ක රට ගිහින් වතුර හුවමාරු කරන් ආවේ තලවතුගොඩ චාර්ජර්ස් වලටම වෙන්න ඇති.

🔴 නිශ්පාදන ආර්ථිකයකින් රට ගොඩ දානවලු... රටේ නිශ්පාදනයට අත්‍යාවශ්‍යම විදුලි බල බලාගාර දාන්න යනකොට මූ උසාවි ගිහින් ඒවා නැවැත්තුවා..

🔴 පෞද්ගලික විශ්ව විද්‍යාල එපා කියන එකා... ඊයේ පෙරේද උගෙ දරුවා කොතලාවල ඇකඩමියට දැම්මා... සල්ලි ගෙවනවා ඇත්තේ දයාසාන්ත වෙන්නැති...

🔴 මෙච්චර ආර්ථික උස්තාද් ලංකාවේ මොන්ටිසෝරි දරුවොත් දන්න.... "එලෝන් මස්ක්" මොකාද කියලා දන්නෙ නෑ... දැන් බව්වා වගේ රෙදි නැතිව උගෙන් සමාව ඉල්ලනවා...

🔴 ධනපතියා - දානපතියා (Capitalist - Philanthropist) දන්නේ නැති හාදයා තමයි NPP රජයේ මුදල් ඇමති. මුන්ට නෙමේ ගහන්න ඕන මුන්ට හොර උපාධිය දීපු අම්බරුවන්ට...

🔴 පව් අප්පා මේ මෝඩ සෙට් එකක් පස්සේ යන උගත්තු! 😂 ඇත්තටම උනුඝ් උගත්තු කිව්වට අමු ගිරා පෝතක වහල්ලු. මොලයක් තියෙන එකෙක් යයිද මුන් පස්සේ.....

අනේ "හාදයෝ " තොපි හදයි මේ රට....

.

අවුරුදු 75කට කලින් වියදම ගැන අහන අයට:

 

අවුරුදු 75කට කලින් 

වියදම ගැන අහන අයට:

➖➖➖➖➖➖➖➖⭕

අවුරුදු 75කට පෙර සාමාන්‍ය වියදම හැදුණෙ මෙහෙමයි: 

🔺 හාල්වලින් 75%ක් විතර ආනයනය කළා. ඉතිරි ටික කුඹුරෙ වගා කරගත්තා. හාල් පොතට කොටසක් නිකම් ලැබුණා. ජෙප්පන්ට ලැබෙනවා වගේ.

🔺 පෝෂණය ගැන ලොකු අදහසක් නැහැ. මොනවා හරි එක්ක කෑවා. දැන් වගේ ආගම් කර තියාගෙන හිටපු නැති නිසා තලගොයින්ව පවා කෑවා. මුහුදුබඩ නම් ඉරිදට මරන ඌරට දවස් ගානක් තිස්සෙ තඩි බෑවා මස් මෙළෙක් වෙන්න.

🔺 අධ්‍යාපනයට ලොකු වියදමක් තිබුණෙ නැහැ. ගැහැනු ළමයින්ව පාසල් යැව්වෙ අඩුවෙන්. අඩු වයසින් බන්දලා දුන්නා. පිරිමි ළමයින්ව වුණත්, උසස් අධ්‍යාපනයට යැවුණෙ බොහොම කලාතුරකින්. ටියුෂන් කියල ජාතියක් අහලවත් තිබුණෙ නැහැ.

🔺 ගෙවල්වල මහ ලොකු දේවල් තිබුණෙ නැහැ. හුඟක් ඒවයෙ වැසිකිලි පවා තිබුණෙ නැහැ. ගෙවල් හදන්න හවුසිං ලෝන් අරගෙන ගෙව්වෙ නැහැ. (ජෙප්පෝ දැන් බුකියෙ රෙණවා වගේ කැළේට ගියේ.) උන්ට අදටත් ටොයිලට් එකක් පෙන්නන්න බෑ. දැක්කොත් කුඩු කරනවා.

🔺 වතුර බිල්, ලයිට් බිල් නැහැ. නිවාසවලින් අති බහුතරයකට විදුලිය නැහැ. 95%ක් විතර ඉව්වෙ දරවලින්,  දුම් කකා. (ආයෙත්  ළඟදිම ඒ වාසනාව උදාවෙනවා ❤️)

🔺 ඇඳුම්වලට ලොකු වියදමක් කළේ නැහැ. (ජෙප්පෝ වගේ) පොඩි ළමයි ඇඳුම් ඇන්දෙ නැති තරම්. පිරිමි ගැහුවෙ අමුඩ. වැඩිම වුණොත් සරං. කලිසං මැහුවෙ ඉංග්‍රීසි කතා කරන්න පුළුවන් අය විතරයි. එහෙම අය හිටියෙ බොහොම පොඩ්ඩයි.

🔺 ටෙලිෆෝන් කියල ජාතියක් ගැන දන්නෙවත් නැහැ. ඩේටාවලට වියදම් වුණෙ නැහැ. ෆේස්බුක් එකේ ඇවිත් කල්ල ලෑ බොල්ල ලෑ කියන කාලයක් නෙමෙයි ඒක. (හැබයි ජෙප්පෝ නම් බෝක්කු උඩයි,කෝපි කඩෙයි මේ වගේම කටින් රට හැදුවා...)

🔺 වැඩිය ගමන් බිමන් ගියෙ නැහැ. ට්‍රිප් ගියෙ කලාතුරකින්. සිරීපාදෙ එහෙම ගියෙ දේපල පවා ලියලා. සීගිරියට ගඩොල් ඇද්දෙත් නෑ.

🔺 හැමෝටම වාහන තිබුණෙ නැහැ. ඒ නිසා පෙට්‍රල්වලට, නඩත්තුවට සල්ලි ගියෙ නැහැ.

🔺 ලෙඩවලට චැනල් කරලා බෙහෙත් ගන්න සිරිතක් තිබුණෙ නැහැ. බොහෝ ලෙඩවලින් මිනිසුන් මැරිලා ගියා.

🔺 දැන් වගේ ලොකුවට ණය වෙලා වෙඩිං, කොටහලු මගුල්, බර්ත්ඩේ පාටි ගත්තෙ නැහැ. ලොකුවට දාන දුන්නෙ ධනවතුන් විතරයි.

🔺 ඒ කාලෙ වැඩිපුර බිව්වෙ රා. ඒ නිසා බොන්න දැන් වගේ විශාල වියදමක් ගියෙ නැහැ. සීල් අරක්කුවලට වුණත් මේ වගේ බදු තිබුණෙ නැහැ. දැන් රා තියෙනවා... බෝතලේ 350/= යි.

තේරුණද? 

දැන් කාලෙ වියදම් ගණනය වෙන්නෙ මේවත් එක්ක. 

▪️ඒකට හේතුව මානව හා සමාජ සංවර්ධනය. 

▪️ඒකත් වුණේ පසුගිය අවුරුදු 75 තුළ තමයි.

▪️නැතිනම්, තාම මළපහ කරන්නෙ තිස් බඹේ. කෙකෙු පණුවො ලේ බීලා බැරි බැරියාව.

▪️77 ජේ ආර්  රට ලෝකෙට විවෘත කරනවා.

▪️ 2010 යුද්ධය දිනපු මරන්න හොයපු මයිනා රට බ්‍රෑන්ඩඩ් කරනවා.

▪️දැන් තඹුත්තේගම පැත්තෙන් ආපු අමු ගං කබරෙක්... පිනට ලැබුන බ්‍රෑන්ඩඩ් ඇදගෙන, පිනට බිස්නස් ක්ලාස් එකේ ලෝකේ වටේ යනවා ඒ යුගය අපිට නැවත උදාකරන්න.

- මූලික සටහන

      - අජිත් පැරකුම් ජයසිංහ 

- සංස්කරණය 

      - මාතලන් යකා 

.

IMF නිළධාරීන්ද හොල්මන් කළ ආන්ඩුවේ ජයග්‍රහණය

 

IMF නිළධාරීන්ද හොල්මන් කළ

ආන්ඩුවේ ජයග්‍රහණය

➖➖➖➖➖➖➖⭕

රට ආර්ථික අර්බුධයකට ලක් වූ අවස්ථාවේ.... එයින් පැනගිය ගොබ්බ දේශපාලුවන් වන.... අනුර කුමාර ප්‍රමුඛ ජේවිපී බලකායද....,  සජිත් ප්‍රමුඛ ගොඩහෑවාගේ ලණු කන මැටි මෝල් කණ්ඩායමද..., ජනාධිපති ලේකම් කාර්‍යාල රැස්වීමෙන්ද පැන ගියේ.... හේතු දෙකක් මතය...

පළමු එක....

කිසිඳු වැඩපිලිවලක් නොමැති නිසා නන්න පෝල් වූ බැරි කමය... ඩොලර් එක 600 ට යන බවත්... පාන් ගේන්න විල්බැරෝවේ සල්ලි ගෙනියන්න වෙන බවත් කීවේ ඒ නිසාය...

දෙවැන්න ....

උන් මේ රටට හා ජනතාවට කිසිඳු ඇල්මක් ආදරයක් නොමැති බල පෙරේතයන් පමණක්ම වීමය...

උන්ට ඕනා ජනාධිපති වී ඒ ආතල් ගන්නටය... මැති ඇමති ආතල් ගන්නටය....

සරළවම කියන්නේ නම්....උන්ට ඕනා මේ රට IMF ආධාර හා අධීක්ෂණය යටතේ ඉදිරියට යාම නොව...., රට හා ජනතාවට අම්මට හැමිනිලා කෙලවෙලාම යනේකය. 

රටක් දියුණු කරනවාට වඩා.... ඒකට... අම්මට හැමන්නලාම දමන එක මාර ලේසියි කියා පෙන්නුවේ ගෝටා, පී බී හෙවත් ආර්ථික ඝාතකයා හා උන්ට දිරච්ච ළණු දුන් මහ බැංකුවේ හාල්පාරු වෘත්තියවේදියෝය. ඒ සඳහා උන්ට ගත වූයේ අවුරුදු 3 ක් වැනි ඉතා කෙටි කාළයක්ය.

ලෝකය ගලා යන අර්ථ ක්‍රමයෙන් මිදී.... ගූ පෝර යෙදූ සංවෘත දේශිය ආර්ථිකයකින් රට ගොඩ ගන්නට ගොස් වෙච්චි සන්තෑසිය... මේ රටේ ගොබ්බයන්ට මෙතරම් ඉක්මනට අමතක වීම... මාර ලොල් සහගතය.

දැන් ඔය මොකා මොන බයිලා ගැහුවත්..., බලයට එන ඕනෑම එකෙක්ට රට පාලනය කරන්න වෙන්නේ IMF එකේ පදයටය. ඊට එකඟ නොවන්නේ නම්.... මේ රට  ආයේ ගල් යුගයටම යනේක නවත්තන්න.... ඒ මොකාටවත් හැකි වන්නේත් නැතිය.

දැන් IMF පමණක් නොව ජාත්‍යන්තර මූල්‍ය ආයතන, රක්ෂණ ආයතන ඉතරක් නොව ආර්ථික විශේෂඥයින් පවා හොල්මන් වෙලා ඉන්නේ..... රනිල් හා පිරිස මේ තරම් කෙටි කාළයකින් අම්මට සිරි ලංකාව ගොඩ ගැනීම ගැනය.

IMF නිලධාරීන් කොළඹ පැවති මාධ්‍ය හමුවකදී ඊයේ කියා සිටියේ.... 

▪️ උද්ධමනය සීමා කිරීම, 

▪️සංචිත සමුච්චය සහතික කිරීම සහ 

▪️රාජ්‍ය මූල්‍ය ශක්තිමත් කිරීම සම්බන්ධයෙන්.... ආන්ඩුව "ප්‍රශංසනීය ප්‍රතිඵල" පෙන්වා තියෙනවා කියලාය.

එමෙන්ම ආර්ථිකය ගොඩ ගැන්මේ ප්‍රතිසංස්කරණ ක්‍රියාවලියේදී... තමන්ගේ න්‍යාය පත්‍රය ක්‍රියාත්මක කිරීමේදී “ඉතා විශිෂ්ඨ ප්‍රගතියක් අත්කර ගැනීම” සම්බන්ධයෙන්.... ශ්‍රී ලංකා බලධාරීන්ට ඔවුන් ප්‍රශංසා කිරිමටද අමතක කළේ නැතිය.

ඒ අනුව ආර්ථිකය ගැන අවබෝධයක් ඇති උන් කියන්නේ.... 

▪️වසර හයක් දක්වා ණය ගෙවීම් අත්හිටුවීමක් සහ 

▪️ආපසු ගෙවීමේ කාලය තුළ පොලී අනුපාත අඩු කර ගැන්මක්.... බොහෝ විට ඉතාමත් ඉක්මනින් ලැබෙනු ඇති බවය.

එවන් තත්වයක් අත්කර ගත් ජනාධිපතිවරයකු හා තරුණ කණ්ඩායමක් සිටියදී.... ආර්ථිකය ගැන මෙලෝ අලබෝලයක් නොදන්නා.... සුබසාධනවාදී ස්වදේශිය ආර්ථිකයකින් රට ගොඩ ගන්නවා යැයි කියන දර ලිපේ උයන ගල් වැද්දන් හා වමේ හිඟන්නන් රජ කරන්නට යන උන් ගැන.... ලියන්නට වදන් ඇත්තේ නැතිය.

.

.

ඒ වගත් මෙසේය.....

.

ඉන්දියාවේ Part එකැයි කී හරීන්ට පුස් පාට් දානා ජාතිවාදී හාල්පාරුවෝ

 

ඉන්දියාවේ Part එකැයි කී හරීන්ට

පුස් පාට් දානා ජාතිවාදී හාල්පාරුවෝ

➖➖➖➖➖➖➖➖➖➖➖➖⭕▪️

බංකොලොත් වූ අම්මට සිරි ලංකාවේ උන් යාන්තන් ජාම ගැට ගසා ගත්තේ ඉන්දියාවෙන් දුන්න ක්‍රෙඩිට් ලයින්නෙකකට පින් අත් වෙන්නටය. එය නොලැබුනා නම් අපිට ආයෙත් යන්නේ වෙන්නේ සිද්ධාර්ථ ගෞතම යුගයට හෝ විජේ කුවේණී යුගේට හෝ මහින්දාගමන යුගයටය.

රනිල් ලොක්කා ලෝකේ පුරා රවුම් ගැහුවත්  මේ වනතෙක් එක ආයෝජකයේ මේ පැත්ත පලාතේ හෝ ආපු නැති කාළේක හූනියන් කාරයන්ට බයේ  ගොබ්බ ගෝටා එලවා දැමූ අදානි ඉතරක් නොව අම්බානී හා අමුල් සමාගමත් ඉන්දියානූ ආයෝජකයෝත් මෙරටේ ආයෝජනයට පැමිණීම ...

ඉතිහාසයේ සිඳූ වූවාක් මෙන්ම බුදුන්ගේ ආගමනය, විජයානුගමනය හා මහින්දාගමනය මෙන්ම තවත් ශිෂ්ඨාචාරයක ආරම්බයක් වනු ඇති අතර... අපට දූපත්වාසී ළිං මැඩි ගෝත්‍රිකත්වයෙන් මිදී සිවිලයිස් මිනිසුන් වීමේ යුගයක් වනු නොඅනුමානය.

ඉදින් රනිල් විකුම්සිංහ විසින් අනුර කුමාරයා ඇතුළු පිරිස ඉන්දියාවේ යවා කරඅඹා ඇති මොහොතක හරීන්ලා කංචනලා කළ යුත්තේ... විමල් වීරවංශ හා ගොම්මන්පිල වැනි දේශපාලනය මැක්කන්ගේ අඬෝවැඩියා හා පන් ගෝට්  පයිසයකට ගනන් නොගෙන තමන්ගේ වැඩසටහන ඉදිරියට වඩාත් වේගවත්ව කරගෙන යාමය..

⭕ ඉන්දියානූ ආර්ථිකයේ ප්‍රසාරණය හා වර්ධනය ගැන...  ඇමරිකාවේ S&P Global Ratings පළකල අනාවැකි අනුව...

----------------------------------------

🇮🇷 2030 වන විට ඉන්දියාව ලෝකයේ තුන්වන විශාලතම ආර්ථිකය බවට පත්වීමට සූදානමින් සිටී.

🇮🇷 දැනට, ඉන්දියාව ලොව  පස්වන විශාලතම ආර්ථිකය වනාතර ඔවුන්ට ඉදිරියෙන් සිටිනුයේ ... එක්සත් ජනපදය, චීනය, ජර්මනිය සහ ජපානයයි.

🇮🇷 2026-27 මූල්‍ය වර්ෂය තුළ ඉන්දියාවේ ඇස්තමේන්තුගත 7% GDP වර්ධනයක 7% කි.

 🇮🇷 2024 මාර්තු වලින් අවසන් වන මූල්‍ය වර්ෂය සඳහා ඉන්දියාවේ දළ දේශීය නිෂ්පාදිතයේ වර්ධන වේගය සියයට 6.4 ක් ලෙස සලකන අතර... එය පෙර මූල්‍ය වර්ෂයේ වාර්තා වූ සියයට 7.2 ට වඩා අඩු වීමකි.

🇮🇷 වර්ධන වේගය මීළඟ මූල්‍ය වර්ෂයේදී (2024-25) සියයට 6.4 ක් ලෙස පවතිනු ඇති අතර... එය ඊළඟ වසරේ සියයට 6.9 දක්වාත්... 2026-27දී සියයට 7 දක්වාත් ඉහළ යනු ඇති බව ශ්‍රේණිගත කිරීමේ ආයතනය පවසයි.

🇮🇷 එමෙන්ම... ඉන්දියාවට මීළඟ විශාල ගෝලීය නිෂ්පාදන කේන්ද්‍රස්ථානය බවට පත් විය හැකි බවටද ඔවුන් විසින් අනාවැකි පලකර අවසන්‍ය.

🇮🇷 ඉන්දියාවේ ශ්‍රම වෙලඳපොල ජීවන තත්වයේ විශාල ඉහළ යාමක් මෙන්ම ඉහළ ආදායම් සහිත මධ්‍යම පන්තිය අති විශාල වශයෙන් ප්‍රසාරණය වනු ඇත.

🇮🇷 ඉදිරි දශකය තුළ... විශේෂයෙන් මූල්‍ය සහ පාරිභෝගික තාක්‍ෂණ ක්ෂේත්‍රයන්හි එහි දියුණු වන ආරම්භක පරිසර පද්ධතිය පුළුල් කිරීමට හැකියාව ඇති බවත්... එය ඉන්දියාවේ දේශීය ඩිජිටල් වෙළඳපොලේ ශක්තිමත් වර්ධනයක් අත්පත් කරගැන්මත් සිඳුවනු ඇත.

🇮🇷 මීට අමතරව, S&P ට අනුව, මෝටර් රථ අංශයේ, ඉන්දියාව සංවර්ධනය, යටිතල පහසුකම්, ආයෝජන සහ නවෝත්පාදන සඳහා ස්ථානගත වී ඇත.

🇮🇷 ඔක්තෝම්බර් අග නිකුත් කරන ලද වාර්තාවක, එස් ඇන්ඩ් පී පවසා ඇත්තේ 2022 දී ඩොලර් ට්‍රිලියන 3.5 සිට 2030 වන විට ඉන්දියාවේ ආර්ථිකය ඩොලර් ට්‍රිලියන 7.3 දක්වා දෙගුණයකටත් වඩා වැඩි වනු ඇති බවයි.

🇮🇷 මීටාමතරව වඩාත් සිත්ගන්නා සුළු කරුණ නම් අපේ අසල්වාසීන් වන දකුණු ඉන්දියාවේ ඇති වන සීඝ්‍රගාමී ආර්ථික වර්ධනයයි...

🇮🇷 ඉන්දියාවේ ඩොලර් ට්‍රිලියන 7 ක ආර්ථිකයෙන් 35% ක් දකුණු ප්‍රාන්ත දායක වනු ඇත. එය 2030 වන විට රට ළඟා වනු ඇතැයි අපේක්ෂා කෙරේ. 

🇮🇷 තමිල්නාඩුව සහ කර්නාටක දකුණේ ලැයිස්තුවේ පෙරමුණ ගනු ඇත.

🇮🇷 ආන්ද්‍ර ප්‍රදේශ්, කර්නාටක, කේරළ, තමිල්නාඩු, තෙලංගනා යන ප්‍රාන්ත... සමස්ත ඩොලර් ට්‍රිලියන 7ක ආර්ථිකයෙන්... ඩොලර් ට්‍රිලියන 2.5ක් සාමූහිකව බෙදා ගන්නා බවයි.

🇮🇷 දැනටමත් දකුණු ඉන්දියාව දළ දේශීය නිෂ්පාදිතයෙන් 31%ක දායකත්වයක් සපයයි. මෙම කොටස 33 සහ 35% අතර වර්ධනය වනු ඇත. 

🇮🇷 සමස්තයක් ලෙස ගත් කල, ඉදිරි දශක ගණනාවකට දකුණු ඉන්දියාව රටේ වර්ධන එන්ජිම වනු ඇත.

🇮🇷 මහාරාෂ්ට්‍ර, තමිල්නාඩු, ගුජරාට් සහ කර්නාටක රටේ දළ දේශීය නිෂ්පාදිතයෙන් 50% කට ආසන්න ප්‍රමාණයකට දායක වන බවත් ඒ අනාවැකි අතර වේ.

ඉදින් මෙවන් තත්වයක් තුල අප කළ යුත්තේ අසල්වැසියාට ප්‍රේම කිරීම නොව කරකාර බැඳගැනීම බව මහතිර් මොහොමඩ්ලා ලී කුවාන් යූ ලා ගෙනා ගස් ගෙම්බන්‍ට නොතේරීම උන්ගේ නොදැනුවත් කමට වඩා පට්ට දේශපාලන කුහකකමම මිස වෙන කිසිවක් නොවන්නේමය.

.

පොලීසිය කාන්තාව නෝ පාකින් හා ආර්ථිකය..

 

පොලීසිය කාන්තාව

නෝ පාකින් හා ආර්ථිකය..

➖➖➖➖➖➖➖➖⭕➖

පොලීසිය කාන්තාවකට තදින්ම නීතිය ක්‍රියාත්මක කරන්න යාමත්, කාන්තාව ඊට විරුද්ධ වීමත් පෙන්වන වීඩියෝව අද වෛරල් වෙලා තියෙන්නේ..

මාතලන් නම් දෙපාර්ෂවයෙම වැරදි දකිනවා. කාන්තාවට රියදුරු බලපත්‍රයක් තියෙනවා නම් මාර්ග නීතී දැන ගන්න එපෑය. අනික ලයිසම ඉල්ලපු වෙලාවේ විසි කරන්නේ නැතිව ඒක දීලා වැඩේ ගොඩින් බේර ගන්න තිබුනා.

පොලීසියේ හැසිරීම ගැන අමුතුවෙන් ලියන්න දෙයක් නෑ නේ. හෙට අනිද්දා පොලීසියේ එකෙක්ට ගේම දෙනකන් එයාලා පාතාලේ එක්ක හොරා පොලිස් සෙල්ලම් කරනවා. පාතාලේ රටම හෝල්මන් කරවනවා.

මට තියෙන ගැටළුව ඕක නෙමෙයි. මේ රටේ බිස්නස් ඔක්කෝම වගේ වැහිලා යනවා. පාර අයිනේ තියෙන ෂෝ රූම්ස් හා ව්‍යාපාරික ස්ථාන බොහෝමයක් වැහිලා ගිහිල්ලා. ඒ බිස්නස් නැති නිසා. 

ඒවට නොයෙකුත් හේතූන් අතරේ පාකින් නැති එකත් ප්‍රශ්ණයක්. මේ කාන්තවත් ඇවිත් තියෙන්නේ එතන තියෙන ලොන්ඩරියට. දැන් ඉතින් ආයේ එයා ජීවිතේට එතනට එන්නේ නෑ. මේ වගේ ලොන්ඩරිවලින් සේවය ලබා ගන්නෙම වාහනයක් තියෙන අය. 

අනික පාරේ එච්චර වාහන නැති බවකුත් පැහැදිලිව පේනවා. ඉස්සරහා ත්‍රී වීල් එකකුත් නවත්තලා තියෙනවා. මේක අවවාදයක් කරලා යවන්න තිබුනා. එහෙම නැත්නම් එතනට එන අය පාක් කරන්න ඕන තැන රාළහාමිට කියන්න තිබුනා.

මගේ යෝජනාව රථ වාහන පොලීසිය වගේම පොලීසි වල රථවාහන අංශත් මේ ගැන දැණුම්වත් කළ යුතුයි. 

මරදාන ඉට්ටේසමේ බුහාරිය පැත්තේ බස් නවත්තන තැනට එක නිලධාරියෙක් දාලා නවත්තන්න පුලුවන් මහා වාහන තදබදයට අද වෙනකන් සිටි ට්‍රැෆික් එකවත්, මරදාන පොලීසියවත් පියවරක් අරගෙන නෑ. ඒ මදිවට පට්ට ට්‍රැෆික් අස්සේ සහිරා එක ඉස්සරහා හාවෝ වගේ පාරට පැනලා වාහන නවත්තලා දඩ කොල ලියනවා.

මේවයෙන් වෙන්නේ කිසියම් පිරිසක් එල්ල කරලා පටන් ගත්ත බිස්නස් ඔක්කොම වැහිලා යන එක. මොකෝ කස්ටර්මස්ලා කැමති නෑ නේ නිකන් පරිප්පු කන්න.

ඒ නිසා පාරේ එක පැත්තක් හෝ පාරිභෝගිකයාට වෙන් කළ යුතුයි. නැත්නම් ආන්ඩුවෙන් වාහන ගාල් හදලා පොලීසියෙන් පාරිභෝගිකයා ඒ ගාල් වෙත යොමු කළ යුතුයි.

මොකෝ පොලීසියේ ඉන්න උන්ට ඔය ව්‍යාපරවලට ගොඩ වෙන්නවත් ආදායමක් නෑ නේ. මේවා සුළු සිද්දීන් වගේ පෙනුනට, කෙලින්ම සුළු පරිමාණ ව්‍යාපාරිකයින්ටත් ඒ වගේම රටේ සමස්ත ආර්ථිකයටත් බලපාන විශාල කාරනා.

ආන්ඩුවයි පොලීසියයි මේ වගේ දඩකොල දීලා ආර්ථිකේ ගොඩ ගන්න යනවා නම් බිස්නස් වලට අම්මට හැමිනිලාම යන දවස වැඩි ඈතක් නෙමෙයි. ඉස්සර ජනාකීර්ණ නගරයක් වෙච්චි බොරැල්ලේ සියළුම ව්‍යාපාරික ස්ථානයන් වැසී යාම මීට එක් උදාහරණයක් .

ගොබ්බ මාධ්‍යයත් කළ යුත්තේ මේවයෙන් අන් ගෝතල් ගන්නේ නැතිව. මේන් මේ දේවල් ගැන කතා කිරීම.

ඒ ගෑණු කෙනා උනත් එතන ඒ විදියට හැසිරෙන්නේ නීතිය සැමට සමාන ලෙස ක්‍රියාත්මක නොවන බව දන්නා නිසා.

එන්න මිතුර... කිසිම වැරැද්දක් නොකරන අපි ඇයට ගල් ගසමු....

.

සුදු අලින්ට බොනස් ගෙවනා පිස්සු පාලකයෝ..

 

සුදු අලින්ට බොනස් ගෙවනා

පිස්සු පාලකයෝ

➖➖➖➖➖➖

මේ රට බංකොලොත් බව ප්‍රකාෂ කළේ මහ බැංකුවේ මහ එකාය. ඒ ඉන්දියාවෙන් බිලියන 4 ක ක්‍රෙඩිට් ලයින් එකක් ලැබී තීබියදී හා ඉන්දියානූ ආයෝජකයෝ ලංකාව ගොඩ දැමීමට ඉදිරිපත් වී තිබියදීය.

රට බංකොලොත් වීමට ප්‍රධානම හේතුව පාඩු ලබන රජයේ ආයතන තුල ඉන්නා මෙලෝ රහක් නැති සේවක පිරිසගේ පඩි නඩි හා දීමනා ගෙවමින් ඒවා නඩත්තු කිරීම බවත් ඔප්පු වී අවසානය.

IMF එක පවා ඊට පිලියමක් යොදන්නැයි කියා උපදෙස් දී තිබියදි, ඊට කිසිම පිලියමක් නොයොදා, තව දුරටත් මේ මූසලයින්ට ආතල් දීමට මහන්සියෙන් හරි හම්බකරගෙන කන ජනතාවට කන පැලෙන්බ බදු ගසා අවසානය.

මේ රටේ ජනතාවට ප්‍රීතී වීමට ඇති එකම දෙය වන මත්පැන් වලටත් කන පැලෙන්න බදු ගසා අවසානය.

විදුලි බල මණ්ඩලයේ උන් හොරා කෑ නිසා පසුගිය වර්ෂවල වූ පාඩුව ගෙවන්නට වෙලා තියෙන්නේත් ජනතාවටය. ජනතාවගේ ආදරය දිනාගෙන උන් ඇමතිවරයාද, විදුලි මාෆියාව විසින් තමන්ගේ ගොඳුරක් කරගෙන ඇති බව ඉතා පැහැදිලිය.

තත්වය එසේ තිබියදී ශ්‍රී ලංකන් ගුවන් සමාගමට හා තෙල් සංස්ථාවට බෝනස් ගෙවන්නටත් මුදල් දී ඇත්තේ මහා භාන්ඩාගාරයෙනි. 

මහා භාන්ඩාගාරය අයත් වන්නේ මුදල් අමාත්‍යාංශයටය. අප දන්නා පරිදි මුදල් ඇමතිවරයා වන්නේ රනිල් වික්‍රමසිංහ ජනාධිපතිවරයාය.

තෙල් සංස්ථාවේ උන්ට මාස දෙකක බෝනස් ගෙවා ඇත. දැන් ඒවායේ සභාපතිවරුන්ගෙන් ඊට නිදහසට කරුණු විමසා ඇතැයි වාර්ථා වේ.

ඒ අනුව අපට පෙනෙන්නේ ආයතන දෙකේම සභාපතිවරුන් මේ මුදල් ඉල්ලාගෙන ඇත්තේ අමාත්‍යාංශ ලේකම්වරයාට හා ඇමතිවරයාට අමු බේගලයක් ඇද බාලා බවය. 

මොකෝ එහෙම දැණුවත්ව මේ දේ වුනා නම්, මෙහෙම නිදහසට කරුණු විමසන්න විදියක් ඇත්තේ නැතිය...

එමෙන්ම පෙනෙනා අනික් කාරනය නම්, මේ අමාත්‍යශ තුනේම ලේකම්වරුන් හා ඇමතිවරුන් තමන්ගේ ආයතන තුල සිඳුවන්නේ කුමක්දැයි කියා නොදන්නා බවත්, දෙන මුදල් වලට සිඳු වන්නේ කුමක්දැයි කියා පසු විපරමක් නොකරනා බවත් පනණමය.

මුදල් අමාත්‍යාංශයේ රාජ්‍ය ඇමතිවරු දෙදෙනෙකි. ඒ ශෙහාන් සේමසිංහ හා රංජිත් සියඹලාපිටියයි. මොවුන්ද මේවාට වගකිව යුතුය.

ජනතාවගේ බෙල්ල මිරිකමින් සුදු අලි නඩත්තු කරනා මෙවන් නිළධාරීන් හා පාලකයින් සිටිනා රටක් මෙහෙම තියෙනා එකත් ආසියාවේ ආශ්චර්‍යයක් නොව විශ්වයේම ආශ්චර්‍යයක් බව නොලියා සිටිය නොහැකිය.

ඒ වගත් මෙසේය.....

.

IMF යෝජනා ක්‍රියාත්මක කිරීමට තරම් කොන්දක් ඝෝඨාට හා රනිල්ට තිබේද?

 

දින 10 ක් ලංකාවේ උන් IMF නියෝජිතයින් රටින් ගියේ අලුතෙන් කිසිවක් කියා නොවේය. එදා සිට අප ලියනා දේවල් ටිකම කියාය.

උන් කියා ඇත්තේ ණය වැඩි බවත්, ආදායමට වඩා වියදම වැඩි බවත්, ඊට හේතුව රාජ්‍ය සේවය බවත්, මේවාට කඩිනමින් විසඳුම් යෝජනා කරනා ලෙසත්‍ය.

මේ සියල්ල අප සයිබරයේ ලියන්න ආ දා සිට ලියනා දේවල්‍ය. කරුමය වූයේ අදටත් දේශපාලුවන්ට, නිළධාරී මාෆියාවටත් මෙය නොතේරීමය. පින් පඩි ගන්න ආචාර්‍ය මහාචාර්‍ය වරුන් හා ආර්ථික උස්තාද්ලා වරද පටවන්නේ අධිපරිභෝජනවාදී ජීවන රටාවකට හුරු වූ ජනතාව ඊට වගකිව යුතු යැයි කියලාය.

එහෙත් ඇත්ත කතාව නම්, ජාතික ආර්ථිකයට කිසිඳු දායකත්වයක් නොදක්වන පාඩු ලබන ආයතනවල උන් පවා, බදු මුදල් වලින් හා රාජ්‍ය ආදායමෙන් පින් පඩි ගෙන, එවන් ජීවන රටාවක් ගෙවපු එකය.

තත්වය උග්‍ර වූයේ, 2015 පසු ආ යහපාලන කැඳ හැලි ආන්ඩුවේ ප්‍රතිපත්තියද එයම වීමය. උන් කරේ ISB නිකුත් කරමින් ලෝකයටම ණය වී, බඩු මිළ අඩු කොට, සහනාධාර දී කා බී රමණය කරමින් හෙලිකොප්ටර්වල කරණම් ගසමින් ආතල් ගැනීම විතරය. 

ආර්ථිකය ගැන මෙලෝ අලබෝලයක් නොදන්නා ගොබ්බ ජනතාවද 2019 තිබ්බ රට දීපියව් කියා කෑ මොර දෙන්නේ ඒ නිසාය. උන් ගත්තේ ක්‍රෙඩිට් කාඩ් ආතල් එකක් කියා උන්ට තාම තේරෙන්නේ නැතිය.

රාජපක්ෂලා හොරා කමින් හෝ ගෙන ආ සංවර්ධන ව්‍යාපෘති සියල්ලම නවතා දැමූ උන්, රටේ ණය ප්‍රමාණය දෙගුණයක් කර, බෝම්බත් තබා පැනගියේ, සංචාරක ව්‍යාපාටය කාබාසිනියා කර දමමින්, ජාතික විදුලි බල පද්දතියටද එකඳු මෙගා වොට් එකක්වත් එකතු කරන්නේ නැතිවය.

මෙහිදි විශේෂයෙන් සඳහන් කළ යුතුම දෙය වන්නේ, වසර 30 ක් පුරා පැවති ත්‍රස්තවාදී යුද්ධය තුල පවා එකඳු විදේශිකයකුට හෝ කිසිම අතුරු ආන්තරාවක් සිඳු නොවීමය.

උන් මහා ලොකුවට පාරම් බාමින්, උන් ඉතිරි කර ගියා යැයි කියන සංචිතයද, එසේ ISB නිකුත් කර ගොඩගැසු ණය කන්දරාවක් මිස හම්බ කරගත් දෙයක් නොවේ. ඇත්තටම බැලුවොත් උන් ගෝඨාට දුන්නේ, හිස් වූ භාන්ඩාගාරයක් හා ඩොලර් බිලියන 7 ක ක්‍රෙඩිට් කාඩ් එකක්‍ය.

දැන් ඝෝඨට හා රනිල්ට ඇත්තේ ඔප්ෂන් දෙකකි... ඒ 

1. රාජ්‍ය සේවය ආරක්ෂා කර ගැනීමට නම් සෘජූ විදෙස් ආයෝජන ඕසෙට ගලා ආ යුතුය.

2. එසේ නොමැති නම් උන් සමඟ දේශිය සංවෘත ආර්ථිකයකින් රට ගොඩ දැමිය යුතුය. 

එහෙත් කිසිඳු සම්පතක් නොමැති අප රටේ කිසිඳා සැබෑ නොවනා සිහිණයාක්ම පමණි. කළත් එය පරම්පරා ගනනක් දුක් විඳිනා වේදනාත්මක යුගයක් වන්නේය. රටේ ජනතාව තබා පින්පඩි කාරයෝවත් ඊට සූදානම් නැති අතර උන් අත්‍යාවශ්‍යම සේවා සපයන්නෝ යැයි කියා විශේෂ වරප්‍රසාදද ඉල්ලමින් සිටින්නේය.

කාළයක් රටේ ප්‍රධාන ආදායම වු ඇගළුම් කර්මාණ්තයේ නිශ්පාදන අමුද්‍රව්‍ය 100% ක්ම අපනයනය කළ යුතු දේය. අදටත් රටේ ප්‍රධාන ආදායම අපේම උන් උන් ගරහන අවරගනයේ රැකියා කරනා විදෙස් ශ්‍රමික ජනතාවය. ඒ අනුව දේශිය සංවෘත ආර්ථික වලින් රට ගොඩ දැමීම හතර වරම් බයිලා පමණමය.

මේ රට ගොඩ ගැන්මට ඇති එකම ක්‍රමය පළමු ක්‍රමය පමණමය.

එහෙත්, විදෙශිය ආයෝජකයන්ට තබා රටේ මිනිහෙකුට ව්‍යාපාරයක් පටන් ගැන්ම කෙසේ වෙතත් ගෙයක් හැදීමට, නල ජලය ලබා ගැන්මට, නිවසට විදුලිය ලබා ගැනීමට, සූර්‍ය බල විදුලි පද්දතියක් සවි කර ගැන්මට මාස  ගනන් ගතවන, අනුමැතීන් සඳහා ජරාව කන, මූසල මජර රාජ්‍ය නිළධාරී මාෆියාවක් සිටිනා රටකට එන්න ඕනා ඒ ජාතියේම උන් මිස, ලොව පිලිගත් ආයතන නොවේය.

එ නිසා ආවත් නැතත් ව්‍යාපාරයක් ආරම්බ කිරීමට අනුමැතීන් ලබාගත යුතු ආයතන සියල්ලක්ම එකම තැනකට හෝ සියල්ල එකම තැනකින් කර දෙන ආයතනයක් මුලින්ම පිහිටවිය යුතුමය.

අනෙක් කරුණ රටේ කරුමය වූ පංච මහා භූතයන්‍ය.

විදුලි බල මණ්ඩලය

තෙල් සංස්ථාව

වරාය

ගුවන් සේවය

දුම්‍රිය හා ලංගමයයි...

මෙයින් ගුවන් සේවය වසා දැමිය හැකි වුවත් අනෙක් ඒවා අත්‍යාවශ්‍යම සේවාවන්‍ය.

මේවා පාඩු පිට පවත්වාගෙන යාමට තව දුරටත් ණය ලබා දෙන්නට කිසිවකුත් එකඟ වන්නේ නැතිය. දැන් අපට ඒ සඳහා තබා, කිසිවකටත් ණය ගන්න බැරි තත්වයකට, අපේ ආර්ථික උස්තාද්ලා විසින්ම රට පත්කර අවසානය. ඒ ණය ප්‍රතිව්‍යූහගතකිරීමට ලක්කරලාය.

දැන් ඒ මහ උස්තාද්ගේ සේවා කාලය තවත් වසර 6 කට දිගුකර තියෙන නිසා, උන්නැහේට කරන්න තියෙන්නේ මේ පංච මහා භූතයන්ද වහ වහාම ප්‍රතිව්‍යූහගතකිරීමට ලක්කිරීමය.

එවන් තීරණයකදි ඒවාට විරුද්ධව එන සපුගස්කන්ද තෙල් පිරිපහදුවේ පිනාලා හා ජේවීපී පෙරටුගාමී හා සජිත්ගේ බලවේගවලට එරෙහිව, ඝෝඨා හා රනිල් මුහුණ දෙන්නේ කෙසේද යන කරුණ මත,

රටේ අනාගතය මෙන්ම උන්නැහේලාගේ අනාගතයත් රැදී පවතින බව ලියා තැබිය යුතුමය.

ඒ වගත් මෙසේය.....

.

බොරු කාරයන්ට වැඩ බැරිය. වැඩ කාරයන්ට බොරු බැරිය.

 

බොරු කාරයන්ට වැඩ බැරිය

වැඩ කාරයන්ට බොරු බැරිය

.

රට ආර්ථික වශයෙන් බින්දුවටම ඇද දැමුවේ ගොම්මන්පිල නම් නොම්මර එකේ අපතයා ඇමතිකමේ සිට කෙලී පිස්සු නිසාය.

ඉන්ධන හිඟයක් මවා පෝලිම් ඇතිකර රටේ ඉන්ධන අර්බුධයක් හා විදුලි අර්බුධයක් එකවර ඇති කලේ හූනියන් කාරයෝ හා එක් වූ මේ ගල් මූසලයාය. මිනිස්සු බියකර පෝලිම් නිර්මාණය කලේ ඔහුය. 

එහි වැරැද්ද උන්ගේ නොව ඝෝඨාගේමය.ඒ මේ වගේ වැඩ බැරි ටාසන්ලාට කැබිනට් ඇමතිකම් දීපු එකය.

හැබයි ඌ ගැලවිජ්ජාවට කිව්වේ අර්බුධයට හේතුව ඩොලර් නැති කමෙයි කියලාය. පුලුවන් නම් එන එකාට කරලා පෙන්නන්නෙයි කියලාය.

එයාට සුදු හුණු ගාන්න අමාත්‍යශයේ ලේකමිත් ඉදිරිපත් වුනේය.

අරූ කිව්වා වාගේම ඊළඟට ආ ගොබ්බයා ඇදගෙනම නෑවේය. ඒ මෙලෝ රහක් නැති සීනියෝ රොටි පුච්චන්න ගිහිල්ලාය. ඌත් මෙලෝ රහක් නැති කටින් බතල හිටවපු එකෙක්‍ය. කියන තරමක් කිව්වේ අමු කෙප්පය. අර්බුධය උග්‍ර වී උගේ නොව ඔක්කෝගෙම ඇමතිකම් වලටත් කෙලෙව්වේය.

රනිල්ද කිව්වේ නැව් 5 ක්කත් එක දිගට එන්නේ නැතිව තෙල් පෝලීම් නැවැත්තිලි බොරුය කියලාය.

දැණුත් ඩොලර් ප්‍රශ්ණය එසේමය.

විදෙස් සංචිත ප්‍රශ්ණටත් එසේමය..

තියෙන්නේ ඒ බවුසර් ප්‍රමාණයමය..

සේවක පිරිසත් ඔවුන්මය...

සිස්ටම් චේන්ජ් වූයේත් නැතිය..

නැව් වැඩියෙන් ආවේත් නැතිය...

වෙනස් වූයේ ඇමතියා ඉතරය....

එහෙත් දැන් තෙල් පෝලිම් ඇත්තේ නැතිය,

කෑන් බැරල් පෝලිම් ඇත්තේ නැතිය..

වරු ගනන් විදුලිය කැපෙන්නේ නැතිය..

එසේ නම් මේ පෙන්වන්නේ කුමක්ද?

අරුන් නොම්මර එකේ 1/4 කන්නින් බවත්, වැඩ බැරි ටාසන්ලා බවත් නොවේද?

මේ රටේ වැරැද්ද ඇත්තේ සිස්ටම්වල නොව කකළමණාකරනයේ බව මා නිතරම කියනා දෙයකි. 

ඒ බව රණසිංහ ප්‍රේමදාසද ඔප්පු කර පෙන්වූයේ ඔහුගේ ඇඟළුම් කර්මාන්ත රට පුරා ඉඳිකිරිමේ විප්ලවයෙනි. අදටත් මාස ගනනක් ගතවන අනුමැති ඔහු ලබා දුන්නේ සති දෙකකිනි. 

කංචන විජේසේකර කියන්නෙත් එහෙම බුලට් බඩුවක්මය.

ඉතිරි අර්බුධයන්ද නිම කිරීමට ඔහුට සියල්ලන්ගේ ආශීර්වාදය ලැබිය යුතුමය....

ඝෝඨාස් ලාස්ට් චෑන්ස්.. විමල්ගේ ඝෝඨා ජනපති විමල් අගමති, ඩලස් පොදු අපේක්ෂක සිහිණය

 

ඝෝඨාස් ලාස්ට් චෑන්ස්..

විමල්ගේ ඝෝඨා ජනපති

විමල් අගමති,

ඩලස් පොදු අපේක්ෂක සිහිණය

➖➖➖➖➖➖➖➖➖➖➖➖

ලබන සතිය දේශපාලනයේ මෙන්ම ජෝතීෂ්‍යයේද තීරණාත්ම සතියක් වනු නොඅනුමානය. ඒ සෙනසුරු මාරුව නිසාය.

එය රාජපක්ෂ පවුලේ අනාගතය මෙන්ම රටේ අනාගතයද තීරණය කරන්නාවූ අති විශේෂ සතියක් වන්නේය.

තව දුරටත්, විමල්, ඩලස්, ගොම්මන්පිල  වැනි තුප්පහි ගුණමකුවන්ගේ ගුලි කා තවත් මහින්ද රාජපක්ෂ කෙනෙක් වී ඉල්ලාගෙනම කනවාද?

නැතිනම්, දැනටමත් ආර්ථිකය ගොඩ දැමීමට තෝරාගෙන ඇති, උගත් බුද්ධිමත් ජාත්‍යන්තරයේ කීර්තියක් අත්පත් කරගෙන ඇති, දැනටමත් සාර්ථක ප්‍රතිඵල අත්කර ගෙන ඇති, උසස් වැදගත් පිරිස සමඟ ගමන් කොට අර්බුදයෙන් ගොඩ එනවාද යන තීරණය ඇත්තේ ඝෝඨාගේ අතේය.

ඇත්තටම රට ගොඩ දැමීමට කප්පරක් ඇමතිවරු ඕනෑ නැතිය. මීට වඩා විශේෂඥ සුපිරි පිරිසක් එකෙකුටවත් ඇත්තේත් නැතිය. මේ පිරිස සමඟ.., ඉඳිරියේදී සේවය ලබා ගැනීමට නියමිත ජාත්‍යන්තර විශේෂඥයින්ගේ හා ආයතන ටික ඒ වැඩේට හොඳටෝම ඇතිය. 

අවශ්‍ය වන්නේ ඔවුන්ගේ තීරණ ක්‍රියාත්මක කළ හැකි නිර්භීත නායකත්වයක් පමණි.

තව දුරටත් රනිල්ලාගේවත්, විමල්ලාගේ ලණු කෑමට කිසිඳු අවශ්‍යතාවයක් ඇත්තේම නැතිය. උන් දන්නේ රට කෑම පමණමය.

විමල්ගේ උත්සාහය රට විනාශ කිරීම පමණක් නොව, රාජපක්ෂ පවුලද විනාශ කිරීමය. මෙය මෙතුවක් නොතේරී, උන් රෙද්ද අස්සේ දමාගෙන කිරි පෙවූ මහින්ද මේ සියල්ලටම වග කිව යුතුය.

මා හිතවත්, මව්‍ රට පත්තරයේ උපුල් ජෝසප් ප්‍රනාන්දු ආඩම්බරයෙන් කියා ඇත්තේ, විමල්ලාගේ මේ ගේම එයා මේ අවුරුද්දේ මාර්තු වල කිව්වා කියලාය.

එහෙත් විමල්ලාගේ ගේම මාතලන් ලියූවේ ආන්ඩුව පත් වී මාසයක් දෙකක් යාමට ප්‍රථමය

බැසිල් විරෝධි ෆේස්බුක් බයියන් කිහිප දෙනෙකුගෙන් මාතලන්ට ආරාධනා ලැබුනේ..., 

2025 ඝෝඨා ජනපති

විමල් අගමැති 

වැඩක් යන බවත්, 

මටද ඔවුන් හා එක්වන ලෙසත්‍ය. එහෙත් මා කීවේ විමල් දේශපාලන ගල් ආඳෙකු මෙන්ම කපටියකු වූවත්, ඔහු ගුණමකුවකු බවත්, මූණේ හිනාවක් නැති වමේ මුඩුමයකු කිසිදා විශ්වාස නොකරන ලෙසත්‍ය.

(බුකි බයියන් විමල්ගේ මේ සෙට්ටෙක දන්නවාය, උන් අදටත් මාගේ මිතුරන්මය)

එදා මා කියූ අනාවැකිය අද එලෙසින්ම සැබෑ වී අවසානය. දැන් අරින්නේ බැසිල්ට පමණක් නොවේ. පියකු මෙන් තමන් මිනිසකු බවට පත්කල, මහින්දටත් බටර් නැතිව ඇරලා අවසානය.

එපමණක් නොව, ඩලස් බුවා මීළඟ පොද්දා බව කියූ විට පොහිට්ටුවේ මා දන්නා හිතවතුන්ද මාතලන්ට කින්ඩිය දැම්මේය.

අද ඔය ජනාධිපතිට පෙම් හසුන් ලියන්නේ ඩලස් නොව විමල් බව බොහෝ දෙනෙකුට නොතේරීම කරුමයය.

විමල් වගේ උන්ට නොමිනේෂන් වත් දෙන්න එපා කියලා අපි කියන්නේ මේ නිසාවෙන්මය.

ඒ මීළඟ ජනපතිවරණයේ අපේක්ෂයින් දෙදෙනාය. දෙදෙනාම විමල්ගෙන්‍ය්... පෝට්ටුවෙන් ඝෝඨා ජනපති විමල් අගමැති වනාතර. විපක්ෂයේ පොද්දා ඩලස්‍ අලහප්පෙරුමය.

එතකොට ඩලස් දින්නාම විමල් අගමැති වන්නේ කෙසේදැයි කෙනෙකුට සිතෙන්නට පුලුවන්‍ය. එය බැසිල් මෙතඩ් එකකි.

ඩලස් ජනාධිපතිගේ ඉල්ලීම මත ආන්ඩුවට එකතුවන විමල්, අම්මට සිරි ලංකා ප්‍රජාතන්ත්‍රවාදී සමාජවාදී සිරි ලංකා ජනරජයේ අගමැති ලෙස දිවුරුම් දෙන්නේය. 

මේ සියල්ල සිඳුවන්නේ චිනයේ අනුග්‍රහයෙන් බවත්, විමල් 1988/89 සිටම ඉන්දියාණු හා ඇමරිකාණූ විරෝධියකු වීම ඊට හේතුව බවත් මාතලන් ලියා බොහෝ කල්‍ය.

දැන් ඝෝඨාට ආරම්බ කිරීමට ඇත්තේ බින්දුවේ සිටය. මේ අවසන් අවස්ථාවයි..

ඒ ගමන එක කුස උපන් උන් සමඟ යනවාද,

නැත්නම් කෙලෙහිගුණ නොදත් ගුණමකු අපතයන් පිරිසක් සමග යනවාද යන්න තීරණය කිරීම ඔහු සතුය.

අප්පමාදෝ අමත මචං

පමාදෝ මච්චුනෝ මචං

ඒ වගත් මෙසේය...

.

මහ බැංකුවේ ගොබ්බයෝ දන්නේ රෑට ලයිට් දාගෙන වැඩ කරන්න විතරද?

By -  Jana Charmin  

Gyorgy Faludy ට මරැ වැඩක් වුනා. ඔහුගේ කවි ඔබ බො‌හෝ‌දෙනෙකු කියවා ඇ‌ති. Faludy ගේ පො‌ත් මට මතක විදිහට Kaputas Republic හි British Council පුස්තකාලයේ තිබුනා. Faludy ගේ My happy days in hell කවි පො‌ත මට කියවන්න හම්බවුනේ ගමේ නිවසක බටපදුරක් අසල තබාතිබු කබානා ඇ‌දක් උඩ ඉදගෙන. ආ‌ර්ථික සත්වයෙකු වු මිනිස් සත්වයාගේ අත්දැකිම් ගැන කවි. 

Faludy ට වුන වැඩේ බලමු. Faludy සුප්‍රසිද්ධ හංගේරියානු කවියෙක්. එයාගේ කෘති වලට ඉහල මිලක් ලැබුනා. එයා ලියපු පො‌තක් මුද්‍රණය සදහා ප්‍රකාශකයන්ට බාරදුන්නා. 1940 වගේ වර්ෂවල ඉතා ලො‌කු මුදලක් හම්බවෙනවා පො‌තක් මුදුණය කරපුවහම. Faludy පො‌ත් ප්‍රකාශන ආ‌යතනයෙන් ලැබුන සල්ලිත් අරගෙන දුවගෙන දුවගෙන ආ‌වා මාර්කට් එකට. ඔහු ඒ‌ මුලු මුදලම අරගෙන දුවගෙනයි ආ‌වේ. අනේ ඔහු පරක්කු වැඩියි. පො‌ත ප්‍රකාශනයට බාරදිල හම්බවුනු මුලු මුදලම වියදම්කරල ඔහුට ගන්න පුලුවන්වුනේ කුකුලෙකුත්, එලවලු තෙල් බෝ‌තල් දෙකකුත්, කැරට් අල දෙකකුත් ගෝ‌වා පලුවකුත් පමණයි. Faludy  දැනගෙන හිටියා උදේට සිගරට් පැකට් එකක් ගන්න සල්ලි වලින් හැන්දැවට වැඩඇ‌රිල ගෙදර එද්දි ගන්න පුලුවන්වන් වෙන්නෙ එක සිගරට් එකක් පමණයි කියල. 

මේකට අප කියනවා උද්ධමනය.කියල. 

මඩො‌ල් දුව කියව්වා වගේ අප බො‌හෝ‌දෙනෙකු ඉතිහාසයමය රසයක් විදින්න හංගේරියාවේ මුල්‍යය උද්ධමනය ගැන  කියවලා තියෙනවා. මාස් පඩි ගෙවල  තේරැමක් නැ මො‌කද මාසෙ මුල තිබ්බ සිමෙන්ති කො‌ට්ටයක මිල වගේ දෙගුණයක් මාසෙ අගදි සිමින්ති කො‌ට්ටයක මිල. පාන් වල මිල සතිපතා ගනන් ගියා. ඒ‌ නිසා මිනිසුන්ට සතියට පඩි ගෙවන්න පටන්ගත්තා. ඒ‌කත් තේරැමක් නැතුව ගියා මො‌කද අල රාත්තලක මිල සතියක් තුල දෙතුන් ගුණයකින් වැඩි වෙනවා. ඒ‌ පාර දවස් පඩි ගෙව්වා. ඒ‌කත් තේරැමක් නැතුව ගියා. උදේට රැකියාවට යද්දි තිබු බිත්තරයක මිල නෙවේ සවසට වැඩ නිමවි ගෙදර එද්දි තියෙන්නෙ. අන්තිමට ආ‌පනශාලා වල මිල ප්‍රදර්ශනය කිරිම නවත්වල දැම්ම මො‌කද වරැවෙන් වරැවට සුප් එකක පාන් රාත්තලක මිල වැඩිවෙන්න ගත්ත නිසා. බෝ‌ඩ් එක මකලදාල හුණු කැල්ලෙන් අලුත් මිලක් සටහන් කරන්නවිම වේටර්ලාට කරදරයක් වුනා. මිල පුවරැ ප්‍රදර්ශනය කිරිම තේරැමක් නැති විහිලුවක් වුනා.

මේ තත්වයෙන් හංගේරියාව ගැලවුන හැටිත් අප දන්නවා. ආ‌ණ්ඩුවේ මෝ‌ඩ නාකි පකිස් බුරවන්ගෙන් මහබැංකුව ඇ‌ත්කරල එය නැවතත් financial institution එකක් බවට පත්කරිමයි ඔවුන් කලේ. ( මේ කතාවේත් පැති 2 ක් තියෙනවා )  . 

කාර් එකක් පාරේ එලවගෙන යද්දි අප කව්රැත් එකගවන standards තියෙනවා. ඒ‌ standards වලින් පිට ගියාම කාර් එක එලවන කාලකන්නියා හැප්පිලා බකබැවෙනවට අමතරව පාරේ ගමන් කරන අහිංකයන්ගේ ජිවිතත් ඌ‌ විනාශකරල දානවා.  Finance පිට පැන්නාම සමස්ත ජනතාවක් විනාශවෙලා යනවා. එනිසා හංගේරියාව  චන්දෙන් පත්වෙලා එන පකිස් බුරැවන්ව ආ‌ර්ථික අමාත්‍යංශය වගේ තැන් පාලනය කිරිමට නො‌දා ඉන්නත් විෂය පලපුරැද්ද ඇ‌ති මිනිසුන්ව ඉට යෙදවිමටත් තිරණයකලා. 

අද ඔබ ගෙවන ජිවිතය කාලක්නි වුයේත් හෙට උදාවන දවස මිට වඩා කාලකන්නි වෙන්නෙත් ඔබ ජිවත්වන ආ‌ර්ථිකය පො‌ල් ගො‌බ්බ නාකින් විසින් පාලනය කරන්න ගිහින් standard track එකෙන් පිටපැනල කෙහෙල් කො‌ටු මැද්දෙන් කාර් එක එලවගෙන ගියා වගේ ගො‌ං මෝ‌ඩ අමන  වැඩ එකදිගටම කරපු නිසයි. ඔබ බො‌හෝ‌දෙනෙකු ඒ‌ වැඩ වලට අත්පුඩි ගැසුවාද වියහැකයි. කිරිබත් කැවා විය හැකිය්. Kaputas Republic හි උද්ධමනය 11.4 ට තියෙද්දි බියගම ෆැක්ටරියක් ඇ‌තුලෙ කො‌ල අච්චුගහල රැපියල් නෝ‌ට්ටු ලෙස නම් කරල එලියට දාගෙන දාගෙන යද්දි ඔබට මො‌කද හිතුනෙ? Monetary policy වල සදහන්  standard පො‌ලි අනුපාතය 6.5 ට තියාගෙන දහයියා උඩදානවා වගේ සල්ලි අච්චුගහද්දි ඔබට මො‌කද හිතුනෙ ?

ඔබට කුමක් හෝ‌ හිතෙන්න ඔනනෙ ඔබත් Kaputas Republic රටේ ජිවත්වන ආ‌ර්ථික ජිවියෙක්නෙ.

අනේ මන්දා මචං ඒ‌වා ගැන නම් දන්නෙ නැ.

ඔක තමයි මට ලැබුනු උත්තරය. එතකො‌ට මම මෙහෙම අහනවා.

මෙයසු ගැන Zoom සංවාද කලානේ. මෙයසුගේ කිරිජ්ජපල්ලෙ මයිල් ගස් කියක් තියෙනවද?

Finance කියන්නෙ හැමදේකටම වගේම technique එකක් (  ශිල්පඥාණයක් ) අවශ්‍යය මානව විශයක්. මුල්‍යය පාලකයෙකු සතුවිය යුතු ගතිලක්ෂණ ගැන කෟටිල්‍යය  අර්ථශ්‍රස්ත්‍රය තුල යම් ඉගිකර තිබෙනවා. මනුසංහිතාවේ කියවෙනවා කරන වෘත්තියට අනුකුලව  ගතයුතු ආ‌හාර වර්ග ගැනත්. රාජ්‍යය නායකයෙකු සතුව දාර්ශනික මනසක් සහ මුල්‍යය ශිලුපඥාණයක්  තිබියයුතු බවට බො‌හෝ‌ ඉතිහාසමය කතා සාක්ෂිදරනවා

වසර 4000 කට පෙර තිබුනු බැබිලෝ‌නියාවේ ජිවත්වු මිනිසුන් ලක්ෂ 2 ක් පමණ පාලනය කල පාලනය කල Finance මුලධර්ම ලියල කො‌ටල තියෙනවා. ග්‍රීසියේ සිට ඉන්දියාව දක්වා විශාල වු ග්‍රීක රාජ්‍යයහි මුල්‍යය පාලනයට බලපැ යම් යම් මුලධර්ම Plato ගෙ Republic කෘතිය තුල අප දකිනවා.  Kaputas Republic රටේ දෙඩුම්ශිල්පි රිලව් ගැහැණුන්ව යාලුකරගන්න ගැහැණූන්ට අහෙන්නට  දො‌ඩවන  Psychoanalysis බලරටා දේශපාලනය තුල වු මුලික ගාමක බලය ලෙස මා කිසිදාක පිලිගත්තේ නැහැ ( මා වැරදි වියහැකියි ) . 

මගෙ පුද්ගලික අදහස Neolithic පරිවර්තනය යනු මුල්‍යමය ප්‍රපංචයක් බවයි. ( මෙතනත් මා වැරදිවිය හැකියි ). මුල්‍යය දේශපාලනයේ ගාමක බලය බය මගේ පිලිගැනිමයි.

මේක ලියන මට කො‌ණ්ඩේ  කපන්න බැ ඒ‌කට බාබර් කෙනෙකු ඔනා.  Boeing 747 ගුවන්යානයක Block Point 4.0 වගේ softwear එකක් coding කරන්න මට බැ ඒ‌කට software engineer කෙනෙකු ඔනා. මට බුලත් කො‌ල නියමිත කමයට අනුව වට්ටියකට  අඩුක්කරන්න බැ. ඒ‌කට බුලත් වෙලෙන්දෙකු ඔනා. මට කාර් එකක  engine trouble එකක් හදන්න බැ ඒ‌කට mechanic කෙනෙකු ඔනා. Finance කියන්නෙත් ඒ‌ වගේම ශිල්පඥාණයක් අවශ්‍යය මානව විෂයක්. නමුත් මෙහෙම දෙයක් තියෙනවා අපි කාර් එන්ජින් එක ගැන නො‌දන්නවා වුනත් බාසා එන්නෙ උදැල්ක් අරගෙනනම් මේකා  එන්නෙ කාර් එක හදන්න නෙවෙයි ගම කන්න කියල අප කාටත් තේරෙනවා. ඒ‌කට ශිල්පඥාණයක් අවශ්‍යය නැහැ. ඒ‌ අවබෝ‌ධය එන්නෙ අපගේ ඉතිහාසමය අත්දැකිම් නිසා. අනුභුතිය .

ඒ‌ අනුභුතියට අනුව -

ජනාධිපති Eisenhower සල්ලි අචුචුගහල ඇ‌මෙරිකාවේ highway system එක හදන්න පටන්ගත්තා. ( Eisenhower කරපු කතාවන් වලට ඔබට අන්තර්ජාලයෙන් සවන්දිය හැකියි ). ඇ‌මරිකාව highway හදන්න ගිහින් ණය වුනාද ? නැහැ. අහස්කුරක් උඩට යනවා වගේ වේගයෙන් එරටේ GDP එක වැඩිවුනා. මිනිස්සු පාරවල් හදන්න වැඩට ගියා. සල්ලි අච්චුගහල ඒ‌ අයට හො‌ද පඩි ගෙව්වා. හො‌ද පඩි ගන්න මිනිස්සු හො‌දට කාලාබිලා අයිස්ක්‍රිම් කැවා. ඔය කාලයේ තමයි අපි billboard music සගරා තුල ඔබ දුටු අයිස්ක්‍රිම් billboard දැන්විම් එරටේ පාර දෙපස ඇ‌තිවන්නේ. හො‌දට කනබො‌න මිනිසුන්ට කන්න දෙන්න වැඩිපුර වවන්න සිදුවුනා. ඒ‌ක කෘෂිකාර්මික නැගිමක්. ඒ‌ සදහා කාර් ට්‍රැක්ටර් සහ ට්‍රක් රථ නිපදවන්න සිදුවුනා. රැකියා පහලවුනා. සමස්ථ ආ‌ර්ථිකයම ඉහල ගියා. රෝ‌ලස් පැටිස් වඩේ කකා picnic යන්න highway පෙන්වලා මිනිසුන්ව අන්දවලා චන්ද ගන්න highway හදන්න ගිහින් ලංකාව කෙලෝ‌ගත්තා. නමුත් කෙලෝ‌ගත්ත හේතුව? ඇ‌මරිකාව දෙවන ලෝ‌ක යුද්ධයෙන් පසු ගෙදර ආ‌පු සො‌ල්දාදුවන්ව සහ සෙසු තරැණයන්ව දම්මවලා highway හදල ශිඝ්‍ර ශස්‍රිකත්වක් කරාගො‌ස් අනවශ්‍යය ආ‌ර්ථික අවුල් වල්න් ගො‌ඩ ඇ‌විත් මිනිසුන්ට නරඹන්න Hollywood චිත්‍රපටි හදන්න ගත්තා. Kaputas Republic හි අශෝ‌ක හදගමගේ චිත්‍රපටයක් හදල ඒ‌ක ගිහින් බලන්න කිය කිය දෙඩුම්ශිල්පි රිලව් මේක ඇ‌තුලෙ අඩල වැලලෙනවා. ඇ‌මරිකාවේ highway නිස එහෙම වෙන්නත් Kaputas Republic හි මෙහෙම වෙන්නත් හේතුව මො‌කක්ද? හරි අපි ගො‌බ්බ දේශපාලකයා කියන සාධකය අතඇ‌රල දාමුකෝ‌. 

ඒ‌ත් technically කුමක් නිසාද කෙලවුනේ ?

පසුගිය දශක දෙක තුල මම Kaputas Republic දෙස පිටින් ඉදන් බලාහිදිමි. ඒ‌ කාලයේ මා ගිය දහම්පාසැලේ සමිතියේ භාන්ඩාගාරික සිතාරා අක්කා අයවැය වාර්තාව ඉදිරිපත් කලා Kaputas Republic හි පාර්ලිමෙන්තුවේ අයවැය ඉදිරිපත් කරනවාට වඩා හො‌දට. ඒ‌ කියන්නේ future forecast එකක් ඇ‌තුව. දහම්පාසැලේ පෙබරවාරි මාසයේ අයවැය ඉදිරිපත් කරද්දි මැයි මාසයේ ගහන කැරකෙන කුඩුව ගැන prospect  ඉදිරිපත් කලා ඇ‌ය. මම දහම්පාසැල් සමිතියේ සභාපති. අක්කා කියන දේ මම අහගෙන ඉන්නවා ඉට පස්සේ ඒ‌කට අනුව මුදල් හො‌යන්න මිනිස්සු හො‌යන්න මම යහලුවන් සමග වැඩකරනවා. දවසක් මෙන්න බො‌ලේ යෝ‌ජනාවක් දානවා සමිතියට දහම්පාසැලේ සියලුම ලමුන්ට සහ ගුරැවරැන්ට නිල ඇ‌දුම් කට්ටලයක් සහ නිල ලාංචනයක් නො‌මිලේ ලබාදෙන්න. ඒ‌  කාලේ හැටියට මේක පාසැල් ලමුන් ඉන්න දහම්පාසැල් සමිතියකට කරන්න බැරි වැඩක්. මා දන්නා තරමින් අප ප්‍රදේශයේ කිසිම දහම්පාසැල්  එහෙම වැඩක් කරල තිබ්බේ නැහැ. විශාල මුදලක් ඒ‌ක. නමුත් අපි ඒ‌කත් හිතුවටත් වඩා quality ඇ‌දුම් වලින්ම කලා. future forecast එක අයවැයෙන් කියනවා. ඒ‌ක ඒ‌ විදිහට සිදුවෙනවා. දැන් මම ඔබෙන් අහන්නෙ Kaputas Republic හි අයවැයේ කිව්වද බෙහෙත් වල මිල වැඩිවෙලා බෙහෙත් ජාති ගන්න බැරැව ඔබට මැරෙන්න වෙයි කියල

පසුගිය දශක දෙක තුල මම Kaputas Republic දෙස පිටින් ඉදන් බලාහිදිමි. ඒ‌ කාලයේ මා ගිය දහම්පාසැලේ සමිතියේ භාන්ඩාගාරික සිතාරා අක්කා අයවැය වාර්තාව ඉදිරිපත් කලා Kaputas Republic හි පාර්ලිමෙන්තුවේ අයවැය ඉදිරිපත් කරනවාට වඩා හො‌දට. ඒ‌ කියන්නේ future forecast එකක් ඇ‌තුව. දහම්පාසැලේ පෙබරවාරි මාසයේ අයවැය ඉදිරිපත් කරද්දි මැයි මාසයේ ගහන කැරකෙන කුඩුව ගැන prospect  ඉදිරිපත් කලා ඇ‌ය. මම දහම්පාසැල් සමිතියේ සභාපති. අක්කා කියන දේ මම අහගෙන ඉන්නවා ඉට පස්සේ ඒ‌කට අනුව මුදල් හො‌යන්න මිනිස්සු හො‌යන්න මම යහලුවන් සමග වැඩකරනවා. දවසක් මෙන්න බො‌ලේ යෝ‌ජනාවක් දානවා සමිතියට දහම්පාසැලේ සියලුම ලමුන්ට සහ ගුරැවරැන්ට නිල ඇ‌දුම් කට්ටලයක් සහ නිල ලාංචනයක් නො‌මිලේ ලබාදෙන්න. ඒ‌  කාලේ හැටියට මේක පාසැල් ලමුන් ඉන්න දහම්පාසැල් සමිතියකට කරන්න බැරි වැඩක්. මා දන්නා තරමින් අප ප්‍රදේශයේ කිසිම දහම්පාසැල්  එහෙම වැඩක් කරල තිබ්බේ නැහැ. විශාල මුදලක් ඒ‌ක. නමුත් අපි ඒ‌කත් හිතුවටත් වඩා quality ඇ‌දුම් වලින්ම කලා. future forecast එක අයවැයෙන් කියනවා. ඒ‌ක ඒ‌ විදිහට සිදුවෙනවා. දැන් මම ඔබෙන් අහන්නෙ Kaputas Republic හි අයවැයේ කිව්වද බෙහෙත් වල මිල වැඩිවෙලා බෙහෙත් ජාති ගන්න බැරැව ඔබට මැරෙන්න වෙයි කියල? 

හරි අපි පාර්ලිමෙන්තු ගො‌බ්බයො‌ කියල අතඇ‌රල දාමුකො‌. 

ඒ‌ත් මහබැංකුව ?

මහබැංකුවක්  තියෙන්නෙ රැ තිස්සෙ ලයිට් දාගෙන වැඩකරන්නද? මො‌න ගො‌ං සංදර්ශනද මේවා? උදේට කන්න කඩෙඅප්පන් හැදුවද මහරැජාමේ ලයිට් දාගෙන? ඉන්දියාව මහබැංකුව බලන්නකො‌  Monetary politicy එකට අනුව future forecast කරන විදිහ. හො‌ර පාරෙන් ඩො‌ලර් එවන්න, ඩො‌ලරයේ අගයට කඤ්ඤ ගහල තියාගන්න, රැපියල පා නො‌කර සරමෙ අස්සෙ ගසාගන්න....ඔයවගේ ගො‌ං කතා නො‌කිය ඉන්දියාවේ  මහබැංකු අධිපති Shri Shaktikanta Das කිව්වා policy rate එක 6.5 තියාගෙන යනවා ඉලග කාර්තුව වෙනකම් කියල. එතකො‌ට මිනිස්සු දන්නවා ඒ‌කට අනුව adjust වෙන්න. කො‌ටින්ම මහබැංකුවකට තියෙන්නෙ Monetary policy එකේ තියෙන coefficient factor එක දිහා ඇ‌හගහන් ඉදල ඉට අනුව පො‌ලි අනුපාත තිරණය කරන එකනෙ. මහරැ ලයිට් දාගෙන වෙන මගුලක් කො‌රන්නද ඔක ඇ‌තුලෙ?

පසුගිය දශක 2 තුල එය සිදුවුනාද?  

සිතන්න ඔබ. ඔබ මේ සිතිම දැන් කල යුතුමයි.

ලෝ‌කයේ මහබැංකු අධිපති වරැන් අමතා 2007 දි Irma Rosenberg කල කතාවේදි ඇ‌ය පැහැදිලිවම පවසනවා මහබැංකුවක් monetary policy පො‌ලි අනුපාත ප්‍රසිද්ධ කරන්නේ රට සශ්‍රිකත්වයේ ඉලක්ක කරා ධාවනය කරිහමට බව. ඇ‌ය steer යන වචනය ( steering wheel / සුක්කානම ) භාවිතා කරනවා. පාරෙන් පැනල කෙහෙල් කො‌ටුවලින් එලවගෙන යන්න නෙමෙයි මහබංකු පො‌ලි අනුපාත ප්‍රසිද්ධ කරන්නෙ.

future forcast එකක් ලෙසයි පො‌ලි අනුපාත ප්‍රකාශ කරන්නේ. ලබාගතයතු දේවල් ලබාගන්න. දහම්පාසැලේ ලමුන්ට නිළ ඇ‌දුම් ලබාදුන්නා වගේ.

මම අද call කලා ගමේ කිපදෙනෙකුට. එදා ලමුන් ලෙස එකට එක්ව නිළ ඇ‌දුම් ඇ‌දපු අයගේ රෙදි අද ගැලවිලා ගිහින්. පව් ! 

දේශපාලන පල් ගො‌බ්බයින් මේ අහිංසක ජිවිත ගැන වගකිව යුතුමයි.

ආන්ඩුවේ සිටිනා කුඩු කෑ ආර්ථික උස්තාද්ලාට සියල්ලෝ සැමදා රැවටිය නොහැක..

 

අළුත්කඩේ උසාවිය අසල ඇති M D ගුණසේණ අවුට්ලට් එකේ තාප්පේ අපූරූ සිතුවමක් තිබෙන්නේය. එහි ඇත්තේ ඕෂෝ වාගේ පොරක්, පෙරලූ පොතක් මැද්දෙන් එන දුමාරයක් ආග්‍රනය කරනා ආකාරයය.

 ඉන් පිළිබිඹු කරන්නේ පොත් වලින් ලැබෙනා දැණීම, කුඩු, අයිස්, ෂීෂා හෝ ගංජා දුම ගත්තායින් පස්සෙ දැනෙනා ෆැන්ටසිමය ලෝකයකට ඔබව ඇබ්බැහි කොට කැඳවාගෙන යන බවය.

පිටරටවල උගතුන් කෙසේ වෙතත් අපේ රටේ උගත්තු නම් 100% ක්ම ඒ වාගෙමය. උන්ට ප්‍රායෝගික දැණීමක් නොමැති අතර උගත් දෙයට එහා දෙයක් දැකීමට බුද්ධියක් ඇත්තේද නැතිය.

මේ පන්ඩිතයන්ගේ තියරි තීරණ අමු පච කරමින් මාතලන් ලියූ සියල්ල සැබෑවන් වෙමින් පැවතීම සතුටට කරුනක්‍ය. මේ ආන්ඩුව පැමිණි දා සිටම ආර්ථිකය මත ගත් මරි මෝඩ තීන්දූ තීරණවල ප්‍රතිඵල දැන් ලැබෙමින් පවතී.

විපක්ෂයේ උන්ද වැල් බයිලා ගසමින් රට බංකොලොත් කියා කෑ ගැසුවාට, මීට ප්‍රථිකාර උන් ළඟ නැති බව ඉතා පැහැදිලිය. උන් කියන්නේ පොලී මුදලාලිගෙන් ණය ගන්නේ නැතිව නීත්‍යානූකූල පොලී මුදලාලි කෙනෙකු වෙන IMF වෙත යන්නෙයි කියලාය.

උන්ට ආන්ඩුව පෙරලන්න බැරි නිසා, ආන්ඩුව ගෙදර යවන්නට පාරට බහින්නෙයි කියලා ජනතාවට කියනවාය. එහෙත් අවුරුදු පහක් මුන් රට කාපු හැටි මතක එකෙක්වත් පාරට බහින්නේ නැති බව බුදු  ෂුවර්‍ය.

එහෙම එලවලා ගත්තත් ඒ පාර මුන් කරන්නේ ඔහේලා කළබල වෙලා අපි ගෙනාවාට පවතින ගෝලීය ආර්ථික අර්බුදයත් එක්ක යන්න වෙන්නේ මෙහෙම්මම තමයි ඕයි කියලා කියනෙකය.

චන්දයට වියදම් කරන්න මහ බැංකුව කොල්ලකාපූ උන්ම රට හදන්න උපදෙස් දෙන්න මහ බැංකුවට යන කොට අපට හිකෙන් පුනා යනවාය.

හඳුන්නෙත්ත්ති සහෝදරයා අනාගත වැකියක්  කියමින් ඊයේ  ලියා තිබුනේ, එයාලා බලයට ආවත් පෝලිම තිබෙනා බවත්, එහෙත් ඒ පෝලීමේ සිටින ජනයා පෝලිමේ සිටින්නේ කියුබාවේ ජනතාව මෙන් ප්‍රීතියෙන් යැයි කියලාය.

මොළ හතක් තියා 14 ක් තිබුනද බැසිල්ගේ ආර්ථික තීන්දුද අකුලාගෙන දැන් කරන්නට වෙලා තියෙන්නේ මාතලන්ලා කියපු ලියපු දේවල්‍මය.

දුම්‍රිය දෙපාර්තමේන්තුවේ උන් ජනාධිපතිවරයා ඉදිරියේ දුම්‍රිය ගාස්තු වැඩි කරනා ලෙස ඉල්ලූ විට බැසිල් දුම්‍රිය ලොක්කාට කිව්වේ ඔහේ හදන්නෙ ටිකට්ටෙකේ ගාන වැඩි කරලා අපිවත් කෝච්චියේ යවන්නද කියලයා.

හැබයි ඇත්තටම දහනායක මහත්තයා වගේ කෝච්චියේ ආවා ගියා නම්, ඔය සිටිනා ෆැන්ටසියේ නොව මහ පොලොවේ යතාර්තය දැන ගැනීමටත්, අර අහිංසක දන්දිනා හාමිනේ නිස්සාරනේ අහනා බැණුම් කන්දරාවත් අඩුගානේ නවතින්නට තිබුනේය.

ඩොලරය මෙන්ම පැට්‍රෝල් හා ඩීසල්වල සැබෑ වටිනාකම ජනතාවගෙන් වසන් කොට, බොරුවෙන් රට පාලනය කිරීම එකම විකාරයක් බව අප ලිව්වේ...,

රබර් බෝලයක් බලෙන් දිය යට ඔබාගෙන හිටියත් අවසානයේ අත් හැරිය විට සිඳුවන්නේ කුමක්ද, ආන් ඒ සිඳුවීමම ආන්ඩුවටත් රටටත් ආර්ථිකයටත් සිඳුවනා බවය.

මේවා දැන ගැන්මට මහා ආර්ථික විජ්ජා කාරයන් විය යුතු නැත්තේය. නවලෝක මුදලාලි, ධම්මික මුදලාලි, අශෝක පතිරගේ මුදලාලි, මෙන්ම මිය පරලොව යැවූ දඩුවම් මුදලාලිද ආර්ථික විජ්ජා උපාධි කාරයෝවත් ඩොක්ටර් රේට් ගහපු අයවත් නොවේ. එහෙත් ඔවුන් සුපිරි ව්‍යවසාකයෝ වූයේ මහ පොලොවේ පය ගසා ජීවත් වූ මිනිසුන් නිසාය.

ඩොලරය පාවීමට ඉඩ හැරිය විගසම දැන් එය උන්ඩියල් වටිනාකම අසලටම පැමිණ ඇත. ඇත්ත මිළ එයය. 

ඉන්දියන් ඔයිල් සමාගම ඉන්ධන වල නියම වටිනාකම ඊයේ මධ්‍යම රාත්තිරියේ ප්‍රකාශයට පත් කළේය. දැන් ආන්ඩුවට තවත් බොරු කළ නොහැකිය.

සියල්ල වැඩි වන ඇත. එහෙත් ඩොලරය පා කිරීම හේතුවෙන් කිසියම් පිරිසකගේ ආදායමද වැඩි වනු ඇත. ආන්ඩුව මුලින් බැණුම් ඇසීම මාෂල් ලෝ දමාවත් නැවැත්විය නොහැකි අතර, මාස තුන හතරක්‍ යන විට මෙය සාමාන්‍යකරණය වන්නේය.

ආන්ඩුව ඊට කිසිසේත් බිය විය යුතු නැත. කළ යුත්තේ රටේ පවතින සත්‍ය තත්වය පිළිබඳව ජනතාව දැණුම්වත් කිරීමය.

එවිට විපක්ෂයටද සිඳුවන්නේ කට පුච වගාගෙන සිටින්නටය.

සමහරක් බොරුවෙන් වංචාවෙන් සුළු කාළයකට අන්දාගෙන පාලනය කල හැකි වූවද, සියල්ලෝ සැමදා එසේ අන්දාගෙන රවටමින් පාලනය කළ නොහැක.

සත්‍යය කවදා හෝ ජය ගන්නේය.

ඒ වගත් මෙසේය....

.

ඩොලරයටත් සහනාධාර දී ඉල්ලාගෙන කෑම

මාතලන් ඝෝඨාට කඩේ ගියේ, ජේ ආර් ටත් වඩා ලිබරල් ඉකොනොමියක් ගෙන ගිය මහින්ද, කබ්‍රාල්, බැසිල් ත්‍රිත්වයේ ආර්ථික මොඩලය ඉදිරියට ගෙන යාවි යැයි යන විශ්වාසයෙන්‍ය.

ජේ ආර් ගේ බෑනා වන රනිල් කලේ ඒ සියල්ල නවතා දමා, ශ්‍රීලනිපය හා වමේ 1/4 කන්නි ප්‍රතිපත්තියක් වන සහනාධාර හා සුභසාධන ආර්ථික ක්‍රමයක් පවත්වාගෙන යාමය.

එහි ප්‍රතිඵලය වූයේ ආර්ථික වර්ධන වේගය කෙමෙන් කෙමෙන් අඩුවී රුපියලට කෙලවීම හෙවත් බාල්දු වීමයි. 

මහින්ද මැදමුලනේ ජනේලේ එල්ලෙන විට රුපියල් 135 ට තිබූ ඩොලරය, අවුරුදු පහක් රට කෑ, හර්ෂ, එරාන්, රවී, මංගල යන අර්ථ සාස්තරේ කෙල පැමිනි ඉකොනොමික් ෆිලෝසිපර්ලා ආර්ථිකයටත් හමන්නවා ගෙදර ගියේ, ඩොලර් එක රුපියල් 200 ක් කොට, රනිල්ගේ ඇපේටත් කෙලලාය.

එය එතෙක් මෙතෙක් පාලන කාළයක් තුල ඩොලරයට සාපේක්ෂව රුපියල අවප්‍රමාණ වූ ඉහළම ප්‍රතිශතයයි.

එයාලා මහා පරිමාණ සංවර්ධන ව්‍යාපෘති සියල්ල නවතා දැම්මේය. රාජ්‍ය සේවකයන්ගේ පින් පඩිය රුපියල් 10,000/= කින් වැඩි කලේය. මහා පරිමාණ ව්‍යාපාරිකයින්ට ටැක්ස් කන්සෙසොන් දුන්නේය. කිසිම මහා පරිමාණ සංවර්ධන ව්‍යාපෘතියක් ආරම්බ කළේ නැතිය. විදුලි බල පද්දතියට එක මෙගාවොට් එකක් අලුතින් එකතු කළේ නැතිය.

කොටින්ම 2015 ට පෙර සුරපුරයක් ලෙස දිස්වූ පාර්ලිමේන්තුව ඉදිරියේ ඇති පිට්ටනිය හා ඒ අවට ප්‍රදේශයේ තණකොල ටිකවත් කැපුවේ නැතිය.

මේ පිස්සන් රැල එලවා ගෙනා ඝෝඨාභය  මෙතුවක් ගියේ වැරදි පාරකය. එයා විරුද්ධ පාක්ෂිකයින්ට ඇමරිකන් ඩිමොක්‍රසි දෙන අතරේ ජනතාවට හා රටට දුන්නේ 1970 යුගයේ හත් අවුරුදු සාපය නම් පට්ට ෆේල් තියරියක් වූ සංවෘත ආර්ථික ක්‍රමයය. ඊට හේතුව වූයේ පී බී නම් මහදැන මුත්තාය.

එහෙත් අළුත් ලේකම් ගාමිනි සෙනරත්ගේ  පැමිණීමත් සමඟ ජනාධිපති තුමා නිවැරදි මාවතට පැමිණ ඇත. මේ බව වටහා ගත් ආගම රට ජාතිය දේශප්‍රේමය විකුණාගෙන කන ආන්ඩුව ඇතුලේ උන් වැඩ බැරි කාළකන්නි මළහෝන්තු කළබල විය.

උන් බැලුවේ මහින්ද මහත්තයා අල්ලේ නැටව්වා වගේ ඝෝඨාද බය කරගෙන අල්ලේ නටවන්නය. ඝෝඨා මහින්ද වගේ එසේ ඇන්දවිය හැකි මෝඩයකු නොව, (විමල්ට අනුව මහින්ද මෝඩයෙකි) ගල් ආඳකු බව ඔප්පු වූයේ, මීට පෙරද උන්ට පොරි හැලෙන්නට දුන් බව උන්ම කියනා විටය.

සුභසාධන හා සහනාධාර රාජ්‍ය ප්‍රතිපත්ති සමඟ රටක් දියුණු කිරීම සිහිණයක්ම පමණි.

ආර්ථික වශයෙන් දියුණු රටවල පවතිනා අර්ථ ක්‍රම ගෙඩි පිටින් හිඟන රටකට ඇප්ලයි කරන්න යාම පට්ට විහිළුවකි.

එවා රටට කර ඇති විනාශය දැන් ඇස් පනාපිට ඕනෑම දැත්තෙකුට දැක බලාගත හැකිය.

 ආන්ඩුවක් කළ යුත්තේ සහනාධාර සුබසාධන ලබා දී යැපීම් මානසිකත්වයෙන් යුත් හිඟන සමාජයක් බිහි කිරීම නොව. දේශපාලුවන් මෙන් ආර්ථික අතින් ශක්තිමත් ජනතාවක් බිහි කිරීමය.

සෑම දේශපාලුවාම කළ යුත්තේ මිනිසුන් බොරුවෙන් රවටා දැත්තන්ට අන්දවා දැන් වාගේ ඉල්ලාගෙන කන්නේ නැතිව, ජනතාවට සත්‍යය පැවසීමය.

සියල්ලට බදු සහණ දෙනවා කියා අත්‍යාවශ්‍ය ආහාර ද්‍රව්‍යවලට කප්පරක් බදු ගසා කෙලවීම පට්ට විහිළුවකි.

දුප්පත් මිනිහෙකුට පාන් ගෙඩියක් පරිප්පු එක්ක කා ප්ලේන්ටියක් බී හෝ ජීවත් විය නොහැක්කේ මේ අමන ප්‍රතිපත්ති නිසාය.

උන් කප්පරක් පාඩු ලබන ශ්‍රී ලංකන් එයාර් එකේ උන්ගේ පාඩුවද පියවිය යුතුය. රේල්ලුවේ පාඩුවද පියවිය යුතුය. මෙලෝ රහක් නැති මහා සේනාවක් නඩත්තු කරන කෘෂිකර්ම දෙපාර්තමේන්තුවේ උන්ගේ පඩිනඩිද ගෙවිය යුතුය. මේවා සහගහනා අපරාධය.

ඩොලරයටද කළේ ඒ බොරුවය. මහ බැංකුවේ උන්ට හා මේ බොරුව පවත්වාගෙන ගිය උන්ට මෙරට උන් අන්දාගෙන සිටිය හැකි වූවද, ලෝකයා අන්දාගෙන සිටිය නොහැකි බව දැන් ඔප්පු වී හමාරය.

දැන් ඩොලරයට දුන් සහනාධාරයද යම් පමණකට ඉවත් කර ඇත. ඒ ඉන්දියාවේ බලපෑම උඩය. එසේ නොකලේ නම් ඉන්දියාවෙන් ඉල්ලු ණය හම්බ වෙන්නේ නැතිය.

එහෙත් ඊයේද ඩොලර් හුවමාරු වූයේ මහ බැංකුවේ අනුපාතයට ඉහලිනි. 

උන්ඩියල් ක්‍රමය තවම පවති.

රටට ඩොලර් අවශ්‍ය නම්, ආයෝජකයෝ අවශ්‍ය නම්, විදෙස් ශ්‍රමිකයින්ගේ සම්ප්‍රේෂණ අවශ්‍ය නම් කළ යුත්තේ,

ඩොලරය පා කර, ඕනෑම කඩයකින් මාරු කර ගත හැකි පරිදි නිදහසේ ඩොලරයට සංසරණය වීමට ඉඩ හැරීමයි.

එසේ කිරීමෙන් හෙංචයියන් පමණක් ගානක් හොයාගන්න බිස්නස් එකත් ජනතාකරණය වී අලුත් බිස්නස් එකකුත් රටට එකතු වීමය.

සංචාරකයින් බහුල ප්‍රදේශවල මේ ක්‍රමය දැනටත් ක්‍රියාත්මක වන බව ආන්ඩුවේ බක පණ්ඩිතයින්ගේ දැනගැනීම පිණිස ලියා තබා මේ පල් හෑල්ලත් මෙතකින් නවතා දමනවාය.

ඒ වගත් මෙසේය..

.

බැසිල් වැඩ්ඩෙක් වෙන්නේ ඇයි.?

 

බැසිල් වැඩ්ඩෙක් වෙන්නේ ඇයි.?

➖➖➖➖➖➖➖➖➖➖➖➖

බැසිල් වැඩ්ඩෙක් කියලා එක වටයකදි කොහොමත් ඔප්පු කරලා අවසන්...

ඒ 2008 - 09 ලෝක ආර්ථික අර්බුධයක් තිබුන වෙලාවේ ආර්ථිකයත් කළමණාකරණය කරගෙන යුද්ධය දිණපු එක...

මේ පිළිබඳව බැසිල් ප්‍රේමින් මෑතකදි කතා කරලා තිබ්බා.. ඔව් ඇත්ත.. ඉන්දියාව.. චීනය.. එක්ක කතා කරලා වෙපන්ස් ගන්න බැරි උනා නම් යුද්ධය අවසන් කරන්න වෙන්නේ නෑ..

එහෙම ආයුධ අඩු පාඩු තිබුන අවස්ථාවන් තිබූ බවත්, එහෙත් ඒවා ක්‍රියාන්විතයේ උන් නායකයින්ට පවා දැනෙන්ට නොදී කඩිනමින් විසඳු බවත් අද හැමෝම පිලිගන්නවා..

අවුරුදු 30 ක් යුද්ධයෙන් බැට කාලා අන්තීමට කොළඹට ගුවනින් ඇවිත් ප්‍රහාර එල්ල කළා කියලා නොදන්න අප්පුච්චගෙ ඇටේ වත් නොහිටපු උනුයි.. 2K පරම්පරාවයි මේවා දන්නෙ නෑ.

යුද්ධයෙන් පස්සෙ මග නැඟුම යටතේ හදපු එක්ස්ප්‍රස් වේශා කාපට් පාරවල් වල යන උන්ට ඊට කලින් පාරවල් වල තත්වය මතක නෑ..

ඒ කාළේ කරපු ප්‍රොජෙක්ට්ස් වලින් නෙළුම් කුළුණට කෙල වුනේ.. 2015 පත් වුන මළ මූසල ආන්ඩුව ඒවා ඔක්කොම නවත්තපු නිසා..

දැන් බැසිල් වැඩ්ඩෙක් වෙන්නේ ඇයි..?

ජනාධිපති වෙන්න සූට් ඇඳගෙන ඉන්න, සජිත් පාඨලී අනුර රනිල් ඉතරක් නෙමේ, 

ආර්ථික උස්තාද්ලා කියලා හිතාගෙන ඉන්න හර්ෂ, එරාන්, දයාසාන්ත වගේම සිරසේයි උන්ගේ ඉන්ගිරිස් චැනල් එකෙයි ඉන්න ආර්ථික උස්තාද්ලයි,

මහා ආර්ථික උස්තාද්ලා වෙන සන්නස්ගල හා රසික ජයකොඩිලයි

රට වැටෙන ඩේට් දීලා පච වෙලා, කෙලවෙලා, හක්ක දොට්ට පැනලා, මුඛේ බිම ඇනිලා, චප්ප චොරවෙලා හත්පොලේ ගාගෙන නාගෙන ඉද්දී...

බැසිල් තාමත් ඇදගෙන යන නිසා...

ඒ කියන්නේ අරුන් ඔක්කොන්ගෙම එකෙක්ටවත් මේ කැපෑසිටිය නෑ කියලා, උන් හිටියා නම් වෙන්නේ ඒකයි කියලා උන්ම ඔප්පු කරලා ඉවරයි....

උනුත් දන්නවා බැසිල් වැඩ්ඩ කියලා..

ඒ නිසා අපිට බැසිල්ට වඩා ඉන්ගිරිස් පුලුවන් කියලා

ස්වයං වින්දනයේ යෙදෙනවා ..

.

නිදහසේ ඉතිහාසය, වර්ථමානය හා අනාගතය

🇱🇰 නිදහසේ ඉතිහාසය හැදෑරීමේදී 1848 කැරැල්ලෙන් පසු, 1948 සුද්දා අප දමා යන තෙක්, සුද්දන්ගේ පාලනයට විරුද්ධව කැරළි ඇති වී නැති බව තහවුරුය.

🇱🇰 ඇති වූ කැරළි සියල්ලම, මංකොල්ලකාර මදාවියන් හෝ උඩරට රදලයින්ගේ ගෝලයන් හා පිරිස් සමඟ සිඳුකළ කැරළි මිස, සමාන්‍ය ජනතාවගේ සහාය ලැබූ සටන් හෝ කැරළි නොවේ.

🇱🇰 එය එසේ වූයේ, වැඩවසම් පාලනයක කුල බේදය අනුව බැට කමින් රජු හා රදලයින්ගේ දාසයන් වූ ජනතාවකට, සුද්දාගෙන් ලැබුන උපරිම නිදහසයි.

🇱🇰 ඔවුන්ගේ පාලනය යටතේ නව ප්‍රභූ පැලැන්තියක් ඇතිවනවාක් මෙන්ම කුලීන ජනතාවද උගතුන් වියතුන් රෙසින් රාජ්‍ය සේවයට එක් වේ. උවුන්ගේ සමාජ තත්වයන් හා ජීවන තත්වයන් වෙනස් වේ.

🇱🇰 සුද්දාගෙන් නිදහස ඉල්ලා සිටින්නේ මෙසේ අලුතින් බිහි වූ ප්‍රභූ වෙළඳ පැලැන්තියයි. එහෙත් ඔවුන් මුලින්ම සර්ව ජන චන්ද බලය සාමාන්‍ය ජනතාවට ලබා දීමට විරුද්ධ වන්නේ, නැවතත් වැඩවසම් යුගය සිහිගන්වමිනි.

🇱🇰 විවිධ කොමිසම් යටතේ මෙරට පාලන ක්‍රමය තුල ඇති වූ වෙනස්කම් සියල්ලම, මේ නව ප්‍රභූ පන්තිය ලබා ගත් ජයග්‍රහණයන් බව පෙන්වූවද, ඒ සියල්ල එම කාළයන් තුල සියළුම යටත් විජිතයන්ද ලද අයිතිවාසිකම් හා අයිතීන් බව ඒ රටවල ඉතිහාසය හැදෑරීමෙන් පැහැදිලිව අවබෝධ වේ.

🇱🇰 ඊට ඇති හොඳම උදාහරණය නම් ඉන්දීය ජනතාව ලේ මතින් ලබා ගත් නිදහස, අපට ඉල්ලන්නේත් නැතිව බන්දේසියක තබා නොමිළේම  ලබා දී සුද්දා මාරු වීමයි.

🇱🇰 ඒ ලද නිදහසෙන් ලෝකයා සමඟ එක් වූ පිරිසක් මෙන්ම, එක් නොවූ ගෝත්‍රිකයින් පිරිසක්ද අද මෙන්ම එදාත් ජීවත් විය. 1956 දී ඔවුන්ට රාජ්‍ය බලය අත්වීම මේ රටේ කරුමයම විය.

🇱🇰 ඒ පරපුරේ පුරුකක් වන මහින්ද රාජපක්ෂ 30 අවුරුදු ත්‍රස්තවාදයකින් රට බේරාගෙන, ජේ ආර් මෙන් මහා පරිමාණ  යෝජනා ක්‍රම ක්‍රියාත්මක කරමින්, රට සංවර්ධනය කරා ගෙන ගියද, ඔහු වටා උන්, ඔහුගේ ආශීර්වාදය ලත්, ඔහු විසින් ආරක්ෂා කළ ගෝත්‍රික මදාවියන් විසින් එය නවතා දමන ලදි.

🇱🇰 ඉන් පසු පැමිණි පාලනය ගැන අකුරක් හෝ ලිවීමද පාපයකි.

🇱🇰 මේ රටේ විප්ලව කිරීමට නොහැකි බව මේ වන විට ඔප්පු වී අවසානය. ත්‍රස්තවාදීන් සියල්ලෝම ප්‍රජාතන්ත්‍රවාදී මාවතට පැමිණ අවසානය.

🇱🇰 ඝෝඨා පාලනය යටතේ ප්‍රජාතන්ත්‍රවාදී නිදහස උපරිමයෙන්ම ලැබී තිබේ. එය ඉදිරියටත් ගෙන යන බව ඔහුගේ කතාව තුල තව දුරටත් සහතික කරන ලදි.

🇱🇰 වැඩ ලක්ෂයක් ලෙස ආරම්බ කර ඇති බොනිකර තරු සිල්ලර දේශපාලන වැඩ සටහන් වෙනුවට, මහා පරිමාණ  ව්‍යාපෘති කඩිනමින් ආරම්බ කළ යුතුය. 

🇱🇰 ලෝකය වේගයෙන් දියුණු වෙමින් පවතින මොඩර්නයිස් යුගයක, 2015 න් පසු මේ රටේ එකම මහා පරිමාණ ව්‍යාපෘතියක් හෝ ආරම්භ කර නොමැත.

🇱🇰 ඉන්ධන ඇමතියා ලයිට් කපනවාමයි කියනා රටකට, ආයෝජකයෝ එන්නේ නැත. කැබිනට් අමාත්‍යවරු ආන්ඩුවට විරුද්ධව උසාවි යන රටකට, ආයෝජකයෝ එන්නේ නැත.

🇱🇰 රට ආර්ථික වශයෙන් ගොඩගැනීමේ අවංක චේතනාවක් ඇත්නම්, විපක්ෂ මානසිකත්වයෙන් ජීවත්වන මානසික රෝගින් ඒවායෙන් ඉවත් කර, රාජපක්ෂ හිතවාදීන්ට එම තනතුරු ලබා දිය යුතුය.

🇱🇰 එමෙන්ම මහා පරිමාණ යෝජනා ක්‍රම ලෙස පුනර්ජනනීය විදුලි යෝජනා ක්‍රම දිවයින පුරාමත්, විශේෂයෙන් උතුරු නැගෙනහිර පලාත්වලත් කඩිනමින් ආරම්බ කළ යුතුය. (Wind energy and Solar energy)

🇱🇰 මන්ද, ලයිට් කැපීම මෙන්ම ඉන්ධන නැති කම ගැන ලොකුවට කතාකරනා ඇමතිවරු ඉන්නා රටක් තුල, විදෙස් ආයොජකයෝ තියා දේශීය ආයෝජකයෙක් හෝ ආයෝජනය නොකරන නිසාය.

🇱🇰 සුසිල් ප්‍රේමජයන්තට එරෙහිව ගත් තීරණය, අරුන්දිකට ලොහාන්ට එදිරිව ගත් තීරණය, විමල්ලාට ගොම්මන්පිලලාට විරුද්ධව ගැනීමට බැරි, රාජපක්ෂලා ඔවුන්ට බය නිසාදැයි දැන් සැක මතු වේ.

🇱🇰 ප්‍රජාතන්ත්‍රවාදී නිදහසට වඩා ජනතාවට වැදගත් වන්නේ ආර්ථික නිදහසය. අද රටේ ආර්ථික නිදහසක් නැත. පිටරට සිට හම්බ කරන එකාගේ ගෙදරට, සල්ලි එවන්නේ කෙසේදැයි සොයන්නට පොලීසිය යවන්නේ නම් එය පිස්සු විකාරයක්මය.

🇱🇰 ජනතාවට නිදහස දීමට පෙර ඩොලරයට නිදහස දෙන්න. නිදහස අභිමානයෙන් සැමරුවද, අප ලෝකය නම් රටේ ග්‍රාමසේවා වසමක් පමණි.

.

බැසිල් ගෝස් ටු මොන්ටිකාලෝ - Basil goes to Monticarlo

අප ඝෝඨාට චන්දය දීමට හේතුව වූයේ යුද්ධය සාර්ථකව නිමා කිරීමත්, කොළඹ නඟරයේ සිඳුවූ දැවැත්න සංවර්ධනය හා අලංකරණයත්, කොළඹ දකුණූ ආසියාවේ පිරිසිඳුම හා අලංකාරම නඟරය වීමත්, ඔහු තද තීන්දූ තීරණ ගන්නා මොඩර්න් නායකයෙක් වීමත්‍ය.

එහෙත් සිඳු වූයේ ඊට ඉඳුරාම වෙනස් ක්‍රියාදාමයකි. ලෝකය AI (Artificial Intelligence) වෙත ගමන් කරනා යුගයක, අප යන්නට ගියේ සිරිමාගේ දේශීය සංවෘත ගල් යුගයකටය. තද නායකයෙක් වෙනුවට ලැබුනේ එක එකාගේ දිරච්ච ලණු ගිලිනා, ගහන ගහන ගැසට්ටුව රිවර්ස් කරනා, නඟරය නොව ගම හදන්න දුවනා, කැබිනට් ඇමතිවරුන්ද ආන්ඩුවට විරුද්ධව උසාවි යද්දි උන් වීරයන් කරනා ප්‍රජාතන්ත්‍රවාදී නායකයෙක්‍ය. 

වාහන හා සුඛෝපභෝගීයැයි ලංකාවේදී හඳුන්වන එහෙත් මිනිසුන්ගේ වැඩ පහසු කරන භාන්ඩයන් රාශියක් ආනයනය නවතා දමා. එක්කෝ ඒවාට ඔරොත්තු නොදෙන බදු කප්පරක් ගසා කෘතිම අභ්‍යන්තර වෙළඳ පොලක් හා භාන්ඩ හිඟ වීමෙන් කළු කඩ ආර්ථිකයක් බිහි කළේය.

එය පවත්වාගෙන යාමට සීමාවක් නැතිව මුදල් අච්චු ගැසුවේය. එය හරියට බැලුම් බෝල වලට ඔරොත්තු නොදෙනා තරම් හුළං ගැහුවා වගේය. එහෙම ගැහුවාම මාර ලස්සනට පෙනුනාට පොඩි ටච් එකටත් බෝලේ පුපුරා යෑමේ ඉඩකඩ වැඩිය.

Modern Monetary Theory (MMT) හෙවත් නව්‍ය මූල්‍ය න්‍යායට අනුව සල්ලි අච්චු ගැසීමේ අවුලක් ඇත්තේ නැතත්. මෙහේ සිද්ද වුනේ පොඩි කාළේ සෙල්ලම් කඩේට ගොස් කොස් කොළ දීලා බඩු ගත්තා වාගේ වැඩක්‍ය. සෙල්ලම් කඩෙන් කොස් කොලවලට බඩු ගත හැකි වූවත්, සයිබු නානාගේ කඩේ කොස් කොලවලට බඩු දුන්නේ නෑ වාගේ, ලංකාවේ රුපියල් කියන්නේ පිටරට බව්වෙක්වත් ගනන් ගන්නා මුදලක් නොවීම මෙය විකාරයක්ම වූයේය.

ඊට අමතරව මෙහේ සිඳුවූයේ එය දෙපැත්තටම හෙවත්, පාරිභෝකයාට මෙන්ම නිශ්පාදකයාටද වන්දි දීමනා හෝ ලෝන් ලෙස ලබාදීමය. මෙයින් නිශ්පාදන වියදම මෙන්ම භාන්ඩවල මිළද ඉහළ ගියා මිස ආර්ථිකයේ ඇති වූ ලබ්බක් නැත්තේය. සියල්ලෙහි ඇත්තේ ෆේක් මිළකි. ලෝක වෙළඳ පොළේ මේ සියල්ල මීට වඩා ලාබය.

("The whole idea of MMT is that since a sovereign entity can borrow in its own currency, it can print more money when it needs to pay off all its debt. ... MMT is essentially a paradigm shift when it comes to economic theory and a new way of thinking about governments with fiat currencies.)

සියල්ලටම වඩා කෙලවූයේ ජාත්‍යන්තර මුදල් ඒකකය වන ඩොලරය පාවෙන්නට නොදී බලෙන් පාලනය කරගෙන සිටීමය. මෙය හරියට අර නවසීලන්තේ ජැසින්ඩා නෝනා කොරෝනාවට රට වහගෙන උන්නා වගේ ගේමක්‍ය. 

මේවා හැමදාම කරන්න පුළුවන් බොරු නෙමේ කියා අප ඒ කාළේ ලියූවේය. අද ඒවා ඇත්ත කරමින් රට වහගෙන උන් ජඩින්ඩා අන්තීමට රට ඕපන් කළේය. චීනාද එය කළේය. මොළේ තියෙන ඇමරිකන් කාරයා මේ විකාර කළේ නැතිය.

රටේ ජනතාවගේ වාසනාවට මෙන්ම, ඝෝඨාගේ, නාමල්ලාගේ, නිර්වාන්ලාගේ වාසනාවට, ආන්ඩුවේ හා මහ බැංකුවේ බක පන්ඩිතයන්ට, තමන් මෙතෙක් ගමන් කළේ වැරදි මාර්ගයක බවත්, ගන්නා ලද බොහෝ තීන්දූ තීරණ අමු ගොබ්බ තකතීරූ තීරණ බවත් අවබෝධ වීමෙන් අනතුරව, සියල්ල වෙනස් වෙමින් තිබෙන්නේය.

මොළ හතක් තියෙනවා කියූ බැසිල්ගේ මොළ හතෙන්ම සත පහක වැඩක් නැති බව මේ වන විට ඔප්පු වී අවසානය. අහල පහළ ඉන්නා උන්ගෙන් හිඟාකෑමෙන් ගොඩ එන්න බැරි බවද ඔප්පු වී අවසානය. චීනා රාජපක්ෂලා පයිසෙකට මායිම් කරන්නේ නැතිය.

දැන් රාජපක්ෂ චන්ඩියෝ IMF ඉදිරියේ දන නැමීමට සූදානම් වී ඇත. විශ්ව ගම්මානයක තනියෙන් ගමන් යාමට නොහැකි බව අවබෝධ කර ගෙන ඇත. සවෘත ආර්ථික න්‍යායයන් අමු ගොම තකතීරූ තීරණ බව අවබෝධ කරගෙන තිබෙනවාය.

IMF එක ඒ කාළේ ඉඳන් කියූවේ...

⭕ මිනිසුන් යැපුම් මානසිකත්වයෙන් ඉවත් කරන ලෙසය. 

⭕ සමෘධිය මුද්දර කාඩ් පින් පඩි වැනි සහනාධාර නවතා දමන ලෙසය. 

⭕ නොමිළේ අධ්‍යාපනය නොමිලේ සෞඛ්‍ය නවතා දමන ලෙසය.

⭕ රජයේ රැකියා දීම නවතා දමා, පාඩු ලබන ආයතන සියල්ල පෞද්ගලීකරණය කරණ ලෙසය. 

⭕ පොහොර සහනාධාර නවතා, මහා පරිමාණ ගොවිතැනට යොමුවන ලෙසය.

මේවාට එකඟ නොවන්නේ නම්, IMF ලාද අකුලාගෙන යනු ඇත්තේය. මේවාට එකඟ වුවහොත් මේ රටට අනාගතයක් ඇත්තේය. නැත්නම් මොකා ආවත් සදා සොත්තී භවංතුතේමය.

රාජපක්ෂලාට මාතලන් චන්දය දුන්නේ ජේ අර්ගේ නව ලිබරල් ආර්ථික ප්‍රතිපත්ති රනිල්ලාටත් වඩා හොඳට 2010 - 2015 ත් අතරේ කරගෙන ගිය නිසාය.

අප හිතුවේ ඝෝඨා එය ඊටත් වඩා සුපිරියට කරයි කියලාය. ඒත් සිඳු වුනේ සිහිණෙන් වත් නොසිතු පිස්සු විකාරයක්‍ය. ඉදිරියට වසර තුනක් තියෙනවාය. ඒ වසර තුනේවත් වැරදි නිවැරදි කරගෙන නිසි මාර්ගයේ ගමන් නොකළොත් රාජපක්ෂලාගේ අවසානය එය බවත් කනගාටුවෙන් වුවත් ලියා තැබිය යුතුමය.

ඒ වගත් මෙසේය....

ආර්ථික අර්බුධයෙන් ගොඩ ඒමට නම්..

 

ලෝකය තනි යායක් කියා කීමට කියන්නේය. ඇත්තටම අද ලෝකයම එකම ගම්මානයකි. ලංකාව දූපතක් වීම මෙන්ම ප්‍රධාන භාෂාවන් දෙකම ජාත්‍යන්තර භාෂා නොවීම අති බහුතරයකට මේ හැඟිම, මේ දැණීම, නැතිවීමට ප්‍රධාන හේතුවය. රට තොට ඇවිද ආ එකාත්, මේවා නොදන්නවා වගේ ඉන්නෙ ඒ ගෝත්‍රිකත්වයෙන් ගොඩ ඒමට බැරි නිසාමය. (උන් නොරට ගෙවන්නේත් හුරු පුරුදු වනචාරි ජීවීතය බව ඊයේ පෙරේදා ඔස්ට්‍රේලියාවෙන් ඔප්පු උනේය.

සාමාන්‍ය ජනතාවගේ තත්වය එසේ වුවද, දේශීය උගතුන්ගේ මෙන්ම, නොරට ජීවත්වන උන්ගේත් මානසිකත්වය තත්වයේද ඊට වඩා කිසිඳු වෙනසක් නැත්තේය. උන් කියන්නේ, ලෝකෙන් උතුම් රට මේ ලබු ගෙඩියෙයි කියලාය. මේකේ තියෙන සම්පත් ලෝකයේ කිසි රටක නැතෙයි කියාය. හොඳම උදාහරණය දොරමඩලාවට එන නොරට ජිවත් වෙන මහා ආචාරියලාය. මහා උගත්තුය. හැබැයි මෙහේ තෙල් වත් ගල් අඟුරුවත් ඇත්තේ නැතිය.ද් 1960 ගනන්වල සොයාගත් පේසාලේ තෙල් තාම උඩට ආවේ නැතිය. 

ඇත්තම කතාව මුන්ට උපාධි කප්පරක් තිබ්බත් මේ එකෙක්වත් ලෝකයට අලුතෙන් කිසිවක් එකතු නොකල, වන පොත් කොට ගොඩ ගිය, ස්වාධීන බුද්ධියක් නැති, නිර්මාණශීලීත්වයක් නැති, අප්ඩේට් නැති රොබෝලා පිරිසක් වීමය.

සිතිජයෙන් එහා ලෝකයක් බැලීමට දහසක් බලාපොරොත්තු මැද ගෙනා ඇමරිකන් ඝෝඨා, අමු සිරි ලාංකික ගෝත්‍රිකයෙක් කර තිබෙන්නේ එම පිරිසය. දොරමඩලාව ඔහුගේ ප්‍රියතම වැඩ සටහනක් වනාතර, හසන්ත ඔහුගේ ප්‍රියතම නිවේදකයෙක් වන්නේය

 1970 -77 ත් අතර තිබූ "සත් අවුරුදු සාපය" මාරම යුගයක් ලෙස මුන්නැහේගේ ඔලුවට කාවද්දා ඇති බව ඔහුගේ මෑතම කතාවලත් පැහැදිලිවම පෙනෙන්නේය. දේශීය ආර්ථිකයක් ගොඩ නැගීම ඔහුගේ එකම බලාපොරොත්තුව බව ඔහුගේ "කහ විප්ලවයෙන්" අපූරුවට පෙනෙන්නේය. කාබනික එකෙන් නාගත් ආකාරය ගැන අළුතෙන් අටුවා ටීකා ටිප්පනී ලියන්න ඕනෑම නැතිය.

මේවා නරක දේ නොවේ, එහෙත් කරුමය නම් කිසිම සැලැස්මක් නැතිව දේශීය වෙළඳපොළ පමණක්ම ඉලක්ක කරගෙන පවතින ක්‍රමය සම්පූර්ණයෙන්ම නවතා දමා විප්ලව කරන්නට යාමය. පාරිභෝගිකයන් කහ නැතිව පරිප්පූ කෑ අතර, පන් ගොයියෝ සියල්ලෝම කහ වවා ලොරියක් අරගෙන දියුණු වීමේ පරම පවිත්‍ර චේතනාවෙන්ම කහම විතරක් වැව්වේය.

දැන් ඒවා වවපු උන්, ඒවා විකුණාගන්න බැරිව  ඝෝඨාගේ මව් ගුණ ගයමින් සිටිනවාය. නිශ්පාදනය වැඩි වූවා කියා, හිඟයක් පැවති කාළයේ පැවති පාරිභෝගිකයාට ඉසිලීමට නොහකිවූ මිළෙහිද කිසිඳු වෙනසක් නැත. මේවා බන්ධුල ඉගැන්වූ ආර්ථික තියරිද අමු කෙප්ප බව ඔප්පු කර අවසානය. මන්ද විපක්ෂයේ ප්‍රොපගැන්ඩාවලට මෙන්ම ක්‍රියාකාරකම්වලටද, මාෆියාවලටද, මහ බැංකුවේ උද්දච්ඡ් නිළධාරීන්ටද, භාන්ඩවල මිළට බලපෑම් කළ හැකි බව කිසිඳු ආර්ථික තියරියක පැහැදිලි කර ඇතැයි කියා මා නම් සිතන්නේ නැතිය. 

නමුත් ලංකාවේ සිඳුවන්නේ එයය. සහල් හා සිමෙන්ති වලට වී ඇත්තේ එයය. ගෑස් පිපිරුවේ කෙසේද කියා දැන් ඕනා එකෙකුට තේරෙනවා ඇතිය. හාල් මිළ පාලනය කරන්නේ තනි පුද්ගලයෙකි. ඌට විධායකයද මාර බයය. බුවා විධායකටත් වඩා බලවත්‍ය. සිමෙන්ති ඇති තරම් ආනයනය කළද, සීනී වලට කලාක් මෙන් ඒවා සඟවා හිඟයක් මවා වැඩි මිළට විකුණයි. සිමෙන්ති නැතෙයි කියන්නේ අමු බොරුය. වැඩි මිළට ඕනා තරම් වෙළඳ පොලේ ඇත.

මේ සියල්ලට හේතු උනේ එතෙක් නිදහසේ ගලාගිය ආනයන අපනයන වෙළදපොලට රජය හොට දැමීමය. මාතලන් හැමදාම කියන්නා වාගේ ආර්ථිකය මයිනස් ගිය පට්ට අසාර්ථක චන්ද්‍රිකාගේ යුගයේත්, මන්ද බුද්ධිකයින් දෙදෙනෙක් පාලනය කළ යහපාලන සමයේදීවත් ඔවුන් කිසිදින නිදහසේ ගලා ගිය ආර්ථිකයට, බාධා, පාලන, නීතී රීතී දාන්න ගියේ නැතිය. 

වාහන ආනයනය සීමා කිරීම මේ තීරණවලින් ගත් අමනම තීන්දුවය. මේ තීරණය ගැනීමට පෙර එය වෙළඳපොළට කරන බලපෑම ගැන හෝ ඉන් කෙතරම් පිරිසක් ජීවත් වන්නේද යන්න ගැන කිසිඳු අධ්‍යයනයක් සිඳු නොකොට ආර්ථිකයේ බෙල්ල කැපුවා වාගේ කළ අමනම තීන්දුවකි. 

මේ බව තේරුම් ගත් පැරණි එක්සත් ජාතික පාක්ෂිකයකු වන අජිත් නෙවාඩ් කබ්‍රාල් මොකා හෝ දැමූ මේ ගොබ්බ තීන්දුව වෙනස් කිරීමට ඉල්ලා මාස තුනක් ගත් වූවද, ඊට එරෙහි පිරිසක් මුදල් අමාත්‍යංශයේ ඉන්නා බවට මේ වන විට වාර්ථා වේ. උන් මොකා උනත් ඒ කරන්නේ ඝෝඨා විනාශ කිරීමේ වැඩ පිලිවෙලක් බව ඉතාම පැහැදිලිය. 

මෑතකදි බංගලාදේශයේ මාධ්‍ය විසින්ද, අපේ ආර්ථිකය භක්ෂණය කරන්නේ වෙනින් කවුරුවත් නොව, මහ බැංකුවේ අමන නිළධාරින් බව ලොකයට හෙලි කලද, ඒ පිළිබඳ කිසිඳු බුද්ධිමය දේශපාලන සංවාදයක් ඇති නොවීම කනගාටුවට කරුණය.

ආනයන අපනයන වෙළදාමට බාධා පනවමින්, දේශිය පරිභෝකිකයින් පමණක් ඉලක්ක කරගෙන ගෙනයන "සංවෘත ආර්ථික ක්‍රමයකින්" මේ රට ගොඩ ගන්නට සිතන්නේ නම්, අපට කියන්නට තියෙන්නෙ.... ඝෝඨා ස', ඔයා හරි පව් කියලාය. කිසිඳු විදෙස් ආයෝජකයකු ලංකාව පැත්ත පලාතේ එන්නේ නැත්තේත්, වෙනත් රටවල් අපේ රට හා ගණුදෙණු කිරීමට අකමැති වන්නේත් ඔබ කර තබාගෙන යන මේ ගෝත්‍රික චින්ත්නය බවත් ලියා මේ පල් හෑල්ල මෙතනින් නවතා දමනවාය.

හර්ෂලාගේ ගුලි නොකා ලොකු අයියා ළඟ දනින් වැටිය යුතුය..

පී බී ගේ ගුලි කා හත් පොලේ ගාගෙන ඉන්නා ආන්ඩුවට, හර්ෂ ද සිල්වා හා විපක්ෂය එක්වී දෙන්න යන්නේ සුපිරිම ගුලියක්‍ය. මේක මුලින්ම දුන්නේ ඇපත් නැතිව පක්ෂයත් කා ගෙදර ගිය රනිල් වික්‍රමසිංහය. ඒ වැටි ඇති වලෙන් ගොඩ ඒමට ජාත්‍යන්තර මූල්‍ය අරමුදල හෙවත් IMF ලෝන් එකකට යන්නෙයි කියලාය. මේ ගුලිය කාපු ගමන් වෙන්නේ, ණය ගන්න නම්, IMF එක අපට දමනා කොන්දේසි ඉටුකරන්නටය. 

ඒවා ඉටුකරන්න ගිය ගමන් ආයෙත් ගහන්නේ හර්ෂ ද සිල්වලා හා රනිල් වික්‍රමසිංහලාමය. එයාලාගේ ප්‍රධානම යෝජනාවක් වන්නේ රාජ්‍ය සේවය කප්පාදු කිරීමය. එහෙව් එකකට විරුද්ධ වෙන්න අලුතෙන් විපක්ෂයක් ඕනා නොවන්නේ, ආන්ඩුවට විරුද්ධව උසාවි යන පසුගාමී වාමාංශික ඇමතිවරුන් කැබිනට් මණ්ඩලයේම ඉන්නා නිසාවෙන්‍ය. උන් දැනටත් IMF ගෙනෙනා තවත් යෝජනාවක් වන රාජ්‍ය ආයතන පෞද්ගලිකරණයට එරෙහිව උසාවි ගොස් සිටිනා කාළකන්නීන්‍ය. ඒ යුගදනවි ගිවිසුමට එරෙහිවය. නැගෙනහිර ජැටිය යුනියන් එකකට දීලා බකං නිලාගෙන ඉන්නේත් උන්මය.

චීනා විපක්ෂයට ෆුල් සපෝට් එක දෙන මෙ වෙලාවේ, IMF යනවාට වඩා ඉන්දියාවේ ටෝටල් පැකේජ් එක ළඟ දන ගැසීම හැම අතින්ම වාසියක් වන්නේ, IMF යනු ණය දෙන ආයතනයක්ම පමණක් වීමත්, ඉන්දියාව යනු ඊට වඩා බලවත් රාජ්‍යයක් වීමත්‍ය. කවුරු මොන බයිලා කෙසේ කීවත් අපේ අසල්වැසියා වන ඉන්දියාව තරහා කරගෙන අපට ඉදිරි ගමනක් ඇත්තේ නැතිය. 

මේ අමන වැඩේ ජේ ආර් මෙන්ම මහින්දද කළේය. 

යුද්ධය ආරම්බ කිරීම, අවුලා පවත්වාගෙන යාම මෙන්ම, යුද්ධය අවසාන කිරීමටත් කෙලින්ම සම්බන්ධ වූයේ ඉන්දියාව බව කවුරුත් දන්නා ප්‍රසිද්ධ රහස් වී අවසානය. ජේ ආර් ඉන්දියාව ඉදිරියේ බව්වා මාක් වී 13 ව්‍යවස්ථා සංසංශෝධනය ගෙනාවා වාගේ, මෙවරත් ආර්ථික අගාදයෙන් ගොඩ ඒමට ඉන්දියාව විසින් ටෝටල් පැකේජ් එකක් දීලා තියෙනවාය. 

දැන් ආන්ඩුවට හා රාජපක්ෂලාට ඒ පැකේජ් එක ඉදිරියේ දන නමනවා විනා වෙන සොලියුසොන් එකක් ඇත්තේ නැතිය.  එය ඇත්තටම ටෝටල් පැකේජ් එකක් වනාතර, ආහාර සෞඛ්‍ය හා ආරක්ෂක පැකේජ් එකකින් ආරම්බ වේ. ඇත්තටම අපේ රටට වඩා ඉන්දියාවේ ආහාර මිළ බොහෝ අඩුය. අපේ කාළකන්නි හිඟන පන් ගොයියන්ට කෙලවෙලාම යන්නේ මින් පසුවය. ඩඩ්ලිලාට හැමිනිලාම යන්නේ මින් අනතුරුවය. ඖශධ මාෆියා කාරයන්ට බොන්න බෙහෙත් නැති වෙන්නේ මින් අනතුරුවය. අයිසිස් කාරයන්ට නන්නපෝල් වෙන්නේ මෙයින් පසුය.

ඇත්තටම ලංකාව කියන්නේ ඉන්දියාවට අනුව රටක් නොවේය. උන්ට මෙය තවත් ප්‍රාන්තයක් පමණි. මුම්බායි වල ජනගහනයම මිලියන 20 කි. දිල්ලියේ මිලියන 30 කි. මිලියන 23 පමණ ඇති ලංකාව දෙස උන් බලන්නේ රටක මානසිකත්වයෙන් නොව ප්‍රාන්තයක මානසිකත්වයකිනි. ඇත්තටම මේ රට පාලනය කරන්න මහ ඇමතියෙක් උන්නාම හොඳටෝම ඇතිය. යටත් විජිත කාළයේ මේ රට පාලනය කරේ එක ආන්ඩුකාරවරයෙක් විසින්‍ය. දැන් ආන්ඩුකාරවරුම 9 ක් ඉඳලාත් සත පහක වැඩක් ඇත්තේ නැතිය.

ඉන් අනතුරුව එන්නේ බලශක්ති සුරක්ෂිතතාවය හා බංගලාදේශය සමඟ ගිවිසුම් ගත වූවාක් මෙන් SWAP Currency මූල්‍ය ගණුදෙණුවකි. එමෙන්ම ඉන්දීය ආයෝජකයින් ලංකාවට ගෙන ඒමේ වගකීමද ඉන්දීය රජය විසින් දරනු ඇත. පට්ට ෆේල් BOI එක වහලා දාන්නම පුලුවන්‍ය. මන්ගොන්පිලගේ බලශක්ති බයිලා වලට කෙලවිලා යන්නේත්, විදුලි මාෆියාවට වොට් 33000 වදින්නේත් මින් පසුවය. මහ කැළයේ දිර දිරා යමින් තියෙනා ත්‍රිකුණාමල තෙල් ටැංකි මෙන්ම පැස්ටෝල් ෂෙඩ් ටිකත් දැනටත් ලාබ ලබන IOC සමාගම අත්පත් කරගන්නේය.

ඇත්තටම අප මේ රජයෙන් බලාපොරොත්තු වූ සියල්ල මේ පැකේජය  හරහා ක්‍රියාත්මක විමට නියමිතය. 225 එපා, මේ රට වෙන කාට හරි දියෝ කියපු උන්, 88/89 වාගේ ඉන්දියාව එපෝ කියා රට ගිනි තියන්නට ගියොත්, ඒකත් ශවේන්ද්‍රට නොකියා. ඉන්දියන් හමුදාව මෙහේට බස්සා උන්ගේ පුචට වෙඩි තබනවා මිස, ජනාධිපති හා සාකච්ඡා දෙන්නෙට ගොස්, ඉන්දියන් කාරයෝ පැකේජ් එකත් උස්සාගෙන දුවන්නට වැඩ කටයුතු නොකල යුතුය.

අපට තියෙන්නේ තව කැසිනෝ දෙක තුනක් දමා, සීතා කෝවිල වාගේ රාමා කෝවිලකුත් සාදා ඒවා වඳින්නට එන ඉන්දියන් උන්ගෙන් ගානක් කඩා ගන්නා එකය.

අපේ බයිලා චැම්ප්ලා හා පකිස්තාන් උස්තාද්ලා

 

🎈අපේ උන්... රට වහගෙන ආර්ථිකේ වැටුනා කියලා බයිලා ගහනවා...

🎈අපේ උන්.... ආන්ඩුව ඇතුලේ පිල් බෙදිලා මරාගන්නවා...

🎈අපේ උන්.... කරන්න බැරි කාබනික රෙද්දක් උස්සගෙන හත්පොලේ ගාගෙන නානවා

🎈අපේ උන්.... එන ආයෝජකයෝ ටිකත් ජරාව ඉල්ලලා නැති කර ගන්නවා

🎈අපේ උන්... වැඩ වර්ජන කර කර උද්ඝෝෂණ කර කර ඒවට සර්වපාක්ෂික සමුළු තියනවා

🎈අපේ උන්... පොල් මිළ තීරණේ කරන්න පොල් වලල්ලක් හදනවා

🎈අපේ උන්... තිබ්බ නිදහස් වෙළඳපොල ආර්ථිකේටත් තහංචි දාලා කඩාපැනීමේ හමුදා දාලා පෝලිම් ක්‍රමය ආයේ ගේනවා

🎈අපේ උන්ගේ ආර්ථික සංවර්ධනේ බාලගිරි දෝසේ වගේ... අද නොවේ හෙට.. ලබන මාසේ ගේනවා... ඊළඟ අවුරුද්දේ ගේනවා...

🎈අපේ උන්... 13 ක්‍රියාත්මක කරලා ඡන්දේ තියන්න කියනවා.. ඒවා තමයි ජාතික ප්‍රශ්ණ

🎈අපේ උන්... සියල්ලට විසඳුම් ලෙස ඒ පාර අලුත් ව්‍යවස්ථාවකුයි චන්ද ක්‍රමේකුයි ගේනවා

🎈එතකොට සව්භාගේ උතුරන්න ලැබෙනවා

🎈මේ පකිස්ථානේ සිස්ටම් චේන්ජ් එකකට ආපු පොර... ඒ රටේ උන්ටත් හිතාගන්න බැරි ඒවා කරනවා..

🎈අපේ උන්... කටින් බතල හිටවනවා...

🎈මේවා බලලාවත් ලැජ්ජා වෙලා හැදියල්ලා

😭 විලි ලැජ්ජාවේ තන්තෝසේ බෑ...

😭 2025 වෙන්නෙත් පෝට් සිටිය කියන කාන්තාරෙට වෙලා කහත් ගනන් නිසා පුච කහ කහ ඉන්න තමා..

😭 දෙවියනි ඔබ මැව් ලොව පුදුමයි

      අඳුර ළඟයි... ආලෝකේ දුරයි..

      අඳුර ළඟයි... ආලෝකේ දුරයි..

.

ගැසට් වලින් ව්‍යවස්ථාවලින් බඩ පිරෙන්නේ නැත.

ඝෝඨා අතින් වැරදි වූ බව පිලිගැනීම, වැඩ බැරි උනත් පැරණිම දේසපාලුවා වන රනිල් විකුම්සිහ පවා අගය කළේය.

ඒ කියන්නේ මෙතෙක් ගෙන ආ ප්‍රතිපත්තීන් වෙනස් වීමට බොහෝ ඉඩ ඇති බවය.

ආර්ථිකයට කෙල වීමට මූලික කරුණු තුනක් බලපෑවේය. ඒවා බලපෑ ආකාරය මින් පෙරෙද කරුණු සාධක සහිතව පෙන්වා ඇති හෙයින් කරුණු තුන පමණක් දක්වන්නේය.

🎈1. වැට් බද්ද ඉවත් කිරීම

🎈2. වාහන ආනයනය නවතා දැමීම

🎈3. කොරෝනා වෙනුවෙන් 2020 දී රට 

         සම්පූර්ණයෙන්ම වසා දැමීම.

ඉන් පසු ගත් අමන තීන්දූ දෙකක් අද රට සෑම ආකාරයකින්ම ආගාදයකට ඇද දමා අවසානය.

  🔺1. නිදහස් වෙළඳපොලට එරෙහිව    

            හමුදාවෙන් යුධ ප්‍රකාෂ කිරීම.

  🔺 2. කාබනික පොහොර විකාරය.

මේ කරුණු දෙකද අත්කර දෙනුයේ විනාශයක්ම බව, අප විසින්  සෝපාහාසයෙන් යුතුව කරුණු ගෙනහැර පෑ අතර, ආන්ඩුවේ මැති ඇමතිවරුන් පවා උන්නේ විරුද්ධව බව මාතලන් හොඳින්ම දන්නවාය.

එහෙත් හැම එකාම කට පුච වසාගෙන උන්නේ, එය හෝ සාර්ථකව ඉටු කරණු ඇතයි බලාපොරොත්තුවෙන් ය.

එහෙත් මහපොලොවේ හා මිනිසාගේ චින්තනයේ හා මොළයේ තැන්පත්ව ඇති දත්ත මකා දැමීම, ඖෂධ අධිකාරියේ හා ලක් සතොසේ දත්ත මකා දැමීම හෝ උසාවියේ, කච්චේරියේ ෆයිල් ගිනි තබනවාක් මෙන් ලේසී නැතිය.

මේ සියල්ලම පී බී ජයසුන්දරගේ ඒකාධිපති අධිකාරීවාදී තීරණ බව අද වන විට ඔප්පු වී අවසානය.

පී බී කළේ.... මේ සෑම ගොබ්බ තීරණයකටම ගැසට් එකක් ගසා, එය ක්‍රියාත්මක කිරීම හමුදා නිළධාරීන්ට පැවරීමය.

පී බී කළේ.... ඝෝඨා සතු හමුදාමය බලය ඔහුගේ බල අධිකාරිය වෙනුවෙන් කඩේ යැවීමය.

ඝෝඨාද සිතුවේ ශවේන්ද්‍ර හා හමුදාව සමඟ සියල්ල කළ හැකි යැයි කියාය. ඝෝඨාගේ ප්‍රකාශයන් තුලද මේ මතය බොහෝ විට අඩංගුවද තිබුනේය.

කොරෝනා නිරෝධායනයේදී හා එන්නත්කරණයේදී හැර අනෙක් සෑම අවස්ථාවකදීම හමුදාව ෆේල් වූ බව දැන් ලෝකයටම පෙන්වා අවසානය.

 දේශපාලුවන් කපා දමා ගැසට් වලින් හා හමුදාවෙන් රට පාලනය කළ හැකි බව ඝෝඨාගේ ඔලුවට කැවූයේ පී බී බව ඉතා පැහැදිලිය.

අද පොහොට්ටුවේ උන් ඝෝඨා හා සාකච්ඡා ඉල්ලන්නේත්, සුළු පක්ෂවල උන් ඝෝඨාට ක්‍රියාකාරී දේශපාලනයට එන්න යැයි කියන්නේත් ඒ නිසාමය.

මුන් පී බී ගේ නම සඳහන් කිරීමට බිය වූවාට, දිලිත් මුන් සියල්ලෝම වෙනුවෙන් එය කෙලින්ම කීවේය.

ඝෝඨාට... ඔෆීස් එකේ සිට, ගැසට් ගසා රට පාලනය කිරීමට නොහැකි බවත්, මේ ගමන දේශපාලකයින් හා යායුතු බවත්, මුලින්ම ලිව්වේ මාතලන්‍ ය.

ඒ ලිව්වේ මාතලන් පෞද්ගලික අංශයේ කළමනාකරණයෙන් ලබා ඇති පන්නරයෙන්‍මය.

ලංකාවේ නොව පිටරටවල පවා උපාධි ලබා ආ උන්ගේ මැනේජ්මන්ට් මාකටින් තියරි පැත්තක තියරි ඇප්ලයි කරන්නට ගියත්,

කොම්පැනි දුවන්නේ සීත කාමරවල සිට උදේ හවා මීයන් ටින් වලට දම දමා මෙමෝ ගහනා එයාලාගෙන් නොව, ෆීල්ඩ් එකට බැස ගේම ගහනා උන්ගෙන් බව ඒවායේ ඉන්නා උන් පවා දන්න පරම සත්‍යයය.

එහෙත් කරුමය නම්, දැන් ඝෝඨා තවත් ගුලියක් ගිල තිබීමය. ඒ ව්‍යවස්ථා හා චන්ද ක්‍රමයේ ගුලියයි.

🔺 රට හදන්න බැරි ව්‍යවස්ථා නිසා නොවේ..

🔺 ආන්ඩුවට බිස්නස් කරන්නට බැරි බිස්නස් 

      තියරි වල වරදකින් නොවේ..

🔺 චන්ද තියන්නට බැරි චන්ද ක්‍රමයේ ඇති 

      වරදකින් නොවේ..

මුල් දෙක ක්‍රියාත්මක කිරීමට නොහැකිව ඇත්තේ අවංක දේශපාලුවන් හා නිළධාරීන් නොමැති හේතුවෙනි.

තෙවැන්නට නම් කිව යුතුව ඇත්තේ...

77 සිට වෙනස් කරනවා යැයි කියනා බොරුවක් තව දුරටත් කරතබාගෙන යාම දැන්වත් නවතා දැමිය යුතු බවය.

ඇත්තටම සුළු පක්ෂ නොව මහ පක්ෂවල උන් පවා මේ ජේ ආර්ගේ චන්ද ක්‍රමයට කැමතිය. 

මන්ද ...  ජනතාව ඇප නැතිවෙන්නම කතිරය ගසා එලවා දැම්මත්, ආයෙත් පාර්ලිමේන්තුවේ කැන්ටිමේ රසමසවුලු කෑමේ පිනත්, ඩිස්ජවරියේ නැගී, ගාඩ් දමාගෙන, හෝන් ගසාගෙන, ඩබල් ඉරත් කපාගෙන,  දවල්ටත් හෙඩ් ලැයිට් දමාගෙන, පාරේ දකුණු පැත්තෙන් යාමේ පින තිබෙන්නේ... මේ ක්‍රමයේ තියෙන නිසාමය.

හොඳම උදාහරණය රනිල් වික්‍රමසිංහය.

ඒ නිසා මේ කොලකෑලී විගඩම් නවත්වා.. මිනිසුන්ගේ ඇඟට දැනෙන.... ඇසට පෙනෙන... යමක් කිරීම දැන් හෝ ආරම්බ කල යුතුය.

එවන් දේ කරලාත් වැඩක් නැතිය. මිනිසුන්ගේ බඩ ගැන විශේෂයෙන්ම සොයා බැලිය යුතුය.

මහින්ද රාජපක්ෂ උන්නැහේ විශාල සංවර්ධන යෝජනා ඉඳිකරමින්, ගම් උදාව වාගේ මහජන ප්‍රදර්ශනය කරමින්, මිනිසුන්ට නොමිලේම ආතල් දුන්නත්....

අන්තීමේදි මැද මුලන පොල්ලේ එල්ලෙන්න උනේ ඒ නිසාය.

දැනට නම් ආන්ඩුව හා රාජපක්ෂලා ජනතා විමුක්ති පෙරමුණටත් පරාද බව කනගාටුවෙන් වුවත් ලියා තබමින්..

මේ පල්හෑල්ලත් මෙතකින් නිමා කරනවාය..

ඉස්ධූතී නන්ඩ්‍රෙයි ටෑන්ක්ස් හොඳේ ....

බඩු මිළ ඉහළ යාම හා නැති බැරි අය ඇති හැකි අය කිරීමට ගොස් ඇති හැකි එකාත් නැති බැරි කිරීම..

 බඩු මිළ ඉහළ යාම හා

නැති බැරි අය ඇති හැකි අය කිරීමට ගොස්

ඇති හැකි එකාත් නැති බැරි කිරීම

➖➖➖➖➖➖➖➖➖➖➖➖

.

.

ආන්ඩුව තීරණය කළ යුත්තේ තමන් බිස්නස් කරනවාද, නැත්නම් බිස්නස් කිරීම, බ්ස්නස් කාරයන්ට දී තමන් ආන්ඩුකරනවාද යන්නය.

කොටින්ම මෙතෙක් පැවති නිදහස් වෙළඳපොල  ආර්ථිකයහෙවත් ඕපන් ඉකොනොමිය තව දුරටත් පවත්වාගෙන යනවාද, නැත්නම් 70-77 වාගේ පෝලිම් යුගයකට යනවාද යන්නය.

වෙළඳපොල ඒකාධිකාරියකට ඉඩ නොතබා ඕනෑම දෙයක් ඕනෑම එකෙකුට නිශ්පාදනයට හෝ ආනයනයට අවසර දිය යුතුය.

එවිට වෙළඳපොල තුල භාන්ඩ සුලබ වී මිළ අඩු වනු ඇත. 

අද ආන්ඩුව ඉල්ලාගෙන කන්නේ, මෙතෙක් පැවති නිදහස් වෙළදපොල ආර්ථිකයට බාදා පමුණුවමින් දැමූ තහංචි නිසාය.

මේ පරිප්පුව අනිවාර්‍යයෙන් කන්න වෙන බව අප එදාම කීවේය. තෙල් මිළ සූත්‍රයෙන් ඉවත් වීමද එවන්ම ගොබ්බ ක්‍රියාවකි. 

කොටින්ම පාලන මිළවල් විවෘත ආර්ථිකයක තිබිය නොහැකි අතර, මිළ තීරණය කරනුයේ වෙළඳපොල මගිනි.

උදාහරණයක් ලෙස සමහර කාලවලදි අමුමිරිස් ග්‍රෑම් 500 රුපියල් 1000/= කට යන අතර අද එය රුපියල් 100/= වෙනවා වාගේය. 

නිශ්පාදනය හා අස්වැන්න වැඩි වූ විට වෙළඳ පොලේ මිළ පහත බසී.

ඇති එකාට La Coste, ෂැන්ග්‍රිලා එකෙන් අරන් ඇඳිය හැකි අතර, නැති එකාට පමුණුවේ 🐊 ඇඳගෙන යා හැකිය.

ඇති එකාට විමළධර්මගෙන් Rado අරන් අතේ බැඳගෙන යා හැකි අතර, නැති එකාට පේමන්ට් එකේ 350/= එකක් දාගෙන යා හැකිය.

ඇති එකාට මිනිස්ට්‍රි ඔෆ් ක්‍රෑබ්ස් කෑ හැකි අතර, නැති එකාට ක්‍රෝටන් කොළ හෝ මුරුංගා කොල කා කුස පුරවා ගත හැකිය.

පාඩු පිට බිස්නස් කරන්න බිස්නස්කාරයන්ට ආන්ඩුවට වගේ පිස්සුවක් නැත.

ආන්ඩුවේ බිස්නස් වල පාඩුව කවර් කරගන්නෙත් හෙන ගහන බදු ගසා අපටම හමන්නවලාය.

මේ වැඩිවූ භාන්ඩවලත් ඒ බදු ඕසෙට තියෙනවාය.

තමන්ගේ ලාබයෙන් බදු ගෙවන්න බිස්නස් කාරයන්ට පිස්සු නැතිය.

උන් භාන්ඩ විකුණන්නේ ඒකත් එකතු කරලාය.

ආන්ඩුවට බිස්නස් කරන්න බැරි බව ඔප්පු කර අවසානය.

හාල් තවම එනවාය.

ආන්ඩුවේ ව්‍යාපාර සියල්ලම කුල්ල කුජීත හොර ගුහාවන් ය.

සුදු ළූණූ හොරකම මෑතම නිදර්ශනයය.

දැන් කළ යුත්තේ ඒවා සියල්ල පෞද්ගලීකරණය කොට රාජ්‍ය සේවයේ බිස්නස් සියල්ල මුලුමනින්ම අහෝසි කිරීමය.

කොටින්ම කෘෂිකර්ම දෙපාර්තමේන්තුව හා ධීවර සංස්ථාව පවා ප්‍රයිවටයිස් කළ යුතුය.

නොමිළේ දෙන සියළු දේ නවතා දැමිය යුතුය.

හිඟණ මානසිකත්වයෙන් මිනිසා බැහැර කළ යුතුය.

හිඟන ජාතියක් වෙනුවට දිරිය දියුණු ජාතියක් බිහි වන්නේ ඉන් අනතුරුවය.

මේ රටට කෙල වී ඇත්තේ දේශපාලනයේ වැරද්දකින් නොවේ.

නොමිළේ අධ්‍යාපනය , 

නොමිළේ සෞඛ්‍ය සේවය,

නොමිළේ පාසල් පොත්,

නොමිළේ පාසල් ඇඳුම්,

නොමිළේ උසස් අධ්‍යාපනය,

මහපොල

රජයේ රැකියා

විශ්‍රාම වැටුප්

ජනසවිය/සමෘධිය 

නොමිළේ ඉඩම්

නොමිළේ නිවාස

නොමිළේ කුඹුර

නොමිළේ ජලය

නොමිළේ පෝර

නොමිළේ කෘෂි රසායන

රජය අස්වැන්න මිළදී ගැනීම

ගොවි ණය කපාහැරීම්

වසර පහෙන් පැන්ෂන්

වාහන පර්මිට්

රජ්‍ය සේවයේ බදු නොගෙවීම්

යනාදි වශයෙන් සියල්ලම නොමිළේ දීම් හා සහනාධාර ආර්ථික ප්‍රතිපත්තිය නිසාය. 

දැන් උන් ඒවාත් මදි කියා උද්ඝෝෂණද කරති.

කොටින්ම සංසර්ගයේදී වෙහෙසක් නොගෙන ආන්ඩුව ඇඳ හොලවනවා නම්. 

උන්ගේ සතුට එයය.

භාන්ඩ මිළ ඉහළ ගියාම ආන්ඩුවට බනින්නේ ඒ නිසාය.

කොයි ආන්ඩුව ආවත් ලෝක වෙළද පොලේ මිළ තීරණය කරන්න..

මේ හිඟන රටේ නායකයන්ට කරන්න පුලුවන් ලබ්බක් නැතයි කියා මුන් දන්නේ නැතිය.  

ලෝක වෙළඳ පොලේ සියල්ලේ මිළ ඉහළ ගිය බව මේ කුක්කු බබාලා දන්නේ නැතිය.

මේ හිඟන මානසිකත්වය මේන්ටේන් කිරීමෙන් රජය ඉවත්වෙන තාක්... 

කිසිම රජයකින් මේ රට ගොඩගැනිලි...

නිකං බොරු සෝබන පූචං කතාය...

මාතලන් මැතිවරණ ප්‍රකාෂණ...

පුක පිහින්නවත් නොගන්නේ ඒ නිසාය...

ඒ වගත් මෙසේය...

.

පින්තූරය - Lacoste සහ Crocodile යනු බ්‍රෑන්ඩ්ස් දෙකකි... දෙකේම කිඹුලා උන්නත්, ඉන්නේ දෙපැත්තකටය.. Lacoste බ්‍රෑන්ඩඩ් වනාතර Crocodile යනු ඩුප්ලිකේට් බ්‍රෑන්ඩ් එකය. එහෙත් අද දෙකම බ්‍රෑන්ඩඩ්‍ ය.

.