විමල් වීරවංශ නම් මිත්‍යාව…

තමන් නැත්නම් මහින්ද රාජපක්ෂලා බලයට එන්නේ නැතයි කියන්නට බොහෝ පිරිසක් ඉන්නවාය. එහෙත් සියල්ලන්ටම අමතක කාරනය නම් මේ සියල්ලන් සමඟම මහින්දත් 2015 දී ගෙදර ගිය බවය. ඊට ප්‍රධානම හේතුව වූයේ විමල් වීරවංශ බව අද සියල්ලන්ටම අමතක වෙලා තිබෙනවාය.

2010 – 2015 ආන්ඩුවට විරුද්ධව මුල්ම වෙඩි මුරය පත්තු කරන්නේ, සෝභීතවත්, විපක්ෂයවත් නොවේ.., විමල් වීරවංශය. ඒ ආර්ථික ඝාතකයෙක් ගැන ආන්ඩුවට විරුද්ධව ගෙනෙනා අභ්‍යන්තර කැරල්ලක් සමඟය. ඔහු ආර්ථික ඝාතකයා ලෙස හැඳින්වූයේ වෙනින් කවුරුවත් නොව බැසිල් රාජපක්ෂය.

විමල් වීරවංශ ඒ ආන්ඩුවේ නිවාස ඇමති ලෙස සිට කරපු මෙලෝ ලබ්බක් ඇත්තේ නැතිය. කලේ, තම සහචරයන් සමඟ එකතුව සිය පවුල හා සහචරයන් ගොඩ දමනා එකය. ඔහු පාස්පෝට් දෙකක් තමන් සතුව තබාගත් පට්ට හොරෙකි. වංචාකාරයෙකි. මේ බව දැනගත් බැසිල් රාජපක්ෂ තව දුරටත් පිස්සු කෙලීම සඳහා විමල්ට මුදල් දීම නතර කරන ලදි. ආර්ථික ඝාතන කුමන්ත්‍රණය පටන් ගන්නේ ඒ සමඟය.

ඉන් පසු පාඨලී චම්පික රණවකද ඊට එකතුවනුයේ විමල් මෙන්ම චම්පිකද රටේ නායකයින් බවට පත්වීමට පෙරුම් පුරනා දේශපාලන සත්වයින් නිසාමය. යහපාලන කැඳ හැලියට චම්පික එකතු කර ගත්තද, ඊට කිසිසේත්ම නොගැලපෙන ඉන්ග්‍රීඩියන්ස් එකක් වූ, විමල් එකතු කර ගත්තේ නැතිය. නැවතත් මහින්දගේ සැළුන් දොරෙන් ඇතුලු වූ විමල් මහින්දගේ සාටකේම එල්ලුනේය.

එහෙත් විමල් සැළුන් දොරෙන් ඇතුලට එන්නේ තමන්ගේ කොන්ඩය කැපීමට නොව සැළුන් එකේ ඉන්නා සියල්ලන්ගේම කොන්ඩා කැපීමටය. ඒ විමල්ගේ හැටිය

එහෙත් ප්‍රතිඵලය ඉතා වේදනාකාරි එකක්ම වූයේය. ඇත්තටම මහින්ද මැදමුලන ජනේලේ එල්ලුවේ විමල් වීරවංශය. මන්ද විපක්ෂයකින් එන විරෝධයට වඩා ආන්ඩුව තුලින්ම එන විරෝධය වඩාත් බලවත් නිසාය. ඇත්තටම විමල් වීරවංශ එලවා දැමීමට තිබුනේ ආර්ථික කතා කුමන්ත්‍රණය ආපූ කාළයේදීමය. එහෙත් එවන් කෙලින් තීරණයක් ගැනීමට නොහැකි වූයේ රාජපක්ෂලා නොම්මර එකේ මිත්‍යා විශ්වාස කාරයෝ නිසාය.

විමල් යනු තනි මිත්‍යාවකි. විමල් නැත්නම් රාජපක්ෂලා නෑ කියන මතය විමල් මේ මහ පොලොවේ පැලකර අවසානය. එහෙත් මේ එකෙක්වත් නොදන්න කරුන නම් මහ පක්ෂ නොමැති නම් සුළු පක්ෂ සියල්ලම නන්න පෝල් බවය. උදාහරණ එමට ඇත

ඒ අතින් බැලූ වීට විමල් රාජපක්ෂලාටත් වඩා දේශපාලන ඇට්ටරයෙකි. බලවත් රාජපක්ෂලා තමන්ගේ පදයට නටනා රූකඩ බවට පත්කිරීමට ඔහු සමත්ව ඇති බව ඊයේද ඔහු ඔප්පු කලේය. රාජපක්ෂවරුන් පමණක් නොව බයි ප්‍රජාවද සිතන්නේ විමල් නැත්නම් රාජපක්ෂලා නැතෙයි කියලාය. පොහොට්ටු පක්ෂයේ ලේඛම්, බල්ලා මාක් කර උස්සා පොලොවේ ගැසීමට තරම් ඔහු තවමත් නිර්භීතය. උන් දේශපාලන බබාලා කීමෙන් ඔහු කරන්නේද පෝට්ටුවේ දේශපාලනයද බබා මාක් කිරීමය..

ඇත්තටම විමල් වැඩ්ඩෙකි… ජනතා විමුක්ති පෙරමුණේ උන් විමල්ගේ සැලසුම වූයේ ශ්‍රී ලංකා නිදහස් පක්ෂය ආක්‍රමණය කොට ඒ චන්ද සියල්ල තම පක්ෂයට ඩැහැගැන්මය.. ඒ වන විට චන්ද්‍රිකා කුමාරණතුංග පක්ෂය විනාශ කොට තිබිනි.

ඇත්තටම එය අතිසාර්ථක මෙහෙයුමක් විය. 2004 දී මන්ත්‍රීවරුන් 39 ක් හා ඇමතිවරුන් තිදෙනෙක්ද සමඟ ශ්‍රී ලංකා පාක්ෂිකයින් අන්ද මන්ද කරමින් ලබාගන්නා ජයග්‍රහණයේ නියම හිමිකරු විමල්ය.

කරුමයක මහත නම් එදා විමල්ලාගේ මේ ක්‍රියාදාමය තේරුම් ගෙන ජනතා විමුක්ති පෙරමුණ අරහං වී උන් මහින්ද රාජපක්ෂ හා ඔහුගේ කල්ලිය මෙය තනිකරම විමල්ගේ මෙහෙයුමක් බව නොදැන, පක්ෂය කඩාගෙන ආ විමල් වීරවංශ ඉඹලා පිලිගැනීමයි.

ඒ කාළේ මහින්දගේ දෑත ශක්තිමත් කිරීමට පැමිනියේ විමල් පමණක් නොවේ, කරූ ජයසූරියද අලි රෑනක් සමඟ ආවේය. එහෙත් පක්ෂයේ උන් සියල්ලන්ම කපා දමමින් මහින්දගේ දකුණු අත වීමට තරම් ශක්තියක් ඉතා කෙටි කළකින් ලබා ගැනීම විමල්ගේ ටැලන්ට් එකය.

එහෙත් සජ්ජුරුවෝ ළඟ තබාගෙන උන්නේ මැස්සාට කඩුවෙන් කොටනා වඳුරෙක් නොව හේවායෙක් බව අද වන තෙක් අවබෝධ කොට ගෙන නැත්තේය. පොහොට්ටුව බලවත් වන බව දුටු විමල් පොහොට්ටු සංධානයට එන්නේ තනියම නොවේ. ගම්මන්පිලත් සමඟය.

හරිනම් බැසිල්ලාට තිබුනේ ඒ මොහොතේදීම ඔවුන්ට නොමිනේෂන් නොදි, පිහිටුවාගත් සංධානයෙන් තරඟ කොට ජයගත් පසු තමන් සමඟ එකති වන ලෙස කියා සිටීමය. එසේ වූවා නම් අද ඒ දෙදෙනාම පාර්ලිමේන්තිවේ ඇත්තේ නැතිය. මොවුන් හැමදාම කරන්න මහ පක්ෂවල චන්ද ටික පොකට් ගැසීමය.

ඔහු එතනින් නවතින්නේ නැත. බලයට පත් වීමෙන් පසු පොහොට්ටුව හැර එම සංධානයේ සියළුම පක්ෂ තමන්ගේ පදයට නටනා රූකඩ ලෙස පත්කරගැනීමට අද වන විට විමල් සමත් වී ඇත්තේය.

සංධානයක් තුල සිටිමින් ආන්ඩු පක්ෂයේ ඇමති ධූරයක්ද දරමින් එම කන්ඩායමේ සාමුහික තීන්දුවලට එරෙහිව යාම නිහීන ක්‍රියාවකි. මේ පළමු අවස්ථාව නොවේ. 20 වන ව්‍යවස්ථා සංශෝධනය අවස්ථාවේද ඔහු උන්නේ සංධානය සමඟ නොවේ. ඔහු ක්‍රියා කරමින් සිටින්නේ රාජපක්ෂ පවුල කෙටවීමටය. එහි වාසිය එන්නේ තමන්ට බව ඔහු හොඳින් දනී.

නැගෙනහිර ජැටිය පිළිබඳ ප්‍රශ්ණයේදි ඔහු සිට ගත්තේ ඝෝඨාගේ මතයට එරෙහිවය. එහිදි ආන්ඩු විරෝධී සියළුම බලවේග එකව ලද ජයග්‍රහණයට අවසාන මොහොතේ එකතු වූ විමල් ෆුල් මාක්ස් ලබා ගත්තේය. ත් විය.

දැන් රාජපක්ෂලා තීරණයක් ගත යුතු මොහොත පැමිණ ඇත. විමල්ට රාජපක්ෂලාගෙන් තොර පැවැත්මක් ඇත්තේ නැතිය. හොඳම උදාහරණය පාඨලී චම්පික රණවකය.

පාඨලි මොන සෙල්ලම් දැම්මත් උන්නැහේට තනියෙන් කල හැකි මලදානයක් ඇත්තේ නැතිය. ආන්ඩුව මේ වෙලාවේ කළ යුත්තේ ආන්ඩු පක්ෂය තුල තව දුරටත් සිටින්නට උවමනා නම් කට පුක වසාගෙන දෙන දේ කා වෙන දෙයක් බලාගෙන සිටිනා ලෙසට අනතුරු ඇඟවීමය.

තව දුරටත් රිලවා තනියම නටන්නට පටන් ගතහොත් සිඳු වන්නේ අවසානයේ රාජපක්ෂ පවුලටම කඩුවෙන් කොටනා එකය…

සැළුන් දොර හැර රෙද්ද අස්සේ දාගත් නයි දැන් පෙනේ පුප්පනට පටන් ගෙන ඇත. තව දුරටත් විෂ දල සහිත නයින් රෙද්ද අස්සේ දාගෙන බුඩු අම්මෝ මාව කෑවෝ කෑවෝ කියා මර හඬ නඟනවාද, එසේ නැත්නම් විෂ දල කඩා ටැංකියක දමා ප්‍රදර්ශණයට පමණක් තබනවාද යන්න දැන් රාජපක්ෂලා තීරණය කළ යුතුය.

මන්ද ඔය මොන පාට් දැම්මත් විමල්ට රාජපක්ෂලාගෙන් තොර ගමනක් නැති බව අන් සියල්ලන්ටම වඩා විමල් දන්නා නිසාය.

ඒ වගත් මෙසේය…