අම්මට සිරි... වයඹට, දයා සිරි..... - An Interview with Mrs. Dayasiri

 

ගරු, "ජයසෙකර පතිරන්නැහේලාගේ දයාසිරි පද්මකුමාර ජයසේකර" මැතිතුමා, තම ඡන්ද දායකයන්ට ද්‍රෝහී නොවී, තම පාර්ලිමේන්තු මන්ත්‍රී ධුරයෙන් ඉල්ලා අස්වී, වයඹ පලාත් සභාවට පොදු පෙරමුනෙන් තරඟ කිරීමර තීරණය කර ඇත.


ඔහු හා සම්මුඛ සාඛඡ්චාවක් සඳහා වේලාවක් වෙන් කර ගැනීමට උත්සාහ කල නමුත්, එතුමා කීවේ, මේ දිනවල වේලාවක් ලබා දීමට නොහැකි නිසා, ඕන දෙයක් මැඩම් හා කතා කරගන්නා ලෙසයි. ඒ අනුව "ජයවන්ති ජයසේකර" මැතිනිය සමඟ "මහාචාර්ය මාතලන්" විසින් පවත්වන ලද සාකඡ්චාව පහත පලවේ.

ආයුබෝවන් මැතිනිය !
අයියෝ මොකද මේ.... මට මැතිනිය කියන්න එපා.... අපි නිකං කතාකරමු.... 
ඒක හරියන්නෙ නෑ.... ඔබ තුමියට ඒවට පුරුදු වෙන්න වෙයි. 
ඔය ඉතිං.... ඒ පාර තුමියලු. මට හරි ලැජ්ජයි අයියෝ..
යන්නේ නෑ... යන්නෙ නෑ... කිය කිය ඉඳලා, අන්තීමෙදි ගියා නේද? 
ඒකනේ.., මාත් දැන් හරි බයෙන් ඉන්නේ. 
ඔබ තුමියට කොහොමද මහ ඇමති තුමා මුනගැහෙන්නේ?
පිස්සුද අනේ මොන මහ ඇමතිද? බලමුකෝ.. බලමුකෝ.. මට මෙයා හම්බ උනේ ඩාන්සින් ෂෝ එකකදි තමයි
ඒ කොහොමද? 
දයා නැටුම් වලට බොහොම දස්සයි නේ.. ඉතින්, මාත් මෙයාගේ නැටුම් වලට අහු උනා. 
එතුමා ඒ තරම් දක්ෂද...අපි නම් දැකලා නෑ.? 
අපොයි ඔවු... හොඳ හොඳ නාඩගම් කීපයක්ම නටලා තියෙනවා. දැන් උනත් එයා විනෝදාංශයක් හැටියට කරන්නේ නාඩගම් නටන එක තමයි. 
එතකොට විවාහ උනේ?
අපේ තාත්තා නොම්මර එකේ නැටුම් කාරයා නිසා. මාත් එක්ක නාඩගම් නටලා හෙමිහිට යන්න හදන කොට, එවා යරියන්නේ නෑ බැදගත්තනම් ගහපන් පුතෝ දැන් බෙර කියලා තාත්තා කිව්වා.
කලිනුත් මෙහෙම යන කතාවක් තිබුනා නේද? 
කතාවක් මම දන්නෙ නෑ... කොහොමත් එයා ඉතින් යනවනේ.. 
නෑ නෑ මම මේ අහන්නේ, එතුමා පොදු පෙරමුනට යනවය කියලා කිව්වනේ?
ආ... ඔවුනේ අනේ... ඒ සැරේ වැඩේ කෑවේ අර සුමනසේකරයනේ. වෙලාව හොඳ නැතෙයි, අරකයි මෙකයි කියලා. ඒ කාලේ ගියානම්, අද...., අපිත් මිනිස්සු. 
ඇයි විපක්ෂෙ ඉන්නෙ මිනිස්සු නෙමෙයිද..?
නෑ එහෙම නෙමෙයි, මේ පොලිස් බලතල එහෙම නෑ නේ.
ප්‍රශ්ණයක් නෑ නේ, දැන් ඉතින් ගියානේ?
ඔව් ඒක ඇත්ත. 
අපි දැකලා තියෙනවා එතුමා සින්දුත් කියනවා. 
අපොයි ඔව්.. දැන්නම් මිනිස්සු කියන්නේ දයා බයිලත් කියනවා කියලා. ඒ ඉතින් මිනිස්සු ඉරිසියාවට කියන කතා. 
අර මෙගා ස්ටාර් ගිහින් කළබලයක් උනා නේද.?
ඒක නවත්තලා තියෙන්නේ ජනාධිපති තුමා... මොකෝ, මෙයා සංගීතයට ගියොත්, හදිස්සියට ගන්න ඉන්න එකෙක් නැති වෙනවා කියලා. 
එතුමා පහුගිය දවස්වල එංගලන්තෙත් ගියා නේද?
ඔව් ඉතින් ඒකේ ප්‍රශ්ණයක් නෑනේ. පාර්ලීමෙන්තු ගියා කියලත්, පොඩි ජෝක් එකක් දාලා එන එකනේ කරන්නේ. මම නම් කියන්නේ, අපි පවුල් පිටින් පිටරට හිටියත් රට යනවා. ජනාධිපති තුමා හිටියාම ඇතිනේ. 
පලාත් සභා ගැන ඔබ තුමියගෙ අදහස. 
මොකක් උනහම මොකද අනේ.... කීයක් හරි හම්බ කර ගන්න පුළුවන්නම්, ප්‍රාදේශීය සභාවේ සභාපති කමත් වටිනවා, විපක්ෂේ ඉන්නවට වඩා. මටත් දරුවෝ ඉන්නවනේ. 
ඒ උනාට, පලාත් සභා වල බලය අඩු කරන්න යනවනේ?
එහෙම උනොත් ඉතින් වාසු, බැටි, ඩීව්, රාජිත, රෙජිනෝල්ඩ් අංකල්ලා වගේම, විග්නේෂ්වරන් අංකල් හිටන් ඉන්නවනේ. ඒ කවුරු නැතත් මන මෝහන සීයා ඉන්නවනේ.
දැන් ඉතින් පාක්ෂිකයෝ අතරමං වෙනවනේ?
පිස්සුද මෙයා. දැන් තමයි උනුත් ගොඩ යන්නේ. උන් හොටු පෙර පෙරා අඬපු නිසා තමයි දයාගෙත් හදවත උණු උනේ.
රනිල් ගැන මොකද කියන්න තියෙන්නේ?

එයා ගැන නම් කියන්න දන්නෙ නෑ.... ජනාධිපති තුමා නම් දැක්කත් බඩ පිරෙනවා. බලන්නකො අනේ පෙම් පාට. 
එයාගේ ගීත වලින් ඔබ තුමිය කැමතිම ගීතය මොකක්ද? 
මම කැමති, "ඔයා හුඟාක් වෙනස් වෙලා...." කියන අලුතෙන්ම කියන ගීතයට. 
විශේෂ හේතුවක් එහෙම තියෙනවද? ඒක කියන්නේ ඔබ තුමියටද දන්නෙ නෑ? 
අපොයි නෑ.... මම හිතන්නේ.... ඒක එයාටම කියා ගන්න ගීතයක්.
මම දැකපු විශේෂ දෙයක් තමයි ඔබ තුමියගෙත්, එතුමාගෙත් නම් වල මේ "ජය" කියන කෑල්ල ගොඩක් තියෙනවා කියන එක?
හානේ ඔයා කිව්වමයි මටත් තේරුනේ. මෙච්චර කල් නම් තිබුනේ නම් "පරාජය". ඒත් ඉතින් අනාගතේ නම් ජයෙන් ජයම තමයි.
අනික පහුගිය දවස්වල එතුමා අපිට දකින්න ලැබුනේ නෑ. ඒ වගේම කළකිරීමකින් උන්නා වගේ ගතියකුත් පෙනුනා?
ඔව් අනේ එයා බොහොම කනගාටුවෙන් හිටියේ, අර විමල් වීරවංශ මැතිතුමයි, වාසුදේවයි ආන්ඩුවෙන් යනවයි කිව්වට ගියේ නෑනේ. එහෙම ගියා නම් ඇමතිකමක් ෂුවර්නේ. 
ඒවා නම් එහෙම තමයි, යනවයි යනවයි කිව්වට කවුරුත් යන්නේ නෑ... 
එහෙම කතාකරන එක වැරදියි නේ. 
ඒ ඇයි මැඩම්...?
යන්නේ නෑ... යන්නෙ නෑ... කියලා, යන අය හරි ඉන්නවනේ. 
දැන් ඔබ තුමියලගේ බල්ලත් යනවද?
නෑ යවන්න බල්ලෙක් නෑ නේ. අපි, අපේ එකා, අර සීනී ඇමතිගේ බල්ලත් එක්ක දැම්මා ක්‍රොස් වෙන්න. මොකෝ එයා ගියාට එයාගේ බල්ලා ගියේ නෑනේ.
දැන් නම් මහ ඇමතිතුමා සතුටින් ඇත්තේ?
අපොයි ඔවු, මහ ඇමතිතුමා වගේම, ජනාධිපති තුමත් සතුටෙන් ඉන්නේ.
එතකොට රනිල් වික්‍රමසිංහ මැතිතුමා?
අපොයි උන්නැහෙත් බොහොම සතුටින් ඇත්තේ, මෙයාලා ගල් ගහලා, ලෙඩ ඇදලා, එතුමට හරියට කරදර කරනවනේ.
ඒ තියා, ඔය ඔක්කෝටම වඩා......... සජිත් අයියත් බොහොම සතුටෙන් ඇත්තේ.
එතකොට අර 15 ක් යනවා කියපු කතාව.
ඒක ඉතින් ඉස්සරහට බලා ගන්න බැරිය. ඔහොම ගිහින් අන්තීමට රනිල් මහත්තයක් යයි.
බොහොම ස්තූතියි ඔබ තුමියට..
ජයවේවා..! අනේ සොරි අනේ.. ඔයාටත් බොහොම ස්තූතියි...සුබ අනාගතයක්..හී හී...