ජීවහරණ එපා එන්න - Hon. Hangman

වන අලි, රටවිරු,

අතිගරු, මැතිවරු පැමිණ.

තරඟයක් පවත්වති.

"අළුගෝසුවා" එලවති.

"ජීවහරණ" පැමිණෙති...!!!

අළුගෝසුවෝ හැමතැන,

නො අසා නඩුව කිසි දින,

අපරාධකරුවන් හා

කරති සෙල්ලම් බොහෝ දින.

ගෙන යාවි ගඟ ළඟට,

නොමැති නම් කැළෑවට,

වෙඩි තබා පිට පිට,

යවති උන් නිවනට...!!!

එහෙව් වූ රටකට,

ජීවහරණ උඹ කුමකට...???

එපා එන්න රස්සාවට.

නිල ඇඳුම් දමා ගත්,

අළුගෝසුවන් වට පිට,

බලා සිටි අර හන්දියේ සිට,

අවම බල යෙදුමට.

එහෙව් වූ රටකට,

ජීවහරණ උඹ කුමකට...???

එපා එන්න රස්සාවට.

පඬු රෙදි පොරෝ ගත්,

ජාතියේ සිංහයන්.

ජාති ආලයෙන් මත්,

දේශයේ දූ පුතුන්.

නොතබාවි කිසිවකුට,

මේ රටේ තැන ගන්ට,

එහෙම එන ඒවුන්ට,

හැකිය නිවනට යන්ට...

ඉතින් උඹ කුමකටද...???

ගෙදර පලයන් යන්න.

උදේ සිට රෑ පුරා,

රැයෙන් එලිවන තුරා,

මරණවා හැම තැනම,

බල්ලො බලලුන් ලෙසට.

නඩුත් නෑ බඩුත් නෑ,

වීරයෝ එක රැයින්,

සේනාව වටකරන්,

උසාවිය ඉස්තරන්,

නීතී පති රත්තරන්,

නඩු අහක යන තරන්..

එහෙව් වූ රටකට,

ජීවහරණ උඹ කුමකට...???

එපා එන්න රස්සාවට.

ගෙදර පලයන් යන්න.

-x-

නිමිත්ත - බන්ධනාගාර දෙපාර්තමේන්තුව පැවැත්වු තරඟයකින් තෝරා ගත් "ජීවහරණ" යන නාමයෙන්, "අළුගෝසුවා" ගෙදර යවන ලදි. වල් අලි වන අලි කලද උන් කරන්නේ වල් වැඩමය.