අපි පැවතෙන්නේ විජයගෙන් නොව අශෝකගෙනි.......

මේ පොටෝ එකට මේ අර්ථකථනය දුන් මොකා හෝ මාතලන් මෙන්ම සිතනා ජාතියේ එකෙක්‍ කියනා එක බුදු ෂුවර්ය. එදා මිහින්තලාවේ සිදු වූයේත් මෙයම බවත් අනු බුදු ෂුවර්ය. මාතලන් ඉතිහාසයට බොහෝම කැමතිය. ඒ කියා මහාවංශෙන් දෙන ඒවා හෝ පරණවිතානගේ මතයන්ද ගෙඩි පිටින් පිලිගැනිමේ සිරිතක් කුඩා කාලයේ සිටම මාතලන්ට නැතිය.


මිහිදු හිමි මිහින්තලාවට අහසින් පැමිණි බව පොඩි කාළයේදිවත් මා පිලිගත්තේ නැතිය. ඒ වෙනුවෙට මගේ මතය දහම් පාසැලේ උදෑසන රැස්සීමේ කියා, ලොකු හාන්දුරුවන්ගෙන් බැණුම් ඇහුවේ මා නොව අපේ අම්මාය. උන්නාන්සෙ උතුම් බුද්ධ පුත්‍රයෙක්‍ ය කියා කියන්නේ උන්වහන්සේ පාලී සගිස්කුරුත වලටමාතරව තවත් භෂාවකටත් භාෂා වෙල්ලෙකු බව, ගමේ වේස කොල්ලෝ හා පඩත්තල කෙල්ලෝත් දැනගෙන උන්නේය.

ඕන් ඒ කාළේ දඩුමොනරෙ හරි අඩු ගානේ හෙලිකොප්පර් හරි තිබ්බා නම් මේ කතාව ටිකක් හෝ පිලිගන්න තිබුනාය. මහින්දාගමනය අපූරුතම නිර්මාණයක්‍මය. අද කාළේ ජනතාව ගොනාට අන්දවා තේරීම් කාරක සභා හරහා දෙන ආතල් එකම, ඒ කාළේ "මේ අඹ ගස හැර...." කතාවෙන් වසා දේවානම්පියතිස්ස ජාමේ බේරාගන්නට ඇතිය. කොහොමත් අර සිදූ කතාවේ ඉන්නා පන්සලේ මුත්තා වගේ අපේ ජාතිය ප්‍රබන්ධ කතාවේදී හැරි පෝටර්ලාට එහාය.

ඒ කෙසේ වෙතත් ඕක දේවානම්පියතිස්සගේ කතාවක් නොව මහින්ද හාන්දුරුවන් ගෙතූ කතාව වෙන්න පුළුවනිය. දන්නා ඉතිහාසේ..., ලියුම් හුවමාරුවක් ගැනත් කියවේ. අධිරාජයෙක් වූ අශෝක කියන්නැත්තේ, තෝ ඉල්ලගෙන කන්නේ නැතිව, ෂේප් එකේ මගේ වැඩේ කොරන්න දීපිය කියලා වෙන්ට ඕනෑය. මගේ රජකම බේරනවා නම් ඕන පුකක් කියා, දේවා ඩීල් එකකට ගිය බව අද වෙන කේස් වලින් උනත් පේනවාය.

ජේ ආර් පඩියා වෙන්න ගිහින් යාපනේට පරිප්පු වලින් ඉල්ලාගෙන කෑවේ ජේ ආර්ට මේ දේ තේරුම් ගන්න බැරි නිසාය. මෝදිට කොළොම්බු හාබර් එකෙන් කෑල්ලක් දෙනවා මදිවාට, මහ එකා කුඩේ අල්ලන්න දමා, අනිකා ගයිඩ් වැඩේ කරන්නෙත් මේ ඉතිහාසය රනිල් වගේ ගල් ආදෙක් දන්නා නිසාමය.

සමහරවිට විජයගේ කතාවේ තාර බර අඩු කර ගත්තාම, දේවා වෙනකන් පරපුරක් ආවත්, සිංහළ ජාතිය කුවේණිගේ පිරිසෙන් හෝ විජේගේ පිරිසෙන් පැවතෙන පිරිසක් නොවන බවත්, සිංහළ ජාතිය හා බුද්ධාගම පැවතෙන්නේ අශෝකගේ ආක්‍රමණයත් සමග මෙහි පැමිණි පිරිසගෙන් බවත්, මගේ මතයයි.

මහාවංශයද මෙය වක්‍රාකාරව පිලිගනී. ඒ දේවා විසින් බුද්ධාගම වැළදගත් බවත්,  ඉන් පසු සියලු කර්මාන්ත වලට අදාල පිරිසද, කළාකරුවෝද නලාකරුවෝද ඇතුලු ආක්‍රමණිකයින් පිරිස ස්ථිර පදිංචි කරුවෝ වූ බවත් එහි තිබෙනවාය.

වැවයි දාගබයි ගමයි පන්සලයි සගිස්කුරුතියද, අපේ උන් උඩ දාගෙන නටනා වාරි කර්මාන්ත ටැක්නොලජි ඇන්ඩ් ඉන්ජිනියරිංද, සිව් සැට කළාවද සමගින් එම පිරිස මහා ජාතිය වූ බව මාතලන්ගේ මතයයි.

ඊටත් වඩා වැදගත් දෙය වන්නේ, මෙය සදාකාලික උරුමයක් කිරීමට, සගමිත් මෙහෙනිය අතේ එවනා බෝධියයි. පසු කාළිනව කිත්සිරිමෙවන් රජ දවස එවනා දළදාව, අදටත් මහා ජාතියේ මෙන්ම රජාගේද පැවැත්ම තහවුරු කරනා මහා පූජනීය වස්තුවයි. සුද්දා පවා ඒකට ගේම අදින්න නොගියේ, සිංහළ ජාතියේ සංකේතය හා පැවැත්ම එයම වූ නිසාවෙනිය.

කෙසේ හෝ මේ පිරිස මහා ජාතිය වන විට, අද ප්‍රභාකරන් හා රිෂාඩ් වෙන රටවල් වල සප් එක ඇතිව ගේම් දෙනවා සේ, 12 වන සියවස වනතෙක් ගේම් දී, මහා ජාතිය සුළු ජාතියක් හා වැද්දන් සම වූ පිරිසක් කිරීමට විජේගේ හා කුවේණිගේ සෙට්ටෙක සමත් වන්නේය.

නැවතත් සිහළ ජාතිය මහ ජාතිය සේ හිස එසවීමට පටන් ගන්නේ බටහිර ආක්‍රමණිකයින්ගේ යටතේය.

එහෙත් ඒ වන ව්ට, අර අනුරාධපුර යුගයේ පොලොන්නරු යුගයේ උන් නිර්මාණශීලි මහ ජාතිය වෙනුවට අද ඉන්නේ, සුළු ජාතික මානසිකත්වයක් සහිත මහා ජාතියකි.

ජානවල හා ලේ වල ඇති නිතරම හතුරෙකුට හෝ ආක්‍රමණයට ඇති බිය, අදටත් එසේමය. අපි බය නෑ ඩෝ කීවාට, හිංගලයා පට්ටම බය ජාතියක් බව එක දොස්තරයෙකුට ඇති බියෙන්ම අපූරුවට පේනවාය.

සාෆී සමග ඔපරේෂන්වලට සහභාගී වූ නේස් නෝනලා 69 දෙනෙක්ම සාෆී එවන් දොස්තර කෙනෙක් නොවනා බවත්, ඔවුන්ගේ ඇස්වලට වැලි ගසමින් එවන් දෙයක් නොකල හැකි බවත් කියද්දි, අදටත් සාෆී හිරේ ඉන්නේ අමු ගොබ්බ ආන්ඩුව ජනතාවට බිය නිසාත්, ජනතාව හැම දේටම බිය නිසාත්මය.

කෙසේ හෝ මෙනයින් බලද්දී ඉන්දියාව අපේ ලොකු අයියා නොව, අපේ අප්පච්චිය. ඒ නිසා මෝදි ඉඹලා පිලිගත්තාට මදිය. වැදලාම පිලිගත යුතුමය.