අද දවසේ මවෙත ගෙනා
මිහිර හෙටත් ගෙන ආ යුතුවේ
➖➖➖➖➖➖➖➖➖⭕➖
ඒක පට්ටම පට්ට යුනීක් වොයිස් එකක්...
වාසනාවකට ප්‍රියාගේ කටහඬ ඒ විදියටම ගේන්න ප්‍රියා අපිට පුතෙක් දීලා තියෙනවා... ඒකට ප්‍රියාට පින්.... දියනියකුත් ප්‍රියාගේ සින්දු කියනවා... ඇයත් ඉතාම පියකරු දක්ෂ ගායිකාවක්.... ඒ වගේම ප්‍රියාගේ බිරිඳ වගේම දරුවොත් ඉතාම උගත්, බුද්ධිමත්, වැදගත් රැකියාවල නියුතු මහත්මා ගුණයෙන් පිරිපුන් පිරිසක්...
ඔවුන් ඒ තත්වයට ගේන්න ප්‍රියා ගොඩාක් මහන්සි වෙලා තියෙනවා වගේම... ප්‍රියාගේ ආදරණීය බිරිඳ... ප්‍රියා හා දරුවන් වෙනුවෙන් තම හැකියාවන් සියල්ල කැපකළ උදාර බිරිඳක් වගේම මවක්....
ප්‍රියාගේ පුතා අපි වෙනුවෙන් සින්දු කියන්න එන්නේ ඇමරිකාවේ ඉතා සුවපහසු ජීවතයක් සම්පූර්ණයෙන්ම අත් හැරලා....
ප්‍රියා සින්දු කියන්න පටන් ගන්නේ හැත්තෑව දශකයේ.... එතකොට තිබුනේ තැටි (රෙකෝඩ්ස්) සහ ගුවන් විදුලි සංස්ථාව විතරයි. 1972 ප්‍රියාගේ සින්දු රේඩියෝවේ ඇහෙන්න පටන් ගන්නේ ගීත හතරක් එක්ක...
සරතැස නිවා දිවි කතරේ....
මට වාසනා ඔබ මට වාසනා....
හෙට දවසේ අප දෙදෙනා...
අඳුර අඳුර මගේ...
මේ ගීත එදා වගේම අදත් ජනප්‍රියයි.. ඒවා වඩාත් ජනප්‍රිය වෙන්න ගත්තේ ස්ටේජ් ෂෝ නිසා... මොකෝ ප්‍රියා සින්දු ගොඩාක් හදලා තියෙන්නේ රාගධාරී සංගිතයේ රාග වලට අනුව.... එතකොට ඔරිජිනලස් වල තියෙන්නේ තබ්ලා මියුසික්...
හැබයි ප්‍රසංග වේදිකාවේ දෙන්නේ ඩ්‍රම් එකයි බොන්ගෝ එකයි... පස්සෙ කාළෙක තම ඉලෙක්ට්‍රොනික් ඩ්‍රම්ස් ඔක්ටා පෑඩ් එහෙම ප්‍රියාගේ වොයිස් එකත් එක්ක එන්නේ....
ඔය සින්දු හතරෙන් හෙට දවසේ අප දෙදෙනා ගීතය ලියැවුන හැටි ගැනත් ඉතා රසවත් කතාවක් තියෙනවා... ගීතය ලියලා තියෙන්නේ ප්‍රේමකීර්ති ද අල්විස්...
ඒ වගේම ප්‍රියාගේ ගීයක් ගුවන් විදුලියෙන් තහනම් වෙනවා ඒ.... සුදු පරවි රෑණ සේ පියා සලා.... ගීතය.... හැබයි මේක අතිශයින් ජනප්‍රිය වුනා... ඉතින් පාසල් ගුරුවරයෙක් වෙච්චි ප්‍රියා ඒ ගැන කළකිරිලා ඒ වෙනුවට..... ජීවිතේ ඔයා මගේ කියාලා... සිඟාවී ඔබේ ආදරේ....බාල කාළේ ආයේ එන්නේ නෑ... වැරදුන තැන යලි හදන්න බෑ කියලා කිව්වා....
ඒ වගේම ජනප්‍රිය වෙච්චි ගීතයක් තමයි නෙරංජලා සරෝජිනී එක්ක ගයපු ගෙල වට බැන්දාවූ මුතු පොටේ.....
හැමෝම සන්ෆ්ලවර්ස් මියුසික් එක්ක සින්දු කැසට් ගහන්න පටන් ගත්තයින් පස්සේ.... ප්‍රියා ස්ටේජ් ෂෝ වල නැතිවම බැරි ගායකයෙක් වුනා.... නවතම සංගීත ආරකින් (රෙගේ වර්ෂන්) නන්දන වින්දන තුලින් ජනප්‍රිය වෙච්චි.... ආදරනීය නේරංජනා අළුත් පරපුරත් ආදරයෙන් වැළඳ ගත්තා....
ඒ නිසාම ප්‍රියා පරම්පරා ගානක් ප්‍රසංග වේදිකාවට නැතිවම බැරි ගායකයෙක් වුනා... රියැලිටි වේදිකාවේ ඩුප්ලිකේට් ප්‍රියාලා කිරුළු පැලැන්දා....
ප්‍රියාගේ ඔක්කෝම ගීත ජනප්‍රිය වුනාට මම ප්‍රියාගේ කැමතිම ගීයක් තමයි....මී කැකුණ කැලේ සුදුහාමිනේට කියන සිංදුව... මම හිතන්නේ ප්‍රියා ඒ ගීතය ගයන්නේ ප්‍රියාගේ සුදුහාමිනේට....
ඉපදුනාම මැරෙන්න ඕන වුනාට අපි ජීවත් වෙනකන් වගේම ඉන්පසුත් අමරණීය වෙන ආදරණීය මිනිස්සු හරි අල්පයි....
අපිත් හෙට අනිද්දා වලපල්ලට යන්න ඉන්න කාළේ ප්‍රියාලා සුරලෝකේ යන එක අහඹු දෙයක් නොවෙයි විය යුතුම දෙයක්...
හැබයි ප්‍රියාලා හිටපු ලෝකේ අමරණියයි වගේම යන ලෝකයත් හරිම සුන්දරයි....
එකම කාළයක ජනප්‍රිය වෙච්චි මිල්ටන් මල්ලවආරච්චි වගේම ප්‍රියාත් මියුසික් ලෙජන්ඩ්ස්ලා හෙවත් පුරාවෘත්තයන් බව දැනගන්නම ඕන නම්....
ප්‍රියාගේ සින්දු ලිස්ට් එක කොහෙන් හරි හොයාගෙන බලන්න....
අපිට නම්.. එදත් අදත් හෙටත් දෙකක් දාගත්තම ගයන්න උත්සාහ කරන ප්‍රියාගේ සින්දු....
ඔක්කොම සුපර් හිට්......
සුභ ගමන් ප්‍රියා
මතු යලි උපදින බවයේ
ඔබ හමු වේවා
ඔබෙ ගීයක සිහිල රැඳී
අප මත් වේවා........
අසමාන වූ ඒ අප ආදරේ
කිසිදා මියෙන්නෑ....
සැකයක් නැතේ...
.
අපේ අම්මා මලබව ඇහුනට ගානක් දැනුනේ නෑ.
ReplyDeleteඒත් ප්‍රියා සූරියසේන මලා කියලා ඇහුවාම සෑහෙන්න අප්සට්.
සුබ ගමන් ප්‍රියා.. අපේ තරුණවිය රසවත් කළාට පිං. අදටත් ඒ රසය නොඅඩුවම තියනවා..
ReplyDeleteහෙට දවසේ අප දෙදෙනා අද වාගේම හමුවිය යුතු වේ, අද වාගේ අප වෙත ගෙනා මිහිර හෙටත් ගෙන ආ යුතුවේ.... සිතකින් නොවේ කිසිදා හැර යන්නේ මා... සුවහසක් ලාංකීය සිත් සතන් තම මියුරු කටහඬින් සුවපත් කළ ගායකයාණෙනි, මහා කලාකරුවාණෙනි ඔබට සුබ ගමන්!!
ReplyDeleteමාතා වෙන දෙයක් තියෙනවා ලංකාවේ හැමෝටම කියන්න මෙහේ Porsche එකේ 8000ක් VW එකේ35000ක් Merc,BMW වල තව දහස් ගානන් ඉදිරිවසර කීපයේදි රස්සාවෙන් දොට්ට දාන ලයින් එකක් තියෙන්නේ.ජර්මනිය ලොකු ආර්ථික අර්බුදයක් අබියස.හේතුව Tesla සහ චීන E.V. ලංකාවේ හැමෝම එකතු වෙලා ඒ ජර්මන් සමාගම් ගොඩදාලා දෙමු.