ටැක්සි ජිනේ, මොරිස් මයිනර් සමඟ රොකට් රෝහිණි - Taxi Drivers, Morris Minor with Rocket Rohini

ටිකිරි වාගේ ටට්ට කළු දත් බොල්ලෑවක්ද සහිත හාමිනේ කෙන්ක්ට වඩා ඒ කාළේ උන්න සෝනියා දිසා වගේ කෑල්ලක් හාමිනේ ලෙස ගෙදරට කැන්දාගෙන ආවේ කෙසේදැයි යන්න ගමේ ඔක්කෝටම මාරම පුරස්නයක් විය. පියාත් හොඳ හැන්ඩියා නිසා ඒකේ අවුලක් නැතත්, අවුරුදු 60 ක් ඉතර එකෙක්, අවුරුදු 30 ක් ඉතර ඉටිකිරිස් කෑල්ලක් ගෙන ඒම, ළිඳ ළඟ සංගමයේ සමාජික සාමාජිකවන්ගේද, කොකිස්වත්තේ මෙන්ම බෝක්කුව වත්තේ ලයන්ස් ක්ලබ් එකේද, දික්වැල්ලේ මුදලාලිගේ කඩේ හා ආසිරි මුදලාලිගේ කඩේ පාරිභෝකික ජනතාව අතරත්, විජෙසිරි අයියාගේ හොර තැබෑරුමේත්, සුනන්දයාගේ කසියා පොලේත්, අයිරින් නැන්දාගේ ගංජා පොට් එකෙත් ප්‍රධානම මතෘකාවය බවට පත් උනේය. 

සම හරක් කතා උනේ ටිකිරි ගිහින් සුමානයක්කත් යන්න කලියෙන් රෝහිණි ගෙදරට ආවේ, ගමේ උපාසකයා වගේ උන්නාට පියාත් හොඳ වැඩ කාරයෙක් වෙන්නැතිය කියලාය. ඇත්තම කියනවා නම් පියාගේ වැරදි දෙයකට තිබුනේ, මාළු බයිසිකළේ ගෙදර පාක් කරපු ගමන්, සුනන්දයාගෙ පොට් එකට ගොස් කන පාත්වෙන්න ගහනා එක ඉතරය. ගමේ මාළු විකුණනා උන් තුන් දෙනෙක් විතර උන්නද, අනෙක් උන් දෙන්නාට වඩා,  පොඩි රෙස්පෙට්ටෙක්කක් පියාට තිබුනේ, පොර අනෙක් උන් දෙන්නා මෙන් නොව, ප්‍රධාන පාර අයිනේ පර්චස් 20ක් පමණ ඉඩමක, උළු හෙවිලි කල තරමක් විශාල නිවෙසක හිමි කරුවෙකු මෙන්ම, හොන්දට අඳින පළදින එකෙක් උන නිසාය. අනෙක් උන් දෙදෙනාම උන්නේ ඒ කාලේ මුඩුක්කු ලෙඩ හැඳින්වූ වතු ව්ල පිහිටි ඉතා කුඩා නිවාසවලය.

කෙසේ හෝ රෝහිණි ආවයින් පස්සේ ඒ ගෙදර ඉතරක් නොව, පැත්ත පලාතම වෙනස් උනේ බලාගෙන ඉඳිද්දීය. පියාගේ මාළු වෙළඳාම නැවතුනේය. වෙනදා මහ රෑ කුණු වෙන්න ගහලා ඉස්තෝප්පුවේ දපපු එකා නිදා ගත්තේ ගේ ඇතුලේය. මේ සියල්ලම ගමේ උන් බුකියටත් වඩා කලින් දැන ගත්තේ, පියාගේ ගෙදරට එහා ගෙදර කුළියට උන් රෝයිටර් පුවත් ගෙන ආ ටැක්සි  ජිනේගෙන්ය. ටැක්සි ජිනේගේ හාමිනා වැ කළේ ඒ ඇෆ් පී ප්‍රවෘත්ති සේවයේය. හිටපු පොඩි උන් දෙදෙනාද ආරේ ගුණ නෑරමින්, දෙමව්පියන්ගේ රැකියාව ඉතා හොඳින් ප්‍රගුණ කරමින්, ප්‍රාදේශීය මාධ්‍යකරනයේ යෙදුනද, සමහරක් උන්ගේ මාධ්‍යකරනයට බාධා කළේ, "පල හුත්තිගේ කොල්ලො දෙන්නා...., මෙතන ඕප දූප හොයන්න එනවා..... වැඩි හිටි උන් අස්සේ රිංගාගෙන..." කියාය. සඟිස්කෘත භාෂාව ඉතා හොඳින් ප්‍රගුණ කර සිටී පොඩි උන් දෙදෙනාද ඒ සඳහා යහපත් ප්‍රතිචාර දක්වමින් කියා සිටියේ, "අනේ පල කැලියෝ යන්න.... තොපිම නේ අපේ ගෙදර ඇවිත් තාත්තා එක්ක ඔපේ ගහලා යන්නේ...." කියලාය.

ටැක්සි ජිනයා එලෙව්වේ මොරිස් මයිනර් ටැස්සියක්ය. ඒ කාළේ තිරි වීලර් තිබ්බේ නැතිය. ජපන් කාර් තිබුනේත් නැතිය. තිබුනේ ඉන්ගිරිස් වාහනය. අදටත් මේ මොරිස් මයිනර් වාහනවලට කැමති උන් බෝහෝය. පුස්සගන් එකට වාගේම, මොරිස් මයිනර් එකටත් ලව් කරනා උන් බොහෝය. ටැක්සි වලට දිව්ව මොරිස් මයිනර් ඔක්කෝම වල තිබුනේ එකම කලර් කෝඩ් එකක්ය. වහල හා වීදුරු අතරේ බාර් සියල්ල කහ පාට උන අතර, අනෙක් ඔක්කෝම කළු පාටින් වීය. ඩැයිවර්ගේ පැත්තේ එලියෙන් මීටරයක් හයි කරලා තිබුනාතර, හයර් එකක් ඉස්ටාට් කොරනා ඩැයිවර් කලේ, ජනේලෙන් එලියට අත දාලා මීටරේ කඩනා එකය.  කොටුව , ගාල්ල, අනුරාජපුර ඉට්ටේසන් ඉස්සරහා, ඕවා කහ කුරුල්ලෝ වාගේ උන්නාතර, මාතර හා ගාල්ලේ මයිනර් වලට අමතරව බක්කි කරත්තත් තිබුනේය. ගාල්ලේ ටවුමේ බස් ඉස්ටෑන්ඩ් එක ඉස්සරහා බෝ ගහ යට තිබුන බක්කියෙන් අම්මලාගේ මහ ගෙදර වූ ද්ංගෙදරට යන්න ගත්තේ රුපියලද කොහේදෝය.

මාතලන් පොඩි කාළයේ කෝච්චියෙන් ගාල්ලේ යන්න පුදුම ආසාවක් තිබුනේය. ඒ මුහුද බලාගෙන යන්න පුළුවන් නිසාය. ගෝල්පේස් මුහුදට වඩා කෝච්චියේ යන කොට පේන මුහුද බොහෝ සුන්දරය. ඒ කාළේ වැල්ලේ දේවාලේ (Unawatuna Beach) සුද්දෝ උන්නේ නැති අතර, හිටියේ අපි වාගේ ගමේ වැද්දෝ විතරය. තාත්තාට එසේ උනවටුනේ යන්න උනේ, කෝච්චියේ ගමන රෑ දාගත්තාම මූද බලන්න වෙන්නේ නැති හන්දාය. ඒ කාලේ අද මෙන් නොව, ගාල්ල නඟරය මහ රෑටත් ජනයාගෙන් පිරී ඉතිරි තිබුනේය.

සමහර විට රටේ අනෙක් නගරත් තිබෙන්නට ඇත්තේ එහෙමය. මොකෝ හෝල් වල රෑ 9:30 යේ සෝ එක අනෙක් සෝ වලට වඩා නැගලාම ගිය නිසාය. මිනිස්සු සෝ බැලුවේ රෑටය. ඒ නිසා බස් රථ මෙන්ම ටැක්සිද මහ රෑටත් තිබුනේය. මේ සියල්ල නැති උනේ 83 භීෂනයත් එක්කය. ඒ සාපය අවුරුදු 30 ස් ගනනක්ම වින්ද කාළාන්නින්ට, ප්‍රභාකරන් කිවාක් මෙන් සියල්ල අමතක වී, අද තවත් ගුස්තියක් අල්ලා තිබෙනවා දැක්කාම තනි ඇහැට ඇඬෙනවාය. මේක කවදාවත හැදෙනා රටක් නෙමය. එක්කෝ වහ බී මිය යා යුතුය. නැතිනම් වෙනත් රටකට පැන යා යුතුය.

ටැක්සි ජිනේ දිව්වේ කොටුව ඉට්ටේසම ඉස්සරහාය. අද ඕල්කෝට් මාවත හෙවත් ඒ කාළේ නොරිස් රෝඩ් එකේ කඩේක උන් අපේ තාත්තා ජිනේගේ හොඳ යාලුවෙක් විය. සැම්සන් මහත්තයා රට තොට පුවත් ගෙදරට ගෙන ආවේ ජිනයා හරහාය. ඒත් ඒ පුවත් දුන්නේ සංස්කරණයට ලක් කොට ඉතා කෙටියෙන්ය. මේ නිව්ස් වලින් සෑහිමකට පත් නොවනා අම්මා හා ආච්චි කොලේ, ගෙදර උන් ඇලිස් හෝ මැනිකා දික්වැල්ලේ කඩේ මුදලාලිගෙන බඩු ගෙන එන්නට යැවීමය.

නොම්මර එකේ කුකුලෙක් වූ දික්වැල්ලේ මුදලාලි ගමේ බවලත් උදවියගෙ ෆේවරිට් එකක් වෙලා තිබුනේ මක්කා හෝ සුළු දෙයක් නොමිළේ ලැබෙනා නිසාමය. ඒ ඇර කඩේ ප්‍රවෘත්ති බෙදා හැරීමෙ ප්‍රධානම මජ්ජස්තානයක් වෙලා තිබුන නිසාය. ජිනයා අපේ ගෙදර කිසි දිනෙක පැමිණ නැතත්, සැම්සන් මහත්තයා ජිනයාගේ ගෙදරට ගොඩ උනේ, හදිසියකට බෝතලයක් ගෙන්න ගන්නට ඕනා උනොත්ය. ජිනයා කළේ විජේසිරි අයියාගේ හොර පොලෙන්, පොල් ගහ යට කෝටියා උන්න බෝතලයක් අරගෙන සැම්සන් මහත්තයාට දෙන එකය.

පියාගෙ කලින් හාමිනේ ටිකිරි සමඟද ඇයි හොඳයියක් තිබී, පසුව හාමිනාගේ අතටම අසු වීමේ හේතුවෙන් නිවාස අඩස්සියට පත්ව, ජිනයාගේ නිසාචර ජීවිතයට තිත තැබී තිබුනද, තහනම් මැද්දේ සිරිසේන ෆේස්බුක් එනවා මෙන්, ජිනයා මහ රෑ නයිට් ඩියුඩි ගියේ, රස්සාවට පින් සිද්ද වෙන්නටය. ජිනයා කලේ ගෙදරට ටිකක් දුරින් ටැක්සිය නවතා, තමන්ගේ රාජකාරි නිසි ලෙස ඉටු කොට, ඉන් පසු ටැක්සිය ගේ ළඟ පාක් කිරීමය. 

මන්ද අද මෙන්ම එදාත්, 10 න් පසු ඩබල් එකට කඩන්නේ කියා ඇම් ඇස් ප්‍රනාන්දු කියලා තිබුන නිසාය. අදටත් ත්‍රී වීල් වල යන සුද්දෝ වගේම, ජිනයලාගේ ටැස්සි වල යන සුද්දෝ, එදාත් උන්නේය. මාතලන්ගේ ෆේවරිට්ම සින්දුවක් වන "ඇම් ඇස් ගේ, මම ටැක්සි කාරයා... ගීතයේ තිබෙන්නේ ඒ වාගේ උන්ගේ කතාවක්ය..".