රටේ ව්‍යාපාරික ප්‍රජාවට කෙලින මහ බැංකුවේ ගොබ්බයෝ

 

රටේ ව්‍යාපාරික ප්‍රජාවට කෙලින

මහ බැංකුවේ ගොබ්බයෝ

➖➖➖➖➖➖➖➖➖▪️

ජේ ආර් මේ රටට විවෘත ආර්ථිකය හඳුන්වා දීමට පෙර මේ රටේ සිටියේ ඉතා සුළු වෙළඳ ප්‍රජාවකි. බොහෝ නඟරවල පවා තිබුනේ සිල්ලර කඩයක් දෙකක් පමණි. භූමිතෙල් ගඳ ගගන රෙදි, උම්බලකඩ, හාල්පොතට දෙන හාල් බොම්බිලි කරවල විකුණන්නට කඩයක් දාගෙන පරිප්පු කන්නට මිනිසුන්ට අමාරුවක් තිබ්බේ නැතිය. 

සියල්ල සපුරා ගත යුතුව තිබුනේ සම්පේ හෙවත් සමුපාකාරයෙනි. සම්පේ මැනේජර් යනු අද කැබිනට් ඇමති කෙනෙකුගේ තත්වයේ සිටී පොරක් වුනේය. ඒකෙත් තිබ්බේ අර මාතලන් කලින් සඳහන් කළ බඩු ටිකය. සමහර ගොබ්බයන් සිරිමගෙ කාළේ මාර ආර්ථිකයක් තිබ්බා කියන්නේ ඔය සමූපේ ගැනය.

රට මේ තරමට හෝ ජීවන තත්වයෙන් උසස් රටක් බවට පත් වූයේ, ජේ ආර් ගෙන ආ විවෘත ආර්ථිකයට පින්සිඳු වන්නටය. 

ඉන් පසු එදා පොලී සහිත පහසු ගෙවීමේ ක්‍රමයට මැද පන්තියේ මිනිසුන් ගෙදරට ගෙන ආ, විදුලි ඉස්තිරික්කය, විදුලි කේතලය, බ්ලෙන්ඩරය, කැසට් රේඩියෝව, තනි ලිපේ හා ලිප් දෙකේ ගෑස් කුකරය මෙන්ම ගමටම අණ බෙර ගසා උස ගසක් මුදුණේ ශ්‍රමදානයකින් ඇන්ටෙනාවක් බැඳ ෆිල්ම් බලන්නට ගෙනා අඟල් 12" කළු සුදු රූපවාහිනියද සාලයේ හා දුම් කුස්සියේ තිබූ ප්‍රදර්ශනාත්මක සුඛෝපභෝගී භාන්ඩයන් විය.

අවුරුදු දෙක තුනකින් මේවා ගෙවා ඉවරවෙන විට ඒ භාන්ඩයන් කුණු ගොඩේ තිබුනද, මිනිසුන්ගේ ආර්ථිකය ශක්තිමත් වී තිබූ නිසා, ඒවා මිළඳි ගැන්ම පහසු වූ අතර, ඉන්පසු ජනතාව පහසු මිළට මිළඳී ගත්තේ වර්ණ රූපවාහිනී, සවුන්ඩ් සෙටප්, වොෂින් මැෂින් හා දොර දෙකේ ශීතකරණ හා ෆෝ බර්නර් ගෑස් කුකර්ය.

මේවා පහසු ගෙවීමේ ක්‍රමයට ලබා දුන් ෆිනෑන්ස් කොම්පැණි අධික ලාබ ලබන දිවයින පුරා ශාඛා පිහිටි විශාල සමාගම් බවට පත් වූ අතර, මේ භාන්ඩ ආනයනට සම්බන්ධ වූ ව්‍යාපාරික පිරිස, ශක්තිමත් කිරීමට විදෙස් බැංකු මෙන්ම පෞද්ගලික බැංකු පද්දතියක් රට පුරා ගම් දනව්වල පවා බිහිවන්නේ ඒ අනුවය. බැංකුවකට ගොඩ වීමට පවා බිය වූ පුංචි සිඤ්ඤෝලා ටවුමේ ෂෝ රූම් පටන් ගන්නේ ඒ අනුවය.

ඉන්පසු ශක්තිමත් වෙළඳ ප්‍රජවක් බිහිවූ අතර, යුද්ධය පැවති කාළයේ පවා ආර්ථිකය අවුලක් නැතිව ගලාගෙන ගියේ, මේ වෙළඳ ප්‍රජාව හේතුවෙන් හා ආයොජකයින් පැමිණ ආරම්බ කළ නිශ්පාදන කර්මාන්ත නිසාවෙන්‍ ය. 

මේ බඩු භාන්ඩවලට ආශා කළ පිරිස් මෙරට රැකියා දුලබ වූ හෙයින් විදෙස් ගත වී හෝ තම ජීවිත උසස් මට්ටමකට ගෙන ඒමට තීරණය කරනාතර රටේ ප්‍රධානම ආදායම් මාර්ගය විදෙස් ප්‍රේෂණ වන්නේත් ඒ අනුවය.

කොල්ලුපිටියේ කෝනල්ස්ගෙන් පටන් ගෙන අද සිරිපුර ටවුමේන් සුපර් මාර්කට් ඉඳිවන්නේ ඒ අනුවය.

යුද්ධයෙන් පසුව ජනතාව බ්‍රෑන්ඩඩ් නිශ්පාදන වෙත යොමු වන්නේත්, ලීසින් හා ලෝන් පහසුකම් යටතේ ස්කූටියක්, ත්‍රී රෝද රථයක්, පොඩි වාහනයක් තමන් සතු කරගැන්මටත්, නිවසට දැලි කුස්සි වෙනුවට පෑන්ට්‍රියක්ද, වල කක්කුස්සි වෙනුවට ටයිල් ඇල්ලූ නාන කාමරයක්ද, සිමෙන්ති පොලව සහිත සාලය වෙනුවට ටයිල් දැමූ ලිවින් ඒරියා සාදන්නේ ඒ අනුවය.

කරුමය වන්නේ, මහ බැංකුවේ ගොබ්බයන් කියනා පරිදි ජනතාව තම දහඩිය මහන්සියෙන් හා ණය වෙමින් මෙවන් අවම අධි සුඛෝපභෝගි ජීවන රටාවකට හුරු වීම නොව, ආර්ථිකයට සත පහක දායකත්වයක් නොදක්වන, පාඩු ලබන රාජ්‍ය ආයතන හා අයිස් ගසනා ලක්ෂ 15 ක් පමණ වන රාජ්‍ය සේවකයින් පිරිසක්ද, එවන් ජීවන තත්වයක් ලබා දීම සඳහා ජනතාවගේ බදු මුදලින් නඩත්තු කිරීමය.

එපමණක් නොව, රාජ්‍ය ආයතන තුල සිඳුවන දැවැන්ත මුදල් වංචා, හොරකම්, දූෂණ හා නාස්තිය සිඳුකරනා විශාල නිළධාරීන් පිරිසක්ද එයින් නඩත්තු වන අතර, රටේ දියුණුවට එන ආයෝජකයින්, කොමිස් ඉල්ලීමෙන් හා කප්පරක් ලියකියවිලි හා අනුමැතීන් ඉල්ලා හරවා යවා රටේ ආර්ථික කාබාසීනියා කර දමන්නේද මෙම ගොබ්බයින් වීමය.

නයි ටී ඇන් එකට එන, ජපානයේ වෙසෙන පැල්පොල විපස්සි හිමියන් කියන්නේ මේ තිත්ත ඇත්තය. සුළු ව්‍යාපාරයක් ඇරඹීමට යන දේශීය සුළු ව්‍යාපාරිකයාත් මානසිකව වට්ටා, ඒ මිනිහා පිස්සෙක් කර අකර්මන්‍ය කර දමන්නේ මේ 1/4 කන්නි ගොබ්බයන්මය.

දැන් රටින් ගෙන එන භාන්ඩ සියල්ලම නවතා දමා ව්‍යාපාරයන් සියල්ල බුන්වත් කරමින් කරන්නේ අර අයිස් ගසනා රාජ්‍ය සේවකයින් පිරිස තව දුරටත් නඩත්තු කිරීමය. තව දුරටත් ටී වී ඉදිරියට පැමිණ 225 ක් වන දේශපාලුවන්ට බැන වදිමින් ආර්ථිකය ගැන මෙලෝ අලබෝලයක් නොදන්නා ගොබ්බ ජනතාව අම්බරුවන්ට අන්දමින් සිටින්නේත් එවන් තිරිසනුන්මය.

එපමණක් නොව අළුතෙන් සුළු නිශ්පාදන ව්‍යාපාරයක් හෝ පවතින ව්‍යපාර වැඩි දියුණු කරගැන්මට ඉවහල් වල යන්ත්‍ර සූත්‍ර හා උපාංග පවා ගෙන ඒම සපුරා තහනම් කරලාය. මෙවන් තත්වයක් යටතේ සුළු හා මධ්‍යම පරිමාණ නිශ්පාදන කර්මාන්ත වල යෙදෙන උන්ට වෙන්නේ වස කෑමටය. සමහර විට කෘමිනාශක නැවත ආනයනට අවසර දුන්නේ ඒකට වෙන්නැතිය.

මේ 1/4 කන්නි පිරිසක් නිසා රටේ ව්‍යාපාරික ප්‍රාජාව හිඟන්නන් බවට පත් වූ පසු ආර්ථිකයට වන විනාශය මේ පොල් බූරුවන්ට නොපෙනෙන්නේ, උන් දන්නේ පොතේ තියරය පනණක් නිසාත්, උන් කිසි දිනෙක බිස්නස් එකක් කරලාවත්, ලාබ ලබන ආයතනයක හෝ විදෙස් රැකියාවක නියුතු වූවන් නොවනා නිසාත්‍ය.

අද ලෝකයම එකම ගම්මානයකි. ආර්ථිකයක් පවතින්නේ අපනයන වෙළදාමෙන් පමණක් නොවේය. ආර්ථිකය දුවන්නේ ආනයන අපනයන වෙළදාමෙනි. ඒවා කරන්නේ මහ බැකුවේ ගොබ්බයන් නොව සමාගම් හා ව්‍යාපරිකයින් විසින්ය.

අප අපනයන් රැගෙන යන්නට හිස් කන්ටේනර් අරගෙන එන්නට නැව් සමාගම් වලට පුපේ අමාරුවක් ඇත්තේ නැතිය. තොපි, අපේ භාන්ඩ ගෙන ඒම නවත්තනවා නම්, තොපේ භාන්ඩ තොපිම තියාගනිව් කියා මේ ඒ මිනිසුන් මේ ඉන්ටර්නැෂනල් ආර්ථික ගොබ්බයන්ට කියනා දින වැඩි ඈතක නොවේය. ඒ වන විට බැංකු පද්දතියද කඩා වැටී රට මිහිපිට අපායක් වී තිබීම ඉර හඳ වාගේ විශ්වාසය.

කරුමය කියන්නේ, එවන් තත්වයකට රට පත්වන්නේ, මිනිසුන්ගේ ජීවන තත්වය මෙන්ම දැණුමද වැඩි දියුණු කළ ජේ ජයවර්ධනගේ බෑනා රාජ්‍ය පාලනය කරන සමයේම වීමය.

මේවා කරලා දැන් ආර්ථිකේ නම් හොඳ තත්වයක තියෙනවා යැයි කියනා උන් වහාම මොළය ඉස්කෑන් කිරීමකට ලක් කොට මුතුහෙට්ටි ඇමති තුමාට මොළේ පිළිබඳ සහතිකයක් දුන් දොස්තර මහත්තයා ළඟට යැවීමට IMF ණය පහසුකමක් මුලින්ම ඉල්ලා ගන්නවා නම් වඩා හොඳය.

.

.

ඒ වගත් මෙසේය...

.