දූෂණය, ඇවිදීම, සිනාසීම හා ඇදගෙන නෑම - Fight Against Corruption

මහින්ද මහත්තයාගේ කාළේ, මහින්ද මහත්තයාගේ බඩ මිරීකීම්, දරුවන් වඩා ගැනීම්, කොටහලු ගෙවල් වල යාම්, බෝත් ඩේ පාටි වලට යෑම්, විවාහ රෙජිස්ටාර් කාර්යයන් වගේ, ඉතා බාරදූර රාජකාරීන් කොරනා අතරේ, ජනතාවට ආතල් දීම සඳහා වෙනම අන්දරේලාද පත් කර තිබුනේය. ආචාර්ය මර්වින් සිල්වා සහ මහාචාර්ය බන්ධුල ගුණවර්ධනණ මුල් පෙලේ එන්ටර්ටේන්මන්ට් පොරවල් විය.

එයිටාමතරව සට්ටැඹි කුම් වන්දිබට්ට කුම් ජෝකර් යන ගරු නම්බු නාම සහිත නිළදරුවන්ද එයාට උන්නේය. හුලං විදිලියේ හඩ්ඩා සහ ජැකා නම් රංගධරයා ඒ අතරින් මුලින්ම උන්නේය. නයි ටී ඇන් එකේද උදේ ඉඳන් හැන්දෑ වෙනකන් තනියෙන්ම සෝ කරනා එකෙකුත් උන්නේය. උදේ ඉඳන් මහ රෑ වෙනකන් කොයි වෙලාවේ දැම්මත් ඉත්තෑ කූරූ කොන්ඩෙකුත් එක්ක උන්නේ ඌ විතරමය.

ජනවාරි 8 මහින්ද මහත්තයා ප්‍රධාන කම්බා හොර රැල ගෙදර එලෙව්වා කියා CNN, BBC, අල් ජසීරා එකේ කිව්වද, අපේ පත්තර ටී වී වල ගියද, තවමත් රට පාලනය කරන්නේ මහින්ද මහත්තයාමය. ටී වී නිව්ස් වල, පත්තරවල, වෙබ් වල ඉතරක් නොව, බුකියේ ජනාධිපතිත් මහින්ද මහත්තයාය. රට පාලනය කල යුතු විදිය ගැන උපදෙස් දෙන්නේ ඒ මහත්තයාය. රටේ ආරක්ෂාව ගැන තවමත් බලන්නේ රාජ්ජා ආරක්ෂක ලේඛම් ඝෝඨාභය උන්නැහේය. 

සම හරක් විට අපි නොදන්නවා උනාට යහපාලනේ ජනාධිපති උපදේසක කම්වත් දීලා තියෙනවාද කියා අන්විස්වාසොබල්ය. මේ ළඟදිත් රනිල් ලොක්කා පාර්ලිමේන්තුවේදි හිටපු ලොක්කාගෙන් එහෙම උපදෙස් අරගත්තා කියා එක එක තැන්වල තිබුනේය. එයා ගත්ත උපදෙස් සිරිසේන ලොක්කා එහා කාමරේ හිටං අහගෙන උන්නා කියා රනිල් ලොක්කා පස්සේ කීවේය.

එයා එලියට දාලා තියෙන්නේ LTTE එකේ උන්න රස්තවාදීන් නොව, පොලීසිය බොරු චෝදනා නගා බලු කූඩුවල දමා සිටි අහිංසක බලු කුක්කන් දාහක් දෙදාහක් පමණය. මැලේසියාවේ කටු පොල් වගා කරමින් සිටි, උතුරේ අහිංසක පුරවැසියෙක් වු, KP නොහොත් කුමරන් පදමනාදන් රහස් පොලීසියෙන් අල්ලාගෙන ඇවිල්ලා තිබුනේ වැරදිලාය. 

එයාගේ මානව හිමිකම් වලට මක්කා හෝ වෙයි කියලා, වැරද්ද වහගන්න එයා දාලා උන්නේ ෆයිව් ඉස්ටාර් හෝටල් වලය. ජනාධිපතිවරු අගමැතිවරු හිටපු මන්දිරවලය. කරුණා අම්මාන් සිරි ලංකා නිදහස් පස්සේ උප සභාපති කොලේ, වෝටර් පිස්ටල් වලින් සෙල්ලම් කරපු එකෙක්ට පත්තරවලන් රස්තවාදියා කියා ගහනා එක වසා ගන්නය. ගරු පිල්ලෙයාන් මහතාටත් වෝටර් පිස්ටල් එකේකින් සිරිසේන ගොයියාට වතුර ටිකක් විඳින්නෙයි කියලා හිටං ඕඩර් එකක් දීලා තිබුනේ, එයාලා වෝටර් පිස්ටල් වලට අමතරව, ගොන්පීටර් ගේම් වලත් ඉලක්කෙටම වෙඩි තියලා කප් ගහපු උන් නිසාය.

මහින්දලා, ගෝඨලා, දිනේස්ලා, පකයලා එකසිය ගානට ගේම් අදිනාතරේ, සුමනයා වෙනුවට දැන් රාජ්ජ දයිවග්නයා වෙලා ඉන්නේ, ඉන්දික තොට්වත්ත කියලා පිස්සු වේසිගේ පුතෙක්ය. මේ යකා වෙඩිමකට උස්සගෙන ඇවිල්ලා කස්ටිය එක්කම ඉල්ලාගෙන කාපු කතාවකුත් මෑතදි සයිබර් අවකාසේ නැගලාම ගියේය. මෙවාට පුකෙන් හිනා විය යුත්තේ, මුන්ව ඉන්වයිට් කරලා පොරවල් කරවන දේසපාලන හරකුන්ට නොව, මේ කාළකන්නි, "පොරවල්" කොරනා, මාද්දිය කාරයන්ටය. ඒ කියන්නේ මුන් පස්සේ යන්නේ, ගොබ්බ දෙසපාලුවන් ඉතරක් නොව, රැඩිකල්, ලිබරල්, කැෆ්කා එක්කා කක්කා කරන උනුත් මුන්ගේ කීම් අහනවා කියනා එකය.

ඇත්තම කතා කොරනවා නම්, මහ බයියා සහ හොරු කැල උන්න කාලෙට වඩා මිනිස්සුන්ට අද ජීවත් වීම අමාරුය. අත්තාවස්ස භාන්ඩ වල මිළ අඩු කලාය කිව්වාට, ඒ සහනේ නෑ ලැබුනේ සත්තරනේ කියලා ජහ මනතාවා කියනවාය. එයිටාමතරව යහපාලන ටොයියෝ පවා රනිල් මහත්තයාගෙත්, රවී මහත්තයාගෙත්, හිටං මහත්තයාගෙත් මෑනීවරුන්ට පින් අනුමෝද්න් කරනවාය. අපේ හාමිනාත් කිව්වේ අජ්ජාපන ඇමති තැන්පත් ගරු අකිල විරාජ් කාරියවසම් මහතාගේත් මෑණියන් වහන්සේ මතක් කලා කියලා ඔහේ ලියනා මලදානේ පොඩි සඳහනක් කොරන්නෙයි කියලාය. 

ඒ මේ මොකක්ද වවුචරයක්ද මක්කාද එකක් නිසාය. මාතලන් නම් කිව්වේ ඒ මනුස්සයා වව්චර් එකක් දීලා, එක එක උන්ගෙන් එක එක ඒවා අහ ගන්නේ, පෙර කළෑ කොල කරුමයක් නිසා වෙන්ටෑති කියලාය. මේ රටේ ඉන්නේ නිකන් දේන දේත් අරගෙන, තෑන්ක්ස් මෙය කියන්නේ නැතිව, දුන්න එකාගේ අම්මාටත් තෑන්ක්ස් කියනා කෙලෙහි ගුණ දන්නා සත්තරන් මිනිස්සුන්ය.. 

සේයා දුව මරපු වෙලාවේ කස්ටිය නිදහස් චතුරස්ස්‍රේ බැලුම් උඩ යවා වෝක් එකක් දැම්මේය. ඊට පස්සේ පීඩොපයිල් පොරවල් ඔක්කෝම කොහේ ගියාදෝ කියා දන්නේම නැතිය. (වෝක් එකට පහුවදාත් පත්තරවල දරුවන් දුෂණ කරපු හැටි රහ කරලා ලියලා තිබුනේය. ඒක දැක්කාම අපිටත් ඒ වගේ පොඩි ටැස්ටින් පාරක් දාන්න හිතෙන තරමට වතුර ලේබකයේ ලිවීමෙහි කෙල පැමිණ තිබුනේය. හරියට ඉස්සර වැඩිහිටියන්ට තිබුන නව සරණ පත්තරේ ආටිකොල් වගේය.)

දැන් අද, "දූසනේ" නවත්ත ගන්නත් එහෙම වෝක් එකක් යන්න තීරණය කොරලාය. ඊයේ නම් කොළඹ පාරේ හිටගෙන ඉන්නා උන්ට නොමිළේ පුක හෝදාගන්න පුළුවන් තරමට වැස්සේය. අදත් එහෙම වැහලා ඔය විසූක දස්සන විකාරයට කෙල වෙලාම යනවා නම් මාතලන් මාර මනාපය.

මුන් මෙතුවක් කල් නම් කොරාපු දෙයක් නැත්තෙය. ආන්ඩුව දුවන්නේ මහින්ද මහත්තයා සහ රට කරවු පින්බර ලක් දූ පුතුන් පිරිසට බොරු චෝද්නා කරමින් මඩ ගහනා එකෙන්ය තාජුඩීන් නොමරා මරණවාය. මේ පිස්සු විකාර ඒ මනුස්සයාගේ පවුලේ උන් ඉවසාගෙන ඉන්නේ කොහොමද කියා මාතලන්ට නම් තේරෙන්නේ නැතිය. එක්නැලිගොඩලා, ලසන්තලා උන්ම සුවිසයිඩ් කොරගෙන මැරිලා තියෙන්නේ රාජපස්සලාට කෙලවන්නය.

අර බැසිල් මහත්ත්තයා කිසි වරදක් නැතිව මාස ගානක් ඇම්බියුලන්ස් එකක් අස්සේ දැම්මේය. කප්පරක් හොරකම් කලා කියා, සජින් පුතා ඇතුලට දාලා අම්බානක නෝන්ඩි උනේය. කිසිම වරදක් කරලා නැති නිසා දැන් ඉන්නේ ගෙදරය. මිනීමරුවා කියා ඇතුලට දාපු චොකා මල්ලිත්, චෝදනා ඇති නිසාද මන්දා, දැන් ඉන්නේ ගෙදරය. 

නාලක ගොඩහේවාත් හෙට අනිද්ද ගෙදර යන්නට පුළුවන්ය. කම්බ හොරා කියාපු පුංචි බන්ඩා ජයසුන්දර, මහත්තයා ඇස් බීන් ගොයියාගේ උපසෙන කෙනෙක්ය. සමහර විට ලලිත් වීරතුංගත් හෙට අනිද්දා ජනාධිපති ලේඛම් වෙන්නත් පුළුවන්ය. එහෙම බැලුවාම දූසනේට එරෙහිව වෝක් එකක් දාන්නේ වෙන රටක තියෙනා දුසනයක් ගැන වෙන්න ඕනාය.

වෝක් දාන එක ඇඟට හොඳය. හිනාවෙන එක ඊටත් වඩා හොඳයි කියා විජ්ජාග්නයෝද මක්කුද උන් වගයක් හොයා ගෙන තියෙනවාය. නාන එක හොඳය. ඒත් මලෙන් නානවාට වඩා ඇදගෙන නෑවාම, බැහැගෙන නානවාටත් වඩා ඇඟට හොඳය. මොකෝ පිරිසිඳු වන අතරේම, ඇක්සයිස් එකකුත් ලැබෙනා නිසාය. ළිද ගැඹුරුනම් ඇඟට හොඳට වදිනවාය. 

ඒ උනාට මෙයාලා තෝරාගෙන තියෙන්නේ වෝක් සහ ටෝක්ය. දූසන කොරාපු උන් ඔක්කෝම එලියේය. උන් පුකෙන් හිනාවෙන අතරේ, මාතලන් වාගේ උන් ඔළුවෙන් හිටගෙන හිනාවෙනවාය. කස්ටිය නම් කියන්නේ ආන්ඩුව ළඟදීම නා ගනී කියාය. වෝක් එකට යන උන්ට කියන්න තියෙන්නේ කුඩයක් අරගෙන යන්නෙයි කියලාය. මොකෝ නැත්නම් නා ගන්න වෙන නිසාය. 

දූසනේ නවත්තන්න කලින් අර විලපත්තුවේ වනේ දූසන කොරනා එකාට මක්කා හෝ කොලේ නැත්නම් කාලගුණෙන් කියනවා වාගේ, හෙන ගහන්නත් පුළුවන්ය. බැරිවෙලාවත් ඌත් වෝක් එකේ යනවානම් බොහෝම හොඳය. එයිටාමතරව අර මහින්ද මහතයාගේ රෙද්ද අස්සේ ඉඳලා, හලලා දාලා, දැන් සිරිසේන ලොක්කාගේ සරම අස්සේ දාගෙන ඉන්න නයි ටිකත් යනවානම් වෝක් එකට මාර මෙව්වා එකක් එනවාය.

ඒත් ඉතින් උන් සැට් එක වෝක් එකේ ඉන්නවා නම්, අනික් උන් කුඩේ කෙසේ වෙතත් අකුණු සන්නායක් අල්ලාගෙන යන එක කෝකටත් හොඳය. ඇදගෙන නානා දවසක අපිටත් කිව්වොත්, අපිත් ඇවිල්ලා පනිට්ටුවක් දෙකක් ඇදලා දෙන්නම්ය. මොකෝ එහෙම කොරනා එක අපේ යුතුකමක් මෙන්ම අයිතියක්ද නිසාමය.

ඒ වගත් මෙසේයෑ...