කලින් ලියූ දෙයක් නැවත ලියමි.

 

මේ අර්බුදයෙන් ගොඩ ඒමට නම්,

🔺 1. එක්කෝ විදෙශ් රාජ්‍යයක් රට පාලනය කළ යුතුය.

🔺 2. නැතිනම් විදෙස් ආයතනයක් රට පාලනය කළ යුතුය.

මෙය මාතලන් විසින් මීට පෙර කිහිප අවස්ථාවකම ලියා ඇත.

ඒ ඇයි?

මෙතෙක් රට පාලනය කළ දේශපාලුවන්ද, නිළධාරීන්ද සියල්ලෝම පට්ට ෆේල් ය. එය පිලිගැනීමට දෙසරයක් කල්පනා කළ යුතු නැත. 

එමෙන්ම විපක්ෂයේ ඉන්නා සියල්ලන්ටමත්, විසිල් ගහනා සිවිල් ක්‍රියාකාරින්ටත්, මේ රට ගොඩගැනීමේ කිසිඳු සැලැස්මක්, ක්‍රියාදාමයක්, වැඩපිලිවලක් හෝ අදහසක් ඇත්තේ නැති බවත් ඉතා පැහැදිලිය.

දැන් උන් සියල්ලෝ ඉන්නෙ අඥකොරොස් වී මොළේ කුරුවල් වී පිස්සු තද වෙලාය.

උන් සියල්ලෝම කරන්නේත් ටික් ටොක් කරපු පොඩි උන් හා රැලේ වැටී "ගෝ ඝෝඨා ගෝ" කියනා එකම විතරය.

බව්වෝ රැලේ වැටෙනා කාළයටත් මෙසේමය. එකෙක් උඩු බුරන්නට පටන් ගත් විට ගමේම ඉන්න බව්වෝ උඩු බුරනවාය. ඒකට ස්ට්‍රීඩ් ඩෝග්ස්ද පොෂ් ඩෝග්ස්ද කියා අවුලක් ඇත්තේම නැතිය.

ඝෝඨා ගියා කියා මේ අර්බුදය විසඳෙයි නම්, මාතලන්ටද පාරට බහින්නට කිසිම අවුලක් ඇත්තේ නැතිය.

එහෙත් එසේ පාරට බැස..., ගේන්නට කිසිවෙක් නැතිය. කලින් කිහිප වරක්ම කියා ඇති පරිදි, ඝෝඨා මේ රට හැදුවේ නැත්නම් හදන්නට එකෙක් ඇත්තේත් නැතිය. එට අද ඇස් පනාපිට ඔප්පු වී අවසානය.

▪️ බැසිල් යටතේ සිඳුවීමට ගියේ අංක එකයි.

එය එතරම් නීරස එකක් නොවූවත්, IMF යෝජනා ක්‍රියාත්මක නොකර, ඉන්දියාවේ උදව් උපකාර හා ආයෝජකයින්ට ඉඩ ප්‍රස්තාව ලබා දී, ගොඩ ඒමේ චෑන්ස්සෙකක් තිබිනි. (බැසිල්ට 10% ක් යාම වෙනම කතාවකි. 😁)

උදා - ඩුබායි, සිංගප්පූරුව විශේෂයෙන් මහතීර් මොහොමඩ් ගැහුවේ මෙහෙම ගේමකි.

▪️ මේ මොහොතේ සිඳුවෙමින් තිබෙන්න අංක දෙකයි. 

එය අධික මාත්‍රාවකින් භාවිතා කළ යුතු, අධික තිත්තෙන් යුතු බෙහෙතකි.

කැපකිරීම්, අහිමිවීම්, බොහෝ අධිකය.

නමුත් වසරකින් පමණ ගොඩ ඒමේ චෑන්ස් එකක් ඇතත්. එය තීරණය වන්නේ ලාංකිය දේශපාලන ස්ථාවරත්වය හා දේශපාලුවන්ගේ බුද්ධිය අනුවය. 

ඒ බව ඉතා පැහැදිලිව ජනතාවට තේරෙන වචනයෙන් කිව්වේ සැන්ට්‍රක් බැංකුවේ නිව් ගවනර් ආචාර්‍ය නන්දලාල් වීරසිංහ උන්නැහේය.

මාතලන් නම් කියන්නේ, IMF යෝජනා ක්‍රියාත්මක කිරීමට යාමේදී, ජේ ආර්ගේ ඉන්දු ලංකා ගිවිසුම ක්‍රියාත්මක කිරීමට ගොස් රටේ උද්ගතවූ භීෂණ යුගය නැවත ඇතිවීමේ ප්‍රවනතාවය ඉතා ඉහළ බවය.

උදා - ලෙබනන්

ඒ එසේ යැයි කියා අසුබවාදීම විය යුතු නැත්තේ, IMF යෝජනා ක්‍රියාත්මක කරමින් ගොඩ ආ රටවල්ද බොහෝ තිබෙනා නිසාය.

උදා - ඉතියෝපියාව, ඝානාව, මාලදිවයින 

එහෙත්, විධායක ජනාධිපති ධූරය ශක්තිමත්ව පවත්වාගෙන යා හැකි නම්, ඊට ජාත්‍යන්තරයේ සහාය ලැබේ නම්, රටට හොඳ කලක් උදාවනු ඇත. එය සිහිණයාක්ම පමණි. විය හැක්කේ ඊට ප්‍රතිවිරුද්ධ දෙයයි.

ඇත්තටම මේ රට මහා අවාසනාවන්ත රටකි.

උගත් යැයි කියනා උන්ටද මේ කිසිවක් නොතේරී, අමන මදන තරුණ කැළ හා වැටි පිස්සු කෙලීම පෙන්වන්නේ රටේ අධ්‍යාපනයේ හා සංස්කෘතියේ ගෝත්‍රිකත්වයම පමණි.

(තරුණ ප්‍රජාව පාරට බැස උද්ඝෝෂණ පෙලපාලී පැවැත්වීමට මාතලන් කිසිසේත් විරුද්ධ වන්නේ නැතිය. නැත්නම් උන් තරුණ තරුණියෝ නෙමේය. මාතලන් උන්ට කින්ඩිය දමන්නේ අත්දැකීම් ඇති වැඩිහිටියකු ලෙස උපදෙසක් දීමේ අටියෙන් පමණි. උඹලාගේ ආතල් එක උපරිමයෙන්ම ගත්තාට මගේ කිසිම අවුලක් ඇත්තේ නැතිය.)

මේ අවු අස්සේ, ආගමික අන්තවාදයද කිසිඳු හිරිකිතයකින් තොරව බොරදියේ මාළු බාමින් සිටි. එය ඇවිලෙන ගින්නට පිඳුරු දැමීමක් මිස නිවා දැමීමක් නොවේ. ඒවා දැක්කාම නම් බඩ දඟලා ඔක්කාරයටම එන බව නොකියා සිටිය නොහැකිය.

ඉදිරි වසර සුභ නව වසරක් වේවා කියා පතන්නේ මේ කිසිවක් නොදත් අඳබාලයෝය.

ඒ වගත් මෙසේය.

.