කර්මය විපාක දීම, විපක්ෂය හා විල්බැරෝ

 

පින්වත්නි,

අද වෙසක් පුන් පොහෝ දිනය,

මාතලන් අද ගෙන එන්නේ ගිහි බණක්…

ඒ නිසා සාධූ කාරයක් දීගෙනම මෙය කියවා ගෙන යන්න..

යාදිසං වපතේ බීජං – තාදිසං හරතේ ඵලං

කල්‍යාණකාරී කල්‍යාණං – පාපකාරී ච පාපකං

පින්වත්නී… යම් සේ අප බීජ වපුරන්නේ ද..

ඒ අනුව අපට අස්වනු නෙළා ගැනීමට හැකි වන්නේය.

කුසල් කරන්නවුන්ට යහපත් වූ ද,

අකුසල කර්ම කරන්නවුන්ට අයහපත් වු ද විපාක විඳීමට සිදුවේ.

මේ කරුණ සිහියේ තබාගෙන දුර්ලභ වූ මනුෂ්‍ය ආත්ම භාවයක් ලබා සිටින අපි කුසල පක්ෂය දියුණු කරගෙන ලබාගත් මේ ආත්මයේදීම නිවන් යන්න ට්‍රයි එකක් දිය යුතු වන්නේයෙ.

එසේම පින්වත්නී.. කර්මය විපාක දීම අනුවත් එය කොටස් හතරකට බෙදලා තියෙනවාය.

ඒ..

දිට්ඨදම්මවේදනීය කර්මය – එම බවයේදීම කුසල් අකුසල් කර්ම විපාක ලබාදීම.

උපපජ්ජභේදනීය කර්මය – මරණින් මතු පළමු ආත්ම භාවභේදී විපාක ලබා දීම.

අපරාපරියභේදනීය කර්ම – මරණින් පසු තෙවන ආත්ම භාවභේ සිට කවර හෝ ආත්මයකදී විපාක දීම.

අභහෝසි කර්ම – විපාක භනාදී අභහෝසි වී යන කර්ම කියලාය..

පින්වත්නී අප තිලෝගුරු සම්මා සම්බුදු රජානන් වගන්සී මේ පලදීම් බෙදා ඇත්තේ කාළය අනුවය. එහෙත් අපේ මේ රජයට විපක්ෂ සියළුම බලවේගයන්ට එවා පලදී ඇත්තේ මෙලෝ වශයෙන්මය.

පින්වත්නි.. තව කාළයක් යන තුරාවට රාජ්පක්ෂලා එලවීම බොරුය.. පට්ට ෆේල් විපක්ෂය හා විපක්ෂයේ සියළුම බලවේග මෙය දන්නවාය. දැන් ඒ පිරිස උන්මත්තකයින් බවට පත් වී අවසානය. ඒ පිරිස අතර පාර්ලිමේන්තුවේ විපක්ෂය, උන්ගේ පාක්ෂිකයින්, ඇපත් නැති වූ රනිල් විකුම්සිංහ හා අනුර කුමාර දිසානායකගේ පක්ෂය හා පාක්ෂිකයින්, ඔවුන්ගේ මාජ්ජවේදීන්, වෙබ් බලකාය, බුකි බලකාය හා වහලුන්ද සිටිනවාය. ඒ දිට්ඨධම්මවේදනීය කරුමයය.

පින්වත්නි කරුමය කියන්නේ දෙවන ආත්මයේ පලදෙන ඒවාද මේ පිරිසට මේ ආත්මයේ පල දෙන එකය. කරුමය ඒ තරම් පවර්ෆුල්ය. පවිත්‍රාට කොරෝනා හැදුන වෙලේ උම්මා දේවී කියා කින්ඩි දැමූ, පවිත්‍රාට හැමදාම පාර්ලිමේන්තුවේ ලෙඩේ ඇදපු සජිත් හා කසිප්පුවාටද අද කොවිඩ් හැදිලාය. උන් හිතුවේ කොරෝනා හැදෙන්නේ බයියන්ට විතරක්ය කියලාය. මේ මොහොතේ ආන්ඩු පක්ෂයට සහයෝගය දක්වන උන් හැසිරුන ආකාරයත්, එදා පවිත්‍රාට වැලඳුන අවස්තාවේ විපක්ෂයේ උන් හැසිරුන ආකාරයත් අනුව මේ රටේ ටොයියන් හා බයියන් මක්කුන්ද යන්න දැන් පින්වතුන්ට වැටහෙනවා ඇතිය.

පින්වත්නී… මුන්ට මේ පලදෙන්නේ අවුරුදු පහක් තිස්සේ එක පවුලකට කෙලින්නට ගොස් සමස්ත ලංකාවටම කෙලවීමේ පාපයය. එය තව ආත්ම (චන්ද) ගානකින් හෝ ගෙවා දැමීය නොහැකිය.

සංවර්ධනය වෙමින් තිබූ රට, ඒ සියලු සංවර්ධන යෝජනා ක්‍රම නවතා දමා ආයෝජකයෝ සියල්ල එලවා දැම්මේය. මහ දවාලේ මහ බැංකුව කොල්ල කෑවේය. වෝනින් 96 ක් ඇවීල්ලාත් ඉස්ලාම් ත්‍රස්තවාදීන් හා අම්මට හැමිනුනේය. මේ කාළකන්නි අදත් උන් වෙනුවෙන් පෙනි ඉන්නවාය. උන් එක මොහොතකදි මේ රටේම බෝම්බ තබා රට ලේ විලක් කළේය. විදේශිකයින්ද මරා දැම්මේය. අඩු ගානේ ප්‍රභාකරන් මහතාවත් මේ දේ සිඳුකලේ නැතිය. රටේ ණය ප්‍රමාණය දෙගුණයක් කර ඒ මුදල් සියල්ල හොරා කෑවේය. එවන් කාළකන්නි මේ ආත්මයේ (මේ පාලන සමයේ) නොව මුලු ජීවත කාළයේමත් ආත්මයක් ආත්මයක් පාසා විඳවනවාමය.

පින්වත්නී අද ඒ කාළකන්නි, කොරෝනාවෙන් විඳවනවාය. ගෑස් ටැංකි කර තබාගෙන යනවාය. විල්බැරෝ තල්ලු කරගෙන යනවාය. පාර පුරා රස්තියාදු ගහනවාය. බුකියේ වැලපෙනවාය. යූ බටේ මරළතෝනී දෙනවාය. වෙබ් පඩංගුවා අමු කෙප්ප ලියනවාය..

උන්ගේ විරෝධතා සියල්ල මොහොතක් යන්නට පෙර පච වෙනවාය. විල්බැරෝ තල්ලු කරගෙන ගියේ මක්කුන්ද කියා මේ වන විට හෙලි වී අවසානය. උන් පාක්ෂිකයින්ගේම විරෝධයට ලක් වී අවසානය.

විපක්ෂ නායකයා පාර්ලිමේන්තුවේ බොරුවට කෑ ගැසුවාට පොර වැඩිපුරම පාර්ලිමේන්තුවේ කරන්නේ බිලියඩ් ගහන එක බව දැන් ඔප්පු වෙලා අහවරය. ඒ රනිල් පොකට් බිලියඩ් ගහපු පුරුද්දට වෙන්න ඇතිය. ඒ වගේ පිස්සෙකුට බලය ගියේ නම්, මේ වන විට අපට ලේසියෙන්ම කොරොනා වලින් ඉන්දියාව පරදා කප් එක ගන්න තිබුනේය. ඒ යකා කරන්නේ බිලියඩ් ගහනෙක හා යාල සෆාරි යන එකය. පක්ෂය පාලනය කරන්නේ ජලනි ප්‍රේමදාස ආර්යාවය. අනික් උන් ඔයා කියන දෙයක් තමා මැඩම් කියා උන් පස්සේ යන වන්දිභට්ඨයෝය.

පාර්ලිමේන්තුව ඉස්සරහා පෝට් සිටියට විරුද්ධව උද්ඝෝෂණ කල උන්ටත් කරුමය පලදී දැන් කොරෝනාය. මුන් ඒ කාළේ පෝට් සිටියට වෙනම පාලනයක් එන බව දිවුරා පොරොන්දු උන උන්ය. උන් කියපුවා උන්ට මතක නැති තරමටම දැන් උන්ගේ මොලේ අවුල්ය. අපේ විපක්ෂයයට සම්මා සම්බුදු සරණමය…!!

පින්වත්නි මෙයින් පට්ටම ආතල් එක අහෝසි කර්මයය.

මාතලන්ට මෙලෝ වශයෙන්ම පලදී තිබෙන්නේ ඒකය. ඇත්ත… මාතලන් යහපාලනයට කඩේ ගියේය. එහෙත් දවස් තුනක් යන්නට මත්තෙන් කළ පාප කර්මයේ තරම වැටහිනි. එදා සිට මාතලන් කළ වැරදි වටහාගෙන රට නිවැරදි මාවතට ගෙන ඒමට යුනිකෝඩ් වලින් සහාය දුන්නේය. ඒ නිසා, ඒ පව මේ ආත්මයේම අහෝසි විය. බැරි උන උන් සැමදා නිරයේය…

පින්වත්නී….

ඒ වගත් මෙසේය…..