ආන්ඩුව ෆේල් තමයි..

 

ඊයේ කොවිඩ් පිළිබඳව පාර්ලිමේන්තුවේ පැවති විවාදය නැරඹීමට ජනාධිපතිතුමාද සහභාගී විය. විපක්ෂයට තිබෙනා විශාලම ගැටළුව කොවිඩ් නොව සජිත් ජලනි බලවේගයට අත දිගහැර වියදම් කරනා රිෂාඩ් බදුර්දීන් බේරා ගැනීම බව පැහැදිලිව පෙනිනි.

අපේ බුද්ධි අංශවල හාල්පාරුවන්ට සොයාගත නොහැකි වූවාට, ඉන්දියාව රිෂාඩ්ගේ ත්‍රස්තවාදී සබඳතා මේ වන විටත් සොයාගෙන අවසානය. මේ වර රිෂාඩ් එලියට දමන්නෙ නම්, මේ ආන්ඩුව කරන්නේද ගිය ආන්ඩුව කරපු දේමය. ත්‍රස්තවාදය ගැන ප්‍රශ්ණ කරන එකා පාර්ලිමේන්තුවට ගෙනාවොත් නියමට තියේය.

නීතීපති ලංකාවේ තිබෙනා පිස්සු විකාර නීතියට අදාලව කුමන මතයක් ප්‍රකාෂ කලත්, මේ වෙලාවේ කතානායකවරයා සිටිය යුත්තේ සරත් වීරසේකර සිටිනා මතයේය. බැරි වෙලාවත් පොර පාර්ලිමේන්තුවට රැගෙන ආවොත් එහි සිටිනා ඉතුරු ත්‍රස්තවාදීන්ට සියළු තොරතුරු ලැබෙනා බව ඕන ගොනෙකුට තේරෙන දෙයකි. සරත් වීරසේකර කීවාක් මෙන්ම ඉතිරි සාක්ෂි සියල්ල විනාශ කිරීම මෙන්ම, අනෙක් ත්‍රස්තවාදීන් සියල්ල රටින් පනිනා එක අනිවාර්‍යය. මෙහිදි සොයා බැලිය යුතු විශේෂ කාරණය නම් රිෂාඩ් ඉතා කෙටි කාලයක් තුල මෙතරම් ධනවතෙක් වූයේ කෙසේද යන්නයි. ඒ පිටුපස ත්‍රස්තවාදී මුදල් තිබු බව මේ වන විට ඉන්දියානු ඔත්තු සේවා විසින් සොයාගෙන අවසානය.

මේවා ගැන අපේ ඔත්තු සේවා ලැජ්ජා විය යුතුය. බලයට පත් වී වසර දෙකකට ආසන්න කලක් ගතවී තිබියදිත් පාස්කූ වින්දිතයින් වෙනුවෙන් සාධාරණයක් ඉටු කිරීමට අසමත්වු බුද්ධ් සේවා, පොලීසිය, අධිකරණය, නීතී අංශ මෙන්ම, ජනතාවට පොරොන්දු දී පැමිණි ආන්ඩුවද ෆේල් බව කනගාටුවෙන් වුවත් කිව යුතුව ඇත.

ඒ එක කතාවකි.

මේ තවත් කතාවකි. එයත් සිද්ද වූයේ ඊයේ දිනයේය. ඒත් පාර්ලිමේන්තුවේදීමය. කොවිඩ් විවාදයට එක්වන චන්න ජයසුමන කියන්නේ ස්පුට්නික් එන්නත ගේන්න කොක්ක අදින්නේ රාජිත සේනාරත්න කියලාය. ඒ එන්නත අවුල් කියලා පත්තරවල හෙඩ් ලයින් දාන්නේ රාජිත සේනාරත්න කියලාය. මේවා ඇත්ත නම් ලක්ෂ්මන් කිරිඇල්ල ඊයේ පාර්ලිමේන්තුවේදී ජනාධිපති තුමාගේ මූණටම කියු පරිදි ආන්ඩුව ෆේල් කියලා අපටත් පිලිගන්න වෙනවාය.

ඇමතිකම් දෙන්නේ අමාත්‍යංශයට සම්බන්ධ සියලු ආයතන හා පුද්ගලයින් සමඟ එකතු වී ගමනක් යන්නටය. එය සිඳු කිරීමට නොහැකි නම් ඒ අමාත්‍යවරයා ෆේල්‍ ය. ආන්ඩු බලය රැගන වසරක් පමණ වන විටත් ඒවා කළමණාකරනය කර ගත නොහැකිව මේ වගේ අඬනවා නම් ඒ අමාත්‍යවරයා ෆේල්‍ ය.

කොවිඩ් කෙලින්ම සම්බන්ධ වන්නේ සෞඛ්‍ය අමාත්‍යංශය හා ඊට සම්බන්ධ රාජ්‍ය අමාත්‍යංශවලටය. එහෙත් ඒවාගෙන් පඩි ගන්නා රාජ්‍ය සේවකයින් වන PHI මහ එකා, රවී කුමුදේශ්, ගොම සංගමය මෙන්ම අලුතෙන් අටවා ගත් නොයෙකුත් සංගම් වල උන් වැඩ කරන්නේ හා අදහස් ප්‍රකාෂ කරන්නේ රජයේ තීන්දු තීරණවලට විරුද්ධවය.

කොවිඩ් පාලනය නායකත්වයක් නැති ඉබාගාතේ යන තත්වයක් ඇති බව ඉතා පැහැදිලිව පෙනේ. කොවිඩ් මර්ධනය එකම කැද හැලියකි. අච්චාරුවකි. හිතෙන හිතෙන එකා මාධ්‍ය සංදර්ශන පවත්වමින් සිටී. හැම හාල්පාරුවාම එක එක චැනල් අස්සේ රිංගා ආන්ඩුවට කෙලිමින් සිටි. සෞඛ්‍ය අංශ සියල්ල හත් පොලේ ගාගෙන අවසානය. වහාම සියල්ලන්ගේම නායකත්වය ශවේන්ද්‍ර සිල්වාට බාරදිය යුතු අවස්ථාව නැවත පැමිණ තිබෙනවාය.

මේවා ආන්ඩුවේ දුර්වලතාවයන්‍ ය. මේවාට උත්තර තිබුනේ සජිත ප්‍රේමදාසගේ පියාණෝ ළඟය. ඔහු බලයට පැමිණියේ ‍‍රට දෙකොන පත්තුවෙන විලක්කුවක් වූ සමයකය. රාජ්‍ය නිළධාරින්ට ඔහු හා සෙල්ලම් දැමීමට හැකි වූයේ නැත. ගම් උදාව, ජනාධිපති ජංගම සේවය ( ගම සමඟ පිලිසඳර සමාන, ඊට වඩා සාර්ථක වැඩ සටහනකි.) හා අදටත් ලංකාවේ ප්‍රධානම ආදයමක් වන ඇගළුම් කර්මාන්තය සාර්ථකව ක්‍රියාත්මක වූයේ ඔහුගේ දරදඬු පාලනය තුලය.

යුනියන් කාරයන් හා එක්වී හදාපු රටක් ඇත්තේ නැතිය. සමාජවාදයෙන් හෝ ප්‍රජාතන්ත්‍රවාදයෙන් හදපු රටවල්ද ඇත්තේ නැතිය. රටවල් හැදුවේ එකාධිපතියන් හෝ දරදඬු පාලකයන් විසිනි.

මුන් හා බබා හුකුං කරමින් සිට 2025 ආයේ ගෙදර යන්නට උනොත්, මේ පාර නම් කාල්ටන් එකට හෝ මැදමුලනට හෝ මිරිහානට හෝ බස් වන්දනා එන්නේ නැති බවනම් ලියා තැබිය යුතුමය. මන්ද, ටොයියන්ට වඩා කලකිරි සිටින්නේ බයියන් නිසාය..