මිනීමරූ වෘත්තීය සමිති කාරයෝ - Deadly Unions

අපේ රටේ සවුක්ක සේවය කියන්නේ මහා ගරු ගාම්භීර සෙවාවක් කියා ඒකේ ඉන්න උන් පෙන්නන්න හදනවාය. ඕකේ ඉන්න හැම එකාගෙම රැස්පොට් බලන්න නම්, ඉස්පිරිතාලෙකින් බෙහෙත් ටිකක් ගන්න හෝ ගිහිල්ලා තියෙන්න ඕනාය. ලෙඩ්ඩු බලන්න ගියාට වැඩක් නැත. මොකෝ ඒ වෙලාවට මේ සිංහයෝ ඔක්කෝම ඉන්නේ ලෑඩිස් ඇන්ඩ් ජෙන්ටමන්ස්ලා වාගෙය.

මුන්ගේ ජැන්ටල්මන් කම්, රටටම බලාගන්න දෙරණ ටැලිවොසොන් එක, ඊයේ මුළු රටටම අවස්ථාවක් ලබා දුන්නේය. කමිස කලිසම් ඇඳ, බෙල්ලේ අමුඩ ලේන්සු ඕතා ගෙන ආපු ජැන්ටමන්ස්ලා තුන් දෙනා, දොස්තරලාගෙයි, නේස්ලාගෙයි යුනිපෝම් ගලවලාම දැම්මේය. වැදගත් විදියට මාත්තුරුකාවට අදාලව අදහස් දැක් වූයේ, සුළු සේවිකාවන් නොහොත්, මිඩ් වයිෆ්ලා නියෝජනය කරපු, දේවිකා නෝනා විතරය. දේවිකා නෝනා එතනදි එහෙම උනාට, ඉස්පිරිතාලෙදි නම්, මෙයාලාගේ රැස්පොට්, දොස්තරලාටත් ඉහළය. කොහොමින් කොහොම හරි, අපේ පැත්තේ බල්ලෝ හීට් උන කාලේට මරා ගන්නේ, මීට වඩා රැස්පොට් විදියටය.

මේ ඔක්කෝම හුට පට එන්නේ, නෑස් නෝනලාටත් සූතීකාගාර පුහුණුව ලබා දෙන්න ඕනා කියන සීන් එකෙන්ය. මම දන්න විදියට නම්, ඔය සීන් එක ලොක්කා විසඳුවේය. එහෙම විසඳුවා යැයි කිව්වාට, තවමත් වැඩේ යන්නේ, නර්ස්ලාට ඕන ආකාරයටය. සූතීකාගාරේ අස්සෙ රිංගන්න සමන් රත්නප්‍රියටයි, ගාමිණි කුමාරසිංහයාටයි, හාමුදුරුවන්ටයි තියෙන්නේ මාර අමාරුවක්ය. සමහර විට එයාලා ස්ත්‍රී නිමිත්තට බොහෝ මනාප අය වෙන්න ඕනාය. මොකෝ නෑස්ලාගෙත් වැඩි පුර ඉන්නේ නෝනලා නිසාය.

නැවත්තුව වලිය ආයෙත් පටන් ගත්තේ, පේරාදිණිය ඉස්පිටිතාලෙන්ය. දැන් යන්නේ රාගම හොස්සපිටල් එකේය. ඔය සංවාදේ බලාගෙන උන්න ඕන හරකෙකුට තේරෙන්නේ, ගේම තියෙන්නේ කළමණාකරනයේ වීමය. මිඩ් වයිෆ්ලා, නෑස් නෝනලා දාලා තියෙන පැමිණීමේ ලේඛණේ අත්සන් කොරන්නේ නැතිය. එයාලා වෙනම පොතක් අළුතෙන් අස්සන් කොරනවාය. අමාත්තියන්සයක්, ඇමතිවරයෙක් සහ පාළකයින් පිරිසක් පත් කරලා තියෙන්නේ මේවා විසඳන්නය.

මේ කාළකන්නින්ට මේ සුළු ප්‍රශ්ණයක් විසඳා ගන්න බැරිය. කොටින්ම තදින් ක්‍රීයා කිරීමට බැරිය. හැම රෙද්දටම, අරලිය ගහ මන්දිරේ අස්සේ දුවන්න ඕනාය. එහෙම දුවන්න ඕනා නම්, ඇමතියෙක් ලේකම් කෙනෙක් ඉන්නේ, හැමිනෙන්නදයි කියා කෙලින්ම අහන්න වෙනවාය. මොකෝ කලින් හිටපු එකෙක් කලේ ඒ වැඩේ නිසාය. අපරාදේ කියන්නේ, හැමිනිලා හරි, ඒ යකාගේ කාලයේ මෙහෙම බලු පොර තිබුනේ නැතිය.

දැන් තියෙන තත්වේ අනුව, ඉස්පිටිතාලේට ඇක්සිඩන්ට් වෝඩ් දාන උන් ලියන්න ඉන්න, පොලොස් රාලහාමිට අමතරව, ඉස්පිරිතාල ඇතුලේ පොලීසිත් දාන්න වෙලාය. මේ සියල්ල කළමණාකරනයේ දුර්වලතාය. එකෙක් කතා කරනා චක්කර ලේඛනේ අනිකා පිලිගන්නේ නැතිය. එක එකාට එක එක චක්කර ලේඛන යවලාය. ඔය එක චක්කර ලේඛනේකින්වත් අපට කම් නැත.

එක එකාට එක එක චක්කර පාඩම් කරවන්නේ නැතිව. ඉස්පිටිතාලේ පාළණේ එකෙකුට දුන්නාම ඉවරය. සමහර ඉස්පිටිතාලවල දොස්තරලා ඉන්නේ මේට්‍රන්ලාට බයේය. එයාලා ඒ තරම් රැස්පොට්ය. මේ වගේ උසස් නිලතල දරණ අය එක තැන තියන්න හොඳ නැතිය, විශේෂයෙන් කිසිම් විනයක් නොමැති රාජ්ජ සේවයේ. මේ වගේ අය එක තැනක උන්නාම. පාළනේ ගෙනියන්නේ උන්ට ඕනා ආකාරයටය.

ආන්ඩුවේ ඉස්පිරිතාලේ බබා හම්බ වෙන්න යන්නේ, දුප්පත් අම්මලාය. ඔය ඉස්පිරිතාලවල රාජකාරි කොරන මූසල ගෑණුන්ටත්, විලි රුදාව ආවාම යන්නේ, ආන්ඩුවේ එකටය. එහෙමත් එකෙක්ට, ජෝසෆ් ෆ්‍රේසර්, නයින් වෙල්ස් යන්න සල්ලි තියෙනවා වෙන්න පුළුවන්ය. ඒ උනාට ඔය මිඩ් වයිෆ්ලායි, නෑස් නෝනලාගෙනුයි 99.99% යන්නේ ආන්ඩුවේ සූතීකාගාරේටමය. එකෙක්වත් සූතිකාගාරේ ඉඳන් මෝචරියට යන්න කැමති නැතිය. එහෙව් එකේ, බඩ දරු අම්මාවරු සිහි නැති කොට මාරු වෙන, සූතීකාගරේ අඬු බඬු ටික ලොක් කරලා යතුරු හංගන නෑස් නෝනලාට නම්, හෙන හතම ගහන්න ඕනාය. උන්ට ඕනා මළ මිනීයක් උඩින් හරි, තමන්ගේ ඉල්ලීම දිනා ගන්නය.

කෙසේ හෝ, 1-2 % පමණ, ඉතා වැදගත්, රත්තරන් මිනිසුන් පිරිසක්ද මේ සේවාව තුල සිටිනා බව ඔවුන්ට උපහාරයක් පිණිස ලියා තැබිය යුතුමය. එවන් පිරිස් දෙවියන් ලෙස ඇදහූවාට අපේ කිසි අවුලක් නැත. එහෙත් තිරිසනුන් මෙන් ක්‍රියාකරණා පිරිස ගැන ඇත්තේ බලවත් අප්‍රසාදයක්ය. මේ පිරිස බහුතරය නිසා, හොඳ එකෙක් උනත්, එතනට ගිය විට වැටෙන්නේ, අර නරක ගිරාවා ඉන්නා පැත්තටමය.

අප, ලදරු මරණ අනුපාතය අවම රටක් ලෙස සලකනු ලබන්නේ, අර දෙවිවරුන්ට පින් සිඳු වන්නටය. මේ මූසල සිඳුවීම් වහාම නවත ලිය යුතුය. කාළකන්නි වෘතිය සමිති අහෝසි කොට හෝ, ජනතාව බේරා ගත යුතුය. මුන් මේ සල්ලම් කරන්නේ කෝච්චි ඩයිවර්ලා මෙන් නොව, ජීවිත දෙකක් සමගය.

එම නිසා දරදඬු නීතී මගින් හෝ මේ මළ විකාර නවතා දමන ලෙස, අපි පාළකයන්ගෙන් ඉල්ලා සිටිමු. ප්‍රේමදාස වැනි ජනාධිපතුවරුන්ගේ වටිනාකම තේරෙන්නේ, මේ වෘත්තිය සමිති කාරයන්ගේ රැස්පොට් දකිනා විටය. ඒ උන්නෑහේ හිටියානම් සමන් රත්තනප්‍රියලාට අබ සරණය. ඔවුන් වෘත්තිය සමිති නායකයන් නොව, අනුන්ගේ මළ කඳන් උඩින් හෝ තම අසාධාරන ඉල්ලීම් ඉටු කර ගැනීමට මාන බලන, මිලේඡ්ච ගෝත්‍රිකයන් බව නොකියා සිටිය නොහැකිය.

තවම එකෙක් වත් මිය ගොස් නැතයි, කෙනෙක් තර්කයක් නැගිය හැක. සිවුරු කාරයෝ ඩෙඟා නටන විට, තම්බිලා අරාබී ලෝගු අස්සේ, බුර්කා අස්සේ හැංගෙන කොට, අනාගතයේ මහා විනාසයක් කරනා බව කී විට, එකෙක්වත් මායිම් කලේ නැත. මේ ගැනත් කියන්න තිබෙන්නේ එයම මිස වෙන කිසිවක් නොවේ.