යතාර්තය (රියැලටිය) තේරුම් ගත නොහැකි ෆැන්ටසි අම්බරුවෝ...

 

ඝෝඨා සියල්ල දමා ගසා ගෙදර යාවිදැයි කියන්නට මාතලන් නම් දන්නේ නැතිය. හැබයි මිරිහානේ කේස් එකෙන් පස්සේ එයාගේ හැසිරීම අනුව නම් පෙනෙන්නේ,එවන් දෙයකට ඇති ඉඩකඩ බොහෝ වැඩි බවය.

ප්‍රජාතන්ත්‍රවාදය ඕනෑවට වඩා ඕනෑම නැතැයි අප කීවද, ඔහු මේ වනතෙක් වැඩ කරන්නේ එසේමය. ප්‍රජාතන්ත්‍රවාදය හා දියුණු වූ රටවල් ලෝකයේ නැති අතර, දියුණු වූ පසු ප්‍රජාතන්ත්‍රවාදී වූ රටවල් නම් බොහෝ ඇත්තේය.

මහින්ද, ජේ ආර් හෝ ප්‍රේමදාස ජනපති ලෙස සිටියා නම් සිඳු නොවන දෑ, දැන් සිඳුවෙමින් පවති. ඊට හේතුව ඝෝඨා කට්ට කෑ වෙට්ට පිත්තල දේශපාලකයකු නොවීමත්, ඔහු සිවිල් වැසියකු නොවීමේ හෙතුවත්‍ය.

ඔහු හුරු පුරුදු වී ඇත්තේ, කාගේ හෝ අණකට වැඩ කරලාය. ඔහු ආරක්ෂක ලේකම් ලෙස සිටී අවදියේත් ඔහුගේ අන දෙන්නා වූයේ මහින්දය.

බලයට පැමිණි පසු ඉස්සෙල්ලාම වැඩ කරේ පී බී හා ලක්ෂ්මන් නම් මීට වසර 50 කට පෙර ලෝකයේ පැවති පට්ට ෆේල් ආර්ථිකයක් මෙරටේ ස්ථාපිත කිරීමට ගිය ඩේට් එක්ස්පයර්ඩ් බුවාලා දෙන්නෙකුගේ අණ පරිදිය 

ඉන් පස්සේ උන් එලවා දමා ලංකරගත්තේ සුපිරි ඩීල් කරුවන් හා මනී ලොන්ඩරින් එක්ස්පර්ට්ලා දෙදෙනෙකු වන අජිත් නෙවාඩ් හා බැසිලස් උන්නෑහේය. 

ඒ දෙන්නා රටේ සත්‍ය තත්වය වසා, සියල්ලන් අන්දමින් ට්‍රයි කරේ, දහන් ගැට දමමින් පැවති තත්වය දිගටම පවත්වාගෙන යාමටය. ඒ ඉන්දියාවේ සහාය ඇතිවිය. මීට පැදපෙරදිග සුල්තාන්ලාගේ සහායද ලැබීමෙන් රට ගොඩ එන බව දැනගත් විපක්ෂය කළේ, චීනයේ සහායෙන් වැඩේ කඩාකප්පල් කිරීමට මිරිහානේ යුද්ධයක් කිරීමය.

ඊට පෙර විමල්ලා දමා වැඩේ කරන්න හැදුවත් වැඩේ වන උනේය.

චීනය හා විරුද්ධ පක්ෂය ජයගත්තේය. බැසිල් හා කබ්‍රාල් පමණක් නොව කැබිනට් එකද එලියට විසිවිය. 

මාතලන් නම් කියන්නේ කැබිනට් එක විසුරුවීම පට්ට ෆේල් වැඩක් කියලාය. ඝෝඨා එතනදි නම් ෆේල් බව මාද පිලිගනිමි. ඒ පරිප්පුව, ආන්ඩුව අද අඩුවක් නැතිවම කමින් සිටී.

දැන් ඝෝඨා ක්‍රියා කරන්නේ, රනිල් හා IMF උපදෙස් අනුව බව පැහැදිලිව පෙනෙන්නේය. 

කැබිනට්ටුවට එක්ස්පීරියන්ස් නැති පොරවල් පත් වෙන්නේද, ඉන්ධන මිළ ඇක්චුවල් ප්‍රයිස් එකට හෙවත් ලෝක වෙළඳ පොලේ මිළට එන්නේත් එබැවින්‍ය.

පාඩු ලබන රාජ්‍ය ආයතන අප කලින් කීවාක් මෙන්ම ඈවර කිරීමට තීරණය කොට අවසානය. අප කිව්වේ ඕවා විකුණා කීයක් හරි හොයා නොගත්තත්, ණයත් එක්කම ගන්න කැමති එකෙකුට නොමිලේම දීලා දැම්මත් කමක් නැතෙයි කියලාය. මේවා රටේ කරුමය.

ඔවා මේන්ටේන් කිරීම රජයෙන් කරන තාක්, මේ රට ගොඩ ගැනීම සුම්මාය.

මින් පසු සහනාධාර වලට, කන්න බොන්න ගමන් බිමන් යන්න ලැබෙන්නේ නැතිය. සහනාධාර මත යැපෙන හිඟන මානසිකත්වයක් සහිත රටකට කිසිදා දියුණුවිය නොහැකි බව අප සැමදා කියා ඇත.

මේ යතාර්තය පක්ෂ විපක්ෂ දේසපාලුවෝ හොඳින්ම අවබෝධ කරගෙන ඇත. ආර්ථික උස්තාද්ලා වන එරාන්ලාට හර්ෂලාට රනිල්ලාට මේක අරගෙන කරපන් කිව්වාට උන් එන්නේ නැත්තේ ඒකය.

ආවත්, උන් කන්නේ මීට එහා පරිප්පුවක්මය

විධායක ජනාධිපති ධූරය අහෝසි කලාම රටේ ආර්ථික අර්බුධය ගොඩ යන බවට සජිත්ලා අදත් පාර්ලිමේන්තු ඇවිත් බයිලාවක් කියා මාරු වෙන්නේ එනිසාය. උන්ද මේ පරිප්පුව කන්නට කැමති නැතිය.

මේ කන්නේ වෙන කිසිවක් නොව, අප සැමදා කියූ ඩොලරය බලෙන් ඔබාගෙන සිටීමේ පරිප්පුවය...

ඩොලරය පාවීමට ඉඩ හැරියා නම්, එය මේ වනවිට රුපියල් 400 වෙන්නේ පියවරෙන් පියවර ජනතාවට නොදැනෙන පරිදිය. 

එහෙත් අපේ අනාවැකි ඇත්ත කරමින් වතුරේ හංගාගෙන උන් රබර් බෝලේ උඩ මතු වී විසිවුනේ කොහේදැයි සොයාගන්නට බැරිය. නන්දලාල් වීරසිංහ, සබ්‍රි උන්නැහේ එක්ක ඇමරිකාවේ ගිහිනුත් හොයන්නේ ඒකය.

දැන් උද්ධමනය 100% වී අවසානය...

බෝලේ සොයාගන්න, ඉන්දියාවේ නිර්මලා සීතාරාමන් නෝනාද එක්වීම අප ඉහළින්ම අගය කළ යුතු වන්නේ, ඒ හරහා හෝ ඉන්දියාව මෙරට ගොඩගැනීමට ඉඩ ඇති නිසාය.

රටකට කෙලවෙන්න තියෙන එකේ හොඳම එකෙන් කෙලවෙලා තියෙද්දීත්, දේශීය ආර්ථිකයක් ගැන පාරම්බානා වාමාංශික තකතීරු බයි අම්බරුවන්ට හිනාවෙන්නට මට දැන් ශරීරයේ කිසිම තැනක් ඇත්තේම නැතිය.

එපමණක් නොව ඉන්ධන මිළ අඩු කරව් කියා පාරේ ටයර් පුච්චනා, පාර හරස් කොට ජන ජීවීතයට පීඩා ගෙනෙනා උන් මෙන්ම, එසේ කරන්නෙයි කියා බුකියේ අඩනා සියල්ලෝද මට පෙනෙන්නේ, ලෝකය නොදත් අමු බයි හයිබ්‍රිඩ් සයිබර් අම්බරුවන් ලෙසය.

අප මෙතෙක් ජීවත් වූයේ ෆැන්ටසියකය, අමු බොරුවෙන් පිරුණු රටකය, සියළුම දේශපාලුවන් විසින් මේන්ටේන් කරගෙන ගිය මායාවකය.

සත්‍යය නීරසය, ඇත්ත බෙහෙත් වලටත් වඩා තිත්තය. දැන් සියල්ලන්ටම යථාර්තයේ ජීවත් වීමට සිඳුව ඇත.

මාතලන්ට ඇති සතුට නම්..  

රටේ පැවති ණය බර දෙගුණයක් කර ආර්ථිකය වනසා ගෙදර ගිය යහපාලනේ මූසලයන්ට පසු බලයට ආ උන් පිස්සු කෙලීම පටන් ගන්නා විටම,

 රට පෝලිම් යුගටකට ගෙන යන බවට කී අනාවැකිය වසර දෙකහමාරක් යාමටත් පෙර ඇත්ත වී ඇති නිසාය.

ඒ වගත් මෙසේය ........

.