මාගරට්, වෙස්සන්තර අප්පුහාමි හා රෝහිණි

 

පසුගිය කොටස

බොහෝ දෙනෙක් පියාගේ ගේ අසල කිරි පාට ලාන්සර් බොක්ස් එකක් පාන්දර කාළයේ පාක් කර තියෙනවා දැක්කත් එච්චර ගානක් ගත්තේ නැත්තේ ඒ වෙනකොට වරාගොඩ පාරේ කීප දෙනෙක්ම වාහන හිමියෝ බවට පත් වී උන්න නිසාය. එහෙත් දික්වැල්ලේ මුදලාලිගේ හා ටැක්සි ජිනයාගේ රහස් ඔත්තු සේවයට මේ කාර් එක විශේෂයක් උනේ දෙන්නාම නිශාචරයෝ හෙවත් රෑ වව්ල්ලු දෙන්නෙක් වූ නිසාය. 

ජිනයා මුදලාලී හා සෙට් උනායින් පස්සේ නුවර පාරේ නවතා තබා එන ටැක්සිය ගේ ගාව පාරේ පාක් කරේ දෙසරයක් තුන් සෑරයක් රේස් කරලාය. ඒ.. පොර ගෙදර ආපු බව අසල්වාසින්ට මෙන්ම ජිනයාගේ නෝනාටත් සිග්නල් එකක් ලෙසය. සමහරක් කීවේ රෝහිණී ආවායින් පස්සේ මුගේ රේස් කිරිල්ල තවත් වැඩි උනා කියලාය. ජිනයා නම් කිව්වේ බැස්ටිය බහින නිසා ඕනෑම කාර් එකක් නවත්තන්න කලින් එහෙම රේස් කොරන්න ඔනෑ කියලාය. හැබයි ඒ කතාව බොරු උනේ, අර අද්භූත ලාන්සර් බොක්ස් එක ආවාද ගියාද කියා ජිනයාගේ ගෑණී පවා දික්වැල්ලේ මුදලාලි කියනකන් ඒ ගැන හාංකවිසියක් නොදැන උන් නිසාය. 

ටික දවසක් යන කොට කිරි පාට ලාන්සර් බොක්ස් එකේ එන්නේ ශාන්ත ජෝන්ගේ වීදියේ කඩේ ප්‍රසිද්ධ මුදලාලි කෙනෙක් උන මාළු විල්මට් හෙවත් විල්මට් මුදලාලී බව සහසුද්දෙන්ම සියල්ලෝම දැන ගත්තේය. 

ඒ තොරතුරු නිශ්චිතවම දැනගෙන තිබුනේත් දික්වැල්ල මුදලාලිගේ රහස් ඔත්තු සේවයේ සමාජිකාවක වූ මාගරට් නෝනාගෙන්ය. මාගරට් නෝනාගේ මහත්තයාත් කරේ පියාගේ රස්සාවමය. ඔහුත් පියා මෙන් මාළු වෙළෙන්දෙක් හෙවත් මාළු කාරයෙක්ම විය. ඔහුගේ කස්ටමර්ලා උන්නෙ වරාගොඩ එස්ටේට් එක හෙවත් වරාගොඩ වත්ත පැත්තේය. 

මාගරට් නෝනාත් වැල්ලේ මාළු කෑල්ලක්ම වූ අතර. රෝහීණී තරම්ම නැති උනත් හොඳ කඳක් තිබූ මැදි වයසේ ළඳක් වුනත් ගමේ රස්තියාදුකාරයෝ එයාට කිට්ටු කරන්න නොගියේ කඳ හොඳ උනත් කට ඒ තරම් හොඳ නැති නිසාය.  මාගරට් නෝනා දිනක් කඩේට ගොඩ වී වට පිට බලා හඬ අඩුවෙන් අහන්නේ ... 

මුදලාලී දන්නවද.... පියාගේ ගෙදෙට්ට එන එකා මොකාද කියලා....? 

මං කොහොමෙයි බං දන්නේ....? 

ඇත්තටම මුදලාලී හොඳින් දන්නා දෙයකට උනත් දෙන්නේ ඔය පිළිතුරය... හේතුව සමහර විට දන්නවාට වඩා දෙයක් නිව්ස් එක ගේනා රිපෝටර්ගෙන් දැනගන්ට පුළුවන් වෙයි කියනා පවිත්‍ර චේතනාවෙන්ය. 

මුදලාලිට කියන්න පියාට නම් පලදීලා තියෙන්නේ පෙර පිනක්... 

ඒ මොකෝ ඔහේ එහෙම කියන්නේ.....? 

ඇයි මුදලාලි ජිනයාවත් කිව්වේ නැද්ද....? ඒ යකාත් පිටකොටුවේ ඉන්න එකා නේ....? ඔය එන්නේ සල්ලි කඳක්....

 

නෑ.... 

නෑ නෙමේ ඔව්.... මාළු කඩේ විල්මට් මුදලාලී කිව්වාම ඕන කෙනෙක් දන්නවලු... මම හිතන්නේ මුදලාලිලගේ ගම් පලාතේ... ඕන් ඔය මොකක්ද වැල්ලක් තමා කිව්වේ... මට හරියට මතක නෑ.... බෝට්ටු හිටන් තියෙනවලු.... ඒක නෙමෙයි.... 

මොකෝ.... ඒ පාර එකපාරට උඹට මක්කා උනයි ඇඹරෙන්න ගත්තේ... 

මුදලාලී හෙන කුකුළාලූ... රට වටේම ගෑණුත් ඉන්නවා කියන්නේ... 

ඒක නම් ඇත්ත වෙන්න ඇති..... 

ඒ මොකෝ මුදලාලි එහෙම කිව්වේ...?

නෑ ඉතින් ඔය යකා හැමදාම එන්නේ නෑ නේ..... 

අනිත් දවස්වලට අනෙක් ගෑණූ ගාවට යනවා ඇති.....

දික්වැල්ලේ මුදලාලි විල්මට් මුදලාලිට "යකා" කියා කිව්වේ ඒ මිනිහා හා තිබෙනා ඉරිසියාව හා කෙන්තිය නිසා බව මාගරට්ට තේරුනේ නැතිය.

මක්කා කොලත් හොඳ මනුස්සයෙක් වෙන්න ඇති...

ගෑණූ රට වටේම ඉන්න එකා කොහොමද මුදලාලි හොඳ මනුස්සයෙක් වෙන්නේ..? 

ඇයි මාගරටෝ පවුල් කීපයක වියහියදම් දරාගෙන... ඒ අයගේ දුක සැප බලනවා කියන්නේ කොයි තරම් පින් අතේ වැඩක්ය.... 

තවත් ටිකක් කඩි කෑවා සේ ඇඹරුන මාගරට්......

අනේ යන්න මුදලාලී.... කියා කිව්වේ කඩේ දොර ලෑල්ලක් හූරන ගමන්ය. 

කඩේට එන ගෑණූ වැඩියෙන් ඇඹරෙන තරමට ණය පොත පිරී යන බව දන්නා මුදලාලී.... ඊළඟ ප්‍රශ්ණය දමා ගැසුවේ මාගරට් එක්ක හුරතල් වනවාට වඩා... රෝහිණි ගැන දැන ගන්නා එක ඊට වඩා වටිනා නිසාය...

එතකොට බං.... රෝහිණී ඉන්නේ පියා එක්ක නේ.....? 

මුදලාලි දන්න තරම තමයි.... කව්ද කිව්වේ පියා එක්ක ඉන්නවය කියලා...? පියා නිදාගන්නේ එලියේ.... 

උඹ කොහොමෙයි දන්නේ.... ?

රෝහිණී නංගිමයි කිව්වේ.... 

එතකොට පියා....?

පියාට මොන ගෑණුද මුදලාලී...  ඒ යකාගේ ගෑණිත් ඒ යකා දාලා ගියේ.... මේ යකා කසිප්පු බීලා ගොරව ගොරව නිදා ගන්න නිසා නේ... 

ජිනයත් කිව්වා ඕකා රෑට ඉන්නේ එක්කෝ පිලිකන්නෙය එහෙම නැත්නම් ඉස්තෝප්පුවේය කියලා... උඹ ඔය කිව්වට උන්ට එච්චර වාසියක් නැතිව ඇති... ඔය රෝහිණි කඩේට ආවත් මක්කා හරි පොඩි දෙයක් තමයි ගන්නේ... හැබයි සල්ලි දීලා ගෙනියන්නේ..... 

මුදලාලී ඒක කිව්වේ හිතා මතා නොවන බව තේරුනේ... 

ඒ කතාවෙන් මාගරට්ගේ මූණේ තිබූ සිරියාව එහෙම්මම නැති උනා කියා දැන ගත්ත වෙලාවේය...

අපිත් වෙලාවට සල්ලි බේරනවා නේ මුදලාලී.... 

අපිට කොහෙද පිනක් එහෙම මුදලාලිලා ලබන්න..... 

කියා මුදලාලි චක බ්ලාස් කරලාම දැම්මේ, දික්වැල්ලේ මුදලාලිගේ හින්ට් ගැහිලි වලට වඩා මාගරට් නෝනාගේ කැපිලි කවදත් බලවත් වූ නිසාය...

විල්මට් මුදලාලී එන කොට සතියකට දෙකකට හරියන්න ඔක්කෝම ගෙනත් දානවලු.... පියා බිස්නස් එකේ යන්නෙ නැත්තෙත් ඒක නේ.... අපිට කොහෙද එහෙම වෙස්සන්තර මුදලාලිලා.... අපිට ඉන්නේ ඉල්ලිස සිටානෝලා නේ..... කියූ මාගරට් නෝනා රෙද්දත් හදාගෙන දමලා ගහලා යන්න ගියේ ආයෙත් කඩේ පැත්ත පලාතේ එන්නේ නැති ගානටය.... 

ඔය ගියාට ඕකුන් ආයේ පුරු පුරු ගාගෙන පූසෝ වගේ මෙතනටම එන්න එපාය අග හිඟ උනාම....

කියා තමාටම කියා ගත් මුදලාලී හිතා ගත්තේ මේ ගැන වැඩිදුර තොරතුරු හවසට ජිනයා හා රැස්වීමේදී සාකච්ඡාවට ගත යුතු බවය... 

විල්මට් මුදලාලි, ලාන්සර් බොක්ස් හා රොකට් රෝහිණි

 

අද කාළයේ මෙන් නොව ඒ කළේ රූපවාහිනි තිබ්බේ නැතිය. රේඩියෝ හෙවත් වයර්ලස් එකේ උනත් ගියේ කතා දෙකක් තුනක් වගේය. මුවන්පැලැස්ස ජනප්‍රියම ගුවන්විදුලි නාට්ටිය විය මොණරතැන්න ලව් ඉස්ටෝරියක් විය. වජිරා කියා හුටපටයක්ද ගියා කියා යාන්තන් මතකය. අද කාළේ වාගේ රටම බේබ්දුකරණයට ලක් වි තිබුනේ නැති අතර. බේබද්දන්ගෙන් මේ වාගේ ගුරුහස්ත ප්‍රචන්ඩත්වය කියනා ඒවා වාර්ථා උනේ නැති තරම්ය. ඊට හේතුව ජීවිතය හා පරිභෝජන රටාව සරළ වීමත්, මිනිසුන් සැහැල්ලුවෙන් මෙන්ම සතුටින් සිටීමත්, වෙන්නට ඇතිය. මේ කියන්නේ ඕපන් ඉකොනමි නැත් අපි පොඩි කාළය ගැනය. 

ඒ කාළේ අද කතාවෙනවා වාගේම සංවෘත හෙවත් ක්ලෝස් ඉකොනමි හෙවත් දේශීයකර්ණය වූ ආර්ථිකයක් හදන්නට වමේ සෙට්ටෙක මොකක්දෝ දහ අට සන්නියක් නැටුවාට, අපේ තාත්තලා බාප්පලා, දේශපාලන සංවාදවලදි නම් කිව්වේ, මේ වෙසී අපිට කන්න නොදුන්නාට, උන්ගේ උන්ට ඇපලුයි මිදියි චීසුයි කන්න දීලා ලන්ඩන්වල ඉස්කෝලවල දාලා උන්ටත් රට කන්න උගන්වනවා කියලාය.  

ඒ ගොල්ලෝ ඔක්කෝම වාගේ ජේ ආර් උන්නැහේගේ පක්ෂේ සාමාජකයින් වූ නිසා එසේ කීවද, ඇන් ඇම් පෙරේරා වාගේ වාමාන්සිකයකු වූ මාමා නම් කිව්වේ, මැතිනි කොරන දේ තොපි වාගේ ගොබ්බ ගොන් හරක්ට තේරෙන්නේ නෑ කියලාය. රුසියාව වගේ වෙනවාට ඉරිසියා කරන්න එපා යකෝ කිව්වේ එයත් ලෙනින් වාගේ රැවුලක් හෙම වවාගෙන උන් නිසා වෙන්නට ඇතිය.ඒ අතරේ කුණුහබ්බ එක දෙක මෙහාට වූවද, අන්තීමට ඔක්කෝම ඩාන්ස් එකක් දමා අප්පුඩියක් ගසා, "යාල යාල යන්න සතුන් බලන්න.... සත්තුන්ගේ රජ දහනේ ඇවිද බලන්න..." කියා, වනෝද්‍යානයේ සිටිනා සත්තුන්ගේ නම් ලැයිස්තුව ඉදිරිපත් කලේය. 

ඉන් පස්සේ සී ටී ප්‍රනාන්දු හා  සුනිල් ශාන්ත නොමරා මරා, චිත්‍රා සෝමපාල නෝනා එක්ක සීගිරි නැගලා, දඹුලු ගලත් වැඳ, අන්තීමට ගාලු පුරේ සිරී බලන්න ගියේ, කස්ටියම වැඩ බැරි උනත් බෙන්තර ගගෙන් එහා ගම ගාල්ලේ පුක ලෑල්ලේ සෙට් එකක් වූ නිසාය.

රෑට රෑට සෙට් වෙන අය සෙට් උනේ බොහෝම රහසිගතවය. පොඩි උන්ට පේන්න වැඩේ කරේම නැතිය. හරියට කොම්පැනිවල බෝඩ් මීටින් වගේය. ටැක්සි ජිනේ හා දික්වල්ලේ මුදලාලී ගල් බෝතලේට ප්‍රේම කලේ කඩේ වැහුවාට පස්සේ කඩේ පිටිපස්සේ බව අප දැන ගත්තේ, අපිත් ගල් වඳින්න පටන් ගත්ත කාළයේ ඒ සමාජය ගැන ඉගෙන ගන්නා කාළයේය. 

පියසිරි අයියාගේ පොට් එකේ අවුලක් නැතත් එතන සෙට් උනේ හදිසියට සෙට් වෙන එකෙක් ඉතරය. ගොඩාක් උන් එතනට යන්න බය උනේ, පියසිරි අක්කාගේ තට්ටමේ මට්ටම බලන්න ගිය රෙගියුලර් කස්ටර්මස්ලා දෙන්නෙකුට තුන්දෙනෙකුට පියසිරි අයියා මෙන්ම පියසිරි අක්කා හා අක්කාගේ අම්මාත් බඩ කට පුරා සංග්‍රහ කරා කියනා කතාව නිසාමය. ඒ නිසා අපි උනත් හදිස්සියකට එතනට ගොඩ උනත්, පියසිරි අක්කා දිහා හෝ දෝණියැන්දා දිහා නම් ඇහක් ඇරලා බලන්න තියා, එක ඇහැක් වහලාවත් බැලුවෙ නැතිය.  

කෙසේ හෝ රොකට් රෝහිණි කතාවට වස්තු වෙන්නේ මේ ක්ලෝස් ඉකොනමි හා ඕපන් ඉකොනමි අතරේ, 70 දශකය අග හා 80 දශකය මුල් කාළය අතරේය. රෝහිණි අක්කා ආවයින් පස්සේ පියාගේ ගෙදරද මොඩිෆයි උනේය. දියසෙවෙල් කා තිබූ පරණ සිංහල උළු වෙනුවට අළුත් සිංහල උළු සෙවිලි උනේය. බිත්ති පුරා උලා තිබූ සමර වෙනුවට රබර් පෙන්ට් ගෑවුනේය. ගේත් පාරත් අතර තිබූ වැටකෙයියා කටුකම්බි වැට වෙනුවට කිරි සුදු තාප්පයක් බැඳුනේය. උනබම්බු ඉඳිකඩ වෙනුවට පොඩි ගේට්ටුවක් ආවේය. 

මේවා එසේ වෙද්දි අහල පහළ උන්ගේ ඇඟේ මාළු නටන්න පටන් ගත්තේය. ඇස් වල කටු ඇනෙන්න පටන් ගත්තේය. පුහ් ඒ හුත්තිගෙ ආඩම්බරේ කියා රෝහිණිගේ ගුණ වැනුනේය. සමහරක් කිව්වේ පියා රෝහිණි ගෙනල්ලා තියෙන්නේ පත දෑවැද්දකුත් එක්කෙයි කියලාය. සම හරක් පියාගෙන් මූණටම අසා තිබුනේ ඈ යකෝ තොට සුවිප් එකක්කත් ඇදුනාද කියලාය. ඒ වෙලාවට පියා කලේ හිනාවෙලා මාරු වෙන එකය. 

කොහොමත් පියා බජාර් කාරයෙන් නොවුනේය. පොර ගියේ සුනන්දයාගේ කසිප්පු පොට් එකට ඉතරමය. ඒ ගියත් කසියා වීදුරුව දිවිය ලෝකය දෙස බලා එක උගුරට උන්ඩුක පුච්ඡයටම දමාගෙන මාරු උනේ සුනන්දයාට වැඩියෙනුත් කීයක් හරි දීලාය. 

අලි කලසමයාගේ වෙලේ ළිඳ ළඟ සංගමේ හා නඟර සභා පයිප්පේ ගාව කාන්තා සමිතියේ උන් කියලා තිබ්බේ මක්කා තිබ්බත් ඒකිට දරුවෙක් නෑ කියලාය. කුළඟන සමිතිවල නෝනලා කතා වූයේ ගෑණී රෑට රෑට වෙන රස්සාවක් කරනවා ඇති කියලාය. රෝහිණි අක්කාට සිතින් ඉතරක් පෙම් කල උන් නම් කිව්වේ පියාගේ පින ඵල දීලාය කියලාය.

පලදි ඇති පින මොකක්ද කියා මුලින්ම හොයාගෙන තිබුනේද ටැක්සි ජිනේය. ටැක්සි ජිනේ දික්වැල්ලේ මුදලාලිට නිව්ස් එක දුන්නාම, මුදලාලි ඒකට අඬුම කුඬුම දමා වර්ණනා කොට කිව්වේ ඒ ගෙදරට දේව බැල්මක් තියෙන බවත්, මහසෝනා ගහනා වෙලාවට, දෙයියා වඩින්නේ කිරිම කිරි පාට බ්‍රෑන්ඩ් නිව් මිට්ෂුබිසි ලාන්සර් බොක්ස් එකකින් කියලාය. 

ටැක්සි ජිනේ, මොරිස් මයිනර් සමඟ රොකට් රෝහිණි - Taxi Drivers, Morris Minor with Rocket Rohini

ටිකිරි වාගේ ටට්ට කළු දත් බොල්ලෑවක්ද සහිත හාමිනේ කෙන්ක්ට වඩා ඒ කාළේ උන්න සෝනියා දිසා වගේ කෑල්ලක් හාමිනේ ලෙස ගෙදරට කැන්දාගෙන ආවේ කෙසේදැයි යන්න ගමේ ඔක්කෝටම මාරම පුරස්නයක් විය. පියාත් හොඳ හැන්ඩියා නිසා ඒකේ අවුලක් නැතත්, අවුරුදු 60 ක් ඉතර එකෙක්, අවුරුදු 30 ක් ඉතර ඉටිකිරිස් කෑල්ලක් ගෙන ඒම, ළිඳ ළඟ සංගමයේ සමාජික සාමාජිකවන්ගේද, කොකිස්වත්තේ මෙන්ම බෝක්කුව වත්තේ ලයන්ස් ක්ලබ් එකේද, දික්වැල්ලේ මුදලාලිගේ කඩේ හා ආසිරි මුදලාලිගේ කඩේ පාරිභෝකික ජනතාව අතරත්, විජෙසිරි අයියාගේ හොර තැබෑරුමේත්, සුනන්දයාගේ කසියා පොලේත්, අයිරින් නැන්දාගේ ගංජා පොට් එකෙත් ප්‍රධානම මතෘකාවය බවට පත් උනේය. 

රොකට් රෝහිණි සමඟ පඳුරු තැලීම - Beat around the bush with Rocket Rohini

මේ නම් රෝහිණි අක්කා නෙමේ. මා ඉතා ප්‍රිය කරන "පියුමි බොතේජූ "නම් සුරූපි නිලිය.

රොකට් රෝහිණි ගැන ලියන්නෙයි කියන ඉල්ලීම් බොහෝ තිබෙනවාය. එකාතකින් මේ කාලකන්නි දේශපාලනය ලියනවාට වඩා, එයින් එකක් ලියාගෙන සිටිම සිත නිවනවා පමණක් නොව, අප ඒ සුන්දර අතීතයටද රැගෙන යනවාය. මා ඉතිහාසයට කැමති ඒ නිසාය. ඒ කතාවල අතිශෝක්තිය පිරි ඉතිරි තිබුනද, අමුතු සුන්දරත්වයකට අපව කැඳවා ගෙන යන්නේ, සිත් ගත් සිනමා පටයක් නරඹනවා මෙන්මය. මාතලනගේ ගම ඔබේ ගම නොවූවද, අද නාගරිකරනයට ගොඳුරු වී ඇති කැළණිය වරාගොඩ පාර පවා, අප කුඩා කාළයේ, සේකරගේ ගමම විය. තොරණ හංදිය, සේකරගේ තුං මං හංදියම විය. ඒ කතා තුල පුහු ආටෝප, පුහු වර්ණනාවන් අන්තර් ගත වූවද, අති බහුතරය සහතික කරනා ලද ඇත්තය. 

මීගමු මාළු, කැටමරන් හා කකුළුවෝ - Negombo Fish Market, Catamaran & Crabs

රොකට් රෝහිණී කථා වස්තුව - හතරවන කෑල්ල

තුන්වන කෑල්ල බලන්න මේ අකුරු උඩ කොටන්න.

ගිය සැරේ "පියා" ගැන ලියන්න ගිහින් නැවතුනේ, බලපිටියේ බල මාළු වලින්, ඇඹුල් තියාල් හදලා. ඒ මාතලන්ගේ, පළවෙනි සූප වේදී පාඩම. ආයේ නෑ පබිලිස් පාඩම වගේම නැගලා ගියා. ඒත් එකෙක්වත් හැදුවද නැද්ද කියලා නම් කිව්වේ නෑ. හදන්න කලින් මාළු අරගෙන ඉන්න එපාය. මාළු ගන්න ගියාම, ආන්ඩුවේ උන්ගේ මාළු කන්න හිතෙනවා, කියන ගනන් වලට. ඉතින් කොහෙද ඇඹුල් තියාල් දාන්නේ.

බලපිටිය, බල මාළු හා ඇඹුල් තියාල් - Balapitiya, Skipjack Tuna & Ambul Thiyal

රොකට් රෝහිණි කථා වස්තුව - තුන්වෙනි කෑල්ල

මීට කලින් කෑල්ල බලන්න ඕන නම්, මේ අකුරු උඩම ක්ලික් කොරන්න....

ඒ කාළේ ගෙවල් වලට එන ජංගම වෙළෙන්දෝ, කීප පලක්ම උන්නා. සමහරු ආවේ පයින්, පෙට්ටියක් හරි කූඩයක් හරි ඔළුව උඩ තියාගෙන. සමහරු ෆුට් සයිකලෙන්, සමහරු කරත්තෙන්. උදේ පාන්දරම එන්නේ කිරී මෑන්. පොර එන්නේ බයිසිකලේ. අපිට කිරි ගෙනාවේ අපේ නෑ කෙනෙක්ගේ ගෙදරකින්. කිරි ගෙනාවේ ලොක්කා මාමා. මඩකලපු සරම ඇඳලා, කළු පාට අඟල් තුනක් විතර පළල , රෙදි බෙල්ට් එකකින්, සරම ඉනට තද කර ගන්නේ.

ඔය බෙල්ට් එකේම පොකට් එකකුත් තියෙනවා. කහ පාට වගේ මතක. ඒකේ තමයි කාසි නෝට්ටු තැන්පත් වෙලා ඉන්නේ. උඩට ඇඳුමක් නෑ. බෙයාර් බොඩි. පොර ටිකක් දොන් සිරිසේන වගේ කොන්ඩේ මැඳින් බෙදලා. ඒ උනාට විහිළු කියන දේ දන්නෙම නෑ. ෆුල් සිරා පොර. දෙවියන් වහන්සේ මේ යකා මවලා තිබුනේ හිනා නහරේ නැතුව. මට ඔය වගේ උන් පේන්න බෑ. ඇයි යකෝ ඇඟ පතෙන් යනවද මුසලයන්ට පොඩ්ඩක් හිනා උනාම.

කුණුහබ්බ, ඇග්නස් ආත්තා හා කුක්කු කූ කූ.... (18+) - Granny Agnes, Cock a doddle do & Dirty Words

ටික දවසකට කලින්, රොකට් රෝහිණි ගැන කතාවක් ලියන්න ගිහින්, අන්තීමට ලිය උනේ, බෙනයි, ටිකිරියි ගැන ලියලා. ඒ පාර කොන්ටිනුවස්ලි ලියන්න හිටපු කතාව අන්ජබජල් උනේ, ඒකේ තිබුනු සිද්ධි දාමයකට, මගේ රසිකාවියක් වන ප්‍රසිද්ධ නෝනා කෙනෙක්ට, මලේ හොඳම එක පැනලා, එයැයිට උත්තර ලියන්න උන එකෙන්.

ඊට පස්සේ, අම්මට සිරි ලංකාවේ, එදිනෙදා ආතල් ලියන්න ගිහින්, අර වැඩේ මග ඇරුනා. බලමු, මේක ඉවර කොර ගන්න කොච්චර කාළයක් යාවිද කියලා. අද ලියන්නේ, "රොකට් රෝහිණි කතා වස්තුවේ.." දෙවනි කෑල්ල. පළවෙනි කෑල්ල ඕන එකෙක් ඉන්නවා නම්, බලන්න ඕනම නම්, මේන් මෙතනින් ගොහින් බලා ගන්න පුළුවන්.

රොකට් රෝහිණි, රොකට් සහ තිලාපියා - Rocket Rohini, Rokets & Thilapiya

මේ කතාව ලියන්න හිතාගෙන උන්නේ, අර අම්මට සිරි ලංකාවෙන්, රොකට් එකක් යවපු කාළේ. ඒ උනාට, ඒක එහෙම්මම අමතක වෙලා ගියා. ඒ රොකට් කතාව, දැන් හැමෝටම අමතකත් එක්ක. සද්දේ දාලා රොකට් එක ඇරියට මොකද, පාර්ලීමේන්තුවේදි මේ ළඟදි අහුවම කියලා තියෙන්නේ, එහෙම රොකට් එකක් ඇරියෙ නැතෙයි කියලා. එහෙමනම්, බලාගෙන ගියාම රොකට් එකක් නෙමෙයි ඇරලා තියෙන්නේ, තඩි නයෙක්. එක්කෝ සභානායක කෙප්ප කෙලිනවා. එක්කෝ නයි ටී ඇන් එක කෙප්ප කෙලිනවා.