දෝසාබියෝගේ - Impeachment

ප්‍රියන්ත රත්නායකගේ ඉරහඳ පත්තරේ කියව කියවා උන්න ජනාධිපති තුමා නෝනාට කතා කර කිව්වේ, බලනවකෝ නෝනේ මේ යකා කියලා තියෙන්නේ, මේ දවස්වල ගෑණු අයට අපලෙයි කියලාය. ඒ මට නෙමේ අනේ, අනිත් ගෑණු අයට වෙන්න ඇති කිව්වාම, කාන්තාවන්ට කවදත් ආදරේ කරන ජනාධිපති තුමා කිව්වේ, එහෙම නෙමෙයි අනේ ඔයාටත් බෝලයක් දෙන්නෙයි මිරික මිරික ඉන්න කියාය. රජා උනත් වල්කම නම් ගිහින් නෑ කියා, මල පැන්න ශිරන්ති නෝනා සිතින් කියාගෙන ගියේ, රාජ යෝගයක් බදාගෙන අනෝමා ෆොන්සේකා නෑවට අපි මොනවා කරන්නද කියාය.

ඔය අස්සේ කඩා පාත් වෙච්ච බැසිල් මලයා අඬ අඬා කිව්වේ, අනේ අයියේ මම මිනිස්සුන්ගේ දිවි නගන වැඩේට අර ගෑනී ලෙඩේ අදිනවනේ කියලාය. මෙයා ඉතින් දිවි නගන්න යන්නේ ඇට බෙදලනේ කියා තමාටම කියාගත්ත ජනාධිපති තුමා කිව්වේ, අපි ඉතින් දුන්න ගේම් වලට එයා ලෙඩේ අදිනවා ඇති, ඔහෙත් අර සරත් ගුණවර්ධන වගේ වලියෙන්ම ඉන්නවා, නැත්තං ඉතින් එයැයි එක්ක වාසේ ටිකක් අමාරු තමයි කිව්වාම, බැසිල් අඬන ගමන්ම කිව්වේ අයියා කියන්නේ මොන ගෑනියෙක් ගැනද කියලාය. උඹ ඔය කියන්නේ අර චන්ද්‍රිකා මැඩම් ගැන නේද කියා කින්ඩි හිනාවකුත් සමග අහපු ජනාධිපති තුමාට බැසිල් මලයා කිව්වේ අයියා මගුලක් කතාකරනවා, එයා නෙමෙයි අනේ අර අළුත්කඩේ එක්කෙනා කියාය.

අම්මට හුඩු එහෙමත් එකක්ද, මොකක්ද කේස් එක කියා අහපු අයියාට, බැසිල් මලයා සාටකෙන් හොටු හූරන ගමන් කිව්වේ, එහෙම මට ඕනේ විදියට දිවි නගන්න බෑරියෙයි කියන්නේ, පලා බබාලගේ අවසරේ ඕනෙයි කියන්නේ කියාය. බබ්බුන්ගේ අවසරේ එයැයිගේ අහවල කාරනේ කරන්නදැයි කියා මලේ හොඳම එකත් පැනපු ජනාධිපති තුමා කිව්වේ මම ඔය බබ්බු ටිකටත් ගේමක් දෙන්න, අර හදාගන්න කොල්ලටයි, චම්පිකයටයි, බොරළුගොඩ සිංහයගේ යටිගිරියෙන් කෑ ගහන පුතාටයි පවරලා තියෙන්නේ කියලාය.

හරි හරි මම මොකක් හරි කොරන්නම්කෝ, ඔහේ යනවකෝ මෙතන අඬ අඬ ඉන්නේ නැතුව, මොකෝ රොයිටර් කෙනෙක් දැක්කොත් වෙන කතාවක් හදයි කියපු ජනාධිපති තුමා, ආ පොඩ්ඩක් ඉන්නවා මටම හැම එකම කොරන්න බෑ, තමුසෙත් ඔය ගෑණු ටිකකුත් එක්ක ගිහින් පොඩි පිකට් පාරක් දානවා, මම ඉක්මනටම මක්කා හරි කොරන්නම්කෝ කියා. අරන් හදාගන්න කොළුවටයි, ඩෝබිටයි, කතන්දර ලියන ඩල්සටයි ඇවිත් මාව හම්බ වෙන්න කියන්නෙයි කියා ලේඛම්ට කෝල් එකක් දීලා, එක කෝල් එකෙන්ම වැඩේ ශේප් කොර ගත්තේය.

අරන් හදාගන්න එකා කිව්වේ මට ඉතින් ගෙම දෙන්න පුලුවන් කටෙන්නේ මම දෙන්නම් පොරි හැලෙන්න කියාය. ඩෝබී මහත්තයා කිව්වේ සෑර් ඔතන ඉන්නේ මාර ගල් ආඳෝ අර මංජුලයා කරා වගේ කැලේ නීතී ගේම් එකක් කියලා පෙන්නන්න ඌම ගහගත්තා වගේ අපිව කිච කොරන්න ඉස්සර, ව්‍යවස්ථාවෙන්ම ගහමු ඔලුව කුඩුවෙන්න කියාය. ඩල්ස් කිව්වේ මම ඕන දේකට සප් එක දෙන්නම් ව්‍යවස්ථාවට අනුව කරන නිසා කියලාය. එහෙනම් ජී ඇල්ට කතා කොරලා එහෙම කොරනවා කියපු ජනාධිපති තුමා, ඩෝබිගෙන් ඇහුවේ ඇත්තද ඕයි නෙහාරා අරූ බඳින්න යනවා කියන්නේ කියාය. එහෙම කතාවක් තියෙනවා තමයි කියපු ඩෝබීට ලොක්කා කිව්වේ මේනකත් ඔක්කෝටම කොටලා අන්තීමට කෙහෙල ගහකට කෙටුවා වගේ කියලාය.

කැබිනට් එකේ තියෙන, චෝදනා පත්තරේ දැකපු වාසු කිව්වේ. මේක ඉතා සාධාරන එකක් නිසා එයා ජනතාව දැණුවත් කරන්නම් කියාය. දැන් මේක අපේ අයියට දෙන්නේ කවුද කියා ඇසුවාම ඉස්සරහ පේලිවල ඉන්න උන් පෙරලගෙන පස්සෙම පේලියේ උන්න අරුන්දිතයයි, ශාන්ත බන්ඩාරයයි, නාමල් බේබිවත් පෙරලගෙන කඩාගෙන ලොක්කගේ ඇඟටම ආවේය. උන්ගේ සයිස් එකට බය උන ජනාධිපති තුමා කිව්වේ මර්වින් හිටියනම් මට එකෙක්වත් ඕන නෑ එහෙනම් ඌ මේක දීලා අයියට වැඳලත් තමයි එන්නේ කියාය. සෑර් ඕක ගෑනියෙකුට විරුද්ධ එකක් නිසා මාත් යන්නද කියාගෙන පවිත්‍රා දේවි ජනාධිපති තුමාගේ ඇඟටම තුරුල් උනේය. පොඩ්ඩක් අප්සෙට් උන ජනාධිපති තුමා එක ගෑනියෙකුට ලව් කරලා කට්ට කන උන් ගැන දන්න නිසා, සීට් එක මාරු කරන ගමන් කිව්වේ තවත් බවලත් කෙනෙක් යනවනම් හොඳයි නේද කියාය.

කට්ටිය එක්ක චෝදනා පත්තරේ දීපූ වෙලේ ඉඳන් අරලිය ගහ මන්දිරේ ගෑණුන්ගෙන් පිරෙන්නට විය. පවිත්‍රා දේවී කිව්වේ අනේ සෑර් මගේ ජොබ් එක නිසා මටම දෙන්න කියාය. ප්‍රනාන්දුපුල්ලේ නෝනා ඇමතිකමක් ඉල්ලුවේය. ගෑනු ගොඩේ උන්න අරුන්දිතයි ශාන්ත බන්ඩාරයි දැකපු ජනාධිපති තුමා ඇහුවේ ඈ ඕයි උඹලටත් චීප් ජස්ටිස් වෙන්න ඕනද කියාය. දෙන්නාම එකට කිව්වේ ඕන් නෑ සෑර් අර මුතුහෙට්ටියා ඉල්ලපු එකක් හම්බ උනානම් හොඳටෝම ඇති කියලාය. පලයන් පලයන් යන්න ගෑණු ගොඩේ රිංගන්නේ ඒවට නෙමෙයි මම දන්නේ නැද්ද උඹලැයි හැටි කියූ ජනාධිපති තුමා දැක්කේ, මාලනි, අනර්කලි, ගීතා, කමලා රණතුංග අස්සේ චාන්දනී බන්ඩාරත් ඉන්න බවය.

ජනාධිපති තුමා ගෑණු වට කරගෙන ඉන්න කතාව ශිරන්ති නෝනාගේ කනට ගියේ එයාගේ චර පුරුෂ සේවයේ එකෙක්ගෙන්ය. හබියගෙ හැටි ඒ කාළේ ඉඳන්ම දන්න නෝනා, මල පැන්නත් ඒ බව නොපෙන්නා එතනට ගියේ මොකද වෙන්නේ කියලා බලන්නය. ආ ඔහෙත් ආව එක හොඳා කියා මල වනයක් වෙලා උන්න ගෑණු ගොඩෙන් පැනගන්න වෙලාවක් බලාගෙන උන්න ජනාධිපති තුමා එහෙනම් ඔයාලා මැඩම් එක්ක කතා කරගන්නකෝ කියා හෙමීට මාරුවිය. ටික වෙලාවකින් ජනාධිපති තුමා ගාවට ගියපු නෝනා කිව්වේ. මේ ඔය සෙල්ලම් නටන්න තියා ගන්න එපා. බහින්නේ එහෙම නෑ ගෙයින් එලියට කියාය. එහෙම කොහොමෙයි බජට් එකට මම යන්නම එපාය කියූ ජනාධිපති තුමාට නෝනා කිව්වේ. ඔය ඉන්නේ අමු ගොම හාල්පාරුවෝ ඕන තරම් එයින් එකෙක් යවනවා. මම නැතුව මීට පස්සේ එලියට එහෙම බහිනවා නෙමෙයි කියාය.

ප: ලි:
කොට කලසන් එකට හෝ ගාලා හිට්ස් එන වෙලාවේ උනත් මේක දැම්මේ මේක වෙන වෙලාවක දාලා වැඩක් නෑ..