නව ව්‍යවස්ථාව, කේන්ද්‍රය හා පරිධිය - New Constitution & Power Sharing

 

 

තුවායකුත් කරේ දාගෙන සබන් පෙට්ටියත් අතේ අරගෙන නාන කාමරේ පැත්තට යන ජනාධිපති තුමාගෙන් නෝනා ඇහුවේ, ඔය කොහේද අනේ මහත්තයා යන්නේ කියාය. ඇයි අනේ සබනුත් අරගෙන තුවායත් කරේ දාගෙන නාන කාමරේට යන්නේ වියවස්තා හදන්නය, නාන්න නේ හිටං කියපු ජනාධිපති තුමාට නෝනා කිව්වේ, ඔහොම නාන්න ගියොත් හෙම අන්තීමට මහත්තයා නිව්මෝනියා හදාගෙන තමා නවතින්නේ කියාය.

 

වෙබ් කාරයෝ කියනා කුණුහබ්බ වාගේ කතාවක්ද යකෝ කිව්වේ කියා හිතපු ජනාධිපති තුමා නෝනාගෙන් ඇහුවේ, මොකක්ද හාමිනේ ඒ කියපු කට කැඩිච්ච කතාව හිටං කියලාය. හාමිනේ කිව්වේ ඇයි ඔහේ උදෙත් නාලා නේද එලියට ගියේ, මේ ටික වේලාවකින් ආයෙත් ඇවිත් නාන්නේ කියලාය. එතකොට ලොක්කා කිව්වේ, නාන්නෙ නැතිව කොහොමද අනේ ඉන්නේ හිටං, අර දයාසිරියගෙ සරීර සුවතාවෙට ගිහිල්ලා දාඩිය නාගෙන ඉන්නේ හිටං කියලය.

 

හා එහෙනං මහත්තයා නාගෙනම එන්නකෝ හිටං කියපු නෝනා ෆේස්බුක් එක බලන්න පටන් ගත්තේ, ආන්ඩුව පෙරලන්න මුන් මොනවද අද කොරලා තියෙන්නේ කියලා බලන්නටය. පුත්‍ර රත්නය තව එකෙක් එක්ක හෙලිකොප්පරේක යන පොටෝ එක දැකලා හොඳටම බය උන නෝනා බලාගෙන උන්නේ, ලොක්කා නාලා එලියට එනකන්ය.

 

බාත් රූම් එකෙන් එලියට ආපු ජනාධිපති තුමා හාමිනේ ලැප් එකකට එබීගෙන ඉන්නවා දැකලා ඇහුවේ, ඒ පාර ඔහෙත් ඔය කුණුහබ්බ බලන්න පටන් ගත්තද හිටං කියලාය. කුණුහබ්බ නෙමෙයි අනේ, මේ බලන්නකෝ පුත්‍ර රත්නයා කොරන වැඩ කියා කියපු නෝනාට ජනාධිපති තුමා කිව්වේ. ඕවා මේ ළමයි නැති උන් කොරන වැඩ නේ නෝනේ, ඔය ගැන ප්‍රකාෂයක් කොරන්නෙයි කියලා මං මාද්ද ඒකකෙට කියන්නං හිටං කියපු ජනාධිපති තුමා එතනින් හෙමීට ලෙස්සලා ගියේය.

 

ඊට පස්සේ මහවැලි කේන්ද්‍රයට ගියපු ජනාධිපති තුමා එතනෙ ඉන්න උන්ට කිව්වේ, මාත් එක්ක ඉල්ලන්න බැරි උන් උන්නවා නම් වෙන ඕන එකකින් ඉල්ලගත්තාට මට අවුලක් නැතෙයි හිටං කියලාය. එහෙම නෙමෙයි ජනාධිපති තුමා, මහින්ද මහත්තයා ප්‍රාදේශීය සභා ඡන්දෙට නායකත්වය දුන්නොත් අපිට දිනන්න පුළුවන් කියපු උන්ට ජනාධිපති තුමා කිව්වේ, දැන් දෙසරයක්ම එයා දිනපු නිසා, මේ සැරේ යූ ඇන් පී එකේ උන්ටත් දිනා ගන්න චෑන්ස් එකක් දෙමු කියලාය. එහෙම කරන්නේ කොහොමද් සෑර් කියාපු එකෙකුට ජනාධිපති තුමා කිව්වේ, සහජීවනයෙන් කනවා කියන්නේ ඒකට තමයි ඕයි කියලාය.

 

එලියට බැහැපු ජනාධිපති තුමා ජයම්පති වික්‍රමරත්නට කෝල් එකක් ගත්තාම ආන්සර් කලේ වෙන එකෙක්ය. ආන්සර් කරප්පු එකා කිව්වේ, සෑර් එයා මේ උදේ ඉඳන් කවකටු පෙට්ටිය හොයනවා කියලාය. වියවස්තාව හදන්න කවකටු පෙට්ටියක් මොකටෙයි හිටං කියලා අහපු ජනාධිපති තුමාට, ආන්සර් කරපු එකා කිව්වේ, ඒක නම් කියන්න දන්නේ නෑ සෑර්, උදේ ඉඳන් අපිවත් මරාගෙන කන්න යන්නේ, ඒක නැති වෙල කියලාය.

 

මේක නම් බලන්නම ඕන සෙල්ලමක්නේ යකෝ, මේ යකා ජාමිතිය දාල රට බෙදුවොත් හෙම විසුමක් වෙන්නේ නෑ, යන්න ඕන ඕකා මොකක්ද කරන්න බලන්න හිටං කියපු ජනාධිපති තුමා, මාතලිට කිව්වේ ජයම්පතියාගේ ගෙදර යමං කියලාය.

 

දනි පනි ගා ජයම්පතියාගේ ගෙදරට ගියපු ජනාධිපති තුමා දැක්කේ, කවකට්ටක පැන්සලක් ගහගෙන ජාමිතිය කොරන ජයම්පති තුමාය. මේ මොකක්ද අයිසේ මේ කොරන්නේ, තමුසෙ හදන්නේ රට බෙදලා මාව නැති කරන්නද හලෝ කියලා අහපු ජනාධිපති තුමාට ජයම්පති කිව්වේ, අනේ නෑ සෑර් මම මේ කෙන්ද්‍රයේ ඉඳන් පරිධියට එක සමාන දුරක් තියෙනවාද බලනවා කියලාය.

 

ඒ මොකටද අයිසේ එහෙම කොරන්නේ කියලා අහපු ජනාධිපති තුමාට ජයම්පති කිව්වේ, අරය එක් සමාන නූනොත් ජිනීවා වලින් කේස් එන්න පුළුවන් කියලාය. මම කරන්නේ අරයා මෙයාට ඕන ඒවා නෙමෙයි අයිසේ තාමත් මම මේ රටේ විධායක ජනාධිපති, තමුසෙලා හදන්නේ ඕවා ගෙනත් මටත් කෙලින්න නේ හිටං කියා මල පැනපු ජනාධිපති තුමා ජයම්පතියාට කිව්වේ, කෙන්ද්‍රය අරවා මේවා මම දන්නේ නෑ තමුසෙ ගිහින් කේන්දරේ පොඩ්ඩක් බලා ගත්තොත් හොඳ වෙයි කියලාය.

 

ඒක නම් ඇත්ත තමා කියපු ජයම්පතියාගෙන් මලෙන් ඉන්න ජනාධිපති තුමා ඇහුවේ, ඒ කොහොමද අයිසේ ඒක ඇත්ත වෙන්නේ කියලාය. නෑ සෑර් අර රවියා ගෙනාපු බජට් එකෙත් ඔබ තුමා කපලා කපලා අන්තීමට ඉතුරු උනේ ගරු කතානායක තුමනි කියලා තිබුන කෑලි ටික ඉතරයිනේ. ඒ නිසා මේකට වෙන්නෙත් ඒකමද කියලා කලින්ම බලා ගන්න එක කෝකටත් හොඳයි කියලාය.

 

ජනාධිපති තුමා ගියයින් පස්සේ, තොටවත්තයාගේ ගෙදර යන ගමන් ලාල් විජේනායකට කෝල් එකක් ගත්ත ජයම්පතියා ලාල්ට කිව්වේ. ඔය එක එකා ඇවිත් කියන එවා අහගෙන උන්නට කමක් නෑ, ලියාගෙන රෙකොඩ්ස් තියා ගන්න එච්චර කලබල වෙන්න ඕන නෑ, ගාන කොහොමත් හම්බ වෙනවා මචං කියලාය.